| Library / Tipiṭaka / තිපිටක • Tipiṭaka / අපදානපාළි • Apadānapāḷi |
37. මන්‌දාරවපුප්‌ඵියවග්‌ගො
37. Mandāravapupphiyavaggo
1. මන්‌දාරවපුප්‌ඵියත්‌ථෙරඅපදානං
1. Mandāravapupphiyattheraapadānaṃ
1.
1.
‘‘තාවතිංසා ඉධාගන්‌ත්‌වා, මඞ්‌ගලො නාම මාණවො;
‘‘Tāvatiṃsā idhāgantvā, maṅgalo nāma māṇavo;
මන්‌දාරවං ගහෙත්‌වාන, විපස්‌සිස්‌ස මහෙසිනො.
Mandāravaṃ gahetvāna, vipassissa mahesino.
2.
2.
‘‘සමාධිනා නිසින්‌නස්‌ස, මත්‌ථකෙ ධාරයිං අහං;
‘‘Samādhinā nisinnassa, matthake dhārayiṃ ahaṃ;
සත්‌තාහං ධාරයිත්‌වාන, දෙවලොකං පුනාගමිං.
Sattāhaṃ dhārayitvāna, devalokaṃ punāgamiṃ.
3.
3.
‘‘එකනවුතිතො කප්‌පෙ, යං පුප්‌ඵමභිපූජයිං;
‘‘Ekanavutito kappe, yaṃ pupphamabhipūjayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
4.
4.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා මන්‌දාරවපුප්‌ඵියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā mandāravapupphiyo thero imā gāthāyo abhāsitthāti.
මන්‌දාරවපුප්‌ඵියත්‌ථෙරස්‌සාපදානං පඨමං.
Mandāravapupphiyattherassāpadānaṃ paṭhamaṃ.
