| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੧੦. ਮਣ੍ਡਪੇਯ੍ਯਕਥਾ
10. Maṇḍapeyyakathā
੨੩੮. ‘‘ਮਣ੍ਡਪੇਯ੍ਯਮਿਦਂ , ਭਿਕ੍ਖવੇ, ਬ੍ਰਹ੍ਮਚਰਿਯਂ। ਸਤ੍ਥਾ ਸਮ੍ਮੁਖੀਭੂਤੋ ਤਿਧਤ੍ਤਮਣ੍ਡੋ 1। ਸਤ੍ਥਰਿ ਸਮ੍ਮੁਖੀਭੂਤੇ ਦੇਸਨਾਮਣ੍ਡੋ, ਪਟਿਗ੍ਗਹਮਣ੍ਡੋ, ਬ੍ਰਹ੍ਮਚਰਿਯਮਣ੍ਡੋ’’।
238. ‘‘Maṇḍapeyyamidaṃ , bhikkhave, brahmacariyaṃ. Satthā sammukhībhūto tidhattamaṇḍo 2. Satthari sammukhībhūte desanāmaṇḍo, paṭiggahamaṇḍo, brahmacariyamaṇḍo’’.
ਕਤਮੋ ਦੇਸਨਾਮਣ੍ਡੋ? ਚਤੁਨ੍ਨਂ ਅਰਿਯਸਚ੍ਚਾਨਂ ਆਚਿਕ੍ਖਨਾ ਦੇਸਨਾ ਪਞ੍ਞਾਪਨਾ ਪਟ੍ਠਪਨਾ વਿવਰਣਾ વਿਭਜਨਾ ਉਤ੍ਤਾਨੀਕਮ੍ਮਂ 3, ਚਤੁਨ੍ਨਂ ਸਤਿਪਟ੍ਠਾਨਾਨਂ…ਪੇ॰… ਚਤੁਨ੍ਨਂ ਸਮ੍ਮਪ੍ਪਧਾਨਾਨਂ… ਚਤੁਨ੍ਨਂ ਇਦ੍ਧਿਪਾਦਾਨਂ… ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ… ਪਞ੍ਚਨ੍ਨਂ ਬਲਾਨਂ… ਸਤ੍ਤਨ੍ਨਂ ਬੋਜ੍ਝਙ੍ਗਾਨਂ… ਅਰਿਯਸ੍ਸ ਅਟ੍ਠਙ੍ਗਿਕਸ੍ਸ ਮਗ੍ਗਸ੍ਸ ਆਚਿਕ੍ਖਨਾ ਦੇਸਨਾ ਪਞ੍ਞਾਪਨਾ ਪਟ੍ਠਪਨਾ વਿવਰਣਾ વਿਭਜਨਾ ਉਤ੍ਤਾਨੀਕਮ੍ਮਂ – ਅਯਂ ਦੇਸਨਾਮਣ੍ਡੋ।
Katamo desanāmaṇḍo? Catunnaṃ ariyasaccānaṃ ācikkhanā desanā paññāpanā paṭṭhapanā vivaraṇā vibhajanā uttānīkammaṃ 4, catunnaṃ satipaṭṭhānānaṃ…pe… catunnaṃ sammappadhānānaṃ… catunnaṃ iddhipādānaṃ… pañcannaṃ indriyānaṃ… pañcannaṃ balānaṃ… sattannaṃ bojjhaṅgānaṃ… ariyassa aṭṭhaṅgikassa maggassa ācikkhanā desanā paññāpanā paṭṭhapanā vivaraṇā vibhajanā uttānīkammaṃ – ayaṃ desanāmaṇḍo.
ਕਤਮੋ ਪਟਿਗ੍ਗਹਮਣ੍ਡੋ? ਭਿਕ੍ਖੂ ਭਿਕ੍ਖੁਨਿਯੋ ਉਪਾਸਕਾ ਉਪਾਸਿਕਾਯੋ ਦੇવਾ ਮਨੁਸ੍ਸਾ ਯੇ વਾ ਪਨਞ੍ਞੇਪਿ ਕੇਚਿ વਿਞ੍ਞਾਤਾਰੋ – ਅਯਂ ਪਟਿਗ੍ਗਹਮਣ੍ਡੋ।
Katamo paṭiggahamaṇḍo? Bhikkhū bhikkhuniyo upāsakā upāsikāyo devā manussā ye vā panaññepi keci viññātāro – ayaṃ paṭiggahamaṇḍo.
ਕਤਮੋ ਬ੍ਰਹ੍ਮਚਰਿਯਮਣ੍ਡੋ? ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ, ਸਮ੍ਮਾਸਙ੍ਕਪ੍ਪੋ, ਸਮ੍ਮਾવਾਚਾ, ਸਮ੍ਮਾਕਮ੍ਮਨ੍ਤੋ, ਸਮ੍ਮਾਆਜੀવੋ, ਸਮ੍ਮਾવਾਯਾਮੋ, ਸਮ੍ਮਾਸਤਿ, ਸਮ੍ਮਾਸਮਾਧਿ – ਅਯਂ ਬ੍ਰਹ੍ਮਚਰਿਯਮਣ੍ਡੋ।
Katamo brahmacariyamaṇḍo? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi – ayaṃ brahmacariyamaṇḍo.
੨੩੯. ਅਧਿਮੋਕ੍ਖਮਣ੍ਡੋ ਸਦ੍ਧਿਨ੍ਦ੍ਰਿਯਂ, ਅਸ੍ਸਦ੍ਧਿਯਂ ਕਸਟੋ; ਅਸ੍ਸਦ੍ਧਿਯਂ ਕਸਟਂ ਛਡ੍ਡੇਤ੍વਾ ਸਦ੍ਧਿਨ੍ਦ੍ਰਿਯਸ੍ਸ ਅਧਿਮੋਕ੍ਖਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪਗ੍ਗਹਮਣ੍ਡੋ વੀਰਿਯਿਨ੍ਦ੍ਰਿਯਂ, ਕੋਸਜ੍ਜਂ ਕਸਟੋ; ਕੋਸਜ੍ਜਂ ਕਸਟਂ ਛਡ੍ਡੇਤ੍વਾ વੀਰਿਯਿਨ੍ਦ੍ਰਿਯਸ੍ਸ ਪਗ੍ਗਹਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਉਪਟ੍ਠਾਨਮਣ੍ਡੋ ਸਤਿਨ੍ਦ੍ਰਿਯਂ, ਪਮਾਦੋ ਕਸਟੋ; ਪਮਾਦਂ ਕਸਟਂ ਛਡ੍ਡੇਤ੍વਾ ਸਤਿਨ੍ਦ੍ਰਿਯਸ੍ਸ ਉਪਟ੍ਠਾਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਅવਿਕ੍ਖੇਪਮਣ੍ਡੋ ਸਮਾਧਿਨ੍ਦ੍ਰਿਯਂ, ਉਦ੍ਧਚ੍ਚਂ ਕਸਟੋ; ਉਦ੍ਧਚ੍ਚਂ ਕਸਟਂ ਛਡ੍ਡੇਤ੍વਾ ਸਮਾਧਿਨ੍ਦ੍ਰਿਯਸ੍ਸ ਅવਿਕ੍ਖੇਪਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਦਸ੍ਸਨਮਣ੍ਡੋ ਪਞ੍ਞਿਨ੍ਦ੍ਰਿਯਂ, ਅવਿਜ੍ਜਂ ਕਸਟੋ; ਅવਿਜ੍ਜਂ ਕਸਟਂ ਛਡ੍ਡੇਤ੍વਾ ਪਞ੍ਞਿਨ੍ਦ੍ਰਿਯਸ੍ਸ ਦਸ੍ਸਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ।
239. Adhimokkhamaṇḍo saddhindriyaṃ, assaddhiyaṃ kasaṭo; assaddhiyaṃ kasaṭaṃ chaḍḍetvā saddhindriyassa adhimokkhamaṇḍaṃ pivatīti – maṇḍapeyyaṃ. Paggahamaṇḍo vīriyindriyaṃ, kosajjaṃ kasaṭo; kosajjaṃ kasaṭaṃ chaḍḍetvā vīriyindriyassa paggahamaṇḍaṃ pivatīti – maṇḍapeyyaṃ. Upaṭṭhānamaṇḍo satindriyaṃ, pamādo kasaṭo; pamādaṃ kasaṭaṃ chaḍḍetvā satindriyassa upaṭṭhānamaṇḍaṃ pivatīti – maṇḍapeyyaṃ. Avikkhepamaṇḍo samādhindriyaṃ, uddhaccaṃ kasaṭo; uddhaccaṃ kasaṭaṃ chaḍḍetvā samādhindriyassa avikkhepamaṇḍaṃ pivatīti – maṇḍapeyyaṃ. Dassanamaṇḍo paññindriyaṃ, avijjaṃ kasaṭo; avijjaṃ kasaṭaṃ chaḍḍetvā paññindriyassa dassanamaṇḍaṃ pivatīti – maṇḍapeyyaṃ.
ਅਸ੍ਸਦ੍ਧਿਯੇ ਅਕਮ੍ਪਿਯਮਣ੍ਡੋ ਸਦ੍ਧਾਬਲਂ, ਅਸ੍ਸਦ੍ਧਿਯਂ ਕਸਟੋ; ਅਸ੍ਸਦ੍ਧਿਯਂ ਕਸਟਂ ਛਡ੍ਡੇਤ੍વਾ ਸਦ੍ਧਾਬਲਸ੍ਸ ਅਸ੍ਸਦ੍ਧਿਯੇ ਅਕਮ੍ਪਿਯਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਕੋਸਜ੍ਜੇ ਅਕਮ੍ਪਿਯਮਣ੍ਡੋ વੀਰਿਯਬਲਂ, ਕੋਸਜ੍ਜਂ ਕਸਟੋ; ਕੋਸਜ੍ਜਂ ਕਸਟਂ ਛਡ੍ਡੇਤ੍વਾ વੀਰਿਯਬਲਸ੍ਸ ਕੋਸਜ੍ਜੇ ਅਕਮ੍ਪਿਯਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪਮਾਦੇ ਅਕਮ੍ਪਿਯਮਣ੍ਡੋ ਸਤਿਬਲਂ, ਪਮਾਦੋ ਕਸਟੋ; ਪਮਾਦਂ ਕਸਟਂ ਛਡ੍ਡੇਤ੍વਾ ਸਤਿਬਲਸ੍ਸ ਪਮਾਦੇ ਅਕਮ੍ਪਿਯਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਉਦ੍ਧਚ੍ਚੇ ਅਕਮ੍ਪਿਯਮਣ੍ਡੋ ਸਮਾਧਿਬਲਂ, ਉਦ੍ਧਚ੍ਚਂ ਕਸਟੋ; ਉਦ੍ਧਚ੍ਚਂ ਕਸਟਂ ਛਡ੍ਡੇਤ੍વਾ ਸਮਾਧਿਬਲਸ੍ਸ ਉਦ੍ਧਚ੍ਚੇ ਅਕਮ੍ਪਿਯਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਅવਿਜ੍ਜਾਯ ਅਕਮ੍ਪਿਯਮਣ੍ਡੋ ਪਞ੍ਞਾਬਲਂ, ਅવਿਜ੍ਜਾ ਕਸਟੋ; ਅવਿਜ੍ਜਂ ਕਸਟਂ ਛਡ੍ਡੇਤ੍વਾ ਪਞ੍ਞਾਬਲਸ੍ਸ ਅવਿਜ੍ਜਾਯ ਅਕਮ੍ਪਿਯਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ।
Assaddhiye akampiyamaṇḍo saddhābalaṃ, assaddhiyaṃ kasaṭo; assaddhiyaṃ kasaṭaṃ chaḍḍetvā saddhābalassa assaddhiye akampiyamaṇḍaṃ pivatīti – maṇḍapeyyaṃ. Kosajje akampiyamaṇḍo vīriyabalaṃ, kosajjaṃ kasaṭo; kosajjaṃ kasaṭaṃ chaḍḍetvā vīriyabalassa kosajje akampiyamaṇḍaṃ pivatīti – maṇḍapeyyaṃ. Pamāde akampiyamaṇḍo satibalaṃ, pamādo kasaṭo; pamādaṃ kasaṭaṃ chaḍḍetvā satibalassa pamāde akampiyamaṇḍaṃ pivatīti – maṇḍapeyyaṃ. Uddhacce akampiyamaṇḍo samādhibalaṃ, uddhaccaṃ kasaṭo; uddhaccaṃ kasaṭaṃ chaḍḍetvā samādhibalassa uddhacce akampiyamaṇḍaṃ pivatīti – maṇḍapeyyaṃ. Avijjāya akampiyamaṇḍo paññābalaṃ, avijjā kasaṭo; avijjaṃ kasaṭaṃ chaḍḍetvā paññābalassa avijjāya akampiyamaṇḍaṃ pivatīti – maṇḍapeyyaṃ.
ਉਪਟ੍ਠਾਨਮਣ੍ਡੋ ਸਤਿਸਮ੍ਬੋਜ੍ਝਙ੍ਗਾ, ਪਮਾਦੋ ਕਸਟੋ; ਪਮਾਦਂ ਕਸਟਂ ਛਡ੍ਡੇਤ੍વਾ ਸਤਿਸਮ੍ਬੋਜ੍ਝਙ੍ਗਸ੍ਸ ਉਪਟ੍ਠਾਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪવਿਚਯਮਣ੍ਡੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ, ਅવਿਜ੍ਜਾ ਕਸਟੋ; ਅવਿਜ੍ਜਂ ਕਸਟਂ ਛਡ੍ਡੇਤ੍વਾ ਧਮ੍ਮવਿਚਯਸਮ੍ਬੋਜ੍ਝਙ੍ਗਸ੍ਸ ਪવਿਚਯਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪਗ੍ਗਹਮਣ੍ਡੋ વੀਰਿਯਸਮ੍ਬੋਜ੍ਝਙ੍ਗੋ, ਕੋਸਜ੍ਜਂ ਕਸਟੋ; ਕੋਸਜ੍ਜਂ ਕਸਟਂ ਛਡ੍ਡੇਤ੍વਾ વੀਰਿਯਸਮ੍ਬੋਜ੍ਝਙ੍ਗਸ੍ਸ ਪਗ੍ਗਹਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਫਰਣਮਣ੍ਡੋ ਪੀਤਿਸਮ੍ਬੋਜ੍ਝਙ੍ਗੋ, ਪਰਿਲ਼ਾਹੋ ਕਸਟੋ; ਪਰਿਲ਼ਾਹਂ ਕਸਟਂ ਛਡ੍ਡੇਤ੍વਾ ਪੀਤਿਸਮ੍ਬੋਜ੍ਝਙ੍ਗਸ੍ਸ ਫਰਣਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਉਪਸਮਮਣ੍ਡੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ , ਦੁਟ੍ਠੁਲ੍ਲਂ ਕਸਟੋ; ਦੁਟ੍ਠੁਲ੍ਲਂ ਕਸਟਂ ਛਡ੍ਡੇਤ੍વਾ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗਸ੍ਸ ਉਪਸਮਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਅવਿਕ੍ਖੇਪਮਣ੍ਡੋ ਸਮਾਧਿਸਮ੍ਬੋਜ੍ਝਙ੍ਗੋ, ਉਦ੍ਧਚ੍ਚਂ ਕਸਟੋ; ਉਦ੍ਧਚ੍ਚਂ ਕਸਟਂ ਛਡ੍ਡੇਤ੍વਾ ਸਮਾਧਿਸਮ੍ਬੋਜ੍ਝਙ੍ਗਸ੍ਸ ਅવਿਕ੍ਖੇਪਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪਟਿਸਙ੍ਖਾਨਮਣ੍ਡੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ, ਅਪ੍ਪਟਿਸਙ੍ਖਾ ਕਸਟੋ; ਅਪ੍ਪਟਿਸਙ੍ਖਂ ਕਸਟਂ ਛਡ੍ਡੇਤ੍વਾ ਉਪੇਕ੍ਖਾਸਮ੍ਬੋਜ੍ਝਙ੍ਗਸ੍ਸ ਪਟਿਸਙ੍ਖਾਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ।
Upaṭṭhānamaṇḍo satisambojjhaṅgā, pamādo kasaṭo; pamādaṃ kasaṭaṃ chaḍḍetvā satisambojjhaṅgassa upaṭṭhānamaṇḍaṃ pivatīti – maṇḍapeyyaṃ. Pavicayamaṇḍo dhammavicayasambojjhaṅgo, avijjā kasaṭo; avijjaṃ kasaṭaṃ chaḍḍetvā dhammavicayasambojjhaṅgassa pavicayamaṇḍaṃ pivatīti – maṇḍapeyyaṃ. Paggahamaṇḍo vīriyasambojjhaṅgo, kosajjaṃ kasaṭo; kosajjaṃ kasaṭaṃ chaḍḍetvā vīriyasambojjhaṅgassa paggahamaṇḍaṃ pivatīti – maṇḍapeyyaṃ. Pharaṇamaṇḍo pītisambojjhaṅgo, pariḷāho kasaṭo; pariḷāhaṃ kasaṭaṃ chaḍḍetvā pītisambojjhaṅgassa pharaṇamaṇḍaṃ pivatīti – maṇḍapeyyaṃ. Upasamamaṇḍo passaddhisambojjhaṅgo , duṭṭhullaṃ kasaṭo; duṭṭhullaṃ kasaṭaṃ chaḍḍetvā passaddhisambojjhaṅgassa upasamamaṇḍaṃ pivatīti – maṇḍapeyyaṃ. Avikkhepamaṇḍo samādhisambojjhaṅgo, uddhaccaṃ kasaṭo; uddhaccaṃ kasaṭaṃ chaḍḍetvā samādhisambojjhaṅgassa avikkhepamaṇḍaṃ pivatīti – maṇḍapeyyaṃ. Paṭisaṅkhānamaṇḍo upekkhāsambojjhaṅgo, appaṭisaṅkhā kasaṭo; appaṭisaṅkhaṃ kasaṭaṃ chaḍḍetvā upekkhāsambojjhaṅgassa paṭisaṅkhānamaṇḍaṃ pivatīti – maṇḍapeyyaṃ.
ਦਸ੍ਸਨਮਣ੍ਡੋ ਸਮ੍ਮਾਦਿਟ੍ਠਿ, ਮਿਚ੍ਛਾਦਿਟ੍ਠਿ ਕਸਟੋ; ਮਿਚ੍ਛਾਦਿਟ੍ਠਿਂ ਕਸਟਂ ਛਡ੍ਡੇਤ੍વਾ ਸਮ੍ਮਾਦਿਟ੍ਠਿਯਾ ਦਸ੍ਸਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਅਭਿਨਿਰੋਪਨਮਣ੍ਡੋ ਸਮ੍ਮਾਸਙ੍ਕਪ੍ਪੋ, ਮਿਚ੍ਛਾਸਙ੍ਕਪ੍ਪੋ ਕਸਟੋ; ਮਿਚ੍ਛਾਸਙ੍ਕਪ੍ਪਂ ਕਸਟਂ ਛਡ੍ਡੇਤ੍વਾ ਸਮ੍ਮਾਸਙ੍ਕਪ੍ਪਸ੍ਸ ਅਭਿਨਿਰੋਪਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪਰਿਗ੍ਗਹਮਣ੍ਡੋ ਸਮ੍ਮਾવਾਚਾ, ਮਿਚ੍ਛਾવਾਚਾ ਕਸਟੋ; ਮਿਚ੍ਛਾવਾਚਂ ਕਸਟਂ ਛਡ੍ਡੇਤ੍વਾ ਸਮ੍ਮਾવਾਚਾਯ ਪਰਿਗ੍ਗਹਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਸਮੁਟ੍ਠਾਨਮਣ੍ਡੋ ਸਮ੍ਮਾਕਮ੍ਮਨ੍ਤੋ, ਮਿਚ੍ਛਾਕਮ੍ਮਨ੍ਤੋ ਕਸਟੋ; ਮਿਚ੍ਛਾਕਮ੍ਮਨ੍ਤਂ ਕਸਟਂ ਛਡ੍ਡੇਤ੍વਾ ਸਮ੍ਮਾਕਮ੍ਮਨ੍ਤਸ੍ਸ ਸਮੁਟ੍ਠਾਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। વੋਦਾਨਮਣ੍ਡੋ ਸਮ੍ਮਾਆਜੀવੋ, ਮਿਚ੍ਛਾਆਜੀવੋ ਕਸਟੋ; ਮਿਚ੍ਛਾਆਜੀવਂ ਕਸਟਂ ਛਡ੍ਡੇਤ੍વਾ ਸਮ੍ਮਾਆਜੀવਸ੍ਸ વੋਦਾਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਪਗ੍ਗਹਮਣ੍ਡੋ ਸਮ੍ਮਾવਾਯਾਮੋ, ਮਿਚ੍ਛਾવਾਯਾਮੋ ਕਸਟੋ; ਮਿਚ੍ਛਾવਾਯਾਮਂ ਕਸਟਂ ਛਡ੍ਡੇਤ੍વਾ ਸਮ੍ਮਾવਾਯਾਮਸ੍ਸ ਪਗ੍ਗਹਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਉਪਟ੍ਠਾਨਮਣ੍ਡੋ ਸਮ੍ਮਾਸਤਿ, ਮਿਚ੍ਛਾਸਤਿ ਕਸਟੋ; ਮਿਚ੍ਛਾਸਤਿਂ ਕਸਟਂ ਛਡ੍ਡੇਤ੍વਾ ਸਮ੍ਮਾਸਤਿਯਾ ਉਪਟ੍ਠਾਨਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ। ਅવਿਕ੍ਖੇਪਮਣ੍ਡੋ ਸਮ੍ਮਾਸਮਾਧਿ, ਮਿਚ੍ਛਾਸਮਾਧਿ ਕਸਟੋ; ਮਿਚ੍ਛਾਸਮਾਧਿਂ ਕਸਟਂ ਛਡ੍ਡੇਤ੍વਾ ਸਮ੍ਮਾਸਮਾਧਿਸ੍ਸ ਅવਿਕ੍ਖੇਪਮਣ੍ਡਂ ਪਿવਤੀਤਿ – ਮਣ੍ਡਪੇਯ੍ਯਂ।
Dassanamaṇḍo sammādiṭṭhi, micchādiṭṭhi kasaṭo; micchādiṭṭhiṃ kasaṭaṃ chaḍḍetvā sammādiṭṭhiyā dassanamaṇḍaṃ pivatīti – maṇḍapeyyaṃ. Abhiniropanamaṇḍo sammāsaṅkappo, micchāsaṅkappo kasaṭo; micchāsaṅkappaṃ kasaṭaṃ chaḍḍetvā sammāsaṅkappassa abhiniropanamaṇḍaṃ pivatīti – maṇḍapeyyaṃ. Pariggahamaṇḍo sammāvācā, micchāvācā kasaṭo; micchāvācaṃ kasaṭaṃ chaḍḍetvā sammāvācāya pariggahamaṇḍaṃ pivatīti – maṇḍapeyyaṃ. Samuṭṭhānamaṇḍo sammākammanto, micchākammanto kasaṭo; micchākammantaṃ kasaṭaṃ chaḍḍetvā sammākammantassa samuṭṭhānamaṇḍaṃ pivatīti – maṇḍapeyyaṃ. Vodānamaṇḍo sammāājīvo, micchāājīvo kasaṭo; micchāājīvaṃ kasaṭaṃ chaḍḍetvā sammāājīvassa vodānamaṇḍaṃ pivatīti – maṇḍapeyyaṃ. Paggahamaṇḍo sammāvāyāmo, micchāvāyāmo kasaṭo; micchāvāyāmaṃ kasaṭaṃ chaḍḍetvā sammāvāyāmassa paggahamaṇḍaṃ pivatīti – maṇḍapeyyaṃ. Upaṭṭhānamaṇḍo sammāsati, micchāsati kasaṭo; micchāsatiṃ kasaṭaṃ chaḍḍetvā sammāsatiyā upaṭṭhānamaṇḍaṃ pivatīti – maṇḍapeyyaṃ. Avikkhepamaṇḍo sammāsamādhi, micchāsamādhi kasaṭo; micchāsamādhiṃ kasaṭaṃ chaḍḍetvā sammāsamādhissa avikkhepamaṇḍaṃ pivatīti – maṇḍapeyyaṃ.
੨੪੦. ਅਤ੍ਥਿ ਮਣ੍ਡੋ, ਅਤ੍ਥਿ ਪੇਯ੍ਯਂ, ਅਤ੍ਥਿ ਕਸਟੋ। ਅਧਿਮੋਕ੍ਖਮਣ੍ਡੋ ਸਦ੍ਧਿਨ੍ਦ੍ਰਿਯਂ, ਅਸ੍ਸਦ੍ਧਿਯਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪਗ੍ਗਹਮਣ੍ਡੋ વੀਰਿਯਿਨ੍ਦ੍ਰਿਯਂ, ਕੋਸਜ੍ਜਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਉਪਟ੍ਠਾਨਮਣ੍ਡੋ ਸਤਿਨ੍ਦ੍ਰਿਯਂ, ਪਮਾਦੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਅવਿਕ੍ਖੇਪਮਣ੍ਡੋ ਸਮਾਧਿਨ੍ਦ੍ਰਿਯਂ, ਉਦ੍ਧਚ੍ਚਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਦਸ੍ਸਨਮਣ੍ਡੋ ਪਞ੍ਞਿਨ੍ਦ੍ਰਿਯਂ, ਅવਿਜ੍ਜਾ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ।
240. Atthi maṇḍo, atthi peyyaṃ, atthi kasaṭo. Adhimokkhamaṇḍo saddhindriyaṃ, assaddhiyaṃ kasaṭo; yo tattha attharaso dhammaraso vimuttiraso – idaṃ peyyaṃ. Paggahamaṇḍo vīriyindriyaṃ, kosajjaṃ kasaṭo; yo tattha attharaso dhammaraso vimuttiraso – idaṃ peyyaṃ. Upaṭṭhānamaṇḍo satindriyaṃ, pamādo kasaṭo; yo tattha attharaso dhammaraso vimuttiraso – idaṃ peyyaṃ. Avikkhepamaṇḍo samādhindriyaṃ, uddhaccaṃ kasaṭo; yo tattha attharaso dhammaraso vimuttiraso – idaṃ peyyaṃ. Dassanamaṇḍo paññindriyaṃ, avijjā kasaṭo; yo tattha attharaso dhammaraso vimuttiraso – idaṃ peyyaṃ.
ਅਸ੍ਸਦ੍ਧਿਯੇ ਅਕਮ੍ਪਿਯਮਣ੍ਡੋ ਸਦ੍ਧਾਬਲਂ, ਅਸ੍ਸਦ੍ਧਿਯਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਕੋਸਜ੍ਜੇ ਅਕਮ੍ਪਿਯਮਣ੍ਡੋ વੀਰਿਯਬਲਂ, ਕੋਸਜ੍ਜਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪਮਾਦੇ ਅਕਮ੍ਪਿਯਮਣ੍ਡੋ ਸਤਿਬਲਂ, ਪਮਾਦੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਉਦ੍ਧਚ੍ਚੇ ਅਕਮ੍ਪਿਯਮਣ੍ਡੋ ਸਮਾਧਿਬਲਂ, ਉਦ੍ਧਚ੍ਚਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਅવਿਜ੍ਜਾਯ ਅਕਮ੍ਪਿਯਮਣ੍ਡੋ ਪਞ੍ਞਾਬਲਂ, ਅવਿਜ੍ਜਾ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ।
Assaddhiye akampiyamaṇḍo saddhābalaṃ, assaddhiyaṃ kasaṭo; yo tattha attharaso dhammaraso vimuttiraso – idaṃ peyyaṃ. Kosajje akampiyamaṇḍo vīriyabalaṃ, kosajjaṃ kasaṭo; yo tattha attharaso dhammaraso vimuttiraso – idaṃ peyyaṃ. Pamāde akampiyamaṇḍo satibalaṃ, pamādo kasaṭo; yo tattha attharaso dhammaraso vimuttiraso – idaṃ peyyaṃ. Uddhacce akampiyamaṇḍo samādhibalaṃ, uddhaccaṃ kasaṭo; yo tattha attharaso dhammaraso vimuttiraso – idaṃ peyyaṃ. Avijjāya akampiyamaṇḍo paññābalaṃ, avijjā kasaṭo; yo tattha attharaso dhammaraso vimuttiraso – idaṃ peyyaṃ.
ਉਪਟ੍ਠਾਨਮਣ੍ਡੋ ਸਤਿਸਮ੍ਬੋਜ੍ਝਙ੍ਗੋ, ਪਮਾਦੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪવਿਚਯਮਣ੍ਡੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ, ਅવਿਜ੍ਜਾ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪਗ੍ਗਹਮਣ੍ਡੋ વੀਰਿਯਸਮ੍ਬੋਜ੍ਝਙ੍ਗੋ, ਕੋਸਜ੍ਜਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਫਰਣਮਣ੍ਡੋ ਪੀਤਿਸਮ੍ਬੋਜ੍ਝਙ੍ਗੋ, ਪਰਿਲ਼ਾਹੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਉਪਸਮਮਣ੍ਡੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ, ਦੁਟ੍ਠੁਲ੍ਲਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਅવਿਕ੍ਖੇਪਮਣ੍ਡੋ ਸਮਾਧਿਸਮ੍ਬੋਜ੍ਝਙ੍ਗੋ, ਉਦ੍ਧਚ੍ਚਂ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪਟਿਸਙ੍ਖਾਨਮਣ੍ਡੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ, ਅਪਟਿਸਙ੍ਖਾ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ।
Upaṭṭhānamaṇḍo satisambojjhaṅgo, pamādo kasaṭo; yo tattha attharaso dhammaraso vimuttiraso – idaṃ peyyaṃ. Pavicayamaṇḍo dhammavicayasambojjhaṅgo, avijjā kasaṭo; yo tattha attharaso dhammaraso vimuttiraso – idaṃ peyyaṃ. Paggahamaṇḍo vīriyasambojjhaṅgo, kosajjaṃ kasaṭo; yo tattha attharaso dhammaraso vimuttiraso – idaṃ peyyaṃ. Pharaṇamaṇḍo pītisambojjhaṅgo, pariḷāho kasaṭo; yo tattha attharaso dhammaraso vimuttiraso – idaṃ peyyaṃ. Upasamamaṇḍo passaddhisambojjhaṅgo, duṭṭhullaṃ kasaṭo; yo tattha attharaso dhammaraso vimuttiraso – idaṃ peyyaṃ. Avikkhepamaṇḍo samādhisambojjhaṅgo, uddhaccaṃ kasaṭo; yo tattha attharaso dhammaraso vimuttiraso – idaṃ peyyaṃ. Paṭisaṅkhānamaṇḍo upekkhāsambojjhaṅgo, apaṭisaṅkhā kasaṭo; yo tattha attharaso dhammaraso vimuttiraso – idaṃ peyyaṃ.
ਦਸ੍ਸਨਮਣ੍ਡੋ ਸਮ੍ਮਾਦਿਟ੍ਠਿ, ਮਿਚ੍ਛਾਦਿਟ੍ਠਿ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਅਭਿਨਿਰੋਪਨਮਣ੍ਡੋ ਸਮ੍ਮਾਸਙ੍ਕਪ੍ਪੋ, ਮਿਚ੍ਛਾਸਙ੍ਕਪ੍ਪੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪਰਿਗ੍ਗਹਮਣ੍ਡੋ ਸਮ੍ਮਾવਾਚਾ, ਮਿਚ੍ਛਾવਾਚਾ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਸਮੁਟ੍ਠਾਨਮਣ੍ਡੋ ਸਮ੍ਮਾਕਮ੍ਮਨ੍ਤੋ, ਮਿਚ੍ਛਾਕਮ੍ਮਨ੍ਤੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। વੋਦਾਨਮਣ੍ਡੋ ਸਮ੍ਮਾਆਜੀવੋ, ਮਿਚ੍ਛਾਆਜੀવੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਪਗ੍ਗਹਮਣ੍ਡੋ ਸਮ੍ਮਾવਾਯਾਮੋ, ਮਿਚ੍ਛਾવਾਯਾਮੋ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਉਪਟ੍ਠਾਨਮਣ੍ਡੋ ਸਮ੍ਮਾਸਤਿ, ਮਿਚ੍ਛਾਸਤਿ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ। ਅવਿਕ੍ਖੇਪਮਣ੍ਡੋ ਸਮ੍ਮਾਸਮਾਧਿ, ਮਿਚ੍ਛਾਸਮਾਧਿ ਕਸਟੋ; ਯੋ ਤਤ੍ਥ ਅਤ੍ਥਰਸੋ ਧਮ੍ਮਰਸੋ વਿਮੁਤ੍ਤਿਰਸੋ – ਇਦਂ ਪੇਯ੍ਯਂ।
Dassanamaṇḍo sammādiṭṭhi, micchādiṭṭhi kasaṭo; yo tattha attharaso dhammaraso vimuttiraso – idaṃ peyyaṃ. Abhiniropanamaṇḍo sammāsaṅkappo, micchāsaṅkappo kasaṭo; yo tattha attharaso dhammaraso vimuttiraso – idaṃ peyyaṃ. Pariggahamaṇḍo sammāvācā, micchāvācā kasaṭo; yo tattha attharaso dhammaraso vimuttiraso – idaṃ peyyaṃ. Samuṭṭhānamaṇḍo sammākammanto, micchākammanto kasaṭo; yo tattha attharaso dhammaraso vimuttiraso – idaṃ peyyaṃ. Vodānamaṇḍo sammāājīvo, micchāājīvo kasaṭo; yo tattha attharaso dhammaraso vimuttiraso – idaṃ peyyaṃ. Paggahamaṇḍo sammāvāyāmo, micchāvāyāmo kasaṭo; yo tattha attharaso dhammaraso vimuttiraso – idaṃ peyyaṃ. Upaṭṭhānamaṇḍo sammāsati, micchāsati kasaṭo; yo tattha attharaso dhammaraso vimuttiraso – idaṃ peyyaṃ. Avikkhepamaṇḍo sammāsamādhi, micchāsamādhi kasaṭo; yo tattha attharaso dhammaraso vimuttiraso – idaṃ peyyaṃ.
ਦਸ੍ਸਨਮਣ੍ਡੋ ਸਮ੍ਮਾਦਿਟ੍ਠਿ… ਅਭਿਨਿਰੋਪਨਮਣ੍ਡੋ ਸਮ੍ਮਾਸਙ੍ਕਪ੍ਪੋ… ਪਰਿਗ੍ਗਹਮਣ੍ਡੋ ਸਮ੍ਮਾવਾਚਾ… ਸਮੁਟ੍ਠਾਨਮਣ੍ਡੋ ਸਮ੍ਮਾਕਮ੍ਮਨ੍ਤੋ… વੋਦਾਨਮਣ੍ਡੋ ਸਮ੍ਮਾਆਜੀવੋ… ਪਗ੍ਗਹਮਣ੍ਡੋ ਸਮ੍ਮਾવਾਯਾਮੋ… ਉਪਟ੍ਠਾਨਮਣ੍ਡੋ ਸਮ੍ਮਾਸਤਿ… ਅવਿਕ੍ਖੇਪਮਣ੍ਡੋ ਸਮ੍ਮਾਸਮਾਧਿ।
Dassanamaṇḍo sammādiṭṭhi… abhiniropanamaṇḍo sammāsaṅkappo… pariggahamaṇḍo sammāvācā… samuṭṭhānamaṇḍo sammākammanto… vodānamaṇḍo sammāājīvo… paggahamaṇḍo sammāvāyāmo… upaṭṭhānamaṇḍo sammāsati… avikkhepamaṇḍo sammāsamādhi.
ਉਪਟ੍ਠਾਨਮਣ੍ਡੋ ਸਤਿਸਮ੍ਬੋਜ੍ਝਙ੍ਗੋ… ਪવਿਚਯਮਣ੍ਡੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ… ਪਗ੍ਗਹਮਣ੍ਡੋ વੀਰਿਯਸਮ੍ਬੋਜ੍ਝਙ੍ਗੋ… ਫਰਣਮਣ੍ਡੋ ਪੀਤਿਸਮ੍ਬੋਜ੍ਝਙ੍ਗੋ… ਉਪਸਮਮਣ੍ਡੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ… ਅવਿਕ੍ਖੇਪਮਣ੍ਡੋ ਸਮਾਧਿਸਮ੍ਬੋਜ੍ਝਙ੍ਗੋ… ਪਟਿਸਙ੍ਖਾਨਮਣ੍ਡੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ।
Upaṭṭhānamaṇḍo satisambojjhaṅgo… pavicayamaṇḍo dhammavicayasambojjhaṅgo… paggahamaṇḍo vīriyasambojjhaṅgo… pharaṇamaṇḍo pītisambojjhaṅgo… upasamamaṇḍo passaddhisambojjhaṅgo… avikkhepamaṇḍo samādhisambojjhaṅgo… paṭisaṅkhānamaṇḍo upekkhāsambojjhaṅgo.
ਅਸ੍ਸਦ੍ਧਿਯੇ ਅਕਮ੍ਪਿਯਮਣ੍ਡੋ ਸਦ੍ਧਾਬਲਂ… ਕੋਸਜ੍ਜੇ ਅਕਮ੍ਪਿਯਮਣ੍ਡੋ વੀਰਿਯਬਲਂ… ਪਮਾਦੇ ਅਕਮ੍ਪਿਯਮਣ੍ਡੋ ਸਤਿਬਲਂ… ਉਦ੍ਧਚ੍ਚੇ ਅਕਮ੍ਪਿਯਮਣ੍ਡੋ ਸਮਾਧਿਬਲਂ… ਅવਿਜ੍ਜਾਯ ਅਕਮ੍ਪਿਯਮਣ੍ਡੋ ਪਞ੍ਞਾਬਲਂ।
Assaddhiye akampiyamaṇḍo saddhābalaṃ… kosajje akampiyamaṇḍo vīriyabalaṃ… pamāde akampiyamaṇḍo satibalaṃ… uddhacce akampiyamaṇḍo samādhibalaṃ… avijjāya akampiyamaṇḍo paññābalaṃ.
ਅਧਿਮੋਕ੍ਖਮਣ੍ਡੋ ਸਦ੍ਧਿਨ੍ਦ੍ਰਿਯਂ… ਪਗ੍ਗਹਮਣ੍ਡੋ વੀਰਿਯਿਨ੍ਦ੍ਰਿਯਂ… ਉਪਟ੍ਠਾਨਮਣ੍ਡੋ ਸਤਿਨ੍ਦ੍ਰਿਯਂ… ਅવਿਕ੍ਖੇਪਮਣ੍ਡੋ ਸਮਾਧਿਨ੍ਦ੍ਰਿਯਂ… ਦਸ੍ਸਨਮਣ੍ਡੋ ਪਞ੍ਞਿਨ੍ਦ੍ਰਿਯਂ।
Adhimokkhamaṇḍo saddhindriyaṃ… paggahamaṇḍo vīriyindriyaṃ… upaṭṭhānamaṇḍo satindriyaṃ… avikkhepamaṇḍo samādhindriyaṃ… dassanamaṇḍo paññindriyaṃ.
ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾ ਮਣ੍ਡੋ, ਅਕਮ੍ਪਿਯਟ੍ਠੇਨ ਬਲਾ ਮਣ੍ਡੋ, ਨਿਯ੍ਯਾਨਟ੍ਠੇਨ ਬੋਜ੍ਝਙ੍ਗਾ ਮਣ੍ਡੋ, ਹੇਤੁਟ੍ਠੇਨ ਮਗ੍ਗੋ ਮਣ੍ਡੋ, ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਾ ਮਣ੍ਡੋ, ਪਦਹਨਟ੍ਠੇਨ ਸਮ੍ਮਪ੍ਪਧਾਨਾ ਮਣ੍ਡੋ, ਇਜ੍ਝਨਟ੍ਠੇਨ ਇਦ੍ਧਿਪਾਦਾ ਮਣ੍ਡੋ, ਤਥਟ੍ਠੇਨ ਸਚ੍ਚਾ ਮਣ੍ਡੋ, ਅવਿਕ੍ਖੇਪਟ੍ਠੇਨ ਸਮਥੋ ਮਣ੍ਡੋ, ਅਨੁਪਸ੍ਸਨਟ੍ਠੇਨ વਿਪਸ੍ਸਨਾ ਮਣ੍ਡੋ, ਏਕਰਸਟ੍ਠੇਨ ਸਮਥવਿਪਸ੍ਸਨਾ ਮਣ੍ਡੋ, ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਾ ਮਣ੍ਡੋ, ਸਂવਰਟ੍ਠੇਨ ਸੀਲવਿਸੁਦ੍ਧਿ ਮਣ੍ਡੋ, ਅવਿਕ੍ਖੇਪਟ੍ਠੇਨ ਚਿਤ੍ਤવਿਸੁਦ੍ਧਿ ਮਣ੍ਡੋ, ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿ ਮਣ੍ਡੋ, ਮੁਤ੍ਤਟ੍ਠੇਨ વਿਮੋਕ੍ਖੋ ਮਣ੍ਡੋ, ਪਟਿવੇਧਟ੍ਠੇਨ વਿਜ੍ਜਾ ਮਣ੍ਡੋ, ਪਰਿਚ੍ਚਾਗਟ੍ਠੇਨ વਿਮੁਤ੍ਤਿ ਮਣ੍ਡੋ, ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ ਮਣ੍ਡੋ, ਪਟਿਪ੍ਪਸ੍ਸਦ੍ਧਟ੍ਠੇਨ ਅਨੁਪ੍ਪਾਦੇ ਞਾਣਂ ਮਣ੍ਡੋ, ਛਨ੍ਦੋ ਮੂਲਟ੍ਠੇਨ ਮਣ੍ਡੋ, ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ ਮਣ੍ਡੋ, ਫਸ੍ਸੋ ਸਮੋਧਾਨਟ੍ਠੇਨ ਮਣ੍ਡੋ, વੇਦਨਾ ਸਮੋਸਰਣਟ੍ਠੇਨ ਮਣ੍ਡੋ, ਸਮਾਧਿ ਪਮੁਖਟ੍ਠੇਨ ਮਣ੍ਡੋ, ਸਤਿ ਆਧਿਪਤੇਯ੍ਯਟ੍ਠੇਨ ਮਣ੍ਡੋ, ਪਞ੍ਞਾ ਤਤੁਤ੍ਤਰਟ੍ਠੇਨ ਮਣ੍ਡੋ, વਿਮੁਤ੍ਤਿ ਸਾਰਟ੍ਠੇਨ ਮਣ੍ਡੋ, ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਮਣ੍ਡੋਤਿ।
Ādhipateyyaṭṭhena indriyā maṇḍo, akampiyaṭṭhena balā maṇḍo, niyyānaṭṭhena bojjhaṅgā maṇḍo, hetuṭṭhena maggo maṇḍo, upaṭṭhānaṭṭhena satipaṭṭhānā maṇḍo, padahanaṭṭhena sammappadhānā maṇḍo, ijjhanaṭṭhena iddhipādā maṇḍo, tathaṭṭhena saccā maṇḍo, avikkhepaṭṭhena samatho maṇḍo, anupassanaṭṭhena vipassanā maṇḍo, ekarasaṭṭhena samathavipassanā maṇḍo, anativattanaṭṭhena yuganaddhā maṇḍo, saṃvaraṭṭhena sīlavisuddhi maṇḍo, avikkhepaṭṭhena cittavisuddhi maṇḍo, dassanaṭṭhena diṭṭhivisuddhi maṇḍo, muttaṭṭhena vimokkho maṇḍo, paṭivedhaṭṭhena vijjā maṇḍo, pariccāgaṭṭhena vimutti maṇḍo, samucchedaṭṭhena khaye ñāṇaṃ maṇḍo, paṭippassaddhaṭṭhena anuppāde ñāṇaṃ maṇḍo, chando mūlaṭṭhena maṇḍo, manasikāro samuṭṭhānaṭṭhena maṇḍo, phasso samodhānaṭṭhena maṇḍo, vedanā samosaraṇaṭṭhena maṇḍo, samādhi pamukhaṭṭhena maṇḍo, sati ādhipateyyaṭṭhena maṇḍo, paññā tatuttaraṭṭhena maṇḍo, vimutti sāraṭṭhena maṇḍo, amatogadhaṃ nibbānaṃ pariyosānaṭṭhena maṇḍoti.
ਚਤੁਤ੍ਥਭਾਣવਾਰੋ।
Catutthabhāṇavāro.
ਮਣ੍ਡਪੇਯ੍ਯਕਥਾ ਨਿਟ੍ਠਿਤਾ।
Maṇḍapeyyakathā niṭṭhitā.
ਮਹਾવਗ੍ਗੋ ਪਠਮੋ।
Mahāvaggo paṭhamo.
ਤਸ੍ਸੁਦ੍ਦਾਨਂ –
Tassuddānaṃ –
ਞਾਣਦਿਟ੍ਠੀ ਚ ਅਸ੍ਸਾਸਾ, ਇਨ੍ਦ੍ਰਿਯਂ વਿਮੋਕ੍ਖਪਞ੍ਚਮਾ।
Ñāṇadiṭṭhī ca assāsā, indriyaṃ vimokkhapañcamā;
ਗਤਿਕਮ੍ਮવਿਪਲ੍ਲਾਸਾ, ਮਗ੍ਗੋ ਮਣ੍ਡੇਨ ਤੇ ਦਸਾਤਿ॥
Gatikammavipallāsā, maggo maṇḍena te dasāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਮਣ੍ਡਪੇਯ੍ਯਕਥਾવਣ੍ਣਨਾ • Maṇḍapeyyakathāvaṇṇanā
