| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༤. མནཱཔདཱཡཱིསུཏྟཝཎྞནཱ
4. Manāpadāyīsuttavaṇṇanā
༤༤. ཙཏུཏྠེ ཛྷཱནམནེན ནིབྦཏྟཾ མནོམཡནྟི ཨཱཧ ‘‘སུདྡྷཱཝཱསེསུ ཨེཀཾ ཛྷཱནམནེན ནིབྦཏྟཾ དེཝཀཱཡ’’ནྟི། སཏིཔི ཧི སབྦསཏྟཱནཾ ཨབྷིསངྑཱརམནསཱ ནིབྦཏྟབྷཱཝེ བཱཧིརཔཙྩཡེཧི ཝིནཱ མནསཱཝ ནིབྦཏྟཏྟཱ ‘‘མནོམཡཱ’’ཏི ཝུཙྩནྟི རཱུཔཱཝཙརསཏྟཱ། ཡདི ཨེཝཾ ཀཱམབྷཝེ ཨོཔཔཱཏིཀསཏྟཱནམྤི མནོམཡབྷཱཝོ ཨཱཔཛྫཏཱིཏི ཙེ? ན, ཏཏྠ བཱཧིརཔཙྩཡེཧི ནིབྦཏྟེཏབྦཏཱསངྐཱཡ ཨེཝ ཨབྷཱཝཏོ ‘‘མནསཱཝ ནིབྦཏྟཱ’’ཏི ཨཝདྷཱརཎཱསམྦྷཝཏོ། ནིརུལ༹ྷོ ཝཱཡཾ ལོཀེ མནོམཡཝོཧཱརོ རཱུཔཱཝཙརསཏྟེསུ། ཏཐཱ ཧི ‘‘ཨནྣམཡོ, པཱཎམཡོ, མནོམཡོ, ཨཱནནྡམཡོ, ཝིཉྙཱཎམཡོ’’ཏི པཉྩདྷཱ ཨཏྟཱནཾ ཝེདཝཱདིནོཔི ཝདནྟི། ཨུཙྪེདཝཱདིནོཔི ཝདནྟི ‘‘དིབྦོ རཱུཔཱི མནོམཡོ’’ཏི (དཱི॰ ནི॰ ༡.༨༧)། ཏཱིསུ ཝཱ ཀུལསམྤཏྟཱིསཱུཏི བྲཱཧྨཎཁཏྟིཡཝེསྶསངྑཱཏེསུ སམྤནྣཀུལེསུ། ཚསུ ཝཱ ཀཱམསགྒེསཱུཏི ཚསུ ཀཱམཱཝཙརདེཝེསུ།
44. Catutthe jhānamanena nibbattaṃ manomayanti āha ‘‘suddhāvāsesu ekaṃ jhānamanena nibbattaṃ devakāya’’nti. Satipi hi sabbasattānaṃ abhisaṅkhāramanasā nibbattabhāve bāhirapaccayehi vinā manasāva nibbattattā ‘‘manomayā’’ti vuccanti rūpāvacarasattā. Yadi evaṃ kāmabhave opapātikasattānampi manomayabhāvo āpajjatīti ce? Na, tattha bāhirapaccayehi nibbattetabbatāsaṅkāya eva abhāvato ‘‘manasāva nibbattā’’ti avadhāraṇāsambhavato. Niruḷho vāyaṃ loke manomayavohāro rūpāvacarasattesu. Tathā hi ‘‘annamayo, pāṇamayo, manomayo, ānandamayo, viññāṇamayo’’ti pañcadhā attānaṃ vedavādinopi vadanti. Ucchedavādinopi vadanti ‘‘dibbo rūpī manomayo’’ti (dī. ni. 1.87). Tīsu vā kulasampattīsūti brāhmaṇakhattiyavessasaṅkhātesu sampannakulesu. Chasu vā kāmasaggesūti chasu kāmāvacaradevesu.
མནཱཔདཱཡཱིསུཏྟཝཎྞནཱ ནིཊྛིཏཱ།
Manāpadāyīsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. མནཱཔདཱཡཱིསུཏྟཾ • 4. Manāpadāyīsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༤. མནཱཔདཱཡཱིསུཏྟཝཎྞནཱ • 4. Manāpadāyīsuttavaṇṇanā
