| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๕. มานตฺถทฺธสุตฺตวณฺณนา
5. Mānatthaddhasuttavaṇṇanā
๒๐๑. ปญฺจเม มานตฺถโทฺธติ วาตภริตภสฺตา วิย มาเนน ถโทฺธฯ อาจริยนฺติ สิปฺปุคฺคหณกาเล อาจริโย อนภิวาเทนฺตสฺส สิปฺปํ น เทติ, อญฺญสฺมิํ ปน กาเล ตํ น อภิวาเทติ, อตฺถิภาวมฺปิสฺส น ชานาติฯ นายํ สมโณติ เอวํ กิรสฺส อโหสิ – ‘‘ยสฺมา อยํ สมโณ มาทิเส ชาติสมฺปนฺนพฺราหฺมเณ สมฺปเตฺต ปฎิสนฺถารมตฺตมฺปิ น กโรติ, ตสฺมา น กิญฺจิ ชานาตี’’ติฯ
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
อพฺภุตวิตฺตชาตาติ อภูตปุพฺพาย ตุฎฺฐิยา สมนฺนาคตาฯ เกสุ จสฺสาติ เกสุ ภเวยฺยฯ กฺยสฺสาติ เก อสฺส ปุคฺคลสฺสฯ อปจิตา อสฺสูติ อปจิติํ ทเสฺสตุํ ยุตฺตา ภเวยฺยุํฯ อรหเนฺตติ อิมาย คาถาย เทสนากุสลตฺตา อตฺตานํ อโนฺตกตฺวา ปูชเนยฺยํ ทเสฺสติฯ ปญฺจมํฯ
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. มานตฺถทฺธสุตฺตํ • 5. Mānatthaddhasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๕. มานตฺถทฺธสุตฺตวณฺณนา • 5. Mānatthaddhasuttavaṇṇanā
