| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. மானத்த²த்³த⁴ஸுத்தவண்ணனா
5. Mānatthaddhasuttavaṇṇanā
201. பஞ்சமே மானத்த²த்³தோ⁴தி வாதப⁴ரிதப⁴ஸ்தா விய மானேன த²த்³தோ⁴. ஆசரியந்தி ஸிப்புக்³க³ஹணகாலே ஆசரியோ அனபி⁴வாதெ³ந்தஸ்ஸ ஸிப்பங் ந தே³தி, அஞ்ஞஸ்மிங் பன காலே தங் ந அபி⁴வாதே³தி, அத்தி²பா⁴வம்பிஸ்ஸ ந ஜானாதி. நாயங் ஸமணோதி ஏவங் கிரஸ்ஸ அஹோஸி – ‘‘யஸ்மா அயங் ஸமணோ மாதி³ஸே ஜாதிஸம்பன்னப்³ராஹ்மணே ஸம்பத்தே படிஸந்தா²ரமத்தம்பி ந கரோதி, தஸ்மா ந கிஞ்சி ஜானாதீ’’தி.
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
அப்³பு⁴தவித்தஜாதாதி அபூ⁴தபுப்³பா³ய துட்டி²யா ஸமன்னாக³தா. கேஸு சஸ்ஸாதி கேஸு ப⁴வெய்ய. க்யஸ்ஸாதி கே அஸ்ஸ புக்³க³லஸ்ஸ. அபசிதா அஸ்ஸூதி அபசிதிங் த³ஸ்ஸேதுங் யுத்தா ப⁴வெய்யுங். அரஹந்தேதி இமாய கா³தா²ய தே³ஸனாகுஸலத்தா அத்தானங் அந்தோகத்வா பூஜனெய்யங் த³ஸ்ஸேதி. பஞ்சமங்.
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. மானத்த²த்³த⁴ஸுத்தங் • 5. Mānatthaddhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. மானத்த²த்³த⁴ஸுத்தவண்ணனா • 5. Mānatthaddhasuttavaṇṇanā
