| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. மனாபதா³யீஸுத்தவண்ணனா
4. Manāpadāyīsuttavaṇṇanā
44. சதுத்தே² உக்³கோ³தி கு³ணேஹி உக்³க³தத்தா ஏவங்லத்³த⁴னாமோ. ஸாலபுப்ப²கங் கா²த³னீயந்தி சதுமது⁴ரயோஜிதேன ஸாலிபிட்டே²ன கதங் ஸாலபுப்ப²ஸதி³ஸங் கா²த³னீயங். தஞ்ஹி பஞ்ஞாயமானவண்டபத்தகேஸரங் கத்வா ஜீரகாதி³ஸம்பா⁴ரயுத்தே ஸப்பிம்ஹி பசித்வா ஸப்பிங் வினிவத்தெத்வா கோலும்பே³ பூரெத்வா க³ந்த⁴வாஸங் கா³ஹாபெத்வா பித³ஹித்வா லஞ்செ²த்வா ட²பிதங் ஹோதி. தங் ஸோ யாகு³ங் பிவித்வா நிஸின்னஸ்ஸ ப⁴க³வதோ அந்தரப⁴த்தே தா³துகாமோ ஏவமாஹ. படிக்³க³ஹேஸி ப⁴க³வாதி தே³ஸனாமத்தமேதங், உபாஸகோ பன தங் ப⁴க³வதோ ச பஞ்சன்னஞ்ச பி⁴க்கு²ஸதானங் அதா³ஸி. யதா² ச தங், ஏவங் ஸூகரமங்ஸாதீ³னிபி. தத்த² ஸம்பன்னகோலகந்தி ஸம்பன்னப³த³ரங். ஸூகரமங்ஸந்தி மது⁴ரரஸேஹி ப³த³ரேஹி ஸத்³தி⁴ங் ஜீரகாதி³ஸம்பா⁴ரேஹி யோஜெத்வா பக்கங் ஏகஸங்வச்ச²ரிகஸூகரமங்ஸங். நிப்³ப³த்ததேலகந்தி வினிவத்திததேலங். நாலியஸாகந்தி ஸாலிபிட்டே²ன ஸத்³தி⁴ங் மத்³தி³த்வா ஜீரகாதி³ஸங்யுத்தே ஸப்பிம்ஹி பசித்வா சதுமது⁴ரேன யோஜெத்வா வாஸங் கா³ஹாபெத்வா ட²பிதங் நாலியஸாகங். நேதங் ப⁴க³வதோ கப்பதீதி எத்த² அகப்பியங் உபாதா³ய கப்பியம்பி ந கப்பதீதி வுத்தங், ஸெட்டி² பன ஸப்³ப³ம்பி தங் ஆஹராபெத்வா ராஸிங் கத்வா யங் யங் அகப்பியங், தங் தங் அந்தராபணங் பஹிணித்வா கப்பியங் உபபோ⁴க³பரிபோ⁴க³ப⁴ண்ட³ங் அதா³ஸி. சந்த³னப²லகங் நாதிமஹந்தங் தீ³க⁴தோ அட்³ட⁴தெய்யரதனங், திரியங் தி³யட்³ட⁴ரதனங், ஸாரவரப⁴ண்ட³த்தா பன மஹக்³க⁴ங் அஹோஸி. ப⁴க³வா தங் படிக்³க³ஹெத்வா க²ண்டா³க²ண்டி³கங் சே²தா³பெத்வா பி⁴க்கூ²னங் அஞ்ஜனபிஸனத்தா²ய தா³பேஸி.
44. Catutthe uggoti guṇehi uggatattā evaṃladdhanāmo. Sālapupphakaṃ khādanīyanti catumadhurayojitena sālipiṭṭhena kataṃ sālapupphasadisaṃ khādanīyaṃ. Tañhi paññāyamānavaṇṭapattakesaraṃ katvā jīrakādisambhārayutte sappimhi pacitvā sappiṃ vinivattetvā kolumbe pūretvā gandhavāsaṃ gāhāpetvā pidahitvā lañchetvā ṭhapitaṃ hoti. Taṃ so yāguṃ pivitvā nisinnassa bhagavato antarabhatte dātukāmo evamāha. Paṭiggahesi bhagavāti desanāmattametaṃ, upāsako pana taṃ bhagavato ca pañcannañca bhikkhusatānaṃ adāsi. Yathā ca taṃ, evaṃ sūkaramaṃsādīnipi. Tattha sampannakolakanti sampannabadaraṃ. Sūkaramaṃsanti madhurarasehi badarehi saddhiṃ jīrakādisambhārehi yojetvā pakkaṃ ekasaṃvaccharikasūkaramaṃsaṃ. Nibbattatelakanti vinivattitatelaṃ. Nāliyasākanti sālipiṭṭhena saddhiṃ madditvā jīrakādisaṃyutte sappimhi pacitvā catumadhurena yojetvā vāsaṃ gāhāpetvā ṭhapitaṃ nāliyasākaṃ. Netaṃ bhagavato kappatīti ettha akappiyaṃ upādāya kappiyampi na kappatīti vuttaṃ, seṭṭhi pana sabbampi taṃ āharāpetvā rāsiṃ katvā yaṃ yaṃ akappiyaṃ, taṃ taṃ antarāpaṇaṃ pahiṇitvā kappiyaṃ upabhogaparibhogabhaṇḍaṃ adāsi. Candanaphalakaṃ nātimahantaṃ dīghato aḍḍhateyyaratanaṃ, tiriyaṃ diyaḍḍharatanaṃ, sāravarabhaṇḍattā pana mahagghaṃ ahosi. Bhagavā taṃ paṭiggahetvā khaṇḍākhaṇḍikaṃ chedāpetvā bhikkhūnaṃ añjanapisanatthāya dāpesi.
உஜ்ஜுபூ⁴தேஸூதி காயவாசாசித்தேஹி உஜுகேஸு. ச²ந்த³ஸாதி பேமேன. சத்தந்திஆதீ³ஸு பரிச்சாக³வஸேன சத்தங். முத்தசாக³தாய முத்தங். அனபெக்க²சித்ததாய சித்தேன ந உக்³க³ஹிதந்தி அனுக்³க³ஹீதங். கெ²த்தூபமேதி விருஹனட்டே²ன கெ²த்தஸதி³ஸே.
Ujjubhūtesūti kāyavācācittehi ujukesu. Chandasāti pemena. Cattantiādīsu pariccāgavasena cattaṃ. Muttacāgatāya muttaṃ. Anapekkhacittatāya cittena na uggahitanti anuggahītaṃ. Khettūpameti viruhanaṭṭhena khettasadise.
அஞ்ஞதரங் மனோமயந்தி ஸுத்³தா⁴வாஸேஸு ஏகங் ஜா²னமனேன நிப்³ப³த்தங் தே³வகாயங். யதா²தி⁴ப்பாயோதி யதா²ஜ்ஜா²ஸயோ. இமினா கிங் புச்ச²தி? தஸ்ஸ கிர மனுஸ்ஸகாலே அரஹத்தத்தா²ய அஜ்ஜா²ஸயோ அஹோஸி, தங் புச்சா²மீதி புச்ச²தி. தே³வபுத்தோபி அரஹத்தங் பத்ததாய தக்³க⁴ மே ப⁴க³வா யதா²தி⁴ப்பாயோதி ஆஹ. யத்த² யத்தூ²பபஜ்ஜதீதி தீஸு வா குலஸம்பத்தீஸு ச²ஸு வா காமஸக்³கே³ஸு யத்த² யத்த² உப்பஜ்ஜதி, தத்த² தத்த² தீ³கா⁴யு யஸவா ஹோதீதி. பஞ்சமங் சதுக்கனிபாதே வுத்தனயேனேவ வேதி³தப்³ப³ங். ச²ட்ட²ஸத்தமானி உத்தானத்தா²னேவ.
Aññataraṃ manomayanti suddhāvāsesu ekaṃ jhānamanena nibbattaṃ devakāyaṃ. Yathādhippāyoti yathājjhāsayo. Iminā kiṃ pucchati? Tassa kira manussakāle arahattatthāya ajjhāsayo ahosi, taṃ pucchāmīti pucchati. Devaputtopi arahattaṃ pattatāya taggha me bhagavā yathādhippāyoti āha. Yattha yatthūpapajjatīti tīsu vā kulasampattīsu chasu vā kāmasaggesu yattha yattha uppajjati, tattha tattha dīghāyu yasavā hotīti. Pañcamaṃ catukkanipāte vuttanayeneva veditabbaṃ. Chaṭṭhasattamāni uttānatthāneva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. மனாபதா³யீஸுத்தங் • 4. Manāpadāyīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. மனாபதா³யீஸுத்தவண்ணனா • 4. Manāpadāyīsuttavaṇṇanā
