| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. маанад̇т̇ад̣̇д̇хасуд̇д̇аван̣н̣анаа
5. Mānatthaddhasuttavaṇṇanā
201. бан̃жамз маанад̇т̇ад̣̇д̇ход̇и ваад̇абхарид̇абхасд̇аа вияа маанзна т̇ад̣̇д̇хо. аажарияанд̇и сиббуг̇г̇ахан̣агаалз аажарияо анабхиваад̣̇знд̇асса сиббам̣ на д̣̇зд̇и, ан̃н̃асмим̣ бана гаалз д̇ам̣ на абхиваад̣̇зд̇и, ад̇т̇ибхаавамбисса на ж̇аанаад̇и. нааяам̣ саман̣од̇и звам̣ гирасса ахоси – ‘‘яасмаа аяам̣ саман̣о маад̣̇исз ж̇аад̇исамбаннаб̣раахман̣з самбад̇д̇з бадисант̇аарамад̇д̇амби на гарод̇и, д̇асмаа на гин̃жи ж̇аанаад̇ий’’д̇и.
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
аб̣бхуд̇авид̇д̇аж̇аад̇аад̇и абхууд̇абуб̣б̣ааяа д̇удтияаа саманнааг̇ад̇аа. гзсу жассаад̇и гзсу бхавзяяа. гяассаад̇и гз асса буг̇г̇аласса. абажид̇аа ассууд̇и абажид̇им̣ д̣̇ассзд̇ум̣ яуд̇д̇аа бхавзяяум̣. араханд̇зд̇и имааяа г̇аат̇ааяа д̣̇зсанаагусалад̇д̇аа ад̇д̇аанам̣ анд̇огад̇ваа бууж̇анзяяам̣ д̣̇ассзд̇и. бан̃жамам̣.
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. маанад̇т̇ад̣̇д̇хасуд̇д̇ам̣ • 5. Mānatthaddhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. маанад̇т̇ад̣̇д̇хасуд̇д̇аван̣н̣анаа • 5. Mānatthaddhasuttavaṇṇanā
