| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
ман̃жабийтаад̣̇иануж̇аананам̣
Mañcapīṭhādianujānanaṃ
297. д̇зна ко бана самаязна сан̇гхасса сосааниго масаараго ман̃жо уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, масаарагам̣ ман̃жа’’нд̇и. масаарагам̣ бийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, масаарагам̣ бийта’’нд̇и.
297. Tena kho pana samayena saṅghassa sosāniko masārako mañco uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, masārakaṃ mañca’’nti. Masārakaṃ pīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, masārakaṃ pīṭha’’nti.
д̇зна ко бана самаязна сан̇гхасса сосааниго б̣унд̣̇игааб̣ад̣̇д̇хо ман̃жо уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, б̣унд̣̇игааб̣ад̣̇д̇хам̣ ман̃жа’’нд̇и. б̣унд̣̇игааб̣ад̣̇д̇хам̣ бийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, б̣унд̣̇игааб̣ад̣̇д̇хам̣ бийта’’нд̇и.
Tena kho pana samayena saṅghassa sosāniko bundikābaddho mañco uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, bundikābaddhaṃ mañca’’nti. Bundikābaddhaṃ pīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, bundikābaddhaṃ pīṭha’’nti.
д̇зна ко бана самаязна сан̇гхасса сосааниго гул̣ийрабаад̣̇аго ман̃жо уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз , гул̣ийрабаад̣̇агам̣ ман̃жа’’нд̇и. гул̣ийрабаад̣̇агам̣ бийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз , гул̣ийрабаад̣̇агам̣ бийта’’нд̇и.
Tena kho pana samayena saṅghassa sosāniko kuḷīrapādako mañco uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave , kuḷīrapādakaṃ mañca’’nti. Kuḷīrapādakaṃ pīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave , kuḷīrapādakaṃ pīṭha’’nti.
д̇зна ко бана самаязна сан̇гхасса сосааниго аахажжабаад̣̇аго ман̃жо уббанно ход̇и. бхаг̇авад̇о зд̇амад̇т̇ам̣ ораажзсум̣. ‘‘ануж̇аанаами, бхигкавз, аахажжабаад̣̇агам̣ ман̃жа’’нд̇и. аахажжабаад̣̇агам̣ бийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аахажжабаад̣̇агам̣ бийта’’нд̇и.
Tena kho pana samayena saṅghassa sosāniko āhaccapādako mañco uppanno hoti. Bhagavato etamatthaṃ orācesuṃ. ‘‘Anujānāmi, bhikkhave, āhaccapādakaṃ mañca’’nti. Āhaccapādakaṃ pīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, āhaccapādakaṃ pīṭha’’nti.
д̇зна ко бана самаязна сан̇гхасса аасанд̣̇иго уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аасанд̣̇ига’’нд̇и. ужжаго аасанд̣̇иго уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ужжагамби аасанд̣̇ига’’нд̇и. сад̇д̇ан̇г̇о уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, сад̇д̇ан̇г̇а’’нд̇и. ужжаго сад̇д̇ан̇г̇о уббанно ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ужжагамби сад̇д̇ан̇г̇а’’нд̇и. бхад̣̇д̣̇абийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхад̣̇д̣̇абийта’’нд̇и. бийтигаа уббаннаа ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бийтига’’нд̇и. зл̣агабаад̣̇агам̣ бийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, зл̣агабаад̣̇агам̣ бийта’’нд̇и. аамалагаваддигам̣ 1 бийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, аамалагаваддигам̣ бийта’’нд̇и. палагам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, палага’’нд̇и. гожчам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, гожча’’нд̇и. балаалабийтам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣ . ‘‘ануж̇аанаами, бхигкавз, балаалабийта’’нд̇и.
Tena kho pana samayena saṅghassa āsandiko uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, āsandika’’nti. Uccako āsandiko uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, uccakampi āsandika’’nti. Sattaṅgo uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, sattaṅga’’nti. Uccako sattaṅgo uppanno hoti. Bhagavato etamatthaṃ ārocesuṃ. ‘‘Anujānāmi, bhikkhave, uccakampi sattaṅga’’nti. Bhaddapīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, bhaddapīṭha’’nti. Pīṭhikā uppannā hoti. Bhagavato etamatthaṃ ārocesuṃ. ‘‘Anujānāmi, bhikkhave, pīṭhika’’nti. Eḷakapādakaṃ pīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, eḷakapādakaṃ pīṭha’’nti. Āmalakavaṭṭikaṃ 2 pīṭhaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, āmalakavaṭṭikaṃ pīṭha’’nti. Phalakaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, phalaka’’nti. Kocchaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, koccha’’nti. Palālapīṭhaṃ uppannaṃ hoti. Bhagavato etamatthaṃ ārocesuṃ . ‘‘Anujānāmi, bhikkhave, palālapīṭha’’nti.
д̇зна ко бана самаязна чаб̣б̣аг̇г̇ияаа бхигкуу ужжз ман̃жз саяанд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – сзяяат̇ааби г̇ихий гаамабхог̇инод̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ужжз ман̃жз саяид̇аб̣б̣ам̣. яо саязяяа, аабад̇д̇и д̣̇уггадассаа’’д̇и.
Tena kho pana samayena chabbaggiyā bhikkhū ucce mañce sayanti. Manussā vihāracārikaṃ āhiṇḍantā passitvā ujjhāyanti khiyyanti vipācenti – seyyathāpi gihī kāmabhoginoti. Bhagavato etamatthaṃ ārocesuṃ. ‘‘Na, bhikkhave, ucce mañce sayitabbaṃ. Yo sayeyya, āpatti dukkaṭassā’’ti.
д̇зна ко бана самаязна ан̃н̃ад̇аро бхигку нийжз ман̃жз саяанд̇о ахинаа д̣̇адто ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ман̃жабадибаад̣̇ага’’нд̇и.
Tena kho pana samayena aññataro bhikkhu nīce mañce sayanto ahinā daṭṭho hoti. Bhagavato etamatthaṃ ārocesuṃ. ‘‘Anujānāmi, bhikkhave, mañcapaṭipādaka’’nti.
д̇зна ко бана самаязна чаб̣б̣аг̇г̇ияаа бхигкуу ужжз ман̃жабадибаад̣̇агз д̇хаарзнд̇и, саха ман̃жабадибаад̣̇агзхи бавзд̇хзнд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – сзяяат̇ааби г̇ихий гаамабхог̇инод̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ужжаа ман̃жабадибаад̣̇агаа д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, адтан̇г̇улабарамам̣ ман̃жабадибаад̣̇ага’’нд̇и.
Tena kho pana samayena chabbaggiyā bhikkhū ucce mañcapaṭipādake dhārenti, saha mañcapaṭipādakehi pavedhenti. Manussā vihāracārikaṃ āhiṇḍantā passitvā ujjhāyanti khiyyanti vipācenti – seyyathāpi gihī kāmabhoginoti. Bhagavato etamatthaṃ ārocesuṃ. ‘‘Na, bhikkhave, uccā mañcapaṭipādakā dhāretabbā. Yo dhāreyya, āpatti dukkaṭassa. Anujānāmi, bhikkhave, aṭṭhaṅgulaparamaṃ mañcapaṭipādaka’’nti.
д̇зна ко бана самаязна сан̇гхасса суд̇д̇ам̣ уббаннам̣ ход̇и . бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, суд̇д̇ам̣ ман̃жам̣ взтзд̇у’’нд̇и 3. ан̇г̇аани б̣ахусуд̇д̇ам̣ барияаад̣̇ияанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, ан̇г̇з виж̇жхид̇ваа адтабад̣̇агам̣ взтзд̇у’’нд̇и. жол̣агам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, жимилигам̣ гаад̇у’’нд̇и. д̇уулигаа уббаннаа ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, виж̇адзд̇ваа б̣иб̣б̣оханам̣ 4 гаад̇ум̣. д̇ийн̣и д̇уулаани – ругкад̇уулам̣, лад̇аад̇уулам̣, бодагид̇уула’’нд̇и.
Tena kho pana samayena saṅghassa suttaṃ uppannaṃ hoti . Bhagavato etamatthaṃ ārocesuṃ. ‘‘Anujānāmi, bhikkhave, suttaṃ mañcaṃ veṭhetu’’nti 5. Aṅgāni bahusuttaṃ pariyādiyanti. Bhagavato etamatthaṃ ārocesuṃ. ‘‘Anujānāmi, bhikkhave, aṅge vijjhitvā aṭṭhapadakaṃ veṭhetu’’nti. Coḷakaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, cimilikaṃ kātu’’nti. Tūlikā uppannā hoti. Bhagavato etamatthaṃ ārocesuṃ. ‘‘Anujānāmi, bhikkhave, vijaṭetvā bibbohanaṃ 6 kātuṃ. Tīṇi tūlāni – rukkhatūlaṃ, latātūlaṃ, poṭakitūla’’nti.
д̇зна ко бана самаязна чаб̣б̣аг̇г̇ияаа бхигкуу ад̣̇д̇хагааяигаани 7 б̣иб̣б̣оханаани д̇хаарзнд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – сзяяат̇ааби г̇ихий гаамабхог̇инод̇и. бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ад̣дхагааяигаани б̣иб̣б̣оханаани д̇хаарзд̇аб̣б̣аани. яо д̇хаарзяяа, аабад̇д̇и д̣̇уггадасса. ануж̇аанаами, бхигкавз, сийсаббамаан̣ам̣ б̣иб̣б̣оханам̣ гаад̇у’’нд̇и.
Tena kho pana samayena chabbaggiyā bhikkhū addhakāyikāni 8 bibbohanāni dhārenti. Manussā vihāracārikaṃ āhiṇḍantā passitvā ujjhāyanti khiyyanti vipācenti – seyyathāpi gihī kāmabhoginoti. Bhagavato etamatthaṃ ārocesuṃ. ‘‘Na, bhikkhave, aḍḍhakāyikāni bibbohanāni dhāretabbāni. Yo dhāreyya, āpatti dukkaṭassa. Anujānāmi, bhikkhave, sīsappamāṇaṃ bibbohanaṃ kātu’’nti.
д̇зна ко бана самаязна рааж̇аг̇ахз г̇ираг̇г̇асамаж̇ж̇о ход̇и. мануссаа махаамад̇д̇аанам̣ ад̇т̇ааяа бхисияо бадияаад̣̇знд̇и – ун̣н̣абхисим̣, жол̣абхисим̣, ваагабхисим̣, д̇ин̣абхисим̣, бан̣н̣абхисим̣. д̇з вийд̇ивад̇д̇з самаж̇ж̇з чавим̣ уббаадзд̇ваа харанд̇и. ад̣̇д̣̇асаасум̣ ко бхигкуу самаж̇ж̇адтаанз б̣ахум̣ ун̣н̣амби жол̣агамби ваагамби д̇ин̣амби бан̣н̣амби чаддид̇ам̣. д̣̇исваана бхаг̇авад̇о зд̇амад̇т̇ам̣ аарожзсум̣ . ‘‘ануж̇аанаами, бхигкавз, бан̃жа бхисияо – ун̣н̣абхисим̣, жол̣абхисим̣, ваагабхисим̣, д̇ин̣абхисим̣, бан̣н̣абхиси’’нд̇и.
Tena kho pana samayena rājagahe giraggasamajjo hoti. Manussā mahāmattānaṃ atthāya bhisiyo paṭiyādenti – uṇṇabhisiṃ, coḷabhisiṃ, vākabhisiṃ, tiṇabhisiṃ, paṇṇabhisiṃ. Te vītivatte samajje chaviṃ uppāṭetvā haranti. Addasāsuṃ kho bhikkhū samajjaṭṭhāne bahuṃ uṇṇampi coḷakampi vākampi tiṇampi paṇṇampi chaṭṭitaṃ. Disvāna bhagavato etamatthaṃ ārocesuṃ . ‘‘Anujānāmi, bhikkhave, pañca bhisiyo – uṇṇabhisiṃ, coḷabhisiṃ, vākabhisiṃ, tiṇabhisiṃ, paṇṇabhisi’’nti.
д̇зна ко бана самаязна сан̇гхасса сзнаасанабаригкааригам̣ д̣̇уссам̣ уббаннам̣ ход̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, бхисим̣ онанд̇хид̇у’’нд̇и 9.
Tena kho pana samayena saṅghassa senāsanaparikkhārikaṃ dussaṃ uppannaṃ hoti. Bhagavato etamatthaṃ ārocesuṃ. ‘‘Anujānāmi, bhikkhave, bhisiṃ onandhitu’’nti 10.
д̇зна ко бана самаязна бхигкуу ман̃жабхисим̣ бийтз сант̇аранд̇и, бийтабхисим̣ ман̃жз сант̇аранд̇и. бхисияо барибхиж̇ж̇анд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, онад̣̇д̇хаман̃жам̣ 11 онад̣̇д̇хабийта’’нд̇и. уллогам̣ агарид̇ваа сант̇аранд̇и, хздтад̇о нибад̇анд̇и 12 …бз… ‘‘ануж̇аанаами, бхигкавз, уллогам̣ гарид̇ваа сант̇арид̇ваа бхисим̣ онанд̇хид̇у’’нд̇и. чавим̣ уббаадзд̇ваа харанд̇и…бз… ‘‘ануж̇аанаами, бхигкавз, посид̇у’’нд̇и. харанд̇иязва…бз… ‘‘ануж̇аанаами, бхигкавз, бхад̇д̇игамма’’нд̇и. харанд̇иязва…бз… ‘‘ануж̇аанаами, бхигкавз, хад̇т̇абхад̇д̇игамма’’нд̇и. харанд̇иязва…бз… ‘‘ануж̇аанаами, бхигкавз, хад̇т̇абхад̇д̇и’’нд̇и.
Tena kho pana samayena bhikkhū mañcabhisiṃ pīṭhe santharanti, pīṭhabhisiṃ mañce santharanti. Bhisiyo paribhijjanti. Bhagavato etamatthaṃ ārocesuṃ. ‘‘Anujānāmi, bhikkhave, onaddhamañcaṃ 13 onaddhapīṭha’’nti. Ullokaṃ akaritvā santharanti, heṭṭhato nipatanti 14 …pe… ‘‘anujānāmi, bhikkhave, ullokaṃ karitvā santharitvā bhisiṃ onandhitu’’nti. Chaviṃ uppāṭetvā haranti…pe… ‘‘anujānāmi, bhikkhave, phositu’’nti. Harantiyeva…pe… ‘‘anujānāmi, bhikkhave, bhattikamma’’nti. Harantiyeva…pe… ‘‘anujānāmi, bhikkhave, hatthabhattikamma’’nti. Harantiyeva…pe… ‘‘anujānāmi, bhikkhave, hatthabhatti’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ман̃жабийтаад̣̇иануж̇аананагат̇ааван̣н̣анаа • Mañcapīṭhādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
