| Library / Tipiṭaka / တိပိဋက • Tipiṭaka / ဣတိဝုတ္တကပာဠိ • Itivuttakapāḷi |
၆. မာနသုတ္တံ
6. Mānasuttaṃ
၆. ဝုတ္တဉ္ဟေတံ ဘဂဝတာ, ဝုတ္တမရဟတာတိ မေ သုတံ –
6. Vuttañhetaṃ bhagavatā, vuttamarahatāti me sutaṃ –
‘‘ဧကဓမ္မံ, ဘိက္ခဝေ, ပဇဟထ; အဟံ ဝော ပာဋိဘောဂော အနာဂာမိတာယ။ ကတမံ ဧကဓမ္မံ? မာနံ, ဘိက္ခဝေ, ဧကဓမ္မံ ပဇဟထ; အဟံ ဝော ပာဋိဘောဂော အနာဂာမိတာယာ’’တိ။ ဧတမတ္ထံ ဘဂဝာ အဝောစ။ တတ္ထေတံ ဣတိ ဝုစ္စတိ –
‘‘Ekadhammaṃ, bhikkhave, pajahatha; ahaṃ vo pāṭibhogo anāgāmitāya. Katamaṃ ekadhammaṃ? Mānaṃ, bhikkhave, ekadhammaṃ pajahatha; ahaṃ vo pāṭibhogo anāgāmitāyā’’ti. Etamatthaṃ bhagavā avoca. Tatthetaṃ iti vuccati –
‘‘ယေန မာနေန မတ္တာသေ၊ သတ္တာ ဂစ္ဆန္တိ ဒုဂ္ဂတိံ။
‘‘Yena mānena mattāse, sattā gacchanti duggatiṃ;
တံ မာနံ သမ္မဒညာယ၊ ပဇဟန္တိ ဝိပသ္သိနော။
Taṃ mānaṃ sammadaññāya, pajahanti vipassino;
ပဟာယ န ပုနာယန္တိ၊ ဣမံ လောကံ ကုဒာစန’’န္တိ။
Pahāya na punāyanti, imaṃ lokaṃ kudācana’’nti.
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ။ ဆဋ္ဌံ။
Ayampi attho vutto bhagavatā, iti me sutanti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဣတိဝုတ္တက-အဋ္ဌကထာ • Itivuttaka-aṭṭhakathā / ၆. မာနသုတ္တဝဏ္ဏနာ • 6. Mānasuttavaṇṇanā
