| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৫. মানত্থদ্ধসুত্তৰণ্ণনা
5. Mānatthaddhasuttavaṇṇanā
২০১. পঞ্চমে মানত্থদ্ধোতি ৰাতভরিতভস্তা ৰিয মানেন থদ্ধো। আচরিযন্তি সিপ্পুগ্গহণকালে আচরিযো অনভিৰাদেন্তস্স সিপ্পং ন দেতি, অঞ্ঞস্মিং পন কালে তং ন অভিৰাদেতি, অত্থিভাৰম্পিস্স ন জানাতি। নাযং সমণোতি এৰং কিরস্স অহোসি – ‘‘যস্মা অযং সমণো মাদিসে জাতিসম্পন্নব্রাহ্মণে সম্পত্তে পটিসন্থারমত্তম্পি ন করোতি, তস্মা ন কিঞ্চি জানাতী’’তি।
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
অব্ভুতৰিত্তজাতাতি অভূতপুব্বায তুট্ঠিযা সমন্নাগতা। কেসু চস্সাতি কেসু ভৰেয্য। ক্যস্সাতি কে অস্স পুগ্গলস্স। অপচিতা অস্সূতি অপচিতিং দস্সেতুং যুত্তা ভৰেয্যুং। অরহন্তেতি ইমায গাথায দেসনাকুসলত্তা অত্তানং অন্তোকত্ৰা পূজনেয্যং দস্সেতি। পঞ্চমং।
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৫. মানত্থদ্ধসুত্তং • 5. Mānatthaddhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. মানত্থদ্ধসুত্তৰণ্ণনা • 5. Mānatthaddhasuttavaṇṇanā
