| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৫. মন্দারৰপুপ্ফপূজকত্থেরঅপদানং
5. Mandāravapupphapūjakattheraapadānaṃ
২৫.
25.
‘‘দেৰপুত্তো অহং সন্তো, পূজযিং সিখিনাযকং।
‘‘Devaputto ahaṃ santo, pūjayiṃ sikhināyakaṃ;
মন্দারৰেন পুপ্ফেন, বুদ্ধস্স অভিরোপযিং॥
Mandāravena pupphena, buddhassa abhiropayiṃ.
২৬.
26.
‘‘সত্তাহং ছদনং আসি, দিব্বং মালং তথাগতে।
‘‘Sattāhaṃ chadanaṃ āsi, dibbaṃ mālaṃ tathāgate;
সব্বে জনা সমাগন্ত্ৰা, নমস্সিংসু তথাগতং॥
Sabbe janā samāgantvā, namassiṃsu tathāgataṃ.
২৭.
27.
‘‘একত্তিংসে ইতো কপ্পে, যং পুপ্ফমভিপূজযিং।
‘‘Ekattiṃse ito kappe, yaṃ pupphamabhipūjayiṃ;
দুগ্গতিং নাভিজানামি, বুদ্ধপূজাযিদং ফলং॥
Duggatiṃ nābhijānāmi, buddhapūjāyidaṃ phalaṃ.
২৮.
28.
‘‘ইতো চ দসমে কপ্পে, রাজাহোসিং জুতিন্ধরো।
‘‘Ito ca dasame kappe, rājāhosiṃ jutindharo;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
২৯.
29.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা মন্দারৰপুপ্ফপূজকো থেরো ইমা গাথাযো অভাসিত্থাতি।
Itthaṃ sudaṃ āyasmā mandāravapupphapūjako thero imā gāthāyo abhāsitthāti.
মন্দারৰপুপ্ফপূজকত্থেরস্সাপদানং পঞ্চমং।
Mandāravapupphapūjakattherassāpadānaṃ pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৫. মন্দারৰপুপ্ফপূজকত্থেরঅপদানৰণ্ণনা • 5. Mandāravapupphapūjakattheraapadānavaṇṇanā
