Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā

5. ман̇г̇алаб̣уд̣̇д̇хавам̣саван̣н̣анаа

5. Maṅgalabuddhavaṃsavaṇṇanā

гон̣д̣ан̃н̃з гира сад̇т̇ари бариниб̣б̣уд̇з д̇асса саасанам̣ вассасад̇асахассам̣ бавад̇д̇ид̇т̇а. б̣уд̣̇д̇хаануб̣уд̣̇д̇хаанам̣ саавагаанам̣ анд̇арад̇хаанзна саасанамасса анд̇арад̇хааяи. гон̣д̣ан̃н̃асса бана абарабхааг̇з згамасан̇кязяяамад̇иггамид̇ваа згасмим̣язва габбз жад̇д̇ааро б̣уд̣̇д̇хаа ниб̣б̣ад̇д̇им̣су ман̇г̇ало, сумано, рзвад̇о, собхид̇од̇и. д̇ад̇т̇а ман̇г̇ало бана логанааяаго габбасад̇асахассаад̇хигаани сол̣аса асан̇кязяяаани баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа бан̃жасу буб̣б̣анимид̇д̇зсу уббаннзсу б̣уд̣̇д̇хаголаахалам̣ наама уд̣̇абаад̣̇и, д̇ад̣̇аа д̣̇асасахассажаггаваал̣з д̣̇звад̇ааяо згасмим̣ жаггаваал̣з саннибад̇ид̇ваа ааяаажанд̇и –

Koṇḍaññe kira satthari parinibbute tassa sāsanaṃ vassasatasahassaṃ pavattittha. Buddhānubuddhānaṃ sāvakānaṃ antaradhānena sāsanamassa antaradhāyi. Koṇḍaññassa pana aparabhāge ekamasaṅkhyeyyamatikkamitvā ekasmiṃyeva kappe cattāro buddhā nibbattiṃsu maṅgalo, sumano, revato, sobhitoti. Tattha maṅgalo pana lokanāyako kappasatasahassādhikāni soḷasa asaṅkhyeyyāni pāramiyo pūretvā tusitapure nibbattitvā tattha yāvatāyukaṃ ṭhatvā pañcasu pubbanimittesu uppannesu buddhakolāhalaṃ nāma udapādi, tadā dasasahassacakkavāḷe devatāyo ekasmiṃ cakkavāḷe sannipatitvā āyācanti –

‘‘гаало ко д̇з махаавийра, уббаж̇ж̇а маад̇угужчияам̣;

‘‘Kālo kho te mahāvīra, uppajja mātukucchiyaṃ;

сад̣̇звагам̣ д̇аараяанд̇о, б̣уж̇жхассу амад̇ам̣ бад̣̇а’’нд̇и. (б̣у. вам̣. 1.67);

Sadevakaṃ tārayanto, bujjhassu amataṃ pada’’nti. (bu. vaṃ. 1.67);

звам̣ д̣̇звзхи ааяаажид̇о гад̇абан̃жавилогано д̇усид̇аа гааяаа жавид̇ваа саб̣б̣анаг̇аруд̇д̇амз уд̇д̇аранаг̇арз ануд̇д̇арасса уд̇д̇арасса наама ран̃н̃о гулз уд̇д̇арааяа наама д̣̇звияаа гужчисмим̣ бадисанд̇хим̣ г̇ан̣хи. д̇ад̣̇аа анзгаани баадихаарияаани баад̇урахум̣. д̇аани д̣̇ийбан̇гараб̣уд̣̇д̇хавам̣сз вуд̇д̇анаязнзва взд̣̇ид̇аб̣б̣аани. д̇ассаа уд̇д̇арааяа гира махаад̣̇звияаа гужчисмим̣ саб̣б̣алогаман̇г̇аласса ман̇г̇аласса махаасад̇д̇асса бадисанд̇хиг̇г̇ахан̣ад̇о бадтааяа сарийраббабхаа рад̇д̇инд̣̇ивам̣ асийд̇ихад̇т̇аббамаан̣ам̣ бад̣̇зсам̣ парид̇ваа жанд̣̇аалогасуурияаалогзхи анабхибхаванийяаа худ̇ваа адтааси. саа жа ан̃н̃знаалогзна винаа ад̇д̇ано сарийраббабхаасамуд̣̇аязнзва анд̇хагаарам̣ вид̇хамид̇ваа адтасадтияаа д̇хаад̇ийхи барижаарияамаанаа вижарад̇и.

Evaṃ devehi āyācito katapañcavilokano tusitā kāyā cavitvā sabbanagaruttame uttaranagare anuttarassa uttarassa nāma rañño kule uttarāya nāma deviyā kucchismiṃ paṭisandhiṃ gaṇhi. Tadā anekāni pāṭihāriyāni pāturahuṃ. Tāni dīpaṅkarabuddhavaṃse vuttanayeneva veditabbāni. Tassā uttarāya kira mahādeviyā kucchismiṃ sabbalokamaṅgalassa maṅgalassa mahāsattassa paṭisandhiggahaṇato paṭṭhāya sarīrappabhā rattindivaṃ asītihatthappamāṇaṃ padesaṃ pharitvā candālokasūriyālokehi anabhibhavanīyā hutvā aṭṭhāsi. Sā ca aññenālokena vinā attano sarīrappabhāsamudayeneva andhakāraṃ vidhamitvā aṭṭhasaṭṭhiyā dhātīhi paricāriyamānā vicarati.

саа гира д̣̇звад̇аахи гад̇аарагкаа д̣̇асаннам̣ маасаанам̣ ажжаязна барамасурабхигусумапалад̇харасаакаавидабз гамалагувалаяасамалан̇гад̇з руру-сийха-б̣яаг̇гха-г̇аж̇а-г̇аваяа-махим̣сабасад̣̇авивид̇хамиг̇аг̇ан̣авижарид̇з барамараман̣ийяз уд̇д̇арамад̇хуруяяаанз наама ман̇г̇алуяяаанз ман̇г̇аламахаабурисам̣ виж̇ааяи . со ж̇аад̇амад̇д̇ова махаасад̇д̇о саб̣б̣аа д̣̇исаа вилогзд̇ваа уд̇д̇араабхимуко сад̇д̇абад̣̇авийд̇ихаарзна г̇анд̇ваа аасабхим̣ ваажам̣ нижчаарзси. д̇асмин̃жа кан̣з сагалад̣̇асасахассилогад̇хаад̇уусу д̣̇звад̇аа д̣̇иссамаанасарийраа д̣̇иб̣б̣амаалаад̣̇ийхи самалан̇гад̇аг̇ад̇д̇аа д̇ад̇т̇а д̇ад̇т̇а тад̇ваа ж̇аяаман̇г̇алат̇уд̇иважанаани самбавад̇д̇зсум̣. баадихаарияаани вуд̇д̇анаяаанзва. наамаг̇г̇ахан̣ад̣̇ивасз банасса лагкан̣абаатагаа саб̣б̣аман̇г̇аласамбад̇д̇ияаа ж̇аад̇од̇и ‘‘ман̇г̇алагумааро’’ д̇взва наамам̣ гарим̣су.

Sā kira devatāhi katārakkhā dasannaṃ māsānaṃ accayena paramasurabhikusumaphaladharasākhāviṭape kamalakuvalayasamalaṅkate ruru-sīha-byaggha-gaja-gavaya-mahiṃsapasadavividhamigagaṇavicarite paramaramaṇīye uttaramadhuruyyāne nāma maṅgaluyyāne maṅgalamahāpurisaṃ vijāyi . So jātamattova mahāsatto sabbā disā viloketvā uttarābhimukho sattapadavītihārena gantvā āsabhiṃ vācaṃ nicchāresi. Tasmiñca khaṇe sakaladasasahassilokadhātūsu devatā dissamānasarīrā dibbamālādīhi samalaṅkatagattā tattha tattha ṭhatvā jayamaṅgalathutivacanāni sampavattesuṃ. Pāṭihāriyāni vuttanayāneva. Nāmaggahaṇadivase panassa lakkhaṇapāṭhakā sabbamaṅgalasampattiyā jātoti ‘‘maṅgalakumāro’’ tveva nāmaṃ kariṃsu.

д̇асса гира яасаваа ружимаа сиримаад̇и д̇аяо баасаад̣̇аа ахзсум̣. яасавад̇ийд̣̇звиббамукаани д̇им̣санаадагид̇т̇исахассаани ахзсум̣. д̇ад̇т̇а махаасад̇д̇о нававассасахассаани д̣̇иб̣б̣асукасад̣̇исам̣ сукам̣ анубхавид̇ваа яасавад̇ияаа аг̇г̇амахзсияаа гужчисмим̣ сийлавам̣ наама буд̇д̇ам̣ лабхид̇ваа жад̇д̇аари нимид̇д̇аани д̣̇исваа алан̇гад̇ам̣ бан̣д̣арам̣ наама сунд̣̇арад̇уран̇г̇аварамааруяха махаабхинигкаманам̣ нигкамид̇ваа баб̣б̣аж̇и. д̇ам̣ бана баб̣б̣аж̇анд̇ам̣ д̇иссо мануссагодияо анубаб̣б̣аж̇им̣су. д̇зхи баривуд̇о махаабурисо адта маасз бад̇хаанажарияамажари.

Tassa kira yasavā rucimā sirimāti tayo pāsādā ahesuṃ. Yasavatīdevippamukhāni tiṃsanāṭakitthisahassāni ahesuṃ. Tattha mahāsatto navavassasahassāni dibbasukhasadisaṃ sukhaṃ anubhavitvā yasavatiyā aggamahesiyā kucchismiṃ sīlavaṃ nāma puttaṃ labhitvā cattāri nimittāni disvā alaṅkataṃ paṇḍaraṃ nāma sundaraturaṅgavaramāruyha mahābhinikkhamanaṃ nikkhamitvā pabbaji. Taṃ pana pabbajantaṃ tisso manussakoṭiyo anupabbajiṃsu. Tehi parivuto mahāpuriso aṭṭha māse padhānacariyamacari.

д̇ад̇о висаакабун̣н̣амааяа уд̇д̇араг̇аамз уд̇д̇арасздтино д̇хийд̇ааяа уд̇д̇арааяа наама д̣̇иннам̣ багкид̇д̇ад̣̇иб̣б̣ож̇ам̣ мад̇хубааяаасам̣ барибхун̃ж̇ид̇ваа сурабхигусумаалан̇гад̇з нийлобхаасз манорамз саалаванз д̣̇иваавихаарам̣ вийд̇инаамзд̇ваа уд̇д̇арзна наама ааж̇ийвагзна д̣̇иннаа адта д̇ин̣амудтияо г̇ахзд̇ваа асид̇ан̃ж̇анаг̇ирисан̇гаасам̣ агганд̇авараганагаж̇аалагуудам̣ва сийд̇ажчааяам̣ вивид̇хамиг̇аг̇ан̣асамбаад̇авирахид̇ам̣ манд̣̇амаалуд̇зрид̇ааяа гханасаакааяа самалан̇гад̇ам̣ нажжанд̇амива бийд̇ияаа вирожамаанам̣ нааг̇аб̣од̇хим̣ убасан̇гамид̇ваа мад̇д̇аваранааг̇аг̇аамий нааг̇аб̣од̇хим̣ бад̣̇агкин̣ам̣ гад̇ваа буб̣б̣уд̇д̇арабассз тад̇ваа адтабан̣н̣аасахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа д̇ад̇т̇а баллан̇гам̣ аабхуж̇ид̇ваа жад̇уран̇г̇асаманнааг̇ад̇ам̣ вийрияам̣ ад̇хидтахид̇ваа саб̣алам̣ маараб̣алам̣ вид̣̇д̇хам̣сзд̇ваа буб̣б̣зниваасад̣̇иб̣б̣ажагкун̃аан̣аани бадилабхид̇ваа бажжаяаагаарасаммасанам̣ гад̇ваа канд̇хзсу анижжаад̣̇ивасзна абхинивисид̇ваа ануггамзна ануд̇д̇арам̣ саммаасамб̣од̇хим̣ бад̇ваа –

Tato visākhapuṇṇamāya uttaragāme uttaraseṭṭhino dhītāya uttarāya nāma dinnaṃ pakkhittadibbojaṃ madhupāyāsaṃ paribhuñjitvā surabhikusumālaṅkate nīlobhāse manorame sālavane divāvihāraṃ vītināmetvā uttarena nāma ājīvakena dinnā aṭṭha tiṇamuṭṭhiyo gahetvā asitañjanagirisaṅkāsaṃ akkantavarakanakajālakūṭaṃva sītacchāyaṃ vividhamigagaṇasampātavirahitaṃ mandamāluteritāya ghanasākhāya samalaṅkataṃ naccantamiva pītiyā virocamānaṃ nāgabodhiṃ upasaṅkamitvā mattavaranāgagāmī nāgabodhiṃ padakkhiṇaṃ katvā pubbuttarapasse ṭhatvā aṭṭhapaṇṇāsahatthavitthataṃ tiṇasantharaṃ santharitvā tattha pallaṅkaṃ ābhujitvā caturaṅgasamannāgataṃ vīriyaṃ adhiṭṭhahitvā sabalaṃ mārabalaṃ viddhaṃsetvā pubbenivāsadibbacakkhuñāṇāni paṭilabhitvā paccayākārasammasanaṃ katvā khandhesu aniccādivasena abhinivisitvā anukkamena anuttaraṃ sammāsambodhiṃ patvā –

‘‘анзгаж̇аад̇исам̣саарам̣, санд̇хаависсам̣ аниб̣б̣исам̣;

‘‘Anekajātisaṃsāraṃ, sandhāvissaṃ anibbisaṃ;

г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.

Gahakāraṃ gavesanto, dukkhā jāti punappunaṃ.

‘‘г̇ахагаарага д̣̇идтоси, буна г̇зхам̣ на гаахаси;

‘‘Gahakāraka diṭṭhosi, puna gehaṃ na kāhasi;

саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;

Sabbā te phāsukā bhaggā, gahakūṭaṃ visaṅkhataṃ;

висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа’’д̇и. (д̇ха. ба. 153-154) –

Visaṅkhāragataṃ cittaṃ, taṇhānaṃ khayamajjhagā’’ti. (dha. pa. 153-154) –

уд̣̇аанам̣ уд̣̇аанзси.

Udānaṃ udānesi.

ман̇г̇аласса бана саммаасамб̣уд̣̇д̇хасса ан̃н̃зхи б̣уд̣̇д̇хзхи ад̇хигад̇араа сарийраббабхаа ахоси. яат̇аа бана ан̃н̃зсам̣ саммаасамб̣уд̣̇д̇хаанам̣ саманд̇аа асийд̇ихад̇т̇аббамаан̣аа ваа б̣яаамаббамаан̣аа ваа сарийраббабхаа ахоси, на звам̣ д̇асса. д̇асса бана бхаг̇авад̇о сарийраббабхаа нижжагаалам̣ д̣̇асасахассилогад̇хаад̇ум̣ парид̇ваа адтааси. д̇аруг̇иригхарабаагаарагхадагаваадаад̣̇аяо суван̣н̣абаддабарияонад̣̇д̇хаа вияа ахзсум̣. навуд̇ивассасад̇асахассаани ааяу д̇асса ахоси. зд̇д̇агам̣ гаалам̣ жанд̣̇асуурияад̇аарагаад̣̇ийнам̣ бабхаа над̇т̇и. рад̇д̇инд̣̇ивабарижчзд̣̇о на бан̃н̃ааяид̇т̇а. д̣̇иваа суурияаалогзна вияа сад̇д̇аа нижжам̣ б̣уд̣̇д̇хаалогзнзва саб̣б̣агаммаани гаронд̇аа вижарим̣су. сааяам̣ бубпанагагусумаанам̣ баад̇о жа раванагасагун̣аад̣̇ийнан̃жа васзна лого рад̇д̇инд̣̇ивабарижчзд̣̇ам̣ саллагкзси.

Maṅgalassa pana sammāsambuddhassa aññehi buddhehi adhikatarā sarīrappabhā ahosi. Yathā pana aññesaṃ sammāsambuddhānaṃ samantā asītihatthappamāṇā vā byāmappamāṇā vā sarīrappabhā ahosi, na evaṃ tassa. Tassa pana bhagavato sarīrappabhā niccakālaṃ dasasahassilokadhātuṃ pharitvā aṭṭhāsi. Tarugirigharapākāraghaṭakavāṭādayo suvaṇṇapaṭṭapariyonaddhā viya ahesuṃ. Navutivassasatasahassāni āyu tassa ahosi. Ettakaṃ kālaṃ candasūriyatārakādīnaṃ pabhā natthi. Rattindivaparicchedo na paññāyittha. Divā sūriyālokena viya sattā niccaṃ buddhālokeneva sabbakammāni karontā vicariṃsu. Sāyaṃ pupphanakakusumānaṃ pāto ca ravanakasakuṇādīnañca vasena loko rattindivaparicchedaṃ sallakkhesi.

гим̣ бана ан̃н̃зсам̣ б̣уд̣̇д̇хаанам̣ аяамаанубхааво над̇т̇ийд̇и? но над̇т̇и. д̇зби хи ааган̇камаанаа д̣̇асасахассилогад̇хаад̇ум̣ д̇ад̇о ваа бхияяо аабхааяа парзяяум̣. ман̇г̇аласса бана бхаг̇авад̇о буб̣б̣абад̇т̇анаавасзна ан̃н̃зсам̣ б̣яаамаббабхаа вияа сарийраббабхаа нижжамзва д̣̇асасахассилогад̇хаад̇ум̣ парид̇ваа адтааси. со гира б̣од̇хисад̇д̇агаалз взссанд̇арад̇д̇абхаавасад̣̇исз ад̇д̇абхаавз сабуд̇д̇ад̣̇ааро ван̇габаб̣б̣ад̇асад̣̇исз баб̣б̣ад̇з васи. ат̇зго саб̣б̣аж̇анавихзтаго карад̣̇аатиго наама мануссабхагко махзсагко яагко махаабурисасса д̣̇аанаж̇жхаасаяад̇ам̣ суд̇ваа б̣раахман̣аван̣н̣зна убасан̇гамид̇ваа махаасад̇д̇ам̣ д̣̇вз д̣̇аарагз яаажи. махаасад̇д̇о ‘‘д̣̇ад̣̇аами б̣раахман̣асса буд̇д̇агз’’д̇и хадтабахадто уд̣̇агабарияанд̇ам̣ бат̇авим̣ гамбзнд̇о д̣̇вз д̣̇аарагз ад̣̇ааси. ат̇а ко яагко д̇асса бассанд̇ассзва махаабурисасса д̇ам̣ б̣раахман̣аван̣н̣ам̣ бахааяа аналаж̇аалабин̇г̇алавируубанаяано висамавируубагудилабхиймад̣̇аато жибидагавируубанаасо габилапарусад̣̇ийгхагзсо навад̣̇ад̣дхад̇аалагканд̇хасад̣̇исагааяо худ̇ваа д̇з д̣̇аарагз мул̣аалагалаабам̣ вияа г̇ахзд̇ваа каад̣̇и. махаабурисасса яагкам̣ ологзд̇ваа мукз вивадамад̇д̇з аг̇г̇иж̇аалам̣ вияа лохид̇ад̇хаарам̣ уг̇г̇иранд̇ам̣ д̇асса мукам̣ д̣̇исвааби гзсаг̇г̇амад̇д̇амби д̣̇оманассам̣ на уббаж̇ж̇и. ‘‘суд̣̇иннам̣ вад̇а мз д̣̇аана’’нд̇и жинд̇аяад̇о банасса сарийрз маханд̇ам̣ бийд̇исоманассам̣ уд̣̇абаад̣̇и. со ‘‘имасса мз ниссанд̣̇зна анааг̇ад̇з иминаа нийхаарзна расмияо нигкаманд̇уу’’д̇и бад̇т̇анамагааси. д̇асса д̇ам̣ бад̇т̇анам̣ ниссааяа б̣уд̣̇д̇хабхууд̇асса сарийрад̇о расмияо нигкамид̇ваа зд̇д̇агам̣ таанам̣ парим̣су.

Kiṃ pana aññesaṃ buddhānaṃ ayamānubhāvo natthīti? No natthi. Tepi hi ākaṅkhamānā dasasahassilokadhātuṃ tato vā bhiyyo ābhāya phareyyuṃ. Maṅgalassa pana bhagavato pubbapatthanāvasena aññesaṃ byāmappabhā viya sarīrappabhā niccameva dasasahassilokadhātuṃ pharitvā aṭṭhāsi. So kira bodhisattakāle vessantarattabhāvasadise attabhāve saputtadāro vaṅkapabbatasadise pabbate vasi. Atheko sabbajanaviheṭhako kharadāṭhiko nāma manussabhakkho mahesakkho yakkho mahāpurisassa dānajjhāsayataṃ sutvā brāhmaṇavaṇṇena upasaṅkamitvā mahāsattaṃ dve dārake yāci. Mahāsatto ‘‘dadāmi brāhmaṇassa puttake’’ti haṭṭhapahaṭṭho udakapariyantaṃ pathaviṃ kampento dve dārake adāsi. Atha kho yakkho tassa passantasseva mahāpurisassa taṃ brāhmaṇavaṇṇaṃ pahāya analajālapiṅgalavirūpanayano visamavirūpakuṭilabhīmadāṭho cipiṭakavirūpanāso kapilapharusadīghakeso navadaḍḍhatālakkhandhasadisakāyo hutvā te dārake muḷālakalāpaṃ viya gahetvā khādi. Mahāpurisassa yakkhaṃ oloketvā mukhe vivaṭamatte aggijālaṃ viya lohitadhāraṃ uggirantaṃ tassa mukhaṃ disvāpi kesaggamattampi domanassaṃ na uppajji. ‘‘Sudinnaṃ vata me dāna’’nti cintayato panassa sarīre mahantaṃ pītisomanassaṃ udapādi. So ‘‘imassa me nissandena anāgate iminā nīhārena rasmiyo nikkhamantū’’ti patthanamakāsi. Tassa taṃ patthanaṃ nissāya buddhabhūtassa sarīrato rasmiyo nikkhamitvā ettakaṃ ṭhānaṃ phariṃsu.

абарамби буб̣б̣ажарияам̣ д̇асса ад̇т̇и. аяам̣ гира б̣од̇хисад̇д̇агаалз згасса б̣уд̣̇д̇хасса жзд̇ияам̣ д̣̇исваа – ‘‘имасса б̣уд̣̇д̇хасса мама ж̇ийвид̇ам̣ барижжаж̇ид̇ум̣ ваддад̇ий’’д̇и д̣̇ан̣д̣ад̣̇ийбигаавзтананияаамзна сагаласарийрам̣ взтаабзд̇ваа рад̇анамад̇д̇амагул̣ам̣ сад̇асахассаг̇гханигам̣ суван̣н̣абаад̇им̣ суг̇анд̇хасаббисса буураабзд̇ваа д̇ад̇т̇а сахассаваддияо ж̇аалзд̇ваа д̇ам̣ сийсзнаад̣̇ааяа сагаласарийрам̣ ж̇аалаабзд̇ваа ж̇инажзд̇ияам̣ бад̣̇агкин̣ам̣ гаронд̇о сагаларад̇д̇им̣ вийд̇инаамзси. звам̣ яаава арун̣уг̇г̇аманаа вааяаманд̇асса ломагуубамад̇д̇амби усумам̣ на г̇ан̣хи. бад̣̇умаг̇аб̣бхам̣ бавидтагаало вияа ахоси. д̇хаммо хи наамзса ад̇д̇аанам̣ рагканд̇ам̣ рагкад̇и. д̇знааха бхаг̇аваа –

Aparampi pubbacariyaṃ tassa atthi. Ayaṃ kira bodhisattakāle ekassa buddhassa cetiyaṃ disvā – ‘‘imassa buddhassa mama jīvitaṃ pariccajituṃ vaṭṭatī’’ti daṇḍadīpikāveṭhananiyāmena sakalasarīraṃ veṭhāpetvā ratanamattamakuḷaṃ satasahassagghanikaṃ suvaṇṇapātiṃ sugandhasappissa pūrāpetvā tattha sahassavaṭṭiyo jāletvā taṃ sīsenādāya sakalasarīraṃ jālāpetvā jinacetiyaṃ padakkhiṇaṃ karonto sakalarattiṃ vītināmesi. Evaṃ yāva aruṇuggamanā vāyamantassa lomakūpamattampi usumaṃ na gaṇhi. Padumagabbhaṃ paviṭṭhakālo viya ahosi. Dhammo hi nāmesa attānaṃ rakkhantaṃ rakkhati. Tenāha bhagavā –

‘‘д̇хаммо хавз рагкад̇и д̇хаммажаарим̣, д̇хаммо сужин̣н̣о сукамаавахаад̇и;

‘‘Dhammo have rakkhati dhammacāriṃ, dhammo suciṇṇo sukhamāvahāti;

зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий’’д̇и. (т̇зраг̇аа. 303; ж̇аа. 1.10.102; 1.15.385);

Esānisaṃso dhamme suciṇṇe, na duggatiṃ gacchati dhammacārī’’ti. (theragā. 303; jā. 1.10.102; 1.15.385);

имассааби гаммасса ниссанд̣̇зна д̇асса сарийробхаасо д̣̇асасахассилогад̇хаад̇ум̣ парид̇ваа адтааси (д̇ха. са. адта. нид̣̇аанагат̇аа). д̇зна вуд̇д̇ам̣ –

Imassāpi kammassa nissandena tassa sarīrobhāso dasasahassilokadhātuṃ pharitvā aṭṭhāsi (dha. sa. aṭṭha. nidānakathā). Tena vuttaṃ –

‘‘гон̣д̣ан̃н̃асса абарзна, ман̇г̇ало наама нааяаго;

‘‘Koṇḍaññassa aparena, maṅgalo nāma nāyako;

д̇амам̣ логз ниханд̇ваана, д̇хаммоггамабхид̇хаараяи.

Tamaṃ loke nihantvāna, dhammokkamabhidhārayi.

‘‘ад̇улааси бабхаа д̇асса, ж̇инзхан̃н̃зхи уд̇д̇арим̣;

‘‘Atulāsi pabhā tassa, jinehaññehi uttariṃ;

жанд̣̇асуурияаббабхам̣ ханд̇ваа, д̣̇асасахассий вирожад̇ий’’д̇и.

Candasūriyappabhaṃ hantvā, dasasahassī virocatī’’ti.

д̇ад̇т̇а д̇аманд̇и логанд̇хагааран̃жа хад̣̇аяад̇аман̃жа. ниханд̇ваанаад̇и абхибхавид̇ваа. д̇хаммогганд̇и зд̇т̇а аяам̣ бана уггаа-сад̣̇д̣̇о суван̣н̣агаарамуусаад̣̇ийсу анзгзсу ад̇т̇зсу д̣̇иссад̇и. д̇ат̇аахи ‘‘сан̣д̣аасзна ж̇аад̇аруубам̣ г̇ахзд̇ваа уггаамукз багкибзяяаа’’д̇и (ма. ни. 3.360) ааг̇ад̇адтаанз суван̣н̣агаараанам̣ муусаа ‘‘уггаа’’д̇и взд̣̇ид̇аб̣б̣аа. ‘‘уггам̣ б̣анд̇хзяяа, уггам̣ б̣анд̇хид̇ваа уггаамукам̣ аалимбзяяаа’’д̇и ааг̇ад̇адтаанз гаммаараанам̣ ан̇г̇аарагабаллам̣. ‘‘гаммаараанам̣ яат̇аа уггаа, анд̇о жхааяад̇и но б̣ахий’’д̇и (ж̇аа. 2.22.649) ааг̇ад̇адтаанз гаммааруд̣̇д̇ханам̣. ‘‘звам̣вибааго уггаабаад̇о бхависсад̇ий’’д̇и (д̣̇ий. ни. 1.24, 208) ааг̇ад̇адтаанз вааяувзг̇о ‘‘уггаа’’д̇и вужжад̇и. ‘‘уггаасу д̇хаарияамаанаасуу’’д̇и (д̣̇ий. ни. 1.159) ааг̇ад̇адтаанз д̣̇ийбигаа ‘‘уггаа’’д̇и вужжад̇и. ид̇хааби д̣̇ийбигаа уггаад̇и ад̇хиббзд̇аа (ма. ни. адта. 1.76 аад̣̇аяо). д̇асмаа ид̇ха д̇хаммамаяам̣ уггам̣ абхид̇хаараяи, авиж̇ж̇анд̇хагаарабадижчаннасса авиж̇ж̇анд̇хагаараабхибхууд̇асса логасса д̇хаммамаяам̣ уггам̣ д̇хаарзсийд̇и ад̇т̇о.

Tattha tamanti lokandhakārañca hadayatamañca. Nihantvānāti abhibhavitvā. Dhammokkanti ettha ayaṃ pana ukkā-saddo suvaṇṇakāramūsādīsu anekesu atthesu dissati. Tathāhi ‘‘saṇḍāsena jātarūpaṃ gahetvā ukkāmukhe pakkhipeyyā’’ti (ma. ni. 3.360) āgataṭṭhāne suvaṇṇakārānaṃ mūsā ‘‘ukkā’’ti veditabbā. ‘‘Ukkaṃ bandheyya, ukkaṃ bandhitvā ukkāmukhaṃ ālimpeyyā’’ti āgataṭṭhāne kammārānaṃ aṅgārakapallaṃ. ‘‘Kammārānaṃ yathā ukkā, anto jhāyati no bahī’’ti (jā. 2.22.649) āgataṭṭhāne kammāruddhanaṃ. ‘‘Evaṃvipāko ukkāpāto bhavissatī’’ti (dī. ni. 1.24, 208) āgataṭṭhāne vāyuvego ‘‘ukkā’’ti vuccati. ‘‘Ukkāsu dhāriyamānāsū’’ti (dī. ni. 1.159) āgataṭṭhāne dīpikā ‘‘ukkā’’ti vuccati. Idhāpi dīpikā ukkāti adhippetā (ma. ni. aṭṭha. 1.76 ādayo). Tasmā idha dhammamayaṃ ukkaṃ abhidhārayi, avijjandhakārapaṭicchannassa avijjandhakārābhibhūtassa lokassa dhammamayaṃ ukkaṃ dhāresīti attho.

ад̇улаасийд̇и ад̇уляаа ааси. аяамзва ваа баато, ан̃н̃зхи б̣уд̣̇д̇хзхи асад̣̇исаа ахосийд̇и ад̇т̇о. ж̇инзхан̃н̃зхийд̇и ж̇инзхи ан̃н̃зхи . жанд̣̇асуурияаббабхам̣ ханд̇ваад̇и жанд̣̇асуурияаанам̣ бабхам̣ абхиханд̇ваа. д̣̇асасахассий вирожад̇ийд̇и жанд̣̇асуурияаалогам̣ винаа б̣уд̣̇д̇хаалогзнзва д̣̇асасахассий вирожад̇ийд̇и ад̇т̇о.

Atulāsīti atulyā āsi. Ayameva vā pāṭho, aññehi buddhehi asadisā ahosīti attho. Jinehaññehīti jinehi aññehi . Candasūriyappabhaṃ hantvāti candasūriyānaṃ pabhaṃ abhihantvā. Dasasahassī virocatīti candasūriyālokaṃ vinā buddhālokeneva dasasahassī virocatīti attho.

ман̇г̇аласаммаасамб̣уд̣̇д̇хо бана ад̇хиг̇ад̇аб̣од̇хин̃аан̣о б̣од̇химуулзязва сад̇д̇асад̇д̇аахаани вийд̇инаамзд̇ваа б̣рахмуно д̇хаммааяаажанам̣ самбадижчид̇ваа – ‘‘гасса ну ко ахам̣ имам̣ д̇хаммам̣ д̣̇зсзяяа’’нд̇и (ма. ни. 1.284; 2.341; махаава. 10) убад̇хаарзнд̇о ад̇д̇анаа саха баб̣б̣аж̇ид̇аанам̣ бхигкуунам̣ д̇иссо годияо убаниссаяасамбаннам̣ ад̣̇д̣̇аса. ат̇асса зд̇ад̣̇ахоси – ‘‘имз гулабуд̇д̇аа мам̣ баб̣б̣аж̇анд̇ам̣ анубаб̣б̣аж̇ид̇аа убаниссаяасамбаннаа жа, д̇з маяаа висаакабун̣н̣амааяа вивзгад̇т̇игзна виссаж̇ж̇ид̇аа сиривад̣дхананаг̇арам̣ убаниссааяа сириванаг̇аханам̣ г̇анд̇ваа вихаранд̇и, ханд̣̇аахам̣ д̇ад̇т̇а г̇анд̇ваа д̇хаммам̣ д̇зсам̣ д̣̇зсзссаамий’’д̇и ад̇д̇ано бад̇д̇ажийварам̣ г̇ахзд̇ваа хам̣сарааж̇аа вияа г̇аг̇анад̇аламаб̣бхуг̇г̇анд̇ваа сириванаг̇аханз бажжудтааси. д̇з жа бхигкуу бхаг̇аванд̇ам̣ ванд̣̇ид̇ваа анд̇зваасигавад̇д̇ам̣ д̣̇ассзд̇ваа бхаг̇аванд̇ам̣ бариваарзд̇ваа нисийд̣̇им̣су. д̇зсам̣ бхаг̇аваа саб̣б̣аб̣уд̣̇д̇ханисзвид̇ам̣ д̇хаммажаггаббавад̇д̇анасуд̇д̇анд̇ам̣ гат̇зси. д̇ад̇о д̇иссо бхигкугодияо арахад̇д̇ам̣ баабун̣им̣су. д̣̇звамануссаанам̣ годисад̇асахассаанам̣ д̇хаммаабхисамаяо ахоси. д̇зна вуд̇д̇ам̣ –

Maṅgalasammāsambuddho pana adhigatabodhiñāṇo bodhimūleyeva sattasattāhāni vītināmetvā brahmuno dhammāyācanaṃ sampaṭicchitvā – ‘‘kassa nu kho ahaṃ imaṃ dhammaṃ deseyya’’nti (ma. ni. 1.284; 2.341; mahāva. 10) upadhārento attanā saha pabbajitānaṃ bhikkhūnaṃ tisso koṭiyo upanissayasampannaṃ addasa. Athassa etadahosi – ‘‘ime kulaputtā maṃ pabbajantaṃ anupabbajitā upanissayasampannā ca, te mayā visākhapuṇṇamāya vivekatthikena vissajjitā sirivaḍḍhananagaraṃ upanissāya sirivanagahanaṃ gantvā viharanti, handāhaṃ tattha gantvā dhammaṃ tesaṃ desessāmī’’ti attano pattacīvaraṃ gahetvā haṃsarājā viya gaganatalamabbhuggantvā sirivanagahane paccuṭṭhāsi. Te ca bhikkhū bhagavantaṃ vanditvā antevāsikavattaṃ dassetvā bhagavantaṃ parivāretvā nisīdiṃsu. Tesaṃ bhagavā sabbabuddhanisevitaṃ dhammacakkappavattanasuttantaṃ kathesi. Tato tisso bhikkhukoṭiyo arahattaṃ pāpuṇiṃsu. Devamanussānaṃ koṭisatasahassānaṃ dhammābhisamayo ahosi. Tena vuttaṃ –

‘‘соби б̣уд̣̇д̇хо багаасзси, жад̇уро сажжаваруд̇д̇амз;

‘‘Sopi buddho pakāsesi, caturo saccavaruttame;

д̇з д̇з сажжарасам̣ бийд̇ваа, винод̣̇знд̇и махаад̇амам̣.

Te te saccarasaṃ pītvā, vinodenti mahātamaṃ.

‘‘бад̇ваана б̣од̇химад̇улам̣, батамз д̇хаммад̣̇зсанз;

‘‘Patvāna bodhimatulaṃ, paṭhame dhammadesane;

годисад̇асахассаанам̣, д̇хаммаабхисамаяо ахуу’’д̇и.

Koṭisatasahassānaṃ, dhammābhisamayo ahū’’ti.

д̇ад̇т̇а жад̇урод̇и жад̇д̇аари. сажжаваруд̇д̇амзд̇и сажжаани жа вараани жа сажжавараани, сажжаани уд̇д̇амаанийд̇и ад̇т̇о. ‘‘жад̇д̇ааро сажжаваруд̇д̇амз’’д̇иби баато, д̇асса жад̇д̇аари сажжавараани уд̇д̇амаанийд̇и ад̇т̇о. д̇з д̇зд̇и д̇з д̇з д̣̇звамануссаа б̣уд̣̇д̇хзна бхаг̇авад̇аа винийд̇аа. сажжарасанд̇и жад̇усажжабадивзд̇хаамад̇арасам̣ бивид̇ваа. винод̣̇знд̇и махаад̇аманд̇и д̇зна д̇зна маг̇г̇зна бахаад̇аб̣б̣ам̣ мохад̇амам̣ винод̣̇знд̇и, вид̣̇д̇хам̣сзнд̇ийд̇и ад̇т̇о. бад̇ваанаад̇и бадивиж̇жхид̇ваа. б̣од̇хинд̇и зд̇т̇а банааяам̣ б̣од̇хи-сад̣̇д̣̇о –

Tattha caturoti cattāri. Saccavaruttameti saccāni ca varāni ca saccavarāni, saccāni uttamānīti attho. ‘‘Cattāro saccavaruttame’’tipi pāṭho, tassa cattāri saccavarāni uttamānīti attho. Te teti te te devamanussā buddhena bhagavatā vinītā. Saccarasanti catusaccapaṭivedhāmatarasaṃ pivitvā. Vinodenti mahātamanti tena tena maggena pahātabbaṃ mohatamaṃ vinodenti, viddhaṃsentīti attho. Patvānāti paṭivijjhitvā. Bodhinti ettha panāyaṃ bodhi-saddo –

‘‘маг̇г̇з палз жа ниб̣б̣аанз, ругкз бан̃н̃ад̇д̇ияам̣ д̇ат̇аа;

‘‘Magge phale ca nibbāne, rukkhe paññattiyaṃ tathā;

саб̣б̣ан̃н̃уд̇з жа н̃аан̣асмим̣, б̣од̇хисад̣̇д̣̇о банааг̇ад̇о’’.

Sabbaññute ca ñāṇasmiṃ, bodhisaddo panāgato’’.

д̇ат̇аа хи банзса – ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇иаад̣̇ийсу (жуул̣ани. каг̇г̇ависаан̣асуд̇д̇анид̣̇д̣̇зса 121) маг̇г̇з ааг̇ад̇о. ‘‘убасамааяа абхин̃н̃ааяа самб̣од̇хааяа сам̣вад̇д̇ад̇ий’’д̇и (ма. ни. 1.33; 3.323; махаава. 13; сам̣. ни. 5.1081; бади. ма. 2.30) зд̇т̇а палз. ‘‘бад̇ваана б̣од̇хим̣ амад̇ам̣ асан̇кад̇а’’нд̇и зд̇т̇а ниб̣б̣аанз. ‘‘анд̇араа жа г̇аяам̣ анд̇араа жа б̣од̇хи’’нд̇и (ма. ни. 1.285; 2.341; махаава. 11) зд̇т̇а ассад̇т̇аругкз. ‘‘б̣од̇хи ко рааж̇агумааро бход̇о г̇од̇амасса баад̣̇з сирасаа ванд̣̇ад̇ий’’д̇и зд̇т̇а (ма. ни. 2.324; жуул̣ава. 268) бан̃н̃ад̇д̇ияам̣. ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) зд̇т̇а саб̣б̣ан̃н̃уд̇ан̃н̃аан̣з. ид̇хааби саб̣б̣ан̃н̃уд̇ан̃н̃аан̣з д̣̇адтаб̣б̣о. арахад̇д̇амаг̇г̇ан̃аан̣зби ваддад̇и (ма. ни. адта. 1.13; уд̣̇аа. адта. 1; баараа. адта. 1.11; жарияаа. адта. нид̣̇аанагат̇аа). ад̇уланд̇и д̇уларахид̇ам̣ бамаан̣аад̇ийд̇ам̣, аббамаан̣анд̇и ад̇т̇о. самб̣од̇хим̣ бад̇ваа д̇хаммам̣ д̣̇зсзнд̇асса д̇асса бхаг̇авад̇о батамз д̇хаммад̣̇зсанзд̇и ад̇т̇о г̇ахзд̇аб̣б̣о.

Tathā hi panesa – ‘‘bodhi vuccati catūsu maggesu ñāṇa’’ntiādīsu (cūḷani. khaggavisāṇasuttaniddesa 121) magge āgato. ‘‘Upasamāya abhiññāya sambodhāya saṃvattatī’’ti (ma. ni. 1.33; 3.323; mahāva. 13; saṃ. ni. 5.1081; paṭi. ma. 2.30) ettha phale. ‘‘Patvāna bodhiṃ amataṃ asaṅkhata’’nti ettha nibbāne. ‘‘Antarā ca gayaṃ antarā ca bodhi’’nti (ma. ni. 1.285; 2.341; mahāva. 11) ettha assattharukkhe. ‘‘Bodhi kho rājakumāro bhoto gotamassa pāde sirasā vandatī’’ti ettha (ma. ni. 2.324; cūḷava. 268) paññattiyaṃ. ‘‘Pappoti bodhiṃ varabhūrimedhaso’’ti (dī. ni. 3.217) ettha sabbaññutaññāṇe. Idhāpi sabbaññutaññāṇe daṭṭhabbo. Arahattamaggañāṇepi vaṭṭati (ma. ni. aṭṭha. 1.13; udā. aṭṭha. 1; pārā. aṭṭha. 1.11; cariyā. aṭṭha. nidānakathā). Atulanti tularahitaṃ pamāṇātītaṃ, appamāṇanti attho. Sambodhiṃ patvā dhammaṃ desentassa tassa bhagavato paṭhame dhammadesaneti attho gahetabbo.

яад̣̇аа бана жид̇д̇ам̣ наама наг̇арам̣ убаниссааяа вихаранд̇о жамбагаругкамуулз ган̣д̣амб̣аругкамуулз амхаагам̣ бхаг̇аваа вияа д̇ид̇т̇ияаанам̣ маанамад̣̇д̣̇анам̣ яамагабаадихаарияам̣ гад̇ваа сураасураяувад̇ирад̇исамбхаванз ружиранаваганагараж̇ад̇амаяаварабхаванз д̇аавад̇им̣сабхаванз баарижчад̇д̇агаругкамуулз бан̣д̣угамб̣аласилаад̇алз нисийд̣̇ид̇ваа абхид̇хаммам̣ гат̇зси, д̇ад̣̇аа годисад̇асахассаанам̣ д̣̇звад̇аанам̣ д̇хаммаабхисамаяо ахоси, аяам̣ д̣̇уд̇ияо абхисамаяо. яад̣̇аа бана сунанд̣̇о наама жаггавад̇д̇ирааж̇аа сурабхинаг̇арз буурид̇ажаггавад̇д̇ивад̇д̇о худ̇ваа жаггарад̇анам̣ бадилабхи. д̇ам̣ гира ман̇г̇алад̣̇асаб̣алз логз уббаннз жаггарад̇анам̣ таанаа осаггид̇ам̣ д̣̇исваа сунанд̣̇о рааж̇аа виг̇ад̇аананд̣̇о б̣раахман̣з барибужчи – ‘‘имам̣ жаггарад̇анам̣ мама гусалзна ниб̣б̣ад̇д̇ам̣, гасмаа таанаа осаггид̇а’’нд̇и? д̇ад̇о д̇з д̇асса ран̃н̃о осагганагааран̣ам̣ б̣яаагарим̣су. ‘‘жаггавад̇д̇иран̃н̃о ааяугкаязна ваа баб̣б̣аж̇ж̇уубаг̇аманзна ваа б̣уд̣̇д̇хабаад̇убхаавзна ваа жаггарад̇анам̣ таанаа осаггад̇ийд̇и вад̇ваа д̇уяхам̣ бана, махаарааж̇а, ааяугкаяо над̇т̇и, ад̇ид̣̇ийгхааяуго д̇вам̣, ман̇г̇ало бана саммаасамб̣уд̣̇д̇хо логз уббанно, д̇зна д̇з жаггарад̇анам̣ осаггид̇а’’нд̇и. д̇ам̣ суд̇ваа сунанд̣̇о жаггавад̇д̇ирааж̇аа сабариж̇ано д̇ам̣ жаггарад̇анам̣ сирасаа ванд̣̇ид̇ваа ааяаажи – ‘‘яааваахам̣ д̇аваанубхаавзна ман̇г̇алад̣̇асаб̣алам̣ саггариссаами, д̇аава д̇вам̣ маа анд̇арад̇хааяассуу’’д̇и. ат̇а нам̣ жаггарад̇анам̣ яат̇аатаанзязва адтааси.

Yadā pana cittaṃ nāma nagaraṃ upanissāya viharanto campakarukkhamūle kaṇḍambarukkhamūle amhākaṃ bhagavā viya titthiyānaṃ mānamaddanaṃ yamakapāṭihāriyaṃ katvā surāsurayuvatiratisambhavane ruciranavakanakarajatamayavarabhavane tāvatiṃsabhavane pāricchattakarukkhamūle paṇḍukambalasilātale nisīditvā abhidhammaṃ kathesi, tadā koṭisatasahassānaṃ devatānaṃ dhammābhisamayo ahosi, ayaṃ dutiyo abhisamayo. Yadā pana sunando nāma cakkavattirājā surabhinagare pūritacakkavattivatto hutvā cakkaratanaṃ paṭilabhi. Taṃ kira maṅgaladasabale loke uppanne cakkaratanaṃ ṭhānā osakkitaṃ disvā sunando rājā vigatānando brāhmaṇe paripucchi – ‘‘imaṃ cakkaratanaṃ mama kusalena nibbattaṃ, kasmā ṭhānā osakkita’’nti? Tato te tassa rañño osakkanakāraṇaṃ byākariṃsu. ‘‘Cakkavattirañño āyukkhayena vā pabbajjūpagamanena vā buddhapātubhāvena vā cakkaratanaṃ ṭhānā osakkatīti vatvā tuyhaṃ pana, mahārāja, āyukkhayo natthi, atidīghāyuko tvaṃ, maṅgalo pana sammāsambuddho loke uppanno, tena te cakkaratanaṃ osakkita’’nti. Taṃ sutvā sunando cakkavattirājā saparijano taṃ cakkaratanaṃ sirasā vanditvā āyāci – ‘‘yāvāhaṃ tavānubhāvena maṅgaladasabalaṃ sakkarissāmi, tāva tvaṃ mā antaradhāyassū’’ti. Atha naṃ cakkaratanaṃ yathāṭhāneyeva aṭṭhāsi.

д̇ад̇о самубааг̇ад̇аананд̣̇о сунанд̣̇о жаггавад̇д̇ирааж̇аа чад̇д̇им̣саяож̇анабариман̣д̣алааяа барисааяа баривуд̇о саб̣б̣алогаман̇г̇алам̣ ман̇г̇алад̣̇асаб̣алам̣ убасан̇гамид̇ваа сасаавагасан̇гхам̣ сад̇т̇аарам̣ махаад̣̇аанзна санд̇аббзд̇ваа араханд̇аанам̣ годисад̇асахассаанам̣ гаасигавад̇т̇аани д̣̇ад̇ваа д̇ат̇ааг̇ад̇асса саб̣б̣абаригкаарз д̣̇ад̇ваа сагалалогавимхаяагарам̣ бхаг̇авад̇о бууж̇ам̣ гад̇ваа ман̇г̇алам̣ саб̣б̣алоганаат̇ам̣ убасан̇гамид̇ваа д̣̇асанакасамод̇хаанасамуж̇ж̇алам̣ вималагамаламагул̣асамаман̃ж̇алим̣ сираси гад̇ваа ванд̣̇ид̇ваа д̇хаммассаванад̇т̇ааяа згаманд̇ам̣ нисийд̣̇и. буд̇д̇оби д̇асса анурааж̇агумааро наама д̇ат̇зва нисийд̣̇и.

Tato samupāgatānando sunando cakkavattirājā chattiṃsayojanaparimaṇḍalāya parisāya parivuto sabbalokamaṅgalaṃ maṅgaladasabalaṃ upasaṅkamitvā sasāvakasaṅghaṃ satthāraṃ mahādānena santappetvā arahantānaṃ koṭisatasahassānaṃ kāsikavatthāni datvā tathāgatassa sabbaparikkhāre datvā sakalalokavimhayakaraṃ bhagavato pūjaṃ katvā maṅgalaṃ sabbalokanāthaṃ upasaṅkamitvā dasanakhasamodhānasamujjalaṃ vimalakamalamakuḷasamamañjaliṃ sirasi katvā vanditvā dhammassavanatthāya ekamantaṃ nisīdi. Puttopi tassa anurājakumāro nāma tatheva nisīdi.

д̇ад̣̇аа сунанд̣̇ажаггавад̇д̇ирааж̇аббамукаанам̣ д̇зсам̣ бхаг̇аваа анубуб̣б̣игат̇ам̣ гат̇зси. сунанд̣̇о жаггавад̇д̇ий сад̣̇д̇хим̣ барисааяа саха бадисамбхид̣̇аахи арахад̇д̇ам̣ баабун̣и. ат̇а сад̇т̇аа д̇зсам̣ буб̣б̣ажарияам̣ ологзнд̇о ид̣̇д̇химаяабад̇д̇ажийварасса убаниссаяам̣ д̣̇исваа жаггаж̇ааласамалан̇гад̇ам̣ д̣̇агкин̣ахад̇т̇ам̣ басаарзд̇ваа – ‘‘зт̇а, бхигкаво’’д̇и ааха. саб̣б̣з д̇ан̇кан̣ам̣язва д̣̇уван̇г̇улагзсаа ид̣̇д̇химаяабад̇д̇ажийварад̇хараа вассасадтигад̇т̇зраа вияа аагаббасамбаннаа худ̇ваа бхаг̇аванд̇ам̣ бариваараяим̣су. аяам̣ д̇ад̇ияо абхисамаяо ахоси. д̇зна вуд̇д̇ам̣ –

Tadā sunandacakkavattirājappamukhānaṃ tesaṃ bhagavā anupubbikathaṃ kathesi. Sunando cakkavattī saddhiṃ parisāya saha paṭisambhidāhi arahattaṃ pāpuṇi. Atha satthā tesaṃ pubbacariyaṃ olokento iddhimayapattacīvarassa upanissayaṃ disvā cakkajālasamalaṅkataṃ dakkhiṇahatthaṃ pasāretvā – ‘‘etha, bhikkhavo’’ti āha. Sabbe taṅkhaṇaṃyeva duvaṅgulakesā iddhimayapattacīvaradharā vassasaṭṭhikattherā viya ākappasampannā hutvā bhagavantaṃ parivārayiṃsu. Ayaṃ tatiyo abhisamayo ahosi. Tena vuttaṃ –

‘‘суринд̣̇ад̣̇звабхаванз, б̣уд̣̇д̇хо д̇хаммамад̣̇зсаяи;

‘‘Surindadevabhavane, buddho dhammamadesayi;

годисад̇асахассаанам̣, д̣̇уд̇ияаабхисамаяо аху.

Koṭisatasahassānaṃ, dutiyābhisamayo ahu.

‘‘яад̣̇аа сунанд̣̇о жаггавад̇д̇ий, самб̣уд̣̇д̇хам̣ убасан̇гами;

‘‘Yadā sunando cakkavattī, sambuddhaṃ upasaṅkami;

д̇ад̣̇аа аахани самб̣уд̣̇д̇хо, д̇хаммабхзрим̣ варуд̇д̇амам̣.

Tadā āhani sambuddho, dhammabheriṃ varuttamaṃ.

‘‘сунанд̣̇ассаанужараа ж̇анад̇аа, д̇ад̣̇аасум̣ навуд̇игодияо;

‘‘Sunandassānucarā janatā, tadāsuṃ navutikoṭiyo;

саб̣б̣зби д̇з ниравасзсаа, ахзсум̣ зхибхигкугаа’’д̇и.

Sabbepi te niravasesā, ahesuṃ ehibhikkhukā’’ti.

д̇ад̇т̇а суринд̣̇ад̣̇звабхаванзд̇и буна д̣̇звинд̣̇абхаванзд̇и ад̇т̇о. д̇хамманд̇и абхид̇хаммам̣. ааханийд̇и абхихани. варуд̇д̇аманд̇и варо бхаг̇аваа уд̇д̇амам̣ д̇хаммабхзринд̇и ад̇т̇о. анужараад̇и ниб̣ад̣̇д̇хажараа сзвагаа. аасунд̇и ахзсум̣. ‘‘д̇ад̣̇ааси навуд̇игодияо’’д̇иби баато. д̇асса ж̇анад̇аа ааси, саа ж̇анад̇аа гид̇д̇агаад̇и жз, навуд̇игодияод̇и ад̇т̇о.

Tattha surindadevabhavaneti puna devindabhavaneti attho. Dhammanti abhidhammaṃ. Āhanīti abhihani. Varuttamanti varo bhagavā uttamaṃ dhammabherinti attho. Anucarāti nibaddhacarā sevakā. Āsunti ahesuṃ. ‘‘Tadāsi navutikoṭiyo’’tipi pāṭho. Tassa janatā āsi, sā janatā kittakāti ce, navutikoṭiyoti attho.

ат̇а ман̇г̇алз гира логанаат̇з мзкалз бурз вихаранд̇з д̇асмим̣язва бурз суд̣̇зво жа д̇хаммасзно жа маан̣авагаа маан̣авагасахассабариваараа д̇асса бхаг̇авад̇о санд̇игз зхибхигкубаб̣б̣аж̇ж̇ааяа баб̣б̣аж̇им̣су . маагхабун̣н̣амааяа д̣̇вийсу аг̇г̇асаавагзсу сабариваарзсу арахад̇д̇ам̣ бад̇д̇зсу сад̇т̇аа годисад̇асахассабхигкуг̇ан̣амаж̇жхз баад̇имогкам̣ уд̣̇д̣̇иси, аяам̣ батамо саннибаад̇о ахоси. буна уд̇д̇араараамз наама ануд̇д̇арз н̃аад̇исамааг̇амз баб̣б̣аж̇ид̇аанам̣ годисад̇асахассаанам̣ самааг̇амз баад̇имогкам̣ уд̣̇д̣̇иси, аяам̣ д̣̇уд̇ияо саннибаад̇о ахоси. сунанд̣̇ажаггавад̇д̇ибхигкуг̇ан̣асамааг̇амз навуд̇игодисахассаанам̣ бхигкуунам̣ маж̇жхз баад̇имогкам̣ уд̣̇д̣̇иси, аяам̣ д̇ад̇ияо саннибаад̇о ахоси. д̇зна вуд̇д̇ам̣ –

Atha maṅgale kira lokanāthe mekhale pure viharante tasmiṃyeva pure sudevo ca dhammaseno ca māṇavakā māṇavakasahassaparivārā tassa bhagavato santike ehibhikkhupabbajjāya pabbajiṃsu . Māghapuṇṇamāya dvīsu aggasāvakesu saparivāresu arahattaṃ pattesu satthā koṭisatasahassabhikkhugaṇamajjhe pātimokkhaṃ uddisi, ayaṃ paṭhamo sannipāto ahosi. Puna uttarārāme nāma anuttare ñātisamāgame pabbajitānaṃ koṭisatasahassānaṃ samāgame pātimokkhaṃ uddisi, ayaṃ dutiyo sannipāto ahosi. Sunandacakkavattibhikkhugaṇasamāgame navutikoṭisahassānaṃ bhikkhūnaṃ majjhe pātimokkhaṃ uddisi, ayaṃ tatiyo sannipāto ahosi. Tena vuttaṃ –

‘‘саннибаад̇аа д̇аяо аасум̣, ман̇г̇аласса махзсино;

‘‘Sannipātā tayo āsuṃ, maṅgalassa mahesino;

годисад̇асахассаанам̣, батамо ааси самааг̇амо.

Koṭisatasahassānaṃ, paṭhamo āsi samāgamo.

‘‘д̣̇уд̇ияо годисад̇асахассаанам̣, д̇ад̇ияо навуд̇игодинам̣;

‘‘Dutiyo koṭisatasahassānaṃ, tatiyo navutikoṭinaṃ;

кийн̣аасаваанам̣ вималаанам̣, д̇ад̣̇аа ааси самааг̇амо’’д̇и.

Khīṇāsavānaṃ vimalānaṃ, tadā āsi samāgamo’’ti.

д̇ад̣̇аа амхаагам̣ б̣од̇хисад̇д̇о суружиб̣раахман̣аг̇аамз суружи наама б̣раахман̣о худ̇ваа д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо ахоси. со сад̇т̇аарам̣ убасан̇гамид̇ваа д̣̇асаб̣аласса мад̇хурад̇хаммагат̇ам̣ суд̇ваа бхаг̇авад̇и басийд̣̇ид̇ваа саран̣ам̣ г̇анд̇ваа – ‘‘свз маяхам̣ бхигкам̣ г̇ан̣хат̇аа’’д̇и сасаавагасан̇гхам̣ бхаг̇аванд̇ам̣ ниманд̇зси. со бхаг̇авад̇аа ‘‘б̣раахман̣а, гид̇д̇агзхи бхигкуухи д̇з ад̇т̇о’’д̇и вуд̇д̇о – ‘‘гид̇д̇агаа бана во, бханд̇з, бариваараа бхигкуу’’д̇и ааха. д̇ад̣̇аа батамасаннибаад̇ова ход̇и, д̇асмаа ‘‘годисад̇асахасса’’нд̇и вуд̇д̇з – ‘‘яад̣̇и звам̣, бханд̇з, саб̣б̣зхиби сад̣̇д̇хим̣ маяхам̣ бхигкам̣ г̇ан̣хат̇аа’’д̇и ниманд̇зси. сад̇т̇аа ад̇хиваасзси.

Tadā amhākaṃ bodhisatto surucibrāhmaṇagāme suruci nāma brāhmaṇo hutvā tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo ahosi. So satthāraṃ upasaṅkamitvā dasabalassa madhuradhammakathaṃ sutvā bhagavati pasīditvā saraṇaṃ gantvā – ‘‘sve mayhaṃ bhikkhaṃ gaṇhathā’’ti sasāvakasaṅghaṃ bhagavantaṃ nimantesi. So bhagavatā ‘‘brāhmaṇa, kittakehi bhikkhūhi te attho’’ti vutto – ‘‘kittakā pana vo, bhante, parivārā bhikkhū’’ti āha. Tadā paṭhamasannipātova hoti, tasmā ‘‘koṭisatasahassa’’nti vutte – ‘‘yadi evaṃ, bhante, sabbehipi saddhiṃ mayhaṃ bhikkhaṃ gaṇhathā’’ti nimantesi. Satthā adhivāsesi.

б̣раахман̣о бхаг̇аванд̇ам̣ сваад̇анааяа ниманд̇зд̇ваа ад̇д̇ано гхарам̣ г̇ажчанд̇о жинд̇зси – ‘‘ахам̣ зд̇д̇агаанам̣ бхигкуунам̣ яааг̇убхад̇д̇авад̇т̇аад̣̇ийни д̣̇аад̇ум̣ саггоми, нисийд̣̇анадтаанам̣ бана гат̇ам̣ бхависсад̇ий’’д̇и. д̇асса гира саа жинд̇анаа жад̇ураасийд̇ияож̇анасахассаббамаан̣з мзрумад̇т̇агз тид̇асса д̣̇зварааж̇асса д̣̇асасад̇анаяанасса бан̣д̣угамб̣аласилаасанасса ун̣хаагаарам̣ ж̇анзси. ат̇а сагго д̣̇зварааж̇аа аасанасса ун̣хабхаавам̣ д̣̇исваа – ‘‘го ну ко мам̣ имамхаа таанаа жаавзд̇угаамо’’д̇и самуббаннабаривид̇агго д̣̇иб̣б̣зна жагкунаа мануссалогам̣ ологзнд̇о махаабурисам̣ д̣̇исваа – ‘‘аяам̣ махаасад̇д̇о б̣уд̣̇д̇хаббамукам̣ бхигкусан̇гхам̣ ниманд̇зд̇ваа д̇асса нисийд̣̇анад̇т̇ааяа жинд̇зси, маяааби д̇ад̇т̇а г̇анд̇ваа бун̃н̃агодтаасам̣ г̇ахзд̇ум̣ ваддад̇ий’’д̇и вад̣дхагийван̣н̣ам̣ нимминид̇ваа ваасипарасухад̇т̇о махаабурисасса бурад̇о баад̇урахоси. со ‘‘ад̇т̇и ну ко гассажи бхад̇ияаа гад̇д̇аб̣б̣агамма’’нд̇и ааха.

Brāhmaṇo bhagavantaṃ svātanāya nimantetvā attano gharaṃ gacchanto cintesi – ‘‘ahaṃ ettakānaṃ bhikkhūnaṃ yāgubhattavatthādīni dātuṃ sakkomi, nisīdanaṭṭhānaṃ pana kathaṃ bhavissatī’’ti. Tassa kira sā cintanā caturāsītiyojanasahassappamāṇe merumatthake ṭhitassa devarājassa dasasatanayanassa paṇḍukambalasilāsanassa uṇhākāraṃ janesi. Atha sakko devarājā āsanassa uṇhabhāvaṃ disvā – ‘‘ko nu kho maṃ imamhā ṭhānā cāvetukāmo’’ti samuppannaparivitakko dibbena cakkhunā manussalokaṃ olokento mahāpurisaṃ disvā – ‘‘ayaṃ mahāsatto buddhappamukhaṃ bhikkhusaṅghaṃ nimantetvā tassa nisīdanatthāya cintesi, mayāpi tattha gantvā puññakoṭṭhāsaṃ gahetuṃ vaṭṭatī’’ti vaḍḍhakīvaṇṇaṃ nimminitvā vāsipharasuhattho mahāpurisassa purato pāturahosi. So ‘‘atthi nu kho kassaci bhatiyā kattabbakamma’’nti āha.

махаасад̇д̇о д̣̇исваа ‘‘гим̣ гаммам̣ гаад̇ум̣ сагкиссасий’’д̇и ааха. ‘‘мама аж̇аананасиббам̣ наама над̇т̇и, яо яо яам̣ яам̣ ижчад̇и ман̣д̣абам̣ ваа баасаад̣̇ам̣ ваа ан̃н̃ам̣ ваа гин̃жи нивзсанаад̣̇игам̣, д̇асса д̇асса д̇ам̣ д̇ам̣ гаад̇ум̣ самад̇т̇омхий’’д̇и. ‘‘д̇зна хи маяхам̣ гаммам̣ ад̇т̇ий’’д̇и. ‘‘гим̣, аяяаа’’д̇и? ‘‘сваад̇анааяа маяаа годисад̇асахассабхигкуу ниманд̇ид̇аа, д̇зсам̣ нисийд̣̇анаман̣д̣абам̣ гариссасий’’д̇и? ‘‘ахам̣ наама гарзяяам̣, сажз мз бхад̇им̣ д̣̇аад̇ум̣ сагкиссат̇аа’’д̇и. ‘‘сагкиссаами, д̇аад̇аа’’д̇и. ‘‘яад̣̇и звам̣, саад̇ху, гариссаамий’’д̇и вад̇ваа згам̣ бад̣̇зсам̣ ологзси. со д̣̇ваад̣̇асаяож̇анаббамаан̣о бад̣̇зсо гасин̣аман̣д̣алам̣ вияа самад̇ало барамараман̣ийяо ахоси. буна со ‘‘зд̇д̇агз таанз сад̇д̇арад̇анамаяо д̣̇адтаб̣б̣асаараман̣д̣о ман̣д̣або удтахад̇уу’’д̇и жинд̇зд̇ваа ологзси. д̇ад̇о д̇аавад̣̇зва ман̣д̣абасад̣̇исо бат̇авид̇алам̣ бхинд̣̇ид̇ваа ман̣д̣або удтахи. д̇асса сован̣н̣амаязсу т̇амбхзсу раж̇ад̇амаяаа гхадагаа ахзсум̣, раж̇ад̇амаязсу т̇амбхзсу сован̣н̣амаяаа гхадагаа, ман̣ид̇т̇амбхзсу баваал̣амаяаа гхадагаа, баваал̣амаязсу т̇амбхзсу ман̣имаяаа гхадагаа, сад̇д̇арад̇анамаязсу т̇амбхзсу сад̇д̇арад̇анамаяаа гхадагаа ахзсум̣.

Mahāsatto disvā ‘‘kiṃ kammaṃ kātuṃ sakkhissasī’’ti āha. ‘‘Mama ajānanasippaṃ nāma natthi, yo yo yaṃ yaṃ icchati maṇḍapaṃ vā pāsādaṃ vā aññaṃ vā kiñci nivesanādikaṃ, tassa tassa taṃ taṃ kātuṃ samatthomhī’’ti. ‘‘Tena hi mayhaṃ kammaṃ atthī’’ti. ‘‘Kiṃ, ayyā’’ti? ‘‘Svātanāya mayā koṭisatasahassabhikkhū nimantitā, tesaṃ nisīdanamaṇḍapaṃ karissasī’’ti? ‘‘Ahaṃ nāma kareyyaṃ, sace me bhatiṃ dātuṃ sakkhissathā’’ti. ‘‘Sakkhissāmi, tātā’’ti. ‘‘Yadi evaṃ, sādhu, karissāmī’’ti vatvā ekaṃ padesaṃ olokesi. So dvādasayojanappamāṇo padeso kasiṇamaṇḍalaṃ viya samatalo paramaramaṇīyo ahosi. Puna so ‘‘ettake ṭhāne sattaratanamayo daṭṭhabbasāramaṇḍo maṇḍapo uṭṭhahatū’’ti cintetvā olokesi. Tato tāvadeva maṇḍapasadiso pathavitalaṃ bhinditvā maṇḍapo uṭṭhahi. Tassa sovaṇṇamayesu thambhesu rajatamayā ghaṭakā ahesuṃ, rajatamayesu thambhesu sovaṇṇamayā ghaṭakā, maṇitthambhesu pavāḷamayā ghaṭakā, pavāḷamayesu thambhesu maṇimayā ghaṭakā, sattaratanamayesu thambhesu sattaratanamayā ghaṭakā ahesuṃ.

д̇ад̇о ман̣д̣абасса анд̇аранд̇арааби гин̇гин̣игаж̇аалаа оламб̣ад̇уу’’д̇и ологзси, саха ологанзна гин̇гин̣игаж̇аалаа оламб̣и, яасса манд̣̇аваад̇зрид̇асса бан̃жан̇г̇игассзва д̇урияасса барамаманорамо мад̇хуро сад̣̇д̣̇о нижчарад̇и, д̣̇иб̣б̣асан̇г̇ийд̇ивад̇д̇анагаало вияа ахоси. ‘‘анд̇аранд̇араа д̣̇иб̣б̣аг̇анд̇хад̣̇аамабубпад̣̇аамабад̇д̇ад̣̇аамасад̇д̇арад̇анад̣̇аамаани оламб̣анд̇уу’’д̇и жинд̇зси, саха жинд̇ааяа д̣̇аамаани оламб̣им̣су. ‘‘годисад̇асахассасан̇каанам̣ бхигкуунам̣ аасанаани жа габбияамахаг̇гхабажжад̇т̇аран̣аани аад̇хаарагаани жа бат̇авим̣ бхинд̣̇ид̇ваа удтаханд̇уу’’д̇и жинд̇зси, д̇аавад̣̇зва удтахим̣су. ‘‘гон̣з гон̣з згзгаа уд̣̇агажаади удтахад̇уу’’д̇и жинд̇зси, д̇ан̇кан̣ам̣язва уд̣̇агажаадияо барамасийд̇алзна мад̇хурзна сувисуд̣̇д̇хасуг̇анд̇хагаббияавааринаа бун̣н̣аа гад̣̇алибан̣н̣абихид̇амукаа удтахим̣су. со д̣̇асасад̇анаяано зд̇д̇агам̣ маабзд̇ваа б̣раахман̣асса санд̇игам̣ г̇анд̇ваа – ‘‘зхи, аяяа, д̇ава ман̣д̣абам̣ д̣̇исваа маяхам̣ бхад̇им̣ д̣̇зхий’’д̇и ааха. махаабурисо г̇анд̇ваа д̇ам̣ ман̣д̣абам̣ ологзси. д̇асса ологзнд̇ассзва сагаласарийрам̣ бан̃жаван̣н̣ааяа бийд̇ияаа ниранд̇арам̣ пудам̣ ахоси.

Tato maṇḍapassa antarantarāpi kiṅkiṇikajālā olambatū’’ti olokesi, saha olokanena kiṅkiṇikajālā olambi, yassa mandavāteritassa pañcaṅgikasseva turiyassa paramamanoramo madhuro saddo niccharati, dibbasaṅgītivattanakālo viya ahosi. ‘‘Antarantarā dibbagandhadāmapupphadāmapattadāmasattaratanadāmāni olambantū’’ti cintesi, saha cintāya dāmāni olambiṃsu. ‘‘Koṭisatasahassasaṅkhānaṃ bhikkhūnaṃ āsanāni ca kappiyamahagghapaccattharaṇāni ādhārakāni ca pathaviṃ bhinditvā uṭṭhahantū’’ti cintesi, tāvadeva uṭṭhahiṃsu. ‘‘Koṇe koṇe ekekā udakacāṭi uṭṭhahatū’’ti cintesi, taṅkhaṇaṃyeva udakacāṭiyo paramasītalena madhurena suvisuddhasugandhakappiyavārinā puṇṇā kadalipaṇṇapihitamukhā uṭṭhahiṃsu. So dasasatanayano ettakaṃ māpetvā brāhmaṇassa santikaṃ gantvā – ‘‘ehi, ayya, tava maṇḍapaṃ disvā mayhaṃ bhatiṃ dehī’’ti āha. Mahāpuriso gantvā taṃ maṇḍapaṃ olokesi. Tassa olokentasseva sakalasarīraṃ pañcavaṇṇāya pītiyā nirantaraṃ phuṭaṃ ahosi.

ат̇асса ман̣д̣абам̣ ологаяад̇о зд̇ад̣̇ахоси – ‘‘нааяам̣ ман̣д̣або мануссабхууд̇зна гад̇о, маяхам̣ аж̇жхаасаяам̣ маяхам̣ г̇ун̣ам̣ ааг̇амма ад̣̇д̇хаа саггасса д̣̇зваран̃н̃о бхаванам̣ ун̣хам̣ ахоси, д̇ад̇о саггзна д̣̇зваанаминд̣̇зна аяам̣ ман̣д̣або ниммид̇о’’д̇и. ‘‘на ко бана мз яуд̇д̇ам̣ зваруубз ман̣д̣абз згад̣̇ивасам̣язва д̣̇аанам̣ д̣̇аад̇ум̣, сад̇д̇аахам̣ д̣̇ассаамий’’д̇и жинд̇зси. б̣аахирагад̣̇аанам̣ наама д̇ад̇д̇агамби самаанам̣ б̣од̇хисад̇д̇аанам̣ хад̣̇аяам̣ д̇удтим̣ гаад̇ум̣ на саггод̇и, алан̇гад̇асийсам̣ ваа чинд̣̇ид̇ваа ан̃ж̇ид̇аани ваа агкийни уббаадзд̇ваа хад̣̇аяамам̣сам̣ ваа уб̣б̣аддзд̇ваа д̣̇иннагаалз б̣од̇хисад̇д̇аанам̣ жааг̇ам̣ ниссааяа д̇удти наама ход̇и. амхаагам̣ б̣од̇хисад̇д̇асса хи сивиж̇аад̇агз (ж̇аа. 1.15.52 аад̣̇аяо) д̣̇звасигам̣ бан̃жагахаабан̣асад̇асахассаани виссаж̇ж̇зд̇ваа жад̇уусу наг̇арад̣̇ваарзсу наг̇арамаж̇жхзд̇и бан̃жасу таанзсу д̣̇аанам̣ д̣̇знд̇асса д̇ам̣ д̣̇аанам̣ жааг̇ад̇удтим̣ уббаад̣̇зд̇ум̣ наасагки. яад̣̇аа банасса б̣раахман̣аван̣н̣зна ааг̇анд̇ваа сагго д̣̇зварааж̇аа агкийни яаажи, д̇ад̣̇аа со д̇аани жагкууни уббаадзд̇ваа ад̣̇ааси, д̣̇ад̣̇амаанассзва хаасо уббаж̇ж̇и, гзсаг̇г̇амад̇д̇амби жид̇д̇асса ан̃н̃ат̇ад̇д̇ам̣ наахоси. звам̣ саб̣б̣ан̃н̃уб̣од̇хисад̇д̇аанам̣ б̣аахирад̣̇аанам̣ ниссааяа д̇ид̇д̇и наама над̇т̇и. д̇асмаа соби махаабурисо – ‘‘маяаа годисад̇асахассасан̇каанам̣ бхигкуунам̣ д̣̇аанам̣ д̣̇аад̇ум̣ ваддад̇ий’’д̇и жинд̇зд̇ваа д̇асмим̣ ман̣д̣абз нисийд̣̇аабзд̇ваа сад̇д̇аахам̣ г̇авабаанам̣ наама д̣̇аанам̣ ад̣̇ааси.

Athassa maṇḍapaṃ olokayato etadahosi – ‘‘nāyaṃ maṇḍapo manussabhūtena kato, mayhaṃ ajjhāsayaṃ mayhaṃ guṇaṃ āgamma addhā sakkassa devarañño bhavanaṃ uṇhaṃ ahosi, tato sakkena devānamindena ayaṃ maṇḍapo nimmito’’ti. ‘‘Na kho pana me yuttaṃ evarūpe maṇḍape ekadivasaṃyeva dānaṃ dātuṃ, sattāhaṃ dassāmī’’ti cintesi. Bāhirakadānaṃ nāma tattakampi samānaṃ bodhisattānaṃ hadayaṃ tuṭṭhiṃ kātuṃ na sakkoti, alaṅkatasīsaṃ vā chinditvā añjitāni vā akkhīni uppāṭetvā hadayamaṃsaṃ vā ubbaṭṭetvā dinnakāle bodhisattānaṃ cāgaṃ nissāya tuṭṭhi nāma hoti. Amhākaṃ bodhisattassa hi sivijātake (jā. 1.15.52 ādayo) devasikaṃ pañcakahāpaṇasatasahassāni vissajjetvā catūsu nagaradvāresu nagaramajjheti pañcasu ṭhānesu dānaṃ dentassa taṃ dānaṃ cāgatuṭṭhiṃ uppādetuṃ nāsakkhi. Yadā panassa brāhmaṇavaṇṇena āgantvā sakko devarājā akkhīni yāci, tadā so tāni cakkhūni uppāṭetvā adāsi, dadamānasseva hāso uppajji, kesaggamattampi cittassa aññathattaṃ nāhosi. Evaṃ sabbaññubodhisattānaṃ bāhiradānaṃ nissāya titti nāma natthi. Tasmā sopi mahāpuriso – ‘‘mayā koṭisatasahassasaṅkhānaṃ bhikkhūnaṃ dānaṃ dātuṃ vaṭṭatī’’ti cintetvā tasmiṃ maṇḍape nisīdāpetvā sattāhaṃ gavapānaṃ nāma dānaṃ adāsi.

зд̇т̇а г̇авабаананд̇и маханд̇з маханд̇з голамб̣з кийрасса буурзд̇ваа уд̣̇д̇ханзсу ааробзд̇ваа гханабаагабаггз кийрз т̇огат̇огз д̇ан̣д̣улз багкибид̇ваа баггамад̇хусагкаражун̣н̣асаббийхи абхисан̇кад̇абхож̇анам̣ вужжад̇и. ид̣̇амзва жад̇умад̇хурабхож̇ананд̇иби вужжад̇и. мануссааязва бана баривисид̇ум̣ наасагким̣су. д̣̇звааби зганд̇аригаа худ̇ваа баривисим̣су. д̣̇ваад̣̇асаяож̇анаббамаан̣амби д̇ам̣ таанам̣ д̇з бхигкуу г̇ан̣хид̇ум̣ наббахосиязва, д̇з бана бхигкуу ад̇д̇ано ад̇д̇ано анубхаавзна нисийд̣̇им̣су. барияосаанад̣̇ивасз саб̣б̣зсам̣ бхигкуунам̣ бад̇д̇з д̇ховаабзд̇ваа бхзсаж̇ж̇ад̇т̇ааяа саббинаванийд̇амад̇хупаан̣ид̇аад̣̇ийнам̣ буурзд̇ваа д̇ижийварзхи сад̣̇д̇хим̣ ад̣̇ааси. д̇ад̇т̇а сан̇гханавагабхигкунаа лад̣̇д̇хажийварасаадагаа сад̇асахассаг̇гханигаа ахзсум̣.

Ettha gavapānanti mahante mahante kolambe khīrassa pūretvā uddhanesu āropetvā ghanapākapakke khīre thokathoke taṇḍule pakkhipitvā pakkamadhusakkharacuṇṇasappīhi abhisaṅkhatabhojanaṃ vuccati. Idameva catumadhurabhojanantipi vuccati. Manussāyeva pana parivisituṃ nāsakkhiṃsu. Devāpi ekantarikā hutvā parivisiṃsu. Dvādasayojanappamāṇampi taṃ ṭhānaṃ te bhikkhū gaṇhituṃ nappahosiyeva, te pana bhikkhū attano attano anubhāvena nisīdiṃsu. Pariyosānadivase sabbesaṃ bhikkhūnaṃ patte dhovāpetvā bhesajjatthāya sappinavanītamadhuphāṇitādīnaṃ pūretvā ticīvarehi saddhiṃ adāsi. Tattha saṅghanavakabhikkhunā laddhacīvarasāṭakā satasahassagghanikā ahesuṃ.

ат̇а сад̇т̇аа анумод̣̇анам̣ гаронд̇о – ‘‘аяам̣ махаабурисо зваруубам̣ махаад̣̇аанам̣ ад̣̇ааси, го ну ко бхависсад̇ий’’д̇и убад̇хаарзнд̇о – ‘‘анааг̇ад̇з габбасад̇асахассаад̇хигаанам̣ д̣̇виннам̣ асан̇кязяяаанам̣ мад̇т̇агз г̇од̇амо наама б̣уд̣̇д̇хо бхависсад̇ий’’д̇и д̣̇исваа д̇ад̇о махаасад̇д̇ам̣ ааманд̇зд̇ваа – ‘‘д̇вам̣ зд̇д̇агам̣ наама гаалам̣ ад̇иггамид̇ваа г̇од̇амо наама б̣уд̣̇д̇хо бхависсасий’’д̇и б̣яаагааси. ат̇а махаабурисо бхаг̇авад̇о б̣яаагаран̣ам̣ суд̇ваа бамуд̣̇ид̇ахад̣̇аяо – ‘‘ахам̣ гира б̣уд̣̇д̇хо бхависсаами, на мз гхарааваасзна ад̇т̇о, баб̣б̣аж̇иссаамий’’д̇и жинд̇зд̇ваа д̇ат̇ааруубам̣ самбад̇д̇им̣ кзл̣абин̣д̣ам̣ вияа бахааяа сад̇т̇у санд̇игз баб̣б̣аж̇ид̇ваа б̣уд̣̇д̇хаважанам̣ уг̇г̇ан̣хид̇ваа абхин̃н̃аа жа адта самаабад̇д̇ияо жа ниб̣б̣ад̇д̇зд̇ваа абарихийнаж̇жхаано яаавад̇ааяугам̣ тад̇ваа ааяубарияосаанз б̣рахмалогз ниб̣б̣ад̇д̇и. д̇зна вуд̇д̇ам̣ –

Atha satthā anumodanaṃ karonto – ‘‘ayaṃ mahāpuriso evarūpaṃ mahādānaṃ adāsi, ko nu kho bhavissatī’’ti upadhārento – ‘‘anāgate kappasatasahassādhikānaṃ dvinnaṃ asaṅkhyeyyānaṃ matthake gotamo nāma buddho bhavissatī’’ti disvā tato mahāsattaṃ āmantetvā – ‘‘tvaṃ ettakaṃ nāma kālaṃ atikkamitvā gotamo nāma buddho bhavissasī’’ti byākāsi. Atha mahāpuriso bhagavato byākaraṇaṃ sutvā pamuditahadayo – ‘‘ahaṃ kira buddho bhavissāmi, na me gharāvāsena attho, pabbajissāmī’’ti cintetvā tathārūpaṃ sampattiṃ kheḷapiṇḍaṃ viya pahāya satthu santike pabbajitvā buddhavacanaṃ uggaṇhitvā abhiññā ca aṭṭha samāpattiyo ca nibbattetvā aparihīnajjhāno yāvatāyukaṃ ṭhatvā āyupariyosāne brahmaloke nibbatti. Tena vuttaṃ –

10.

‘‘ахам̣ д̇зна самаязна, суружий наама б̣раахман̣о;

‘‘Ahaṃ tena samayena, surucī nāma brāhmaṇo;

аж̇жхааяаго манд̇ад̇харо, д̇ин̣н̣ам̣ взд̣̇аана баараг̇уу.

Ajjhāyako mantadharo, tiṇṇaṃ vedāna pāragū.

11.

‘‘д̇амахам̣ убасан̇гамма, саран̣ам̣ г̇анд̇ваана сад̇т̇уно;

‘‘Tamahaṃ upasaṅkamma, saraṇaṃ gantvāna satthuno;

самб̣уд̣̇д̇хаббамукам̣ сан̇гхам̣, г̇анд̇хамаалзна бууж̇аяим̣;

Sambuddhappamukhaṃ saṅghaṃ, gandhamālena pūjayiṃ;

бууж̇зд̇ваа г̇анд̇хамаалзна, г̇авабаанзна д̇аббаяим̣.

Pūjetvā gandhamālena, gavapānena tappayiṃ.

12.

‘‘соби мам̣ б̣уд̣̇д̇хо б̣яаагааси, ман̇г̇ало д̣̇вибад̣̇уд̇д̇амо;

‘‘Sopi maṃ buddho byākāsi, maṅgalo dvipaduttamo;

абаримзяяид̇о габбз, аяам̣ б̣уд̣̇д̇хо бхависсад̇и.

Aparimeyyito kappe, ayaṃ buddho bhavissati.

13.

‘‘бад̇хаанам̣ бад̣̇ахид̇ваана…бз… хзссаама саммукаа има’’нд̇и. –

‘‘Padhānaṃ padahitvāna…pe… hessāma sammukhā ima’’nti. –

адта г̇аат̇аа вид̇т̇аарзд̇аб̣б̣аа.

Aṭṭha gāthā vitthāretabbā.

14.

‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;

‘‘Tassāpi vacanaṃ sutvā, bhiyyo cittaṃ pasādayiṃ;

уд̇д̇арим̣ вад̇амад̇хидтаасим̣, д̣̇асабаарамибуурияаа.

Uttariṃ vatamadhiṭṭhāsiṃ, dasapāramipūriyā.

15.

‘‘д̇ад̣̇аа бийд̇имануб̣рууханд̇о, самб̣од̇хиварабад̇д̇ияаа;

‘‘Tadā pītimanubrūhanto, sambodhivarapattiyā;

б̣уд̣̇д̇хз д̣̇ад̇ваана мам̣ г̇зхам̣, баб̣б̣аж̇им̣ д̇асса санд̇игз.

Buddhe datvāna maṃ gehaṃ, pabbajiṃ tassa santike.

16.

‘‘суд̇д̇анд̇ам̣ винаяам̣ жааби, наван̇г̇ам̣ сад̇т̇усаасанам̣;

‘‘Suttantaṃ vinayaṃ cāpi, navaṅgaṃ satthusāsanaṃ;

саб̣б̣ам̣ барияаабун̣ид̇ваа, собхаяим̣ ж̇инасаасанам̣.

Sabbaṃ pariyāpuṇitvā, sobhayiṃ jinasāsanaṃ.

17.

‘‘д̇ад̇т̇аббамад̇д̇о вихаранд̇о, б̣рахмам̣ бхаавзд̇ва бхааванам̣;

‘‘Tatthappamatto viharanto, brahmaṃ bhāvetva bhāvanaṃ;

абхин̃н̃аабаарамим̣ г̇анд̇ваа, б̣рахмалогамаг̇ан̃чаха’’нд̇и.

Abhiññāpāramiṃ gantvā, brahmalokamagañchaha’’nti.

д̇ад̇т̇а г̇анд̇хамаалзнаад̇и г̇анд̇хзхи жзва маалзхи жа. г̇авабаанзнаад̇и ид̣̇ам̣ вуд̇д̇амзва. ‘‘гхад̇абаанзнаа’’д̇иби гзжи батанд̇и. д̇аббаяинд̇и д̇аббзсим̣. уд̇д̇арим̣ вад̇амад̇хидтаасинд̇и бхияяоби вад̇амад̇хидтаасим̣. д̣̇асабаарамибуурияаад̇и д̣̇асаннам̣ баарамийнам̣ бууран̣ад̇т̇ааяа. бийд̇инд̇и хад̣̇аяад̇удтим̣. ануб̣рууханд̇од̇и вад̣дхзнд̇о. самб̣од̇хиварабад̇д̇ияаад̇и б̣уд̣̇д̇хад̇д̇аббад̇д̇ияаа. б̣уд̣̇д̇хз д̣̇ад̇ваанаад̇и б̣уд̣̇д̇хасса барижжаж̇ид̇ваа . мам̣ г̇зханд̇и мама г̇зхам̣, саб̣б̣ам̣ саабад̇зяяам̣ жад̇убажжаяад̇т̇ааяа б̣уд̣̇д̇хасса бхаг̇авад̇о барижжаж̇ид̇ваад̇и ад̇т̇о. д̇ад̇т̇аад̇и д̇асмим̣ б̣уд̣̇д̇хасаасанз. б̣рахманд̇и б̣рахмавихаарабхааванам̣ бхаавзд̇ваа.

Tattha gandhamālenāti gandhehi ceva mālehi ca. Gavapānenāti idaṃ vuttameva. ‘‘Ghatapānenā’’tipi keci paṭhanti. Tappayinti tappesiṃ. Uttariṃ vatamadhiṭṭhāsinti bhiyyopi vatamadhiṭṭhāsiṃ. Dasapāramipūriyāti dasannaṃ pāramīnaṃ pūraṇatthāya. Pītinti hadayatuṭṭhiṃ. Anubrūhantoti vaḍḍhento. Sambodhivarapattiyāti buddhattappattiyā. Buddhe datvānāti buddhassa pariccajitvā . Maṃ gehanti mama gehaṃ, sabbaṃ sāpateyyaṃ catupaccayatthāya buddhassa bhagavato pariccajitvāti attho. Tatthāti tasmiṃ buddhasāsane. Brahmanti brahmavihārabhāvanaṃ bhāvetvā.

ман̇г̇аласса бана бхаг̇авад̇о наг̇арам̣ уд̇д̇арам̣ наама ахоси, бид̇аабисса уд̇д̇аро наама рааж̇аа кад̇д̇ияо, маад̇ааби уд̇д̇араа наама, суд̣̇зво жа д̇хаммасзно жа д̣̇вз аг̇г̇асаавагаа, баалид̇о наама убадтааго, сийвалаа жа асогаа жа д̣̇вз аг̇г̇асаавигаа, нааг̇аругко б̣од̇хи, адтаасийд̇ихад̇т̇уб̣б̣зд̇хам̣ сарийрам̣ ахоси, навуд̇ивассасахассам̣ ааяубаримаан̣ам̣, бхарияаа банасса яасавад̇ий наама, сийвало наама буд̇д̇о, ассаяаанзна нигками. уд̇д̇араараамз васи. уд̇д̇аро наама убадтааго, д̇асмим̣ бана навуд̇ивассасахассаани тад̇ваа бариниб̣б̣уд̇з бхаг̇авад̇и згаббахаарзнзва д̣̇асажаггаваал̣асахассаани зганд̇хагаараани ахзсум̣. саб̣б̣ажаггаваал̣зсу мануссаанам̣ маханд̇ам̣ аарод̣̇анабарид̣̇званам̣ ахоси. д̇зна вуд̇д̇ам̣ –

Maṅgalassa pana bhagavato nagaraṃ uttaraṃ nāma ahosi, pitāpissa uttaro nāma rājā khattiyo, mātāpi uttarā nāma, sudevo ca dhammaseno ca dve aggasāvakā, pālito nāma upaṭṭhāko, sīvalā ca asokā ca dve aggasāvikā, nāgarukkho bodhi, aṭṭhāsītihatthubbedhaṃ sarīraṃ ahosi, navutivassasahassaṃ āyuparimāṇaṃ, bhariyā panassa yasavatī nāma, sīvalo nāma putto, assayānena nikkhami. Uttarārāme vasi. Uttaro nāma upaṭṭhāko, tasmiṃ pana navutivassasahassāni ṭhatvā parinibbute bhagavati ekappahāreneva dasacakkavāḷasahassāni ekandhakārāni ahesuṃ. Sabbacakkavāḷesu manussānaṃ mahantaṃ ārodanaparidevanaṃ ahosi. Tena vuttaṃ –

18.

‘‘уд̇д̇арам̣ наама наг̇арам̣, уд̇д̇аро наама кад̇д̇ияо;

‘‘Uttaraṃ nāma nagaraṃ, uttaro nāma khattiyo;

уд̇д̇араа наама ж̇анигаа, ман̇г̇аласса махзсино.

Uttarā nāma janikā, maṅgalassa mahesino.

23.

‘‘суд̣̇зво д̇хаммасзно жа, ахзсум̣ аг̇г̇асаавагаа;

‘‘Sudevo dhammaseno ca, ahesuṃ aggasāvakā;

баалид̇о наамубадтааго, ман̇г̇аласса махзсино.

Pālito nāmupaṭṭhāko, maṅgalassa mahesino.

24.

‘‘сийвалаа жа асогаа жа, ахзсум̣ аг̇г̇асаавигаа;

‘‘Sīvalā ca asokā ca, ahesuṃ aggasāvikā;

б̣од̇хи д̇асса бхаг̇авад̇о, нааг̇аругкод̇и вужжад̇и.

Bodhi tassa bhagavato, nāgarukkhoti vuccati.

26.

‘‘адтаасийд̇и рад̇анаани, ажжуг̇г̇ад̇о махаамуни;

‘‘Aṭṭhāsīti ratanāni, accuggato mahāmuni;

д̇ад̇о нид̣̇д̇хаавад̇ий рам̣сий, анзгасад̇асахассияо.

Tato niddhāvatī raṃsī, anekasatasahassiyo.

27.

‘‘навуд̇ивассасахассаани, ааяу виж̇ж̇ад̇и д̇аавад̣̇з;

‘‘Navutivassasahassāni, āyu vijjati tāvade;

д̇аавад̇аа д̇идтамаано со, д̇аарзси ж̇анад̇ам̣ б̣ахум̣.

Tāvatā tiṭṭhamāno so, tāresi janataṃ bahuṃ.

28.

‘‘яат̇ааби сааг̇арз уумий, на саггаа д̇аа г̇ан̣зд̇уяз;

‘‘Yathāpi sāgare ūmī, na sakkā tā gaṇetuye;

д̇ат̇зва саавагаа д̇асса, на саггаа д̇з г̇ан̣зд̇уяз.

Tatheva sāvakā tassa, na sakkā te gaṇetuye.

29.

‘‘яаава адтааси самб̣уд̣̇д̇хо, ман̇г̇ало логанааяаго;

‘‘Yāva aṭṭhāsi sambuddho, maṅgalo lokanāyako;

на д̇асса саасанз ад̇т̇и, сагилзсамаран̣ам̣ д̇ад̣̇аа.

Na tassa sāsane atthi, sakilesamaraṇaṃ tadā.

30.

‘‘д̇хаммоггам̣ д̇хаараяид̇ваана, санд̇аарзд̇ваа махааж̇анам̣;

‘‘Dhammokkaṃ dhārayitvāna, santāretvā mahājanaṃ;

ж̇алид̇ваа д̇хумагзд̇уува, ниб̣б̣уд̇о со махааяасо.

Jalitvā dhumaketūva, nibbuto so mahāyaso.

31.

‘‘сан̇каараанам̣ сабхаавад̇д̇ам̣, д̣̇ассаяид̇ваа сад̣̇звагз;

‘‘Saṅkhārānaṃ sabhāvattaṃ, dassayitvā sadevake;

ж̇алид̇ваа аг̇г̇игканд̇хова, суурияо ад̇т̇ан̇г̇ад̇о яат̇аа’’д̇и.

Jalitvā aggikkhandhova, sūriyo atthaṅgato yathā’’ti.

д̇ад̇т̇а д̇ад̇од̇и д̇асса ман̇г̇аласса сарийрад̇о. нид̣̇д̇хаавад̇ийд̇и нид̣̇д̇хааванд̇и, важанавибарияааяо д̣̇адтаб̣б̣о. рам̣сийд̇и расмияо. анзгасад̇асахассияод̇и анзгасад̇асахассаа. уумийд̇и вийжияо д̇аран̇г̇аа. г̇ан̣зд̇уязд̇и г̇ан̣зд̇ум̣ сан̇каад̇ум̣. зд̇д̇агаа сааг̇арз уумияод̇и яат̇аа на саггаа г̇ан̣зд̇ум̣, звам̣ д̇асса бхаг̇авад̇о саавагааби на саггаа г̇ан̣зд̇ум̣, ат̇а ко г̇ан̣анабат̇ам̣ вийд̇ивад̇д̇аад̇и ад̇т̇о. яааваад̇и яаавад̇агам̣ гаалам̣. сагилзсамаран̣ам̣ д̇ад̣̇аад̇и саха гилзсзхи сагилзсо, сагилзсасса маран̣ам̣ сагилзсамаран̣ам̣, д̇ам̣ над̇т̇и. д̇ад̣̇аа гира д̇асса бхаг̇авад̇о саасанз саавагаа саб̣б̣з арахад̇д̇ам̣ бад̇вааязва бариниб̣б̣ааяим̣су. бут̇уж̇ж̇анаа ваа сод̇аабаннаад̣̇аяо ваа худ̇ваа на гааламагам̣сууд̇и ад̇т̇о. гзжи ‘‘саммохамааран̣ам̣ д̇ад̣̇аа’’д̇и батанд̇и.

Tattha tatoti tassa maṅgalassa sarīrato. Niddhāvatīti niddhāvanti, vacanavipariyāyo daṭṭhabbo. Raṃsīti rasmiyo. Anekasatasahassiyoti anekasatasahassā. Ūmīti vīciyo taraṅgā. Gaṇetuyeti gaṇetuṃ saṅkhātuṃ. Ettakā sāgare ūmiyoti yathā na sakkā gaṇetuṃ, evaṃ tassa bhagavato sāvakāpi na sakkā gaṇetuṃ, atha kho gaṇanapathaṃ vītivattāti attho. Yāvāti yāvatakaṃ kālaṃ. Sakilesamaraṇaṃ tadāti saha kilesehi sakileso, sakilesassa maraṇaṃ sakilesamaraṇaṃ, taṃ natthi. Tadā kira tassa bhagavato sāsane sāvakā sabbe arahattaṃ patvāyeva parinibbāyiṃsu. Puthujjanā vā sotāpannādayo vā hutvā na kālamakaṃsūti attho. Keci ‘‘sammohamāraṇaṃ tadā’’ti paṭhanti.

д̇хаммогганд̇и д̇хаммад̣̇ийбагам̣. д̇хуумагзд̇ууд̇и аг̇г̇и вужжад̇и, ид̇ха бана бад̣̇ийбо д̣̇адтаб̣б̣о д̇асмаа бад̣̇ийбо вияа ж̇алид̇ваа ниб̣б̣уд̇од̇и ад̇т̇о. махааяасод̇и махаабаривааро . гзжи ‘‘ниб̣б̣уд̇о со сасааваго’’д̇и батанд̇и. сан̇каараананд̇и сан̇каад̇ад̇хаммаанам̣ саббажжаяад̇хаммаанам̣. сабхаавад̇д̇анд̇и анижжаад̣̇исааман̃н̃алагкан̣ам̣. суурияо ад̇т̇ан̇г̇ад̇о яат̇аад̇и яат̇аа сахассагиран̣о д̣̇ивасагаро саб̣б̣ам̣ д̇амаг̇ан̣ам̣ вид̇хамид̇ваа саб̣б̣ан̃жа логам̣ обхаасзд̇ваа ад̇т̇амубаг̇ажчад̇и, звам̣ ман̇г̇алад̣̇ивасагароби взнзяяагамалаванавигасанагаро саб̣б̣ам̣ аж̇жхад̇д̇игаб̣аахиралогад̇амам̣ вид̇хамид̇ваа ад̇д̇ано сарийраббабхааяа ж̇алид̇ваа ад̇т̇ан̇г̇ад̇од̇и ад̇т̇о. сзсаг̇аат̇аа саб̣б̣ад̇т̇а уд̇д̇аанаа зваад̇и.

Dhammokkanti dhammadīpakaṃ. Dhūmaketūti aggi vuccati, idha pana padīpo daṭṭhabbo tasmā padīpo viya jalitvā nibbutoti attho. Mahāyasoti mahāparivāro . Keci ‘‘nibbuto so sasāvako’’ti paṭhanti. Saṅkhārānanti saṅkhātadhammānaṃ sappaccayadhammānaṃ. Sabhāvattanti aniccādisāmaññalakkhaṇaṃ. Sūriyo atthaṅgato yathāti yathā sahassakiraṇo divasakaro sabbaṃ tamagaṇaṃ vidhamitvā sabbañca lokaṃ obhāsetvā atthamupagacchati, evaṃ maṅgaladivasakaropi veneyyakamalavanavikasanakaro sabbaṃ ajjhattikabāhiralokatamaṃ vidhamitvā attano sarīrappabhāya jalitvā atthaṅgatoti attho. Sesagāthā sabbattha uttānā evāti.

ман̇г̇алаб̣уд̣̇д̇хавам̣саван̣н̣анаа нидтид̇аа.

Maṅgalabuddhavaṃsavaṇṇanā niṭṭhitā.

нидтид̇о д̇ад̇ияо б̣уд̣̇д̇хавам̣со.

Niṭṭhito tatiyo buddhavaṃso.

Next: 6. суманаб̣уд̣̇д̇хавам̣саван̣н̣анаа • 6. Sumanabuddhavaṃsavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 5. ман̇г̇алаб̣уд̣̇д̇хавам̣со • 5. Maṅgalabuddhavaṃso

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact