| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౫. మఞ్చపీఠసిక్ఖాపదవణ్ణనా
5. Mañcapīṭhasikkhāpadavaṇṇanā
అట్ఠఙ్గులపాదకన్తి భావనపుంసకనిద్దేసో. ‘‘ఛేదనకం భేదనకసదిసమేవా’’తి ఇమినా ‘‘ఛేదనమేవ ఛేదనకం, తం అస్స అత్థీతి ఛేదనక’’న్తి ఇమమత్థం అతిదిసతి.
Aṭṭhaṅgulapādakanti bhāvanapuṃsakaniddeso. ‘‘Chedanakaṃ bhedanakasadisamevā’’ti iminā ‘‘chedanameva chedanakaṃ, taṃ assa atthīti chedanaka’’nti imamatthaṃ atidisati.
యథా పమాణమేవ ఉపరి దిస్సతి, ఏవం నిఖణిత్వా వాతి సచే పన న ఛిన్దితుకామో హోతి, యథా పమాణమేవ ఉపరి దిస్సతి, ఏవం భూమియం నిఖణిత్వా వా. అట్టకం వా బన్ధిత్వాతి ఉక్ఖిపిత్వా తులాసఙ్ఘాతే ఠపేత్వా అట్టం కత్వా.
Yathā pamāṇameva upari dissati, evaṃ nikhaṇitvā vāti sace pana na chinditukāmo hoti, yathā pamāṇameva upari dissati, evaṃ bhūmiyaṃ nikhaṇitvā vā. Aṭṭakaṃ vā bandhitvāti ukkhipitvā tulāsaṅghāte ṭhapetvā aṭṭaṃ katvā.
మఞ్చపీఠసిక్ఖాపదవణ్ణనా నిట్ఠితా.
Mañcapīṭhasikkhāpadavaṇṇanā niṭṭhitā.
