| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. манасигааралагкан̣абан̃хо
8. Manasikāralakkhaṇapañho
8. рааж̇аа ааха ‘‘гим̣лагкан̣о, бханд̇з нааг̇асзна, манасигааро, гим̣лагкан̣аа бан̃н̃аа’’д̇и? ‘‘ууханалагкан̣о ко, махаарааж̇а, манасигааро, чзд̣̇аналагкан̣аа бан̃н̃аа’’д̇и.
8. Rājā āha ‘‘kiṃlakkhaṇo, bhante nāgasena, manasikāro, kiṃlakkhaṇā paññā’’ti? ‘‘Ūhanalakkhaṇo kho, mahārāja, manasikāro, chedanalakkhaṇā paññā’’ti.
‘‘гат̇ам̣ ууханалагкан̣о манасигааро, гат̇ам̣ чзд̣̇аналагкан̣аа бан̃н̃аа, обаммам̣ гарохий’’д̇и. ‘‘ж̇аанааси, д̇вам̣ махаарааж̇а, яавалаавагз’’д̇и. ‘‘аама , бханд̇з, ж̇аанаамий’’д̇и . ‘‘гат̇ам̣, махаарааж̇а, яавалаавагаа яавам̣ лунанд̇ий’’д̇и? ‘‘ваамзна, бханд̇з, хад̇т̇зна яавагалаабам̣ г̇ахзд̇ваа д̣̇агкин̣зна хад̇т̇зна д̣̇аад̇д̇ам̣ г̇ахзд̇ваа д̣̇аад̇д̇зна чинд̣̇анд̇ий’’д̇и.
‘‘Kathaṃ ūhanalakkhaṇo manasikāro, kathaṃ chedanalakkhaṇā paññā, opammaṃ karohī’’ti. ‘‘Jānāsi, tvaṃ mahārāja, yavalāvake’’ti. ‘‘Āma , bhante, jānāmī’’ti . ‘‘Kathaṃ, mahārāja, yavalāvakā yavaṃ lunantī’’ti? ‘‘Vāmena, bhante, hatthena yavakalāpaṃ gahetvā dakkhiṇena hatthena dāttaṃ gahetvā dāttena chindantī’’ti.
‘‘яат̇аа, махаарааж̇а, яавалааваго ваамзна хад̇т̇зна яавагалаабам̣ г̇ахзд̇ваа д̣̇агкин̣зна хад̇т̇зна д̣̇аад̇д̇ам̣ г̇ахзд̇ваа яавам̣ чинд̣̇ад̇и, звамзва ко, махаарааж̇а, яог̇ааважаро манасигаарзна маанасам̣ г̇ахзд̇ваа бан̃н̃ааяа гилзсз чинд̣̇ад̇и, звам̣ ко, махаарааж̇а, ууханалагкан̣о манасигааро, звам̣ чзд̣̇аналагкан̣аа бан̃н̃аа’’д̇и.
‘‘Yathā, mahārāja, yavalāvako vāmena hatthena yavakalāpaṃ gahetvā dakkhiṇena hatthena dāttaṃ gahetvā yavaṃ chindati, evameva kho, mahārāja, yogāvacaro manasikārena mānasaṃ gahetvā paññāya kilese chindati, evaṃ kho, mahārāja, ūhanalakkhaṇo manasikāro, evaṃ chedanalakkhaṇā paññā’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
манасигааралагкан̣абан̃хо адтамо.
Manasikāralakkhaṇapañho aṭṭhamo.
