| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. маанад̇т̇ад̣̇д̇хасуд̇д̇ам̣
5. Mānatthaddhasuttaṃ
201. саавад̇т̇инид̣̇аанам̣ . д̇зна ко бана самаязна маанад̇т̇ад̣̇д̇хо наама б̣раахман̣о саавад̇т̇ияам̣ бадивасад̇и. со нзва маад̇арам̣ абхиваад̣̇зд̇и, на бид̇арам̣ абхиваад̣̇зд̇и, на аажарияам̣ абхиваад̣̇зд̇и, на ж̇здтабхаад̇арам̣ абхиваад̣̇зд̇и. д̇зна ко бана самаязна бхаг̇аваа махад̇ияаа барисааяа баривуд̇о д̇хаммам̣ д̣̇зсзд̇и. ат̇а ко маанад̇т̇ад̣̇д̇хасса б̣раахман̣асса зд̇ад̣̇ахоси – ‘‘аяам̣ ко саман̣о г̇од̇амо махад̇ияаа барисааяа баривуд̇о д̇хаммам̣ д̣̇зсзд̇и. яам̣нуунаахам̣ язна саман̣о г̇од̇амо д̇знубасан̇гамзяяам̣. сажз мам̣ саман̣о г̇од̇амо аалабиссад̇и, ахамби д̇ам̣ аалабиссаами. но жз мам̣ саман̣о г̇од̇амо аалабиссад̇и, ахамби наалабиссаамий’’д̇и. ат̇а ко маанад̇т̇ад̣̇д̇хо б̣раахман̣о язна бхаг̇аваа д̇знубасан̇гами; убасан̇гамид̇ваа д̇ун̣хийбхууд̇о згаманд̇ам̣ адтааси. ат̇а ко бхаг̇аваа д̇ам̣ наалаби. ат̇а ко маанад̇т̇ад̣̇д̇хо б̣раахман̣о – ‘нааяам̣ саман̣о г̇од̇амо гин̃жи ж̇аанаад̇ий’д̇и д̇ад̇ова буна нивад̇д̇ид̇угаамо ахоси. ат̇а ко бхаг̇аваа маанад̇т̇ад̣̇д̇хасса б̣раахман̣асса жзд̇асаа жзд̇обаривид̇аггаман̃н̃ааяа маанад̇т̇ад̣̇д̇хам̣ б̣раахман̣ам̣ г̇аат̇ааяа аж̇жхабхааси –
201. Sāvatthinidānaṃ . Tena kho pana samayena mānatthaddho nāma brāhmaṇo sāvatthiyaṃ paṭivasati. So neva mātaraṃ abhivādeti, na pitaraṃ abhivādeti, na ācariyaṃ abhivādeti, na jeṭṭhabhātaraṃ abhivādeti. Tena kho pana samayena bhagavā mahatiyā parisāya parivuto dhammaṃ deseti. Atha kho mānatthaddhassa brāhmaṇassa etadahosi – ‘‘ayaṃ kho samaṇo gotamo mahatiyā parisāya parivuto dhammaṃ deseti. Yaṃnūnāhaṃ yena samaṇo gotamo tenupasaṅkameyyaṃ. Sace maṃ samaṇo gotamo ālapissati, ahampi taṃ ālapissāmi. No ce maṃ samaṇo gotamo ālapissati, ahampi nālapissāmī’’ti. Atha kho mānatthaddho brāhmaṇo yena bhagavā tenupasaṅkami; upasaṅkamitvā tuṇhībhūto ekamantaṃ aṭṭhāsi. Atha kho bhagavā taṃ nālapi. Atha kho mānatthaddho brāhmaṇo – ‘nāyaṃ samaṇo gotamo kiñci jānātī’ti tatova puna nivattitukāmo ahosi. Atha kho bhagavā mānatthaddhassa brāhmaṇassa cetasā cetoparivitakkamaññāya mānatthaddhaṃ brāhmaṇaṃ gāthāya ajjhabhāsi –
‘‘на маанам̣ б̣раахман̣а саад̇ху, ад̇т̇игассийд̇ха б̣раахман̣а;
‘‘Na mānaṃ brāhmaṇa sādhu, atthikassīdha brāhmaṇa;
язна ад̇т̇зна ааг̇ажчи, д̇амзвамануб̣руухаяз’’д̇и.
Yena atthena āgacchi, tamevamanubrūhaye’’ti.
ат̇а ко маанад̇т̇ад̣̇д̇хо б̣раахман̣о – ‘‘жид̇д̇ам̣ мз саман̣о г̇од̇амо ж̇аанаад̇ий’’д̇и д̇ад̇т̇зва бхаг̇авад̇о баад̣̇зсу сирасаа нибад̇ид̇ваа бхаг̇авад̇о баад̣̇аани мукзна жа барижумб̣ад̇и баан̣ийхи жа барисамб̣аахад̇и, нааман̃жа саавзд̇и – ‘‘маанад̇т̇ад̣̇д̇хаахам̣, бхо г̇од̇ама, маанад̇т̇ад̣̇д̇хаахам̣, бхо г̇од̇амаа’’д̇и. ат̇а ко саа барисаа аб̣бхуд̇ажид̇д̇аж̇аад̇аа 1 ахоси – ‘ажчарияам̣ вад̇а бхо, аб̣бхуд̇ам̣ вад̇а бхо! аяан̃хи маанад̇т̇ад̣̇д̇хо б̣раахман̣о нзва маад̇арам̣ абхиваад̣̇зд̇и, на бид̇арам̣ абхиваад̣̇зд̇и, на аажарияам̣ абхиваад̣̇зд̇и, на ж̇здтабхаад̇арам̣ абхиваад̣̇зд̇и; ат̇а жа бана саман̣з г̇од̇амз зваруубам̣ бараманибажжагаарам̣ гарод̇ий’д̇и. ат̇а ко бхаг̇аваа маанад̇т̇ад̣̇д̇хам̣ б̣раахман̣ам̣ зд̇ад̣̇авожа – ‘‘алам̣, б̣раахман̣а , удтзхи, сагз аасанз нисийд̣̇а. яад̇о д̇з маяи жид̇д̇ам̣ басанна’’нд̇и. ат̇а ко маанад̇т̇ад̣̇д̇хо б̣раахман̣о сагз аасанз нисийд̣̇ид̇ваа бхаг̇аванд̇ам̣ г̇аат̇ааяа аж̇жхабхааси –
Atha kho mānatthaddho brāhmaṇo – ‘‘cittaṃ me samaṇo gotamo jānātī’’ti tattheva bhagavato pādesu sirasā nipatitvā bhagavato pādāni mukhena ca paricumbati pāṇīhi ca parisambāhati, nāmañca sāveti – ‘‘mānatthaddhāhaṃ, bho gotama, mānatthaddhāhaṃ, bho gotamā’’ti. Atha kho sā parisā abbhutacittajātā 2 ahosi – ‘acchariyaṃ vata bho, abbhutaṃ vata bho! Ayañhi mānatthaddho brāhmaṇo neva mātaraṃ abhivādeti, na pitaraṃ abhivādeti, na ācariyaṃ abhivādeti, na jeṭṭhabhātaraṃ abhivādeti; atha ca pana samaṇe gotame evarūpaṃ paramanipaccakāraṃ karotī’ti. Atha kho bhagavā mānatthaddhaṃ brāhmaṇaṃ etadavoca – ‘‘alaṃ, brāhmaṇa , uṭṭhehi, sake āsane nisīda. Yato te mayi cittaṃ pasanna’’nti. Atha kho mānatthaddho brāhmaṇo sake āsane nisīditvā bhagavantaṃ gāthāya ajjhabhāsi –
‘‘гзсу на маанам̣ гаяираат̇а, гзсу жасса саг̇аараво;
‘‘Kesu na mānaṃ kayirātha, kesu cassa sagāravo;
гяасса абажид̇аа ассу, гяассу саад̇ху субууж̇ид̇аа’’д̇и.
Kyassa apacitā assu, kyassu sādhu supūjitā’’ti.
‘‘маад̇ари бид̇ари жааби, ат̇о ж̇здтамхи бхаад̇ари;
‘‘Mātari pitari cāpi, atho jeṭṭhamhi bhātari;
аажарияз жад̇уд̇т̇амхи,
Ācariye catutthamhi,
д̇зсу на маанам̣ гаяираат̇а;
Tesu na mānaṃ kayirātha;
д̇зсу асса саг̇аараво,
Tesu assa sagāravo,
д̇яасса абажид̇аа ассу;
Tyassa apacitā assu;
д̇яассу саад̇ху субууж̇ид̇аа.
Tyassu sādhu supūjitā.
‘‘араханд̇з сийд̇ийбхууд̇з, гад̇агижжз анаасавз;
‘‘Arahante sītībhūte, katakicce anāsave;
нихажжа маанам̣ ат̇ад̣̇д̇хо, д̇з намассз ануд̇д̇арз’’д̇и.
Nihacca mānaṃ athaddho, te namasse anuttare’’ti.
звам̣ вуд̇д̇з, маанад̇т̇ад̣̇д̇хо б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, mānatthaddho brāhmaṇo bhagavantaṃ etadavoca – ‘‘abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. маанад̇т̇ад̣̇д̇хасуд̇д̇аван̣н̣анаа • 5. Mānatthaddhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. маанад̇т̇ад̣̇д̇хасуд̇д̇аван̣н̣анаа • 5. Mānatthaddhasuttavaṇṇanā
