Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

3. маан̣авад̇т̇зраг̇аат̇ааван̣н̣анаа

3. Māṇavattheragāthāvaṇṇanā

ж̇ин̣н̣ан̃жа д̣̇исваа д̣̇укид̇ан̃жа б̣яаад̇хид̇анд̇и ааяасмад̇о маан̣авад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о ид̇о зганавуд̇з габбз б̣раахман̣агулз ниб̣б̣ад̇д̇ид̇ваа лагкан̣ад̇харо худ̇ваа вибассисса бхаг̇авад̇о абхиж̇аад̇ияаа лагкан̣аани бариг̇г̇ахзд̇ваа буб̣б̣анимид̇д̇аани саавзд̇ваа, ‘‘згам̣сзна аяам̣ б̣уд̣̇д̇хо бхависсад̇ий’’д̇и б̣яаагарид̇ваа наанаанаязхи т̇омзд̇ваа абхиваад̣̇зд̇ваа бад̣̇агкин̣ам̣ гад̇ваа баггаами. со д̇зна бун̃н̃агаммзна суг̇ад̇ийсуязва сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣амахаасааласса г̇зхз ниб̣б̣ад̇д̇ид̇ваа яаава сад̇д̇авассаани, д̇аава анд̇огхарзязва вад̣дхид̇ваа сад̇д̇амз сам̣важчарз убанаяанад̇т̇ам̣ уяяаанам̣ нийд̇о анд̇араамаг̇г̇з ж̇ин̣н̣аад̇урамад̇з д̣̇исваа д̇зсам̣ ад̣̇идтабуб̣б̣ад̇д̇аа д̇з бариж̇анз бужчид̇ваа ж̇араарог̇амаран̣асабхаавам̣ суд̇ваа сан̃ж̇аад̇асам̣взг̇о д̇ад̇о анивад̇д̇анд̇о вихаарам̣ г̇анд̇ваа сад̇т̇у санд̇игз д̇хаммам̣ суд̇ваа маад̇аабид̇аро ануж̇аанаабзд̇ваа баб̣б̣аж̇ид̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.13.41-64) –

Jiṇṇañca disvā dukhitañca byādhitanti āyasmato māṇavattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto ito ekanavute kappe brāhmaṇakule nibbattitvā lakkhaṇadharo hutvā vipassissa bhagavato abhijātiyā lakkhaṇāni pariggahetvā pubbanimittāni sāvetvā, ‘‘ekaṃsena ayaṃ buddho bhavissatī’’ti byākaritvā nānānayehi thometvā abhivādetvā padakkhiṇaṃ katvā pakkāmi. So tena puññakammena sugatīsuyeva saṃsaranto imasmiṃ buddhuppāde sāvatthiyaṃ brāhmaṇamahāsālassa gehe nibbattitvā yāva sattavassāni, tāva antoghareyeva vaḍḍhitvā sattame saṃvacchare upanayanatthaṃ uyyānaṃ nīto antarāmagge jiṇṇāturamate disvā tesaṃ adiṭṭhapubbattā te parijane pucchitvā jarārogamaraṇasabhāvaṃ sutvā sañjātasaṃvego tato anivattanto vihāraṃ gantvā satthu santike dhammaṃ sutvā mātāpitaro anujānāpetvā pabbajitvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.13.41-64) –

‘‘ж̇ааяамаанз вибассимхи, нимид̇д̇ам̣ б̣яаагарим̣ ахам̣;

‘‘Jāyamāne vipassimhi, nimittaṃ byākariṃ ahaṃ;

ниб̣б̣аабаяин̃жа ж̇анад̇ам̣, б̣уд̣̇д̇хо логз бхависсад̇и.

Nibbāpayiñca janataṃ, buddho loke bhavissati.

‘‘яасмин̃жа ж̇ааяамаанасмим̣, д̣̇асасахасси гамбад̇и;

‘‘Yasmiñca jāyamānasmiṃ, dasasahassi kampati;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, аалого вибуло аху;

‘‘Yasmiñca jāyamānasmiṃ, āloko vipulo ahu;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, сарид̇ааяо на санд̣̇аяум̣;

‘‘Yasmiñca jāyamānasmiṃ, saritāyo na sandayuṃ;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, авийжаг̇г̇и на баж̇ж̇али;

‘‘Yasmiñca jāyamānasmiṃ, avīcaggi na pajjali;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, багкисан̇гхо на сан̃жари;

‘‘Yasmiñca jāyamānasmiṃ, pakkhisaṅgho na sañcari;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, ваад̇агканд̇хо на вааяад̇и;

‘‘Yasmiñca jāyamānasmiṃ, vātakkhandho na vāyati;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, саб̣б̣арад̇анаани ж̇од̇аяум̣;

‘‘Yasmiñca jāyamānasmiṃ, sabbaratanāni jotayuṃ;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘яасмин̃жа ж̇ааяамаанасмим̣, сад̇д̇аасум̣ бад̣̇авиггамаа;

‘‘Yasmiñca jāyamānasmiṃ, sattāsuṃ padavikkamā;

со д̣̇аани бхаг̇аваа сад̇т̇аа, д̇хаммам̣ д̣̇зсзд̇и жагкумаа.

So dāni bhagavā satthā, dhammaṃ deseti cakkhumā.

‘‘ж̇аад̇амад̇д̇о жа самб̣уд̣̇д̇хо, д̣̇исаа саб̣б̣аа вилогаяи;

‘‘Jātamatto ca sambuddho, disā sabbā vilokayi;

ваажаасабхимуд̣̇ийрзси, зсаа б̣уд̣̇д̇хаана д̇хаммад̇аа.

Vācāsabhimudīresi, esā buddhāna dhammatā.

‘‘сам̣взж̇аяид̇ваа ж̇анад̇ам̣, т̇авид̇ваа логанааяагам̣;

‘‘Saṃvejayitvā janataṃ, thavitvā lokanāyakaṃ;

самб̣уд̣̇д̇хам̣ абхиваад̣̇зд̇ваа, баггаамим̣ баажинаамуко.

Sambuddhaṃ abhivādetvā, pakkāmiṃ pācināmukho.

‘‘зганавуд̇ид̇о габбз, яам̣ б̣уд̣̇д̇хамабхит̇омаяим̣;

‘‘Ekanavutito kappe, yaṃ buddhamabhithomayiṃ;

д̣̇уг̇г̇ад̇им̣ наабхиж̇аанаами, т̇оманааяа ид̣̇ам̣ палам̣.

Duggatiṃ nābhijānāmi, thomanāya idaṃ phalaṃ.

‘‘ид̇о навуд̇игаббамхи, саммукаат̇авигавхаяо;

‘‘Ito navutikappamhi, sammukhāthavikavhayo;

сад̇д̇арад̇анасамбанно, жаггавад̇д̇ий махаб̣б̣ало.