| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. манаабад̣̇ааяийсуд̇д̇аван̣н̣анаа
4. Manāpadāyīsuttavaṇṇanā
44. жад̇уд̇т̇з уг̇г̇од̇и г̇ун̣зхи уг̇г̇ад̇ад̇д̇аа звам̣лад̣̇д̇ханаамо. саалабубпагам̣ каад̣̇анийяанд̇и жад̇умад̇хураяож̇ид̇зна саалибидтзна гад̇ам̣ саалабубпасад̣̇исам̣ каад̣̇анийяам̣. д̇ан̃хи бан̃н̃ааяамаанаван̣дабад̇д̇агзсарам̣ гад̇ваа ж̇ийрагаад̣̇исамбхаараяуд̇д̇з саббимхи бажид̇ваа саббим̣ винивад̇д̇зд̇ваа голумб̣з буурзд̇ваа г̇анд̇хаваасам̣ г̇аахаабзд̇ваа бид̣̇ахид̇ваа лан̃чзд̇ваа табид̇ам̣ ход̇и. д̇ам̣ со яааг̇ум̣ бивид̇ваа нисиннасса бхаг̇авад̇о анд̇арабхад̇д̇з д̣̇аад̇угаамо звамааха. бадиг̇г̇ахзси бхаг̇аваад̇и д̣̇зсанаамад̇д̇амзд̇ам̣, убаасаго бана д̇ам̣ бхаг̇авад̇о жа бан̃жаннан̃жа бхигкусад̇аанам̣ ад̣̇ааси. яат̇аа жа д̇ам̣, звам̣ суугарамам̣саад̣̇ийниби. д̇ад̇т̇а самбаннаголаганд̇и самбаннаб̣ад̣̇арам̣. суугарамам̣санд̇и мад̇хурарасзхи б̣ад̣̇арзхи сад̣̇д̇хим̣ ж̇ийрагаад̣̇исамбхаарзхи яож̇зд̇ваа баггам̣ згасам̣важчаригасуугарамам̣сам̣. ниб̣б̣ад̇д̇ад̇злаганд̇и винивад̇д̇ид̇ад̇злам̣. наалияасааганд̇и саалибидтзна сад̣̇д̇хим̣ мад̣̇д̣̇ид̇ваа ж̇ийрагаад̣̇исам̣яуд̇д̇з саббимхи бажид̇ваа жад̇умад̇хурзна яож̇зд̇ваа ваасам̣ г̇аахаабзд̇ваа табид̇ам̣ наалияасаагам̣. нзд̇ам̣ бхаг̇авад̇о габбад̇ийд̇и зд̇т̇а агаббияам̣ убаад̣̇ааяа габбияамби на габбад̇ийд̇и вуд̇д̇ам̣, сздти бана саб̣б̣амби д̇ам̣ аахараабзд̇ваа раасим̣ гад̇ваа яам̣ яам̣ агаббияам̣, д̇ам̣ д̇ам̣ анд̇араабан̣ам̣ бахин̣ид̇ваа габбияам̣ убабхог̇абарибхог̇абхан̣д̣ам̣ ад̣̇ааси. жанд̣̇анапалагам̣ наад̇имаханд̇ам̣ д̣̇ийгхад̇о ад̣дхад̇зяяарад̇анам̣, д̇ирияам̣ д̣̇ияад̣дхарад̇анам̣, саараварабхан̣д̣ад̇д̇аа бана махаг̇гхам̣ ахоси. бхаг̇аваа д̇ам̣ бадиг̇г̇ахзд̇ваа кан̣д̣аакан̣д̣игам̣ чзд̣̇аабзд̇ваа бхигкуунам̣ ан̃ж̇анабисанад̇т̇ааяа д̣̇аабзси.
44. Catutthe uggoti guṇehi uggatattā evaṃladdhanāmo. Sālapupphakaṃ khādanīyanti catumadhurayojitena sālipiṭṭhena kataṃ sālapupphasadisaṃ khādanīyaṃ. Tañhi paññāyamānavaṇṭapattakesaraṃ katvā jīrakādisambhārayutte sappimhi pacitvā sappiṃ vinivattetvā kolumbe pūretvā gandhavāsaṃ gāhāpetvā pidahitvā lañchetvā ṭhapitaṃ hoti. Taṃ so yāguṃ pivitvā nisinnassa bhagavato antarabhatte dātukāmo evamāha. Paṭiggahesi bhagavāti desanāmattametaṃ, upāsako pana taṃ bhagavato ca pañcannañca bhikkhusatānaṃ adāsi. Yathā ca taṃ, evaṃ sūkaramaṃsādīnipi. Tattha sampannakolakanti sampannabadaraṃ. Sūkaramaṃsanti madhurarasehi badarehi saddhiṃ jīrakādisambhārehi yojetvā pakkaṃ ekasaṃvaccharikasūkaramaṃsaṃ. Nibbattatelakanti vinivattitatelaṃ. Nāliyasākanti sālipiṭṭhena saddhiṃ madditvā jīrakādisaṃyutte sappimhi pacitvā catumadhurena yojetvā vāsaṃ gāhāpetvā ṭhapitaṃ nāliyasākaṃ. Netaṃ bhagavato kappatīti ettha akappiyaṃ upādāya kappiyampi na kappatīti vuttaṃ, seṭṭhi pana sabbampi taṃ āharāpetvā rāsiṃ katvā yaṃ yaṃ akappiyaṃ, taṃ taṃ antarāpaṇaṃ pahiṇitvā kappiyaṃ upabhogaparibhogabhaṇḍaṃ adāsi. Candanaphalakaṃ nātimahantaṃ dīghato aḍḍhateyyaratanaṃ, tiriyaṃ diyaḍḍharatanaṃ, sāravarabhaṇḍattā pana mahagghaṃ ahosi. Bhagavā taṃ paṭiggahetvā khaṇḍākhaṇḍikaṃ chedāpetvā bhikkhūnaṃ añjanapisanatthāya dāpesi.
уж̇ж̇убхууд̇зсууд̇и гааяаваажаажид̇д̇зхи уж̇угзсу. чанд̣̇асаад̇и бзмзна. жад̇д̇анд̇иаад̣̇ийсу барижжааг̇авасзна жад̇д̇ам̣. муд̇д̇ажааг̇ад̇ааяа муд̇д̇ам̣. анабзгкажид̇д̇ад̇ааяа жид̇д̇зна на уг̇г̇ахид̇анд̇и ануг̇г̇ахийд̇ам̣. кзд̇д̇уубамзд̇и вируханадтзна кзд̇д̇асад̣̇исз.
Ujjubhūtesūti kāyavācācittehi ujukesu. Chandasāti pemena. Cattantiādīsu pariccāgavasena cattaṃ. Muttacāgatāya muttaṃ. Anapekkhacittatāya cittena na uggahitanti anuggahītaṃ. Khettūpameti viruhanaṭṭhena khettasadise.
ан̃н̃ад̇арам̣ маномаяанд̇и суд̣̇д̇хааваасзсу згам̣ жхаанаманзна ниб̣б̣ад̇д̇ам̣ д̣̇звагааяам̣. яат̇аад̇хиббааяод̇и яат̇ааж̇жхаасаяо. иминаа гим̣ бужчад̇и? д̇асса гира мануссагаалз арахад̇д̇ад̇т̇ааяа аж̇жхаасаяо ахоси, д̇ам̣ бужчаамийд̇и бужчад̇и. д̣̇звабуд̇д̇оби арахад̇д̇ам̣ бад̇д̇ад̇ааяа д̇аг̇гха мз бхаг̇аваа яат̇аад̇хиббааяод̇и ааха. яад̇т̇а яад̇т̇уубабаж̇ж̇ад̇ийд̇и д̇ийсу ваа гуласамбад̇д̇ийсу часу ваа гаамасаг̇г̇зсу яад̇т̇а яад̇т̇а уббаж̇ж̇ад̇и, д̇ад̇т̇а д̇ад̇т̇а д̣̇ийгхааяу яасаваа ход̇ийд̇и. бан̃жамам̣ жад̇угганибаад̇з вуд̇д̇анаязнзва взд̣̇ид̇аб̣б̣ам̣. чадтасад̇д̇амаани уд̇д̇аанад̇т̇аанзва.
Aññataraṃ manomayanti suddhāvāsesu ekaṃ jhānamanena nibbattaṃ devakāyaṃ. Yathādhippāyoti yathājjhāsayo. Iminā kiṃ pucchati? Tassa kira manussakāle arahattatthāya ajjhāsayo ahosi, taṃ pucchāmīti pucchati. Devaputtopi arahattaṃ pattatāya taggha me bhagavā yathādhippāyoti āha. Yattha yatthūpapajjatīti tīsu vā kulasampattīsu chasu vā kāmasaggesu yattha yattha uppajjati, tattha tattha dīghāyu yasavā hotīti. Pañcamaṃ catukkanipāte vuttanayeneva veditabbaṃ. Chaṭṭhasattamāni uttānatthāneva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. манаабад̣̇ааяийсуд̇д̇ам̣ • 4. Manāpadāyīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. манаабад̣̇ааяийсуд̇д̇аван̣н̣анаа • 4. Manāpadāyīsuttavaṇṇanā
