| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. มานตฺถทฺธสุตฺตวณฺณนา
5. Mānatthaddhasuttavaṇṇanā
๒๐๑. มาเนน ถโทฺธติ ‘‘อยํ โข’’ติอาทินา ปคฺคหิเตน มาเนน ถโทฺธ พชฺฌิตจิโตฺต ถทฺธอโยสลาโก วิย กสฺสจิปิ อโนนโตฯ น กิญฺจิ ชานาติ โลเก ปฎิสนฺถารมตฺตสฺสปิ อชานนโตฯ
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
อพฺภุตวิตฺตชาตาติ สญฺชาตอพฺภุตวิตฺตาฯ วิตฺตํ วิตฺตีติ จ ตุฎฺฐิปริยายาฯ อภูตปุพฺพายาติ ยา ตสฺสา ปริสาย วิตฺติ ตทา ภูตา, สา อิโต ปุเพฺพ อภูตาฯ เตนาห ‘‘อภูต…เป.… สมนฺนาคตา’’ติฯ อสฺส ปุคฺคลสฺสาติ อเนน ปุคฺคเลนฯ อปจิตาติ ปรมนิปเจฺจน ปูชนียสามญฺญโต ตตฺถ อตฺตโน ปกฺขิปนํ อิธ เทสนาโกสลฺลํฯ
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
มานตฺถทฺธสุตฺตวณฺณนา นิฎฺฐิตาฯ
Mānatthaddhasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๕. มานตฺถทฺธสุตฺตํ • 5. Mānatthaddhasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๕. มานตฺถทฺธสุตฺตวณฺณนา • 5. Mānatthaddhasuttavaṇṇanā
