| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
10. ман̣д̣абзяяагат̇аа
10. Maṇḍapeyyakathā
ман̣д̣абзяяагат̇ааван̣н̣анаа
Maṇḍapeyyakathāvaṇṇanā
238. ид̣̇аани д̇асса маг̇г̇асса ман̣д̣абзяяад̇д̇ам̣ д̣̇ассзнд̇зна гат̇ид̇ааяа бхаг̇авад̇о важанзгад̣̇зсабуб̣б̣ан̇г̇амааяа ман̣д̣абзяяагат̇ааяа абуб̣б̣ад̇т̇аануван̣н̣анаа. д̇ад̇т̇а ман̣д̣абзяяанд̇и яат̇аа самбаннам̣ ниммалам̣ виббасаннам̣ сабби саббиман̣д̣од̇и вужжад̇и, звам̣ виббасаннадтзна ман̣д̣о, баад̇аб̣б̣адтзна бзяяам̣. яан̃хи бивид̇ваа анд̇аравийт̇ияам̣ бад̇ид̇аа висан̃н̃ино ад̇д̇ано саадагаад̣̇ийнамби ассаамигаа хонд̇и, д̇ам̣ басаннамби на баад̇аб̣б̣ам̣. маяхам̣ бана ид̣̇ам̣ сигкад̇д̇аяасан̇г̇ахид̇ам̣ саасанаб̣рахмажарияам̣ самбаннад̇д̇аа ниммалад̇д̇аа виббасаннад̇д̇аа ман̣д̣ан̃жа хид̇асукаавахад̇д̇аа бзяяан̃жаад̇и ман̣д̣абзяяанд̇и д̣̇ийбзд̇и. ман̣д̣о бзяяо зд̇т̇аад̇и ман̣д̣абзяяам̣. гим̣ д̇ам̣? саасанаб̣рахмажарияам̣. гасмаа сигкад̇д̇аяам̣ б̣рахмажарияам̣ наама? уд̇д̇амадтзна ниб̣б̣аанам̣ б̣рахмам̣ наама, сигкад̇д̇аяам̣ ниб̣б̣аанад̇т̇ааяа бавад̇д̇анад̇о б̣рахмад̇т̇ааяа жарияаад̇и б̣рахмажарияанд̇и вужжад̇и. саасанаб̣рахмажарияанд̇и д̇ам̣язва. сад̇т̇аа саммукийбхууд̇од̇и ид̣̇амзд̇т̇а гааран̣аважанам̣. яасмаа бана сад̇т̇аа саммукийбхууд̇о, д̇асмаа вийрияабаяог̇ам̣ гад̇ваа биват̇зд̇ам̣ ман̣д̣ам̣. б̣аахираган̃хи бхзсаж̇ж̇аман̣д̣ам̣ взж̇ж̇асса асаммукаа биванд̇аанам̣ бамаан̣ам̣ ваа уг̇г̇амананиг̇г̇аманам̣ ваа на ж̇аанаамаад̇и аасан̇гаа ход̇и. взж̇ж̇асса саммукаа бана взж̇ж̇о ж̇ааниссад̇ийд̇и нираасан̇гаа биванд̇и. звамзвам̣ амхааган̃жа д̇хаммассаамий сад̇т̇аа саммукийбхууд̇од̇и вийрияам̣ гад̇ваа биват̇аад̇и ман̣д̣абаанз саннияож̇зд̇и. д̣̇идтад̇хаммигасамбарааяигабарамад̇т̇зхи яат̇аарахам̣ анусаасад̇ийд̇и сад̇т̇аа. абижа ‘‘сад̇т̇аа бхаг̇аваа сад̇т̇аваахо’’д̇иаад̣̇инаа (махаани. 190) нид̣̇д̣̇зсанаязнабзд̇т̇а ад̇т̇о взд̣̇ид̇аб̣б̣о. санд̣̇иссамаано муко бхууд̇од̇и саммукийбхууд̇о.
238. Idāni tassa maggassa maṇḍapeyyattaṃ dassentena kathitāya bhagavato vacanekadesapubbaṅgamāya maṇḍapeyyakathāya apubbatthānuvaṇṇanā. Tattha maṇḍapeyyanti yathā sampannaṃ nimmalaṃ vippasannaṃ sappi sappimaṇḍoti vuccati, evaṃ vippasannaṭṭhena maṇḍo, pātabbaṭṭhena peyyaṃ. Yañhi pivitvā antaravīthiyaṃ patitā visaññino attano sāṭakādīnampi assāmikā honti, taṃ pasannampi na pātabbaṃ. Mayhaṃ pana idaṃ sikkhattayasaṅgahitaṃ sāsanabrahmacariyaṃ sampannattā nimmalattā vippasannattā maṇḍañca hitasukhāvahattā peyyañcāti maṇḍapeyyanti dīpeti. Maṇḍo peyyo etthāti maṇḍapeyyaṃ. Kiṃ taṃ? Sāsanabrahmacariyaṃ. Kasmā sikkhattayaṃ brahmacariyaṃ nāma? Uttamaṭṭhena nibbānaṃ brahmaṃ nāma, sikkhattayaṃ nibbānatthāya pavattanato brahmatthāya cariyāti brahmacariyanti vuccati. Sāsanabrahmacariyanti taṃyeva. Satthāsammukhībhūtoti idamettha kāraṇavacanaṃ. Yasmā pana satthā sammukhībhūto, tasmā vīriyapayogaṃ katvā pivathetaṃ maṇḍaṃ. Bāhirakañhi bhesajjamaṇḍaṃ vejjassa asammukhā pivantānaṃ pamāṇaṃ vā uggamananiggamanaṃ vā na jānāmāti āsaṅkā hoti. Vejjassa sammukhā pana vejjo jānissatīti nirāsaṅkā pivanti. Evamevaṃ amhākañca dhammassāmī satthā sammukhībhūtoti vīriyaṃ katvā pivathāti maṇḍapāne sanniyojeti. Diṭṭhadhammikasamparāyikaparamatthehi yathārahaṃ anusāsatīti satthā. Apica ‘‘satthā bhagavā satthavāho’’tiādinā (mahāni. 190) niddesanayenapettha attho veditabbo. Sandissamāno mukho bhūtoti sammukhībhūto.
ман̣д̣абзяяанид̣̇д̣̇зсз д̇ид̇хад̇д̇аман̣д̣од̇и д̇ид̇хаабхааво д̇ид̇хад̇д̇ам̣. д̇ид̇хад̇д̇зна ман̣д̣о д̇ид̇хад̇д̇аман̣д̣о, д̇ивид̇хзна ман̣д̣од̇и ад̇т̇о. сад̇т̇ари саммукийбхууд̇зд̇и ид̣̇ам̣ саб̣б̣аагаарабарибун̣н̣аман̣д̣ад̇д̇аяад̣̇ассанад̇т̇ам̣ вуд̇д̇ам̣. бариниб̣б̣уд̇зби бана сад̇т̇ари згад̣̇зсзна ман̣д̣ад̇д̇аяам̣ бавад̇д̇ад̇иязва. д̇знзва жасса нид̣̇д̣̇зсз ‘‘сад̇т̇ари саммукийбхууд̇з’’д̇и авад̇ваа гад̇амо д̣̇зсанааман̣д̣од̇иаад̣̇и вуд̇д̇анд̇и взд̣̇ид̇аб̣б̣ам̣.
Maṇḍapeyyaniddese tidhattamaṇḍoti tidhābhāvo tidhattaṃ. Tidhattena maṇḍo tidhattamaṇḍo, tividhena maṇḍoti attho. Satthari sammukhībhūteti idaṃ sabbākāraparipuṇṇamaṇḍattayadassanatthaṃ vuttaṃ. Parinibbutepi pana satthari ekadesena maṇḍattayaṃ pavattatiyeva. Teneva cassa niddese ‘‘satthari sammukhībhūte’’ti avatvā katamo desanāmaṇḍotiādi vuttanti veditabbaṃ.
д̣̇зсанааман̣д̣од̇и д̇хаммад̣̇зсанаа зва ман̣д̣о. бадиг̇г̇ахаман̣д̣од̇и д̣̇зсанаабадиг̇г̇аахаго зва ман̣д̣о. б̣рахмажарияаман̣д̣од̇и маг̇г̇аб̣рахмажарияамзва ман̣д̣о.
Desanāmaṇḍoti dhammadesanā eva maṇḍo. Paṭiggahamaṇḍoti desanāpaṭiggāhako eva maṇḍo. Brahmacariyamaṇḍoti maggabrahmacariyameva maṇḍo.
аажигканаад̇и д̣̇зсзд̇аб̣б̣аанам̣ сажжаад̣̇ийнам̣ имаани наамаанийд̇и наамавасзна гат̇анаа. д̣̇зсанаад̇и д̣̇ассанаа. бан̃н̃аабанаад̇и ж̇аанаабанаа, н̃аан̣амукз табанаа ваа. аасанам̣ табзнд̇о хи ‘‘аасанам̣ бан̃н̃аабзд̇ий’’д̇и вужжад̇и. бадтабанаад̇и бан̃н̃аабанаа, бавад̇д̇анаад̇и ад̇т̇о, н̃аан̣амукз табанаа ваа. виваран̣аад̇и вивадагаран̣ам̣, виварид̇ваа д̣̇ассанаад̇и ад̇т̇о. вибхаж̇анаад̇и вибхааг̇агирияаа, вибхааг̇ад̇о д̣̇ассанаад̇и ад̇т̇о. уд̇д̇аанийгамманд̇и баагадабхаавагаран̣ам̣. ат̇а ваа аажигканаад̇и д̣̇зсанаад̣̇ийнам̣ чаннам̣ бад̣̇аанам̣ муулабад̣̇ам̣. д̣̇зсанаад̣̇ийни ча бад̣̇аани д̇асса ад̇т̇авиваран̣ад̇т̇ам̣ вуд̇д̇аани. д̇ад̇т̇а д̣̇зсанаад̇и уг̇гхадид̇ан̃н̃уунам̣ васзна сан̇кзбад̇о батамам̣ уд̣̇д̣̇зсавасзна д̣̇зсанаа. уг̇гхадид̇ан̃н̃уу хи сан̇кзбзна вуд̇д̇ам̣ батамам̣ вуд̇д̇ан̃жа бадивиж̇жханд̇и. бан̃н̃аабанаад̇и вибан̃жид̇ан̃н̃уунам̣ васзна д̇зсам̣ жид̇д̇ад̇осанзна б̣уд̣̇д̇хинисаанзна жа батамам̣ сан̇кид̇д̇асса вид̇т̇аарад̇о нид̣̇д̣̇зсавасзна бан̃н̃аабанаа. бадтабанаад̇и д̇зсам̣язва нид̣̇д̣̇идтасса нид̣̇д̣̇зсасса бадинид̣̇д̣̇зсавасзна вид̇т̇аарад̇араважанзна бан̃н̃аабанаа. виваран̣аад̇и нид̣̇д̣̇идтассааби бунаббунам̣ важанзна виваран̣аа. вибхаж̇анаад̇и бунаббунам̣ вуд̇д̇ассааби вибхааг̇агаран̣зна вибхаж̇анаа. уд̇д̇аанийгамманд̇и вивадасса вид̇т̇аарад̇араважанзна, вибхад̇д̇асса жа нид̣̇ассанаважанзна уд̇д̇аанийгаран̣ам̣. аяам̣ д̣̇зсанаа нзяяаанамби бадивзд̇хааяа ход̇и. язваабанан̃н̃зби гзжийд̇и бияан̇гарамаад̇аад̣̇игаа винибаад̇игаа г̇ахид̇аа. вин̃н̃аад̇аарод̇и бадивзд̇хавасзна логуд̇д̇арад̇хаммам̣ вин̃н̃аад̇ааро. зд̇з хи бхигкуаад̣̇аяо бадивзд̇хавасзна д̇хаммад̣̇зсанам̣ бадиг̇г̇ан̣ханд̇ийд̇и бадиг̇г̇ахаа. аяамзваад̇иаад̣̇ийни батаман̃аан̣анид̣̇д̣̇зсз вуд̇д̇ад̇т̇аани. арияамаг̇г̇о ниб̣б̣аанзна сам̣санд̣̇анад̇о б̣рахмад̇т̇ааяа жарияаад̇и б̣рахмажарияанд̇и вужжад̇и.
Ācikkhanāti desetabbānaṃ saccādīnaṃ imāni nāmānīti nāmavasena kathanā. Desanāti dassanā. Paññāpanāti jānāpanā, ñāṇamukhe ṭhapanā vā. Āsanaṃ ṭhapento hi ‘‘āsanaṃ paññāpetī’’ti vuccati. Paṭṭhapanāti paññāpanā, pavattanāti attho, ñāṇamukhe ṭhapanā vā. Vivaraṇāti vivaṭakaraṇaṃ, vivaritvā dassanāti attho. Vibhajanāti vibhāgakiriyā, vibhāgato dassanāti attho. Uttānīkammanti pākaṭabhāvakaraṇaṃ. Atha vā ācikkhanāti desanādīnaṃ channaṃ padānaṃ mūlapadaṃ. Desanādīni cha padāni tassa atthavivaraṇatthaṃ vuttāni. Tattha desanāti ugghaṭitaññūnaṃ vasena saṅkhepato paṭhamaṃ uddesavasena desanā. Ugghaṭitaññū hi saṅkhepena vuttaṃ paṭhamaṃ vuttañca paṭivijjhanti. Paññāpanāti vipañcitaññūnaṃ vasena tesaṃ cittatosanena buddhinisānena ca paṭhamaṃ saṅkhittassa vitthārato niddesavasena paññāpanā. Paṭṭhapanāti tesaṃyeva niddiṭṭhassa niddesassa paṭiniddesavasena vitthārataravacanena paññāpanā. Vivaraṇāti niddiṭṭhassāpi punappunaṃ vacanena vivaraṇā. Vibhajanāti punappunaṃ vuttassāpi vibhāgakaraṇena vibhajanā. Uttānīkammanti vivaṭassa vitthārataravacanena, vibhattassa ca nidassanavacanena uttānīkaraṇaṃ. Ayaṃ desanā neyyānampi paṭivedhāya hoti. Yevāpanaññepi kecīti piyaṅkaramātādikā vinipātikā gahitā. Viññātāroti paṭivedhavasena lokuttaradhammaṃ viññātāro. Ete hi bhikkhuādayo paṭivedhavasena dhammadesanaṃ paṭiggaṇhantīti paṭiggahā. Ayamevātiādīni paṭhamañāṇaniddese vuttatthāni. Ariyamaggo nibbānena saṃsandanato brahmatthāya cariyāti brahmacariyanti vuccati.
239. ид̣̇аани ад̇химогкаман̣д̣од̇иаад̣̇ийхи д̇асмим̣ маг̇г̇агкан̣з виж̇ж̇амаанаани инд̣̇рияаб̣алаб̣ож̇жхан̇г̇амаг̇г̇ан̇г̇аани ман̣д̣абзяяавид̇хаанз яож̇зд̇ваа д̣̇ассзд̇и. д̇ад̇т̇а ад̇химогкаман̣д̣од̇и ад̇химогкасан̇каад̇о ман̣д̣о. гасадод̇и басаад̣̇авирахид̇о аавило. чад̣д̣зд̇ваад̇и самужчзд̣̇авасзна бахааяа. сад̣̇д̇хинд̣̇рияасса ад̇химогкаман̣д̣ам̣ бивад̇ийд̇и ман̣д̣абзяяанд̇и сад̣̇д̇хинд̣̇рияад̇о ад̇химогкаман̣д̣асса анан̃н̃ад̇д̇зби сад̇и ан̃н̃ам̣ вияа гад̇ваа вохааравасзна вужжад̇и, яат̇аа логз нисад̣̇абод̇аго нисад̣̇абод̇асарийрасса анан̃н̃ад̇д̇зби сад̇и нисад̣̇абод̇асса сарийранд̇и вужжад̇и, яат̇аа жа баал̣ияам̣ ‘‘пусид̇ад̇д̇а’’нд̇иаад̣̇ийсу д̇хаммад̇о анан̃н̃оби бхааво ан̃н̃о вияа вуд̇д̇о, яат̇аа жа адтагат̇ааяам̣ ‘‘пусаналагкан̣о пассо’’д̇иаад̣̇ийсу (д̇ха. са. адта. 1 д̇хаммуд̣̇д̣̇зсаваара пассабан̃жамагараасиван̣н̣анаа) д̇хаммад̇о анан̃н̃амби лагкан̣ам̣ ан̃н̃ам̣ вияа вуд̇д̇ам̣, звамид̣̇анд̇и взд̣̇ид̇аб̣б̣ам̣ . бивад̇ийд̇и жзд̇т̇а д̇ам̣саман̇г̇ибуг̇г̇алод̇и вуд̇д̇ам̣ ход̇и. д̇ам̣саман̇г̇ибуг̇г̇ало д̇ам̣ ман̣д̣ам̣ бивад̇ийд̇и гад̇ваа д̇зна буг̇г̇алзна со ман̣д̣о баад̇аб̣б̣ад̇о ман̣д̣абзяяам̣ наама ход̇ийд̇и вуд̇д̇ам̣ ход̇и. ‘‘ман̣д̣абзяяо’’д̇и жа вад̇д̇аб̣б̣з ‘‘ман̣д̣абзяяа’’нд̇и лин̇г̇авибаллаасо гад̇о. сзсаанамби иминаа наязна ад̇т̇о взд̣̇ид̇аб̣б̣о. абуб̣б̣зсу бана барил̣ааход̇и бийн̣аналагкан̣ааяа бийд̇ияаа бадибагко гилзсасанд̇аабо. д̣̇удтулланд̇и убасамабадибагко гилзсавасзна ол̣ааригабхааво асанд̇абхааво. аббадисан̇каад̇и бадисан̇каанабадибагко гилзсавасзна асамаваахид̇абхааво.
239. Idāni adhimokkhamaṇḍotiādīhi tasmiṃ maggakkhaṇe vijjamānāni indriyabalabojjhaṅgamaggaṅgāni maṇḍapeyyavidhāne yojetvā dasseti. Tattha adhimokkhamaṇḍoti adhimokkhasaṅkhāto maṇḍo. Kasaṭoti pasādavirahito āvilo. Chaḍḍetvāti samucchedavasena pahāya. Saddhindriyassa adhimokkhamaṇḍaṃ pivatīti maṇḍapeyyanti saddhindriyato adhimokkhamaṇḍassa anaññattepi sati aññaṃ viya katvā vohāravasena vuccati, yathā loke nisadapotako nisadapotasarīrassa anaññattepi sati nisadapotassa sarīranti vuccati, yathā ca pāḷiyaṃ ‘‘phusitatta’’ntiādīsu dhammato anaññopi bhāvo añño viya vutto, yathā ca aṭṭhakathāyaṃ ‘‘phusanalakkhaṇo phasso’’tiādīsu (dha. sa. aṭṭha. 1 dhammuddesavāra phassapañcamakarāsivaṇṇanā) dhammato anaññampi lakkhaṇaṃ aññaṃ viya vuttaṃ, evamidanti veditabbaṃ . Pivatīti cettha taṃsamaṅgipuggaloti vuttaṃ hoti. Taṃsamaṅgipuggalo taṃ maṇḍaṃ pivatīti katvā tena puggalena so maṇḍo pātabbato maṇḍapeyyaṃ nāma hotīti vuttaṃ hoti. ‘‘Maṇḍapeyyo’’ti ca vattabbe ‘‘maṇḍapeyya’’nti liṅgavipallāso kato. Sesānampi iminā nayena attho veditabbo. Apubbesu pana pariḷāhoti pīṇanalakkhaṇāya pītiyā paṭipakkho kilesasantāpo. Duṭṭhullanti upasamapaṭipakkho kilesavasena oḷārikabhāvo asantabhāvo. Appaṭisaṅkhāti paṭisaṅkhānapaṭipakkho kilesavasena asamavāhitabhāvo.
240. буна ан̃н̃зна барияааязна ман̣д̣абзяяавид̇хим̣ нид̣̇д̣̇исид̇угаамо ад̇т̇и ман̣д̣од̇иаад̣̇имааха. д̇ад̇т̇а д̇ад̇т̇аад̇и д̇асмим̣ сад̣̇д̇хинд̣̇рияз. ад̇т̇арасод̇иаад̣̇ийсу сад̣̇д̇хинд̣̇рияасса ад̇химужжанам̣ ад̇т̇о, сад̣̇д̇хинд̣̇рияам̣ д̇хаммо, д̇ад̣̇зва наанаагилзсзхи вимуд̇д̇ад̇д̇аа вимуд̇д̇и, д̇асса ад̇т̇асса самбад̇д̇и ад̇т̇арасо. д̇асса д̇хаммасса самбад̇д̇и д̇хаммарасо. д̇ассаа вимуд̇д̇ияаа самбад̇д̇и вимуд̇д̇ирасо. ат̇а ваа ад̇т̇абадилаабхарад̇и ад̇т̇арасо, д̇хаммабадилаабхарад̇и д̇хаммарасо, вимуд̇д̇ибадилаабхарад̇и вимуд̇д̇ирасо. рад̇ийд̇и жа д̇ам̣самбаяуд̇д̇аа, д̇ад̣̇аарамман̣аа ваа бийд̇и. иминаа наязна сзсабад̣̇зсуби ад̇т̇о взд̣̇ид̇аб̣б̣о. имасмим̣ барияааяз ман̣д̣асса бзяяам̣ ман̣д̣абзяяанд̇и ад̇т̇о вуд̇д̇о ход̇и.
240. Puna aññena pariyāyena maṇḍapeyyavidhiṃ niddisitukāmo atthi maṇḍotiādimāha. Tattha tatthāti tasmiṃ saddhindriye. Attharasotiādīsu saddhindriyassa adhimuccanaṃ attho, saddhindriyaṃ dhammo, tadeva nānākilesehi vimuttattā vimutti, tassa atthassa sampatti attharaso. Tassa dhammassa sampatti dhammaraso. Tassā vimuttiyā sampatti vimuttiraso. Atha vā atthapaṭilābharati attharaso, dhammapaṭilābharati dhammaraso, vimuttipaṭilābharati vimuttiraso. Ratīti ca taṃsampayuttā, tadārammaṇā vā pīti. Iminā nayena sesapadesupi attho veditabbo. Imasmiṃ pariyāye maṇḍassa peyyaṃ maṇḍapeyyanti attho vutto hoti.
звам̣ инд̣̇рияаад̣̇иб̣од̇хибагкияад̇хаммабадибаадияаа инд̣̇рияаб̣алаб̣ож̇жхан̇г̇амаг̇г̇ан̇г̇аанам̣ васзна ман̣д̣абзяяам̣ д̣̇ассзд̇ваа буна анд̇з тид̇ам̣ б̣рахмажарияаман̣д̣ам̣ д̣̇ассзнд̇о маг̇г̇асса бад̇хаанад̇д̇аа маг̇г̇ам̣ буб̣б̣ан̇г̇амам̣ гад̇ваа уббадибаадивасзна маг̇г̇ан̇г̇аб̣ож̇жхан̇г̇аб̣алаинд̣̇рияаани д̣̇ассзси . аад̇хибад̇зяяадтзна инд̣̇рияаа ман̣д̣од̇иаад̣̇аяо яат̇ааяог̇ам̣ логияалогуд̇д̇араа ман̣д̣аа. д̇ам̣ хздтаа вуд̇д̇анаязна взд̣̇ид̇аб̣б̣ам̣. д̇ат̇адтзна сажжаа ман̣д̣од̇и зд̇т̇а бана д̣̇угкасамуд̣̇аяаанам̣ ман̣д̣ад̇д̇аабхааваа махаахад̇т̇ибад̣̇асуд̇д̇з (ма. ни. 1.300) вияа сажжан̃аан̣аани сажжаад̇и вуд̇д̇анд̇и взд̣̇ид̇аб̣б̣ам̣.
Evaṃ indriyādibodhipakkhiyadhammapaṭipāṭiyā indriyabalabojjhaṅgamaggaṅgānaṃ vasena maṇḍapeyyaṃ dassetvā puna ante ṭhitaṃ brahmacariyamaṇḍaṃ dassento maggassa padhānattā maggaṃ pubbaṅgamaṃ katvā uppaṭipāṭivasena maggaṅgabojjhaṅgabalaindriyāni dassesi . Ādhipateyyaṭṭhena indriyā maṇḍotiādayo yathāyogaṃ lokiyalokuttarā maṇḍā. Taṃ heṭṭhā vuttanayena veditabbaṃ. Tathaṭṭhena saccā maṇḍoti ettha pana dukkhasamudayānaṃ maṇḍattābhāvā mahāhatthipadasutte (ma. ni. 1.300) viya saccañāṇāni saccāti vuttanti veditabbaṃ.
сад̣̇д̇хаммаббагаасинияаа бадисамбхид̣̇аамаг̇г̇а-адтагат̇ааяа
Saddhammappakāsiniyā paṭisambhidāmagga-aṭṭhakathāya
ман̣д̣абзяяагат̇ааван̣н̣анаа нидтид̇аа.
Maṇḍapeyyakathāvaṇṇanā niṭṭhitā.
нидтид̇аа жа махааваг̇г̇аван̣н̣анаа.
Niṭṭhitā ca mahāvaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 10. ман̣д̣абзяяагат̇аа • 10. Maṇḍapeyyakathā
