| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਮਾਲੁਕ੍ਯਪੁਤ੍ਤਸੁਤ੍ਤવਣ੍ਣਨਾ
4. Mālukyaputtasuttavaṇṇanā
੨੫੭. ਚਤੁਤ੍ਥੇ ਮਾਲੁਕ੍ਯਪੁਤ੍ਤੋਤਿ ਮਾਲੁਕ੍ਯਬ੍ਰਾਹ੍ਮਣਿਯਾ ਪੁਤ੍ਤੋ। ਏਤ੍ਥਾਤਿ ਏਤਸ੍ਮਿਂ ਤવ ਓવਾਦਯਾਚਨੇ। ਇਮਿਨਾ ਥੇਰਂ ਅਪਸਾਦੇਤਿਪਿ ਉਸ੍ਸਾਦੇਤਿਪਿ। ਕਥਂ? ਅਯਂ ਕਿਰ ਦਹਰਕਾਲੇ ਪਚ੍ਚਯੇਸੁ ਲਗ੍ਗੋ ਹੁਤ੍વਾ ਪਚ੍ਛਾ ਮਹਲ੍ਲਕਕਾਲੇ ਅਰਞ੍ਞવਾਸਂ ਪਤ੍ਥੇਨ੍ਤੋ ਕਮ੍ਮਟ੍ਠਾਨਂ ਯਾਚਤਿ। ਅਥ ਭਗવਾ ‘‘ਏਤ੍ਥ ਦਹਰੇ ਕਿਂ વਕ੍ਖਾਮ, ਮਾਲੁਕ੍ਯਪੁਤ੍ਤੋ વਿਯ ਤੁਮ੍ਹੇਪਿ ਤਰੁਣਕਾਲੇ ਪਚ੍ਚਯੇਸੁ ਲਗ੍ਗਿਤ੍વਾ ਮਹਲ੍ਲਕਕਾਲੇ ਅਰਞ੍ਞਂ ਪવਿਸਿਤ੍વਾ ਸਮਣਧਮ੍ਮਂ ਕਰੇਯ੍ਯਾਥਾ’’ਤਿ ਇਮਿਨਾ ਅਧਿਪ੍ਪਾਯੇਨ ਭਣਨ੍ਤੋ ਥੇਰਂ ਅਪਸਾਦੇਤਿ ਨਾਮ। ਯਸ੍ਮਾ ਪਨ ਥੇਰੋ ਮਹਲ੍ਲਕਕਾਲੇવ ਅਰਞ੍ਞਂ ਪવਿਸਿਤ੍વਾ ਸਮਣਧਮ੍ਮਂ ਕਾਤੁਕਾਮੋ, ਤਸ੍ਮਾ ਭਗવਾ ‘‘ਏਤ੍ਥ ਦਹਰੇ ਕਿਂ વਕ੍ਖਾਮ, ਅਯਂ ਅਮ੍ਹਾਕਂ ਮਾਲੁਕ੍ਯਪੁਤ੍ਤੋ ਮਹਲ੍ਲਕਕਾਲੇਪਿ ਅਰਞ੍ਞਂ ਪવਿਸਿਤ੍વਾ ਸਮਣਧਮ੍ਮਂ ਕਾਤੁਕਾਮੋ ਕਮ੍ਮਟ੍ਠਾਨਂ ਯਾਚਤਿ। ਤੁਮ੍ਹੇ ਤਾવ ਤਰੁਣਕਾਲੇਪਿ વੀਰਿਯਂ ਨ ਕਰੋਥਾ’’ਤਿ ਇਮਿਨਾ ਅਧਿਪ੍ਪਾਯੇਨ ਭਣਨ੍ਤੋ ਥੇਰਂ ਉਸ੍ਸਾਦੇਤਿ ਨਾਮਾਤਿ ਯੋਜਨਾ।
257. Catutthe mālukyaputtoti mālukyabrāhmaṇiyā putto. Etthāti etasmiṃ tava ovādayācane. Iminā theraṃ apasādetipi ussādetipi. Kathaṃ? Ayaṃ kira daharakāle paccayesu laggo hutvā pacchā mahallakakāle araññavāsaṃ patthento kammaṭṭhānaṃ yācati. Atha bhagavā ‘‘ettha dahare kiṃ vakkhāma, mālukyaputto viya tumhepi taruṇakāle paccayesu laggitvā mahallakakāle araññaṃ pavisitvā samaṇadhammaṃ kareyyāthā’’ti iminā adhippāyena bhaṇanto theraṃ apasādeti nāma. Yasmā pana thero mahallakakāleva araññaṃ pavisitvā samaṇadhammaṃ kātukāmo, tasmā bhagavā ‘‘ettha dahare kiṃ vakkhāma, ayaṃ amhākaṃ mālukyaputto mahallakakālepi araññaṃ pavisitvā samaṇadhammaṃ kātukāmo kammaṭṭhānaṃ yācati. Tumhe tāva taruṇakālepi vīriyaṃ na karothā’’ti iminā adhippāyena bhaṇanto theraṃ ussādeti nāmāti yojanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਮਾਲੁਕ੍ਯਪੁਤ੍ਤਸੁਤ੍ਤਂ • 4. Mālukyaputtasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੧੦. ਮਾਲੁਕ੍ਯਪੁਤ੍ਤਸੁਤ੍ਤਾਦਿવਣ੍ਣਨਾ • 4-10. Mālukyaputtasuttādivaṇṇanā
