| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
4. මාලුක්‍යපුත්‌තසුත්‌තවණ්‌ණනා
4. Mālukyaputtasuttavaṇṇanā
257. චතුත්‌ථෙ මාලුක්‍යපුත්‌තොති මාලුක්‍යබ්‍රාහ්‌මණියා පුත්‌තො. එත්‌ථාති එතස්‌මිං තව ඔවාදයාචනෙ. ඉමිනා ථෙරං අපසාදෙතිපි උස්‌සාදෙතිපි. කථං? අයං කිර දහරකාලෙ පච්‌චයෙසු ලග්‌ගො හුත්‌වා පච්‌ඡා මහල්‌ලකකාලෙ අරඤ්‌ඤවාසං පත්‌ථෙන්‌තො කම්‌මට්‌ඨානං යාචති. අථ භගවා ‘‘එත්‌ථ දහරෙ කිං වක්‌ඛාම, මාලුක්‍යපුත්‌තො විය තුම්‌හෙපි තරුණකාලෙ පච්‌චයෙසු ලග්‌ගිත්‌වා මහල්‌ලකකාලෙ අරඤ්‌ඤං පවිසිත්‌වා සමණධම්‌මං කරෙය්‍යාථා’’ති ඉමිනා අධිප්‌පායෙන භණන්‌තො ථෙරං අපසාදෙති නාම. යස්‌මා පන ථෙරො මහල්‌ලකකාලෙව අරඤ්‌ඤං පවිසිත්‌වා සමණධම්‌මං කාතුකාමො, තස්‌මා භගවා ‘‘එත්‌ථ දහරෙ කිං වක්‌ඛාම, අයං අම්‌හාකං මාලුක්‍යපුත්‌තො මහල්‌ලකකාලෙපි අරඤ්‌ඤං පවිසිත්‌වා සමණධම්‌මං කාතුකාමො කම්‌මට්‌ඨානං යාචති. තුම්‌හෙ තාව තරුණකාලෙපි වීරියං න කරොථා’’ති ඉමිනා අධිප්‌පායෙන භණන්‌තො ථෙරං උස්‌සාදෙති නාමාති යොජනා.
257. Catutthe mālukyaputtoti mālukyabrāhmaṇiyā putto. Etthāti etasmiṃ tava ovādayācane. Iminā theraṃ apasādetipi ussādetipi. Kathaṃ? Ayaṃ kira daharakāle paccayesu laggo hutvā pacchā mahallakakāle araññavāsaṃ patthento kammaṭṭhānaṃ yācati. Atha bhagavā ‘‘ettha dahare kiṃ vakkhāma, mālukyaputto viya tumhepi taruṇakāle paccayesu laggitvā mahallakakāle araññaṃ pavisitvā samaṇadhammaṃ kareyyāthā’’ti iminā adhippāyena bhaṇanto theraṃ apasādeti nāma. Yasmā pana thero mahallakakāleva araññaṃ pavisitvā samaṇadhammaṃ kātukāmo, tasmā bhagavā ‘‘ettha dahare kiṃ vakkhāma, ayaṃ amhākaṃ mālukyaputto mahallakakālepi araññaṃ pavisitvā samaṇadhammaṃ kātukāmo kammaṭṭhānaṃ yācati. Tumhe tāva taruṇakālepi vīriyaṃ na karothā’’ti iminā adhippāyena bhaṇanto theraṃ ussādeti nāmāti yojanā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. මාලුක්‍යපුත්‌තසුත්‌තං • 4. Mālukyaputtasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 4-10. මාලුක්‍යපුත්‌තසුත්‌තාදිවණ්‌ණනා • 4-10. Mālukyaputtasuttādivaṇṇanā
