| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. маалугяабуд̇д̇ад̇т̇зраг̇аат̇ааван̣н̣анаа
5. Mālukyaputtattheragāthāvaṇṇanā
мануж̇ассаад̇иаад̣̇игаа ааяасмад̇о маалугяабуд̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ госаларан̃н̃о аг̇г̇аасанигасса буд̇д̇о худ̇ваа ниб̣б̣ад̇д̇и. д̇асса маад̇аа маалугяаа наама, д̇ассаа васзна маалугяабуд̇д̇од̇взва бан̃н̃ааяид̇т̇а. со ваяаббад̇д̇о ниссаран̣аж̇жхаасаяад̇ааяа гхарааваасам̣ бахааяа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа вижаранд̇о сад̇т̇у санд̇игз д̇хаммам̣ суд̇ваа саасанз бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о нажирассзва чал̣абхин̃н̃о ахоси. со н̃аад̇ийсу анугамбааяа н̃аад̇игулам̣ аг̇амааси. д̇ам̣ н̃аад̇агаа бан̣ийд̇зна каад̣̇анийязна бхож̇анийязна баривисид̇ваа д̇ханзна балобхзд̇угаамаа маханд̇ам̣ д̇ханараасим̣ бурад̇о убадтабзд̇ваа ‘‘ид̣̇ам̣ д̇ханам̣ д̇ава санд̇агам̣, виб̣бхамид̇ваа иминаа д̇ханзна буд̇д̇ад̣̇аарам̣ бадиж̇аг̇г̇анд̇о бун̃н̃аани гарохий’’д̇и яаажим̣су. т̇зро д̇зсам̣ аж̇жхаасаяам̣ вибаривад̇д̇знд̇о аагаасз тад̇ваа –
Manujassātiādikā āyasmato mālukyaputtattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinitvā imasmiṃ buddhuppāde sāvatthiyaṃ kosalarañño aggāsanikassa putto hutvā nibbatti. Tassa mātā mālukyā nāma, tassā vasena mālukyaputtotveva paññāyittha. So vayappatto nissaraṇajjhāsayatāya gharāvāsaṃ pahāya paribbājakapabbajjaṃ pabbajitvā vicaranto satthu santike dhammaṃ sutvā sāsane paṭiladdhasaddho pabbajitvā vipassanāya kammaṃ karonto nacirasseva chaḷabhiñño ahosi. So ñātīsu anukampāya ñātikulaṃ agamāsi. Taṃ ñātakā paṇītena khādanīyena bhojanīyena parivisitvā dhanena palobhetukāmā mahantaṃ dhanarāsiṃ purato upaṭṭhapetvā ‘‘idaṃ dhanaṃ tava santakaṃ, vibbhamitvā iminā dhanena puttadāraṃ paṭijagganto puññāni karohī’’ti yāciṃsu. Thero tesaṃ ajjhāsayaṃ viparivattento ākāse ṭhatvā –
399.
399.
‘‘мануж̇асса бамад̇д̇ажаарино, д̇ан̣хаа вад̣дхад̇и маалуваа вияа;
‘‘Manujassa pamattacārino, taṇhā vaḍḍhati māluvā viya;
со блавад̇ий хураа хурам̣, паламижчам̣ва ванасми ваанаро.
So plavatī hurā huraṃ, phalamicchaṃva vanasmi vānaro.
400.
400.
‘‘яам̣ зсаа сахад̇з ж̇аммий, д̇ан̣хаа логз висад̇д̇игаа;
‘‘Yaṃ esā sahate jammī, taṇhā loke visattikā;
согаа д̇асса бавад̣дханд̇и, абхивадтам̣ва б̣ийран̣ам̣.
Sokā tassa pavaḍḍhanti, abhivaṭṭhaṃva bīraṇaṃ.
401.
401.
‘‘яо жзд̇ам̣ сахад̇з ж̇аммим̣, д̇ан̣хам̣ логз д̣̇уражжаяам̣;
‘‘Yo cetaṃ sahate jammiṃ, taṇhaṃ loke duraccayaṃ;
согаа д̇амхаа бабад̇анд̇и, уд̣̇аб̣инд̣̇уува богкараа.
Sokā tamhā papatanti, udabindūva pokkharā.
402.
402.
‘‘д̇ам̣ во вад̣̇аами бхад̣̇д̣̇ам̣ во, яааванд̇зд̇т̇а самааг̇ад̇аа;
‘‘Taṃ vo vadāmi bhaddaṃ vo, yāvantettha samāgatā;
д̇ан̣хааяа муулам̣ кан̣ат̇а, усийрад̇т̇ова б̣ийран̣ам̣;
Taṇhāya mūlaṃ khaṇatha, usīratthova bīraṇaṃ;
маа во нал̣ам̣ва сод̇ова, мааро бхан̃ж̇и бунаббунам̣.
Mā vo naḷaṃva sotova, māro bhañji punappunaṃ.
403.
403.
‘‘гарот̇а б̣уд̣̇д̇хаважанам̣, кан̣о во маа убажжаг̇аа;
‘‘Karotha buddhavacanaṃ, khaṇo vo mā upaccagā;
кан̣аад̇ийд̇аа хи сожанд̇и, нираяамхи самаббид̇аа.
Khaṇātītā hi socanti, nirayamhi samappitā.
404.
404.
‘‘бамаад̣̇о раж̇о бамаад̣̇о, бамаад̣̇аанубад̇ид̇о раж̇о;
‘‘Pamādo rajo pamādo, pamādānupatito rajo;
аббамаад̣̇зна виж̇ж̇ааяа, аб̣б̣ахз салламад̇д̇ано’’д̇и. –
Appamādena vijjāya, abbahe sallamattano’’ti. –
имаахи чахи г̇аат̇аахи д̇хаммам̣ д̣̇зсзд̇и.
Imāhi chahi gāthāhi dhammaṃ deseti.
д̇ад̇т̇а мануж̇ассаад̇и сад̇д̇асса. бамад̇д̇ажааринод̇и сад̇ивоссаг̇г̇алагкан̣зна бамаад̣̇зна бамад̇д̇ажаарисса, нзва жхаанам̣, на вибассанаа , на маг̇г̇апалаани вад̣дханд̇и. яат̇аа бана ругкам̣ сам̣сиб̣б̣анд̇ий барияонанд̇ханд̇ий д̇асса винаасааяа маалуваа лад̇аа вад̣дхад̇и, звамасса ча д̣̇ваараани ниссааяа руубаад̣̇ийсу бунаббунам̣ уббаж̇ж̇амаанаа д̇ан̣хаа вад̣дхад̇и. вад̣дхамаанаава яат̇аа маалуваа лад̇аа ад̇д̇ано абассаяабхууд̇ам̣ ругкам̣ аж̇жход̇т̇арид̇ваа баад̇зд̇и, звам̣ д̇ан̣хаавасигам̣ буг̇г̇алам̣ абааяз нибаад̇зд̇и. со блавад̇ийд̇и со д̇ан̣хаавасиго буг̇г̇ало абараабарам̣ бхаваабхавз ублавад̇и д̇хаавад̇и. яат̇аа гим̣? паламижчам̣ва ванасми ваанаро яат̇аа ругкапалам̣ ижчанд̇о ваанаро ванасмим̣ д̇хааванд̇о ругкасса згам̣ саакам̣ г̇ан̣хаад̇и, д̇ам̣ мун̃жид̇ваа ан̃н̃ам̣ г̇ан̣хаад̇и, д̇ам̣ мун̃жид̇ваа ан̃н̃анд̇и ‘‘саакам̣ алабхид̇ваа нисинно’’д̇и вад̇д̇аб̣б̣ад̇ам̣ наабаж̇ж̇ад̇и; звамзва д̇ан̣хаавасиго буг̇г̇ало хураа хурам̣ д̇хааванд̇о ‘‘аарамман̣ам̣ алабхид̇ваа д̇ан̣хааяа аббавад̇д̇им̣ бад̇д̇о’’д̇и вад̇д̇аб̣б̣ад̇ам̣ наабаж̇ж̇ад̇и.
Tattha manujassāti sattassa. Pamattacārinoti sativossaggalakkhaṇena pamādena pamattacārissa, neva jhānaṃ, na vipassanā , na maggaphalāni vaḍḍhanti. Yathā pana rukkhaṃ saṃsibbantī pariyonandhantī tassa vināsāya māluvā latā vaḍḍhati, evamassa cha dvārāni nissāya rūpādīsu punappunaṃ uppajjamānā taṇhā vaḍḍhati. Vaḍḍhamānāva yathā māluvā latā attano apassayabhūtaṃ rukkhaṃ ajjhottharitvā pāteti, evaṃ taṇhāvasikaṃ puggalaṃ apāye nipāteti. So plavatīti so taṇhāvasiko puggalo aparāparaṃ bhavābhave uplavati dhāvati. Yathā kiṃ? Phalamicchaṃva vanasmi vānaro yathā rukkhaphalaṃ icchanto vānaro vanasmiṃ dhāvanto rukkhassa ekaṃ sākhaṃ gaṇhāti, taṃ muñcitvā aññaṃ gaṇhāti, taṃ muñcitvā aññanti ‘‘sākhaṃ alabhitvā nisinno’’ti vattabbataṃ nāpajjati; evameva taṇhāvasiko puggalo hurā huraṃ dhāvanto ‘‘ārammaṇaṃ alabhitvā taṇhāya appavattiṃ patto’’ti vattabbataṃ nāpajjati.
яанд̇и яам̣ буг̇г̇алам̣. зсаа лаамагабхаавзна ж̇аммий висаахаарад̇ааяа висамуулад̇ааяа висапалад̇ааяа висабарибхог̇ад̇ааяа руубаад̣̇ийсу висад̇д̇ад̇ааяа аасад̇д̇ад̇ааяа жа висад̇д̇игаад̇и сан̇кам̣ г̇ад̇аа чад̣̇вааригаа д̇ан̣хаа сахад̇з абхибхавад̇и д̇асса буг̇г̇аласса. яат̇аа наама ванз бунаббунам̣ вассанд̇з д̣̇звз абхивадтам̣ б̣ийран̣ам̣ б̣ийран̣ад̇ин̣ам̣ вад̣дхад̇и, звам̣ ваддамуулагаа согаа абхивад̣дханд̇и вуд̣̇д̇хим̣ аабаж̇ж̇анд̇ийд̇и ад̇т̇о.
Yanti yaṃ puggalaṃ. Esā lāmakabhāvena jammī visāhāratāya visamūlatāya visaphalatāya visaparibhogatāya rūpādīsu visattatāya āsattatāya ca visattikāti saṅkhaṃ gatā chadvārikā taṇhā sahate abhibhavati tassa puggalassa. Yathā nāma vane punappunaṃ vassante deve abhivaṭṭhaṃ bīraṇaṃ bīraṇatiṇaṃ vaḍḍhati, evaṃ vaṭṭamūlakā sokā abhivaḍḍhanti vuddhiṃ āpajjantīti attho.
яо жзд̇ам̣…бз… д̣̇уражжаяанд̇и яо бана буг̇г̇ало звам̣ вуд̇д̇аббагаарам̣ ад̇иггамид̇ум̣ баж̇ахид̇ум̣ д̣̇уггарад̇ааяа д̣̇уражжаяам̣ д̇ан̣хам̣ сахад̇з абхибхавад̇и, д̇амхаа буг̇г̇алаа ваддамуулагаа согаа бабад̇анд̇и. яат̇аа наама богкарз бад̣̇умабад̇д̇з бад̇ид̇ам̣ уд̣̇аб̣инд̣̇у на бад̇идтаад̇и, звам̣ на бад̇идтаханд̇ийд̇и ад̇т̇о.
Yo cetaṃ…pe… duraccayanti yo pana puggalo evaṃ vuttappakāraṃ atikkamituṃ pajahituṃ dukkaratāya duraccayaṃ taṇhaṃ sahate abhibhavati, tamhā puggalā vaṭṭamūlakā sokā papatanti. Yathā nāma pokkhare padumapatte patitaṃ udabindu na patiṭṭhāti, evaṃ na patiṭṭhahantīti attho.
д̇ам̣ во вад̣̇аамийд̇и д̇зна гааран̣зна ахам̣ д̇умхз вад̣̇аами. бхад̣̇д̣̇ам̣ вод̇и бхад̣̇д̣̇ам̣ д̇умхаагам̣ ход̇у, маа д̇ан̣хам̣ анувад̇д̇абуг̇г̇ало вияа вибхавам̣ анад̇т̇ам̣ баабун̣аат̇аад̇и ад̇т̇о. яааванд̇зд̇т̇а самааг̇ад̇аад̇и имасмим̣ таанз яад̇д̇агаа саннибад̇ид̇аа, д̇ад̇д̇агаа. гим̣ вад̣̇асийд̇и жз? д̇ан̣хааяа муулам̣ кан̣ат̇а имиссаа чад̣̇вааригад̇ан̣хааяа муулам̣ гааран̣ам̣ авиж̇ж̇аад̣̇игилзсаг̇г̇аханам̣ арахад̇д̇амаг̇г̇ан̃аан̣агуд̣̇аалзна кан̣ат̇а самужчинд̣̇ат̇а. гим̣ вияаад̇и? усийрад̇т̇ова б̣ийран̣ам̣ яат̇аа усийрзна ад̇т̇иго бурисо маханд̇зна гуд̣̇аалзна б̣ийран̣аабаранаамам̣ усийрам̣ наама д̇ин̣ам̣ кан̣ад̇и, звамасса муулам̣ кан̣ат̇аад̇и ад̇т̇о. маа во нал̣ам̣ва сод̇ова, мааро бхан̃ж̇и бунаббунанд̇и д̇умхз над̣̇ийд̇ийрз ж̇аад̇ам̣ нал̣ам̣ махаавзг̇зна ааг̇ад̇о над̣̇ийсод̇о вияа гилзсамааро мажжумааро д̣̇звабуд̇д̇амааро жа бунаббунам̣ маа бхан̃ж̇ийд̇и ад̇т̇о.
Taṃ vo vadāmīti tena kāraṇena ahaṃ tumhe vadāmi. Bhaddaṃ voti bhaddaṃ tumhākaṃ hotu, mā taṇhaṃ anuvattapuggalo viya vibhavaṃ anatthaṃ pāpuṇāthāti attho. Yāvantettha samāgatāti imasmiṃ ṭhāne yattakā sannipatitā, tattakā. Kiṃ vadasīti ce? Taṇhāya mūlaṃ khaṇatha imissā chadvārikataṇhāya mūlaṃ kāraṇaṃ avijjādikilesaggahanaṃ arahattamaggañāṇakudālena khaṇatha samucchindatha. Kiṃ viyāti? Usīratthova bīraṇaṃ yathā usīrena atthiko puriso mahantena kudālena bīraṇāparanāmaṃ usīraṃ nāma tiṇaṃ khaṇati, evamassa mūlaṃ khaṇathāti attho. Mā vo naḷaṃva sotova, māro bhañji punappunanti tumhe nadītīre jātaṃ naḷaṃ mahāvegena āgato nadīsoto viya kilesamāro maccumāro devaputtamāro ca punappunaṃ mā bhañjīti attho.
д̇асмаа гарот̇а б̣уд̣̇д̇хаважанам̣ ‘‘жхааяат̇а, бхигкавз, маа бамаад̣̇ад̇т̇аа’’д̇иаад̣̇инаа (ма. ни. 1.215) вуд̇д̇ам̣ б̣уд̣̇д̇хасса бхаг̇авад̇о важанам̣ гарот̇а, яат̇аанусидтам̣ бадибад̇д̇ияаа самбаад̣̇зт̇а. кан̣о во маа убажжаг̇аад̇и яо хи б̣уд̣̇д̇хаважанам̣ на гарод̇и, д̇ам̣ буг̇г̇алам̣ аяам̣ б̣уд̣̇д̇хуббаад̣̇агкан̣о бад̇ируубад̣̇зсаваасз уббад̇д̇игкан̣о саммад̣̇идтияаа бадилад̣̇д̇хагкан̣о чаннам̣ ааяад̇анаанам̣ авзгаллагкан̣од̇и саб̣б̣оби кан̣о ад̇иггамад̇и, со кан̣о маа д̇умхз ад̇иггамад̇у. кан̣аад̇ийд̇аад̇и яз хи д̇ам̣ кан̣ам̣ ад̇ийд̇аа, яз ваа буг̇г̇алз со кан̣о ад̇ийд̇о, д̇з нираяамхи самаббид̇аа д̇ад̇т̇а ниб̣б̣ад̇д̇аа жирагаалам̣ сожанд̇и.
Tasmā karotha buddhavacanaṃ ‘‘jhāyatha, bhikkhave, mā pamādatthā’’tiādinā (ma. ni. 1.215) vuttaṃ buddhassa bhagavato vacanaṃ karotha, yathānusiṭṭhaṃ paṭipattiyā sampādetha. Khaṇo vo māupaccagāti yo hi buddhavacanaṃ na karoti, taṃ puggalaṃ ayaṃ buddhuppādakkhaṇo patirūpadesavāse uppattikkhaṇo sammadiṭṭhiyā paṭiladdhakkhaṇo channaṃ āyatanānaṃ avekallakkhaṇoti sabbopi khaṇo atikkamati, so khaṇo mā tumhe atikkamatu. Khaṇātītāti ye hi taṃ khaṇaṃ atītā, ye vā puggale so khaṇo atīto, te nirayamhi samappitā tattha nibbattā cirakālaṃ socanti.
бамаад̣̇о раж̇од̇и руубаад̣̇ийсу аарамман̣зсу сад̇ивоссаг̇г̇алагкан̣о бамаад̣̇о, сам̣гилзсасабхаавад̇д̇аа рааг̇араж̇аад̣̇имиссад̇ааяа жа раж̇о. бамаад̣̇аанубад̇ид̇о раж̇од̇и яо хи гожи раж̇о наама рааг̇аад̣̇иго, со саб̣б̣о бамаад̣̇аанубад̇ид̇о бамаад̣̇авасзнзва уббаж̇ж̇ад̇и. аббамаад̣̇знаад̇и аббамаж̇ж̇анзна аббамаад̣̇абадибад̇д̇ияаа. виж̇ж̇ааяаад̇и аг̇г̇амаг̇г̇авиж̇ж̇ааяа. аб̣б̣ахз салламад̇д̇анод̇и ад̇д̇ано хад̣̇аяаниссид̇ам̣ рааг̇аад̣̇исаллам̣ уд̣̇д̇харзяяа самууханзяяаад̇и.
Pamādo rajoti rūpādīsu ārammaṇesu sativossaggalakkhaṇo pamādo, saṃkilesasabhāvattā rāgarajādimissatāya ca rajo. Pamādānupatito rajoti yo hi koci rajo nāma rāgādiko, so sabbo pamādānupatito pamādavaseneva uppajjati. Appamādenāti appamajjanena appamādapaṭipattiyā. Vijjāyāti aggamaggavijjāya. Abbahe sallamattanoti attano hadayanissitaṃ rāgādisallaṃ uddhareyya samūhaneyyāti.
маалугяабуд̇д̇ад̇т̇зраг̇аат̇ааван̣н̣анаа нидтид̇аа.
Mālukyaputtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. маалугяабуд̇д̇ад̇т̇зраг̇аат̇аа • 5. Mālukyaputtattheragāthā
