| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. ман̃жад̣̇ааяагад̇т̇зраабад̣̇аанам̣
10. Mañcadāyakattheraapadānaṃ
184.
184.
‘‘бариниб̣б̣уд̇з гаарун̣игз, сид̣̇д̇хад̇т̇з логанааяагз;
‘‘Parinibbute kāruṇike, siddhatthe lokanāyake;
вид̇т̇ааригз бааважанз, д̣̇звамаанусасаггад̇з.
Vitthārike pāvacane, devamānusasakkate.
185.
185.
‘‘жан̣д̣аало аасахам̣ д̇ад̇т̇а, аасанд̣̇ибийтагаараго;
‘‘Caṇḍālo āsahaṃ tattha, āsandipīṭhakārako;
д̇зна гаммзна ж̇ийваами, д̇зна босзми д̣̇аарагз.
Tena kammena jīvāmi, tena posemi dārake.
186.
186.
‘‘аасанд̣̇им̣ сугад̇ам̣ гад̇ваа, басанно сзхи баан̣ибхи;
‘‘Āsandiṃ sukataṃ katvā, pasanno sehi pāṇibhi;
саяамзвубаг̇анд̇ваана, бхигкусан̇гхассад̣̇аасахам̣.
Sayamevupagantvāna, bhikkhusaṅghassadāsahaṃ.
187.
187.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
188.
188.
‘‘д̣̇звалогаг̇ад̇о санд̇о, мод̣̇аами д̇ид̣̇асз г̇ан̣з;
‘‘Devalokagato santo, modāmi tidase gaṇe;
саяанаани махаг̇гхаани, ниб̣б̣ад̇д̇анд̇и яад̣̇ижчагам̣.
Sayanāni mahagghāni, nibbattanti yadicchakaṃ.
189.
189.
‘‘бан̃н̃аасагкад̇д̇ум̣ д̣̇звинд̣̇о, д̣̇звараж̇ж̇амагаараяим̣;
‘‘Paññāsakkhattuṃ devindo, devarajjamakārayiṃ;
асийд̇игкад̇д̇ум̣ рааж̇аа жа, жаггавад̇д̇ий ахосахам̣.
Asītikkhattuṃ rājā ca, cakkavattī ahosahaṃ.
190.
190.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
сукид̇о яасаваа хоми, ман̃жад̣̇аанассид̣̇ам̣ палам̣.
Sukhito yasavā homi, mañcadānassidaṃ phalaṃ.
191.
191.
‘‘д̣̇звалогаа жавид̇ваана, зми жз маанусам̣ бхавам̣;
‘‘Devalokā cavitvāna, emi ce mānusaṃ bhavaṃ;
махаарахаа сусаяанаа, саяамзва бхаванд̇и мз.
Mahārahā susayanā, sayameva bhavanti me.
192.
192.
‘‘аяам̣ бажчимаго маяхам̣, жаримо вад̇д̇ад̇з бхаво;
‘‘Ayaṃ pacchimako mayhaṃ, carimo vattate bhavo;
193.
193.
‘‘жад̇уннавуд̇ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Catunnavutito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, ман̃жад̣̇аанассид̣̇ам̣ палам̣.
Duggatiṃ nābhijānāmi, mañcadānassidaṃ phalaṃ.
194.
194.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
195.
195.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
196.
196.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа ман̃жад̣̇ааяаго т̇зро имаа г̇аат̇ааяо
Itthaṃ sudaṃ āyasmā mañcadāyako thero imā gāthāyo
абхаасид̇т̇аад̇и.
Abhāsitthāti.
ман̃жад̣̇ааяагад̇т̇зрассаабад̣̇аанам̣ д̣̇асамам̣.
Mañcadāyakattherassāpadānaṃ dasamaṃ.
бхад̣̇д̣̇ааливаг̇г̇о б̣аажад̇д̇аалийсамо.
Bhaddālivaggo bācattālīsamo.
д̇ассуд̣̇д̣̇аанам̣ –
Tassuddānaṃ –
бхад̣̇д̣̇аалий згачад̇д̇о жа, д̇ин̣асууло жа мам̣сад̣̇о;
Bhaddālī ekachatto ca, tiṇasūlo ca maṃsado;
нааг̇абаллавиго д̣̇ийбий, ужчан̇г̇и яааг̇уд̣̇ааяаго.
Nāgapallaviko dīpī, ucchaṅgi yāgudāyako.
бад̇т̇од̣̇аний ман̃жад̣̇ад̣̇о, г̇аат̇ааяо г̇ан̣ид̇аа жиха;
Patthodanī mañcadado, gāthāyo gaṇitā ciha;
д̣̇взсад̇аани жа г̇аат̇аанам̣, г̇аат̇аа жзгаа д̇ад̣̇уд̇д̇ари.
Dvesatāni ca gāthānaṃ, gāthā cekā taduttari.
Footnotes:
