| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕. มนฺทารวปุปฺผปูชกเตฺถรอปทานํ
5. Mandāravapupphapūjakattheraapadānaṃ
๒๕.
25.
‘‘เทวปุโตฺต อหํ สโนฺต, ปูชยิํ สิขินายกํ;
‘‘Devaputto ahaṃ santo, pūjayiṃ sikhināyakaṃ;
มนฺทารเวน ปุเปฺผน, พุทฺธสฺส อภิโรปยิํฯ
Mandāravena pupphena, buddhassa abhiropayiṃ.
๒๖.
26.
‘‘สตฺตาหํ ฉทนํ อาสิ, ทิพฺพํ มาลํ ตถาคเต;
‘‘Sattāhaṃ chadanaṃ āsi, dibbaṃ mālaṃ tathāgate;
สเพฺพ ชนา สมาคนฺตฺวา, นมสฺสิํสุ ตถาคตํฯ
Sabbe janā samāgantvā, namassiṃsu tathāgataṃ.
๒๗.
27.
‘‘เอกตฺติํเส อิโต กเปฺป, ยํ ปุปฺผมภิปูชยิํ;
‘‘Ekattiṃse ito kappe, yaṃ pupphamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๒๘.
28.
‘‘อิโต จ ทสเม กเปฺป, ราชาโหสิํ ชุตินฺธโร;
‘‘Ito ca dasame kappe, rājāhosiṃ jutindharo;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๒๙.
29.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา มนฺทารวปุปฺผปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā mandāravapupphapūjako thero imā gāthāyo abhāsitthāti.
มนฺทารวปุปฺผปูชกเตฺถรสฺสาปทานํ ปญฺจมํฯ
Mandāravapupphapūjakattherassāpadānaṃ pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๕. มนฺทารวปุปฺผปูชกเตฺถรอปทานวณฺณนา • 5. Mandāravapupphapūjakattheraapadānavaṇṇanā
