| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
4. маанад̇д̇ажааригавад̇д̇ам̣
4. Mānattacārikavattaṃ
90. д̇зна ко бана самаязна маанад̇д̇ажааригаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣. яз д̇з бхигкуу аббижчаа…бз… д̇з ужхааяанд̇и кияяанд̇и вибаажзнд̇и – ‘‘гат̇ан̃хи наама маанад̇д̇ажааригаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣…бз… нахаанз бидтибаригамма’’нд̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣.
90. Tena kho pana samayena mānattacārikā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Ye te bhikkhū appicchā…pe… te ujhāyanti khiyyanti vipācenti – ‘‘kathañhi nāma mānattacārikā bhikkhū sādiyissanti pakatattānaṃ bhikkhūnaṃ abhivādanaṃ, paccuṭṭhānaṃ…pe… nahāne piṭṭhiparikamma’’nti! Atha kho te bhikkhū bhagavato etamatthaṃ ārocesuṃ.
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, маанад̇д̇ажааригаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣…бз… нахаанз бидтибаригамма’’нд̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣…бз… гат̇ан̃хи наама, бхигкавз, маанад̇д̇ажааригаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣…бз… нахаанз бидтибаригаммам̣! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, mānattacārikā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ…pe… nahāne piṭṭhiparikamma’’nti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma, bhikkhave, mānattacārikā bhikkhū sādiyissanti pakatattānaṃ bhikkhūnaṃ abhivādanaṃ…pe… nahāne piṭṭhiparikammaṃ! Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
‘‘на , бхигкавз, маанад̇д̇ажааригзна бхигкунаа саад̣̇ид̇аб̣б̣ам̣ багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихааро, сзяяаабхихааро, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣. яо саад̣̇иязяяа, аабад̇д̇и д̣̇уггадасса. ануж̇аанаами, бхигкавз, маанад̇д̇ажааригаанам̣ бхигкуунам̣ мит̇у яат̇аавуд̣дхам̣ абхиваад̣̇анам̣, бажжудтаанам̣…бз… нахаанз бидтибаригаммам̣. ануж̇аанаами, бхигкавз, маанад̇д̇ажааригаанам̣ бхигкуунам̣ бан̃жа яат̇аавуд̣дхам̣ – убосат̇ам̣, бавааран̣ам̣, вассигасаадигам̣, он̣ож̇анам̣, бхад̇д̇ам̣. д̇зна хи, бхигкавз, маанад̇д̇ажааригаанам̣ бхигкуунам̣ вад̇д̇ам̣ бан̃н̃абзссаами яат̇аа маанад̇д̇ажааригзхи бхигкуухи вад̇д̇ид̇аб̣б̣ам̣.
‘‘Na , bhikkhave, mānattacārikena bhikkhunā sāditabbaṃ pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāro, seyyābhihāro, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Yo sādiyeyya, āpatti dukkaṭassa. Anujānāmi, bhikkhave, mānattacārikānaṃ bhikkhūnaṃ mithu yathāvuḍḍhaṃ abhivādanaṃ, paccuṭṭhānaṃ…pe… nahāne piṭṭhiparikammaṃ. Anujānāmi, bhikkhave, mānattacārikānaṃ bhikkhūnaṃ pañca yathāvuḍḍhaṃ – uposathaṃ, pavāraṇaṃ, vassikasāṭikaṃ, oṇojanaṃ, bhattaṃ. Tena hi, bhikkhave, mānattacārikānaṃ bhikkhūnaṃ vattaṃ paññapessāmi yathā mānattacārikehi bhikkhūhi vattitabbaṃ.
91. ‘‘маанад̇д̇ажааригзна , бхигкавз, бхигкунаа саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа –
91. ‘‘Mānattacārikena , bhikkhave, bhikkhunā sammā vattitabbaṃ. Tatrāyaṃ sammāvattanā –
на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на сааман̣зро убадтаабзд̇аб̣б̣о, на бхигкуноваад̣̇агасаммуд̇и саад̣̇ид̇аб̣б̣аа, саммад̇знаби бхигкунияо на овад̣̇ид̇аб̣б̣аа. яааяа аабад̇д̇ияаа сан̇гхзна маанад̇д̇ам̣ д̣̇иннам̣ ход̇и саа аабад̇д̇и на аабаж̇ж̇ид̇аб̣б̣аа, ан̃н̃аа ваа д̇аад̣̇исигаа, д̇ад̇о ваа баабидтад̇араа; гаммам̣ на г̇арахид̇аб̣б̣ам̣, гаммигаа на г̇арахид̇аб̣б̣аа. на багад̇ад̇д̇асса бхигкуно убосат̇о табзд̇аб̣б̣о, на бавааран̣аа табзд̇аб̣б̣аа, на саважанийяам̣ гаад̇аб̣б̣ам̣, на ануваад̣̇о бадтабзд̇аб̣б̣о, на огаасо гаарзд̇аб̣б̣о, на жод̣̇зд̇аб̣б̣о, на саарзд̇аб̣б̣о, на бхигкуухи самбаяож̇зд̇аб̣б̣ам̣.
Na upasampādetabbaṃ, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā. Yāya āpattiyā saṅghena mānattaṃ dinnaṃ hoti sā āpatti na āpajjitabbā, aññā vā tādisikā, tato vā pāpiṭṭhatarā; kammaṃ na garahitabbaṃ, kammikā na garahitabbā. Na pakatattassa bhikkhuno uposatho ṭhapetabbo, na pavāraṇā ṭhapetabbā, na savacanīyaṃ kātabbaṃ, na anuvādo paṭṭhapetabbo, na okāso kāretabbo, na codetabbo, na sāretabbo, na bhikkhūhi sampayojetabbaṃ.
‘‘на, бхигкавз, маанад̇д̇ажааригзна бхигкунаа багад̇ад̇д̇асса бхигкуно бурад̇о г̇анд̇аб̣б̣ам̣, на бурад̇о нисийд̣̇ид̇аб̣б̣ам̣. яо ход̇и сан̇гхасса аасанабарияанд̇о сзяяаабарияанд̇о вихаарабарияанд̇о со д̇асса бад̣̇аад̇аб̣б̣о. д̇зна жа со саад̣̇ид̇аб̣б̣о.
‘‘Na, bhikkhave, mānattacārikena bhikkhunā pakatattassa bhikkhuno purato gantabbaṃ, na purato nisīditabbaṃ. Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
‘‘на, бхигкавз, маанад̇д̇ажааригзна бхигкунаа багад̇ад̇д̇зна бхигкунаа бурзсаман̣зна ваа бажчаасаман̣зна ваа гулаани убасан̇гамид̇аб̣б̣аани, на ааран̃н̃иган̇г̇ам̣ самаад̣̇аад̇аб̣б̣ам̣, на бин̣д̣абаад̇иган̇г̇ам̣ самаад̣̇аад̇аб̣б̣ам̣, на жа д̇аббажжаяаа бин̣д̣абаад̇о нийхараабзд̇аб̣б̣о – маа мам̣ ж̇ааним̣сууд̇и.
‘‘Na, bhikkhave, mānattacārikena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni, na āraññikaṅgaṃ samādātabbaṃ, na piṇḍapātikaṅgaṃ samādātabbaṃ, na ca tappaccayā piṇḍapāto nīharāpetabbo – mā maṃ jāniṃsūti.
‘‘маанад̇д̇ажааригзна, бхигкавз, бхигкунаа ааг̇анд̇угзна аарожзд̇аб̣б̣ам̣, ааг̇анд̇угасса аарожзд̇аб̣б̣ам̣, убосат̇з аарожзд̇аб̣б̣ам̣, бавааран̣ааяа аарожзд̇аб̣б̣ам̣ , д̣̇звасигам̣ аарожзд̇аб̣б̣ам̣. сажз г̇илаано ход̇и, д̣̇ууд̇знаби аарожзд̇аб̣б̣ам̣.
‘‘Mānattacārikena, bhikkhave, bhikkhunā āgantukena ārocetabbaṃ, āgantukassa ārocetabbaṃ, uposathe ārocetabbaṃ, pavāraṇāya ārocetabbaṃ , devasikaṃ ārocetabbaṃ. Sace gilāno hoti, dūtenapi ārocetabbaṃ.
‘‘на, бхигкавз, маанад̇д̇ажааригзна бхигкунаа сабхигкугаа ааваасаа абхигкуго ааваасо г̇анд̇аб̣б̣о, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na, bhikkhave, mānattacārikena bhikkhunā sabhikkhukā āvāsā abhikkhuko āvāso gantabbo, aññatra saṅghena, aññatra antarāyā.
‘‘на, бхигкавз, маанад̇д̇ажааригзна бхигкунаа сабхигкугаа ааваасаа абхигкуго анааваасо г̇анд̇аб̣б̣о, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na, bhikkhave, mānattacārikena bhikkhunā sabhikkhukā āvāsā abhikkhuko anāvāso gantabbo, aññatra saṅghena, aññatra antarāyā.
‘‘на , бхигкавз, маанад̇д̇ажааригзна бхигкунаа сабхигкугаа ааваасаа абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na , bhikkhave, mānattacārikena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra saṅghena, aññatra antarāyā.
‘‘на, бхигкавз, маанад̇д̇ажааригзна бхигкунаа сабхигкугаа анааваасаа абхигкуго ааваасо г̇анд̇аб̣б̣о…бз… абхигкуго анааваасо г̇анд̇аб̣б̣о…бз… абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na, bhikkhave, mānattacārikena bhikkhunā sabhikkhukā anāvāsā abhikkhuko āvāso gantabbo…pe… abhikkhuko anāvāso gantabbo…pe… abhikkhuko āvāso vā anāvāso vā gantabbo, aññatra saṅghena, aññatra antarāyā.
‘‘на, бхигкавз, маанад̇д̇ажааригзна бхигкунаа сабхигкугаа ааваасаа ваа анааваасаа ваа абхигкуго ааваасо г̇анд̇аб̣б̣о…бз… абхигкуго анааваасо г̇анд̇аб̣б̣о…бз… абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na, bhikkhave, mānattacārikena bhikkhunā sabhikkhukā āvāsā vā anāvāsā vā abhikkhuko āvāso gantabbo…pe… abhikkhuko anāvāso gantabbo…pe… abhikkhuko āvāso vā anāvāso vā gantabbo, aññatra saṅghena, aññatra antarāyā.
‘‘на, бхигкавз, маанад̇д̇ажааригзна бхигкунаа сабхигкугаа ааваасаа сабхигкуго ааваасо г̇анд̇аб̣б̣о…бз… сабхигкуго анааваасо г̇анд̇аб̣б̣о…бз… сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na, bhikkhave, mānattacārikena bhikkhunā sabhikkhukā āvāsā sabhikkhuko āvāso gantabbo…pe… sabhikkhuko anāvāso gantabbo…pe… sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra saṅghena, aññatra antarāyā.
‘‘на бхигкавз , маанад̇д̇ажааригзна бхигкунаа сабхигкугаа анааваасаа сабхигкуго ааваасо г̇анд̇аб̣б̣о…бз… сабхигкуго анааваасо г̇анд̇аб̣б̣о…бз… сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na bhikkhave , mānattacārikena bhikkhunā sabhikkhukā anāvāsā sabhikkhuko āvāso gantabbo…pe… sabhikkhuko anāvāso gantabbo…pe… sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra saṅghena, aññatra antarāyā.
‘‘на, бхигкавз, маанад̇д̇ажааригзна бхигкунаа сабхигкугаа ааваасаа ваа анааваасаа ваа сабхигкуго ааваасо г̇анд̇аб̣б̣о…бз… сабхигкуго анааваасо г̇анд̇аб̣б̣о…бз… сабхигкуго ааваасо ваа анааваасо ваа г̇анд̇аб̣б̣о , яад̇т̇ассу бхигкуу наанаасам̣ваасагаа, ан̃н̃ад̇ра сан̇гхзна, ан̃н̃ад̇ра анд̇арааяаа.
‘‘Na, bhikkhave, mānattacārikena bhikkhunā sabhikkhukā āvāsā vā anāvāsā vā sabhikkhuko āvāso gantabbo…pe… sabhikkhuko anāvāso gantabbo…pe… sabhikkhuko āvāso vā anāvāso vā gantabbo , yatthassu bhikkhū nānāsaṃvāsakā, aññatra saṅghena, aññatra antarāyā.
‘‘г̇анд̇аб̣б̣о, бхигкавз маанад̇д̇ажааригзна бхигкунаа сабхигкугаа ааваасаа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave mānattacārikena bhikkhunā sabhikkhukā āvāsā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о , бхигкавз, маанад̇д̇ажааригзна бхигкунаа сабхигкугаа анааваасаа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo , bhikkhave, mānattacārikena bhikkhunā sabhikkhukā anāvāsā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, маанад̇д̇ажааригзна бхигкунаа сабхигкугаа ааваасаа ваа анааваасаа ваа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, mānattacārikena bhikkhunā sabhikkhukā āvāsā vā anāvāsā vā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘на , бхигкавз, маанад̇д̇ажааригзна бхигкунаа багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣. багад̇ад̇д̇ам̣ бхигкум̣ д̣̇исваа аасанаа вудтаад̇аб̣б̣ам̣. багад̇ад̇д̇о бхигку аасанзна ниманд̇зд̇аб̣б̣о. на багад̇ад̇д̇зна бхигкунаа сад̣̇д̇хим̣ згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣, на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
‘‘Na , bhikkhave, mānattacārikena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ. Pakatattaṃ bhikkhuṃ disvā āsanā vuṭṭhātabbaṃ. Pakatatto bhikkhu āsanena nimantetabbo. Na pakatattena bhikkhunā saddhiṃ ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
‘‘на, бхигкавз, маанад̇д̇ажааригзна бхигкунаа баариваасигзна бхигкунаа сад̣̇д̇хим̣…бз… муулааяабадигассанаарахзна бхигкунаа сад̣̇д̇хим̣…бз… маанад̇д̇аарахзна бхигкунаа сад̣̇д̇хим̣…бз… маанад̇д̇ажааригзна вуд̣дхад̇арзна бхигкунаа сад̣̇д̇хим̣…бз… аб̣бхаанаарахзна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣; на згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣ , на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
‘‘Na, bhikkhave, mānattacārikena bhikkhunā pārivāsikena bhikkhunā saddhiṃ…pe… mūlāyapaṭikassanārahena bhikkhunā saddhiṃ…pe… mānattārahena bhikkhunā saddhiṃ…pe… mānattacārikena vuḍḍhatarena bhikkhunā saddhiṃ…pe… abbhānārahena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ; na ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ , na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
1 ‘‘маанад̇д̇ажааригажад̇уд̇т̇о жз, бхигкавз, бариваасам̣ д̣̇ад̣̇зяяа, муулааяа бадигассзяяа, маанад̇д̇ам̣ д̣̇ад̣̇зяяа, д̇ам̣вийсо аб̣бхзяяа, агаммам̣, на жа гаран̣ийяа’’нд̇и.
2 ‘‘Mānattacārikacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya, akammaṃ, na ca karaṇīya’’nti.
92. ат̇а ко ааяасмаа убаали язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа убаали бхаг̇аванд̇ам̣ зд̇ад̣̇авожа – ‘‘гад̇и ну ко, бханд̇з, маанад̇д̇ажааригасса бхигкуно рад̇д̇ижчзд̣̇аа’’д̇и? ‘‘жад̇д̇ааро ко , убаали, маанад̇д̇ажааригасса бхигкуно рад̇д̇ижчзд̣̇аа. сахаваасо, виббаваасо, анаарожанаа, уунз г̇ан̣з жаран̣ам̣ 3 – имз ко, убаали, жад̇д̇ааро маанад̇д̇ажааригасса бхигкуно рад̇д̇ижчзд̣̇аа’’д̇и.
92. Atha kho āyasmā upāli yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘kati nu kho, bhante, mānattacārikassa bhikkhuno ratticchedā’’ti? ‘‘Cattāro kho , upāli, mānattacārikassa bhikkhuno ratticchedā. Sahavāso, vippavāso, anārocanā, ūne gaṇe caraṇaṃ 4 – ime kho, upāli, cattāro mānattacārikassa bhikkhuno ratticchedā’’ti.
93. д̇зна ко бана самаязна саавад̇т̇ияам̣ махаабхигкусан̇гхо саннибад̇ид̇о ход̇и. на саггонд̇и маанад̇д̇ажааригаа бхигкуу маанад̇д̇ам̣ сод̇хзд̇ум̣. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, маанад̇д̇ам̣ нигкибид̇ум̣. зван̃жа бана, бхигкавз, нигкибид̇аб̣б̣ам̣. д̇зна маанад̇д̇ажааригзна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘маанад̇д̇ам̣ нигкибаамий’д̇и. нигкид̇д̇ам̣ ход̇и маанад̇д̇ам̣. ‘вад̇д̇ам̣ нигкибаамий’д̇и. нигкид̇д̇ам̣ ход̇и маанад̇д̇а’’нд̇и.
93. Tena kho pana samayena sāvatthiyaṃ mahābhikkhusaṅgho sannipatito hoti. Na sakkonti mānattacārikā bhikkhū mānattaṃ sodhetuṃ. Bhagavato etamatthaṃ ārocesuṃ. ‘‘Anujānāmi, bhikkhave, mānattaṃ nikkhipituṃ. Evañca pana, bhikkhave, nikkhipitabbaṃ. Tena mānattacārikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘mānattaṃ nikkhipāmī’ti. Nikkhittaṃ hoti mānattaṃ. ‘Vattaṃ nikkhipāmī’ti. Nikkhittaṃ hoti mānatta’’nti.
94. д̇зна ко бана самаязна саавад̇т̇ияаа бхигкуу д̇ахам̣ д̇ахам̣ баггамим̣су . саггонд̇и маанад̇д̇ажааригаа бхигкуу маанад̇д̇ам̣ сод̇хзд̇ум̣. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, маанад̇д̇ам̣ самаад̣̇ияид̇ум̣. зван̃жа бана, бхигкавз, самаад̣̇ияид̇аб̣б̣ам̣. д̇зна маанад̇д̇ажааригзна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа, звамасса важанийяо – ‘маанад̇д̇ам̣ самаад̣̇ияаамий’д̇и. самаад̣̇иннам̣ ход̇и маанад̇д̇ам̣. ‘вад̇д̇ам̣ самаад̣̇ияаамий’д̇и. самаад̣̇иннам̣ ход̇и маанад̇д̇а’’нд̇и.
94. Tena kho pana samayena sāvatthiyā bhikkhū tahaṃ tahaṃ pakkamiṃsu . Sakkonti mānattacārikā bhikkhū mānattaṃ sodhetuṃ. Bhagavato etamatthaṃ ārocesuṃ. ‘‘Anujānāmi, bhikkhave, mānattaṃ samādiyituṃ. Evañca pana, bhikkhave, samādiyitabbaṃ. Tena mānattacārikena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā, evamassa vacanīyo – ‘mānattaṃ samādiyāmī’ti. Samādinnaṃ hoti mānattaṃ. ‘Vattaṃ samādiyāmī’ti. Samādinnaṃ hoti mānatta’’nti.
маанад̇д̇ажааригавад̇д̇ам̣ нидтид̇ам̣.
Mānattacārikavattaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / маанад̇д̇ажааригавад̇д̇агат̇аа • Mānattacārikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. маанад̇д̇аажааригавад̇д̇агат̇аа • 4. Mānattācārikavattakathā
