| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[87] 7. ман̇г̇алаж̇аад̇агаван̣н̣анаа
[87] 7. Maṅgalajātakavaṇṇanā
яасса ман̇г̇алаа самуухад̇аад̇и ид̣̇ам̣ сад̇т̇аа взл̣уванз вихаранд̇о згам̣ саадагалагкан̣аб̣раахман̣ам̣ аараб̣бха гат̇зси. рааж̇аг̇ахаваасиго гирзго б̣раахман̣о год̇ухаламан̇г̇алиго д̇ийсу рад̇анзсу аббасанно мижчаад̣̇идтиго ад̣дхо махад̣̇д̇хано махаабхог̇о, д̇асса самуг̇г̇з табид̇ам̣ саадагаяуг̇ам̣ муусигаа каад̣̇им̣су. ат̇асса сийсам̣ нхааяид̇ваа ‘‘саадагз аахарат̇аа’’д̇и вуд̇д̇агаалз муусигааяа каад̣̇ид̇абхаавам̣ аарожаяим̣су. со жинд̇зси ‘‘сажз ид̣̇ам̣ муусигаад̣̇адтам̣ саадагаяуг̇ам̣ имасмим̣ г̇зхз бхависсад̇и, махаавинаасо бхависсад̇и. ид̣̇ан̃хи аваман̇г̇алам̣ гаал̣аган̣н̣исад̣̇исам̣ буд̇д̇ад̇хийд̇аад̣̇ийнам̣ ваа д̣̇аасагаммагараад̣̇ийнам̣ ваа на саггаа д̣̇аад̇ум̣. яо хи ид̣̇ам̣ г̇ан̣хиссад̇и, саб̣б̣асса махаавинаасо бхависсад̇и, аамагасусаанз д̇ам̣ чад̣д̣аабзссаами, на ко бана саггаа д̣̇аасагаммагараад̣̇ийнам̣ хад̇т̇з д̣̇аад̇ум̣. д̇з хи зд̇т̇а лобхам̣ уббаад̣̇зд̇ваа имам̣ г̇ахзд̇ваа винаасам̣ баабун̣зяяум̣, буд̇д̇асса д̇ам̣ хад̇т̇з д̣̇ассаамий’’д̇и. со буд̇д̇ам̣ баггосаабзд̇ваа д̇амад̇т̇ам̣ аарожзд̇ваа ‘‘д̇вамби нам̣, д̇аад̇а, хад̇т̇зна апусид̇ваа д̣̇ан̣д̣агзна г̇ахзд̇ваа аамагасусаанз чад̣д̣зд̇ваа сийсам̣ нхааяид̇ваа зхий’’д̇и бзсзси.
Yassa maṅgalā samūhatāti idaṃ satthā veḷuvane viharanto ekaṃ sāṭakalakkhaṇabrāhmaṇaṃ ārabbha kathesi. Rājagahavāsiko kireko brāhmaṇo kotuhalamaṅgaliko tīsu ratanesu appasanno micchādiṭṭhiko aḍḍho mahaddhano mahābhogo, tassa samugge ṭhapitaṃ sāṭakayugaṃ mūsikā khādiṃsu. Athassa sīsaṃ nhāyitvā ‘‘sāṭake āharathā’’ti vuttakāle mūsikāya khāditabhāvaṃ ārocayiṃsu. So cintesi ‘‘sace idaṃ mūsikādaṭṭhaṃ sāṭakayugaṃ imasmiṃ gehe bhavissati, mahāvināso bhavissati. Idañhi avamaṅgalaṃ kāḷakaṇṇisadisaṃ puttadhītādīnaṃ vā dāsakammakarādīnaṃ vā na sakkā dātuṃ. Yo hi idaṃ gaṇhissati, sabbassa mahāvināso bhavissati, āmakasusāne taṃ chaḍḍāpessāmi, na kho pana sakkā dāsakammakarādīnaṃ hatthe dātuṃ. Te hi ettha lobhaṃ uppādetvā imaṃ gahetvā vināsaṃ pāpuṇeyyuṃ, puttassa taṃ hatthe dassāmī’’ti. So puttaṃ pakkosāpetvā tamatthaṃ ārocetvā ‘‘tvampi naṃ, tāta, hatthena aphusitvā daṇḍakena gahetvā āmakasusāne chaḍḍetvā sīsaṃ nhāyitvā ehī’’ti pesesi.
сад̇т̇ааби ко д̇ам̣ д̣̇ивасам̣ бажжуусасамаяз б̣од̇ханзяяаб̣анд̇хавз ологзнд̇о имзсам̣ бид̇аабуд̇д̇аанам̣ сод̇аабад̇д̇ипаласса убаниссаяам̣ д̣̇исваа миг̇авийт̇им̣ г̇ахзд̇ваа миг̇алуд̣̇д̣̇аго вияа г̇анд̇ваа аамагасусаанад̣̇ваарз нисийд̣̇и чаб̣б̣ан̣н̣аб̣уд̣̇д̇харасмияо виссаж̇ж̇знд̇о. маан̣авоби бид̇у важанам̣ самбадижчид̇ваа аж̇аг̇арасаббам̣ вияа д̇ам̣ яуг̇асаадагам̣ яадтигодияаа г̇ахзд̇ваа аамагасусаанад̣̇ваарам̣ баабун̣и. ат̇а нам̣ сад̇т̇аа ‘‘гим̣ гароси маан̣аваа’’д̇и ааха. ‘‘бхо г̇од̇ама, ид̣̇ам̣ саадагаяуг̇ам̣ муусигаад̣̇адтам̣ гаал̣аган̣н̣исад̣̇исам̣ халаахалависуубамам̣, мама бид̇аа ‘ан̃н̃о зд̇ам̣ чад̣д̣знд̇о лобхам̣ уббаад̣̇зд̇ваа г̇ан̣хзяяаа’д̇и бхаязна мам̣ бахин̣и, ахамзд̇ам̣ чад̣д̣зд̇ваа сийсам̣ нхааяиссаамийд̇и ааг̇ад̇омхи, бхо г̇од̇амаа’’д̇и. ‘‘д̇зна хи чад̣д̣зхий’’д̇и. маан̣аво чад̣д̣зси, сад̇т̇аа ‘‘амхаагам̣ д̣̇аани ваддад̇ий’’д̇и д̇асса саммукаава г̇ан̣хи. ‘‘аваман̇г̇алам̣, бхо г̇од̇ама, зд̇ам̣ гаал̣аган̣н̣исад̣̇исам̣, маа г̇ан̣хи маа г̇ан̣хий’’д̇и д̇асмим̣ ваараяамаанзязва д̇ам̣ г̇ахзд̇ваа взл̣уванаабхимуко бааяааси.
Satthāpi kho taṃ divasaṃ paccūsasamaye bodhaneyyabandhave olokento imesaṃ pitāputtānaṃ sotāpattiphalassa upanissayaṃ disvā migavīthiṃ gahetvā migaluddako viya gantvā āmakasusānadvāre nisīdi chabbaṇṇabuddharasmiyo vissajjento. Māṇavopi pitu vacanaṃ sampaṭicchitvā ajagarasappaṃ viya taṃ yugasāṭakaṃ yaṭṭhikoṭiyā gahetvā āmakasusānadvāraṃ pāpuṇi. Atha naṃ satthā ‘‘kiṃ karosi māṇavā’’ti āha. ‘‘Bho gotama, idaṃ sāṭakayugaṃ mūsikādaṭṭhaṃ kāḷakaṇṇisadisaṃ halāhalavisūpamaṃ, mama pitā ‘añño etaṃ chaḍḍento lobhaṃ uppādetvā gaṇheyyā’ti bhayena maṃ pahiṇi, ahametaṃ chaḍḍetvā sīsaṃ nhāyissāmīti āgatomhi, bho gotamā’’ti. ‘‘Tena hi chaḍḍehī’’ti. Māṇavo chaḍḍesi, satthā ‘‘amhākaṃ dāni vaṭṭatī’’ti tassa sammukhāva gaṇhi. ‘‘Avamaṅgalaṃ, bho gotama, etaṃ kāḷakaṇṇisadisaṃ, mā gaṇhi mā gaṇhī’’ti tasmiṃ vārayamāneyeva taṃ gahetvā veḷuvanābhimukho pāyāsi.
маан̣аво взг̇зна г̇анд̇ваа бид̇у аарожзси ‘‘д̇аад̇а, маяаа аамагасусаанз чад̣д̣ид̇ам̣ саадагаяуг̇ам̣ саман̣о г̇од̇амо ‘амхаагам̣ ваддад̇ий’д̇и маяаа ваарияамааноби г̇ахзд̇ваа взл̣уванам̣ г̇ад̇о’’д̇и. б̣раахман̣о жинд̇зси ‘‘д̇ам̣ саадагаяуг̇ам̣ аваман̇г̇алам̣ гаал̣аган̣н̣исад̣̇исам̣, д̇ам̣ вал̣ан̃ж̇знд̇о саман̣оби г̇од̇амо нассиссад̇и, вихаароби нассиссад̇и, д̇ад̇о амхаагам̣ г̇арахаа бхависсад̇и, саман̣асса г̇од̇амасса ан̃н̃з б̣ахуу саадагз д̣̇ад̇ваа д̇ам̣ чад̣д̣аабзссаамий’’д̇и. со б̣ахуу саадагз г̇аахаабзд̇ваа буд̇д̇зна сад̣̇д̇хим̣ взл̣уванам̣ г̇анд̇ваа сад̇т̇аарам̣ д̣̇исваа згаманд̇ам̣ тид̇о звамааха ‘‘сажжам̣ гира во, бхо г̇од̇ама, аамагасусаанз саадагаяуг̇ам̣ г̇ахид̇а’’нд̇и? ‘‘сажжам̣, б̣раахман̣аа’’д̇и. ‘‘бхо г̇од̇ама, д̇ам̣ саадагаяуг̇ам̣ аваман̇г̇алам̣, д̇умхз д̇ам̣ барибхун̃ж̇амаанаа нассиссат̇а, сагалавихаароби нассиссад̇и. сажз во ниваасанам̣ ваа баарубанам̣ ваа наббаход̇и, имз саадагз г̇ахзд̇ваа д̇ам̣ чад̣д̣аабзт̇аа’’д̇и. ат̇а нам̣ сад̇т̇аа ‘‘маяам̣ б̣раахман̣а баб̣б̣аж̇ид̇аа наама, амхаагам̣ аамагасусаанз анд̇аравийт̇ияам̣ сан̇гаарадтаанз нхаанад̇ид̇т̇з махаамаг̇г̇зд̇и зваруубзсу таанзсу чад̣д̣ид̇аа ваа бад̇ид̇аа ваа билод̇игаа ваддад̇и, д̇вам̣ бана на ид̣̇аанзва звам̣лад̣̇д̇хиго, буб̣б̣зби звам̣лад̣̇д̇хигоязваа’’д̇и вад̇ваа д̇зна яаажид̇о ад̇ийд̇ам̣ аахари.
Māṇavo vegena gantvā pitu ārocesi ‘‘tāta, mayā āmakasusāne chaḍḍitaṃ sāṭakayugaṃ samaṇo gotamo ‘amhākaṃ vaṭṭatī’ti mayā vāriyamānopi gahetvā veḷuvanaṃ gato’’ti. Brāhmaṇo cintesi ‘‘taṃ sāṭakayugaṃ avamaṅgalaṃ kāḷakaṇṇisadisaṃ, taṃ vaḷañjento samaṇopi gotamo nassissati, vihāropi nassissati, tato amhākaṃ garahā bhavissati, samaṇassa gotamassa aññe bahū sāṭake datvā taṃ chaḍḍāpessāmī’’ti. So bahū sāṭake gāhāpetvā puttena saddhiṃ veḷuvanaṃ gantvā satthāraṃ disvā ekamantaṃ ṭhito evamāha ‘‘saccaṃ kira vo, bho gotama, āmakasusāne sāṭakayugaṃ gahita’’nti? ‘‘Saccaṃ, brāhmaṇā’’ti. ‘‘Bho gotama, taṃ sāṭakayugaṃ avamaṅgalaṃ, tumhe taṃ paribhuñjamānā nassissatha, sakalavihāropi nassissati. Sace vo nivāsanaṃ vā pārupanaṃ vā nappahoti, ime sāṭake gahetvā taṃ chaḍḍāpethā’’ti. Atha naṃ satthā ‘‘mayaṃ brāhmaṇa pabbajitā nāma, amhākaṃ āmakasusāne antaravīthiyaṃ saṅkāraṭṭhāne nhānatitthe mahāmaggeti evarūpesu ṭhānesu chaḍḍitā vā patitā vā pilotikā vaṭṭati, tvaṃ pana na idāneva evaṃladdhiko, pubbepi evaṃladdhikoyevā’’ti vatvā tena yācito atītaṃ āhari.
ад̇ийд̇з маг̇ад̇харадтз рааж̇аг̇аханаг̇арз д̇хаммиго маг̇ад̇харааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о згасмим̣ уд̣̇ижжаб̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа химаванд̇з васамаано згасмим̣ гаалз химаванд̇ад̇о нигкамид̇ваа рааж̇аг̇аханаг̇арз рааж̇уяяаанам̣ бад̇ваа д̇ад̇т̇а васид̇ваа д̣̇уд̇ияад̣̇ивасз бхигкаажаарад̇т̇ааяа наг̇арам̣ баависи. рааж̇аа д̇ам̣ д̣̇исваа баггосаабзд̇ваа баасаад̣̇з нисийд̣̇аабзд̇ваа бхож̇зд̇ваа уяяаанзязва васанад̇т̇ааяа бадин̃н̃ам̣ г̇ан̣хи. б̣од̇хисад̇д̇о ран̃н̃о нивзсанз бхун̃ж̇ид̇ваа уяяаанз васад̇и. д̇асмим̣ гаалз рааж̇аг̇аханаг̇арз д̣̇уссалагкан̣аб̣раахман̣о наама ахоси. д̇асса самуг̇г̇з табид̇ам̣ саадагаяуг̇анд̇и саб̣б̣ам̣ буримасад̣̇исамзва.
Atīte magadharaṭṭhe rājagahanagare dhammiko magadharājā rajjaṃ kāresi. Tadā bodhisatto ekasmiṃ udiccabrāhmaṇakule nibbattitvā viññutaṃ patto isipabbajjaṃ pabbajitvā abhiññā ca samāpattiyo ca nibbattetvā himavante vasamāno ekasmiṃ kāle himavantato nikkhamitvā rājagahanagare rājuyyānaṃ patvā tattha vasitvā dutiyadivase bhikkhācāratthāya nagaraṃ pāvisi. Rājā taṃ disvā pakkosāpetvā pāsāde nisīdāpetvā bhojetvā uyyāneyeva vasanatthāya paṭiññaṃ gaṇhi. Bodhisatto rañño nivesane bhuñjitvā uyyāne vasati. Tasmiṃ kāle rājagahanagare dussalakkhaṇabrāhmaṇo nāma ahosi. Tassa samugge ṭhapitaṃ sāṭakayuganti sabbaṃ purimasadisameva.
маан̣авз бана сусаанам̣ г̇ажчанд̇з б̣од̇хисад̇д̇о батамад̇арам̣ г̇анд̇ваа сусаанад̣̇ваарз нисийд̣̇ид̇ваа д̇зна чад̣д̣ид̇ам̣ саадагаяуг̇ам̣ г̇ахзд̇ваа уяяаанам̣ аг̇амааси. маан̣аво г̇анд̇ваа бид̇у аарожзси. бид̇аа ‘‘рааж̇агулуубаго д̇аабасо нассзяяаа’’д̇и б̣од̇хисад̇д̇асса санд̇игам̣ г̇анд̇ваа ‘‘д̇аабаса, д̇аяаа г̇ахид̇асаадагз чад̣д̣зхи, маа нассий’’д̇и ааха. д̇аабасо ‘‘амхаагам̣ сусаанз чад̣д̣ид̇абилод̇игаа ваддад̇и, на маяам̣ год̇ухаламан̇г̇алигаа, год̇ухаламан̇г̇алам̣ наамзд̇ам̣ на б̣уд̣̇д̇хабажжзгаб̣уд̣̇д̇хаб̣од̇хисад̇д̇зхи ван̣н̣ид̇ам̣, д̇асмаа бан̣д̣ид̇зна наама год̇ухаламан̇г̇алигзна на бхавид̇аб̣б̣а’’нд̇и б̣раахман̣асса д̇хаммам̣ д̣̇зсзси. б̣раахман̣о д̇хаммам̣ суд̇ваа д̣̇идтим̣ бхинд̣̇ид̇ваа б̣од̇хисад̇д̇ам̣ саран̣ам̣ г̇ад̇о. б̣од̇хисад̇д̇оби абарихийнаж̇жхаано б̣рахмалогабарааяан̣о ахоси.
Māṇave pana susānaṃ gacchante bodhisatto paṭhamataraṃ gantvā susānadvāre nisīditvā tena chaḍḍitaṃ sāṭakayugaṃ gahetvā uyyānaṃ agamāsi. Māṇavo gantvā pitu ārocesi. Pitā ‘‘rājakulūpako tāpaso nasseyyā’’ti bodhisattassa santikaṃ gantvā ‘‘tāpasa, tayā gahitasāṭake chaḍḍehi, mā nassī’’ti āha. Tāpaso ‘‘amhākaṃ susāne chaḍḍitapilotikā vaṭṭati, na mayaṃ kotuhalamaṅgalikā, kotuhalamaṅgalaṃ nāmetaṃ na buddhapaccekabuddhabodhisattehi vaṇṇitaṃ, tasmā paṇḍitena nāma kotuhalamaṅgalikena na bhavitabba’’nti brāhmaṇassa dhammaṃ desesi. Brāhmaṇo dhammaṃ sutvā diṭṭhiṃ bhinditvā bodhisattaṃ saraṇaṃ gato. Bodhisattopi aparihīnajjhāno brahmalokaparāyaṇo ahosi.
сад̇т̇ааби имам̣ ад̇ийд̇ам̣ аахарид̇ваа абхисамб̣уд̣̇д̇хо худ̇ваа б̣раахман̣асса д̇хаммам̣ д̣̇зсзнд̇о имам̣ г̇аат̇амааха –
Satthāpi imaṃ atītaṃ āharitvā abhisambuddho hutvā brāhmaṇassa dhammaṃ desento imaṃ gāthamāha –
87.
87.
‘‘яасса ман̇г̇алаа самуухад̇аа, уббаад̇аа субинаа жа лагкан̣аа жа;
‘‘Yassa maṅgalā samūhatā, uppātā supinā ca lakkhaṇā ca;
со ман̇г̇алад̣̇осавийд̇ивад̇д̇о, яуг̇аяог̇аад̇хиг̇ад̇о на ж̇аад̇умзд̇ий’’д̇и.
So maṅgaladosavītivatto, yugayogādhigato na jātumetī’’ti.
д̇ад̇т̇а яасса ман̇г̇алаа самуухад̇аад̇и яасса арахад̇о кийн̣аасавасса д̣̇идтаман̇г̇алам̣, суд̇аман̇г̇алам̣, муд̇аман̇г̇аланд̇и зд̇з ман̇г̇алаа самужчиннаа. уббаад̇аа субинаа жа лагкан̣аа жаад̇и ‘‘зваруубо жанд̣̇аг̇г̇аахо бхависсад̇и, зваруубо суурияаг̇г̇аахо бхависсад̇и, зваруубо нагкад̇д̇аг̇г̇аахо бхависсад̇и, зваруубо уггаабаад̇о бхависсад̇и, зваруубо д̣̇исаад̣аахо бхависсад̇ий’’д̇и имз бан̃жа махаауббаад̇аа, наанаббагаараа субинаа, субхаг̇алагкан̣ам̣, д̣̇уб̣бхаг̇алагкан̣ам̣, ид̇т̇илагкан̣ам̣, бурисалагкан̣ам̣, д̣̇аасилагкан̣ам̣, д̣̇аасалагкан̣ам̣, асилагкан̣ам̣, хад̇т̇илагкан̣ам̣, ассалагкан̣ам̣, усабхалагкан̣ам̣, аавуд̇халагкан̣ам̣, вад̇т̇алагкан̣анд̇и звамаад̣̇игаани лагкан̣аани имз жа д̣̇идтидтаанаа яасса самуухад̇аа, на зд̇зхи уббаад̇аад̣̇ийхи ад̇д̇ано ман̇г̇алам̣ ваа аваман̇г̇алам̣ ваа бажжзд̇и. со ман̇г̇алад̣̇осавийд̇ивад̇д̇од̇и со кийн̣аасаво саб̣б̣аман̇г̇алад̣̇осз вийд̇ивад̇д̇о ад̇игганд̇о баж̇ахид̇ваа тид̇о. яуг̇аяог̇аад̇хиг̇ад̇од̇и ‘‘год̇хо жа убанаахо жа, магко жа бал̣аасо жаа’’д̇иаад̣̇инаа (вибха. 833) наязна д̣̇вз д̣̇вз згад̇о ааг̇ад̇агилзсаа яуг̇аа наама. гаамаяог̇о, бхаваяог̇о, д̣̇идтияог̇о, авиж̇ж̇ааяог̇од̇и имз сам̣саарз яож̇анабхаавад̇о жад̇д̇ааро яог̇аа наама. д̇з яуг̇з жа яог̇з жаад̇и яуг̇аяог̇з ад̇хиг̇ад̇о абхибхавид̇ваа г̇ад̇о вийд̇ивад̇д̇о самад̇игганд̇о кийн̣аасаво бхигку. на ж̇аад̇умзд̇ийд̇и буна бадисанд̇хивасзна згам̣сзнзва имам̣ логам̣ на зд̇и нааг̇ажчад̇ийд̇и.
Tattha yassa maṅgalā samūhatāti yassa arahato khīṇāsavassa diṭṭhamaṅgalaṃ, sutamaṅgalaṃ, mutamaṅgalanti ete maṅgalā samucchinnā. Uppātā supinā ca lakkhaṇā cāti ‘‘evarūpo candaggāho bhavissati, evarūpo sūriyaggāho bhavissati, evarūpo nakkhattaggāho bhavissati, evarūpo ukkāpāto bhavissati, evarūpo disāḍāho bhavissatī’’ti ime pañca mahāuppātā, nānappakārā supinā, subhagalakkhaṇaṃ, dubbhagalakkhaṇaṃ, itthilakkhaṇaṃ, purisalakkhaṇaṃ, dāsilakkhaṇaṃ, dāsalakkhaṇaṃ, asilakkhaṇaṃ, hatthilakkhaṇaṃ, assalakkhaṇaṃ, usabhalakkhaṇaṃ, āvudhalakkhaṇaṃ, vatthalakkhaṇanti evamādikāni lakkhaṇāni ime ca diṭṭhiṭṭhānā yassa samūhatā, na etehi uppātādīhi attano maṅgalaṃ vā avamaṅgalaṃ vā pacceti. So maṅgaladosavītivattoti so khīṇāsavo sabbamaṅgaladose vītivatto atikkanto pajahitvā ṭhito. Yugayogādhigatoti ‘‘kodho ca upanāho ca, makkho ca paḷāso cā’’tiādinā (vibha. 833) nayena dve dve ekato āgatakilesā yugā nāma. Kāmayogo, bhavayogo, diṭṭhiyogo, avijjāyogoti ime saṃsāre yojanabhāvato cattāro yogā nāma. Te yuge ca yoge cāti yugayoge adhigato abhibhavitvā gato vītivatto samatikkanto khīṇāsavo bhikkhu. Na jātumetīti puna paṭisandhivasena ekaṃseneva imaṃ lokaṃ na eti nāgacchatīti.
звам̣ сад̇т̇аа имааяа г̇аат̇ааяа б̣раахман̣асса д̇хаммам̣ д̣̇зсзд̇ваа сажжаани багаасзси, сажжабарияосаанз б̣раахман̣о сад̣̇д̇хим̣ буд̇д̇зна сод̇аабад̇д̇ипалз бад̇идтахи. сад̇т̇аа ж̇аад̇агам̣ самод̇хаанзси – ‘‘д̇ад̣̇аа зд̇зва бид̇аабуд̇д̇аа ид̣̇аани бид̇аабуд̇д̇аа ахзсум̣, д̇аабасо бана ахамзва ахоси’’нд̇и.
Evaṃ satthā imāya gāthāya brāhmaṇassa dhammaṃ desetvā saccāni pakāsesi, saccapariyosāne brāhmaṇo saddhiṃ puttena sotāpattiphale patiṭṭhahi. Satthā jātakaṃ samodhānesi – ‘‘tadā eteva pitāputtā idāni pitāputtā ahesuṃ, tāpaso pana ahameva ahosi’’nti.
ман̇г̇алаж̇аад̇агаван̣н̣анаа сад̇д̇амаа.
Maṅgalajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 87. ман̇г̇алаж̇аад̇агам̣ • 87. Maṅgalajātakaṃ
