| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[17] 7. маалуд̇аж̇аад̇агаван̣н̣анаа
[17] 7. Mālutajātakavaṇṇanā
гаал̣з ваа яад̣̇и ваа ж̇ун̣хзд̇и ид̣̇ам̣ сад̇т̇аа ж̇зд̇аванз вихаранд̇о д̣̇вз вуд̣дхабаб̣б̣аж̇ид̇з аараб̣бха гат̇зси. д̇з гира госалаж̇анабад̣̇з згасмим̣ аран̃н̃ааваасз васанд̇и. зго гаал̣ад̇т̇зро наама, зго ж̇ун̣хад̇т̇зро наама. ат̇згад̣̇ивасам̣ ж̇ун̣хо гаал̣ам̣ бужчи ‘‘бханд̇з гаал̣а, сийд̇ам̣ наама гасмим̣ гаалз ход̇ий’’д̇и. со ‘‘гаал̣з ход̇ий’’д̇и ааха. ат̇згад̣̇ивасам̣ гаал̣о ж̇ун̣хам̣ бужчи – ‘‘бханд̇з ж̇ун̣ха, сийд̇ам̣ наама гасмим̣ гаалз ход̇ий’’д̇и. со ‘‘ж̇ун̣хз ход̇ий’’д̇и ааха. д̇з убхоби ад̇д̇ано ган̇кам̣ чинд̣̇ид̇ум̣ асаггонд̇аа сад̇т̇у санд̇игам̣ г̇анд̇ваа сад̇т̇аарам̣ ванд̣̇ид̇ваа ‘‘бханд̇з, сийд̇ам̣ наама гасмим̣ гаалз ход̇ий’’д̇и бужчим̣су. сад̇т̇аа д̇зсам̣ гат̇ам̣ суд̇ваа ‘‘буб̣б̣зби ахам̣, бхигкавз, д̇умхаагам̣ имам̣ бан̃хам̣ гат̇зсим̣, бхавасан̇кзбаг̇ад̇ад̇д̇аа бана на саллагкаяид̇т̇аа’’д̇и вад̇ваа ад̇ийд̇ам̣ аахари.
Kāḷevā yadi vā juṇheti idaṃ satthā jetavane viharanto dve vuḍḍhapabbajite ārabbha kathesi. Te kira kosalajanapade ekasmiṃ araññāvāse vasanti. Eko kāḷatthero nāma, eko juṇhatthero nāma. Athekadivasaṃ juṇho kāḷaṃ pucchi ‘‘bhante kāḷa, sītaṃ nāma kasmiṃ kāle hotī’’ti. So ‘‘kāḷe hotī’’ti āha. Athekadivasaṃ kāḷo juṇhaṃ pucchi – ‘‘bhante juṇha, sītaṃ nāma kasmiṃ kāle hotī’’ti. So ‘‘juṇhe hotī’’ti āha. Te ubhopi attano kaṅkhaṃ chindituṃ asakkontā satthu santikaṃ gantvā satthāraṃ vanditvā ‘‘bhante, sītaṃ nāma kasmiṃ kāle hotī’’ti pucchiṃsu. Satthā tesaṃ kathaṃ sutvā ‘‘pubbepi ahaṃ, bhikkhave, tumhākaṃ imaṃ pañhaṃ kathesiṃ, bhavasaṅkhepagatattā pana na sallakkhayitthā’’ti vatvā atītaṃ āhari.
ад̇ийд̇з згасмим̣ баб̣б̣ад̇абаад̣̇з сийхо жа б̣яаг̇гхо жа д̣̇вз сахааяаа згиссааязва г̇ухааяа васанд̇и. д̇ад̣̇аа б̣од̇хисад̇д̇оби исибаб̣б̣аж̇ж̇ам̣ баб̣б̣аж̇ид̇ваа д̇асмим̣язва баб̣б̣ад̇абаад̣̇з васад̇и. ат̇згад̣̇ивасам̣ д̇зсам̣ сахааяагаанам̣ сийд̇ам̣ ниссааяа виваад̣̇о уд̣̇абаад̣̇и. б̣яаг̇гхо ‘‘гаал̣зязва сийд̇ам̣ ход̇ий’’д̇и ааха. сийхо ‘‘ж̇ун̣хзязва сийд̇ам̣ ход̇ий’’д̇и ааха. д̇з убхоби ад̇д̇ано ган̇кам̣ чинд̣̇ид̇ум̣ асаггонд̇аа б̣од̇хисад̇д̇ам̣ бужчим̣су. б̣од̇хисад̇д̇о имам̣ г̇аат̇амааха –
Atīte ekasmiṃ pabbatapāde sīho ca byaggho ca dve sahāyā ekissāyeva guhāya vasanti. Tadā bodhisattopi isipabbajjaṃ pabbajitvā tasmiṃyeva pabbatapāde vasati. Athekadivasaṃ tesaṃ sahāyakānaṃ sītaṃ nissāya vivādo udapādi. Byaggho ‘‘kāḷeyeva sītaṃ hotī’’ti āha. Sīho ‘‘juṇheyeva sītaṃ hotī’’ti āha. Te ubhopi attano kaṅkhaṃ chindituṃ asakkontā bodhisattaṃ pucchiṃsu. Bodhisatto imaṃ gāthamāha –
17.
17.
‘‘гаал̣з ваа яад̣̇и ваа ж̇ун̣хз, яад̣̇аа вааяад̇и маалуд̇о;
‘‘Kāḷe vā yadi vā juṇhe, yadā vāyati māluto;
ваад̇аж̇аани хи сийд̇аани, убход̇т̇амабарааж̇ид̇аа’’д̇и.
Vātajāni hi sītāni, ubhotthamaparājitā’’ti.
д̇ад̇т̇а гаал̣з ваа яад̣̇и ваа ж̇ун̣хзд̇и гаал̣абагкз ваа ж̇ун̣хабагкз ваа. яад̣̇аа вааяад̇и маалуд̇од̇и яасмим̣ самаяз бурад̇т̇имаад̣̇ибхзд̣̇о ваад̇о вааяад̇и, д̇асмим̣ самаяз сийд̇ам̣ ход̇и. гим̣гааран̣аа? ваад̇аж̇аани хи сийд̇аани, яасмаа ваад̇з виж̇ж̇анд̇зязва сийд̇аани хонд̇и, гаал̣абагко ваа ж̇ун̣хабагко ваа зд̇т̇а абамаан̣анд̇и вуд̇д̇ам̣ ход̇и. убход̇т̇амабарааж̇ид̇аад̇и убхоби д̇умхз имасмим̣ бан̃хз абарааж̇ид̇аад̇и. звам̣ б̣од̇хисад̇д̇о д̇з сахааяагз сан̃н̃аабзси.
Tattha kāḷe vā yadi vā juṇheti kāḷapakkhe vā juṇhapakkhe vā. Yadā vāyati mālutoti yasmiṃ samaye puratthimādibhedo vāto vāyati, tasmiṃ samaye sītaṃ hoti. Kiṃkāraṇā? Vātajāni hi sītāni, yasmā vāte vijjanteyeva sītāni honti, kāḷapakkho vā juṇhapakkho vā ettha apamāṇanti vuttaṃ hoti. Ubhotthamaparājitāti ubhopi tumhe imasmiṃ pañhe aparājitāti. Evaṃ bodhisatto te sahāyake saññāpesi.
сад̇т̇ааби ‘‘бхигкавз, буб̣б̣зби маяаа д̇умхаагам̣ аяам̣ бан̃хо гат̇ид̇о’’д̇и имам̣ д̇хаммад̣̇зсанам̣ аахарид̇ваа сажжаани багаасзси, сажжабарияосаанз д̣̇взби т̇зраа сод̇аабад̇д̇ипалз бад̇идтахим̣су. сад̇т̇аа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа б̣яаг̇гхо гаал̣о ахоси, сийхо ж̇ун̣хо, бан̃хависсаж̇ж̇анагад̇аабасо бана ахамзва ахоси’’нд̇и.
Satthāpi ‘‘bhikkhave, pubbepi mayā tumhākaṃ ayaṃ pañho kathito’’ti imaṃ dhammadesanaṃ āharitvā saccāni pakāsesi, saccapariyosāne dvepi therā sotāpattiphale patiṭṭhahiṃsu. Satthā anusandhiṃ ghaṭetvā jātakaṃ samodhānesi ‘‘tadā byaggho kāḷo ahosi, sīho juṇho, pañhavissajjanakatāpaso pana ahameva ahosi’’nti.
маалуд̇аж̇аад̇агаван̣н̣анаа сад̇д̇амаа.
Mālutajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 17. маалуд̇аж̇аад̇агам̣ • 17. Mālutajātakaṃ
