| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. மனாபதா³யீஸுத்தவண்ணனா
4. Manāpadāyīsuttavaṇṇanā
44. சதுத்தே² ஜா²னமனேன நிப்³ப³த்தங் மனோமயந்தி ஆஹ ‘‘ஸுத்³தா⁴வாஸேஸு ஏகங் ஜா²னமனேன நிப்³ப³த்தங் தே³வகாய’’ந்தி. ஸதிபி ஹி ஸப்³ப³ஸத்தானங் அபி⁴ஸங்கா²ரமனஸா நிப்³ப³த்தபா⁴வே பா³ஹிரபச்சயேஹி வினா மனஸாவ நிப்³ப³த்தத்தா ‘‘மனோமயா’’தி வுச்சந்தி ரூபாவசரஸத்தா. யதி³ ஏவங் காமப⁴வே ஓபபாதிகஸத்தானம்பி மனோமயபா⁴வோ ஆபஜ்ஜதீதி சே? ந, தத்த² பா³ஹிரபச்சயேஹி நிப்³ப³த்தேதப்³ப³தாஸங்காய ஏவ அபா⁴வதோ ‘‘மனஸாவ நிப்³ப³த்தா’’தி அவதா⁴ரணாஸம்ப⁴வதோ. நிருள்ஹோ வாயங் லோகே மனோமயவோஹாரோ ரூபாவசரஸத்தேஸு. ததா² ஹி ‘‘அன்னமயோ, பாணமயோ, மனோமயோ, ஆனந்த³மயோ, விஞ்ஞாணமயோ’’தி பஞ்சதா⁴ அத்தானங் வேத³வாதி³னோபி வத³ந்தி. உச்சே²த³வாதி³னோபி வத³ந்தி ‘‘தி³ப்³போ³ ரூபீ மனோமயோ’’தி (தீ³॰ நி॰ 1.87). தீஸு வா குலஸம்பத்தீஸூதி ப்³ராஹ்மணக²த்தியவெஸ்ஸஸங்கா²தேஸு ஸம்பன்னகுலேஸு. ச²ஸு வா காமஸக்³கே³ஸூதி ச²ஸு காமாவசரதே³வேஸு.
44. Catutthe jhānamanena nibbattaṃ manomayanti āha ‘‘suddhāvāsesu ekaṃ jhānamanena nibbattaṃ devakāya’’nti. Satipi hi sabbasattānaṃ abhisaṅkhāramanasā nibbattabhāve bāhirapaccayehi vinā manasāva nibbattattā ‘‘manomayā’’ti vuccanti rūpāvacarasattā. Yadi evaṃ kāmabhave opapātikasattānampi manomayabhāvo āpajjatīti ce? Na, tattha bāhirapaccayehi nibbattetabbatāsaṅkāya eva abhāvato ‘‘manasāva nibbattā’’ti avadhāraṇāsambhavato. Niruḷho vāyaṃ loke manomayavohāro rūpāvacarasattesu. Tathā hi ‘‘annamayo, pāṇamayo, manomayo, ānandamayo, viññāṇamayo’’ti pañcadhā attānaṃ vedavādinopi vadanti. Ucchedavādinopi vadanti ‘‘dibbo rūpī manomayo’’ti (dī. ni. 1.87). Tīsu vā kulasampattīsūti brāhmaṇakhattiyavessasaṅkhātesu sampannakulesu. Chasu vā kāmasaggesūti chasu kāmāvacaradevesu.
மனாபதா³யீஸுத்தவண்ணனா நிட்டி²தா.
Manāpadāyīsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. மனாபதா³யீஸுத்தங் • 4. Manāpadāyīsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. மனாபதா³யீஸுத்தவண்ணனா • 4. Manāpadāyīsuttavaṇṇanā
