| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. маалугяабуд̇д̇асуд̇д̇аван̣н̣анаа
2. Mālukyaputtasuttavaṇṇanā
95. абасаад̣̇зд̇ийд̇и д̇аж̇ж̇зд̇и. уссаад̣̇зд̇ийд̇и уггам̣сзд̇и. аяам̣ гира т̇зро маалугяабуд̇д̇о. бамаж̇ж̇ид̇ваад̇и яонисоманасигаарасса анануяуж̇ж̇анзна бамаж̇ж̇ид̇ваа.
95.Apasādetīti tajjeti. Ussādetīti ukkaṃseti. Ayaṃ kira thero mālukyaputto. Pamajjitvāti yonisomanasikārassa ananuyujjanena pamajjitvā.
яад̇раад̇и бажжад̇д̇ам̣ важанаалан̇гаарз. наамаад̇и асамбхааванз абасаад̣̇анабагкз, уссаад̣̇анабагкз бана самбхааванз. гим̣ ж̇аад̇анд̇и гим̣ д̇зна махаллагабхаавзна ж̇аад̇анд̇и махаллагабхаавам̣ д̇ин̣ааяаби аман̃н̃амаано вад̣̇ад̇и. д̇знааха ‘‘яад̣̇и…бз… ануг̇г̇ан̣ханд̇о’’д̇и. ануг̇г̇ан̣ханд̇од̇и ажинд̇знд̇о. маад̣̇исаанам̣ бхаг̇авад̇о оваад̣̇о убагаарааваход̇и зд̇арахи оваад̣̇ан̃жа басам̣санд̇о.
Yatrāti paccattaṃ vacanālaṅkāre. Nāmāti asambhāvane apasādanapakkhe, ussādanapakkhe pana sambhāvane. Kiṃ jātanti kiṃ tena mahallakabhāvena jātanti mahallakabhāvaṃ tiṇāyapi amaññamāno vadati. Tenāha ‘‘yadi…pe… anuggaṇhanto’’ti. Anuggaṇhantoti acintento. Mādisānaṃ bhagavato ovādo upakārāvahoti etarahi ovādañca pasaṃsanto.
‘‘ад̣̇идтаа ад̣̇идтабуб̣б̣аа’’д̇иаад̣̇инаа баригаббавасзна вуд̇д̇анид̣̇ассанам̣ ‘‘яат̇аа зд̇зсу чанд̣̇аад̣̇аяо на хонд̇и, звамид̇арзсуби барин̃н̃аад̇зсуу’’д̇и наяабадибаж̇ж̇анад̇т̇ам̣, д̇зсамби имзхи самаанзд̇аб̣б̣ад̇д̇аа. д̇зна вуд̇д̇ам̣ ‘‘субинагуубамаа гаамаа’’д̇и (ма. ни. 1.234; 2.46; баажи. 417; жуул̣ава. 65).
‘‘Adiṭṭhā adiṭṭhapubbā’’tiādinā parikappavasena vuttanidassanaṃ ‘‘yathā etesu chandādayo na honti, evamitaresupi pariññātesū’’ti nayapaṭipajjanatthaṃ, tesampi imehi samānetabbattā. Tena vuttaṃ ‘‘supinakūpamā kāmā’’ti (ma. ni. 1.234; 2.46; pāci. 417; cūḷava. 65).
жагкувин̃н̃аан̣зна д̣̇идтз д̣̇идтамад̇д̇анд̇и жагкувин̃н̃аан̣асса руубааяад̇анам̣ яад̇д̇аго г̇ахан̣аагааро, д̇ад̇д̇агам̣. гид̇д̇агам̣ бамаан̣анд̇и ад̇д̇асам̣взд̣̇ияам̣ барасса на д̣̇исид̇аб̣б̣ам̣, габбанаамад̇д̇ам̣ руубам̣. д̇знааха ‘‘жагкувин̃н̃аан̣ам̣ хий’’д̇иаад̣̇и. руубзд̇и руубааяад̇анз. руубамад̇д̇амзваад̇и нийлаад̣̇ибхзд̣̇ам̣ руубааяад̇анамад̇д̇ам̣, на нийлаад̣̇и. висзсанивад̇д̇анад̇т̇о хи аяам̣ мад̇д̇а-сад̣̇д̣̇о. яад̣̇и звам̣, зва-гааро гимад̇т̇ияо? жагкувин̃н̃аан̣ан̃хи руубааяад̇анз лаб̣бхамаанамби нийлаад̣̇ивисзсам̣ ‘‘ид̣̇ам̣ нийлам̣ наама, ид̣̇ам̣ бийд̇ам̣ наамаа’’д̇и на г̇ан̣хаад̇и. гуд̇о нижжаанижжаад̣̇исабхаавад̇т̇анд̇и сам̣хид̇ассаби нивад̇д̇анад̇т̇ам̣ звагаараг̇г̇ахан̣ам̣. д̇знааха ‘‘на нижжаад̣̇исабхаава’’нд̇и. сзсавин̃н̃аан̣зхибийд̇и ж̇аванавин̃н̃аан̣зхиби.
Cakkhuviññāṇena diṭṭhe diṭṭhamattanti cakkhuviññāṇassa rūpāyatanaṃ yattako gahaṇākāro, tattakaṃ. Kittakaṃ pamāṇanti attasaṃvediyaṃ parassa na disitabbaṃ, kappanāmattaṃ rūpaṃ. Tenāha ‘‘cakkhuviññāṇaṃ hī’’tiādi. Rūpeti rūpāyatane. Rūpamattamevāti nīlādibhedaṃ rūpāyatanamattaṃ, na nīlādi. Visesanivattanattho hi ayaṃ matta-saddo. Yadi evaṃ, eva-kāro kimatthiyo? Cakkhuviññāṇañhi rūpāyatane labbhamānampi nīlādivisesaṃ ‘‘idaṃ nīlaṃ nāma, idaṃ pītaṃ nāmā’’ti na gaṇhāti. Kuto niccāniccādisabhāvatthanti saṃhitassapi nivattanatthaṃ evakāraggahaṇaṃ. Tenāha ‘‘na niccādisabhāva’’nti. Sesaviññāṇehipīti javanaviññāṇehipi.
д̣̇идтам̣ наама жагкувин̃н̃аан̣ам̣ руубааяад̇анасса д̣̇ассананд̇и гад̇ваа. д̇знааха ‘‘руубз руубавиж̇аанана’’нд̇и. жагкувин̃н̃аан̣амад̇д̇амзваад̇и яад̇д̇агам̣ жагкувин̃н̃аан̣ам̣ руубааяад̇анз г̇ахан̣амад̇д̇ам̣, д̇ам̣мад̇д̇амзва мз саб̣б̣ам̣ жид̇д̇ам̣ бхависсад̇ийд̇и ад̇т̇о. ‘‘рааг̇аад̣̇ирахзнаа’’д̇и ваа баато. д̣̇идтам̣ наама бад̣̇ад̇т̇ад̇о жагкувин̃н̃аан̣зна д̣̇идтам̣ руубам̣. д̇ад̇т̇зваад̇и жагкувин̃н̃аан̣зна д̣̇идтамад̇д̇з руубз. жид̇д̇ад̇д̇аяам̣ д̣̇идтамад̇д̇ам̣ наама жагкувин̃н̃аан̣ам̣ вияа рааг̇аад̣̇ивирахзна бавад̇д̇анад̇о. д̇знааха ‘‘яат̇аа д̇а’’нд̇и аад̣̇и.
Diṭṭhaṃ nāma cakkhuviññāṇaṃ rūpāyatanassa dassananti katvā. Tenāha ‘‘rūpe rūpavijānana’’nti. Cakkhuviññāṇamattamevāti yattakaṃ cakkhuviññāṇaṃ rūpāyatane gahaṇamattaṃ, taṃmattameva me sabbaṃ cittaṃ bhavissatīti attho. ‘‘Rāgādirahenā’’ti vā pāṭho. Diṭṭhaṃ nāma padatthato cakkhuviññāṇena diṭṭhaṃ rūpaṃ. Tatthevāti cakkhuviññāṇena diṭṭhamatte rūpe. Cittattayaṃ diṭṭhamattaṃ nāma cakkhuviññāṇaṃ viya rāgādivirahena pavattanato. Tenāha ‘‘yathā ta’’nti ādi.
манод̣̇ваарааваж̇ж̇анзна вин̃н̃аад̇аарамман̣ам̣ вин̃н̃аад̇анд̇и ад̇хиббзд̇ам̣ рааг̇аад̣̇ивирахзна вин̃н̃зяяад̇о. д̇знааха ‘‘яат̇аа ааваж̇ж̇анзнаа’’д̇иаад̣̇и.
Manodvārāvajjanenaviññātārammaṇaṃ viññātanti adhippetaṃ rāgādivirahena viññeyyato. Tenāha ‘‘yathā āvajjanenā’’tiādi.
д̇ад̣̇аад̇и д̇асмим̣ гаалз, на д̇ад̇о бадтааяаад̇и аяамзд̇т̇а ад̇т̇од̇и д̣̇ассзд̇и. ‘‘д̣̇идтамад̇д̇а’’нд̇иаад̣̇инаа язсам̣ рааг̇аад̣̇ийнам̣ нивад̇д̇анам̣ ад̇хиббзд̇ам̣, д̇з ‘‘д̇знаа’’д̇и зд̇т̇а д̇а-сад̣̇д̣̇зна бажжаамасийяанд̇ийд̇и ‘‘д̇зна рааг̇зна ваа рад̇д̇о’’д̇иаад̣̇и вуд̇д̇ам̣. д̇ад̇т̇аад̇и висаяз бхуммам̣, висаяабхааво жа висаяинаа самб̣анд̇хавасзна ижчид̇аб̣б̣од̇и вуд̇д̇ам̣ ‘‘бадиб̣ад̣̇д̇хо’’д̇иаад̣̇и.
Tadāti tasmiṃ kāle, na tato paṭṭhāyāti ayamettha atthoti dasseti. ‘‘Diṭṭhamatta’’ntiādinā yesaṃ rāgādīnaṃ nivattanaṃ adhippetaṃ, te ‘‘tenā’’ti ettha ta-saddena paccāmasīyantīti ‘‘tena rāgena vā ratto’’tiādi vuttaṃ. Tatthāti visaye bhummaṃ, visayabhāvo ca visayinā sambandhavasena icchitabboti vuttaṃ ‘‘paṭibaddho’’tiādi.
сад̇ийд̇и руубасса яат̇аасабхаавасаллагкан̣аа сад̇и мудтаа бияанимид̇д̇аманасигаарзна ануббаж̇ж̇анад̇о на д̣̇иссад̇и наббавад̇д̇ад̇и. аж̇жхосаад̇и аж̇жхосааяа. г̇илид̇ваа баринидтабзд̇ваа ад̇д̇анияагаран̣зна.
Satīti rūpassa yathāsabhāvasallakkhaṇā sati muṭṭhā piyanimittamanasikārena anuppajjanato na dissati nappavattati. Ajjhosāti ajjhosāya. Gilitvā pariniṭṭhapetvā attaniyakaraṇena.
абхиж̇жхаа жа вихзсаа жаад̇и гаран̣ад̇т̇з бажжад̇д̇аважананд̇и ааха – ‘‘абхиж̇жхааяа жа вихзсааяа жаа’’д̇и. ад̇т̇авасзна вибхад̇д̇ибарин̣аамод̇и ааха – ‘‘абхиж̇жхаавихзсаахий’’д̇и. аажинанд̇ассаад̇и вад̣дхзнд̇асса. бадиссад̇од̇и бад̇иссад̇о саб̣б̣ад̇т̇а сад̇ияаа яуд̇д̇о. сзвад̇о жаабийд̇и зд̇т̇а жа-сад̣̇д̣̇о аби-сад̣̇д̣̇о жа нибаад̇амад̇д̇анд̇и ‘‘сзванд̇асса’’ижжзва ад̇т̇о вуд̇д̇о.
Abhijjhā ca vihesā cāti karaṇatthe paccattavacananti āha – ‘‘abhijjhāya ca vihesāya cā’’ti. Atthavasena vibhattipariṇāmoti āha – ‘‘abhijjhāvihesāhī’’ti. Ācinantassāti vaḍḍhentassa. Paṭissatoti patissato sabbattha satiyā yutto. Sevato cāpīti ettha ca-saddo api-saddo ca nipātamattanti ‘‘sevantassa’’icceva attho vutto.
маалугяабуд̇д̇асуд̇д̇аван̣н̣анаа нидтид̇аа.
Mālukyaputtasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. маалугяабуд̇д̇асуд̇д̇ам̣ • 2. Mālukyaputtasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. маалугяабуд̇д̇асуд̇д̇аван̣н̣анаа • 2. Mālukyaputtasuttavaṇṇanā
