| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೫. ಮಾನತ್ಥದ್ಧಸುತ್ತವಣ್ಣನಾ
5. Mānatthaddhasuttavaṇṇanā
೨೦೧. ಪಞ್ಚಮೇ ಮಾನತ್ಥದ್ಧೋತಿ ವಾತಭರಿತಭಸ್ತಾ ವಿಯ ಮಾನೇನ ಥದ್ಧೋ। ಆಚರಿಯನ್ತಿ ಸಿಪ್ಪುಗ್ಗಹಣಕಾಲೇ ಆಚರಿಯೋ ಅನಭಿವಾದೇನ್ತಸ್ಸ ಸಿಪ್ಪಂ ನ ದೇತಿ, ಅಞ್ಞಸ್ಮಿಂ ಪನ ಕಾಲೇ ತಂ ನ ಅಭಿವಾದೇತಿ, ಅತ್ಥಿಭಾವಮ್ಪಿಸ್ಸ ನ ಜಾನಾತಿ। ನಾಯಂ ಸಮಣೋತಿ ಏವಂ ಕಿರಸ್ಸ ಅಹೋಸಿ – ‘‘ಯಸ್ಮಾ ಅಯಂ ಸಮಣೋ ಮಾದಿಸೇ ಜಾತಿಸಮ್ಪನ್ನಬ್ರಾಹ್ಮಣೇ ಸಮ್ಪತ್ತೇ ಪಟಿಸನ್ಥಾರಮತ್ತಮ್ಪಿ ನ ಕರೋತಿ, ತಸ್ಮಾ ನ ಕಿಞ್ಚಿ ಜಾನಾತೀ’’ತಿ।
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
ಅಬ್ಭುತವಿತ್ತಜಾತಾತಿ ಅಭೂತಪುಬ್ಬಾಯ ತುಟ್ಠಿಯಾ ಸಮನ್ನಾಗತಾ। ಕೇಸು ಚಸ್ಸಾತಿ ಕೇಸು ಭವೇಯ್ಯ। ಕ್ಯಸ್ಸಾತಿ ಕೇ ಅಸ್ಸ ಪುಗ್ಗಲಸ್ಸ। ಅಪಚಿತಾ ಅಸ್ಸೂತಿ ಅಪಚಿತಿಂ ದಸ್ಸೇತುಂ ಯುತ್ತಾ ಭವೇಯ್ಯುಂ। ಅರಹನ್ತೇತಿ ಇಮಾಯ ಗಾಥಾಯ ದೇಸನಾಕುಸಲತ್ತಾ ಅತ್ತಾನಂ ಅನ್ತೋಕತ್ವಾ ಪೂಜನೇಯ್ಯಂ ದಸ್ಸೇತಿ। ಪಞ್ಚಮಂ।
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೫. ಮಾನತ್ಥದ್ಧಸುತ್ತಂ • 5. Mānatthaddhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೫. ಮಾನತ್ಥದ್ಧಸುತ್ತವಣ್ಣನಾ • 5. Mānatthaddhasuttavaṇṇanā
