| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៥. មានត្ថទ្ធសុត្តវណ្ណនា
5. Mānatthaddhasuttavaṇṇanā
២០១. មានេន ថទ្ធោតិ ‘‘អយំ ខោ’’តិអាទិនា បគ្គហិតេន មានេន ថទ្ធោ ពជ្ឈិតចិត្តោ ថទ្ធអយោសលាកោ វិយ កស្សចិបិ អនោនតោ។ ន កិញ្ចិ ជានាតិ លោកេ បដិសន្ថារមត្តស្សបិ អជាននតោ។
201.Mānenathaddhoti ‘‘ayaṃ kho’’tiādinā paggahitena mānena thaddho bajjhitacitto thaddhaayosalāko viya kassacipi anonato. Na kiñci jānāti loke paṭisanthāramattassapi ajānanato.
អព្ភុតវិត្តជាតាតិ សញ្ជាតអព្ភុតវិត្តា។ វិត្តំ វិត្តីតិ ច តុដ្ឋិបរិយាយា។ អភូតបុព្ពាយាតិ យា តស្សា បរិសាយ វិត្តិ តទា ភូតា, សា ឥតោ បុព្ពេ អភូតា។ តេនាហ ‘‘អភូត…បេ.… សមន្នាគតា’’តិ។ អស្ស បុគ្គលស្សាតិ អនេន បុគ្គលេន។ អបចិតាតិ បរមនិបច្ចេន បូជនីយសាមញ្ញតោ តត្ថ អត្តនោ បក្ខិបនំ ឥធ ទេសនាកោសល្លំ។
Abbhutavittajātāti sañjātaabbhutavittā. Vittaṃ vittīti ca tuṭṭhipariyāyā. Abhūtapubbāyāti yā tassā parisāya vitti tadā bhūtā, sā ito pubbe abhūtā. Tenāha ‘‘abhūta…pe… samannāgatā’’ti. Assa puggalassāti anena puggalena. Apacitāti paramanipaccena pūjanīyasāmaññato tattha attano pakkhipanaṃ idha desanākosallaṃ.
មានត្ថទ្ធសុត្តវណ្ណនា និដ្ឋិតា។
Mānatthaddhasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៥. មានត្ថទ្ធសុត្តំ • 5. Mānatthaddhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៥. មានត្ថទ្ធសុត្តវណ្ណនា • 5. Mānatthaddhasuttavaṇṇanā
