| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਮਾਨਤ੍ਥਦ੍ਧਸੁਤ੍ਤવਣ੍ਣਨਾ
5. Mānatthaddhasuttavaṇṇanā
੨੦੧. ਪਞ੍ਚਮੇ ਮਾਨਤ੍ਥਦ੍ਧੋਤਿ વਾਤਭਰਿਤਭਸ੍ਤਾ વਿਯ ਮਾਨੇਨ ਥਦ੍ਧੋ। ਆਚਰਿਯਨ੍ਤਿ ਸਿਪ੍ਪੁਗ੍ਗਹਣਕਾਲੇ ਆਚਰਿਯੋ ਅਨਭਿવਾਦੇਨ੍ਤਸ੍ਸ ਸਿਪ੍ਪਂ ਨ ਦੇਤਿ, ਅਞ੍ਞਸ੍ਮਿਂ ਪਨ ਕਾਲੇ ਤਂ ਨ ਅਭਿવਾਦੇਤਿ, ਅਤ੍ਥਿਭਾવਮ੍ਪਿਸ੍ਸ ਨ ਜਾਨਾਤਿ। ਨਾਯਂ ਸਮਣੋਤਿ ਏવਂ ਕਿਰਸ੍ਸ ਅਹੋਸਿ – ‘‘ਯਸ੍ਮਾ ਅਯਂ ਸਮਣੋ ਮਾਦਿਸੇ ਜਾਤਿਸਮ੍ਪਨ੍ਨਬ੍ਰਾਹ੍ਮਣੇ ਸਮ੍ਪਤ੍ਤੇ ਪਟਿਸਨ੍ਥਾਰਮਤ੍ਤਮ੍ਪਿ ਨ ਕਰੋਤਿ, ਤਸ੍ਮਾ ਨ ਕਿਞ੍ਚਿ ਜਾਨਾਤੀ’’ਤਿ।
201. Pañcame mānatthaddhoti vātabharitabhastā viya mānena thaddho. Ācariyanti sippuggahaṇakāle ācariyo anabhivādentassa sippaṃ na deti, aññasmiṃ pana kāle taṃ na abhivādeti, atthibhāvampissa na jānāti. Nāyaṃ samaṇoti evaṃ kirassa ahosi – ‘‘yasmā ayaṃ samaṇo mādise jātisampannabrāhmaṇe sampatte paṭisanthāramattampi na karoti, tasmā na kiñci jānātī’’ti.
ਅਬ੍ਭੁਤવਿਤ੍ਤਜਾਤਾਤਿ ਅਭੂਤਪੁਬ੍ਬਾਯ ਤੁਟ੍ਠਿਯਾ ਸਮਨ੍ਨਾਗਤਾ। ਕੇਸੁ ਚਸ੍ਸਾਤਿ ਕੇਸੁ ਭવੇਯ੍ਯ। ਕ੍ਯਸ੍ਸਾਤਿ ਕੇ ਅਸ੍ਸ ਪੁਗ੍ਗਲਸ੍ਸ। ਅਪਚਿਤਾ ਅਸ੍ਸੂਤਿ ਅਪਚਿਤਿਂ ਦਸ੍ਸੇਤੁਂ ਯੁਤ੍ਤਾ ਭવੇਯ੍ਯੁਂ। ਅਰਹਨ੍ਤੇਤਿ ਇਮਾਯ ਗਾਥਾਯ ਦੇਸਨਾਕੁਸਲਤ੍ਤਾ ਅਤ੍ਤਾਨਂ ਅਨ੍ਤੋਕਤ੍વਾ ਪੂਜਨੇਯ੍ਯਂ ਦਸ੍ਸੇਤਿ। ਪਞ੍ਚਮਂ।
Abbhutavittajātāti abhūtapubbāya tuṭṭhiyā samannāgatā. Kesu cassāti kesu bhaveyya. Kyassāti ke assa puggalassa. Apacitā assūti apacitiṃ dassetuṃ yuttā bhaveyyuṃ. Arahanteti imāya gāthāya desanākusalattā attānaṃ antokatvā pūjaneyyaṃ dasseti. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਮਾਨਤ੍ਥਦ੍ਧਸੁਤ੍ਤਂ • 5. Mānatthaddhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਮਾਨਤ੍ਥਦ੍ਧਸੁਤ੍ਤવਣ੍ਣਨਾ • 5. Mānatthaddhasuttavaṇṇanā
