| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
มญฺจปีฐาทิอนุชานนกถาวณฺณนา
Mañcapīṭhādianujānanakathāvaṇṇanā
๒๙๗. โปฎกิตูลนฺติ เอรกติณตูลํฯ โปฎกิคหณเญฺจตฺถ ติณชาตีนํ นิทสฺสนมตฺตนฺติ อาห ‘‘เยสํ เกสญฺจิ ติณชาติกาน’’นฺติฯ ปญฺจวิธํ อุณฺณาทิตูลมฺปิ วฎฺฎตีติ เอตฺถาปิ ‘‘พิโมฺพหเน’’ติ อาเนตฺวา สมฺพนฺธิตพฺพํฯ ‘‘ตูลปูริตํ ภิสิํ อปสฺสยิตุํ น วฎฺฎตี’’ติ เกจิ วทนฺติ, วฎฺฎตีติ อปเรฯ อุปทหนฺตีติ ฐเปนฺติฯ สีสปฺปมาณนฺติ ยตฺถ คลวาฎกโต ปฎฺฐาย สพฺพสีสํ อุปทหนฺติ, ตํ สีสปฺปมาณํฯ ตญฺจ อุกฺกฎฺฐปริเจฺฉทโต ติริยํ มุฎฺฐิรตนํ โหตีติ ทเสฺสตุํ ‘‘ยสฺส วิตฺถารโต ตีสุ กเณฺณสู’’ติอาทิมาหฯ มชฺฌฎฺฐานํ มุฎฺฐิรตนํ โหตีติ พิโมฺพหนสฺส มชฺฌฎฺฐานํ ติริยโต มุฎฺฐิรตนปฺปมาณํ โหติฯ มสูรเกติ จมฺมมยภิสิยํฯ ผุสิตานิ ทาตุนฺติ สญฺญากรณตฺถํ พินฺทูนิ ทาตุํฯ
297.Poṭakitūlanti erakatiṇatūlaṃ. Poṭakigahaṇañcettha tiṇajātīnaṃ nidassanamattanti āha ‘‘yesaṃ kesañci tiṇajātikāna’’nti. Pañcavidhaṃ uṇṇāditūlampi vaṭṭatīti etthāpi ‘‘bimbohane’’ti ānetvā sambandhitabbaṃ. ‘‘Tūlapūritaṃ bhisiṃ apassayituṃ na vaṭṭatī’’ti keci vadanti, vaṭṭatīti apare. Upadahantīti ṭhapenti. Sīsappamāṇanti yattha galavāṭakato paṭṭhāya sabbasīsaṃ upadahanti, taṃ sīsappamāṇaṃ. Tañca ukkaṭṭhaparicchedato tiriyaṃ muṭṭhiratanaṃ hotīti dassetuṃ ‘‘yassa vitthārato tīsu kaṇṇesū’’tiādimāha. Majjhaṭṭhānaṃ muṭṭhiratanaṃ hotīti bimbohanassa majjhaṭṭhānaṃ tiriyato muṭṭhiratanappamāṇaṃ hoti. Masūraketi cammamayabhisiyaṃ. Phusitāni dātunti saññākaraṇatthaṃ bindūni dātuṃ.
๒๙๘. น นิพนฺธตีติ อนิพนฺธนีโย, น อลฺลียตีติ อโตฺถฯ ปฎิพาเหตฺวาติ มฎฺฐํ กตฺวาฯ
298. Na nibandhatīti anibandhanīyo, na allīyatīti attho. Paṭibāhetvāti maṭṭhaṃ katvā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi
มญฺจปีฐาทิอนุชานนํ • Mañcapīṭhādianujānanaṃ
เสตวณฺณาทิอนุชานนํ • Setavaṇṇādianujānanaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / วิหารานุชานนกถา • Vihārānujānanakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / วิหารานุชานนกถาวณฺณนา • Vihārānujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / วิหารานุชานนกถาวณฺณนา • Vihārānujānanakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / วิหารานุชานนกถา • Vihārānujānanakathā
