| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༤. མཱལུཀྱཔུཏྟསུཏྟཝཎྞནཱ
4. Mālukyaputtasuttavaṇṇanā
༢༥༧. ཙཏུཏྠེ མཱལུཀྱཔུཏྟོཏི མཱལུཀྱབྲཱཧྨཎིཡཱ པུཏྟོ། ཨེཏྠཱཏི ཨེཏསྨིཾ ཏཝ ཨོཝཱདཡཱཙནེ། ཨིམིནཱ ཐེརཾ ཨཔསཱདེཏིཔི ཨུསྶཱདེཏིཔི། ཀཐཾ? ཨཡཾ ཀིར དཧརཀཱལེ པཙྩཡེསུ ལགྒོ ཧུཏྭཱ པཙྪཱ མཧལླཀཀཱལེ ཨརཉྙཝཱསཾ པཏྠེནྟོ ཀམྨཊྛཱནཾ ཡཱཙཏི། ཨཐ བྷགཝཱ ‘‘ཨེཏྠ དཧརེ ཀིཾ ཝཀྑཱམ, མཱལུཀྱཔུཏྟོ ཝིཡ ཏུམྷེཔི ཏརུཎཀཱལེ པཙྩཡེསུ ལགྒིཏྭཱ མཧལླཀཀཱལེ ཨརཉྙཾ པཝིསིཏྭཱ སམཎདྷམྨཾ ཀརེཡྻཱཐཱ’’ཏི ཨིམིནཱ ཨདྷིཔྤཱཡེན བྷཎནྟོ ཐེརཾ ཨཔསཱདེཏི ནཱམ། ཡསྨཱ པན ཐེརོ མཧལླཀཀཱལེཝ ཨརཉྙཾ པཝིསིཏྭཱ སམཎདྷམྨཾ ཀཱཏུཀཱམོ, ཏསྨཱ བྷགཝཱ ‘‘ཨེཏྠ དཧརེ ཀིཾ ཝཀྑཱམ, ཨཡཾ ཨམྷཱཀཾ མཱལུཀྱཔུཏྟོ མཧལླཀཀཱལེཔི ཨརཉྙཾ པཝིསིཏྭཱ སམཎདྷམྨཾ ཀཱཏུཀཱམོ ཀམྨཊྛཱནཾ ཡཱཙཏི། ཏུམྷེ ཏཱཝ ཏརུཎཀཱལེཔི ཝཱིརིཡཾ ན ཀརོཐཱ’’ཏི ཨིམིནཱ ཨདྷིཔྤཱཡེན བྷཎནྟོ ཐེརཾ ཨུསྶཱདེཏི ནཱམཱཏི ཡོཛནཱ།
257. Catutthe mālukyaputtoti mālukyabrāhmaṇiyā putto. Etthāti etasmiṃ tava ovādayācane. Iminā theraṃ apasādetipi ussādetipi. Kathaṃ? Ayaṃ kira daharakāle paccayesu laggo hutvā pacchā mahallakakāle araññavāsaṃ patthento kammaṭṭhānaṃ yācati. Atha bhagavā ‘‘ettha dahare kiṃ vakkhāma, mālukyaputto viya tumhepi taruṇakāle paccayesu laggitvā mahallakakāle araññaṃ pavisitvā samaṇadhammaṃ kareyyāthā’’ti iminā adhippāyena bhaṇanto theraṃ apasādeti nāma. Yasmā pana thero mahallakakāleva araññaṃ pavisitvā samaṇadhammaṃ kātukāmo, tasmā bhagavā ‘‘ettha dahare kiṃ vakkhāma, ayaṃ amhākaṃ mālukyaputto mahallakakālepi araññaṃ pavisitvā samaṇadhammaṃ kātukāmo kammaṭṭhānaṃ yācati. Tumhe tāva taruṇakālepi vīriyaṃ na karothā’’ti iminā adhippāyena bhaṇanto theraṃ ussādeti nāmāti yojanā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. མཱལུཀྱཔུཏྟསུཏྟཾ • 4. Mālukyaputtasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༡༠. མཱལུཀྱཔུཏྟསུཏྟཱདིཝཎྞནཱ • 4-10. Mālukyaputtasuttādivaṇṇanā
