| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. маанагаамасуд̇д̇аван̣н̣анаа
9. Mānakāmasuttavaṇṇanā
9. сзяяаад̣̇ибхзд̣̇ам̣ маанам̣ аббахааяа д̇ам̣ баг̇г̇аяха вижаранд̇о гаамзнд̇о наама ход̇ийд̇и ааха ‘‘маанам̣ гаамзнд̇асса ижчанд̇ассаа’’д̇и. д̣̇амад̇и жид̇д̇ам̣ зд̇знаад̇и д̣̇амо, сад̇исамб̣ож̇жхан̇г̇аад̣̇иго самаад̇хибагкиго д̣̇амо. манажчадтаани инд̣̇рияаани д̣̇амзд̇ийд̇и д̣̇амо, инд̣̇рияасам̣варо. гилзсз д̣̇амзд̇и баж̇ахад̇ийд̇и д̣̇амо, бан̃н̃аа. убавасанавасзна гааяагаммаад̣̇им̣ д̣̇амзд̇ийд̇и д̣̇амо, убосат̇агаммам̣. год̇хуубанаахамагкамаанаад̣̇игз д̣̇амзд̇и винзд̇ийд̇и д̣̇амо, ад̇хиваасанаканд̇и. д̇знзваад̇и ‘‘д̣̇амо’’д̇и самаад̇хибагкигад̇хаммаанам̣ зва ад̇хиббзд̇ад̇д̇аа . ‘‘на монам̣ ад̇т̇ий’’д̇и жа баато. асамаахид̇ассаад̇и самаад̇хибадигкзбо ж̇од̇ид̇о.
9. Seyyādibhedaṃ mānaṃ appahāya taṃ paggayha vicaranto kāmento nāma hotīti āha ‘‘mānaṃ kāmentassa icchantassā’’ti. Damati cittaṃ etenāti damo, satisambojjhaṅgādiko samādhipakkhiko damo. Manacchaṭṭhāni indriyāni dametīti damo, indriyasaṃvaro. Kilese dameti pajahatīti damo, paññā. Upavasanavasena kāyakammādiṃ dametīti damo, uposathakammaṃ. Kodhūpanāhamakkhamānādike dameti vinetīti damo, adhivāsanakhanti. Tenevāti ‘‘damo’’ti samādhipakkhikadhammānaṃ eva adhippetattā . ‘‘Na monaṃ atthī’’ti ca pāṭho. Asamāhitassāti samādhipaṭikkhepo jotito.
мажжуд̇хзяяасса баарад̇аран̣асса вужжамаанад̇д̇аа ‘‘монанд̇и жад̇умаг̇г̇ан̃аан̣а’’нд̇и вуд̇д̇ам̣. на хи д̇ад̇о ан̃н̃зна д̇ам̣ самбхавад̇и. ж̇аанаад̇и асаммохабадивзд̇хавасзна бадивиж̇жхад̇ийд̇и ад̇т̇о. мажжу д̇хийяад̇и зд̇т̇аад̇и мажжуд̇хзяяам̣, канд̇хабан̃жагам̣ маран̣ад̇хаммад̇д̇аа. д̇ассзваад̇и мажжуд̇хзяяассзва. баарам̣ барад̇ийрабхууд̇ам̣ ниб̣б̣аанам̣. д̇арзяяаад̇и зд̇т̇а д̇аран̣ам̣ наама арияамаг̇г̇аб̣яаабаарод̇и ааха ‘‘бадивиж̇жхзяяа баабун̣зяяаа’’д̇и. д̇ат̇аа хи вагкад̇и ‘‘бадивзд̇хад̇аран̣ам̣ наама вуд̇д̇а’’нд̇и. ‘‘на д̇арзяяа на бадивиж̇жхзяяа на баабун̣зяяа ваа’’д̇и аяамзд̇т̇а баато яуд̇д̇о. ан̃н̃ат̇аа ‘‘ид̣̇ам̣ вуд̇д̇ам̣ ход̇ий’’д̇иаад̣̇иважанам̣ вируж̇жхзяяа. зго аран̃н̃з вихаранд̇од̇и згаагий худ̇ваа аран̃н̃з вихаранд̇од̇и ад̇т̇о.
Maccudheyyassa pārataraṇassa vuccamānattā ‘‘monanti catumaggañāṇa’’nti vuttaṃ. Na hi tato aññena taṃ sambhavati. Jānāti asammohapaṭivedhavasena paṭivijjhatīti attho. Maccu dhīyati etthāti maccudheyyaṃ, khandhapañcakaṃ maraṇadhammattā. Tassevāti maccudheyyasseva. Pāraṃ paratīrabhūtaṃ nibbānaṃ. Tareyyāti ettha taraṇaṃ nāma ariyamaggabyāpāroti āha ‘‘paṭivijjheyya pāpuṇeyyā’’ti. Tathā hi vakkhati ‘‘paṭivedhataraṇaṃ nāma vutta’’nti. ‘‘Na tareyya na paṭivijjheyya na pāpuṇeyya vā’’ti ayamettha pāṭho yutto. Aññathā ‘‘idaṃ vuttaṃ hotī’’tiādivacanaṃ virujjheyya. Eko araññe viharantoti ekākī hutvā araññe viharantoti attho.
гаамам̣ хздтимамаг̇г̇зхиби згажжасса маанасса бахаанам̣ лаб̣бхад̇и. аг̇г̇амаг̇г̇знзва бана д̇асса анавасзсад̇о бахаананд̇и ааха – ‘‘арахад̇д̇амаг̇г̇зна нававид̇хамаанам̣ баж̇ахид̇ваа’’д̇и. убажаарасамаад̇хибуб̣б̣аго аббанаасамаад̇хийд̇и вуд̇д̇ам̣ ‘‘убажаараббанаасамаад̇хийхий’’д̇и, на убажаарасамаад̇химад̇д̇зна самаад̇химад̇д̇ам̣ санд̇хааяа бажжзгам̣ ваагяабарисамаабанасса аяуж̇ж̇анад̇о. на хи аббанам̣ аббад̇д̇ам̣ логуд̇д̇араж̇жхаанам̣ ад̇т̇и. ‘‘сужзд̇асо’’д̇и жид̇д̇асса н̃аан̣асахид̇ад̇ааяа лагкан̣аважананд̇и ааха ‘‘н̃аан̣асамбаяуд̇д̇ад̇ааяаа’’д̇иаад̣̇и. д̇ат̇аа хи вагкад̇и ‘‘сужзд̇асод̇и зд̇т̇а жид̇д̇зна бан̃н̃аа д̣̇ассид̇аа’’д̇и. ‘‘саб̣б̣ад̇хи виббамуд̇д̇о’’д̇и саб̣б̣зсу бхаваад̣̇ийсу висам̣садтажид̇д̇о саб̣б̣асо канд̇хаад̣̇ийхи висам̣яуд̇д̇о ход̇ийд̇и вуд̇д̇ам̣ ‘‘саб̣б̣зсу канд̇хааяад̇анаад̣̇ийсу виббамуд̇д̇о худ̇ваа’’д̇и. барин̃н̃аабадивзд̇хо сажчигирияабадивзд̇хзна винаа над̇т̇ийд̇и ааха ‘‘д̇збхуумага…бз… вуд̇д̇а’’нд̇и.
Kāmaṃ heṭṭhimamaggehipi ekaccassa mānassa pahānaṃ labbhati. Aggamaggeneva pana tassa anavasesato pahānanti āha – ‘‘arahattamaggena navavidhamānaṃ pajahitvā’’ti. Upacārasamādhipubbako appanāsamādhīti vuttaṃ ‘‘upacārappanāsamādhīhī’’ti, na upacārasamādhimattena samādhimattaṃ sandhāya paccekaṃ vākyaparisamāpanassa ayujjanato. Na hi appanaṃ appattaṃ lokuttarajjhānaṃ atthi. ‘‘Sucetaso’’ti cittassa ñāṇasahitatāya lakkhaṇavacananti āha ‘‘ñāṇasampayuttatāyā’’tiādi. Tathā hi vakkhati ‘‘sucetasoti ettha cittena paññā dassitā’’ti. ‘‘Sabbadhi vippamutto’’ti sabbesu bhavādīsu visaṃsaṭṭhacitto sabbaso khandhādīhi visaṃyutto hotīti vuttaṃ ‘‘sabbesu khandhāyatanādīsu vippamutto hutvā’’ti. Pariññāpaṭivedho sacchikiriyapaṭivedhena vinā natthīti āha ‘‘tebhūmaka…pe… vutta’’nti.
маанам̣ ниссааяа д̣̇ужжарид̇ажаран̣ад̇о маано наамааяам̣ сийлабхзд̣̇ано. д̇асмаад̇и маанасса сийлабадибагкабхаавад̇о. иминаа бадибагкаббахаанагид̇д̇анзна. ад̇хижид̇д̇асигкаа гат̇ид̇аа саруубад̇о зваад̇и ад̇хиббааяо. зд̇т̇а жид̇д̇знаад̇и су-сад̣̇д̣̇зна висзсид̇ажид̇д̇зна. д̇асмаад̇и бан̃н̃ааяа д̣̇ассид̇ад̇д̇аа. иминаад̇и ‘‘сужзд̇асо’’д̇и иминаа бад̣̇зна. ад̇хисийласигкаа ад̇хижид̇д̇асигкаа ад̇хибан̃н̃аасигкаад̇и сийлаад̣̇ийниби висзсзд̇ваа вуд̇д̇аани. самбхавз б̣яабхижаарз жа висзсанависзсид̇аб̣б̣ад̇аад̇и д̇ам̣ д̣̇ассзнд̇о ‘‘ад̇хисийлан̃жа наама сийлз сад̇и ход̇ий’’д̇иаад̣̇им̣ вад̇ваа д̇ад̣̇убхаяам̣ вибхааг̇зна д̣̇ассзд̇ум̣ ‘‘д̇асмаа’’д̇иаад̣̇и вуд̇д̇ам̣. батаманаяо сан̇гаравасзна бавад̇д̇од̇и асан̇гаравасзна д̣̇ассзд̇ум̣ ‘‘абижаа’’д̇иаад̣̇инаа д̣̇уд̇ияанаяо вуд̇д̇о. ‘‘самаабаннаа’’д̇и зд̇т̇ааби ‘‘ниб̣б̣аанам̣ бад̇т̇аяанд̇знаа’’д̇и аанзд̇ваа самб̣анд̇хо. вибассанааяа баад̣̇агабхаавам̣ анубаг̇ад̇ааби д̇ад̣̇ад̇т̇ам̣ ниб̣б̣ад̇д̇анаад̣̇ивасзна самаабаннаад̇и аяамад̇т̇о буриманаяад̇о висзсо. ад̇хибан̃н̃ааяа банзд̇т̇а буриманаяад̇о висзсо над̇т̇ийд̇и саа ануд̣̇д̇хадаа. самод̇хаанзд̇ваад̇и барияааяад̇о саруубад̇о жа сан̇г̇ахзд̇ваа. сагаласаасананд̇и д̇иссаннам̣ гат̇ид̇ад̇д̇аа зва сигкад̇д̇аяасан̇г̇ахам̣ сагаласаасанам̣ гат̇ид̇ам̣ ход̇ийд̇и.
Mānaṃ nissāya duccaritacaraṇato māno nāmāyaṃ sīlabhedano. Tasmāti mānassa sīlapaṭipakkhabhāvato. Iminā paṭipakkhappahānakittanena. Adhicittasikkhā kathitā sarūpato evāti adhippāyo. Ettha cittenāti su-saddena visesitacittena. Tasmāti paññāya dassitattā. Imināti ‘‘sucetaso’’ti iminā padena. Adhisīlasikkhā adhicittasikkhā adhipaññāsikkhāti sīlādīnipi visesetvā vuttāni. Sambhave byabhicāre ca visesanavisesitabbatāti taṃ dassento ‘‘adhisīlañca nāma sīle sati hotī’’tiādiṃ vatvā tadubhayaṃ vibhāgena dassetuṃ ‘‘tasmā’’tiādi vuttaṃ. Paṭhamanayo saṅkaravasena pavattoti asaṅkaravasena dassetuṃ ‘‘apicā’’tiādinā dutiyanayo vutto. ‘‘Samāpannā’’ti etthāpi ‘‘nibbānaṃ patthayantenā’’ti ānetvā sambandho. Vipassanāya pādakabhāvaṃ anupagatāpi tadatthaṃ nibbattanādivasena samāpannāti ayamattho purimanayato viseso. Adhipaññāya panettha purimanayato viseso natthīti sā anuddhaṭā. Samodhānetvāti pariyāyato sarūpato ca saṅgahetvā. Sakalasāsananti tissannaṃ kathitattā eva sikkhattayasaṅgahaṃ sakalasāsanaṃ kathitaṃ hotīti.
маанагаамасуд̇д̇аван̣н̣анаа нидтид̇аа.
Mānakāmasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. маанагаамасуд̇д̇ам̣ • 9. Mānakāmasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. маанагаамасуд̇д̇аван̣н̣анаа • 9. Mānakāmasuttavaṇṇanā
