| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. මන්‌දාරවපුප්‌ඵපූජකත්‌ථෙරඅපදානං
5. Mandāravapupphapūjakattheraapadānaṃ
25.
25.
‘‘දෙවපුත්‌තො අහං සන්‌තො, පූජයිං සිඛිනායකං;
‘‘Devaputto ahaṃ santo, pūjayiṃ sikhināyakaṃ;
මන්‌දාරවෙන පුප්‌ඵෙන, බුද්‌ධස්‌ස අභිරොපයිං.
Mandāravena pupphena, buddhassa abhiropayiṃ.
26.
26.
‘‘සත්‌තාහං ඡදනං ආසි, දිබ්‌බං මාලං තථාගතෙ;
‘‘Sattāhaṃ chadanaṃ āsi, dibbaṃ mālaṃ tathāgate;
සබ්‌බෙ ජනා සමාගන්‌ත්‌වා, නමස්‌සිංසු තථාගතං.
Sabbe janā samāgantvā, namassiṃsu tathāgataṃ.
27.
27.
‘‘එකත්‌තිංසෙ ඉතො කප්‌පෙ, යං පුප්‌ඵමභිපූජයිං;
‘‘Ekattiṃse ito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
28.
28.
‘‘ඉතො ච දසමෙ කප්‌පෙ, රාජාහොසිං ජුතින්‌ධරො;
‘‘Ito ca dasame kappe, rājāhosiṃ jutindharo;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
29.
29.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා මන්‌දාරවපුප්‌ඵපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā mandāravapupphapūjako thero imā gāthāyo abhāsitthāti.
මන්‌දාරවපුප්‌ඵපූජකත්‌ථෙරස්‌සාපදානං පඤ්‌චමං.
Mandāravapupphapūjakattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 5. මන්‌දාරවපුප්‌ඵපූජකත්‌ථෙරඅපදානවණ්‌ණනා • 5. Mandāravapupphapūjakattheraapadānavaṇṇanā
