| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
མཉྩཔཱིཋཱདིཨནུཛཱནནཀཐཱཝཎྞནཱ
Mañcapīṭhādianujānanakathāvaṇṇanā
༢༩༧. པོཊཀིཏཱུལནྟི ཨེརཀཏིཎཏཱུལཾ། པོཊཀིགཧཎཉྩེཏྠ ཏིཎཛཱཏཱིནཾ ནིདསྶནམཏྟནྟི ཨཱཧ ‘‘ཡེསཾ ཀེསཉྩི ཏིཎཛཱཏིཀཱན’’ནྟི། པཉྩཝིདྷཾ ཨུཎྞཱདིཏཱུལམྤི ཝཊྚཏཱིཏི ཨེཏྠཱཔི ‘‘བིམྦོཧནེ’’ཏི ཨཱནེཏྭཱ སམྦནྡྷིཏབྦཾ། ‘‘ཏཱུལཔཱུརིཏཾ བྷིསིཾ ཨཔསྶཡིཏུཾ ན ཝཊྚཏཱི’’ཏི ཀེཙི ཝདནྟི, ཝཊྚཏཱིཏི ཨཔརེ། ཨུཔདཧནྟཱིཏི ཋཔེནྟི། སཱིསཔྤམཱཎནྟི ཡཏྠ གལཝཱཊཀཏོ པཊྛཱཡ སབྦསཱིསཾ ཨུཔདཧནྟི, ཏཾ སཱིསཔྤམཱཎཾ། ཏཉྩ ཨུཀྐཊྛཔརིཙྪེདཏོ ཏིརིཡཾ མུཊྛིརཏནཾ ཧོཏཱིཏི དསྶེཏུཾ ‘‘ཡསྶ ཝིཏྠཱརཏོ ཏཱིསུ ཀཎྞེསཱུ’’ཏིཨཱདིམཱཧ། མཛ྄ཛྷཊྛཱནཾ མུཊྛིརཏནཾ ཧོཏཱིཏི བིམྦོཧནསྶ མཛ྄ཛྷཊྛཱནཾ ཏིརིཡཏོ མུཊྛིརཏནཔྤམཱཎཾ ཧོཏི། མསཱུརཀེཏི ཙམྨམཡབྷིསིཡཾ། ཕུསིཏཱནི དཱཏུནྟི སཉྙཱཀརཎཏྠཾ བིནྡཱུནི དཱཏུཾ།
297.Poṭakitūlanti erakatiṇatūlaṃ. Poṭakigahaṇañcettha tiṇajātīnaṃ nidassanamattanti āha ‘‘yesaṃ kesañci tiṇajātikāna’’nti. Pañcavidhaṃ uṇṇāditūlampi vaṭṭatīti etthāpi ‘‘bimbohane’’ti ānetvā sambandhitabbaṃ. ‘‘Tūlapūritaṃ bhisiṃ apassayituṃ na vaṭṭatī’’ti keci vadanti, vaṭṭatīti apare. Upadahantīti ṭhapenti. Sīsappamāṇanti yattha galavāṭakato paṭṭhāya sabbasīsaṃ upadahanti, taṃ sīsappamāṇaṃ. Tañca ukkaṭṭhaparicchedato tiriyaṃ muṭṭhiratanaṃ hotīti dassetuṃ ‘‘yassa vitthārato tīsu kaṇṇesū’’tiādimāha. Majjhaṭṭhānaṃ muṭṭhiratanaṃ hotīti bimbohanassa majjhaṭṭhānaṃ tiriyato muṭṭhiratanappamāṇaṃ hoti. Masūraketi cammamayabhisiyaṃ. Phusitāni dātunti saññākaraṇatthaṃ bindūni dātuṃ.
༢༩༨. ན ནིབནྡྷཏཱིཏི ཨནིབནྡྷནཱིཡོ, ན ཨལླཱིཡཏཱིཏི ཨཏྠོ། པཊིབཱཧེཏྭཱཏི མཊྛཾ ཀཏྭཱ།
298. Na nibandhatīti anibandhanīyo, na allīyatīti attho. Paṭibāhetvāti maṭṭhaṃ katvā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
མཉྩཔཱིཋཱདིཨནུཛཱནནཾ • Mañcapīṭhādianujānanaṃ
སེཏཝཎྞཱདིཨནུཛཱནནཾ • Setavaṇṇādianujānanaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā / ཝིཧཱརཱནུཛཱནནཀཐཱ • Vihārānujānanakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཝིཧཱརཱནུཛཱནནཀཐཱཝཎྞནཱ • Vihārānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝིཧཱརཱནུཛཱནནཀཐཱཝཎྞནཱ • Vihārānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཝིཧཱརཱནུཛཱནནཀཐཱ • Vihārānujānanakathā
