| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
8. маанабарин̃н̃аасуд̇д̇аван̣н̣анаа
8. Mānapariññāsuttavaṇṇanā
8. адтамз абуб̣б̣ам̣ над̇т̇и, гзвалам̣ маанавасзна д̣̇зсанаа бавад̇д̇аа. г̇аат̇аасу бана маанубзд̇аа аяам̣ баж̇аад̇и гаммагилзсзхи баж̇ааяад̇ийд̇и баж̇аад̇и лад̣̇д̇ханаамаа имз сад̇д̇аа ман̃н̃аналагкан̣зна маанзна убзд̇аа убаг̇ад̇аа. маанаг̇ант̇аа бхавз рад̇аад̇и гимигийдабадан̇г̇аад̣̇иад̇д̇абхаавзби маанзна г̇ант̇ид̇аа маанасам̣яож̇анзна сам̣яуд̇д̇аа. д̇ад̇о зва д̣̇ийгхарад̇д̇ам̣ барибхаавид̇аахам̣гааравасзна ‘‘зд̇ам̣ мамаа’’д̇и сан̇каарзсу аж̇жхосаанаб̣ахулад̇д̇аа д̇ад̇т̇а нижжасукаад̇д̇аад̣̇ивибаллаасавасзна жа гаамаад̣̇ибхавз рад̇аа. маанам̣ абариж̇аананд̇аад̇и маанам̣ д̇ийхи барин̃н̃аахи на бариж̇аананд̇аа. арахад̇д̇амаг̇г̇ан̃аан̣зна ваа анад̇иггаманд̇аа, ‘‘маанам̣ абарин̃н̃ааяаа’’д̇и гзжи батанд̇и. ааг̇анд̇ааро бунаб̣бхаванд̇и буна ааяаад̇им̣ убабад̇д̇ибхавам̣. бунаббунам̣ бхаванад̇о ваа бунаб̣бхавасан̇каад̇ам̣ сам̣саарам̣ абараабарам̣ баривад̇д̇анавасзна г̇анд̇ааро убаг̇анд̇ааро хонд̇и, бхавад̇о на баримужжанд̇ийд̇и ад̇т̇о. яз жа маанам̣ баханд̇ваана, вимуд̇д̇аа маанасан̇каязд̇и яз бана арахад̇д̇амаг̇г̇зна саб̣б̣асо маанам̣ баж̇ахид̇ваа маанасса ажжанд̇асан̇каяабхууд̇з арахад̇д̇апалз ниб̣б̣аанз ваа д̇ад̣̇згадтасаб̣б̣агилзсавимуд̇д̇ияаа вимуд̇д̇аа судту муд̇д̇аа. д̇з маанаг̇ант̇аабхибхуно, саб̣б̣ад̣̇угкамубажжаг̇унд̇и д̇з баригкийн̣абхавасам̣яож̇анаа араханд̇о саб̣б̣асо маанаг̇ант̇ам̣ маанасам̣яож̇анам̣ самужчзд̣̇аббахаанзна абхибхавид̇ваа тид̇аа, анавасзсам̣ ваддад̣̇угкам̣ ад̇иггамим̣сууд̇и ад̇т̇о. звамзд̇асмим̣ сад̇д̇амасуд̇д̇з жа арахад̇д̇ам̣ гат̇ид̇анд̇и.
8. Aṭṭhame apubbaṃ natthi, kevalaṃ mānavasena desanā pavattā. Gāthāsu pana mānupetā ayaṃ pajāti kammakilesehi pajāyatīti pajāti laddhanāmā ime sattā maññanalakkhaṇena mānena upetā upagatā. Mānaganthā bhave ratāti kimikīṭapaṭaṅgādiattabhāvepi mānena ganthitā mānasaṃyojanena saṃyuttā. Tato eva dīgharattaṃ paribhāvitāhaṃkāravasena ‘‘etaṃ mamā’’ti saṅkhāresu ajjhosānabahulattā tattha niccasukhaattādivipallāsavasena ca kāmādibhave ratā. Mānaṃ aparijānantāti mānaṃ tīhi pariññāhi na parijānantā. Arahattamaggañāṇena vā anatikkamantā, ‘‘mānaṃ apariññāyā’’ti keci paṭhanti. Āgantāro punabbhavanti puna āyātiṃ upapattibhavaṃ. Punappunaṃ bhavanato vā punabbhavasaṅkhātaṃ saṃsāraṃ aparāparaṃ parivattanavasena gantāro upagantāro honti, bhavato na parimuccantīti attho. Ye ca mānaṃ pahantvāna, vimuttā mānasaṅkhayeti ye pana arahattamaggena sabbaso mānaṃ pajahitvā mānassa accantasaṅkhayabhūte arahattaphale nibbāne vā tadekaṭṭhasabbakilesavimuttiyā vimuttā suṭṭhu muttā. Te mānaganthābhibhuno, sabbadukkhamupaccagunti te parikkhīṇabhavasaṃyojanā arahanto sabbaso mānaganthaṃ mānasaṃyojanaṃ samucchedappahānena abhibhavitvā ṭhitā, anavasesaṃ vaṭṭadukkhaṃ atikkamiṃsūti attho. Evametasmiṃ sattamasutte ca arahattaṃ kathitanti.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 8. маанабарин̃н̃аасуд̇д̇ам̣ • 8. Mānapariññāsuttaṃ
