| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਮਨਸਿਕਾਰਲਕ੍ਖਣਪਞ੍ਹੋ
8. Manasikāralakkhaṇapañho
੮. ਰਾਜਾ ਆਹ ‘‘ਕਿਂਲਕ੍ਖਣੋ, ਭਨ੍ਤੇ ਨਾਗਸੇਨ, ਮਨਸਿਕਾਰੋ, ਕਿਂਲਕ੍ਖਣਾ ਪਞ੍ਞਾ’’ਤਿ? ‘‘ਊਹਨਲਕ੍ਖਣੋ ਖੋ, ਮਹਾਰਾਜ, ਮਨਸਿਕਾਰੋ, ਛੇਦਨਲਕ੍ਖਣਾ ਪਞ੍ਞਾ’’ਤਿ।
8. Rājā āha ‘‘kiṃlakkhaṇo, bhante nāgasena, manasikāro, kiṃlakkhaṇā paññā’’ti? ‘‘Ūhanalakkhaṇo kho, mahārāja, manasikāro, chedanalakkhaṇā paññā’’ti.
‘‘ਕਥਂ ਊਹਨਲਕ੍ਖਣੋ ਮਨਸਿਕਾਰੋ, ਕਥਂ ਛੇਦਨਲਕ੍ਖਣਾ ਪਞ੍ਞਾ, ਓਪਮ੍ਮਂ ਕਰੋਹੀ’’ਤਿ। ‘‘ਜਾਨਾਸਿ, ਤ੍વਂ ਮਹਾਰਾਜ, ਯવਲਾવਕੇ’’ਤਿ। ‘‘ਆਮ , ਭਨ੍ਤੇ, ਜਾਨਾਮੀ’’ਤਿ । ‘‘ਕਥਂ, ਮਹਾਰਾਜ, ਯવਲਾવਕਾ ਯવਂ ਲੁਨਨ੍ਤੀ’’ਤਿ? ‘‘વਾਮੇਨ, ਭਨ੍ਤੇ, ਹਤ੍ਥੇਨ ਯવਕਲਾਪਂ ਗਹੇਤ੍વਾ ਦਕ੍ਖਿਣੇਨ ਹਤ੍ਥੇਨ ਦਾਤ੍ਤਂ ਗਹੇਤ੍વਾ ਦਾਤ੍ਤੇਨ ਛਿਨ੍ਦਨ੍ਤੀ’’ਤਿ।
‘‘Kathaṃ ūhanalakkhaṇo manasikāro, kathaṃ chedanalakkhaṇā paññā, opammaṃ karohī’’ti. ‘‘Jānāsi, tvaṃ mahārāja, yavalāvake’’ti. ‘‘Āma , bhante, jānāmī’’ti . ‘‘Kathaṃ, mahārāja, yavalāvakā yavaṃ lunantī’’ti? ‘‘Vāmena, bhante, hatthena yavakalāpaṃ gahetvā dakkhiṇena hatthena dāttaṃ gahetvā dāttena chindantī’’ti.
‘‘ਯਥਾ, ਮਹਾਰਾਜ, ਯવਲਾવਕੋ વਾਮੇਨ ਹਤ੍ਥੇਨ ਯવਕਲਾਪਂ ਗਹੇਤ੍વਾ ਦਕ੍ਖਿਣੇਨ ਹਤ੍ਥੇਨ ਦਾਤ੍ਤਂ ਗਹੇਤ੍વਾ ਯવਂ ਛਿਨ੍ਦਤਿ, ਏવਮੇવ ਖੋ, ਮਹਾਰਾਜ, ਯੋਗਾવਚਰੋ ਮਨਸਿਕਾਰੇਨ ਮਾਨਸਂ ਗਹੇਤ੍વਾ ਪਞ੍ਞਾਯ ਕਿਲੇਸੇ ਛਿਨ੍ਦਤਿ, ਏવਂ ਖੋ, ਮਹਾਰਾਜ, ਊਹਨਲਕ੍ਖਣੋ ਮਨਸਿਕਾਰੋ, ਏવਂ ਛੇਦਨਲਕ੍ਖਣਾ ਪਞ੍ਞਾ’’ਤਿ।
‘‘Yathā, mahārāja, yavalāvako vāmena hatthena yavakalāpaṃ gahetvā dakkhiṇena hatthena dāttaṃ gahetvā yavaṃ chindati, evameva kho, mahārāja, yogāvacaro manasikārena mānasaṃ gahetvā paññāya kilese chindati, evaṃ kho, mahārāja, ūhanalakkhaṇo manasikāro, evaṃ chedanalakkhaṇā paññā’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਮਨਸਿਕਾਰਲਕ੍ਖਣਪਞ੍ਹੋ ਅਟ੍ਠਮੋ।
Manasikāralakkhaṇapañho aṭṭhamo.
