| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
५. मानत्थद्धसुत्तवण्णना
5. Mānatthaddhasuttavaṇṇanā
२०१. मानेन थद्धोति ‘‘अयं खो’’तिआदिना पग्गहितेन मानेन थद्धो बज्झितचित्तो थद्धअयोसलाको विय कस्सचिपि अनोनतो। न किञ्चि जानाति लोके पटिसन्थारमत्तस्सपि अजाननतो।
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
अब्भुतवित्तजाताति सञ्जातअब्भुतवित्ता। वित्तं वित्तीति च तुट्ठिपरियाया। अभूतपुब्बायाति या तस्सा परिसाय वित्ति तदा भूता, सा इतो पुब्बे अभूता। तेनाह ‘‘अभूत…पे॰… समन्नागता’’ति। अस्स पुग्गलस्साति अनेन पुग्गलेन। अपचिताति परमनिपच्चेन पूजनीयसामञ्ञतो तत्थ अत्तनो पक्खिपनं इध देसनाकोसल्लं।
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
मानत्थद्धसुत्तवण्णना निट्ठिता।
Mānatthaddhasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ५. मानत्थद्धसुत्तं • 5. Mānatthaddhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ५. मानत्थद्धसुत्तवण्णना • 5. Mānatthaddhasuttavaṇṇanā
