| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
3. маанад̇д̇аарахавад̇д̇ам̣
3. Mānattārahavattaṃ
88. д̇зна ко бана самаязна маанад̇д̇аарахаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригаммам̣. яз д̇з бхигкуу аббижчаа …бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама маанад̇д̇аарахаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аасанаабхихаарам̣, сзяяаабхихаарам̣, баад̣̇од̣̇агам̣ баад̣̇абийтам̣, баад̣̇агат̇алигам̣, бад̇д̇ажийварабадиг̇г̇ахан̣ам̣, нахаанз бидтибаригамма’’нд̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, маанад̇д̇аарахаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣…бз… нахаанз бидтибаригамма’’нд̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣…бз… гат̇ан̃хи наама, бхигкавз, маанад̇д̇аарахаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣…бз… нахаанз бидтибаригаммам̣! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, маанад̇д̇аарахзна бхигкунаа саад̣̇ид̇аб̣б̣ам̣ багад̇ад̇д̇аанам̣ бхигкуунам̣ абхиваад̣̇анам̣, бажжудтаанам̣…бз… нахаанз бидтибаригаммам̣. яо саад̣̇иязяяа, аабад̇д̇и д̣̇уггадасса. ануж̇аанаами, бхигкавз, маанад̇д̇аарахаанам̣ бхигкуунам̣ мит̇у яат̇аавуд̣дхам̣ абхиваад̣̇анам̣, бажжудтаанам̣…бз… нахаанз бидтибаригаммам̣. ануж̇аанаами, бхигкавз, маанад̇д̇аарахаанам̣ бхигкуунам̣ бан̃жа яат̇аавуд̣дхам̣ – убосат̇ам̣, бавааран̣ам̣, вассигасаадигам̣, он̣ож̇анам̣, бхад̇д̇ам̣. д̇зна хи, бхигкавз, маанад̇д̇аарахаанам̣ бхигкуунам̣ вад̇д̇ам̣ бан̃н̃аабзссаами яат̇аа маанад̇д̇аарахзхи бхигкуухи вад̇д̇ид̇аб̣б̣ам̣.
88. Tena kho pana samayena mānattārahā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikammaṃ. Ye te bhikkhū appicchā …pe… te ujjhāyanti khiyyanti vipācenti – ‘‘kathañhi nāma mānattārahā bhikkhū sādiyissanti pakatattānaṃ bhikkhūnaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, āsanābhihāraṃ, seyyābhihāraṃ, pādodakaṃ pādapīṭhaṃ, pādakathalikaṃ, pattacīvarapaṭiggahaṇaṃ, nahāne piṭṭhiparikamma’’nti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, mānattārahā bhikkhū sādiyanti pakatattānaṃ bhikkhūnaṃ abhivādanaṃ, paccuṭṭhānaṃ…pe… nahāne piṭṭhiparikamma’’nti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma, bhikkhave, mānattārahā bhikkhū sādiyissanti pakatattānaṃ bhikkhūnaṃ abhivādanaṃ…pe… nahāne piṭṭhiparikammaṃ! Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, mānattārahena bhikkhunā sāditabbaṃ pakatattānaṃ bhikkhūnaṃ abhivādanaṃ, paccuṭṭhānaṃ…pe… nahāne piṭṭhiparikammaṃ. Yo sādiyeyya, āpatti dukkaṭassa. Anujānāmi, bhikkhave, mānattārahānaṃ bhikkhūnaṃ mithu yathāvuḍḍhaṃ abhivādanaṃ, paccuṭṭhānaṃ…pe… nahāne piṭṭhiparikammaṃ. Anujānāmi, bhikkhave, mānattārahānaṃ bhikkhūnaṃ pañca yathāvuḍḍhaṃ – uposathaṃ, pavāraṇaṃ, vassikasāṭikaṃ, oṇojanaṃ, bhattaṃ. Tena hi, bhikkhave, mānattārahānaṃ bhikkhūnaṃ vattaṃ paññāpessāmi yathā mānattārahehi bhikkhūhi vattitabbaṃ.
89. ‘‘маанад̇д̇аарахзна, бхигкавз, бхигкунаа саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа –
89. ‘‘Mānattārahena, bhikkhave, bhikkhunā sammā vattitabbaṃ. Tatrāyaṃ sammāvattanā –
на убасамбаад̣̇зд̇аб̣б̣ам̣…бз… (яат̇аа муулааяа бадигассанаа, д̇ат̇аа вид̇т̇аарзд̇аб̣б̣ам̣.) на бхигкуухи самбаяож̇зд̇аб̣б̣ам̣.
Na upasampādetabbaṃ…pe… (yathā mūlāya paṭikassanā, tathā vitthāretabbaṃ.) Na bhikkhūhi sampayojetabbaṃ.
‘‘на, бхигкавз, маанад̇д̇аарахзна бхигкунаа багад̇ад̇д̇асса бхигкуно бурад̇о г̇анд̇аб̣б̣ам̣, на бурад̇о нисийд̣̇ид̇аб̣б̣ам̣. яо ход̇и сан̇гхасса аасанабарияанд̇о сзяяаабарияанд̇о вихаарабарияанд̇о со д̇асса бад̣̇аад̇аб̣б̣о. д̇зна жа со саад̣̇ид̇аб̣б̣о.
‘‘Na, bhikkhave, mānattārahena bhikkhunā pakatattassa bhikkhuno purato gantabbaṃ, na purato nisīditabbaṃ. Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
‘‘на , бхигкавз, маанад̇д̇аарахзна бхигкунаа багад̇ад̇д̇зна бхигкунаа бурзсаман̣зна ваа бажчаасаман̣зна ваа гулаани убасан̇гамид̇аб̣б̣аани, на ааран̃н̃иган̇г̇ам̣ самаад̣̇аад̇аб̣б̣ам̣, на бин̣д̣абаад̇иган̇г̇ам̣ самаад̣̇аад̇аб̣б̣ам̣, на жа д̇аббажжаяаа бин̣д̣абаад̇о нийхараабзд̇аб̣б̣о – маа мам̣ ж̇ааним̣сууд̇и.
‘‘Na , bhikkhave, mānattārahena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni, na āraññikaṅgaṃ samādātabbaṃ, na piṇḍapātikaṅgaṃ samādātabbaṃ, na ca tappaccayā piṇḍapāto nīharāpetabbo – mā maṃ jāniṃsūti.
‘‘на, бхигкавз, маанад̇д̇аарахзна бхигкунаа сабхигкугаа ааваасаа абхигкуго ааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
‘‘на, бхигкавз, манад̇д̇аарахзна бхигкунаа сабхигкугаа ааваасаа абхигкуго анааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, manattārahena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā.
‘‘на, бхигкавз, маанад̇д̇аарахзна бхигкунаа сабхигкугаа ааваасаа абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā āvāsā abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘на, бхигкавз, маанад̇д̇аарахзна бхигкунаа сабхигкугаа анааваасаа абхигкуго ааваасо г̇анд̇аб̣б̣о…бз… абхигкуго анааваасо г̇анд̇аб̣б̣о…бз… абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā anāvāsā abhikkhuko āvāso gantabbo…pe… abhikkhuko anāvāso gantabbo…pe… abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘на, бхигкавз, маанад̇д̇аарахзна бхигкунаа сабхигкугаа ааваасаа ваа анааваасаа ваа абхигкуго ааваасо г̇анд̇аб̣б̣о…бз… абхигкуго анааваасо г̇анд̇аб̣б̣о…бз… абхигкуго ааваасо ваа анааваасо ваа г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā āvāsā vā anāvāsā vā abhikkhuko āvāso gantabbo…pe… abhikkhuko anāvāso gantabbo…pe… abhikkhuko āvāso vā anāvāso vā gantabbo, aññatra pakatattena, aññatra antarāyā.
‘‘на, бхигкавз, маанад̇д̇аарахзна бхигкунаа сабхигкугаа ааваасаа сабхигкуго ааваасо г̇анд̇аб̣б̣о…бз… сабхигкуго анааваасо г̇анд̇аб̣б̣о…бз… сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā āvāsā sabhikkhuko āvāso gantabbo…pe… sabhikkhuko anāvāso gantabbo…pe… sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
‘‘на, бхигкавз, маанад̇д̇аарахзна бхигкунаа сабхигкугаа анааваасаа сабхигкуго ааваасо г̇анд̇аб̣б̣о…бз… сабхигкуго анааваасо г̇анд̇аб̣б̣о …бз… сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā anāvāsā sabhikkhuko āvāso gantabbo…pe… sabhikkhuko anāvāso gantabbo …pe… sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
‘‘на, бхигкавз, маанад̇д̇аарахзна бхигкунаа сабхигкугаа ааваасаа ваа анааваасаа ваа сабхигкуго ааваасо г̇анд̇аб̣б̣о…бз… сабхигкуго анааваасо г̇анд̇аб̣б̣о…бз… сабхигкуго ааваасо ваа анааваасо ваа г̇анд̇аб̣б̣о, яад̇т̇ассу бхигкуу наанаасам̣ваасагаа, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, mānattārahena bhikkhunā sabhikkhukā āvāsā vā anāvāsā vā sabhikkhuko āvāso gantabbo…pe… sabhikkhuko anāvāso gantabbo…pe… sabhikkhuko āvāso vā anāvāso vā gantabbo, yatthassu bhikkhū nānāsaṃvāsakā, aññatra pakatattena, aññatra antarāyā.
‘‘г̇анд̇аб̣б̣о, бхигкавз, маанад̇д̇аарахзна бхигкунаа сабхигкугаа ааваасаа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, mānattārahena bhikkhunā sabhikkhukā āvāsā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, маанад̇д̇аарахзна бхигкунаа сабхигкугаа анааваасаа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, mānattārahena bhikkhunā sabhikkhukā anāvāsā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘г̇анд̇аб̣б̣о, бхигкавз, маанад̇д̇аарахзна бхигкунаа сабхигкугаа ааваасаа ваа анааваасаа ваа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo, bhikkhave, mānattārahena bhikkhunā sabhikkhukā āvāsā vā anāvāsā vā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘на, бхигкавз, маанад̇д̇аарахзна бхигкунаа багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣. багад̇ад̇д̇ам̣ бхигкум̣ д̣̇исваа аасанаа вудтаад̇аб̣б̣ам̣. багад̇ад̇д̇о бхигку аасанзна ниманд̇зд̇аб̣б̣о. на багад̇ад̇д̇зна бхигкунаа сад̣̇д̇хим̣ згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣, на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
‘‘Na, bhikkhave, mānattārahena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ. Pakatattaṃ bhikkhuṃ disvā āsanā vuṭṭhātabbaṃ. Pakatatto bhikkhu āsanena nimantetabbo. Na pakatattena bhikkhunā saddhiṃ ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
‘‘на , бхигкавз, маанад̇д̇аарахзна бхигкунаа баариваасигзна бхигкунаа сад̣̇д̇хим̣…бз… муулааяабадигассанаарахзна бхигкунаа сад̣̇д̇хим̣…бз… маанад̇д̇аарахзна вуд̣дхад̇арзна бхигкунаа сад̣̇д̇хим̣…бз… маанад̇д̇ажааригзна бхигкунаа сад̣̇д̇хим̣…бз… аб̣бхаанаарахзна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣; на згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣, на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
‘‘Na , bhikkhave, mānattārahena bhikkhunā pārivāsikena bhikkhunā saddhiṃ…pe… mūlāyapaṭikassanārahena bhikkhunā saddhiṃ…pe… mānattārahena vuḍḍhatarena bhikkhunā saddhiṃ…pe… mānattacārikena bhikkhunā saddhiṃ…pe… abbhānārahena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ; na ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
1 ‘‘маанад̇д̇аарахажад̇уд̇т̇о жз, бхигкавз, бариваасам̣ д̣̇ад̣̇зяяа, муулааяа бадигассзяяа, маанад̇д̇ам̣ д̣̇ад̣̇зяяа, д̇ам̣вийсо аб̣бхзяяа, агаммам̣, на жа гаран̣ийяа’’нд̇и.
2 ‘‘Mānattārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya, akammaṃ, na ca karaṇīya’’nti.
маанад̇д̇аарахавад̇д̇ам̣ нидтид̇ам̣.
Mānattārahavattaṃ niṭṭhitaṃ.
Footnotes:
