Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā

    5. ман̇г̇аласуд̇д̇аван̣н̣анаа

    5. Maṅgalasuttavaṇṇanā

    нигкзбаббаяож̇анам̣

    Nikkhepappayojanaṃ

    ид̣̇аани гумаарабан̃хаананд̇арам̣ нигкид̇д̇асса ман̇г̇аласуд̇д̇асса ад̇т̇аван̣н̣анааггамо ануббад̇д̇о, д̇асса ид̇ха нигкзбаббаяож̇анам̣ вад̇ваа ад̇т̇аван̣н̣анам̣ гариссаама. сзяяат̇ид̣̇ам̣ – ид̣̇ан̃хи суд̇д̇ам̣ иминаа ануггамзна бхаг̇авад̇аа авуд̇д̇амби явааяам̣ саран̣аг̇аманзхи саасанод̇ааро, сигкаабад̣̇ад̣̇вад̇д̇им̣саагаарагумаарабан̃хзхи жа сийласамаад̇хибан̃н̃ааббабхзд̣̇анаяо д̣̇ассид̇о, саб̣б̣обзса барамаман̇г̇алабхууд̇о, яад̇о ман̇г̇алад̇т̇игзна зд̇т̇зва абхияог̇о гаад̇аб̣б̣о, со жасса ман̇г̇алабхааво иминаа суд̇д̇аанусаарзна взд̣̇ид̇аб̣б̣од̇и д̣̇ассанад̇т̇ам̣ вуд̇д̇ам̣.

    Idāni kumārapañhānantaraṃ nikkhittassa maṅgalasuttassa atthavaṇṇanākkamo anuppatto, tassa idha nikkhepappayojanaṃ vatvā atthavaṇṇanaṃ karissāma. Seyyathidaṃ – idañhi suttaṃ iminā anukkamena bhagavatā avuttampi yvāyaṃ saraṇagamanehi sāsanotāro, sikkhāpadadvattiṃsākārakumārapañhehi ca sīlasamādhipaññāppabhedanayo dassito, sabbopesa paramamaṅgalabhūto, yato maṅgalatthikena ettheva abhiyogo kātabbo, so cassa maṅgalabhāvo iminā suttānusārena veditabboti dassanatthaṃ vuttaṃ.

    ид̣̇амасса ид̇ха нигкзбаббаяож̇анам̣.

    Idamassa idha nikkhepappayojanaṃ.

    батамамахаасан̇г̇ийд̇игат̇аа

    Paṭhamamahāsaṅgītikathā

    звам̣ нигкид̇д̇асса банасса ад̇т̇аван̣н̣анад̇т̇ам̣ аяам̣ маад̇игаа –

    Evaṃ nikkhittassa panassa atthavaṇṇanatthaṃ ayaṃ mātikā –

    ‘‘вуд̇д̇ам̣ язна яад̣̇аа яасмаа, жзд̇ам̣ вад̇ваа имам̣ вид̇хим̣;

    ‘‘Vuttaṃ yena yadā yasmā, cetaṃ vatvā imaṃ vidhiṃ;

    звамижжаад̣̇ибаатасса, ад̇т̇ам̣ наанаббагаарад̇о.

    Evamiccādipāṭhassa, atthaṃ nānappakārato.

    ‘‘ван̣н̣аяанд̇о самудтаанам̣, вад̇ваа яам̣ яад̇т̇а ман̇г̇алам̣;

    ‘‘Vaṇṇayanto samuṭṭhānaṃ, vatvā yaṃ yattha maṅgalaṃ;

    вавад̇т̇абзд̇ваа д̇ам̣ д̇асса, ман̇г̇алад̇д̇ам̣ вибхааваяз’’д̇и.

    Vavatthapetvā taṃ tassa, maṅgalattaṃ vibhāvaye’’ti.

    д̇ад̇т̇а ‘‘вуд̇д̇ам̣ язна яад̣̇аа яасмаа, жзд̇ам̣ вад̇ваа имам̣ вид̇хи’’нд̇и аяам̣ д̇аава ад̣̇д̇хаг̇аат̇аа яад̣̇ид̣̇ам̣ ‘‘звам̣ мз суд̇ам̣ згам̣ самаяам̣ бхаг̇аваа…бз… бхаг̇аванд̇ам̣ г̇аат̇ааяа аж̇жхабхаасий’’д̇и, ид̣̇ам̣ важанам̣ санд̇хааяа вуд̇д̇аа. ид̣̇ан̃хи ануссававасзна вуд̇д̇ам̣, со жа бхаг̇аваа саяамбхуу анаажарияаго, д̇асмаа нзд̣̇ам̣ д̇асса бхаг̇авад̇о важанам̣ арахад̇о саммаасамб̣уд̣̇д̇хасса. яад̇о вад̇д̇аб̣б̣амзд̇ам̣ ‘‘ид̣̇ам̣ важанам̣ гзна вуд̇д̇ам̣ , гад̣̇аа, гасмаа жа вуд̇д̇а’’нд̇и. вужжад̇з – ааяасмад̇аа аананд̣̇зна вуд̇д̇ам̣, д̇ан̃жа батамамахаасан̇г̇ийд̇игаалз.

    Tattha ‘‘vuttaṃ yena yadā yasmā, cetaṃ vatvā imaṃ vidhi’’nti ayaṃ tāva addhagāthā yadidaṃ ‘‘evaṃ me sutaṃ ekaṃ samayaṃ bhagavā…pe… bhagavantaṃ gāthāya ajjhabhāsī’’ti, idaṃ vacanaṃ sandhāya vuttā. Idañhi anussavavasena vuttaṃ, so ca bhagavā sayambhū anācariyako, tasmā nedaṃ tassa bhagavato vacanaṃ arahato sammāsambuddhassa. Yato vattabbametaṃ ‘‘idaṃ vacanaṃ kena vuttaṃ , kadā, kasmā ca vutta’’nti. Vuccate – āyasmatā ānandena vuttaṃ, tañca paṭhamamahāsaṅgītikāle.

    батамамахаасан̇г̇ийд̇и жзсаа саб̣б̣асуд̇д̇анид̣̇аанагосаллад̇т̇амаад̣̇ид̇о бабхуд̇и звам̣ взд̣̇ид̇аб̣б̣аа. д̇хаммажаггаббавад̇д̇анан̃хи аад̣̇им̣ гад̇ваа яаава субхад̣̇д̣̇абариб̣б̣ааж̇агавинаяанаа, гад̇аб̣уд̣̇д̇хагижжз гусинаарааяам̣ убавад̇д̇анз маллаанам̣ саалаванз яамагасаалаанаманд̇арз висаакабун̣н̣амад̣̇ивасз бажжуусасамаяз анубаад̣̇исзсааяа ниб̣б̣аанад̇хаад̇уяаа бариниб̣б̣уд̇з, бхаг̇авад̇и логанаат̇з бхаг̇авад̇о бариниб̣б̣аанз саннибад̇ид̇аанам̣ сад̇д̇аннам̣ бхигкусад̇асахассаанам̣ сан̇гхад̇т̇зро ааяасмаа махаагассабо сад̇д̇аахабариниб̣б̣уд̇з бхаг̇авад̇и субхад̣̇д̣̇зна вуд̣дхабаб̣б̣аж̇ид̇зна ‘‘алам̣, аавусо, маа сожид̇т̇а, маа барид̣̇звид̇т̇а, сумуд̇д̇аа маяам̣ д̇зна махаасаман̣зна, убад̣̇д̣̇уд̇аа жа хома ‘ид̣̇ам̣ во габбад̇и ид̣̇ам̣ во на габбад̇ий’д̇и, ид̣̇аани бана маяам̣ яам̣ ижчиссаама д̇ам̣ гариссаама, яам̣ на ижчиссаама на д̇ам̣ гариссаамаа’’д̇и (жуул̣ава. 437; д̣̇ий. ни. 2.232) вуд̇д̇аважанамануссаранд̇о ‘‘таанам̣ ко банзд̇ам̣ виж̇ж̇ад̇и яам̣ баабабхигкуу ‘ад̇ийд̇асад̇т̇угам̣ бааважана’нд̇и ман̃н̃амаанаа багкам̣ лабхид̇ваа на жирассзва сад̣̇д̇хаммам̣ анд̇арад̇хаабзяяум̣. яаава жа д̇хаммавинаяо д̇идтад̇и, д̇аава анад̇ийд̇асад̇т̇угамзва бааважанам̣ ход̇и. яат̇ааха бхаг̇аваа –

    Paṭhamamahāsaṅgīti cesā sabbasuttanidānakosallatthamādito pabhuti evaṃ veditabbā. Dhammacakkappavattanañhi ādiṃ katvā yāva subhaddaparibbājakavinayanā, katabuddhakicce kusinārāyaṃ upavattane mallānaṃ sālavane yamakasālānamantare visākhapuṇṇamadivase paccūsasamaye anupādisesāya nibbānadhātuyā parinibbute, bhagavati lokanāthe bhagavato parinibbāne sannipatitānaṃ sattannaṃ bhikkhusatasahassānaṃ saṅghatthero āyasmā mahākassapo sattāhaparinibbute bhagavati subhaddena vuḍḍhapabbajitena ‘‘alaṃ, āvuso, mā socittha, mā paridevittha, sumuttā mayaṃ tena mahāsamaṇena, upaddutā ca homa ‘idaṃ vo kappati idaṃ vo na kappatī’ti, idāni pana mayaṃ yaṃ icchissāma taṃ karissāma, yaṃ na icchissāma na taṃ karissāmā’’ti (cūḷava. 437; dī. ni. 2.232) vuttavacanamanussaranto ‘‘ṭhānaṃ kho panetaṃ vijjati yaṃ pāpabhikkhū ‘atītasatthukaṃ pāvacana’nti maññamānā pakkhaṃ labhitvā na cirasseva saddhammaṃ antaradhāpeyyuṃ. Yāva ca dhammavinayo tiṭṭhati, tāva anatītasatthukameva pāvacanaṃ hoti. Yathāha bhagavā –

    ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и (д̣̇ий. ни. 2.216).

    ‘‘Yo vo, ānanda, mayā dhammo ca vinayo ca desito paññatto, so vo mamaccayena satthā’’ti (dī. ni. 2.216).

    ‘‘яам̣нуунаахам̣ д̇хамман̃жа винаяан̃жа сан̇г̇ааязяяам̣, яат̇аяид̣̇ам̣ саасанам̣ ад̣̇д̇ханияам̣ асса жирадтид̇игам̣’’.

    ‘‘Yaṃnūnāhaṃ dhammañca vinayañca saṅgāyeyyaṃ, yathayidaṃ sāsanaṃ addhaniyaṃ assa ciraṭṭhitikaṃ’’.

    яан̃жаахам̣ бхаг̇авад̇аа –

    Yañcāhaṃ bhagavatā –

    ‘‘д̇хаарзссаси бана мз д̇вам̣, гассаба, саан̣аани бам̣сугуулаани ниб̣б̣асанааний’’д̇и вад̇ваа жийварз саад̇хааран̣абарибхог̇зна жзва –

    ‘‘Dhāressasi pana me tvaṃ, kassapa, sāṇāni paṃsukūlāni nibbasanānī’’ti vatvā cīvare sādhāraṇaparibhogena ceva –

    ‘‘ахам̣, бхигкавз, яаавад̣̇з ааган̇каами вивижжзва гаамзхи…бз… батамам̣ жхаанам̣ убасамбаж̇ж̇а вихараами, гассабоби, бхигкавз, яаавад̣̇зва ааган̇кад̇и вивижжзва гаамзхи…бз… батамам̣ жхаанам̣ убасамбаж̇ж̇а вихарад̇ий’’д̇и –

    ‘‘Ahaṃ, bhikkhave, yāvade ākaṅkhāmi vivicceva kāmehi…pe… paṭhamaṃ jhānaṃ upasampajja viharāmi, kassapopi, bhikkhave, yāvadeva ākaṅkhati vivicceva kāmehi…pe… paṭhamaṃ jhānaṃ upasampajja viharatī’’ti –

    звамаад̣̇инаа наязна наваанубуб̣б̣авихаарачал̣абхин̃н̃ааббабхзд̣̇з уд̇д̇аримануссад̇хаммз ад̇д̇анаа самасамадтабанзна жа ануг̇г̇ахид̇о, д̇асса мз гиман̃н̃ам̣ аан̣ан̣яам̣ бхависсад̇и? ‘‘нану мам̣ бхаг̇аваа рааж̇аа вияа сагагаважаиссарияаануббад̣̇аанзна ад̇д̇ано гулавам̣саббад̇идтаабагам̣ буд̇д̇ам̣ ‘сад̣̇д̇хаммавам̣саббад̇идтаабаго мз аяам̣ бхависсад̇ий’д̇и манд̇ваа иминаа асаад̇хааран̣зна ануг̇г̇ахзна ануг̇г̇ахзсий’’д̇и жинд̇аяанд̇о д̇хаммавинаяасан̇г̇ааяанад̇т̇ам̣ бхигкуунам̣ уссаахам̣ ж̇анзси? яат̇ааха –

    Evamādinā nayena navānupubbavihārachaḷabhiññāppabhede uttarimanussadhamme attanā samasamaṭṭhapanena ca anuggahito, tassa me kimaññaṃ āṇaṇyaṃ bhavissati? ‘‘Nanu maṃ bhagavā rājā viya sakakavacaissariyānuppadānena attano kulavaṃsappatiṭṭhāpakaṃ puttaṃ ‘saddhammavaṃsappatiṭṭhāpako me ayaṃ bhavissatī’ti mantvā iminā asādhāraṇena anuggahena anuggahesī’’ti cintayanto dhammavinayasaṅgāyanatthaṃ bhikkhūnaṃ ussāhaṃ janesi? Yathāha –

    ‘‘ат̇а ко ааяасмаа махаагассабо бхигкуу ааманд̇зси – згамид̣̇аахам̣, аавусо, самаяам̣ баавааяа гусинаарам̣ ад̣̇д̇хаанамаг̇г̇аббадибанно махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхий’’д̇и (д̣̇ий. ни. 2.231; жуул̣ава. 437) саб̣б̣ам̣ субхад̣̇д̣̇аган̣д̣ам̣ вид̇т̇аарзд̇аб̣б̣ам̣.

    ‘‘Atha kho āyasmā mahākassapo bhikkhū āmantesi – ekamidāhaṃ, āvuso, samayaṃ pāvāya kusināraṃ addhānamaggappaṭipanno mahatā bhikkhusaṅghena saddhiṃ pañcamattehi bhikkhusatehī’’ti (dī. ni. 2.231; cūḷava. 437) sabbaṃ subhaddakaṇḍaṃ vitthāretabbaṃ.

    д̇ад̇о барам̣ ааха –

    Tato paraṃ āha –

    ‘‘ханд̣̇а маяам̣, аавусо, д̇хамман̃жа винаяан̃жа сан̇г̇ааязяяаама, бурз ад̇хаммо д̣̇иббад̇и, д̇хаммо бадиб̣аахияяад̇и, авинаяо д̣̇иббад̇и, винаяо бадиб̣аахияяад̇и, бурз ад̇хаммаваад̣̇ино б̣алаванд̇о хонд̇и, д̇хаммаваад̣̇ино д̣̇уб̣б̣алаа хонд̇и, авинаяаваад̣̇ино б̣алаванд̇о хонд̇и, винаяаваад̣̇ино д̣̇уб̣б̣алаа хонд̇ий’’д̇и (жуул̣ава. 437).

    ‘‘Handa mayaṃ, āvuso, dhammañca vinayañca saṅgāyeyyāma, pure adhammo dippati, dhammo paṭibāhiyyati, avinayo dippati, vinayo paṭibāhiyyati, pure adhammavādino balavanto honti, dhammavādino dubbalā honti, avinayavādino balavanto honti, vinayavādino dubbalā hontī’’ti (cūḷava. 437).

    бхигкуу аахам̣су ‘‘д̇зна хи, бханд̇з, т̇зро бхигкуу ужжинад̇уу’’д̇и. т̇зро сагаланаван̇г̇асад̇т̇усаасанабарияад̇д̇ид̇харз бут̇уж̇ж̇анасод̇аабаннасагад̣̇ааг̇аамианааг̇аамисугкавибассагакийн̣аасавабхигкуу анзгасад̇з анзгасахассз жа важ̇ж̇зд̇ваа д̇ибидагасаб̣б̣абарияад̇д̇иббабхзд̣̇ад̇харз бадисамбхид̣̇ааббад̇д̇з махаанубхаавз язбхуяязна бхаг̇авад̇аа зд̇ад̣̇аг̇г̇ам̣ ааробид̇з д̇звиж̇ж̇аад̣̇ибхзд̣̇з кийн̣аасавабхигкууязва згуунабан̃жасад̇з бариг̇г̇ахзси. яз санд̇хааяа ид̣̇ам̣ вуд̇д̇ам̣ ‘‘ат̇а ко ааяасмаа махаагассабо згзнуунабан̃жаараханд̇асад̇аани ужжиний’’д̇и (жуул̣ава. 437).

    Bhikkhū āhaṃsu ‘‘tena hi, bhante, thero bhikkhū uccinatū’’ti. Thero sakalanavaṅgasatthusāsanapariyattidhare puthujjanasotāpannasakadāgāmianāgāmisukkhavipassakakhīṇāsavabhikkhū anekasate anekasahasse ca vajjetvā tipiṭakasabbapariyattippabhedadhare paṭisambhidāppatte mahānubhāve yebhuyyena bhagavatā etadaggaṃ āropite tevijjādibhede khīṇāsavabhikkhūyeva ekūnapañcasate pariggahesi. Ye sandhāya idaṃ vuttaṃ ‘‘atha kho āyasmā mahākassapo ekenūnapañcaarahantasatāni uccinī’’ti (cūḷava. 437).

    гисса бана т̇зро згзнуунамагаасийд̇и? ааяасмад̇о аананд̣̇ад̇т̇зрасса огаасагаран̣ад̇т̇ам̣. д̇зна хааяасмад̇аа сахааби винааби на саггаа д̇хаммасан̇г̇ийд̇и гаад̇ум̣. со хааяасмаа сзко сагаран̣ийяо, д̇асмаа саха на саггаа, яасмаа банасса гин̃жи д̣̇асаб̣алад̣̇зсид̇ам̣ суд̇д̇аг̇зяяаад̣̇игам̣ бхаг̇авад̇о асаммукаа бадиг̇г̇ахид̇ам̣ наама над̇т̇и, д̇асмаа винааби на саггаа. яад̣̇и звам̣ сзкоби самаано д̇хаммасан̇г̇ийд̇ияаа б̣ахуугаарад̇д̇аа т̇зрзна ужжинид̇аб̣б̣о асса, ат̇а гасмаа на ужжинид̇од̇и? баруубаваад̣̇авиваж̇ж̇анад̇о . т̇зро хи ааяасманд̇з аананд̣̇з ад̇ивияа виссад̇т̇о ахоси. д̇ат̇аа хи нам̣ сирасмим̣ балид̇зсу ж̇аад̇зсуби ‘‘на вааяам̣ гумаараго мад̇д̇аман̃н̃аасий’’д̇и (сам̣. ни. 2.154) гумаарагаваад̣̇зна овад̣̇ад̇и. сагяагулаббасуд̇о жааяам̣ ааяасмаа д̇ат̇ааг̇ад̇асса бхаад̇аа жуул̣абид̇у буд̇д̇о, д̇ад̇ра бхигкуу чанд̣̇ааг̇аманам̣ вияа ман̃н̃амаанаа ‘‘б̣ахуу асзкабадисамбхид̣̇ааббад̇д̇з бхигкуу табзд̇ваа аананд̣̇ам̣ сзкабадисамбхид̣̇ааббад̇д̇ам̣ т̇зро ужжиний’’д̇и убавад̣̇зяяум̣. д̇ам̣ баруубаваад̣̇ам̣ барививаж̇ж̇знд̇о ‘‘аананд̣̇ам̣ винаа сан̇г̇ийд̇и на саггаа гаад̇ум̣, бхигкуунам̣язва анумад̇ияаа г̇ахзссаамий’’д̇и на ужжини.

    Kissa pana thero ekenūnamakāsīti? Āyasmato ānandattherassa okāsakaraṇatthaṃ. Tena hāyasmatā sahāpi vināpi na sakkā dhammasaṅgīti kātuṃ. So hāyasmā sekho sakaraṇīyo, tasmā saha na sakkā, yasmā panassa kiñci dasabaladesitaṃ suttageyyādikaṃ bhagavato asammukhā paṭiggahitaṃ nāma natthi, tasmā vināpi na sakkā. Yadi evaṃ sekhopi samāno dhammasaṅgītiyā bahūkārattā therena uccinitabbo assa, atha kasmā na uccinitoti? Parūpavādavivajjanato . Thero hi āyasmante ānande ativiya vissattho ahosi. Tathā hi naṃ sirasmiṃ palitesu jātesupi ‘‘na vāyaṃ kumārako mattamaññāsī’’ti (saṃ. ni. 2.154) kumārakavādena ovadati. Sakyakulappasuto cāyaṃ āyasmā tathāgatassa bhātā cūḷapitu putto, tatra bhikkhū chandāgamanaṃ viya maññamānā ‘‘bahū asekhapaṭisambhidāppatte bhikkhū ṭhapetvā ānandaṃ sekhapaṭisambhidāppattaṃ thero uccinī’’ti upavadeyyuṃ. Taṃ parūpavādaṃ parivivajjento ‘‘ānandaṃ vinā saṅgīti na sakkā kātuṃ, bhikkhūnaṃyeva anumatiyā gahessāmī’’ti na uccini.

    ат̇а саяамзва бхигкуу аананд̣̇ассад̇т̇ааяа т̇зрам̣ яаажим̣су. яат̇ааха –

    Atha sayameva bhikkhū ānandassatthāya theraṃ yāciṃsu. Yathāha –

    ‘‘бхигкуу ааяасманд̇ам̣ махаагассабам̣ зд̇ад̣̇авожум̣ – ‘аяам̣, бханд̇з, ааяасмаа аананд̣̇о гин̃жааби сзко, абхаб̣б̣о чанд̣̇аа д̣̇осаа мохаа бхаяаа аг̇ад̇им̣ г̇анд̇ум̣, б̣аху жаанзна бхаг̇авад̇о санд̇игз д̇хаммо жа винаяо жа барияад̇д̇о, д̇зна хи, бханд̇з, т̇зро ааяасманд̇амби аананд̣̇ам̣ ужжинад̇уу’д̇и. ат̇а ко ааяасмаа махаагассабо ааяасманд̇амби аананд̣̇ам̣ ужжиний’’д̇и (жуул̣ава. 437).

    ‘‘Bhikkhū āyasmantaṃ mahākassapaṃ etadavocuṃ – ‘ayaṃ, bhante, āyasmā ānando kiñcāpi sekho, abhabbo chandā dosā mohā bhayā agatiṃ gantuṃ, bahu cānena bhagavato santike dhammo ca vinayo ca pariyatto, tena hi, bhante, thero āyasmantampi ānandaṃ uccinatū’ti. Atha kho āyasmā mahākassapo āyasmantampi ānandaṃ uccinī’’ti (cūḷava. 437).

    звам̣ бхигкуунам̣ анумад̇ияаа ужжинид̇зна д̇знааяасмад̇аа сад̣̇д̇хим̣ бан̃жат̇зрасад̇аани ахзсум̣.

    Evaṃ bhikkhūnaṃ anumatiyā uccinitena tenāyasmatā saddhiṃ pañcatherasatāni ahesuṃ.

    ат̇а ко т̇зраанам̣ бхигкуунам̣ зд̇ад̣̇ахоси – ‘‘гад̇т̇а ну ко маяам̣ д̇хамман̃жа винаяан̃жа сан̇г̇ааязяяаамаа’’д̇и. ат̇а ко т̇зраанам̣ бхигкуунам̣ зд̇ад̣̇ахоси ‘‘рааж̇аг̇ахам̣ ко махааг̇ожарам̣ бахууд̇асзнаасанам̣, яам̣нууна маяам̣ рааж̇аг̇ахз вассам̣ васанд̇аа д̇хамман̃жа винаяан̃жа сан̇г̇ааязяяаама, нан̃н̃з бхигкуу рааж̇аг̇ахз вассам̣ убаг̇ажчзяяу’’нд̇и. гасмаа бана нзсам̣ зд̇ад̣̇ахоси? ид̣̇ам̣ амхаагам̣ т̇ааварагаммам̣, гожи висабхааг̇абуг̇г̇ало сан̇гхамаж̇жхам̣ бависид̇ваа уггодзяяаад̇и. ат̇ааяасмаа махаагассабо н̃ад̇д̇ид̣̇уд̇иязна гаммзна саавзси. д̇ам̣ сан̇г̇ийд̇игканд̇хагз (жуул̣ава. 437) вуд̇д̇анаязнзва н̃аад̇аб̣б̣ам̣.

    Atha kho therānaṃ bhikkhūnaṃ etadahosi – ‘‘kattha nu kho mayaṃ dhammañca vinayañca saṅgāyeyyāmā’’ti. Atha kho therānaṃ bhikkhūnaṃ etadahosi ‘‘rājagahaṃ kho mahāgocaraṃ pahūtasenāsanaṃ, yaṃnūna mayaṃ rājagahe vassaṃ vasantā dhammañca vinayañca saṅgāyeyyāma, naññe bhikkhū rājagahe vassaṃ upagaccheyyu’’nti. Kasmā pana nesaṃ etadahosi? Idaṃ amhākaṃ thāvarakammaṃ, koci visabhāgapuggalo saṅghamajjhaṃ pavisitvā ukkoṭeyyāti. Athāyasmā mahākassapo ñattidutiyena kammena sāvesi. Taṃ saṅgītikkhandhake (cūḷava. 437) vuttanayeneva ñātabbaṃ.

    ат̇а д̇ат̇ааг̇ад̇асса бариниб̣б̣аанад̇о сад̇д̇асу саад̇хугийл̣анад̣̇ивасзсу сад̇д̇асу жа д̇хаад̇убууж̇аад̣̇ивасзсу вийд̇ивад̇д̇зсу ‘‘ад̣дхамаасо ад̇игганд̇о, ид̣̇аани г̇имхаанам̣ д̣̇ияад̣дхо маасо сзсо, убагадтаа вассуубанааяигаа’’д̇и манд̇ваа махаагассабад̇т̇зро ‘‘рааж̇аг̇ахам̣, аавусо, г̇ажчаамаа’’д̇и убад̣дхам̣ бхигкусан̇гхам̣ г̇ахзд̇ваа згам̣ маг̇г̇ам̣ г̇ад̇о. ануруд̣̇д̇хад̇т̇зроби убад̣дхам̣ г̇ахзд̇ваа згам̣ маг̇г̇ам̣ г̇ад̇о, аананд̣̇ад̇т̇зро бана бхаг̇авад̇о бад̇д̇ажийварам̣ г̇ахзд̇ваа бхигкусан̇гхабаривуд̇о саавад̇т̇им̣ г̇анд̇ваа рааж̇аг̇ахам̣ г̇анд̇угаамо язна саавад̇т̇и, д̇зна жааригам̣ баггаами. аананд̣̇ад̇т̇зрзна г̇ад̇аг̇ад̇адтаанз махаабарид̣̇зво ахоси, ‘‘бханд̇з аананд̣̇а, гухим̣ сад̇т̇аарам̣ табзд̇ваа ааг̇ад̇осий’’д̇и? анубуб̣б̣зна саавад̇т̇им̣ ануббад̇д̇з т̇зрз бхаг̇авад̇о бариниб̣б̣аанасамаяз вияа махаабарид̣̇зво ахоси.

    Atha tathāgatassa parinibbānato sattasu sādhukīḷanadivasesu sattasu ca dhātupūjādivasesu vītivattesu ‘‘aḍḍhamāso atikkanto, idāni gimhānaṃ diyaḍḍho māso seso, upakaṭṭhā vassūpanāyikā’’ti mantvā mahākassapatthero ‘‘rājagahaṃ, āvuso, gacchāmā’’ti upaḍḍhaṃ bhikkhusaṅghaṃ gahetvā ekaṃ maggaṃ gato. Anuruddhattheropi upaḍḍhaṃ gahetvā ekaṃ maggaṃ gato, ānandatthero pana bhagavato pattacīvaraṃ gahetvā bhikkhusaṅghaparivuto sāvatthiṃ gantvā rājagahaṃ gantukāmo yena sāvatthi, tena cārikaṃ pakkāmi. Ānandattherena gatagataṭṭhāne mahāparidevo ahosi, ‘‘bhante ānanda, kuhiṃ satthāraṃ ṭhapetvā āgatosī’’ti? Anupubbena sāvatthiṃ anuppatte there bhagavato parinibbānasamaye viya mahāparidevo ahosi.

    д̇ад̇ра суд̣̇ам̣ ааяасмаа аананд̣̇о анижжад̇аад̣̇ибадисам̣яуд̇д̇ааяа д̇хаммияаа гат̇ааяа д̇ам̣ махааж̇анам̣ сан̃н̃аабзд̇ваа ж̇зд̇аванам̣ бависид̇ваа д̣̇асаб̣алзна васид̇аг̇анд̇хагудияаа д̣̇ваарам̣ виварид̇ваа ман̃жабийтам̣ нийхарид̇ваа бабподзд̇ваа г̇анд̇хагудим̣ саммаж̇ж̇ид̇ваа милаад̇амаалаагажаварам̣ чад̣д̣зд̇ваа ман̃жабийтам̣ ад̇ихарид̇ваа буна яат̇аатаанз табзд̇ваа бхаг̇авад̇о тид̇агаалз гаран̣ийяам̣ вад̇д̇ам̣ саб̣б̣амагааси. ат̇а т̇зро бхаг̇авад̇о бариниб̣б̣аанад̇о бабхуд̇и таананисаж̇ж̇аб̣ахулад̇д̇аа уссаннад̇хаад̇угам̣ гааяам̣ самассаасзд̇ум̣ д̣̇уд̇ияад̣̇ивасз кийравирзжанам̣ бивид̇ваа вихаарзязва нисийд̣̇и, яам̣ санд̇хааяа субхзна маан̣авзна бахид̇ам̣ маан̣авагам̣ зд̇ад̣̇авожа –

    Tatra sudaṃ āyasmā ānando aniccatādipaṭisaṃyuttāya dhammiyā kathāya taṃ mahājanaṃ saññāpetvā jetavanaṃ pavisitvā dasabalena vasitagandhakuṭiyā dvāraṃ vivaritvā mañcapīṭhaṃ nīharitvā papphoṭetvā gandhakuṭiṃ sammajjitvā milātamālākacavaraṃ chaḍḍetvā mañcapīṭhaṃ atiharitvā puna yathāṭhāne ṭhapetvā bhagavato ṭhitakāle karaṇīyaṃ vattaṃ sabbamakāsi. Atha thero bhagavato parinibbānato pabhuti ṭhānanisajjabahulattā ussannadhātukaṃ kāyaṃ samassāsetuṃ dutiyadivase khīravirecanaṃ pivitvā vihāreyeva nisīdi, yaṃ sandhāya subhena māṇavena pahitaṃ māṇavakaṃ etadavoca –

    ‘‘агаало ко, маан̣авага, ад̇т̇и мз аж̇ж̇а бхзсаж̇ж̇амад̇д̇аа бийд̇аа, аббзва наама свзби убасан̇гамзяяаамаа’’д̇и (д̣̇ий. ни. 1.447).

    ‘‘Akālo kho, māṇavaka, atthi me ajja bhesajjamattā pītā, appeva nāma svepi upasaṅkameyyāmā’’ti (dī. ni. 1.447).

    д̣̇уд̇ияад̣̇ивасз жзд̇агад̇т̇зрзна бажчаасаман̣зна г̇анд̇ваа субхзна маан̣авзна будто д̣̇ийгханигааяз субхасуд̇д̇ам̣ наама д̣̇асамам̣ суд̇д̇амабхааси.

    Dutiyadivase cetakattherena pacchāsamaṇena gantvā subhena māṇavena puṭṭho dīghanikāye subhasuttaṃ nāma dasamaṃ suttamabhāsi.

    ат̇а ко т̇зро ж̇зд̇аванз вихаарз кан̣д̣апуллаббадисан̇каран̣ам̣ гаараабзд̇ваа убагадтааяа вассуубанааяигааяа рааж̇аг̇ахам̣ г̇ад̇о. д̇ат̇аа махаагассабад̇т̇зро ануруд̣̇д̇хад̇т̇зро жа саб̣б̣ам̣ бхигкусан̇гхам̣ г̇ахзд̇ваа рааж̇аг̇ахамзва г̇ад̇аа.

    Atha kho thero jetavane vihāre khaṇḍaphullappaṭisaṅkharaṇaṃ kārāpetvā upakaṭṭhāya vassūpanāyikāya rājagahaṃ gato. Tathā mahākassapatthero anuruddhatthero ca sabbaṃ bhikkhusaṅghaṃ gahetvā rājagahameva gatā.

    д̇зна ко бана самаязна рааж̇аг̇ахз адтаараса махаавихаараа хонд̇и. д̇з саб̣б̣зби чад̣д̣ид̇абад̇ид̇ауглаабаа ахзсум̣. бхаг̇авад̇о хи бариниб̣б̣аанз саб̣б̣з бхигкуу ад̇д̇ано ад̇д̇ано бад̇д̇ажийварам̣ г̇ахзд̇ваа вихаарз жа баривзн̣з жа чад̣д̣зд̇ваа аг̇амам̣су. д̇ад̇т̇а т̇зраа бхаг̇авад̇о важанабууж̇анад̇т̇ам̣ д̇ид̇т̇ияаваад̣̇абариможанад̇т̇ан̃жа ‘‘батамам̣ маасам̣ кан̣д̣апуллаббадисан̇каран̣ам̣ гаромаа’’д̇и жинд̇зсум̣. д̇ид̇т̇ияаа хи вад̣̇зяяум̣ ‘‘саман̣асса г̇од̇амасса саавагаа сад̇т̇ари тид̇зязва вихаарз бадиж̇аг̇г̇им̣су, бариниб̣б̣уд̇з чад̣д̣зсу’’нд̇и. д̇зсам̣ ваад̣̇абариможанад̇т̇ан̃жа жинд̇зсунд̇и вуд̇д̇ам̣ ход̇и. вуд̇д̇амби жзд̇ам̣ –

    Tena kho pana samayena rājagahe aṭṭhārasa mahāvihārā honti. Te sabbepi chaḍḍitapatitauklāpā ahesuṃ. Bhagavato hi parinibbāne sabbe bhikkhū attano attano pattacīvaraṃ gahetvā vihāre ca pariveṇe ca chaḍḍetvā agamaṃsu. Tattha therā bhagavato vacanapūjanatthaṃ titthiyavādaparimocanatthañca ‘‘paṭhamaṃ māsaṃ khaṇḍaphullappaṭisaṅkharaṇaṃ karomā’’ti cintesuṃ. Titthiyā hi vadeyyuṃ ‘‘samaṇassa gotamassa sāvakā satthari ṭhiteyeva vihāre paṭijaggiṃsu, parinibbute chaḍḍesu’’nti. Tesaṃ vādaparimocanatthañca cintesunti vuttaṃ hoti. Vuttampi cetaṃ –

    ‘‘ат̇а ко т̇зраанам̣ бхигкуунам̣ зд̇ад̣̇ахоси – бхаг̇авад̇аа ко, аавусо, кан̣д̣апуллаббадисан̇каран̣ам̣ ван̣н̣ид̇ам̣, ханд̣̇а маяам̣, аавусо, батамам̣ маасам̣ кан̣д̣апуллаббадисан̇каран̣ам̣ гарома, маж̇жхимам̣ маасам̣ саннибад̇ид̇ваа д̇хамман̃жа винаяан̃жа сан̇г̇ааяиссаамаа’’д̇и (жуул̣ава. 438).

    ‘‘Atha kho therānaṃ bhikkhūnaṃ etadahosi – bhagavatā kho, āvuso, khaṇḍaphullappaṭisaṅkharaṇaṃ vaṇṇitaṃ, handa mayaṃ, āvuso, paṭhamaṃ māsaṃ khaṇḍaphullappaṭisaṅkharaṇaṃ karoma, majjhimaṃ māsaṃ sannipatitvā dhammañca vinayañca saṅgāyissāmā’’ti (cūḷava. 438).

    д̇з д̣̇уд̇ияад̣̇ивасз г̇анд̇ваа рааж̇ад̣̇ваарз адтам̣су. аж̇аад̇асад̇д̇у рааж̇аа ааг̇анд̇ваа ванд̣̇ид̇ваа ‘‘ахам̣, бханд̇з, гим̣ гароми, гзнад̇т̇о’’д̇и баваарзси. т̇зраа адтаарасамахаавихаараббадисан̇каран̣ад̇т̇ааяа хад̇т̇агаммам̣ бадивзд̣̇зсум̣. ‘‘саад̇ху, бханд̇з’’д̇и рааж̇аа хад̇т̇агаммагаарагз мануссз ад̣̇ааси. т̇зраа батамам̣ маасам̣ саб̣б̣авихаарз бадисан̇караабзсум̣.

    Te dutiyadivase gantvā rājadvāre aṭṭhaṃsu. Ajātasattu rājā āgantvā vanditvā ‘‘ahaṃ, bhante, kiṃ karomi, kenattho’’ti pavāresi. Therā aṭṭhārasamahāvihārappaṭisaṅkharaṇatthāya hatthakammaṃ paṭivedesuṃ. ‘‘Sādhu, bhante’’ti rājā hatthakammakārake manusse adāsi. Therā paṭhamaṃ māsaṃ sabbavihāre paṭisaṅkharāpesuṃ.

    ат̇а ран̃н̃о аарожзсум̣ – ‘‘нидтид̇ам̣, махаарааж̇а, вихаараббадисан̇каран̣ам̣ , ид̣̇аани д̇хаммавинаяасан̇г̇ахам̣ гаромаа’’д̇и. ‘‘саад̇ху, бханд̇з, виссад̇т̇аа гарот̇а, маяхам̣ аан̣аажаггам̣, д̇умхаагам̣ д̇хаммажаггам̣ ход̇у. аан̣аабзт̇а, бханд̇з, гим̣ гаромий’’д̇и? ‘‘д̇хаммасан̇г̇ахам̣ гаронд̇аанам̣ бхигкуунам̣ саннисаж̇ж̇адтаанам̣ махаарааж̇аа’’д̇и. ‘‘гад̇т̇а гароми, бханд̇з’’д̇и? ‘‘взбхаарабаб̣б̣ад̇абассз сад̇д̇абан̣н̣иг̇ухаад̣̇ваарз гаад̇ум̣ яуд̇д̇ам̣ махаарааж̇аа’’д̇и. ‘‘саад̇ху, бханд̇з’’д̇и ко, рааж̇аа аж̇аад̇асад̇д̇у, виссагаммунаа ниммид̇асад̣̇исам̣ сувибхад̇д̇абхид̇д̇ит̇амбхасобаанам̣ наанаавид̇хамаалаагаммалад̇аагаммавижид̇рам̣ махааман̣д̣абам̣ гаараабзд̇ваа вивид̇хагусумад̣̇аамаоламб̣агавиниг̇г̇аланд̇ажаарувид̇аанам̣ рад̇анавижид̇раман̣игоддимад̇аламива жа нам̣ наанаабубпуубахааравижид̇рам̣ субаринидтид̇абхуумигаммам̣ б̣рахмавимаанасад̣̇исам̣ алан̇гарид̇ваа д̇асмим̣ махааман̣д̣абз бан̃жасад̇аанам̣ бхигкуунам̣ анаг̇гхаани бан̃жагаббияабажжад̇т̇аран̣асад̇аани бан̃н̃аабзд̇ваа д̣̇агкин̣абхааг̇ам̣ ниссааяа уд̇д̇араабхимукам̣ т̇зраасанам̣, ман̣д̣абамаж̇жхз бурад̇т̇аабхимукам̣ б̣уд̣̇д̇хасса бхаг̇авад̇о аасанаарахам̣ д̇хаммаасанам̣ бан̃н̃аабзд̇ваа д̣̇анд̇акажид̇ам̣ жид̇д̇аб̣ийж̇анин̃жзд̇т̇а табзд̇ваа бхигкусан̇гхасса аарожаабзси ‘‘нидтид̇ам̣, бханд̇з, гижжа’’нд̇и.

    Atha rañño ārocesuṃ – ‘‘niṭṭhitaṃ, mahārāja, vihārappaṭisaṅkharaṇaṃ , idāni dhammavinayasaṅgahaṃ karomā’’ti. ‘‘Sādhu, bhante, vissatthā karotha, mayhaṃ āṇācakkaṃ, tumhākaṃ dhammacakkaṃ hotu. Āṇāpetha, bhante, kiṃ karomī’’ti? ‘‘Dhammasaṅgahaṃ karontānaṃ bhikkhūnaṃ sannisajjaṭṭhānaṃ mahārājā’’ti. ‘‘Kattha karomi, bhante’’ti? ‘‘Vebhārapabbatapasse sattapaṇṇiguhādvāre kātuṃ yuttaṃ mahārājā’’ti. ‘‘Sādhu, bhante’’ti kho, rājā ajātasattu, vissakammunā nimmitasadisaṃ suvibhattabhittithambhasopānaṃ nānāvidhamālākammalatākammavicitraṃ mahāmaṇḍapaṃ kārāpetvā vividhakusumadāmaolambakaviniggalantacāruvitānaṃ ratanavicitramaṇikoṭṭimatalamiva ca naṃ nānāpupphūpahāravicitraṃ supariniṭṭhitabhūmikammaṃ brahmavimānasadisaṃ alaṅkaritvā tasmiṃ mahāmaṇḍape pañcasatānaṃ bhikkhūnaṃ anagghāni pañcakappiyapaccattharaṇasatāni paññāpetvā dakkhiṇabhāgaṃ nissāya uttarābhimukhaṃ therāsanaṃ, maṇḍapamajjhe puratthābhimukhaṃ buddhassa bhagavato āsanārahaṃ dhammāsanaṃ paññāpetvā dantakhacitaṃ cittabījaniñcettha ṭhapetvā bhikkhusaṅghassa ārocāpesi ‘‘niṭṭhitaṃ, bhante, kicca’’nti.

    бхигкуу ааяасманд̇ам̣ аананд̣̇ам̣ аахам̣су ‘‘свз, аавусо аананд̣̇а, сан̇гхасаннибаад̇о, д̇ван̃жа сзко сагаран̣ийяо, д̇зна д̇з на яуд̇д̇ам̣ саннибаад̇ам̣ г̇анд̇ум̣, аббамад̇д̇о хохий’’д̇и. ат̇а ко ааяасмаа аананд̣̇о ‘‘свз саннибаад̇о, на ко бана мзд̇ам̣ бад̇ируубам̣, яваахам̣ сзко самаано саннибаад̇ам̣ г̇ажчзяяа’’нд̇и б̣ахуд̣̇зва рад̇д̇им̣ гааяаг̇ад̇ааяа сад̇ияаа вийд̇инаамзд̇ваа рад̇д̇ияаа бажжуусасамаяз жан̇гамаа орохид̇ваа вихаарам̣ бависид̇ваа ‘‘нибаж̇ж̇иссаамий’’д̇и гааяам̣ ааваж̇ж̇зси. д̣̇вз баад̣̇аа бхуумид̇о муд̇д̇аа, аббад̇д̇ан̃жа сийсам̣ б̣имб̣оханам̣, зд̇асмим̣ анд̇арз анубаад̣̇ааяа аасавзхи жид̇д̇ам̣ вимужжи. аяан̃хи ааяасмаа жан̇гамзна б̣ахи вийд̇инаамзд̇ваа висзсам̣ ниб̣б̣ад̇д̇зд̇ум̣ асаггонд̇о жинд̇зси ‘‘нану мам̣ бхаг̇аваа зд̇ад̣̇авожа – ‘гад̇абун̃н̃оси д̇вам̣, аананд̣̇а, бад̇хаанамануяун̃ж̇а, киббам̣ хохиси анаасаво’д̇и (д̣̇ий. ни. 2.207). б̣уд̣̇д̇хаанан̃жа гат̇аад̣̇осо наама над̇т̇и, мама бана ажжаарад̣̇д̇хам̣ вийрияам̣, д̇зна мз жид̇д̇ам̣ уд̣̇д̇хажжааяа сам̣вад̇д̇ад̇и, ханд̣̇аахам̣ вийрияасамад̇ам̣ яож̇змий’’д̇и жан̇гамаа орохид̇ваа баад̣̇ад̇хованадтаанз тад̇ваа баад̣̇з д̇ховид̇ваа вихаарам̣ бависид̇ваа ман̃жагз нисийд̣̇ид̇ваа ‘‘т̇огам̣ виссамиссаамий’’д̇и гааяам̣ ман̃жагз убанаамзси. д̣̇вз баад̣̇аа бхуумид̇о муд̇д̇аа, сийсан̃жа б̣имб̣оханамасамбад̇д̇ам̣, зд̇асмим̣ анд̇арз анубаад̣̇ааяа аасавзхи жид̇д̇ам̣ вимужжи. жад̇уирияаабат̇авирахид̇ам̣ т̇зрасса арахад̇д̇ам̣. д̇зна ‘‘имасмим̣ саасанз анисинно анибанно адтид̇о ажан̇гаманд̇о го бхигку арахад̇д̇ам̣ бад̇д̇о’’д̇и вуд̇д̇з ‘‘аананд̣̇ад̇т̇зро’’д̇и вад̇д̇ум̣ ваддад̇и.

    Bhikkhū āyasmantaṃ ānandaṃ āhaṃsu ‘‘sve, āvuso ānanda, saṅghasannipāto, tvañca sekho sakaraṇīyo, tena te na yuttaṃ sannipātaṃ gantuṃ, appamatto hohī’’ti. Atha kho āyasmā ānando ‘‘sve sannipāto, na kho pana metaṃ patirūpaṃ, yvāhaṃ sekho samāno sannipātaṃ gaccheyya’’nti bahudeva rattiṃ kāyagatāya satiyā vītināmetvā rattiyā paccūsasamaye caṅkamā orohitvā vihāraṃ pavisitvā ‘‘nipajjissāmī’’ti kāyaṃ āvajjesi. Dve pādā bhūmito muttā, appattañca sīsaṃ bimbohanaṃ, etasmiṃ antare anupādāya āsavehi cittaṃ vimucci. Ayañhi āyasmā caṅkamena bahi vītināmetvā visesaṃ nibbattetuṃ asakkonto cintesi ‘‘nanu maṃ bhagavā etadavoca – ‘katapuññosi tvaṃ, ānanda, padhānamanuyuñja, khippaṃ hohisi anāsavo’ti (dī. ni. 2.207). Buddhānañca kathādoso nāma natthi, mama pana accāraddhaṃ vīriyaṃ, tena me cittaṃ uddhaccāya saṃvattati, handāhaṃ vīriyasamataṃ yojemī’’ti caṅkamā orohitvā pādadhovanaṭṭhāne ṭhatvā pāde dhovitvā vihāraṃ pavisitvā mañcake nisīditvā ‘‘thokaṃ vissamissāmī’’ti kāyaṃ mañcake upanāmesi. Dve pādā bhūmito muttā, sīsañca bimbohanamasampattaṃ, etasmiṃ antare anupādāya āsavehi cittaṃ vimucci. Catuiriyāpathavirahitaṃ therassa arahattaṃ. Tena ‘‘imasmiṃ sāsane anisinno anipanno aṭṭhito acaṅkamanto ko bhikkhu arahattaṃ patto’’ti vutte ‘‘ānandatthero’’ti vattuṃ vaṭṭati.

    ат̇а т̇зраа бхигкуу д̣̇уд̇ияад̣̇ивасз бхад̇д̇агижжам̣ гад̇ваа бад̇д̇ажийварам̣ бадисаамзд̇ваа д̇хаммасабхааяам̣ саннибад̇ид̇аа. аананд̣̇ад̇т̇зро бана ад̇д̇ано арахад̇д̇аббад̇д̇им̣ н̃аабзд̇угаамо бхигкуухи сад̣̇д̇хим̣ на г̇ад̇о. бхигкуу яат̇аавуд̣дхам̣ ад̇д̇ано ад̇д̇ано бад̇д̇аасанз нисийд̣̇анд̇аа аананд̣̇ад̇т̇зрасса аасанам̣ табзд̇ваа нисиннаа. д̇ад̇т̇а гзхижи ‘‘зд̇амаасанам̣ гассаа’’д̇и вуд̇д̇з аананд̣̇ассаад̇и. ‘‘аананд̣̇о бана гухим̣ г̇ад̇о’’д̇и. д̇асмим̣ самаяз т̇зро жинд̇зси ‘‘ид̣̇аани маяхам̣ г̇аманагаало’’д̇и. д̇ад̇о ад̇д̇ано аанубхаавам̣ д̣̇ассзнд̇о бат̇авияам̣ нимуж̇ж̇ид̇ваа ад̇д̇ано аасанзязва ад̇д̇аанам̣ д̣̇ассзси. аагаасзнааг̇анд̇ваа нисийд̣̇ийд̇иби згз.

    Atha therā bhikkhū dutiyadivase bhattakiccaṃ katvā pattacīvaraṃ paṭisāmetvā dhammasabhāyaṃ sannipatitā. Ānandatthero pana attano arahattappattiṃ ñāpetukāmo bhikkhūhi saddhiṃ na gato. Bhikkhū yathāvuḍḍhaṃ attano attano pattāsane nisīdantā ānandattherassa āsanaṃ ṭhapetvā nisinnā. Tattha kehici ‘‘etamāsanaṃ kassā’’ti vutte ānandassāti. ‘‘Ānando pana kuhiṃ gato’’ti. Tasmiṃ samaye thero cintesi ‘‘idāni mayhaṃ gamanakālo’’ti. Tato attano ānubhāvaṃ dassento pathaviyaṃ nimujjitvā attano āsaneyeva attānaṃ dassesi. Ākāsenāgantvā nisīdītipi eke.

    звам̣ нисиннз д̇асмим̣ ааяасманд̇з махаагассабад̇т̇зро бхигкуу ааманд̇зси, ‘‘аавусо, гим̣ батамам̣ сан̇г̇ааяаама д̇хаммам̣ ваа винаяам̣ ваа’’д̇и? бхигкуу аахам̣су, ‘‘бханд̇з махаагассаба, винаяонаамаб̣уд̣̇д̇хасаасанасса ааяу, винаяз тид̇з саасанам̣ тид̇ам̣ ход̇и, д̇асмаа батамам̣ винаяам̣ сан̇г̇ааяаамаа’’д̇и. ‘‘гам̣ д̇хурам̣ гад̇ваа винаяо сан̇г̇ааяид̇аб̣б̣о’’д̇и? ‘‘ааяасманд̇ам̣ убаали’’нд̇и . ‘‘гим̣ аананд̣̇о наббаход̇ий’’д̇и? ‘‘но наббаход̇и, абижа ко бана саммаасамб̣уд̣̇д̇хо д̇харамааноязва винаяабарияад̇д̇им̣ ниссааяа ааяасманд̇ам̣ убаалим̣ зд̇ад̣̇аг̇г̇з табзси – ‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ винаяад̇хараанам̣ яад̣̇ид̣̇ам̣ убаалий’’’д̇и (а. ни. 1.228). д̇асмаа убаалид̇т̇зрам̣ бужчид̇ваа винаяам̣ сан̇г̇ааяаамаад̇и. д̇ад̇о т̇зро винаяам̣ бужчанад̇т̇ааяа ад̇д̇анаава ад̇д̇аанам̣ самманни. убаалид̇т̇зроби виссаж̇ж̇анад̇т̇ааяа самманни. д̇ад̇рааяам̣ баал̣и –

    Evaṃ nisinne tasmiṃ āyasmante mahākassapatthero bhikkhū āmantesi, ‘‘āvuso, kiṃ paṭhamaṃ saṅgāyāma dhammaṃ vā vinayaṃ vā’’ti? Bhikkhū āhaṃsu, ‘‘bhante mahākassapa, vinayonāmabuddhasāsanassa āyu, vinaye ṭhite sāsanaṃ ṭhitaṃ hoti, tasmā paṭhamaṃ vinayaṃ saṅgāyāmā’’ti. ‘‘Kaṃ dhuraṃ katvā vinayo saṅgāyitabbo’’ti? ‘‘Āyasmantaṃ upāli’’nti . ‘‘Kiṃ ānando nappahotī’’ti? ‘‘No nappahoti, apica kho pana sammāsambuddho dharamānoyeva vinayapariyattiṃ nissāya āyasmantaṃ upāliṃ etadagge ṭhapesi – ‘etadaggaṃ, bhikkhave, mama sāvakānaṃ bhikkhūnaṃ vinayadharānaṃ yadidaṃ upālī’’’ti (a. ni. 1.228). Tasmā upālittheraṃ pucchitvā vinayaṃ saṅgāyāmāti. Tato thero vinayaṃ pucchanatthāya attanāva attānaṃ sammanni. Upālittheropi vissajjanatthāya sammanni. Tatrāyaṃ pāḷi –

    ат̇а ко ааяасмаа махаагассабо сан̇гхам̣ н̃аабзси –

    Atha kho āyasmā mahākassapo saṅghaṃ ñāpesi –

    ‘‘сун̣аад̇у мз, аавусо, сан̇гхо, яад̣̇и сан̇гхасса бад̇д̇агаллам̣, ахам̣ убаалим̣ винаяам̣ бужчзяяа’’нд̇и.

    ‘‘Suṇātu me, āvuso, saṅgho, yadi saṅghassa pattakallaṃ, ahaṃ upāliṃ vinayaṃ puccheyya’’nti.

    ааяасмааби убаали сан̇гхам̣ н̃аабзси –

    Āyasmāpi upāli saṅghaṃ ñāpesi –

    ‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣, ахам̣ ааяасмад̇аа махаагассабзна винаяам̣ будто виссаж̇ж̇зяяа’’нд̇и.

    ‘‘Suṇātu me, bhante, saṅgho, yadi saṅghassa pattakallaṃ, ahaṃ āyasmatā mahākassapena vinayaṃ puṭṭho vissajjeyya’’nti.

    звам̣ ад̇д̇анаава ад̇д̇аанам̣ самманнид̇ваа ааяасмаа, убаали, удтааяаасанаа згам̣сам̣ жийварам̣ гад̇ваа т̇зрз бхигкуу ванд̣̇ид̇ваа д̇хаммаасанз нисийд̣̇и д̣̇анд̇акажид̇ам̣ б̣ийж̇аним̣ г̇ахзд̇ваа. д̇ад̇о махаагассабад̇т̇зро убаалид̇т̇зрам̣ батамабаарааж̇игам̣ аад̣̇им̣ гад̇ваа саб̣б̣ам̣ винаяам̣ бужчи, убаалид̇т̇зро виссаж̇ж̇зси. саб̣б̣з бан̃жасад̇аа бхигкуу батамабаарааж̇игасигкаабад̣̇ам̣ санид̣̇аанам̣ гад̇ваа згад̇о г̇ан̣асаж̇жхааяамагам̣су. звам̣ сзсаанибийд̇и саб̣б̣ам̣ винаяадтагат̇ааяа г̇ахзд̇аб̣б̣ам̣. зд̇зна наязна саубхад̇овибхан̇г̇ам̣ саканд̇хагабариваарам̣ сагалам̣ винаяабидагам̣ сан̇г̇ааяид̇ваа убаалид̇т̇зро д̣̇анд̇акажид̇ам̣ б̣ийж̇аним̣ нигкибид̇ваа д̇хаммаасанаа орохид̇ваа вуд̣дхз бхигкуу ванд̣̇ид̇ваа ад̇д̇ано бад̇д̇аасанз нисийд̣̇и.

    Evaṃ attanāva attānaṃ sammannitvā āyasmā, upāli, uṭṭhāyāsanā ekaṃsaṃ cīvaraṃ katvā there bhikkhū vanditvā dhammāsane nisīdi dantakhacitaṃ bījaniṃ gahetvā. Tato mahākassapatthero upālittheraṃ paṭhamapārājikaṃ ādiṃ katvā sabbaṃ vinayaṃ pucchi, upālitthero vissajjesi. Sabbe pañcasatā bhikkhū paṭhamapārājikasikkhāpadaṃ sanidānaṃ katvā ekato gaṇasajjhāyamakaṃsu. Evaṃ sesānipīti sabbaṃ vinayaṭṭhakathāya gahetabbaṃ. Etena nayena saubhatovibhaṅgaṃ sakhandhakaparivāraṃ sakalaṃ vinayapiṭakaṃ saṅgāyitvā upālitthero dantakhacitaṃ bījaniṃ nikkhipitvā dhammāsanā orohitvā vuḍḍhe bhikkhū vanditvā attano pattāsane nisīdi.

    винаяам̣ сан̇г̇ааяид̇ваа д̇хаммам̣ сан̇г̇ааяид̇угаамо ааяасмаа махаагассабад̇т̇зро бхигкуу бужчи – ‘‘д̇хаммам̣ сан̇г̇ааяанд̇зхи гам̣ буг̇г̇алам̣ д̇хурам̣ гад̇ваа д̇хаммо сан̇г̇ааяид̇аб̣б̣о’’д̇и? бхигкуу ‘‘аананд̣̇ад̇т̇зрам̣ д̇хурам̣ гад̇ваа’’д̇и аахам̣су.

    Vinayaṃ saṅgāyitvā dhammaṃ saṅgāyitukāmo āyasmā mahākassapatthero bhikkhū pucchi – ‘‘dhammaṃ saṅgāyantehi kaṃ puggalaṃ dhuraṃ katvā dhammo saṅgāyitabbo’’ti? Bhikkhū ‘‘ānandattheraṃ dhuraṃ katvā’’ti āhaṃsu.

    ат̇а ко ааяасмаа махаагассабо сан̇гхам̣ н̃аабзси –

    Atha kho āyasmā mahākassapo saṅghaṃ ñāpesi –

    ‘‘сун̣аад̇у мз, аавусо, сан̇гхо, яад̣̇и сан̇гхасса бад̇д̇агаллам̣, ахам̣ аананд̣̇ам̣ д̇хаммам̣ бужчзяяа’’нд̇и.

    ‘‘Suṇātu me, āvuso, saṅgho, yadi saṅghassa pattakallaṃ, ahaṃ ānandaṃ dhammaṃ puccheyya’’nti.

    ат̇а ко ааяасмаа аананд̣̇о сан̇гхам̣ н̃аабзси –

    Atha kho āyasmā ānando saṅghaṃ ñāpesi –

    ‘‘сун̣аад̇у мз, бханд̇з, сан̇гхо, яад̣̇и сан̇гхасса бад̇д̇агаллам̣, ахам̣ ааяасмад̇аа махаагассабзна д̇хаммам̣ будто виссаж̇ж̇зяяа’’нд̇и.

    ‘‘Suṇātu me, bhante, saṅgho, yadi saṅghassa pattakallaṃ, ahaṃ āyasmatā mahākassapena dhammaṃ puṭṭho vissajjeyya’’nti.

    ат̇а ко ааяасмаа аананд̣̇о удтааяаасанаа згам̣сам̣ жийварам̣ гад̇ваа т̇зрз бхигкуу ванд̣̇ид̇ваа д̇хаммаасанз нисийд̣̇и д̣̇анд̇акажид̇ам̣ б̣ийж̇аним̣ г̇ахзд̇ваа. ат̇а махаагассабад̇т̇зро аананд̣̇ад̇т̇зрам̣ д̇хаммам̣ бужчи – ‘‘б̣рахмаж̇аалам̣, аавусо аананд̣̇а, гад̇т̇а бхаасид̇а’’нд̇и? ‘‘анд̇араа жа, бханд̇з, рааж̇аг̇ахам̣ анд̇араа жа наал̣анд̣̇ам̣ рааж̇ааг̇аарагз амб̣аладтигааяа’’нд̇и. ‘‘гам̣ аараб̣бхаа’’д̇и ? ‘‘суббияан̃жа бариб̣б̣ааж̇агам̣ б̣рахмад̣̇ад̇д̇ан̃жа маан̣авага’’нд̇и. ат̇а ко ааяасмаа махаагассабо ааяасманд̇ам̣ аананд̣̇ам̣ б̣рахмаж̇ааласса нид̣̇аанамби бужчи, буг̇г̇аламби бужчи. ‘‘сааман̃н̃апалам̣; банаавусо аананд̣̇а, гад̇т̇а бхаасид̇а’’нд̇и? ‘‘рааж̇аг̇ахз, бханд̇з, ж̇ийвагамб̣аванз’’д̇и. ‘‘гзна сад̣̇д̇хи’’нд̇и? ‘‘аж̇аад̇асад̇д̇унаа взд̣̇зхибуд̇д̇зна сад̣̇д̇хи’’нд̇и. ат̇а ко ааяасмаа махаагассабо ааяасманд̇ам̣ аананд̣̇ам̣ сааман̃н̃апаласса нид̣̇аанамби бужчи, буг̇г̇аламби бужчи. зд̇знзва убааязна бан̃жаби нигааяз бужчи, будто будто ааяасмаа аананд̣̇о виссаж̇ж̇зси. аяам̣ батамамахаасан̇г̇ийд̇и бан̃жахи т̇зрасад̇зхи гад̇аа –

    Atha kho āyasmā ānando uṭṭhāyāsanā ekaṃsaṃ cīvaraṃ katvā there bhikkhū vanditvā dhammāsane nisīdi dantakhacitaṃ bījaniṃ gahetvā. Atha mahākassapatthero ānandattheraṃ dhammaṃ pucchi – ‘‘brahmajālaṃ, āvuso ānanda, kattha bhāsita’’nti? ‘‘Antarā ca, bhante, rājagahaṃ antarā ca nāḷandaṃ rājāgārake ambalaṭṭhikāya’’nti. ‘‘Kaṃ ārabbhā’’ti ? ‘‘Suppiyañca paribbājakaṃ brahmadattañca māṇavaka’’nti. Atha kho āyasmā mahākassapo āyasmantaṃ ānandaṃ brahmajālassa nidānampi pucchi, puggalampi pucchi. ‘‘Sāmaññaphalaṃ; panāvuso ānanda, kattha bhāsita’’nti? ‘‘Rājagahe, bhante, jīvakambavane’’ti. ‘‘Kena saddhi’’nti? ‘‘Ajātasattunā vedehiputtena saddhi’’nti. Atha kho āyasmā mahākassapo āyasmantaṃ ānandaṃ sāmaññaphalassa nidānampi pucchi, puggalampi pucchi. Eteneva upāyena pañcapi nikāye pucchi, puṭṭho puṭṭho āyasmā ānando vissajjesi. Ayaṃ paṭhamamahāsaṅgīti pañcahi therasatehi katā –

    ‘‘сад̇зхи бан̃жахи гад̇аа, д̇зна бан̃жасад̇аад̇и жа;

    ‘‘Satehi pañcahi katā, tena pañcasatāti ca;

    т̇зрзхзва гад̇ад̇д̇аа жа, т̇зригаад̇и бавужжад̇ий’’д̇и.

    Thereheva katattā ca, therikāti pavuccatī’’ti.

    имиссаа батамамахаасан̇г̇ийд̇ияаа вад̇д̇амаанааяа саб̣б̣ам̣ д̣̇ийгханигааяам̣ маж̇жхиманигааяаад̣̇ин̃жа бужчид̇ваа анубуб̣б̣зна куд̣̇д̣̇аганигааяам̣ бужчанд̇зна ааяасмад̇аа махаагассабзна ‘‘ман̇г̇аласуд̇д̇ам̣, аавусо аананд̣̇а, гад̇т̇а бхаасид̇а’’нд̇и звамаад̣̇иважанаавасаанз ‘‘нид̣̇аанамби бужчи, буг̇г̇аламби бужчий’’д̇и зд̇т̇а нид̣̇аанз бужчид̇з д̇ам̣ нид̣̇аанам̣ вид̇т̇аарзд̇ваа яат̇аа жа бхаасид̇ам̣, язна жа суд̇ам̣, яад̣̇аа жа суд̇ам̣, язна жа бхаасид̇ам̣, яад̇т̇а жа бхаасид̇ам̣, яасса жа бхаасид̇ам̣, д̇ам̣ саб̣б̣ам̣ гат̇зд̇угаамзна ‘‘звам̣ бхаасид̇ам̣ маяаа суд̇ам̣, згам̣ самаяам̣ суд̇ам̣, бхаг̇авад̇аа бхаасид̇ам̣, саавад̇т̇ияам̣ бхаасид̇ам̣, д̣̇звад̇ааяа бхаасид̇а’’нд̇и зд̇амад̇т̇ам̣ д̣̇ассзнд̇зна ааяасмад̇аа аананд̣̇зна вуд̇д̇ам̣ ‘‘звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз…бз… бхаг̇аванд̇ам̣ г̇аат̇ааяа аж̇жхабхаасий’’д̇и. звамид̣̇ам̣ ааяасмад̇аа аананд̣̇зна вуд̇д̇ам̣, д̇ан̃жа бана батамамахаасан̇г̇ийд̇игаалз вуд̇д̇анд̇и взд̣̇ид̇аб̣б̣ам̣.

    Imissā paṭhamamahāsaṅgītiyā vattamānāya sabbaṃ dīghanikāyaṃ majjhimanikāyādiñca pucchitvā anupubbena khuddakanikāyaṃ pucchantena āyasmatā mahākassapena ‘‘maṅgalasuttaṃ, āvuso ānanda, kattha bhāsita’’nti evamādivacanāvasāne ‘‘nidānampi pucchi, puggalampi pucchī’’ti ettha nidāne pucchite taṃ nidānaṃ vitthāretvā yathā ca bhāsitaṃ, yena ca sutaṃ, yadā ca sutaṃ, yena ca bhāsitaṃ, yattha ca bhāsitaṃ, yassa ca bhāsitaṃ, taṃ sabbaṃ kathetukāmena ‘‘evaṃ bhāsitaṃ mayā sutaṃ, ekaṃ samayaṃ sutaṃ, bhagavatā bhāsitaṃ, sāvatthiyaṃ bhāsitaṃ, devatāya bhāsita’’nti etamatthaṃ dassentena āyasmatā ānandena vuttaṃ ‘‘evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme…pe… bhagavantaṃ gāthāya ajjhabhāsī’’ti. Evamidaṃ āyasmatā ānandena vuttaṃ, tañca pana paṭhamamahāsaṅgītikāle vuttanti veditabbaṃ.

    ид̣̇аани ‘‘гасмаа вуд̇д̇а’’нд̇и зд̇т̇а вужжад̇з – яасмаа аяамааяасмаа махаагассабад̇т̇зрзна нид̣̇аанам̣ будто, д̇асмаанзна д̇ам̣ нид̣̇аанам̣ аад̣̇ид̇о бабхуд̇и вид̇т̇аарзд̇ум̣ вуд̇д̇ам̣. яасмаа ваа аананд̣̇ам̣ д̇хаммаасанз нисиннам̣ васийг̇ан̣абаривуд̇ам̣ д̣̇исваа згажжаанам̣ д̣̇звад̇аанам̣ жид̇д̇амуббаннам̣ ‘‘аяамааяасмаа взд̣̇зхамуни багад̇ияааби сагяагуламанваяо бхаг̇авад̇о д̣̇ааяаад̣̇о, бхаг̇авад̇ааби бан̃жагкад̇д̇ум̣ зд̇ад̣̇аг̇г̇з нид̣̇д̣̇идто, жад̇уухи ажчарияааб̣бхуд̇ад̇хаммзхи саманнааг̇ад̇о, жад̇уннам̣ барисаанам̣ бияо манаабо, ид̣̇аани ман̃н̃з бхаг̇авад̇о д̇хаммараж̇ж̇ад̣̇ааяаж̇ж̇ам̣ бад̇ваа б̣уд̣̇д̇хо ж̇аад̇о’’д̇и. д̇асмаа ааяасмаа аананд̣̇о д̇аасам̣ д̣̇звад̇аанам̣ жзд̇асаа жзд̇обаривид̇аггаман̃н̃ааяа д̇ам̣ абхууд̇аг̇ун̣асамбхааванам̣ анад̇хиваасзнд̇о ад̇д̇ано саавагабхаавамзва д̣̇ийбзд̇ум̣ ааха ‘‘звам̣ мз суд̇ам̣ згам̣ самаяам̣ бхаг̇аваа …бз… аж̇жхабхаасий’’д̇и. зд̇т̇анд̇арз бан̃жа араханд̇асад̇аани анзгаани жа д̣̇звад̇аасахассаани ‘‘саад̇ху саад̇хуу’’д̇и ааяасманд̇ам̣ аананд̣̇ам̣ абхинанд̣̇им̣су, махаабхуумижаало ахоси, наанаавид̇хагусумавассам̣ анд̇алигкад̇о бабад̇и, ан̃н̃аани жа б̣ахууни ажчарияаани баад̇урахзсум̣, б̣ахуунан̃жа д̣̇звад̇аанам̣ сам̣взг̇о уббаж̇ж̇и ‘‘яам̣ амхзхи бхаг̇авад̇о саммукаа суд̇ам̣, ид̣̇аанзва д̇ам̣ барогкаа ж̇аад̇а’’нд̇и. звамид̣̇ам̣ ааяасмад̇аа аананд̣̇зна батамамахаасан̇г̇ийд̇игаалз вад̣̇анд̇знааби иминаа гааран̣зна вуд̇д̇анд̇и взд̣̇ид̇аб̣б̣ам̣. зд̇д̇аавад̇аа жа ‘‘вуд̇д̇ам̣ язна яад̣̇аа яасмаа, жзд̇ам̣ вад̇ваа имам̣ вид̇хи’’нд̇и имиссаа ад̣̇д̇хаг̇аат̇ааяа ад̇т̇о багаасид̇о ход̇и.

    Idāni ‘‘kasmā vutta’’nti ettha vuccate – yasmā ayamāyasmā mahākassapattherena nidānaṃ puṭṭho, tasmānena taṃ nidānaṃ ādito pabhuti vitthāretuṃ vuttaṃ. Yasmā vā ānandaṃ dhammāsane nisinnaṃ vasīgaṇaparivutaṃ disvā ekaccānaṃ devatānaṃ cittamuppannaṃ ‘‘ayamāyasmā vedehamuni pakatiyāpi sakyakulamanvayo bhagavato dāyādo, bhagavatāpi pañcakkhattuṃ etadagge niddiṭṭho, catūhi acchariyaabbhutadhammehi samannāgato, catunnaṃ parisānaṃ piyo manāpo, idāni maññe bhagavato dhammarajjadāyajjaṃ patvā buddho jāto’’ti. Tasmā āyasmā ānando tāsaṃ devatānaṃ cetasā cetoparivitakkamaññāya taṃ abhūtaguṇasambhāvanaṃ anadhivāsento attano sāvakabhāvameva dīpetuṃ āha ‘‘evaṃ me sutaṃ ekaṃ samayaṃ bhagavā …pe… ajjhabhāsī’’ti. Etthantare pañca arahantasatāni anekāni ca devatāsahassāni ‘‘sādhu sādhū’’ti āyasmantaṃ ānandaṃ abhinandiṃsu, mahābhūmicālo ahosi, nānāvidhakusumavassaṃ antalikkhato papati, aññāni ca bahūni acchariyāni pāturahesuṃ, bahūnañca devatānaṃ saṃvego uppajji ‘‘yaṃ amhehi bhagavato sammukhā sutaṃ, idāneva taṃ parokkhā jāta’’nti. Evamidaṃ āyasmatā ānandena paṭhamamahāsaṅgītikāle vadantenāpi iminā kāraṇena vuttanti veditabbaṃ. Ettāvatā ca ‘‘vuttaṃ yena yadā yasmā, cetaṃ vatvā imaṃ vidhi’’nti imissā addhagāthāya attho pakāsito hoti.

    звамижжаад̣̇ибаатаван̣н̣анаа

    Evamiccādipāṭhavaṇṇanā

    1. ид̣̇аани ‘‘звамижжаад̣̇ибаатасса, ад̇т̇ам̣ наанаббагаарад̇о’’д̇и звамаад̣̇имаад̇игааяа сан̇г̇ахид̇ад̇т̇аббагаасанад̇т̇ам̣ вужжад̇з – званд̇и аяам̣ сад̣̇д̣̇о убамуубад̣̇зсасамбахам̣санаг̇арахан̣аважанасамбадиг̇г̇ахаагааранид̣̇ассанаавад̇хааран̣аад̣̇ийсу ад̇т̇зсу д̣̇адтаб̣б̣о. д̇ат̇аа хзса ‘‘звам̣ ж̇аад̇зна мажжзна, гад̇д̇аб̣б̣ам̣ гусалам̣ б̣аху’’нд̇и звамаад̣̇ийсу (д̇ха. ба. 53) убамааяам̣ д̣̇иссад̇и. ‘‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣а’’нд̇иаад̣̇ийсу (а. ни. 4.122) убад̣̇зсз. ‘‘звамзд̇ам̣ бхаг̇аваа, звамзд̇ам̣ суг̇ад̇аа’’д̇и звамаад̣̇ийсу (а. ни. 3.66) самбахам̣санз. ‘‘звамзвам̣ банааяам̣ васалий яасмим̣ ваа д̇асмим̣ ваа д̇асса мун̣д̣агасса саман̣агасса ван̣н̣ам̣ бхаасад̇ий’’д̇и звамаад̣̇ийсу (сам̣. ни. 1.187) г̇арахан̣з. ‘‘звам̣, бханд̇зд̇и ко д̇з бхигкуу бхаг̇авад̇о бажжассосу’’нд̇и звамаад̣̇ийсу (ма. ни. 1.1) важанасамбадиг̇г̇ахз. ‘‘звам̣ б̣яаа ко ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇и звамаад̣̇ийсу (ма. ни. 1.398) аагаарз. ‘‘зхи д̇вам̣, маан̣авага, язна саман̣о аананд̣̇о д̇знубасан̇гама, убасан̇гамид̇ваа мама важанзна саман̣ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча. ‘субхо маан̣аво д̇од̣̇зяяабуд̇д̇о бхаванд̇ам̣ аананд̣̇ам̣ аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и, зван̃жа вад̣̇зхи саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣, д̇знубасан̇гамад̇у анугамбам̣ убаад̣̇ааяаа’’д̇и звамаад̣̇ийсу (д̣̇ий. ни. 1.445) нид̣̇ассанз. ‘‘д̇ам̣ гим̣ ман̃н̃ат̇а гаалаамаа, имз д̇хаммаа гусалаа ваа агусалаа ваад̇и? агусалаа, бханд̇з. сааваж̇ж̇аа ваа анаваж̇ж̇аа ваад̇и? сааваж̇ж̇аа, бханд̇з. вин̃н̃уг̇арахид̇аа ваа вин̃н̃уббасад̇т̇аа ваад̇и? вин̃н̃уг̇арахид̇аа, бханд̇з. самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇и но ваа, гат̇ам̣ во зд̇т̇а ход̇ийд̇и? самад̇д̇аа, бханд̇з, самаад̣̇иннаа ахид̇ааяа д̣̇угкааяа сам̣вад̇д̇анд̇и, звам̣ но зд̇т̇а ход̇ий’’д̇и звамаад̣̇ийсу (а. ни. 3.66) авад̇хааран̣з. ид̇ха бана аагааранид̣̇ассанаавад̇хааран̣зсу д̣̇адтаб̣б̣о.

    1. Idāni ‘‘evamiccādipāṭhassa, atthaṃ nānappakārato’’ti evamādimātikāya saṅgahitatthappakāsanatthaṃ vuccate – evanti ayaṃ saddo upamūpadesasampahaṃsanagarahaṇavacanasampaṭiggahākāranidassanāvadhāraṇādīsu atthesu daṭṭhabbo. Tathā hesa ‘‘evaṃ jātena maccena, kattabbaṃ kusalaṃ bahu’’nti evamādīsu (dha. pa. 53) upamāyaṃ dissati. ‘‘Evaṃ te abhikkamitabbaṃ, evaṃ te paṭikkamitabba’’ntiādīsu (a. ni. 4.122) upadese. ‘‘Evametaṃ bhagavā, evametaṃ sugatā’’ti evamādīsu (a. ni. 3.66) sampahaṃsane. ‘‘Evamevaṃ panāyaṃ vasalī yasmiṃ vā tasmiṃ vā tassa muṇḍakassa samaṇakassa vaṇṇaṃ bhāsatī’’ti evamādīsu (saṃ. ni. 1.187) garahaṇe. ‘‘Evaṃ, bhanteti kho te bhikkhū bhagavato paccassosu’’nti evamādīsu (ma. ni. 1.1) vacanasampaṭiggahe. ‘‘Evaṃ byā kho ahaṃ, bhante, bhagavatā dhammaṃ desitaṃ ājānāmī’’ti evamādīsu (ma. ni. 1.398) ākāre. ‘‘Ehi tvaṃ, māṇavaka, yena samaṇo ānando tenupasaṅkama, upasaṅkamitvā mama vacanena samaṇaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha. ‘Subho māṇavo todeyyaputto bhavantaṃ ānandaṃ appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti, evañca vadehi sādhu kira bhavaṃ ānando yena subhassa māṇavassa todeyyaputtassa nivesanaṃ, tenupasaṅkamatu anukampaṃ upādāyā’’ti evamādīsu (dī. ni. 1.445) nidassane. ‘‘Taṃ kiṃ maññatha kālāmā, ime dhammā kusalā vā akusalā vāti? Akusalā, bhante. Sāvajjā vā anavajjā vāti? Sāvajjā, bhante. Viññugarahitā vā viññuppasatthā vāti? Viññugarahitā, bhante. Samattā samādinnā ahitāya dukkhāya saṃvattanti no vā, kathaṃ vo ettha hotīti? Samattā, bhante, samādinnā ahitāya dukkhāya saṃvattanti, evaṃ no ettha hotī’’ti evamādīsu (a. ni. 3.66) avadhāraṇe. Idha pana ākāranidassanāvadhāraṇesu daṭṭhabbo.

    д̇ад̇т̇а аагаарад̇т̇зна звам̣-сад̣̇д̣̇зна зд̇амад̇т̇ам̣ д̣̇ийбзд̇и – наанаанаяанибун̣аманзгаж̇жхаасаяасамудтаанам̣ ад̇т̇аб̣яан̃ж̇анасамбаннам̣ вивид̇хабаадихаарияам̣ д̇хаммад̇т̇ад̣̇зсанаабадивзд̇хаг̇амбхийрам̣ саб̣б̣асад̇д̇аанам̣ сагасагабхаасаануруубад̇о сод̇абат̇амааг̇ажчанд̇ам̣ д̇асса бхаг̇авад̇о важанам̣ саб̣б̣аббагаарзна го самад̇т̇о вин̃н̃аад̇ум̣, саб̣б̣ат̇аамзна бана сод̇угаамад̇ам̣ ж̇анзд̇вааби звам̣ мз суд̇ам̣, маяааби згзнаагаарзна суд̇анд̇и.

    Tattha ākāratthena evaṃ-saddena etamatthaṃ dīpeti – nānānayanipuṇamanekajjhāsayasamuṭṭhānaṃ atthabyañjanasampannaṃ vividhapāṭihāriyaṃ dhammatthadesanāpaṭivedhagambhīraṃ sabbasattānaṃ sakasakabhāsānurūpato sotapathamāgacchantaṃ tassa bhagavato vacanaṃ sabbappakārena ko samattho viññātuṃ, sabbathāmena pana sotukāmataṃ janetvāpi evaṃ me sutaṃ, mayāpi ekenākārena sutanti.

    нид̣̇ассанад̇т̇зна ‘‘наахам̣ саяамбхуу, на маяаа ид̣̇ам̣ сажчигад̇а’’нд̇и ад̇д̇аанам̣ бариможзнд̇о ‘‘звам̣ мз суд̇ам̣, маяааби звам̣ суд̇а’’нд̇и ид̣̇аани вад̇д̇аб̣б̣ам̣ сагаласуд̇д̇ам̣ нид̣̇ассзд̇и.

    Nidassanatthena ‘‘nāhaṃ sayambhū, na mayā idaṃ sacchikata’’nti attānaṃ parimocento ‘‘evaṃ me sutaṃ, mayāpi evaṃ suta’’nti idāni vattabbaṃ sakalasuttaṃ nidasseti.

    авад̇хааран̣ад̇т̇зна ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ б̣ахуссуд̇аанам̣ яад̣̇ид̣̇ам̣ аананд̣̇о, г̇ад̇иманд̇аанам̣, сад̇иманд̇аанам̣, д̇хид̇иманд̇аанам̣, убадтаагаанам̣ яад̣̇ид̣̇ам̣ аананд̣̇о’’д̇и (а. ни. 1.219-223) звам̣ бхаг̇авад̇аа басад̇т̇абхааваануруубам̣ ад̇д̇ано д̇хааран̣аб̣алам̣ д̣̇ассзнд̇о сад̇д̇аанам̣ сод̇угамяад̇ам̣ ж̇анзд̇и ‘‘звам̣ мз суд̇ам̣, д̇ан̃жа ко ад̇т̇ад̇о ваа б̣яан̃ж̇анад̇о ваа ануунаманад̇хигам̣, звамзва, на ан̃н̃ат̇аа д̣̇адтаб̣б̣а’’нд̇и.

    Avadhāraṇatthena ‘‘etadaggaṃ, bhikkhave, mama sāvakānaṃ bhikkhūnaṃ bahussutānaṃ yadidaṃ ānando, gatimantānaṃ, satimantānaṃ, dhitimantānaṃ, upaṭṭhākānaṃ yadidaṃ ānando’’ti (a. ni. 1.219-223) evaṃ bhagavatā pasatthabhāvānurūpaṃ attano dhāraṇabalaṃ dassento sattānaṃ sotukamyataṃ janeti ‘‘evaṃ me sutaṃ, tañca kho atthato vā byañjanato vā anūnamanadhikaṃ, evameva, na aññathā daṭṭhabba’’nti.

    мз-сад̣̇д̣̇о д̇ийсу ад̇т̇зсу д̣̇иссад̇и. д̇ат̇аа хисса ‘‘г̇аат̇аабхиг̇ийд̇ам̣ мз абхож̇анзяяа’’нд̇и звамаад̣̇ийсу (су. ни. 81) маяаад̇и ад̇т̇о. ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇уу’’д̇и звамаад̣̇ийсу (сам̣. ни. 4.88) маяханд̇и ад̇т̇о. ‘‘д̇хаммад̣̇ааяаад̣̇аа мз, бхигкавз, бхават̇аа’’д̇и звамаад̣̇ийсу (ма. ни. 1.29) мамаад̇и ад̇т̇о. ид̇ха бана ‘‘маяаа суд̇а’’нд̇и жа ‘‘мама суд̇а’’нд̇и жа ад̇т̇ад̣̇ваяз яуж̇ж̇ад̇и.

    Me-saddo tīsu atthesu dissati. Tathā hissa ‘‘gāthābhigītaṃ me abhojaneyya’’nti evamādīsu (su. ni. 81) mayāti attho. ‘‘Sādhu me, bhante, bhagavā saṃkhittena dhammaṃ desetū’’ti evamādīsu (saṃ. ni. 4.88) mayhanti attho. ‘‘Dhammadāyādā me, bhikkhave, bhavathā’’ti evamādīsu (ma. ni. 1.29) mamāti attho. Idha pana ‘‘mayā suta’’nti ca ‘‘mama suta’’nti ca atthadvaye yujjati.

    суд̇анд̇и аяам̣ суд̇асад̣̇д̣̇о саубасаг̇г̇о анубасаг̇г̇о жа г̇аманакяаад̇арааг̇аабхибхууд̇уубажид̇аануяог̇асод̇авин̃н̃зяяасод̇ад̣̇вааравин̃н̃аад̇аад̣̇ианзгад̇т̇аббабхзд̣̇о. д̇ат̇аа хисса ‘‘сзнааяа басуд̇о’’д̇и звамаад̣̇ийсу г̇ажчанд̇од̇и ад̇т̇о. ‘‘суд̇ад̇хаммасса бассад̇о’’д̇и звамаад̣̇ийсу кяаад̇ад̇хаммассаад̇и ад̇т̇о. ‘‘авассуд̇аа авассуд̇ассаа’’д̇и звамаад̣̇ийсу (баажи. 657) рааг̇аабхибхууд̇аа рааг̇аабхибхууд̇ассаад̇и ад̇т̇о. ‘‘д̇умхзхи бун̃н̃ам̣ басуд̇ам̣ анаббага’’нд̇и звамаад̣̇ийсу (ку. баа. 7.12) убажид̇анд̇и ад̇т̇о. ‘‘яз жхаанаббасуд̇аа д̇хийраа’’д̇и звамаад̣̇ийсу (д̇ха. ба. 181) жхаанаануяуд̇д̇аад̇и ад̇т̇о. ‘‘д̣̇идтам̣ суд̇ам̣ муд̇а’’нд̇и звамаад̣̇ийсу (ма. ни. 1.241) сод̇авин̃н̃зяяанд̇и ад̇т̇о. ‘‘суд̇ад̇харо суд̇асаннижаяо’’д̇и звамаад̣̇ийсу (ма. ни. 1.339) сод̇ад̣̇ваараанусааравин̃н̃аад̇ад̇харод̇и ад̇т̇о. ид̇ха бана суд̇анд̇и сод̇авин̃н̃аан̣абуб̣б̣ан̇г̇амааяа вин̃н̃аан̣авийт̇ияаа убад̇хаарид̇анд̇и ваа убад̇хааран̣анд̇и ваад̇и ад̇т̇о. д̇ад̇т̇а яад̣̇аа мз-сад̣̇д̣̇асса маяаад̇и ад̇т̇о, д̇ад̣̇аа ‘‘звам̣ маяаа суд̇ам̣, сод̇авин̃н̃аан̣абуб̣б̣ан̇г̇амааяа вин̃н̃аан̣авийт̇ияаа убад̇хаарид̇а’’нд̇и яуж̇ж̇ад̇и. яад̣̇аа мз-сад̣̇д̣̇асса мамаад̇и ад̇т̇о, д̇ад̣̇аа ‘‘звам̣ мама суд̇ам̣ сод̇авин̃н̃аан̣абуб̣б̣ан̇г̇амааяа вин̃н̃аан̣авийт̇ияаа убад̇хааран̣а’’нд̇и яуж̇ж̇ад̇и.

    Sutanti ayaṃ sutasaddo saupasaggo anupasaggo ca gamanakhyātarāgābhibhūtūpacitānuyogasotaviññeyyasotadvāraviññātādianekatthappabhedo. Tathā hissa ‘‘senāya pasuto’’ti evamādīsu gacchantoti attho. ‘‘Sutadhammassa passato’’ti evamādīsu khyātadhammassāti attho. ‘‘Avassutā avassutassā’’ti evamādīsu (pāci. 657) rāgābhibhūtā rāgābhibhūtassāti attho. ‘‘Tumhehi puññaṃ pasutaṃ anappaka’’nti evamādīsu (khu. pā. 7.12) upacitanti attho. ‘‘Ye jhānappasutā dhīrā’’ti evamādīsu (dha. pa. 181) jhānānuyuttāti attho. ‘‘Diṭṭhaṃ sutaṃ muta’’nti evamādīsu (ma. ni. 1.241) sotaviññeyyanti attho. ‘‘Sutadharo sutasannicayo’’ti evamādīsu (ma. ni. 1.339) sotadvārānusāraviññātadharoti attho. Idha pana sutanti sotaviññāṇapubbaṅgamāya viññāṇavīthiyā upadhāritanti vā upadhāraṇanti vāti attho. Tattha yadā me-saddassa mayāti attho, tadā ‘‘evaṃ mayā sutaṃ, sotaviññāṇapubbaṅgamāya viññāṇavīthiyā upadhārita’’nti yujjati. Yadā me-saddassa mamāti attho, tadā ‘‘evaṃ mama sutaṃ sotaviññāṇapubbaṅgamāya viññāṇavīthiyā upadhāraṇa’’nti yujjati.

    звамзд̇зсу д̇ийсу бад̣̇зсу званд̇и сод̇авин̃н̃аан̣агижжанид̣̇ассанам̣. мзд̇и вуд̇д̇авин̃н̃аан̣асаман̇г̇ийбуг̇г̇аланид̣̇ассанам̣. суд̇анд̇и ассаванабхааваббадигкзбад̇о ануунаанад̇хигаавибарийд̇аг̇г̇ахан̣анид̣̇ассанам̣. д̇ат̇аа званд̇и саванаад̣̇ижид̇д̇аанам̣ наанаббагаарзна аарамман̣з бавад̇д̇абхааванид̣̇ассанам̣. мзд̇и ад̇д̇анид̣̇ассанам̣. суд̇анд̇и д̇хамманид̣̇ассанам̣.

    Evametesu tīsu padesu evanti sotaviññāṇakiccanidassanaṃ. Meti vuttaviññāṇasamaṅgīpuggalanidassanaṃ. Sutanti assavanabhāvappaṭikkhepato anūnānadhikāviparītaggahaṇanidassanaṃ. Tathā evanti savanādicittānaṃ nānappakārena ārammaṇe pavattabhāvanidassanaṃ. Meti attanidassanaṃ. Sutanti dhammanidassanaṃ.

    д̇ат̇аа званд̇и нид̣̇д̣̇исид̇аб̣б̣ад̇хамманид̣̇ассанам̣. мзд̇и буг̇г̇аланид̣̇ассанам̣. суд̇анд̇и буг̇г̇алагижжанид̣̇ассанам̣.

    Tathā evanti niddisitabbadhammanidassanaṃ. Meti puggalanidassanaṃ. Sutanti puggalakiccanidassanaṃ.

    д̇ат̇аа званд̇и вийт̇ижид̇д̇аанам̣ аагаарабан̃н̃ад̇д̇ивасзна наанаббагааранид̣̇д̣̇зсо. мзд̇и гад̇д̇ааранид̣̇д̣̇зсо. суд̇анд̇и висаяанид̣̇д̣̇зсо.

    Tathā evanti vīthicittānaṃ ākārapaññattivasena nānappakāraniddeso. Meti kattāraniddeso. Sutanti visayaniddeso.

    д̇ат̇аа званд̇и буг̇г̇алагижжанид̣̇д̣̇зсо. суд̇анд̇и вин̃н̃аан̣агижжанид̣̇д̣̇зсо. мзд̇и убхаяагижжаяуд̇д̇абуг̇г̇аланид̣̇д̣̇зсо.

    Tathā evanti puggalakiccaniddeso. Sutanti viññāṇakiccaniddeso. Meti ubhayakiccayuttapuggalaniddeso.

    д̇ат̇аа званд̇и бхааванид̣̇д̣̇зсо. мзд̇и буг̇г̇аланид̣̇д̣̇зсо. суд̇анд̇и д̇асса гижжанид̣̇д̣̇зсо.

    Tathā evanti bhāvaniddeso. Meti puggalaniddeso. Sutanti tassa kiccaniddeso.

    д̇ад̇т̇а званд̇и жа мзд̇и жа сажчигадтабарамад̇т̇авасзна авиж̇ж̇амаанабан̃н̃ад̇д̇и. суд̇анд̇и виж̇ж̇амаанабан̃н̃ад̇д̇и. д̇ат̇аа званд̇и жа мзд̇и жа д̇ам̣ д̇ам̣ убаад̣̇ааяа вад̇д̇аб̣б̣ад̇о убаад̣̇аабан̃н̃ад̇д̇и. суд̇анд̇и д̣̇идтаад̣̇ийни убанид̇хааяа вад̇д̇аб̣б̣ад̇о убанид̇хаабан̃н̃ад̇д̇и .

    Tattha evanti ca meti ca sacchikaṭṭhaparamatthavasena avijjamānapaññatti. Sutanti vijjamānapaññatti. Tathā evanti ca meti ca taṃ taṃ upādāya vattabbato upādāpaññatti. Sutanti diṭṭhādīni upanidhāya vattabbato upanidhāpaññatti .

    зд̇т̇а жа званд̇и важанзна асаммохам̣ д̣̇ийбзд̇и, суд̇анд̇и важанзна суд̇асса асаммосам̣. д̇ат̇аа званд̇и важанзна яонисоманасигаарам̣ д̣̇ийбзд̇и аяонисо манасигарод̇о наанаббагаараббадивзд̇хаабхаавад̇о. суд̇анд̇и важанзна авигкзбам̣ д̣̇ийбзд̇и вигкид̇д̇ажид̇д̇асса саванаабхаавад̇о. д̇ат̇аа хи вигкид̇д̇ажид̇д̇о буг̇г̇ало саб̣б̣асамбад̇д̇ияаа вужжамааноби ‘‘на маяаа суд̇ам̣, буна бхан̣ат̇аа’’д̇и бхан̣ад̇и. яонисоманасигаарзна жзд̇т̇а ад̇д̇асаммаабан̣ид̇хим̣ буб̣б̣з гад̇абун̃н̃ад̇ан̃жа саад̇хзд̇и, авигкзбзна сад̣̇д̇хаммассаванам̣ саббурисуубаниссаяан̃жа. званд̇и жа иминаа бхад̣̇д̣̇агзна аагаарзна бажчимажаггад̣̇ваяасамбад̇д̇им̣ ад̇д̇ано д̣̇ийбзд̇и, суд̇анд̇и саванаяог̇зна буримажаггад̣̇ваяасамбад̇д̇им̣. д̇ат̇аа аасаяасуд̣̇д̇хим̣ баяог̇асуд̣̇д̇хин̃жа, д̇ааяа жа аасаяасуд̣̇д̇хияаа ад̇хиг̇амаб̣яад̇д̇им̣, баяог̇асуд̣̇д̇хияаа ааг̇амаб̣яад̇д̇им̣.

    Ettha ca evanti vacanena asammohaṃ dīpeti, sutanti vacanena sutassa asammosaṃ. Tathā evanti vacanena yonisomanasikāraṃ dīpeti ayoniso manasikaroto nānappakārappaṭivedhābhāvato. Sutanti vacanena avikkhepaṃ dīpeti vikkhittacittassa savanābhāvato. Tathā hi vikkhittacitto puggalo sabbasampattiyā vuccamānopi ‘‘na mayā sutaṃ, puna bhaṇathā’’ti bhaṇati. Yonisomanasikārena cettha attasammāpaṇidhiṃ pubbe katapuññatañca sādheti, avikkhepena saddhammassavanaṃ sappurisūpanissayañca. Evanti ca iminā bhaddakena ākārena pacchimacakkadvayasampattiṃ attano dīpeti, sutanti savanayogena purimacakkadvayasampattiṃ. Tathā āsayasuddhiṃ payogasuddhiñca, tāya ca āsayasuddhiyā adhigamabyattiṃ, payogasuddhiyā āgamabyattiṃ.

    званд̇и жа иминаа наанаббагаарабадивзд̇хад̣̇ийбагзна важанзна ад̇д̇ано ад̇т̇абадибхаанабадисамбхид̣̇аасамбад̣̇ам̣ д̣̇ийбзд̇и. суд̇анд̇и иминаа сод̇аб̣б̣абхзд̣̇абадивзд̇хад̣̇ийбагзна д̇хамманируд̇д̇ибадисамбхид̣̇аасамбад̣̇ам̣ д̣̇ийбзд̇и. званд̇и жа ид̣̇ам̣ яонисоманасигаарад̣̇ийбагам̣ важанам̣ бхан̣анд̇о ‘‘зд̇з маяаа д̇хаммаа манасаанубзгкид̇аа д̣̇идтияаа суббадивид̣̇д̇хаа’’д̇и н̃аабзд̇и. суд̇анд̇и ид̣̇ам̣ саванаяог̇ад̣̇ийбагаважанам̣ бхан̣анд̇о ‘‘б̣ахуу маяаа д̇хаммаа суд̇аа д̇хаад̇аа важасаа барижид̇аа’’д̇и н̃аабзд̇и. д̇ад̣̇убхаязнаби ад̇т̇аб̣яан̃ж̇анабаарибуурим̣ д̣̇ийбзнд̇о саванз аад̣̇арам̣ ж̇анзд̇и.

    Evanti ca iminā nānappakārapaṭivedhadīpakena vacanena attano atthapaṭibhānapaṭisambhidāsampadaṃ dīpeti. Sutanti iminā sotabbabhedapaṭivedhadīpakena dhammaniruttipaṭisambhidāsampadaṃ dīpeti. Evanti ca idaṃ yonisomanasikāradīpakaṃ vacanaṃ bhaṇanto ‘‘ete mayā dhammā manasānupekkhitā diṭṭhiyā suppaṭividdhā’’ti ñāpeti. Sutanti idaṃ savanayogadīpakavacanaṃ bhaṇanto ‘‘bahū mayā dhammā sutā dhātā vacasā paricitā’’ti ñāpeti. Tadubhayenapi atthabyañjanapāripūriṃ dīpento savane ādaraṃ janeti.

    звам̣ мз суд̇анд̇и иминаа бана сагалзнаби важанзна ааяасмаа аананд̣̇о д̇ат̇ааг̇ад̇аббавзд̣̇ид̇ам̣ д̇хаммам̣ ад̇д̇ано ад̣̇аханд̇о асаббурисабхуумим̣, ад̇иггамад̇и, саавагад̇д̇ам̣ бадиж̇аананд̇о саббурисабхуумим̣ оггамад̇и. д̇ат̇аа асад̣̇д̇хаммаа жид̇д̇ам̣ вудтаабзд̇и, сад̣̇д̇хаммз жид̇д̇ам̣ бад̇идтаабзд̇и. ‘‘гзвалам̣ суд̇амзвзд̇ам̣ маяаа, д̇ассзва д̇у бхаг̇авад̇о важанам̣ арахад̇о саммаасамб̣уд̣̇д̇хассаа’’д̇и жа д̣̇ийбзнд̇о ад̇д̇аанам̣ бариможзд̇и, сад̇т̇аарам̣ абад̣̇исад̇и, ж̇инаважанам̣ аббзд̇и, д̇хамманзд̇д̇им̣ бад̇идтаабзд̇и.

    Evaṃ me sutanti iminā pana sakalenapi vacanena āyasmā ānando tathāgatappaveditaṃ dhammaṃ attano adahanto asappurisabhūmiṃ, atikkamati, sāvakattaṃ paṭijānanto sappurisabhūmiṃ okkamati. Tathā asaddhammā cittaṃ vuṭṭhāpeti, saddhamme cittaṃ patiṭṭhāpeti. ‘‘Kevalaṃ sutamevetaṃ mayā, tasseva tu bhagavato vacanaṃ arahato sammāsambuddhassā’’ti ca dīpento attānaṃ parimoceti, satthāraṃ apadisati, jinavacanaṃ appeti, dhammanettiṃ patiṭṭhāpeti.

    абижа ‘‘звам̣ мз суд̇а’’нд̇и ад̇д̇анаа уббаад̣̇ид̇абхаавам̣ аббадиж̇аананд̇о буримассаванам̣ виваранд̇о ‘‘саммукаа бадиг̇г̇ахид̇амид̣̇ам̣ маяаа д̇асса бхаг̇авад̇о жад̇увзсаараж̇ж̇ависаарад̣̇асса д̣̇асаб̣алад̇харасса аасабхадтаанадтааяино сийханаад̣̇анаад̣̇ино саб̣б̣асад̇д̇уд̇д̇амасса д̇хаммиссарасса д̇хаммарааж̇асса д̇хаммаад̇хибад̇ино д̇хаммад̣̇ийбасса д̇хаммаббадисаран̣асса сад̣̇д̇хаммаваражаггавад̇д̇ино саммаасамб̣уд̣̇д̇хасса. на зд̇т̇а ад̇т̇з ваа д̇хаммз ваа бад̣̇з ваа б̣яан̃ж̇анз ваа ган̇каа ваа вимад̇и ваа гаад̇аб̣б̣аа’’д̇и саб̣б̣ад̣̇звамануссаанам̣ имасмим̣ д̇хаммз ассад̣̇д̇хияам̣ винаасзд̇и, сад̣̇д̇хаасамбад̣̇ам̣ уббаад̣̇зд̇ийд̇и взд̣̇ид̇аб̣б̣о. ход̇и жзд̇т̇а –

    Apica ‘‘evaṃ me suta’’nti attanā uppāditabhāvaṃ appaṭijānanto purimassavanaṃ vivaranto ‘‘sammukhā paṭiggahitamidaṃ mayā tassa bhagavato catuvesārajjavisāradassa dasabaladharassa āsabhaṭṭhānaṭṭhāyino sīhanādanādino sabbasattuttamassa dhammissarassa dhammarājassa dhammādhipatino dhammadīpassa dhammappaṭisaraṇassa saddhammavaracakkavattino sammāsambuddhassa. Na ettha atthe vā dhamme vā pade vā byañjane vā kaṅkhā vā vimati vā kātabbā’’ti sabbadevamanussānaṃ imasmiṃ dhamme assaddhiyaṃ vināseti, saddhāsampadaṃ uppādetīti veditabbo. Hoti cettha –

    ‘‘винаасаяад̇и ассад̣̇д̇хам̣, сад̣̇д̇хам̣ вад̣дхзд̇и саасанз;

    ‘‘Vināsayati assaddhaṃ, saddhaṃ vaḍḍheti sāsane;

    звам̣ мз суд̇амижжзвам̣, вад̣̇ам̣ г̇од̇амасааваго’’д̇и.

    Evaṃ me sutamiccevaṃ, vadaṃ gotamasāvako’’ti.

    зганд̇и г̇ан̣анабарижчзд̣̇анид̣̇д̣̇зсо. самаяанд̇и барижчиннанид̣̇д̣̇зсо. згам̣ самаяанд̇и анияамид̇абарид̣̇ийбанам̣. д̇ад̇т̇а самаяасад̣̇д̣̇о –

    Ekanti gaṇanaparicchedaniddeso. Samayanti paricchinnaniddeso. Ekaṃ samayanti aniyamitaparidīpanaṃ. Tattha samayasaddo –

    самавааяз кан̣з гаалз, самуухз хзд̇уд̣̇идтису;

    Samavāye khaṇe kāle, samūhe hetudiṭṭhisu;

    бадилаабхз бахаанз жа, бадивзд̇хз жа д̣̇иссад̇и.

    Paṭilābhe pahāne ca, paṭivedhe ca dissati.

    д̇ат̇аа хисса ‘‘аббзва наама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и звамаад̣̇ийсу (д̣̇ий. ни. 1.447) самавааяо ад̇т̇о. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇и звамаад̣̇ийсу (а. ни. 8.29) кан̣о. ‘‘ун̣хасамаяо барил̣аахасамаяо’’д̇и звамаад̣̇ийсу (баажи. 358) гаало. ‘‘махаасамаяо баванасми’’нд̇и звамаад̣̇ийсу самуухо. ‘‘самаяоби ко д̇з, бхад̣̇д̣̇аали, аббадивид̣̇д̇хо ахоси, бхаг̇аваа ко саавад̇т̇ияам̣ вихарад̇и, соби мам̣ ж̇ааниссад̇и, ‘бхад̣̇д̣̇аали, наама бхигку сад̇т̇усаасанз сигкааяа абарибуурагаарий’д̇и, аяамби ко д̇з бхад̣̇д̣̇аали самаяо аббадивид̣̇д̇хо ахосий’’д̇и звамаад̣̇ийсу (ма. ни. 2.135) хзд̇у. ‘‘д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇ий’’д̇и звамаад̣̇ийсу (ма. ни. 2.260) д̣̇идти.

    Tathā hissa ‘‘appeva nāma svepi upasaṅkameyyāma kālañca samayañca upādāyā’’ti evamādīsu (dī. ni. 1.447) samavāyo attho. ‘‘Ekova kho, bhikkhave, khaṇo ca samayo ca brahmacariyavāsāyā’’ti evamādīsu (a. ni. 8.29) khaṇo. ‘‘Uṇhasamayo pariḷāhasamayo’’ti evamādīsu (pāci. 358) kālo. ‘‘Mahāsamayo pavanasmi’’nti evamādīsu samūho. ‘‘Samayopi kho te, bhaddāli, appaṭividdho ahosi, bhagavā kho sāvatthiyaṃ viharati, sopi maṃ jānissati, ‘bhaddāli, nāma bhikkhu satthusāsane sikkhāya aparipūrakārī’ti, ayampi kho te bhaddāli samayo appaṭividdho ahosī’’ti evamādīsu (ma. ni. 2.135) hetu. ‘‘Tena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī’’ti evamādīsu (ma. ni. 2.260) diṭṭhi.

    ‘‘д̣̇идтз д̇хаммз жа яо ад̇т̇о, яо жад̇т̇о самбарааяиго;

    ‘‘Diṭṭhe dhamme ca yo attho, yo cattho samparāyiko;

    ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. (сам̣. ни. 1.129) –

    Atthābhisamayā dhīro, paṇḍitoti pavuccatī’’ti. (saṃ. ni. 1.129) –

    звамаад̣̇ийсу бадилаабхо. ‘‘саммаа маанаабхисамаяаа анд̇амагааси д̣̇угкассаа’’д̇и звамаад̣̇ийсу (ма. ни. 1.28) бахаанам̣. ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто абхисамаяадто’’д̇и звамаад̣̇ийсу (бади. ма. 2.8) бадивзд̇хо. ид̇ха банасса гаало ад̇т̇о. д̇зна згам̣ самаяанд̇и сам̣важчарауд̇умаасаад̣дхамаасарад̇д̇ид̣̇ивабуб̣б̣ан̣хамаж̇жханхигасааяанхабатамамаж̇жхима- бажчимаяаамамухуд̇д̇аад̣̇ийсу гаалакязсу самаязсу згам̣ самаяанд̇и д̣̇ийбзд̇и.

    Evamādīsu paṭilābho. ‘‘Sammā mānābhisamayā antamakāsi dukkhassā’’ti evamādīsu (ma. ni. 1.28) pahānaṃ. ‘‘Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho abhisamayaṭṭho’’ti evamādīsu (paṭi. ma. 2.8) paṭivedho. Idha panassa kālo attho. Tena ekaṃ samayanti saṃvaccharautumāsaaḍḍhamāsarattidivapubbaṇhamajjhanhikasāyanhapaṭhamamajjhima- pacchimayāmamuhuttādīsu kālakhyesu samayesu ekaṃ samayanti dīpeti.

    яз ваа имз г̇аб̣бхогганд̇исамаяо ж̇аад̇исамаяо сам̣взг̇асамаяо абхинигкаманасамаяо д̣̇уггарагааригасамаяо мааравиж̇аяасамаяо абхисамб̣од̇хисамаяо д̣̇идтад̇хаммасукавихаарасамаяо д̣̇зсанаасамаяо бариниб̣б̣аанасамаяод̇и звамаад̣̇аяо бхаг̇авад̇о д̣̇звамануссзсу ад̇ивияа багаасаа анзгагаалакяаа зва самаяаа. д̇зсу самаязсу д̣̇зсанаасамаяасан̇каад̇ам̣ згам̣ самаяанд̇и вуд̇д̇ам̣ ход̇и. яо жааяам̣ н̃аан̣агарун̣аагижжасамаязсу гарун̣аагижжасамаяо, ад̇д̇ахид̇абарахид̇аббадибад̇д̇исамаязсу барахид̇аббадибад̇д̇исамаяо, саннибад̇ид̇аанам̣ гаран̣ийяад̣̇ваяасамаязсу д̇хаммийгат̇аасамаяо, д̣̇зсанаабадибад̇д̇исамаязсу д̣̇зсанаасамаяо, д̇зсуби самаязсу яам̣ гин̃жи санд̇хааяа ‘‘згам̣ самаяа’’нд̇и вуд̇д̇ам̣ ход̇и.

    Ye vā ime gabbhokkantisamayo jātisamayo saṃvegasamayo abhinikkhamanasamayo dukkarakārikasamayo māravijayasamayo abhisambodhisamayo diṭṭhadhammasukhavihārasamayo desanāsamayo parinibbānasamayoti evamādayo bhagavato devamanussesu ativiya pakāsā anekakālakhyā eva samayā. Tesu samayesu desanāsamayasaṅkhātaṃ ekaṃ samayanti vuttaṃ hoti. Yo cāyaṃ ñāṇakaruṇākiccasamayesu karuṇākiccasamayo, attahitaparahitappaṭipattisamayesu parahitappaṭipattisamayo, sannipatitānaṃ karaṇīyadvayasamayesu dhammīkathāsamayo, desanāpaṭipattisamayesu desanāsamayo, tesupi samayesu yaṃ kiñci sandhāya ‘‘ekaṃ samaya’’nti vuttaṃ hoti.

    зд̇т̇ааха – ат̇а гасмаа яат̇аа абхид̇хаммз ‘‘яасмим̣ самаяз гаамааважара’’нд̇и жа ид̇о ан̃н̃зсу суд̇д̇абад̣̇зсу ‘‘яасмим̣ самаяз, бхигкавз, бхигку вивижжзва гаамзхий’’д̇и жа бхуммаважанзна нид̣̇д̣̇зсо гад̇о, винаяз жа ‘‘д̇зна самаязна б̣уд̣̇д̇хо бхаг̇аваа’’д̇и гаран̣аважанзна, д̇ат̇аа агад̇ваа ид̇ха ‘‘згам̣ самаяа’’нд̇и убаяог̇аважананид̣̇д̣̇зсо гад̇од̇и. д̇ад̇т̇а д̇ат̇аа, ид̇ха жа ан̃н̃ат̇аа ад̇т̇асамбхавад̇о. д̇ад̇т̇а хи абхид̇хаммз ид̇о ан̃н̃зсу суд̇д̇абад̣̇зсу жа ад̇хигаран̣ад̇т̇о бхаавзнабхаавалагкан̣ад̇т̇о жа самбхавад̇и. ад̇хигаран̣ан̃хи гаалад̇т̇о самуухад̇т̇о жа самаяо, д̇ад̇т̇а вуд̇д̇аанам̣ пассаад̣̇ид̇хаммаанам̣ кан̣асамавааяахзд̇усан̇каад̇асса жа самаяасса бхаавзна д̇зсам̣ бхааво лагкийяад̇и, д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а бхуммаважананид̣̇д̣̇зсо гад̇о.

    Etthāha – atha kasmā yathā abhidhamme ‘‘yasmiṃ samaye kāmāvacara’’nti ca ito aññesu suttapadesu ‘‘yasmiṃ samaye, bhikkhave, bhikkhu vivicceva kāmehī’’ti ca bhummavacanena niddeso kato, vinaye ca ‘‘tena samayena buddho bhagavā’’ti karaṇavacanena, tathā akatvā idha ‘‘ekaṃ samaya’’nti upayogavacananiddeso katoti. Tattha tathā, idha ca aññathā atthasambhavato. Tattha hi abhidhamme ito aññesu suttapadesu ca adhikaraṇattho bhāvenabhāvalakkhaṇattho ca sambhavati. Adhikaraṇañhi kālattho samūhattho ca samayo, tattha vuttānaṃ phassādidhammānaṃ khaṇasamavāyahetusaṅkhātassa ca samayassa bhāvena tesaṃ bhāvo lakkhīyati, tasmā tadatthajotanatthaṃ tattha bhummavacananiddeso kato.

    винаяз жа хзд̇вад̇т̇о гаран̣ад̇т̇о жа самбхавад̇и. яо хи со сигкаабад̣̇абан̃н̃ад̇д̇исамаяо саарибуд̇д̇аад̣̇ийхиби д̣̇уб̣б̣ин̃н̃зяяо, д̇зна самаязна хзд̇убхууд̇зна гаран̣абхууд̇зна жа сигкаабад̣̇аани бан̃н̃абзнд̇о сигкаабад̣̇абан̃н̃ад̇д̇ихзд̇ун̃жа абзгкамаано бхаг̇аваа д̇ад̇т̇а д̇ад̇т̇а вихааси, д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а гаран̣аважананид̣̇д̣̇зсо гад̇о.

    Vinaye ca hetvattho karaṇattho ca sambhavati. Yo hi so sikkhāpadapaññattisamayo sāriputtādīhipi dubbiññeyyo, tena samayena hetubhūtena karaṇabhūtena ca sikkhāpadāni paññapento sikkhāpadapaññattihetuñca apekkhamāno bhagavā tattha tattha vihāsi, tasmā tadatthajotanatthaṃ tattha karaṇavacananiddeso kato.

    ид̇ха бана ан̃н̃асмин̃жа звам̣ж̇аад̇игз суд̇д̇анд̇абаатз ажжанд̇асам̣яог̇ад̇т̇о самбхавад̇и. яан̃хи самаяам̣ бхаг̇аваа имам̣ ан̃н̃ам̣ ваа суд̇д̇анд̇ам̣ д̣̇зсзси, ажжанд̇амзва д̇ам̣ самаяам̣ гарун̣аавихаарзна вихааси. д̇асмаа д̇ад̣̇ад̇т̇аж̇од̇анад̇т̇ам̣ ид̇ха убаяог̇аважананид̣̇д̣̇зсо гад̇од̇и вин̃н̃зяяо. ход̇и жзд̇т̇а –

    Idha pana aññasmiñca evaṃjātike suttantapāṭhe accantasaṃyogattho sambhavati. Yañhi samayaṃ bhagavā imaṃ aññaṃ vā suttantaṃ desesi, accantameva taṃ samayaṃ karuṇāvihārena vihāsi. Tasmā tadatthajotanatthaṃ idha upayogavacananiddeso katoti viññeyyo. Hoti cettha –

    ‘‘д̇ам̣ д̇ам̣ ад̇т̇амабзгкид̇ваа, бхуммзна гаран̣зна жа;

    ‘‘Taṃ taṃ atthamapekkhitvā, bhummena karaṇena ca;

    ан̃н̃ад̇ра самаяо вуд̇д̇о, убаяог̇зна со ид̇хаа’’д̇и.

    Aññatra samayo vutto, upayogena so idhā’’ti.

    бхаг̇аваад̇и г̇ун̣ависидтасад̇д̇уд̇д̇амаг̇аруг̇аараваад̇хиважанамзд̇ам̣. яат̇ааха –

    Bhagavāti guṇavisiṭṭhasattuttamagarugāravādhivacanametaṃ. Yathāha –

    ‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;

    ‘‘Bhagavāti vacanaṃ seṭṭhaṃ, bhagavāti vacanamuttamaṃ;

    г̇ару г̇аараваяуд̇д̇о со, бхаг̇аваа д̇зна вужжад̇ий’’д̇и.

    Garu gāravayutto so, bhagavā tena vuccatī’’ti.

    жад̇уб̣б̣ид̇хан̃хи наамам̣ аавад̇т̇игам̣, лин̇г̇игам̣, нзмид̇д̇агам̣, ад̇хижжасамуббаннанд̇и. ад̇хижжасамуббаннам̣ наама ‘‘яад̣̇ижчага’’нд̇и вуд̇д̇ам̣ ход̇и. д̇ад̇т̇а важчо д̣̇аммо б̣алиб̣ад̣̇д̇ход̇и звамаад̣̇и аавад̇т̇игам̣, д̣̇ан̣д̣ий чад̇д̇ий сикий гарийд̇и звамаад̣̇и лин̇г̇игам̣, д̇звиж̇ж̇о чал̣абхин̃н̃од̇и звамаад̣̇и нзмид̇д̇агам̣, сиривад̣дхаго д̇ханавад̣дхагод̇и звамаад̣̇и важанад̇т̇аманабзгкид̇ваа бавад̇д̇ам̣ ад̇хижжасамуббаннам̣. ид̣̇ам̣ бана бхаг̇аваад̇и наамам̣ г̇ун̣анзмид̇д̇агам̣, на махаамааяааяа, на суд̣̇д̇ход̣̇анамахаарааж̇зна, на асийд̇ияаа н̃аад̇исахассзхи гад̇ам̣, на саггасанд̇усид̇аад̣̇ийхи д̣̇звад̇аависзсзхи гад̇ам̣. яат̇ааха ааяасмаа саарибуд̇д̇ад̇т̇зро ‘‘бхаг̇аваад̇и нзд̇ам̣ наамам̣ маад̇араа гад̇ам̣…бз… сажчигаа бан̃н̃ад̇д̇и яад̣̇ид̣̇ам̣ бхаг̇аваа’’д̇и (махаани. 84).

    Catubbidhañhi nāmaṃ āvatthikaṃ, liṅgikaṃ, nemittakaṃ, adhiccasamuppannanti. Adhiccasamuppannaṃ nāma ‘‘yadicchaka’’nti vuttaṃ hoti. Tattha vaccho dammo balibaddhoti evamādi āvatthikaṃ, daṇḍī chattī sikhī karīti evamādi liṅgikaṃ, tevijjo chaḷabhiññoti evamādi nemittakaṃ, sirivaḍḍhako dhanavaḍḍhakoti evamādi vacanatthamanapekkhitvā pavattaṃ adhiccasamuppannaṃ. Idaṃ pana bhagavāti nāmaṃ guṇanemittakaṃ, na mahāmāyāya, na suddhodanamahārājena, na asītiyā ñātisahassehi kataṃ, na sakkasantusitādīhi devatāvisesehi kataṃ. Yathāha āyasmā sāriputtatthero ‘‘bhagavāti netaṃ nāmaṃ mātarā kataṃ…pe… sacchikā paññatti yadidaṃ bhagavā’’ti (mahāni. 84).

    яам̣ г̇ун̣анзмид̇д̇аган̃жзд̇ам̣ наамам̣, д̇зсам̣ г̇ун̣аанам̣ багаасанад̇т̇ам̣ имам̣ г̇аат̇ам̣ вад̣̇анд̇и –

    Yaṃ guṇanemittakañcetaṃ nāmaṃ, tesaṃ guṇānaṃ pakāsanatthaṃ imaṃ gāthaṃ vadanti –

    ‘‘бхаг̇ий бхаж̇ий бхааг̇ий вибхад̇д̇аваа ид̇и,

    ‘‘Bhagī bhajī bhāgī vibhattavā iti,

    агааси бхаг̇г̇анд̇и г̇арууд̇и бхааг̇яаваа;

    Akāsi bhagganti garūti bhāgyavā;

    б̣ахуухи н̃ааязхи субхаавид̇ад̇д̇ано,

    Bahūhi ñāyehi subhāvitattano,

    бхаванд̇аг̇о со бхаг̇аваад̇и вужжад̇ий’’д̇и.

    Bhavantago so bhagavāti vuccatī’’ti.

    нид̣̇д̣̇зсаад̣̇ийсу (махаани. 84; жуул̣ани. аж̇ид̇амаан̣авабужчаанид̣̇д̣̇зса 2) вуд̇д̇анаязнзва жасса ад̇т̇о д̣̇адтаб̣б̣о.

    Niddesādīsu (mahāni. 84; cūḷani. ajitamāṇavapucchāniddesa 2) vuttanayeneva cassa attho daṭṭhabbo.

    аяам̣ бана абаро барияааяо –

    Ayaṃ pana aparo pariyāyo –

    ‘‘бхааг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;

    ‘‘Bhāgyavā bhaggavā yutto, bhagehi ca vibhattavā;

    бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и.

    Bhattavā vantagamano, bhavesu bhagavā tato’’ti.

    д̇ад̇т̇а ‘‘ван̣н̣ааг̇амо ван̣н̣авибарияааяо’’д̇и звам̣ нируд̇д̇илагкан̣ам̣ г̇ахзд̇ваа сад̣̇д̣̇анаязна ваа бисод̣̇араад̣̇ибагкзбалагкан̣ам̣ г̇ахзд̇ваа яасмаа логияалогуд̇д̇арасукаабхиниб̣б̣ад̇д̇агам̣ д̣̇аанасийлаад̣̇ибаараббад̇д̇ам̣ бхааг̇яамасса ад̇т̇и, д̇асмаа бхааг̇яаваад̇и вад̇д̇аб̣б̣з бхаг̇аваад̇и вужжад̇ийд̇и н̃аад̇аб̣б̣ам̣. яасмаа бана лобхад̣̇осамохавибарийд̇аманасигаараахиригаанод̇д̇аббагод̇хуубанаахамагкабалаа- иссаамажчарияамааяаасаатзяяат̇амбхасаарамбхамаанаад̇имаанамад̣̇абамаад̣̇ад̇ан̣хаавиж̇ж̇аад̇ивид̇хаагусаламуулад̣̇ужжарид̇а- сам̣гилзсамалависамасан̃н̃аавид̇аггабабан̃жажад̇уб̣б̣ид̇хавибариязсааасаваг̇ант̇аогхаяог̇ааг̇ад̇ид̇ан̣хубаад̣̇аана- бан̃жажзд̇окилавиниб̣анд̇ханийваран̣аабхинанд̣̇аначавиваад̣̇амуулад̇ан̣хаагааяасад̇д̇аанусаяа- адтамижчад̇д̇анавад̇ан̣хаамуулагад̣̇асаагусалагаммабат̇ад̣̇ваасадтид̣̇идтиг̇ад̇а- адтасад̇ад̇ан̣хаавижарид̇аббабхзд̣̇асаб̣б̣ад̣̇арат̇абарил̣аахагилзсасад̇асахассаани , сан̇кзбад̇о ваа бан̃жа гилзсагканд̇хаабхисан̇каарамажжуд̣̇звабуд̇д̇амаарз абхан̃ж̇и, д̇асмаа бхаг̇г̇ад̇д̇аа зд̇зсам̣ бариссаяаанам̣ бхаг̇г̇аваад̇и вад̇д̇аб̣б̣з бхаг̇аваад̇и вужжад̇и. ааха жзд̇т̇а –

    Tattha ‘‘vaṇṇāgamo vaṇṇavipariyāyo’’ti evaṃ niruttilakkhaṇaṃ gahetvā saddanayena vā pisodarādipakkhepalakkhaṇaṃ gahetvā yasmā lokiyalokuttarasukhābhinibbattakaṃ dānasīlādipārappattaṃ bhāgyamassa atthi, tasmā bhāgyavāti vattabbe bhagavāti vuccatīti ñātabbaṃ. Yasmā pana lobhadosamohaviparītamanasikāraahirikānottappakodhūpanāhamakkhapalā- issāmacchariyamāyāsāṭheyyathambhasārambhamānātimānamadapamādataṇhāvijjātividhākusalamūladuccarita- saṃkilesamalavisamasaññāvitakkapapañcacatubbidhavipariyesaāsavaganthaoghayogaagatitaṇhupādāna- pañcacetokhilavinibandhanīvaraṇābhinandanachavivādamūlataṇhākāyasattānusaya- aṭṭhamicchattanavataṇhāmūlakadasākusalakammapathadvāsaṭṭhidiṭṭhigata- aṭṭhasatataṇhāvicaritappabhedasabbadarathapariḷāhakilesasatasahassāni , saṅkhepato vā pañca kilesakkhandhaabhisaṅkhāramaccudevaputtamāre abhañji, tasmā bhaggattā etesaṃ parissayānaṃ bhaggavāti vattabbe bhagavāti vuccati. Āha cettha –

    ‘‘бхаг̇г̇арааг̇о бхаг̇г̇ад̣̇осо, бхаг̇г̇амохо анаасаво;

    ‘‘Bhaggarāgo bhaggadoso, bhaggamoho anāsavo;

    бхаг̇г̇аасса баабагаа д̇хаммаа, бхаг̇аваа д̇зна вужжад̇ий’’д̇и.

    Bhaggāssa pāpakā dhammā, bhagavā tena vuccatī’’ti.

    бхааг̇яавад̇ааяа жасса сад̇абун̃н̃алагкан̣ад̇харасса руубагааяасамбад̇д̇и д̣̇ийбид̇аа ход̇и, бхаг̇г̇ад̣̇осад̇ааяа д̇хаммагааяасамбад̇д̇и. д̇ат̇аа логияасаригкагаанам̣ б̣ахумаанабхааво, г̇ахадтабаб̣б̣аж̇ид̇зхи абхиг̇аманийяад̇аа. д̇ат̇аа абхиг̇ад̇аанан̃жа нзсам̣ гааяажид̇д̇ад̣̇угкаабанаяанз бадиб̣алабхааво, аамисад̣̇аанад̇хаммад̣̇аанзхи убагаарид̇аа. логияалогуд̇д̇арасукзхи жа сам̣яож̇анасамад̇т̇ад̇аа д̣̇ийбид̇аа ход̇и.

    Bhāgyavatāya cassa satapuññalakkhaṇadharassa rūpakāyasampatti dīpitā hoti, bhaggadosatāya dhammakāyasampatti. Tathā lokiyasarikkhakānaṃ bahumānabhāvo, gahaṭṭhapabbajitehi abhigamanīyatā. Tathā abhigatānañca nesaṃ kāyacittadukkhāpanayane paṭibalabhāvo, āmisadānadhammadānehi upakāritā. Lokiyalokuttarasukhehi ca saṃyojanasamatthatā dīpitā hoti.

    яасмаа жа логз иссарияад̇хаммаяасасиригаамабаяад̇д̇зсу часу д̇хаммзсу бхаг̇асад̣̇д̣̇о вад̇д̇ад̇и, бараман̃жасса сагажид̇д̇з иссарияам̣, ан̣имаалагхимаад̣̇игам̣ ваа логияасаммад̇ам̣ саб̣б̣аагаарабарибуурам̣ ад̇т̇и, д̇ат̇аа логуд̇д̇аро д̇хаммо, логад̇д̇аяаб̣яаабаго яат̇аабхужжаг̇ун̣аад̇хиг̇ад̇о ад̇ивияа барисуд̣̇д̇хо яасо, руубагааяад̣̇ассанаб̣яаавадаж̇ананаяанаманаббасаад̣̇аж̇ананасамад̇т̇аа саб̣б̣аагаарабарибуураа саб̣б̣ан̇г̇абажжан̇г̇асирий, яам̣ яам̣ анзна ижчид̇ам̣ бад̇т̇ид̇ам̣ ад̇д̇ахид̇ам̣ барахид̇ам̣ ваа, д̇асса д̇асса д̇ат̇зва абхинибпаннад̇д̇аа ижчид̇ад̇т̇анибпад̇д̇исан̃н̃ид̇о гаамо, саб̣б̣алогаг̇арубхааваббад̇д̇ихзд̇убхууд̇о саммаавааяаамасан̇каад̇о баяад̇д̇о жа ад̇т̇и, д̇асмаа имзхи бхаг̇зхи яуд̇д̇ад̇д̇ааби бхаг̇аа асса санд̇ийд̇и иминаа ад̇т̇зна ‘‘бхаг̇аваа’’д̇и вужжад̇и.

    Yasmā ca loke issariyadhammayasasirikāmapayattesu chasu dhammesu bhagasaddo vattati, paramañcassa sakacitte issariyaṃ, aṇimālaghimādikaṃ vā lokiyasammataṃ sabbākāraparipūraṃ atthi, tathā lokuttaro dhammo, lokattayabyāpako yathābhuccaguṇādhigato ativiya parisuddho yaso, rūpakāyadassanabyāvaṭajananayanamanappasādajananasamatthā sabbākāraparipūrā sabbaṅgapaccaṅgasirī, yaṃ yaṃ anena icchitaṃ patthitaṃ attahitaṃ parahitaṃ vā, tassa tassa tatheva abhinipphannattā icchitatthanipphattisaññito kāmo, sabbalokagarubhāvappattihetubhūto sammāvāyāmasaṅkhāto payatto ca atthi, tasmā imehi bhagehi yuttattāpi bhagā assa santīti iminā atthena ‘‘bhagavā’’ti vuccati.

    яасмаа бана гусалаад̣̇ибхзд̣̇зхи саб̣б̣ад̇хаммз, канд̇хааяад̇анад̇хаад̇усажжаинд̣̇рияабадижжасамуббаад̣̇аад̣̇ийхи ваа гусалаад̣̇ид̇хаммз, бийл̣анасан̇кад̇асанд̇аабавибарин̣аамадтзна ваа д̣̇угкамарияасажжам̣, ааяуухананид̣̇аанасам̣яог̇абалиб̣од̇хадтзна самуд̣̇аяам̣, ниссаран̣авивзгаасан̇кад̇аамад̇адтзна нирод̇хам̣, нияяаанигахзд̇уд̣̇ассанаад̇хибад̇зяяадтзна маг̇г̇ам̣ вибхад̇д̇аваа, вибхаж̇ид̇ваа виварид̇ваа д̣̇зсид̇аваад̇и вуд̇д̇ам̣ ход̇и, д̇асмаа вибхад̇д̇аваад̇и вад̇д̇аб̣б̣з ‘‘бхаг̇аваа’’д̇и вужжад̇и.

    Yasmā pana kusalādibhedehi sabbadhamme, khandhāyatanadhātusaccaindriyapaṭiccasamuppādādīhi vā kusalādidhamme, pīḷanasaṅkhatasantāpavipariṇāmaṭṭhena vā dukkhamariyasaccaṃ, āyūhananidānasaṃyogapalibodhaṭṭhena samudayaṃ, nissaraṇavivekāsaṅkhataamataṭṭhena nirodhaṃ, niyyānikahetudassanādhipateyyaṭṭhena maggaṃ vibhattavā, vibhajitvā vivaritvā desitavāti vuttaṃ hoti, tasmā vibhattavāti vattabbe ‘‘bhagavā’’ti vuccati.

    яасмаа жа зса д̣̇иб̣б̣аб̣рахмаарияавихаарз гааяажид̇д̇аубад̇хививзгз сун̃н̃ад̇ааббан̣ихид̇аанимид̇д̇авимогкз ан̃н̃з жа логияалогуд̇д̇арз уд̇д̇аримануссад̇хаммз бхаж̇и сзви б̣ахуламагааси, д̇асмаа бхад̇д̇аваад̇и вад̇д̇аб̣б̣з ‘‘бхаг̇аваа’’д̇и вужжад̇и.

    Yasmā ca esa dibbabrahmaariyavihāre kāyacittaupadhiviveke suññatāppaṇihitānimittavimokkhe aññe ca lokiyalokuttare uttarimanussadhamme bhaji sevi bahulamakāsi, tasmā bhattavāti vattabbe ‘‘bhagavā’’ti vuccati.

    яасмаа бана д̇ийсу бхавзсу д̇ан̣хаасан̇каад̇ам̣ г̇аманам̣ анзна ванд̇ам̣, д̇асмаа бхавзсу ванд̇аг̇аманод̇и вад̇д̇аб̣б̣з бхавасад̣̇д̣̇ад̇о бхагаарам̣ г̇аманасад̣̇д̣̇ад̇о г̇агаарам̣ ванд̇асад̣̇д̣̇ад̇о вагааран̃жа д̣̇ийгхам̣ гад̇ваа аад̣̇ааяа ‘‘бхаг̇аваа’’д̇и вужжад̇и, яат̇аа логз ‘‘мзханасса касса маалаа’’д̇и вад̇д̇аб̣б̣з ‘‘мзкалаа’’д̇и.

    Yasmā pana tīsu bhavesu taṇhāsaṅkhātaṃ gamanaṃ anena vantaṃ, tasmā bhavesu vantagamanoti vattabbe bhavasaddato bhakāraṃ gamanasaddato gakāraṃ vantasaddato vakārañca dīghaṃ katvā ādāya ‘‘bhagavā’’ti vuccati, yathā loke ‘‘mehanassa khassa mālā’’ti vattabbe ‘‘mekhalā’’ti.

    зд̇д̇аавад̇аа жзд̇т̇а звам̣ мз суд̇анд̇и важанзна яат̇аасуд̇ам̣ яат̇аабарияад̇д̇ам̣ д̇хаммам̣ д̣̇зсзнд̇о бажжагкам̣ гад̇ваа бхаг̇авад̇о д̇хаммасарийрам̣ багаасзд̇и, д̇зна ‘‘наяид̣̇ам̣ ад̇ийд̇асад̇т̇угам̣ бааважанам̣, аяам̣ во сад̇т̇аа’’д̇и бхаг̇авад̇о ад̣̇ассанзна угган̣тид̇аж̇анам̣ самассаасзд̇и.

    Ettāvatā cettha evaṃ me sutanti vacanena yathāsutaṃ yathāpariyattaṃ dhammaṃ desento paccakkhaṃ katvā bhagavato dhammasarīraṃ pakāseti, tena ‘‘nayidaṃ atītasatthukaṃ pāvacanaṃ, ayaṃ vo satthā’’ti bhagavato adassanena ukkaṇṭhitajanaṃ samassāseti.

    згам̣ самаяам̣ бхаг̇аваад̇и важанзна д̇асмим̣ самаяз бхаг̇авад̇о авиж̇ж̇амаанабхаавам̣ д̣̇ассзнд̇о руубагааяабариниб̣б̣аанам̣ д̣̇ассзд̇и. д̇зна ‘‘звам̣вид̇хасса имасса арияад̇хаммасса д̣̇зсзд̇аа д̣̇асаб̣алад̇харо важ̇ирасан̇гхаад̇агааяо соби бхаг̇аваа бариниб̣б̣уд̇о, д̇ад̇т̇а гзнан̃н̃зна ж̇ийвид̇з аасаа ж̇анзд̇аб̣б̣аа’’д̇и ж̇ийвид̇амад̣̇амад̇д̇ам̣ ж̇анам̣ сам̣взж̇зд̇и, сад̣̇д̇хаммз жасса уссаахам̣ ж̇анзд̇и.

    Ekaṃ samayaṃ bhagavāti vacanena tasmiṃ samaye bhagavato avijjamānabhāvaṃ dassento rūpakāyaparinibbānaṃ dasseti. Tena ‘‘evaṃvidhassa imassa ariyadhammassa desetā dasabaladharo vajirasaṅghātakāyo sopi bhagavā parinibbuto, tattha kenaññena jīvite āsā janetabbā’’ti jīvitamadamattaṃ janaṃ saṃvejeti, saddhamme cassa ussāhaṃ janeti.

    званд̇и жа бхан̣анд̇о д̣̇зсанаасамбад̇д̇им̣ нид̣̇д̣̇исад̇и, мз суд̇анд̇и саавагасамбад̇д̇им̣, згам̣ самаяанд̇и гааласамбад̇д̇им̣, бхаг̇аваад̇и д̣̇зсагасамбад̇д̇им̣.

    Evanti ca bhaṇanto desanāsampattiṃ niddisati, me sutanti sāvakasampattiṃ, ekaṃ samayanti kālasampattiṃ, bhagavāti desakasampattiṃ.

    саавад̇т̇ияам̣ вихарад̇ийд̇и зд̇т̇а саавад̇т̇ийд̇и савад̇т̇асса исино ниваасадтаанабхууд̇ам̣ наг̇арам̣, яат̇аа гааганд̣̇ий мааганд̣̇ийд̇и, звам̣ ид̇т̇илин̇г̇авасзна саавад̇т̇ийд̇и вужжад̇и, звам̣ агкаражинд̇агаа. адтагат̇аажарияаа бана бхан̣анд̇и ‘‘яам̣гин̃жи мануссаанам̣ убабхог̇абарибхог̇ам̣ саб̣б̣амзд̇т̇а ад̇т̇ий’’д̇и саавад̇т̇ий. сад̇т̇асамааяог̇з жа ‘‘гим̣ бхан̣д̣амад̇т̇ий’’д̇и бужчид̇з ‘‘саб̣б̣амад̇т̇ий’’д̇и важанамубаад̣̇ааяа саавад̇т̇ий.

    Sāvatthiyaṃ viharatīti ettha sāvatthīti savatthassa isino nivāsaṭṭhānabhūtaṃ nagaraṃ, yathā kākandī mākandīti, evaṃ itthiliṅgavasena sāvatthīti vuccati, evaṃ akkharacintakā. Aṭṭhakathācariyā pana bhaṇanti ‘‘yaṃkiñci manussānaṃ upabhogaparibhogaṃ sabbamettha atthī’’ti sāvatthī. Satthasamāyoge ca ‘‘kiṃ bhaṇḍamatthī’’ti pucchite ‘‘sabbamatthī’’ti vacanamupādāya sāvatthī.

    ‘‘саб̣б̣ад̣̇аа саб̣б̣уубагаран̣ам̣, саавад̇т̇ияам̣ самохид̇ам̣;

    ‘‘Sabbadā sabbūpakaraṇaṃ, sāvatthiyaṃ samohitaṃ;

    д̇асмаа саб̣б̣амубаад̣̇ааяа, саавад̇т̇ийд̇и бавужжад̇и.

    Tasmā sabbamupādāya, sāvatthīti pavuccati.

    ‘‘госалаанам̣ бурам̣ раммам̣, д̣̇ассанзяяам̣ манорамам̣;

    ‘‘Kosalānaṃ puraṃ rammaṃ, dassaneyyaṃ manoramaṃ;

    д̣̇асахи сад̣̇д̣̇зхи авивид̇д̇ам̣, аннабаанасамааяуд̇ам̣.

    Dasahi saddehi avivittaṃ, annapānasamāyutaṃ.

    ‘‘вуд̣дхим̣ взбуллад̇ам̣ бад̇д̇ам̣, ид̣̇д̇хам̣ пийд̇ам̣ манорамам̣;

    ‘‘Vuḍḍhiṃ vepullataṃ pattaṃ, iddhaṃ phītaṃ manoramaṃ;

    аал̣агаманд̣̇аава д̣̇зваанам̣, саавад̇т̇ибурамуд̇д̇ама’’нд̇и. (ма. ни. адта. 1.14);

    Āḷakamandāva devānaṃ, sāvatthipuramuttama’’nti. (ma. ni. aṭṭha. 1.14);

    д̇ассам̣ саавад̇т̇ияам̣. самийбад̇т̇з бхуммаважанам̣.

    Tassaṃ sāvatthiyaṃ. Samīpatthe bhummavacanaṃ.

    вихарад̇ийд̇и ависзсзна ирияаабат̇ад̣̇иб̣б̣аб̣рахмаарияавихаарзсу ан̃н̃ад̇аравихаарасаман̇г̇ибарид̣̇ийбанамзд̇ам̣. ид̇ха бана таанаг̇аманаасанасаяанаббабхзд̣̇зсу ирияаабат̇зсу ан̃н̃ад̇араирияаабат̇асамааяог̇абарид̣̇ийбанам̣, д̇зна тид̇оби г̇ажчанд̇оби нисинноби саяааноби бхаг̇аваа вихарад̇ижжзва взд̣̇ид̇аб̣б̣о. со хи згам̣ ирияаабат̇аб̣аад̇ханам̣ абарзна ирияаабат̇зна вижчинд̣̇ид̇ваа абарибад̇анд̇ам̣ ад̇д̇абхаавам̣ харад̇и бавад̇д̇зд̇и. д̇асмаа вихарад̇ийд̇и вужжад̇и.

    Viharatīti avisesena iriyāpathadibbabrahmaariyavihāresu aññataravihārasamaṅgiparidīpanametaṃ. Idha pana ṭhānagamanāsanasayanappabhedesu iriyāpathesu aññatarairiyāpathasamāyogaparidīpanaṃ, tena ṭhitopi gacchantopi nisinnopi sayānopi bhagavā viharaticceva veditabbo. So hi ekaṃ iriyāpathabādhanaṃ aparena iriyāpathena vicchinditvā aparipatantaṃ attabhāvaṃ harati pavatteti. Tasmā viharatīti vuccati.

    ж̇зд̇аванзд̇и зд̇т̇а ад̇д̇ано бажжад̇т̇игаж̇анам̣ ж̇инаад̇ийд̇и ж̇зд̇о, ран̃н̃аа ваа ад̇д̇ано бажжад̇т̇игаж̇анз ж̇ид̇з ж̇аад̇од̇и ж̇зд̇о, ман̇г̇алагамяад̇ааяа ваа д̇асса звам̣ наамамзва гад̇анд̇иби ж̇зд̇о. ванаяад̇ийд̇и ванам̣, ад̇д̇асамбад̣̇ааяа сад̇д̇аанам̣ бхад̇д̇им̣ гаарзд̇и, ад̇д̇ани синзхам̣ уббаад̣̇зд̇ийд̇и ад̇т̇о. вануд̇з ид̇и ваа ванам̣, наанаавид̇хагусумаг̇анд̇хасаммод̣̇амад̇д̇агогилаад̣̇ивихан̇г̇авируд̇зхи манд̣̇амаалуд̇ажалид̇аругкасаакаавидабабубпапалабаллавабалаасзхи жа ‘‘зт̇а мам̣ барибхун̃ж̇ат̇аа’’д̇и баан̣ино яаажад̇и вияаад̇и ад̇т̇о. ж̇зд̇асса ванам̣ ж̇зд̇аванам̣. д̇ан̃хи ж̇зд̇зна рааж̇агумаарзна робид̇ам̣ сам̣вад̣дхид̇ам̣ барибаалид̇ам̣, со жа д̇асса саамий ахоси, д̇асмаа ж̇зд̇авананд̇и вужжад̇и. д̇асмим̣ ж̇зд̇аванз.

    Jetavaneti ettha attano paccatthikajanaṃ jinātīti jeto, raññā vā attano paccatthikajane jite jātoti jeto, maṅgalakamyatāya vā tassa evaṃ nāmameva katantipi jeto. Vanayatīti vanaṃ, attasampadāya sattānaṃ bhattiṃ kāreti, attani sinehaṃ uppādetīti attho. Vanute iti vā vanaṃ, nānāvidhakusumagandhasammodamattakokilādivihaṅgavirutehi mandamālutacalitarukkhasākhāviṭapapupphaphalapallavapalāsehi ca ‘‘etha maṃ paribhuñjathā’’ti pāṇino yācati viyāti attho. Jetassa vanaṃ jetavanaṃ. Tañhi jetena rājakumārena ropitaṃ saṃvaḍḍhitaṃ paripālitaṃ, so ca tassa sāmī ahosi, tasmā jetavananti vuccati. Tasmiṃ jetavane.

    анаат̇абин̣д̣игасса аараамзд̇и зд̇т̇а суд̣̇ад̇д̇о наама со г̇ахабад̇и маад̇аабид̇уухи гад̇анаамавасзна, саб̣б̣агаамасамид̣̇д̇хид̇ааяа д̇у виг̇ад̇амаламажчзрад̇ааяа гарун̣аад̣̇иг̇ун̣асаман̇г̇ид̇ааяа жа нижжагаалам̣ анаат̇аанам̣ бин̣д̣ам̣ ад̣̇ааси, д̇зна анаат̇абин̣д̣игод̇и сан̇кяам̣ г̇ад̇о. аараманд̇и зд̇т̇а баан̣ино, висзсзна ваа баб̣б̣аж̇ид̇аад̇и аараамо, д̇асса бубпапалабаллаваад̣̇исобханад̇ааяа наад̇ид̣̇ууранаажжаасаннад̇аад̣̇ибан̃жавид̇хасзнаасанан̇г̇асамбад̇д̇ияаа жа д̇ад̇о д̇ад̇о ааг̇амма раманд̇и абхираманд̇и анугган̣тид̇аа худ̇ваа нивасанд̇ийд̇и ад̇т̇о. вуд̇д̇аббагаарааяа ваа самбад̇д̇ияаа д̇ад̇т̇а д̇ад̇т̇а г̇ад̇зби ад̇д̇ано аб̣бханд̇арам̣язва аанзд̇ваа рамзд̇ийд̇и аараамо. со хи анаат̇абин̣д̣игзна г̇ахабад̇инаа ж̇зд̇асса рааж̇агумаарасса хад̇т̇ад̇о адтаарасахиран̃н̃агодисант̇аарзна гин̣ид̇ваа адтаарасахиран̃н̃агодийхи сзнаасанам̣ гаараабзд̇ваа адтаарасахиран̃н̃агодийхи вихаарамахам̣ нидтаабзд̇ваа звам̣ жад̇убан̃н̃аасааяа хиран̃н̃агодибарижжааг̇зна б̣уд̣̇д̇хаббамукасса бхигкусан̇гхасса нияяаад̇ид̇о, д̇асмаа ‘‘анаат̇абин̣д̣игасса аараамо’’д̇и вужжад̇и. д̇асмим̣ анаат̇абин̣д̣игасса аараамз.

    Anāthapiṇḍikassa ārāmeti ettha sudatto nāma so gahapati mātāpitūhi katanāmavasena, sabbakāmasamiddhitāya tu vigatamalamaccheratāya karuṇādiguṇasamaṅgitāya ca niccakālaṃ anāthānaṃ piṇḍaṃ adāsi, tena anāthapiṇḍikoti saṅkhyaṃ gato. Āramanti ettha pāṇino, visesena vā pabbajitāti ārāmo, tassa pupphaphalapallavādisobhanatāya nātidūranāccāsannatādipañcavidhasenāsanaṅgasampattiyā ca tato tato āgamma ramanti abhiramanti anukkaṇṭhitā hutvā nivasantīti attho. Vuttappakārāya vā sampattiyā tattha tattha gatepi attano abbhantaraṃyeva ānetvā rametīti ārāmo. So hi anāthapiṇḍikena gahapatinā jetassa rājakumārassa hatthato aṭṭhārasahiraññakoṭisanthārena kiṇitvā aṭṭhārasahiraññakoṭīhi senāsanaṃ kārāpetvā aṭṭhārasahiraññakoṭīhi vihāramahaṃ niṭṭhāpetvā evaṃ catupaññāsāya hiraññakoṭipariccāgena buddhappamukhassa bhikkhusaṅghassa niyyātito, tasmā ‘‘anāthapiṇḍikassa ārāmo’’ti vuccati. Tasmiṃ anāthapiṇḍikassa ārāme.

    зд̇т̇а жа ‘‘ж̇зд̇аванз’’д̇и важанам̣ буримасаамибаригид̇д̇анам̣, ‘‘анаат̇абин̣д̣игасса аараамз’’д̇и бажчимасаамибаригид̇д̇анам̣. гимзд̇зсам̣ баригид̇д̇анз баяож̇ананд̇и? вужжад̇з – ад̇хигаарад̇о д̇аава ‘‘гад̇т̇а бхаасид̇а’’нд̇и бужчаанияаамагаран̣ам̣ ан̃н̃зсам̣ бун̃н̃агаамаанам̣ д̣̇идтаануг̇ад̇иаабаж̇ж̇анз нияож̇анан̃жа. д̇ад̇т̇а хи д̣̇ваарагодтагабаасаад̣̇амаабанз бхуумивиггаяалад̣̇д̇хаа адтаараса хиран̃н̃агодияо анзгагодиаг̇гханагаа ругкаа жа ж̇зд̇асса барижжааг̇о, жад̇убан̃н̃ааса годияо анаат̇абин̣д̣игасса. яад̇о д̇зсам̣ баригид̇д̇анзна ‘‘звам̣ бун̃н̃агаамаа бун̃н̃аани гаронд̇ий’’д̇и д̣̇ассзнд̇о ааяасмаа аананд̣̇о ан̃н̃зби бун̃н̃агаамз д̇зсам̣ д̣̇идтаануг̇ад̇иаабаж̇ж̇анз нияож̇зд̇и. звамзд̇т̇а бун̃н̃агаамаанам̣ д̣̇идтаануг̇ад̇иаабаж̇ж̇анз нияож̇анам̣ баяож̇ананд̇и взд̣̇ид̇аб̣б̣ам̣.

    Ettha ca ‘‘jetavane’’ti vacanaṃ purimasāmiparikittanaṃ, ‘‘anāthapiṇḍikassa ārāme’’ti pacchimasāmiparikittanaṃ. Kimetesaṃ parikittane payojananti? Vuccate – adhikārato tāva ‘‘kattha bhāsita’’nti pucchāniyāmakaraṇaṃ aññesaṃ puññakāmānaṃ diṭṭhānugatiāpajjane niyojanañca. Tattha hi dvārakoṭṭhakapāsādamāpane bhūmivikkayaladdhā aṭṭhārasa hiraññakoṭiyo anekakoṭiagghanakā rukkhā ca jetassa pariccāgo, catupaññāsa koṭiyo anāthapiṇḍikassa. Yato tesaṃ parikittanena ‘‘evaṃ puññakāmā puññāni karontī’’ti dassento āyasmā ānando aññepi puññakāme tesaṃ diṭṭhānugatiāpajjane niyojeti. Evamettha puññakāmānaṃ diṭṭhānugatiāpajjane niyojanaṃ payojananti veditabbaṃ.

    зд̇т̇ааха – ‘‘яад̣̇и д̇аава бхаг̇аваа саавад̇т̇ияам̣ вихарад̇и, ‘ж̇зд̇аванз анаат̇абин̣д̣игасса аараамз’д̇и на вад̇д̇аб̣б̣ам̣. ат̇а д̇ад̇т̇а вихарад̇и, ‘саавад̇т̇ияа’нд̇и на вад̇д̇аб̣б̣ам̣. на хи саггаа убхаяад̇т̇а згам̣ самаяам̣ вихарид̇у’’нд̇и. вужжад̇з – нану вуд̇д̇амзд̇ам̣ ‘‘самийбад̇т̇з бхуммаважана’’нд̇и, яад̇о яат̇аа г̇ан̇г̇ааяамунаад̣̇ийнам̣ самийбз г̇ояуут̇аани жаранд̇аани ‘‘г̇ан̇г̇ааяа жаранд̇и, яамунааяа жаранд̇ий’’д̇и вужжанд̇и, звамид̇хааби яад̣̇ид̣̇ам̣ саавад̇т̇ияаа самийбз ж̇зд̇аванам̣ анаат̇абин̣д̣игасса аараамо, д̇ад̇т̇а вихаранд̇о вужжад̇и ‘‘саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз’’д̇и взд̣̇ид̇аб̣б̣о. г̇ожараг̇ааманид̣̇ассанад̇т̇ам̣ хисса саавад̇т̇иважанам̣, баб̣б̣аж̇ид̇аануруубаниваасадтаананид̣̇ассанад̇т̇ам̣ сзсаважанам̣.

    Etthāha – ‘‘yadi tāva bhagavā sāvatthiyaṃ viharati, ‘jetavane anāthapiṇḍikassa ārāme’ti na vattabbaṃ. Atha tattha viharati, ‘sāvatthiya’nti na vattabbaṃ. Na hi sakkā ubhayattha ekaṃ samayaṃ viharitu’’nti. Vuccate – nanu vuttametaṃ ‘‘samīpatthe bhummavacana’’nti, yato yathā gaṅgāyamunādīnaṃ samīpe goyūthāni carantāni ‘‘gaṅgāya caranti, yamunāya carantī’’ti vuccanti, evamidhāpi yadidaṃ sāvatthiyā samīpe jetavanaṃ anāthapiṇḍikassa ārāmo, tattha viharanto vuccati ‘‘sāvatthiyaṃ viharati jetavane anāthapiṇḍikassa ārāme’’ti veditabbo. Gocaragāmanidassanatthaṃ hissa sāvatthivacanaṃ, pabbajitānurūpanivāsaṭṭhānanidassanatthaṃ sesavacanaṃ.

    д̇ад̇т̇а саавад̇т̇игид̇д̇анзна бхаг̇авад̇о г̇ахадтаануг̇г̇ахагаран̣ам̣ д̣̇ассзд̇и, ж̇зд̇аванаад̣̇игид̇д̇анзна баб̣б̣аж̇ид̇аануг̇г̇ахагаран̣ам̣. д̇ат̇аа буримзна бажжаяаг̇г̇ахан̣ад̇о ад̇д̇агиламат̇аануяог̇авиваж̇ж̇анам̣, бажчимзна вад̇т̇угаамаббахаанад̇о гаамасукаллигаануяог̇аваж̇ж̇ануубааяад̣̇ассанам̣. буримзна жа д̇хаммад̣̇зсанаабхияог̇ам̣, бажчимзна вивзгаад̇химуд̇д̇им̣. буримзна гарун̣ааяа убаг̇аманам̣, бажчимзна жа бан̃н̃ааяа абаг̇аманам̣. буримзна сад̇д̇аанам̣ хид̇асуканибпаад̣̇анаад̇химуд̇д̇ид̇ам̣, бажчимзна барахид̇асукагаран̣з нирубалзбад̇ам̣. буримзна д̇хаммигасукаабарижжааг̇анимид̇д̇ам̣ паасувихаарам̣, бажчимзна уд̇д̇аримануссад̇хаммаануяог̇анимид̇д̇ам̣. буримзна мануссаанам̣ убагаараб̣ахулад̇ам̣, бажчимзна д̣̇зваанам̣. буримзна логз ж̇аад̇асса логз сам̣вад̣дхабхаавам̣, бажчимзна логзна анубалид̇д̇ад̇анд̇и звамаад̣̇и.

    Tattha sāvatthikittanena bhagavato gahaṭṭhānuggahakaraṇaṃ dasseti, jetavanādikittanena pabbajitānuggahakaraṇaṃ. Tathā purimena paccayaggahaṇato attakilamathānuyogavivajjanaṃ, pacchimena vatthukāmappahānato kāmasukhallikānuyogavajjanūpāyadassanaṃ. Purimena ca dhammadesanābhiyogaṃ, pacchimena vivekādhimuttiṃ. Purimena karuṇāya upagamanaṃ, pacchimena ca paññāya apagamanaṃ. Purimena sattānaṃ hitasukhanipphādanādhimuttitaṃ, pacchimena parahitasukhakaraṇe nirupalepataṃ. Purimena dhammikasukhāpariccāganimittaṃ phāsuvihāraṃ, pacchimena uttarimanussadhammānuyoganimittaṃ. Purimena manussānaṃ upakārabahulataṃ, pacchimena devānaṃ. Purimena loke jātassa loke saṃvaḍḍhabhāvaṃ, pacchimena lokena anupalittatanti evamādi.

    ат̇аад̇и авижчзд̣̇ад̇т̇з, код̇и ад̇хигааранд̇аранид̣̇ассанад̇т̇з нибаад̇о. д̇зна авижчиннзязва д̇ад̇т̇а бхаг̇авад̇о вихаарз ид̣̇амад̇хигааранд̇арам̣ уд̣̇абаад̣̇ийд̇и д̣̇ассзд̇и. гим̣ д̇анд̇и? ан̃н̃ад̇араа д̣̇звад̇аад̇иаад̣̇и. д̇ад̇т̇а ан̃н̃ад̇араад̇и анияамид̇анид̣̇д̣̇зсо. саа хи наамаг̇од̇д̇ад̇о абаагадаа, д̇асмаа ‘‘ан̃н̃ад̇араа’’д̇и вуд̇д̇аа. д̣̇зво зва д̣̇звад̇аа, ид̇т̇ибурисасаад̇хааран̣амзд̇ам̣. ид̇ха бана бурисо зва, со д̣̇звабуд̇д̇о гинд̇у, саад̇хааран̣анаамавасзна д̣̇звад̇аад̇и вуд̇д̇о.

    Athāti avicchedatthe, khoti adhikārantaranidassanatthe nipāto. Tena avicchinneyeva tattha bhagavato vihāre idamadhikārantaraṃ udapādīti dasseti. Kiṃ tanti? Aññatarā devatātiādi. Tattha aññatarāti aniyamitaniddeso. Sā hi nāmagottato apākaṭā, tasmā ‘‘aññatarā’’ti vuttā. Devo eva devatā, itthipurisasādhāraṇametaṃ. Idha pana puriso eva, so devaputto kintu, sādhāraṇanāmavasena devatāti vutto.

    абхигганд̇ааяа рад̇д̇ияаад̇и зд̇т̇а абхигганд̇асад̣̇д̣̇о каяасунд̣̇араабхируубааб̣бханумод̣̇анаад̣̇ийсу д̣̇иссад̇и. д̇ад̇т̇а ‘‘абхигганд̇аа, бханд̇з, рад̇д̇и, нигканд̇о батамо яаамо, жиранисинно бхигкусан̇гхо, уд̣̇д̣̇исад̇у, бханд̇з, бхаг̇аваа бхигкуунам̣ баад̇имогка’’нд̇и звамаад̣̇ийсу (жуул̣ава. 383; а. ни. 8.20) каяз д̣̇иссад̇и. ‘‘аяам̣ имзсам̣ жад̇уннам̣ буг̇г̇алаанам̣ абхигганд̇ад̇аро жа бан̣ийд̇ад̇аро жаа’’д̇и звамаад̣̇ийсу (а. ни. 4.100) сунд̣̇арз.

    Abhikkantāya rattiyāti ettha abhikkantasaddo khayasundarābhirūpaabbhanumodanādīsu dissati. Tattha ‘‘abhikkantā, bhante, ratti, nikkhanto paṭhamo yāmo, ciranisinno bhikkhusaṅgho, uddisatu, bhante, bhagavā bhikkhūnaṃ pātimokkha’’nti evamādīsu (cūḷava. 383; a. ni. 8.20) khaye dissati. ‘‘Ayaṃ imesaṃ catunnaṃ puggalānaṃ abhikkantataro ca paṇītataro cā’’ti evamādīsu (a. ni. 4.100) sundare.

    ‘‘го мз ванд̣̇ад̇и баад̣̇аани, ид̣̇д̇хияаа яасасаа ж̇алам̣;

    ‘‘Ko me vandati pādāni, iddhiyā yasasā jalaṃ;

    абхигганд̇зна ван̣н̣зна, саб̣б̣аа обхаасаяам̣ д̣̇исаа’’д̇и. (ви. ва. 857); –

    Abhikkantena vaṇṇena, sabbā obhāsayaṃ disā’’ti. (vi. va. 857); –

    звамаад̣̇ийсу абхируубз. ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇амаа’’д̇и звамаад̣̇ийсу (а. ни. 2.16; баараа. 15) аб̣бханумод̣̇анз. ид̇ха бана каяз. д̇зна абхигганд̇ааяа рад̇д̇ияаад̇и баригкийн̣ааяа рад̇д̇ияаад̇и вуд̇д̇ам̣ ход̇и.

    Evamādīsu abhirūpe. ‘‘Abhikkantaṃ, bho gotama, abhikkantaṃ, bho gotamā’’ti evamādīsu (a. ni. 2.16; pārā. 15) abbhanumodane. Idha pana khaye. Tena abhikkantāya rattiyāti parikkhīṇāya rattiyāti vuttaṃ hoti.

    абхигганд̇аван̣н̣аад̇и зд̇т̇а абхигганд̇асад̣̇д̣̇о абхируубз, ван̣н̣асад̣̇д̣̇о бана чавит̇уд̇игулаваг̇г̇агааран̣асан̣таанабамаан̣аруубааяад̇анаад̣̇ийсу д̣̇иссад̇и. д̇ад̇т̇а ‘‘суван̣н̣аван̣н̣оси бхаг̇аваа’’д̇и звамаад̣̇ийсу (ма. ни. 2.399; су. ни. 553) чавияам̣. ‘‘гад̣̇аа сан̃н̃уул̣хаа бана д̇з г̇ахабад̇и имз саман̣асса г̇од̇амасса ван̣н̣аа’’д̇и звамаад̣̇ийсу (ма. ни. 2.77) т̇уд̇ияам̣. ‘‘жад̇д̇ааромз, бхо г̇од̇ама, ван̣н̣аа’’д̇и звамаад̣̇ийсу (д̣̇ий. ни. 3.115) гулаваг̇г̇з. ‘‘ат̇а гзна ну ван̣н̣зна, г̇анд̇хат̇знод̇и вужжад̇ий’’д̇и звамаад̣̇ийсу (сам̣. ни. 1.234) гааран̣з. ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇и звамаад̣̇ийсу (сам̣. ни. 1.138) сан̣таанз. ‘‘д̇аяо бад̇д̇асса ван̣н̣аа’’д̇и звамаад̣̇ийсу бамаан̣з. ‘‘ван̣н̣о г̇анд̇хо расо ож̇аа’’д̇и звамаад̣̇ийсу руубааяад̇анз. со ид̇ха чавияам̣ д̣̇адтаб̣б̣о. д̇зна абхигганд̇аван̣н̣аад̇и абхируубажчавийд̇и вуд̇д̇ам̣ ход̇и.

    Abhikkantavaṇṇāti ettha abhikkantasaddo abhirūpe, vaṇṇasaddo pana chavithutikulavaggakāraṇasaṇṭhānapamāṇarūpāyatanādīsu dissati. Tattha ‘‘suvaṇṇavaṇṇosi bhagavā’’ti evamādīsu (ma. ni. 2.399; su. ni. 553) chaviyaṃ. ‘‘Kadā saññūḷhā pana te gahapati ime samaṇassa gotamassa vaṇṇā’’ti evamādīsu (ma. ni. 2.77) thutiyaṃ. ‘‘Cattārome, bho gotama, vaṇṇā’’ti evamādīsu (dī. ni. 3.115) kulavagge. ‘‘Atha kena nu vaṇṇena, gandhathenoti vuccatī’’ti evamādīsu (saṃ. ni. 1.234) kāraṇe. ‘‘Mahantaṃ hatthirājavaṇṇaṃ abhinimminitvā’’ti evamādīsu (saṃ. ni. 1.138) saṇṭhāne. ‘‘Tayo pattassa vaṇṇā’’ti evamādīsu pamāṇe. ‘‘Vaṇṇo gandho raso ojā’’ti evamādīsu rūpāyatane. So idha chaviyaṃ daṭṭhabbo. Tena abhikkantavaṇṇāti abhirūpacchavīti vuttaṃ hoti.

    гзвалагаббанд̇и зд̇т̇а гзваласад̣̇д̣̇о анавасзсаязбхуяяааб̣яаамиссаанад̇ирзгад̣̇ал̣хад̇т̇ависам̣яог̇аад̣̇ианзгад̇т̇о . д̇ат̇аа хисса ‘‘гзвалабарибун̣н̣ам̣ барисуд̣̇д̇хам̣ б̣рахмажарияа’’нд̇и звамаад̣̇ийсу (баараа. 1) анавасзсад̇аа ад̇т̇о. ‘‘гзвалагаббаа жа ан̇г̇амааг̇ад̇хаа бахууд̇ам̣ каад̣̇анийяам̣ бхож̇анийяам̣ аад̣̇ааяа убасан̇гамиссанд̇ий’’д̇и звамаад̣̇ийсу (махаава. 43) язбхуяяад̇аа. ‘‘гзваласса д̣̇угкагканд̇хасса самуд̣̇аяо ход̇ий’’д̇и звамаад̣̇ийсу (вибха. 225) аб̣яаамиссад̇аа. ‘‘гзвалам̣ сад̣̇д̇хаамад̇д̇агам̣ нууна аяамааяасмаа’’д̇и звамаад̣̇ийсу (махаава. 244) анад̇ирзгад̇аа. ‘‘ааяасмад̇о, бханд̇з, ануруд̣̇д̇хасса б̣аахияо наама сад̣̇д̇хивихаариго гзвалагаббам̣ сан̇гхабхзд̣̇ааяа тид̇о’’д̇и звамаад̣̇ийсу (а. ни. 4.243) д̣̇ал̣хад̇т̇ад̇аа. ‘‘гзвалий вусид̇аваа уд̇д̇амабурисод̇и вужжад̇ий’’д̇и звамаад̣̇ийсу (сам̣. ни. 3.57) висам̣яог̇о. ид̇ха банасса анавасзсад̇д̇амад̇т̇о ад̇хиббзд̇о.

    Kevalakappanti ettha kevalasaddo anavasesayebhuyyaabyāmissānatirekadaḷhatthavisaṃyogādianekattho . Tathā hissa ‘‘kevalaparipuṇṇaṃ parisuddhaṃ brahmacariya’’nti evamādīsu (pārā. 1) anavasesatā attho. ‘‘Kevalakappā ca aṅgamāgadhā pahūtaṃ khādanīyaṃ bhojanīyaṃ ādāya upasaṅkamissantī’’ti evamādīsu (mahāva. 43) yebhuyyatā. ‘‘Kevalassa dukkhakkhandhassa samudayo hotī’’ti evamādīsu (vibha. 225) abyāmissatā. ‘‘Kevalaṃ saddhāmattakaṃ nūna ayamāyasmā’’ti evamādīsu (mahāva. 244) anatirekatā. ‘‘Āyasmato, bhante, anuruddhassa bāhiyo nāma saddhivihāriko kevalakappaṃ saṅghabhedāya ṭhito’’ti evamādīsu (a. ni. 4.243) daḷhatthatā. ‘‘Kevalī vusitavā uttamapurisoti vuccatī’’ti evamādīsu (saṃ. ni. 3.57) visaṃyogo. Idha panassa anavasesattamattho adhippeto.

    габбасад̣̇д̣̇о банааяам̣ абхисад̣̇д̣̇аханавохаарагаалабан̃н̃ад̇д̇ичзд̣̇анавигаббалзсасаманд̇абхааваад̣̇ианзгад̇т̇о. д̇ат̇аа хисса ‘‘огаббанийяамзд̇ам̣ бход̇о г̇од̇амасса, яат̇аа д̇ам̣ арахад̇о саммаасамб̣уд̣̇д̇хассаа’’д̇и звамаад̣̇ийсу (ма. ни. 1.387) абхисад̣̇д̣̇аханамад̇т̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇и звамаад̣̇ийсу (жуул̣ава. 250) вохааро. ‘‘язна суд̣̇ам̣ нижжагаббам̣ вихараамий’’д̇и звамаад̣̇ийсу (ма. ни. 1.387) гаало. ‘‘ижжааяасмаа габбо’’д̇и звамаад̣̇ийсу (су. ни. 1098; жуул̣ани. габбамаан̣авабужчаа 117, габбамаан̣авабужчаанид̣̇д̣̇зса 61) бан̃н̃ад̇д̇и. ‘‘алан̇гад̇о габбид̇агзсамассуу’’д̇и звамаад̣̇ийсу (ж̇аа. 2.22.1368) чзд̣̇анам̣. ‘‘габбад̇и д̣̇ван̇г̇улагаббо’’д̇и звамаад̣̇ийсу (жуул̣ава. 446) вигаббо. ‘‘ад̇т̇и габбо нибаж̇ж̇ид̇у’’нд̇и звамаад̣̇ийсу (а. ни. 8.80) лзсо. ‘‘гзвалагаббам̣ взл̣уванам̣ обхаасзд̇ваа’’д̇и звамаад̣̇ийсу (сам̣. ни. 1.94) саманд̇абхааво. ид̇ха банасса саманд̇абхааво ад̇т̇о ад̇хиббзд̇о. яад̇о гзвалагаббам̣ ж̇зд̇авананд̇и зд̇т̇а анавасзсам̣ саманд̇ад̇о ж̇зд̇авананд̇и звамад̇т̇о д̣̇адтаб̣б̣о.

    Kappasaddo panāyaṃ abhisaddahanavohārakālapaññattichedanavikappalesasamantabhāvādianekattho. Tathā hissa ‘‘okappanīyametaṃ bhoto gotamassa, yathā taṃ arahato sammāsambuddhassā’’ti evamādīsu (ma. ni. 1.387) abhisaddahanamattho. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’nti evamādīsu (cūḷava. 250) vohāro. ‘‘Yena sudaṃ niccakappaṃ viharāmī’’ti evamādīsu (ma. ni. 1.387) kālo. ‘‘Iccāyasmā kappo’’ti evamādīsu (su. ni. 1098; cūḷani. kappamāṇavapucchā 117, kappamāṇavapucchāniddesa 61) paññatti. ‘‘Alaṅkato kappitakesamassū’’ti evamādīsu (jā. 2.22.1368) chedanaṃ. ‘‘Kappati dvaṅgulakappo’’ti evamādīsu (cūḷava. 446) vikappo. ‘‘Atthi kappo nipajjitu’’nti evamādīsu (a. ni. 8.80) leso. ‘‘Kevalakappaṃ veḷuvanaṃ obhāsetvā’’ti evamādīsu (saṃ. ni. 1.94) samantabhāvo. Idha panassa samantabhāvo attho adhippeto. Yato kevalakappaṃ jetavananti ettha anavasesaṃ samantato jetavananti evamattho daṭṭhabbo.

    обхаасзд̇ваад̇и аабхааяа парид̇ваа, жанд̣̇имаа вияа суурияо вияа жа згобхаасам̣ згабаж̇ж̇од̇ам̣ гарид̇ваад̇и ад̇т̇о.

    Obhāsetvāti ābhāya pharitvā, candimā viya sūriyo viya ca ekobhāsaṃ ekapajjotaṃ karitvāti attho.

    язна бхаг̇аваа д̇знубасан̇гамийд̇и бхуммад̇т̇з гаран̣аважанам̣. яад̇о яад̇т̇а бхаг̇аваа, д̇ад̇т̇а убасан̇гамийд̇и звамзд̇т̇а ад̇т̇о д̣̇адтаб̣б̣о. язна ваа гааран̣зна бхаг̇аваа д̣̇звамануссзхи убасан̇гамид̇аб̣б̣о, д̇знзва гааран̣зна убасан̇гамийд̇и звамбзд̇т̇а ад̇т̇о д̣̇адтаб̣б̣о. гзна жа гааран̣зна бхаг̇аваа убасан̇гамид̇аб̣б̣о? наанаббагаараг̇ун̣ависзсаад̇хиг̇амаад̇хиббааязна, саад̣̇урасапалуубабхог̇аад̇хиббааязна д̣̇иж̇аг̇ан̣зхи нижжапалид̇амахааругко вияа. убасан̇гамийд̇и жа г̇ад̇аад̇и вуд̇д̇ам̣ ход̇и. убасан̇гамид̇ваад̇и убасан̇гаманабарияосаанад̣̇ийбанам̣ . ат̇а ваа звам̣ г̇ад̇аа д̇ад̇о аасаннад̇арам̣ таанам̣ бхаг̇авад̇о самийбасан̇каад̇ам̣ г̇анд̇ваад̇и вуд̇д̇ам̣ ход̇и. бхаг̇аванд̇ам̣ абхиваад̣̇зд̇ваад̇и бхаг̇аванд̇ам̣ ванд̣̇ид̇ваа бан̣амид̇ваа намассид̇ваа.

    Yena bhagavā tenupasaṅkamīti bhummatthe karaṇavacanaṃ. Yato yattha bhagavā, tattha upasaṅkamīti evamettha attho daṭṭhabbo. Yena vā kāraṇena bhagavā devamanussehi upasaṅkamitabbo, teneva kāraṇena upasaṅkamīti evampettha attho daṭṭhabbo. Kena ca kāraṇena bhagavā upasaṅkamitabbo? Nānappakāraguṇavisesādhigamādhippāyena, sādurasaphalūpabhogādhippāyena dijagaṇehi niccaphalitamahārukkho viya. Upasaṅkamīti ca gatāti vuttaṃ hoti. Upasaṅkamitvāti upasaṅkamanapariyosānadīpanaṃ . Atha vā evaṃ gatā tato āsannataraṃ ṭhānaṃ bhagavato samīpasaṅkhātaṃ gantvāti vuttaṃ hoti. Bhagavantaṃ abhivādetvāti bhagavantaṃ vanditvā paṇamitvā namassitvā.

    згаманд̇анд̇и бхааванабум̣саганид̣̇д̣̇зсо згогаасам̣ згабассанд̇и вуд̇д̇ам̣ ход̇и. бхуммад̇т̇з ваа убаяог̇аважанам̣. адтаасийд̇и нисаж̇ж̇аад̣̇ибадигкзбо, таанам̣ габбзси, тид̇аа ахосийд̇и ад̇т̇о.

    Ekamantanti bhāvanapuṃsakaniddeso ekokāsaṃ ekapassanti vuttaṃ hoti. Bhummatthe vā upayogavacanaṃ. Aṭṭhāsīti nisajjādipaṭikkhepo, ṭhānaṃ kappesi, ṭhitā ahosīti attho.

    гат̇ам̣ тид̇аа бана саа згаманд̇ам̣ тид̇аа ахууд̇и?

    Kathaṃ ṭhitā pana sā ekamantaṃ ṭhitā ahūti?

    ‘‘на бажчад̇о на бурад̇о, нааби аасаннад̣̇уурад̇о;

    ‘‘Na pacchato na purato, nāpi āsannadūrato;

    на гажчз ноби бадиваад̇з, на жааби он̣ад̇ун̣н̣ад̇з;

    Na kacche nopi paṭivāte, na cāpi oṇatuṇṇate;

    имз д̣̇осз виваж̇ж̇зд̇ваа, згаманд̇ам̣ тид̇аа ахуу’’д̇и.

    Ime dose vivajjetvā, ekamantaṃ ṭhitā ahū’’ti.

    гасмаа банааяам̣ адтааси зва, на нисийд̣̇ийд̇и? лахум̣ нивад̇д̇ид̇угаамад̇ааяа. д̣̇звад̇ааяо хи ган̃жид̣̇зва ад̇т̇авасам̣ бадижжа сужибурисо вияа важжадтаанам̣ мануссалогам̣ ааг̇ажчанд̇и. багад̇ияаа бана д̇аасам̣ яож̇анасад̇ад̇о бабхуд̇и мануссалого д̣̇уг̇г̇анд̇хад̇ааяа бадигууло ход̇и, на зд̇т̇а абхираманд̇и, д̇зна саа ааг̇ад̇агижжам̣ гад̇ваа лахум̣ нивад̇д̇ид̇угаамад̇ааяа на нисийд̣̇и. яасса жа г̇аманаад̣̇иирияаабат̇абариссамасса винод̣̇анад̇т̇ам̣ нисийд̣̇анд̇и, со д̣̇зваанам̣ бариссамо над̇т̇и, д̇асмааби на нисийд̣̇и. яз жа махаасаавагаа бхаг̇аванд̇ам̣ бариваарзд̇ваа тид̇аа, д̇з бад̇имаанзд̇и, д̇асмааби на нисийд̣̇и. абижа бхаг̇авад̇и г̇ааравзнзва на нисийд̣̇и. д̣̇звад̇аанан̃хи нисийд̣̇ид̇угаамаанам̣ аасанам̣ ниб̣б̣ад̇д̇ад̇и, д̇ам̣ анижчамаанаа нисаж̇ж̇ааяа жид̇д̇амби агад̇ваа згаманд̇ам̣ адтааси.

    Kasmā panāyaṃ aṭṭhāsi eva, na nisīdīti? Lahuṃ nivattitukāmatāya. Devatāyo hi kañcideva atthavasaṃ paṭicca sucipuriso viya vaccaṭṭhānaṃ manussalokaṃ āgacchanti. Pakatiyā pana tāsaṃ yojanasatato pabhuti manussaloko duggandhatāya paṭikūlo hoti, na ettha abhiramanti, tena sā āgatakiccaṃ katvā lahuṃ nivattitukāmatāya na nisīdi. Yassa ca gamanādiiriyāpathaparissamassa vinodanatthaṃ nisīdanti, so devānaṃ parissamo natthi, tasmāpi na nisīdi. Ye ca mahāsāvakā bhagavantaṃ parivāretvā ṭhitā, te patimāneti, tasmāpi na nisīdi. Apica bhagavati gāraveneva na nisīdi. Devatānañhi nisīditukāmānaṃ āsanaṃ nibbattati, taṃ anicchamānā nisajjāya cittampi akatvā ekamantaṃ aṭṭhāsi.

    згаманд̇ам̣ тид̇аа ко саа д̣̇звад̇аад̇и звам̣ имзхи гааран̣зхи згаманд̇ам̣ тид̇аа ко саа д̣̇звад̇аа. бхаг̇аванд̇ам̣ г̇аат̇ааяа аж̇жхабхаасийд̇и бхаг̇аванд̇ам̣ агкарабад̣̇анияамид̇аг̇ант̇ид̇зна важанзна абхаасийд̇и ад̇т̇о. гат̇ам̣? б̣ахуу д̣̇зваа мануссаа жа…бз… б̣руухи ман̇г̇аламуд̇д̇аманд̇и.

    Ekamantaṃ ṭhitā kho sā devatāti evaṃ imehi kāraṇehi ekamantaṃ ṭhitā kho sā devatā. Bhagavantaṃ gāthāya ajjhabhāsīti bhagavantaṃ akkharapadaniyamitaganthitena vacanena abhāsīti attho. Kathaṃ? Bahū devā manussā ca…pe… brūhi maṅgalamuttamanti.

    ман̇г̇алабан̃хасамудтаанагат̇аа

    Maṅgalapañhasamuṭṭhānakathā

    д̇ад̇т̇а яасмаа ‘‘звамижжаад̣̇ибаатасса, ад̇т̇ам̣ наанаббагаарад̇о. ван̣н̣аяанд̇о самудтаанам̣, вад̇ваа’’д̇и маад̇игаа табид̇аа, д̇асса жа самудтаанасса аяам̣ вад̇д̇аб̣б̣ад̇ааяа огаасо, д̇асмаа ман̇г̇алабан̃хасамудтаанам̣ д̇аава вад̇ваа бажчаа имзсам̣ г̇аат̇аабад̣̇аанамад̇т̇ам̣ ван̣н̣аяиссаами. гин̃жа ман̇г̇алабан̃хасамудтаанам̣? ж̇амб̣уд̣̇ийбз гира д̇ад̇т̇а д̇ад̇т̇а наг̇арад̣̇ваарасант̇ааг̇аарасабхаад̣̇ийсу махааж̇ано саннибад̇ид̇ваа хиран̃н̃асуван̣н̣ам̣ д̣̇ад̇ваа наанаббагаарам̣ сийд̇аахаран̣аад̣̇игат̇ам̣ гат̇аабзд̇и, згзгаа гат̇аа жад̇умаасажжаязна нидтаад̇и. д̇ад̇т̇а згад̣̇ивасам̣ ман̇г̇алагат̇аа самудтааси ‘‘гим̣ ну ко ман̇г̇алам̣, гим̣ д̣̇идтам̣ ман̇г̇алам̣, суд̇ам̣ ман̇г̇алам̣, муд̇ам̣ ман̇г̇алам̣, го ман̇г̇алам̣ ж̇аанаад̇ий’’д̇и.

    Tattha yasmā ‘‘evamiccādipāṭhassa, atthaṃ nānappakārato. Vaṇṇayanto samuṭṭhānaṃ, vatvā’’ti mātikā ṭhapitā, tassa ca samuṭṭhānassa ayaṃ vattabbatāya okāso, tasmā maṅgalapañhasamuṭṭhānaṃ tāva vatvā pacchā imesaṃ gāthāpadānamatthaṃ vaṇṇayissāmi. Kiñca maṅgalapañhasamuṭṭhānaṃ? Jambudīpe kira tattha tattha nagaradvārasanthāgārasabhādīsu mahājano sannipatitvā hiraññasuvaṇṇaṃ datvā nānappakāraṃ sītāharaṇādikathaṃ kathāpeti, ekekā kathā catumāsaccayena niṭṭhāti. Tattha ekadivasaṃ maṅgalakathā samuṭṭhāsi ‘‘kiṃ nu kho maṅgalaṃ, kiṃ diṭṭhaṃ maṅgalaṃ, sutaṃ maṅgalaṃ, mutaṃ maṅgalaṃ, ko maṅgalaṃ jānātī’’ti.

    ат̇а д̣̇идтаман̇г̇алиго наамзго бурисо ааха ‘‘ахам̣ ман̇г̇алам̣ ж̇аанаами, д̣̇идтам̣ логз ман̇г̇алам̣ д̣̇идтам̣ наама абхиман̇г̇аласаммад̇ам̣ руубам̣. сзяяат̇ид̣̇ам̣ – ид̇хзгажжо гаалассзва вудтааяа жаад̇агасагун̣ам̣ ваа бассад̇и, б̣злуваладтим̣ ваа г̇аб̣бхиним̣ ваа гумаарагз ваа алан̇гад̇абадияад̇д̇з бун̣н̣агхадз ваа алларохид̇амажчам̣ ваа ааж̇ан̃н̃ам̣ ваа ааж̇ан̃н̃арат̇ам̣ ваа усабхам̣ ваа г̇аавим̣ ваа габилам̣ ваа, яам̣ ваа банан̃н̃амби гин̃жи зваруубам̣ абхиман̇г̇аласаммад̇ам̣ руубам̣ бассад̇и, ид̣̇ам̣ вужжад̇и д̣̇идтаман̇г̇ала’’нд̇и. д̇асса важанам̣ згажжз аг̇г̇ахзсум̣, згажжз на аг̇г̇ахзсум̣. яз на аг̇г̇ахзсум̣, д̇з д̇зна саха вивад̣̇им̣су.

    Atha diṭṭhamaṅgaliko nāmeko puriso āha ‘‘ahaṃ maṅgalaṃ jānāmi, diṭṭhaṃ loke maṅgalaṃ diṭṭhaṃ nāma abhimaṅgalasammataṃ rūpaṃ. Seyyathidaṃ – idhekacco kālasseva vuṭṭhāya cātakasakuṇaṃ vā passati, beluvalaṭṭhiṃ vā gabbhiniṃ vā kumārake vā alaṅkatapaṭiyatte puṇṇaghaṭe vā allarohitamacchaṃ vā ājaññaṃ vā ājaññarathaṃ vā usabhaṃ vā gāviṃ vā kapilaṃ vā, yaṃ vā panaññampi kiñci evarūpaṃ abhimaṅgalasammataṃ rūpaṃ passati, idaṃ vuccati diṭṭhamaṅgala’’nti. Tassa vacanaṃ ekacce aggahesuṃ, ekacce na aggahesuṃ. Ye na aggahesuṃ, te tena saha vivadiṃsu.

    ат̇а суд̇аман̇г̇алиго наама зго бурисо ааха – ‘‘жагкунаамзд̇ам̣, бхо, сужимби бассад̇и асужимби, д̇ат̇аа сунд̣̇арамби, асунд̣̇арамби, манаабамби, аманаабамби. яад̣̇и д̇зна д̣̇идтам̣ ман̇г̇алам̣ сияаа, саб̣б̣амби ман̇г̇алам̣ сияаа. д̇асмаа на д̣̇идтам̣ ман̇г̇алам̣, абижа ко бана суд̇ам̣ ман̇г̇алам̣. суд̇ам̣ наама абхиман̇г̇аласаммад̇о сад̣̇д̣̇о. сзяяат̇ид̣̇ам̣? ид̇хзгажжо гаалассзва вудтааяа вад̣дхаад̇и ваа вад̣дхамаанаад̇и ваа бун̣н̣аад̇и ваа пуссаад̇и ваа суманаад̇и ваа сирийд̇и ваа сиривад̣дхаад̇и ваа аж̇ж̇а сунагкад̇д̇ам̣ сумухуд̇д̇ам̣ суд̣̇ивасам̣ суман̇г̇аланд̇и зваруубам̣ ваа яам̣гин̃жи абхиман̇г̇аласаммад̇ам̣ сад̣̇д̣̇ам̣ сун̣аад̇и, ид̣̇ам̣ вужжад̇и суд̇аман̇г̇ала’’нд̇и. д̇ассааби важанам̣ згажжз аг̇г̇ахзсум̣, згажжз на аг̇г̇ахзсум̣. яз на аг̇г̇ахзсум̣, д̇з д̇зна саха вивад̣̇им̣су.

    Atha sutamaṅgaliko nāma eko puriso āha – ‘‘cakkhunāmetaṃ, bho, sucimpi passati asucimpi, tathā sundarampi, asundarampi, manāpampi, amanāpampi. Yadi tena diṭṭhaṃ maṅgalaṃ siyā, sabbampi maṅgalaṃ siyā. Tasmā na diṭṭhaṃ maṅgalaṃ, apica kho pana sutaṃ maṅgalaṃ. Sutaṃ nāma abhimaṅgalasammato saddo. Seyyathidaṃ? Idhekacco kālasseva vuṭṭhāya vaḍḍhāti vā vaḍḍhamānāti vā puṇṇāti vā phussāti vā sumanāti vā sirīti vā sirivaḍḍhāti vā ajja sunakkhattaṃ sumuhuttaṃ sudivasaṃ sumaṅgalanti evarūpaṃ vā yaṃkiñci abhimaṅgalasammataṃ saddaṃ suṇāti, idaṃ vuccati sutamaṅgala’’nti. Tassāpi vacanaṃ ekacce aggahesuṃ, ekacce na aggahesuṃ. Ye na aggahesuṃ, te tena saha vivadiṃsu.

    ат̇а муд̇аман̇г̇алиго наамзго бурисо ааха ‘‘сод̇амби хи наамзд̇ам̣, бхо, саад̇хумби асаад̇хумби манаабамби аманаабамби сад̣̇д̣̇ам̣ сун̣аад̇и. яад̣̇и д̇зна суд̇ам̣ ман̇г̇алам̣ сияаа, саб̣б̣амби ман̇г̇алам̣ сияаа. д̇асмаа на суд̇ам̣ ман̇г̇алам̣, абижа ко бана муд̇ам̣ ман̇г̇алам̣. муд̇ам̣ наама абхиман̇г̇аласаммад̇ам̣ г̇анд̇харасаподтаб̣б̣ам̣. сзяяат̇ид̣̇ам̣ – ид̇хзгажжо гаалассзва вудтааяа бад̣̇умаг̇анд̇хаад̣̇ибубпаг̇анд̇хам̣ ваа гхааяад̇и, пуссад̣̇анд̇агадтам̣ ваа каад̣̇ад̇и, бат̇авим̣ ваа аамасад̇и, харид̇асассам̣ ваа аллаг̇омаяам̣ ваа гажчабам̣ ваа д̇илам̣ ваа бубпам̣ ваа палам̣ ваа аамасад̇и, пуссамад̇д̇игааяа ваа саммаа лимбад̇и, пуссасаадагам̣ ваа ниваасзд̇и, пуссавзтанам̣ ваа д̇хаарзд̇и. яам̣ ваа банан̃н̃амби гин̃жи зваруубам̣ абхиман̇г̇аласаммад̇ам̣ г̇анд̇хам̣ ваа гхааяад̇и, расам̣ ваа сааяад̇и, подтаб̣б̣ам̣ ваа пусад̇и, ид̣̇ам̣ вужжад̇и муд̇аман̇г̇ала’’нд̇и. д̇ассааби важанам̣ згажжз аг̇г̇ахзсум̣, згажжз на аг̇г̇ахзсум̣.

    Atha mutamaṅgaliko nāmeko puriso āha ‘‘sotampi hi nāmetaṃ, bho, sādhumpi asādhumpi manāpampi amanāpampi saddaṃ suṇāti. Yadi tena sutaṃ maṅgalaṃ siyā, sabbampi maṅgalaṃ siyā. Tasmā na sutaṃ maṅgalaṃ, apica kho pana mutaṃ maṅgalaṃ. Mutaṃ nāma abhimaṅgalasammataṃ gandharasaphoṭṭhabbaṃ. Seyyathidaṃ – idhekacco kālasseva vuṭṭhāya padumagandhādipupphagandhaṃ vā ghāyati, phussadantakaṭṭhaṃ vā khādati, pathaviṃ vā āmasati, haritasassaṃ vā allagomayaṃ vā kacchapaṃ vā tilaṃ vā pupphaṃ vā phalaṃ vā āmasati, phussamattikāya vā sammā limpati, phussasāṭakaṃ vā nivāseti, phussaveṭhanaṃ vā dhāreti. Yaṃ vā panaññampi kiñci evarūpaṃ abhimaṅgalasammataṃ gandhaṃ vā ghāyati, rasaṃ vā sāyati, phoṭṭhabbaṃ vā phusati, idaṃ vuccati mutamaṅgala’’nti. Tassāpi vacanaṃ ekacce aggahesuṃ, ekacce na aggahesuṃ.

    д̇ад̇т̇а на д̣̇идтаман̇г̇алиго суд̇амуд̇аман̇г̇алигз асагки н̃аабзд̇ум̣, на д̇зсам̣ ан̃н̃ад̇аро ид̇арз д̣̇вз. д̇зсу жа мануссзсу яз д̣̇идтаман̇г̇алигасса важанам̣ г̇ан̣хим̣су, д̇з ‘‘д̣̇идтам̣язва ман̇г̇ала’’нд̇и г̇ад̇аа. яз суд̇амуд̇аман̇г̇алигаанам̣, д̇з ‘‘суд̇ам̣язва муд̇ам̣язва ман̇г̇ала’’нд̇и г̇ад̇аа. звамаяам̣ ман̇г̇алагат̇аа сагалаж̇амб̣уд̣̇ийбз баагадаа ж̇аад̇аа.

    Tattha na diṭṭhamaṅgaliko sutamutamaṅgalike asakkhi ñāpetuṃ, na tesaṃ aññataro itare dve. Tesu ca manussesu ye diṭṭhamaṅgalikassa vacanaṃ gaṇhiṃsu, te ‘‘diṭṭhaṃyeva maṅgala’’nti gatā. Ye sutamutamaṅgalikānaṃ, te ‘‘sutaṃyeva mutaṃyeva maṅgala’’nti gatā. Evamayaṃ maṅgalakathā sakalajambudīpe pākaṭā jātā.

    ат̇а сагалаж̇амб̣уд̣̇ийбз мануссаа г̇умб̣аг̇умб̣аа худ̇ваа ‘‘гим̣ ну ко ман̇г̇ала’’нд̇и ман̇г̇алаани жинд̇аяим̣су. д̇зсам̣ мануссаанам̣ аарагкад̣̇звад̇аа д̇ам̣ гат̇ам̣ суд̇ваа д̇ат̇зва ман̇г̇алаани жинд̇аяим̣су. д̇аасам̣ д̣̇звад̇аанам̣ бхуммад̣̇звад̇аа мид̇д̇аа хонд̇и, ат̇а д̇ад̇о суд̇ваа бхуммад̣̇звад̇ааби д̇ат̇зва ман̇г̇алаани жинд̇аяим̣су, д̇аасам̣ д̣̇звад̇аанам̣ аагаасадтад̣̇звад̇аа мид̇д̇аа хонд̇и, аагаасадтад̣̇звад̇аанам̣ жад̇умахаарааж̇игаа д̣̇звад̇аа мид̇д̇аа хонд̇и, зд̇знубааязна яаава суд̣̇ассийд̣̇звад̇аанам̣ аганидтад̣̇звад̇аа мид̇д̇аа хонд̇и, ат̇а д̇ад̇о суд̇ваа аганидтад̣̇звад̇ааби д̇ат̇зва г̇умб̣аг̇умб̣аа худ̇ваа ман̇г̇алаани жинд̇аяим̣су. звам̣ яаава д̣̇асасахассажаггаваал̣зсу саб̣б̣ад̇т̇а ман̇г̇алажинд̇аа уд̣̇абаад̣̇и. уббаннаа жа ‘‘ид̣̇ам̣ ман̇г̇алам̣ ид̣̇ам̣ ман̇г̇ала’’нд̇и винижчаяамаанааби аббад̇д̇аа зва винижчаяам̣ д̣̇ваад̣̇аса вассаани адтааси. саб̣б̣з мануссаа жа д̣̇зваа жа б̣рахмаано жа табзд̇ваа арияасаавагз д̣̇идтасуд̇амуд̇авасзна д̇ид̇хаа бхиннаа. згоби ‘‘ид̣̇амзва ман̇г̇ала’’нд̇и яат̇аабхужжад̇о нидтан̇г̇ад̇о наахоси, ман̇г̇алаголаахалам̣ логз уббаж̇ж̇и.

    Atha sakalajambudīpe manussā gumbagumbā hutvā ‘‘kiṃ nu kho maṅgala’’nti maṅgalāni cintayiṃsu. Tesaṃ manussānaṃ ārakkhadevatā taṃ kathaṃ sutvā tatheva maṅgalāni cintayiṃsu. Tāsaṃ devatānaṃ bhummadevatā mittā honti, atha tato sutvā bhummadevatāpi tatheva maṅgalāni cintayiṃsu, tāsaṃ devatānaṃ ākāsaṭṭhadevatā mittā honti, ākāsaṭṭhadevatānaṃ catumahārājikā devatā mittā honti, etenupāyena yāva sudassīdevatānaṃ akaniṭṭhadevatā mittā honti, atha tato sutvā akaniṭṭhadevatāpi tatheva gumbagumbā hutvā maṅgalāni cintayiṃsu. Evaṃ yāva dasasahassacakkavāḷesu sabbattha maṅgalacintā udapādi. Uppannā ca ‘‘idaṃ maṅgalaṃ idaṃ maṅgala’’nti vinicchayamānāpi appattā eva vinicchayaṃ dvādasa vassāni aṭṭhāsi. Sabbe manussā ca devā ca brahmāno ca ṭhapetvā ariyasāvake diṭṭhasutamutavasena tidhā bhinnā. Ekopi ‘‘idameva maṅgala’’nti yathābhuccato niṭṭhaṅgato nāhosi, maṅgalakolāhalaṃ loke uppajji.

    голаахалам̣ наама бан̃жавид̇хам̣ габбаголаахалам̣, жаггавад̇д̇иголаахалам̣, б̣уд̣̇д̇хаголаахалам̣, ман̇г̇алаголаахалам̣, монзяяаголаахаланд̇и. д̇ад̇т̇а гаамааважарад̣̇зваа муд̇д̇асираа вигин̣н̣агзсаа руд̣̇аммукаа ассууни хад̇т̇зхи бун̃чамаанаа рад̇д̇авад̇т̇анивад̇т̇аа ад̇ивияа вируубавзсад̇хаарино худ̇ваа ‘‘вассасад̇асахассажжаязна габбудтаанам̣ хохид̇и, аяам̣ лого винассиссад̇и, махаасамуд̣̇д̣̇о суссиссад̇и, аяан̃жа махаабат̇авий синзру жа баб̣б̣ад̇арааж̇аа уд̣дхаяхиссад̇и винассиссад̇и, яаава б̣рахмалогаа логавинаасо бхависсад̇и, мзд̇д̇ам̣ маарисаа бхаавзт̇а, гарун̣ам̣ муд̣̇ид̇ам̣ убзгкам̣ маарисаа бхаавзт̇а, маад̇арам̣ убадтахат̇а, бид̇арам̣ убадтахат̇а, гулз ж̇здтаабажааяино хот̇а, ж̇ааг̇арат̇а маа бамаад̣̇ад̇т̇аа’’д̇и мануссабат̇з вижарид̇ваа аарожзнд̇и. ид̣̇ам̣ габбаголаахалам̣ наама.

    Kolāhalaṃ nāma pañcavidhaṃ kappakolāhalaṃ, cakkavattikolāhalaṃ, buddhakolāhalaṃ, maṅgalakolāhalaṃ, moneyyakolāhalanti. Tattha kāmāvacaradevā muttasirā vikiṇṇakesā rudammukhā assūni hatthehi puñchamānā rattavatthanivatthā ativiya virūpavesadhārino hutvā ‘‘vassasatasahassaccayena kappuṭṭhānaṃ hohiti, ayaṃ loko vinassissati, mahāsamuddo sussissati, ayañca mahāpathavī sineru ca pabbatarājā uḍḍhayhissati vinassissati, yāva brahmalokā lokavināso bhavissati, mettaṃ mārisā bhāvetha, karuṇaṃ muditaṃ upekkhaṃ mārisā bhāvetha, mātaraṃ upaṭṭhahatha, pitaraṃ upaṭṭhahatha, kule jeṭṭhāpacāyino hotha, jāgaratha mā pamādatthā’’ti manussapathe vicaritvā ārocenti. Idaṃ kappakolāhalaṃ nāma.

    гаамааважарад̣̇звааязва ‘‘вассасад̇ассажжаязна жаггавад̇д̇ирааж̇аа логз уббаж̇ж̇иссад̇ий’’д̇и мануссабат̇з вижарид̇ваа аарожзнд̇и. ид̣̇ам̣ жаггавад̇д̇иголаахалам̣ наама. суд̣̇д̇хааваасаа бана д̣̇зваа б̣рахмаабхаран̣зна алан̇гарид̇ваа б̣рахмавзтанам̣ сийсз гад̇ваа бийд̇исоманассаж̇аад̇аа б̣уд̣̇д̇хаг̇ун̣аваад̣̇ино ‘‘вассасахассажжаязна б̣уд̣̇д̇хо логз уббаж̇ж̇иссад̇ий’’д̇и мануссабат̇з вижарид̇ваа аарожзнд̇и. ид̣̇ам̣ б̣уд̣̇д̇хаголаахалам̣ наама. суд̣̇д̇хааваасаа зва д̣̇зваа д̣̇звамануссаанам̣ жид̇д̇ам̣ н̃ад̇ваа ‘‘д̣̇ваад̣̇асаннам̣ вассаанам̣ ажжаязна саммаасамб̣уд̣̇д̇хо ман̇г̇алам̣ гат̇зссад̇ий’’д̇и мануссабат̇з вижарид̇ваа аарожзнд̇и. ид̣̇ам̣ ман̇г̇алаголаахалам̣ наама. суд̣̇д̇хааваасаа зва д̣̇зваа ‘‘сад̇д̇аннам̣ вассаанам̣ ажжаязна ан̃н̃ад̇аро бхигку бхаг̇авад̇аа сад̣̇д̇хим̣ самааг̇амма монзяяаббадибад̣̇ам̣ бужчиссад̇ий’’д̇и мануссабат̇з вижарид̇ваа аарожзнд̇и. ид̣̇ам̣ монзяяаголаахалам̣ наама. имзсу бан̃жасу голаахалзсу д̣̇звамануссаанам̣ ид̣̇ам̣ ман̇г̇алаголаахалам̣ логз уббаж̇ж̇и.

    Kāmāvacaradevāyeva ‘‘vassasatassaccayena cakkavattirājā loke uppajjissatī’’ti manussapathe vicaritvā ārocenti. Idaṃ cakkavattikolāhalaṃ nāma. Suddhāvāsā pana devā brahmābharaṇena alaṅkaritvā brahmaveṭhanaṃ sīse katvā pītisomanassajātā buddhaguṇavādino ‘‘vassasahassaccayena buddho loke uppajjissatī’’ti manussapathe vicaritvā ārocenti. Idaṃ buddhakolāhalaṃ nāma. Suddhāvāsā eva devā devamanussānaṃ cittaṃ ñatvā ‘‘dvādasannaṃ vassānaṃ accayena sammāsambuddho maṅgalaṃ kathessatī’’ti manussapathe vicaritvā ārocenti. Idaṃ maṅgalakolāhalaṃ nāma. Suddhāvāsā eva devā ‘‘sattannaṃ vassānaṃ accayena aññataro bhikkhu bhagavatā saddhiṃ samāgamma moneyyappaṭipadaṃ pucchissatī’’ti manussapathe vicaritvā ārocenti. Idaṃ moneyyakolāhalaṃ nāma. Imesu pañcasu kolāhalesu devamanussānaṃ idaṃ maṅgalakolāhalaṃ loke uppajji.

    ат̇а д̣̇звзсу жа мануссзсу жа вижинид̇ваа вижинид̇ваа ман̇г̇алаани алабхамаанзсу д̣̇ваад̣̇асаннам̣ вассаанам̣ ажжаязна д̇аавад̇им̣сагааяигаа д̣̇звад̇аа сан̇г̇амма самааг̇амма звам̣ самажинд̇зсум̣ ‘‘сзяяат̇ааби наама гхарасаамиго анд̇огхараж̇анаанам̣, г̇аамасаамиго г̇аамаваасийнам̣ , рааж̇аа саб̣б̣амануссаанам̣, звамзва аяам̣ сагго д̣̇зваанаминд̣̇о амхаагам̣ аг̇г̇о жа сздто жа яад̣̇ид̣̇ам̣ бун̃н̃зна д̇зж̇зна иссариязна бан̃н̃ааяа д̣̇виннам̣ д̣̇звалогаанам̣ ад̇хибад̇и, яам̣нууна маяам̣ саггам̣ д̣̇зваанаминд̣̇ам̣ зд̇амад̇т̇ам̣ бужчзяяаамаа’’д̇и. д̇аа саггасса санд̇игам̣ г̇анд̇ваа саггам̣ д̣̇зваанаминд̣̇ам̣ д̇ан̇кан̣аануруубаниваасанаабхаран̣асассиригасарийрам̣ ад̣дхад̇зяяагодиажчарааг̇ан̣абаривуд̇ам̣ баарижчад̇д̇агамуулз бан̣д̣угамб̣алавараасанз нисиннам̣ абхиваад̣̇зд̇ваа згаманд̇ам̣ тад̇ваа зд̇ад̣̇авожум̣ ‘‘яаг̇гхз, маариса, ж̇аанзяяааси, зд̇арахи ман̇г̇алабан̃хаа самудтид̇аа, згз ‘д̣̇идтам̣ ман̇г̇ала’нд̇и вад̣̇анд̇и, згз ‘суд̇ам̣ ман̇г̇ала’нд̇и, згз ‘муд̇ам̣ ман̇г̇ала’нд̇и, д̇ад̇т̇а маяан̃жа ан̃н̃з жа анидтан̇г̇ад̇аа, саад̇ху вад̇а но д̇вам̣ яаат̇аавад̇о б̣яаагарохий’’д̇и. д̣̇зварааж̇аа багад̇ияааби бан̃н̃аваа ‘‘аяам̣ ман̇г̇алагат̇аа гад̇т̇а батамам̣ самудтид̇аа’’д̇и ааха. ‘‘маяам̣, д̣̇зва, жаад̇умахаарааж̇игаанам̣ ассумхаа’’д̇и аахам̣су. д̇ад̇о жаад̇умахаарааж̇игаа аагаасадтад̣̇звад̇аанам̣, аагаасадтад̣̇звад̇аа бхуммад̣̇звад̇аанам̣, бхуммад̣̇звад̇аа мануссаарагкад̣̇звад̇аанам̣, мануссаарагкад̣̇звад̇аа ‘‘мануссалогз самудтид̇аа’’д̇и аахам̣су.

    Atha devesu ca manussesu ca vicinitvā vicinitvā maṅgalāni alabhamānesu dvādasannaṃ vassānaṃ accayena tāvatiṃsakāyikā devatā saṅgamma samāgamma evaṃ samacintesuṃ ‘‘seyyathāpi nāma gharasāmiko antogharajanānaṃ, gāmasāmiko gāmavāsīnaṃ , rājā sabbamanussānaṃ, evameva ayaṃ sakko devānamindo amhākaṃ aggo ca seṭṭho ca yadidaṃ puññena tejena issariyena paññāya dvinnaṃ devalokānaṃ adhipati, yaṃnūna mayaṃ sakkaṃ devānamindaṃ etamatthaṃ puccheyyāmā’’ti. Tā sakkassa santikaṃ gantvā sakkaṃ devānamindaṃ taṅkhaṇānurūpanivāsanābharaṇasassirikasarīraṃ aḍḍhateyyakoṭiaccharāgaṇaparivutaṃ pāricchattakamūle paṇḍukambalavarāsane nisinnaṃ abhivādetvā ekamantaṃ ṭhatvā etadavocuṃ ‘‘yagghe, mārisa, jāneyyāsi, etarahi maṅgalapañhā samuṭṭhitā, eke ‘diṭṭhaṃ maṅgala’nti vadanti, eke ‘sutaṃ maṅgala’nti, eke ‘mutaṃ maṅgala’nti, tattha mayañca aññe ca aniṭṭhaṅgatā, sādhu vata no tvaṃ yāthāvato byākarohī’’ti. Devarājā pakatiyāpi paññavā ‘‘ayaṃ maṅgalakathā kattha paṭhamaṃ samuṭṭhitā’’ti āha. ‘‘Mayaṃ, deva, cātumahārājikānaṃ assumhā’’ti āhaṃsu. Tato cātumahārājikā ākāsaṭṭhadevatānaṃ, ākāsaṭṭhadevatā bhummadevatānaṃ, bhummadevatā manussārakkhadevatānaṃ, manussārakkhadevatā ‘‘manussaloke samuṭṭhitā’’ti āhaṃsu.

    ат̇а д̣̇зваанаминд̣̇о ‘‘саммаасамб̣уд̣̇д̇хо гад̇т̇а васад̇ий’’д̇и бужчи. ‘‘мануссалогз д̣̇зваа’’д̇и аахам̣су. д̇ам̣ бхаг̇аванд̇ам̣ гожи бужчийд̇и, на гожи д̣̇зваад̇и . гинну наама д̇умхз маарисаа аг̇г̇им̣ чад̣д̣зд̇ваа каж̇ж̇обанагам̣ уж̇ж̇аалзт̇а, язна д̇умхз анавасзсаман̇г̇алад̣̇зсагам̣ д̇ам̣ бхаг̇аванд̇ам̣ ад̇иггамид̇ваа мам̣ бужчид̇аб̣б̣ам̣ ман̃н̃ат̇а, ааг̇ажчат̇а маарисаа, д̇ам̣ бхаг̇аванд̇ам̣ бужчаама, ад̣̇д̇хаа сассиригам̣ бан̃хавзяяаагаран̣ам̣ лабхиссаамаад̇и згам̣ д̣̇звабуд̇д̇ам̣ аан̣аабзси ‘‘д̇ам̣ бхаг̇аванд̇ам̣ бужчаа’’д̇и. со д̣̇звабуд̇д̇о д̇ан̇кан̣аануруубзна алан̇гаарзна ад̇д̇аанам̣ алан̇гарид̇ваа виж̇ж̇урива виж̇ж̇од̇амаано д̣̇зваг̇ан̣абаривуд̇о ж̇зд̇аванамахаавихаарам̣ г̇анд̇ваа бхаг̇аванд̇ам̣ абхиваад̣̇зд̇ваа згаманд̇ам̣ тад̇ваа ман̇г̇алабан̃хам̣ бужчанд̇о г̇аат̇ааяа аж̇жхабхааси ‘‘б̣ахуу д̣̇зваа мануссаа жаа’’д̇и.

    Atha devānamindo ‘‘sammāsambuddho kattha vasatī’’ti pucchi. ‘‘Manussaloke devā’’ti āhaṃsu. Taṃ bhagavantaṃ koci pucchīti, na koci devāti . Kinnu nāma tumhe mārisā aggiṃ chaḍḍetvā khajjopanakaṃ ujjāletha, yena tumhe anavasesamaṅgaladesakaṃ taṃ bhagavantaṃ atikkamitvā maṃ pucchitabbaṃ maññatha, āgacchatha mārisā, taṃ bhagavantaṃ pucchāma, addhā sassirikaṃ pañhaveyyākaraṇaṃ labhissāmāti ekaṃ devaputtaṃ āṇāpesi ‘‘taṃ bhagavantaṃ pucchā’’ti. So devaputto taṅkhaṇānurūpena alaṅkārena attānaṃ alaṅkaritvā vijjuriva vijjotamāno devagaṇaparivuto jetavanamahāvihāraṃ gantvā bhagavantaṃ abhivādetvā ekamantaṃ ṭhatvā maṅgalapañhaṃ pucchanto gāthāya ajjhabhāsi ‘‘bahū devā manussā cā’’ti.

    ид̣̇ам̣ ман̇г̇алабан̃хасамудтаанам̣.

    Idaṃ maṅgalapañhasamuṭṭhānaṃ.

    б̣ахууд̣̇зваад̇иг̇аат̇ааван̣н̣анаа

    Bahūdevātigāthāvaṇṇanā

    2. ид̣̇аани г̇аат̇аабад̣̇аанам̣ ад̇т̇аван̣н̣анаа ход̇и. б̣ахууд̇и анияамид̇асан̇кяаанид̣̇д̣̇зсо, д̇зна анзгасад̇аа анзгасахассаа анзгасад̇асахассаад̇и вуд̇д̇ам̣ ход̇и. д̣̇иб̣б̣анд̇ийд̇и д̣̇зваа, бан̃жахи гаамаг̇ун̣зхи гийл̣анд̇и, ад̇д̇ано ваа сирияаа ж̇од̇знд̇ийд̇и ад̇т̇о. абижа д̣̇зваад̇и д̇ивид̇хаа д̣̇зваа саммуд̇иубабад̇д̇ивисуд̣̇д̇хивасзна. яат̇ааха –

    2. Idāni gāthāpadānaṃ atthavaṇṇanā hoti. Bahūti aniyamitasaṅkhyāniddeso, tena anekasatā anekasahassā anekasatasahassāti vuttaṃ hoti. Dibbantīti devā, pañcahi kāmaguṇehi kīḷanti, attano vā siriyā jotentīti attho. Apica devāti tividhā devā sammutiupapattivisuddhivasena. Yathāha –

    ‘‘д̣̇зваад̇и д̇аяо д̣̇зваа – саммуд̇ид̣̇зваа, убабад̇д̇ид̣̇зваа, висуд̣̇д̇хид̣̇зваа. д̇ад̇т̇а саммуд̇ид̣̇зваа наама рааж̇аано д̣̇звияо рааж̇агумаараа. убабад̇д̇ид̣̇зваа наама жаад̇умахаарааж̇игз д̣̇звз убаад̣̇ааяа д̇ад̣̇уд̇д̇арид̣̇зваа. висуд̣̇д̇хид̣̇зваа наама араханд̇о вужжанд̇ий’’д̇и (жуул̣ани. д̇ход̇агамаан̣авабужчаанид̣̇д̣̇зса 32, баарааяанаануг̇ийд̇иг̇аат̇аанид̣̇д̣̇зса 119).

    ‘‘Devāti tayo devā – sammutidevā, upapattidevā, visuddhidevā. Tattha sammutidevā nāma rājāno deviyo rājakumārā. Upapattidevā nāma cātumahārājike deve upādāya taduttaridevā. Visuddhidevā nāma arahanto vuccantī’’ti (cūḷani. dhotakamāṇavapucchāniddesa 32, pārāyanānugītigāthāniddesa 119).

    д̇зсу ид̇ха убабад̇д̇ид̣̇зваа ад̇хиббзд̇аа. мануно абажжаад̇и мануссаа. бораан̣аа бана бхан̣анд̇и – манасо уссаннад̇ааяа мануссаа. д̇з ж̇амб̣уд̣̇ийбагаа, абараг̇ояаанагаа, уд̇д̇арагуругаа, буб̣б̣авид̣̇зхагаад̇и жад̇уб̣б̣ид̇хаа, ид̇ха ж̇амб̣уд̣̇ийбагаа ад̇хиббзд̇аа. ман̇г̇аланд̇и маханд̇и имзхи сад̇д̇аад̇и ман̇г̇алаани, ид̣̇д̇хим̣ вуд̣̇д̇хин̃жа баабун̣анд̇ийд̇и ад̇т̇о. ажинд̇аяунд̇и жинд̇зсум̣ ааган̇камаанаад̇и ижчамаанаа бад̇т̇аяамаанаа бихаяамаанаа. сод̇т̇аананд̇и сод̇т̇ибхаавам̣, саб̣б̣зсам̣ д̣̇идтад̇хаммигасамбарааяигаанам̣ собханаанам̣ сунд̣̇араанам̣ галяаан̣аанам̣ д̇хаммаанамад̇т̇ид̇анд̇и вуд̇д̇ам̣ ход̇и. б̣руухийд̇и д̣̇зсзхи багаасзхи, аажигка вивара вибхаж̇а уд̇д̇аанийгарохи. ман̇г̇аланд̇и ид̣̇д̇хигааран̣ам̣ вуд̣̇д̇хигааран̣ам̣ саб̣б̣асамбад̇д̇игааран̣ам̣. уд̇д̇аманд̇и висидтам̣ баварам̣ саб̣б̣алогахид̇асукааваханд̇и аяам̣ г̇аат̇ааяа анубуб̣б̣абад̣̇аван̣н̣анаа.

    Tesu idha upapattidevā adhippetā. Manuno apaccāti manussā. Porāṇā pana bhaṇanti – manaso ussannatāya manussā. Te jambudīpakā, aparagoyānakā, uttarakurukā, pubbavidehakāti catubbidhā, idha jambudīpakā adhippetā. Maṅgalanti mahanti imehi sattāti maṅgalāni, iddhiṃ vuddhiñca pāpuṇantīti attho. Acintayunti cintesuṃ ākaṅkhamānāti icchamānā patthayamānā pihayamānā. Sotthānanti sotthibhāvaṃ, sabbesaṃ diṭṭhadhammikasamparāyikānaṃ sobhanānaṃ sundarānaṃ kalyāṇānaṃ dhammānamatthitanti vuttaṃ hoti. Brūhīti desehi pakāsehi, ācikkha vivara vibhaja uttānīkarohi. Maṅgalanti iddhikāraṇaṃ vuddhikāraṇaṃ sabbasampattikāraṇaṃ. Uttamanti visiṭṭhaṃ pavaraṃ sabbalokahitasukhāvahanti ayaṃ gāthāya anupubbapadavaṇṇanā.

    аяам̣ бана бин̣д̣ад̇т̇о – со д̣̇звабуд̇д̇о д̣̇асасахассажаггаваал̣зсу д̣̇звад̇аа ман̇г̇алабан̃хам̣ сод̇угаамад̇ааяа имасмим̣ жаггаваал̣з саннибад̇ид̇ваа згаваалаг̇г̇агодиогаасамад̇д̇з д̣̇асаби вийсамби д̇им̣самби жад̇д̇аалийсамби бан̃н̃аасамби садтиби сад̇д̇ад̇иби асийд̇иби сукумад̇д̇абхаавз нимминид̇ваа саб̣б̣ад̣̇звамаараб̣рахмаано сирияаа жа д̇зж̇асаа жа ад̇хиг̇г̇аяха вирожамаанам̣ бан̃н̃ад̇д̇авараб̣уд̣̇д̇хаасанз нисиннам̣ бхаг̇аванд̇ам̣ бариваарзд̇ваа тид̇аа д̣̇исваа д̇асмин̃жа самаяз анааг̇ад̇аанамби сагалаж̇амб̣уд̣̇ийбагаанам̣ мануссаанам̣ жзд̇асаа жзд̇обаривид̇аггаман̃н̃ааяа саб̣б̣ад̣̇звамануссаанам̣ вижигижчаасалласамуд̣̇д̇харан̣ад̇т̇ам̣ ааха –

    Ayaṃ pana piṇḍattho – so devaputto dasasahassacakkavāḷesu devatā maṅgalapañhaṃ sotukāmatāya imasmiṃ cakkavāḷe sannipatitvā ekavālaggakoṭiokāsamatte dasapi vīsampi tiṃsampi cattālīsampi paññāsampi saṭṭhipi sattatipi asītipi sukhumattabhāve nimminitvā sabbadevamārabrahmāno siriyā ca tejasā ca adhiggayha virocamānaṃ paññattavarabuddhāsane nisinnaṃ bhagavantaṃ parivāretvā ṭhitā disvā tasmiñca samaye anāgatānampi sakalajambudīpakānaṃ manussānaṃ cetasā cetoparivitakkamaññāya sabbadevamanussānaṃ vicikicchāsallasamuddharaṇatthaṃ āha –

    ‘‘б̣ахуу д̣̇зваа мануссаа жа, ман̇г̇алаани ажинд̇аяум̣;

    ‘‘Bahū devā manussā ca, maṅgalāni acintayuṃ;

    ааган̇камаанаа сод̇т̇аанам̣, б̣руухи ман̇г̇аламуд̇д̇ама’’нд̇и.

    Ākaṅkhamānā sotthānaṃ, brūhi maṅgalamuttama’’nti.

    д̇аасам̣ д̣̇звад̇аанам̣ анумад̇ияаа мануссаанан̃жа ануг̇г̇ахзна маяаа будто самаано яам̣ саб̣б̣зсамзва амхаагам̣ зганд̇ахид̇асукаавахад̇о уд̇д̇амам̣ ман̇г̇алам̣, д̇ам̣ но анугамбам̣ убаад̣̇ааяа б̣руухи бхаг̇аваад̇и.

    Tāsaṃ devatānaṃ anumatiyā manussānañca anuggahena mayā puṭṭho samāno yaṃ sabbesameva amhākaṃ ekantahitasukhāvahato uttamaṃ maṅgalaṃ, taṃ no anukampaṃ upādāya brūhi bhagavāti.

    асзванаажаад̇иг̇аат̇ааван̣н̣анаа

    Asevanācātigāthāvaṇṇanā

    3. звамзд̇ам̣ д̣̇звабуд̇д̇асса важанам̣ суд̇ваа бхаг̇аваа ‘‘асзванаа жа б̣аалаана’’нд̇и г̇аат̇амааха. д̇ад̇т̇а асзванаад̇и абхаж̇анаа абаяирубаасанаа. б̣аалаананд̇и б̣аланд̇и ассасанд̇ийд̇и б̣аалаа, ассасид̇абассасид̇амад̇д̇зна ж̇ийванд̇и, на бан̃н̃ааж̇ийвид̇знаад̇и ад̇хиббааяо. д̇зсам̣ б̣аалаанам̣. бан̣д̣ид̇аананд̇и бан̣д̣анд̇ийд̇и бан̣д̣ид̇аа, санд̣̇идтигасамбарааяигзсу ад̇т̇зсу н̃аан̣аг̇ад̇ияаа г̇ажчанд̇ийд̇и ад̇хиббааяо. д̇зсам̣ бан̣д̣ид̇аанам̣. сзванаад̇и бхаж̇анаа баяирубаасанаа д̇ам̣сахааяад̇аа д̇ам̣самбаван̇гад̇аа д̇ам̣саман̇г̇ид̇аа бууж̇аад̇и саггаараг̇аругаарамаананаванд̣̇анаа. бууж̇анзяяаананд̇и бууж̇аарахаанам̣. зд̇ам̣ ман̇г̇аламуд̇д̇аманд̇и яаа жа б̣аалаанам̣ асзванаа, яаа жа бан̣д̣ид̇аанам̣ сзванаа, яаа жа бууж̇анзяяаанам̣ бууж̇аа, д̇ам̣ саб̣б̣ам̣ самбин̣д̣зд̇ваа ааха ‘‘зд̇ам̣ ман̇г̇аламуд̇д̇ама’’нд̇и. яам̣ д̇аяаа будтам̣ ‘‘б̣руухи ман̇г̇аламуд̇д̇ама’’нд̇и, зд̇т̇а д̇аава зд̇ам̣ ман̇г̇аламуд̇д̇аманд̇и г̇ан̣хаахийд̇и вуд̇д̇ам̣ ход̇и. аяамзд̇иссаа г̇аат̇ааяа бад̣̇аван̣н̣анаа.

    3. Evametaṃ devaputtassa vacanaṃ sutvā bhagavā ‘‘asevanā ca bālāna’’nti gāthamāha. Tattha asevanāti abhajanā apayirupāsanā. Bālānanti balanti assasantīti bālā, assasitapassasitamattena jīvanti, na paññājīvitenāti adhippāyo. Tesaṃ bālānaṃ. Paṇḍitānanti paṇḍantīti paṇḍitā, sandiṭṭhikasamparāyikesu atthesu ñāṇagatiyā gacchantīti adhippāyo. Tesaṃ paṇḍitānaṃ. Sevanāti bhajanā payirupāsanā taṃsahāyatā taṃsampavaṅkatā taṃsamaṅgitā pūjāti sakkāragarukāramānanavandanā. Pūjaneyyānanti pūjārahānaṃ. Etaṃ maṅgalamuttamanti yā ca bālānaṃ asevanā, yā ca paṇḍitānaṃ sevanā, yā ca pūjaneyyānaṃ pūjā, taṃ sabbaṃ sampiṇḍetvā āha ‘‘etaṃ maṅgalamuttama’’nti. Yaṃ tayā puṭṭhaṃ ‘‘brūhi maṅgalamuttama’’nti, ettha tāva etaṃ maṅgalamuttamanti gaṇhāhīti vuttaṃ hoti. Ayametissā gāthāya padavaṇṇanā.

    ад̇т̇аван̣н̣анаа банассаа звам̣ взд̣̇ид̇аб̣б̣аа – звамзд̇ам̣ д̣̇звабуд̇д̇асса важанам̣ суд̇ваа бхаг̇аваа ‘‘асзванаа жа б̣аалаана’’нд̇и имам̣ г̇аат̇амааха. д̇ад̇т̇а яасмаа жад̇уб̣б̣ид̇хаа г̇аат̇аа бужчид̇аг̇аат̇аа, абужчид̇аг̇аат̇аа, саанусанд̇хигаг̇аат̇аа, ананусанд̇хигаг̇аат̇аад̇и. д̇ад̇т̇а ‘‘бужчаами д̇ам̣, г̇од̇ама, бхуурибан̃н̃а, гат̇ан̇гаро сааваго саад̇ху ход̇ий’’д̇и (су. ни. 378) жа ‘‘гат̇ам̣ ну д̇вам̣, маариса, огхамад̇арий’’д̇и (сам̣. ни. 1.1) жа звамаад̣̇ийсу бужчид̇зна гат̇ид̇аа бужчид̇аг̇аат̇аа. ‘‘яам̣ барз сукад̇о ааху, д̇ад̣̇арияаа ааху д̣̇угкад̇о’’д̇и звамаад̣̇ийсу (су. ни. 767) абужчид̇зна ад̇д̇аж̇жхаасаяавасзна гат̇ид̇аа абужчид̇аг̇аат̇аа. саб̣б̣ааби б̣уд̣̇д̇хаанам̣ г̇аат̇аа ‘‘санид̣̇аанаахам̣, бхигкавз, д̇хаммам̣ д̣̇зсзссаамий’’д̇и (а. ни. 3.126; гат̇аа. 806) важанад̇о саанусанд̇хигаг̇аат̇аа. ананусанд̇хигаг̇аат̇аа имасмим̣ саасанз над̇т̇и. звамзд̇аасу г̇аат̇аасу аяам̣ д̣̇звабуд̇д̇зна бужчид̇зна бхаг̇авад̇аа гат̇ид̇ад̇д̇аа бужчид̇аг̇аат̇аа. аяан̃жа яат̇аа чзго бурисо гусало маг̇г̇асса гусало амаг̇г̇асса маг̇г̇ам̣ будто батамам̣ виж̇ахид̇аб̣б̣ам̣ аажигкид̇ваа бажчаа г̇ахзд̇аб̣б̣ам̣ аажигкад̇и ‘‘асугасмим̣ наама таанз д̣̇взд̇хаабат̇о ход̇и, д̇ад̇т̇а ваамам̣ мун̃жид̇ваа д̣̇агкин̣ам̣ г̇ан̣хат̇аа’’д̇и, звам̣ сзвид̇аб̣б̣аасзвид̇аб̣б̣зсу асзвид̇аб̣б̣ам̣ аажигкид̇ваа сзвид̇аб̣б̣ам̣ аажигкад̇и . бхаг̇аваа жа маг̇г̇агусалабурисасад̣̇исо. яат̇ааха –

    Atthavaṇṇanā panassā evaṃ veditabbā – evametaṃ devaputtassa vacanaṃ sutvā bhagavā ‘‘asevanā ca bālāna’’nti imaṃ gāthamāha. Tattha yasmā catubbidhā gāthā pucchitagāthā, apucchitagāthā, sānusandhikagāthā, ananusandhikagāthāti. Tattha ‘‘pucchāmi taṃ, gotama, bhūripañña, kathaṅkaro sāvako sādhu hotī’’ti (su. ni. 378) ca ‘‘kathaṃ nu tvaṃ, mārisa, oghamatarī’’ti (saṃ. ni. 1.1) ca evamādīsu pucchitena kathitā pucchitagāthā. ‘‘Yaṃ pare sukhato āhu, tadariyā āhu dukkhato’’ti evamādīsu (su. ni. 767) apucchitena attajjhāsayavasena kathitā apucchitagāthā. Sabbāpi buddhānaṃ gāthā ‘‘sanidānāhaṃ, bhikkhave, dhammaṃ desessāmī’’ti (a. ni. 3.126; kathā. 806) vacanato sānusandhikagāthā. Ananusandhikagāthā imasmiṃ sāsane natthi. Evametāsu gāthāsu ayaṃ devaputtena pucchitena bhagavatā kathitattā pucchitagāthā. Ayañca yathā cheko puriso kusalo maggassa kusalo amaggassa maggaṃ puṭṭho paṭhamaṃ vijahitabbaṃ ācikkhitvā pacchā gahetabbaṃ ācikkhati ‘‘asukasmiṃ nāma ṭhāne dvedhāpatho hoti, tattha vāmaṃ muñcitvā dakkhiṇaṃ gaṇhathā’’ti, evaṃ sevitabbāsevitabbesu asevitabbaṃ ācikkhitvā sevitabbaṃ ācikkhati . Bhagavā ca maggakusalapurisasadiso. Yathāha –

    ‘‘бурисо маг̇г̇агусалод̇и ко, д̇исса, д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хасса. со хи гусало имасса логасса, гусало барасса логасса, гусало мажжуд̇хзяяасса, гусало амажжуд̇хзяяасса, гусало маарад̇хзяяасса, гусало амаарад̇хзяяассаа’’д̇и.

    ‘‘Puriso maggakusaloti kho, tissa, tathāgatassetaṃ adhivacanaṃ arahato sammāsambuddhassa. So hi kusalo imassa lokassa, kusalo parassa lokassa, kusalo maccudheyyassa, kusalo amaccudheyyassa, kusalo māradheyyassa, kusalo amāradheyyassā’’ti.

    д̇асмаа батамам̣ асзвид̇аб̣б̣ам̣ аажигканд̇о ааха – ‘‘асзванаа жа б̣аалаанам̣, бан̣д̣ид̇аанан̃жа сзванаа’’д̇и. виж̇ахид̇аб̣б̣амаг̇г̇о вияа хи батамам̣ б̣аалаа на сзвид̇аб̣б̣аа на баяирубаасид̇аб̣б̣аа, д̇ад̇о г̇ахзд̇аб̣б̣амаг̇г̇о вияа бан̣д̣ид̇аа сзвид̇аб̣б̣аа баяирубаасид̇аб̣б̣аад̇и. гасмаа бана бхаг̇авад̇аа ман̇г̇алам̣ гат̇знд̇зна батамам̣ б̣аалаанамасзванаа бан̣д̣ид̇аанан̃жа сзванаа гат̇ид̇аад̇и? вужжад̇з – яасмаа имам̣ д̣̇идтаад̣̇ийсу ман̇г̇алад̣̇идтим̣ б̣ааласзванааяа д̣̇звамануссаа г̇ан̣хим̣су, саа жа аман̇г̇алам̣, д̇асмаа д̇зсам̣ д̇ам̣ ид̇халогабаралогад̇т̇абхан̃ж̇агам̣ агаляаан̣амид̇д̇асам̣саг̇г̇ам̣ г̇араханд̇зна убхаяалогад̇т̇асаад̇хаган̃жа галяаан̣амид̇д̇асам̣саг̇г̇ам̣ басам̣санд̇зна бхаг̇авад̇аа батамам̣ б̣аалаанамасзванаа бан̣д̣ид̇аанан̃жа сзванаа гат̇ид̇аад̇и.

    Tasmā paṭhamaṃ asevitabbaṃ ācikkhanto āha – ‘‘asevanā ca bālānaṃ, paṇḍitānañca sevanā’’ti. Vijahitabbamaggo viya hi paṭhamaṃ bālā na sevitabbā na payirupāsitabbā, tato gahetabbamaggo viya paṇḍitā sevitabbā payirupāsitabbāti. Kasmā pana bhagavatā maṅgalaṃ kathentena paṭhamaṃ bālānamasevanā paṇḍitānañca sevanā kathitāti? Vuccate – yasmā imaṃ diṭṭhādīsu maṅgaladiṭṭhiṃ bālasevanāya devamanussā gaṇhiṃsu, sā ca amaṅgalaṃ, tasmā tesaṃ taṃ idhalokaparalokatthabhañjakaṃ akalyāṇamittasaṃsaggaṃ garahantena ubhayalokatthasādhakañca kalyāṇamittasaṃsaggaṃ pasaṃsantena bhagavatā paṭhamaṃ bālānamasevanā paṇḍitānañca sevanā kathitāti.

    д̇ад̇т̇а б̣аалаа наама яз гзжи баан̣аад̇ибаад̇аад̣̇иагусалагаммабат̇асаманнааг̇ад̇аа сад̇д̇аа, д̇з д̇ийхаагаарзхи ж̇аанид̇аб̣б̣аа. яат̇ааха ‘‘д̇ийн̣имаани, бхигкавз, б̣ааласса б̣аалалагкан̣ааний’’д̇и суд̇д̇ам̣ (а. ни. 3.3; ма. ни. 3.246). абижа бууран̣агассабаад̣̇аяо ча сад̇т̇ааро, д̣̇звад̣̇ад̇д̇агогаалигагадамод̣̇агад̇иссакан̣д̣ад̣̇звияаабуд̇д̇асамуд̣̇д̣̇ад̣̇ад̇д̇ажин̃жамаан̣авигаад̣̇аяо ад̇ийд̇агаалз жа д̣̇ийгхавид̣̇асса бхаад̇аад̇и имз ан̃н̃з жа зваруубаа сад̇д̇аа б̣аалаад̇и взд̣̇ид̇аб̣б̣аа.

    Tattha bālā nāma ye keci pāṇātipātādiakusalakammapathasamannāgatā sattā, te tīhākārehi jānitabbā. Yathāha ‘‘tīṇimāni, bhikkhave, bālassa bālalakkhaṇānī’’ti suttaṃ (a. ni. 3.3; ma. ni. 3.246). Apica pūraṇakassapādayo cha satthāro, devadattakokālikakaṭamodakatissakhaṇḍadeviyāputtasamuddadattaciñcamāṇavikādayo atītakāle ca dīghavidassa bhātāti ime aññe ca evarūpā sattā bālāti veditabbā.

    д̇з аг̇г̇ибад̣̇ид̇д̇амива аг̇аарам̣ ад̇д̇анаа д̣̇уг̇г̇ахид̇зна ад̇д̇аанан̃жзва ад̇д̇ано важанагаарагз жа винаасзнд̇и. яат̇аа д̣̇ийгхавид̣̇асса бхаад̇аа жад̇уб̣уд̣̇д̇ханд̇арам̣ садтияож̇анамад̇д̇зна ад̇д̇абхаавзна уд̇д̇аано бад̇ид̇о махаанираяз бажжад̇и, яат̇аа жа д̇асса д̣̇идтим̣ абхиружанагаани бан̃жа гуласад̇аани д̇ассзва сахаб̣яад̇ам̣ убабаннаани махаанираяз бажжанд̇и. вуд̇д̇ан̃жзд̇ам̣ бхаг̇авад̇аа –

    Te aggipadittamiva agāraṃ attanā duggahitena attānañceva attano vacanakārake ca vināsenti. Yathā dīghavidassa bhātā catubuddhantaraṃ saṭṭhiyojanamattena attabhāvena uttāno patito mahāniraye paccati, yathā ca tassa diṭṭhiṃ abhirucanakāni pañca kulasatāni tasseva sahabyataṃ upapannāni mahāniraye paccanti. Vuttañcetaṃ bhagavatā –

    ‘‘сзяяат̇ааби, бхигкавз, нал̣ааг̇аараа ваа д̇ин̣ааг̇аараа ваа аг̇г̇и муд̇д̇о гуудааг̇аарааниби д̣ахад̇и уллид̇д̇аавалид̇д̇аани ниваад̇аани пусид̇аг̇г̇ал̣аани бихид̇аваад̇абаанаани, звамзва ко, бхигкавз, яаани гаанижи бхаяаани уббаж̇ж̇анд̇и, саб̣б̣аани д̇аани б̣аалад̇о уббаж̇ж̇анд̇и, но бан̣д̣ид̇ад̇о. яз гзжи убад̣̇д̣̇аваа уббаж̇ж̇анд̇и…бз… яз гзжи убасаг̇г̇аа…бз… но бан̣д̣ид̇ад̇о. ид̇и ко, бхигкавз, саббадибхаяо б̣аало, аббадибхаяо бан̣д̣ид̇о. саубад̣̇д̣̇аво б̣аало, анубад̣̇д̣̇аво бан̣д̣ид̇о, саубасаг̇г̇о б̣аало, анубасаг̇г̇о бан̣д̣ид̇о’’д̇и (а. ни. 3.1).

    ‘‘Seyyathāpi, bhikkhave, naḷāgārā vā tiṇāgārā vā aggi mutto kūṭāgārānipi ḍahati ullittāvalittāni nivātāni phusitaggaḷāni pihitavātapānāni, evameva kho, bhikkhave, yāni kānici bhayāni uppajjanti, sabbāni tāni bālato uppajjanti, no paṇḍitato. Ye keci upaddavā uppajjanti…pe… ye keci upasaggā…pe… no paṇḍitato. Iti kho, bhikkhave, sappaṭibhayo bālo, appaṭibhayo paṇḍito. Saupaddavo bālo, anupaddavo paṇḍito, saupasaggo bālo, anupasaggo paṇḍito’’ti (a. ni. 3.1).

    абижа бууд̇имажчасад̣̇исо б̣аало, бууд̇имажчаб̣анд̇хабад̇д̇абудасад̣̇исо ход̇и д̇ад̣̇убасзвий, чад̣д̣анийяад̇ам̣ ж̇иг̇ужчанийяад̇ан̃жа баабун̣аад̇и вин̃н̃уунам̣. вуд̇д̇ан̃жзд̇ам̣ –

    Apica pūtimacchasadiso bālo, pūtimacchabandhapattapuṭasadiso hoti tadupasevī, chaḍḍanīyataṃ jigucchanīyatañca pāpuṇāti viññūnaṃ. Vuttañcetaṃ –

    ‘‘бууд̇имажчам̣ гусаг̇г̇зна, яо наро убанаяхад̇и;

    ‘‘Pūtimacchaṃ kusaggena, yo naro upanayhati;

    гусааби бууд̇ий вааяанд̇и, звам̣ б̣аалуубасзванаа’’д̇и. (ж̇аа. 1.15.183; 2.22.1257);

    Kusāpi pūtī vāyanti, evaṃ bālūpasevanā’’ti. (jā. 1.15.183; 2.22.1257);

    агид̇д̇ибан̣д̣ид̇о жааби саггзна д̣̇зваанаминд̣̇зна варз д̣̇ияяамаанз звамааха –

    Akittipaṇḍito cāpi sakkena devānamindena vare diyyamāne evamāha –

    ‘‘б̣аалам̣ на бассз на сун̣з, на жа б̣аалзна сам̣васз;

    ‘‘Bālaṃ na passe na suṇe, na ca bālena saṃvase;

    б̣аалзналлаабасаллаабам̣, на гарз на жа рожаяз.

    Bālenallāpasallāpaṃ, na kare na ca rocaye.

    ‘‘гинну д̇з агарам̣ б̣аало, вад̣̇а гассаба гааран̣ам̣;

    ‘‘Kinnu te akaraṃ bālo, vada kassapa kāraṇaṃ;

    гзна гассаба б̣ааласса, д̣̇ассанам̣ наабхиган̇каси.

    Kena kassapa bālassa, dassanaṃ nābhikaṅkhasi.

    ‘‘анаяам̣ наяад̇и д̣̇уммзд̇хо, ад̇хурааяам̣ нияун̃ж̇ад̇и;

    ‘‘Anayaṃ nayati dummedho, adhurāyaṃ niyuñjati;

    д̣̇уннаяо сзяяасо ход̇и, саммаа вуд̇д̇о багуббад̇и;

    Dunnayo seyyaso hoti, sammā vutto pakuppati;

    винаяам̣ со на ж̇аанаад̇и, саад̇ху д̇асса ад̣̇ассана’’нд̇и. (ж̇аа. 1.13.90-92);

    Vinayaṃ so na jānāti, sādhu tassa adassana’’nti. (jā. 1.13.90-92);

    звам̣ бхаг̇аваа саб̣б̣аагаарзна б̣аалуубасзванам̣ г̇араханд̇о ‘‘б̣аалаанамасзванаа ман̇г̇ала’’нд̇и вад̇ваа ид̣̇аани бан̣д̣ид̇асзванам̣ басам̣санд̇о ‘‘бан̣д̣ид̇аанан̃жа сзванаа ман̇г̇ала’’нд̇и ааха. д̇ад̇т̇а бан̣д̣ид̇аа наама яз гзжи баан̣аад̇ибаад̇аавзраман̣иаад̣̇ид̣̇асагусалагаммабат̇асаманнааг̇ад̇аа сад̇д̇аа, д̇з д̇ийхаагаарзхи ж̇аанид̇аб̣б̣аа. яат̇ааха ‘‘д̇ийн̣имаани, бхигкавз, бан̣д̣ид̇асса бан̣д̣ид̇алагкан̣ааний’’д̇и (а. ни. 3.3; ма. ни. 3.253) суд̇д̇ам̣. абижа б̣уд̣̇д̇хабажжзгаб̣уд̣̇д̇хаасийд̇имахаасаавагаа ан̃н̃з жа д̇ат̇ааг̇ад̇асса саавагаа сунзд̇д̇амахааг̇овинд̣̇авид̇хурасарабхан̇г̇амахосад̇хасуд̇асоманимирааж̇а- аяогхарагумаараагид̇д̇ибан̣д̣ид̇аад̣̇аяо жа бан̣д̣ид̇аад̇и взд̣̇ид̇аб̣б̣аа.

    Evaṃ bhagavā sabbākārena bālūpasevanaṃ garahanto ‘‘bālānamasevanā maṅgala’’nti vatvā idāni paṇḍitasevanaṃ pasaṃsanto ‘‘paṇḍitānañca sevanā maṅgala’’nti āha. Tattha paṇḍitā nāma ye keci pāṇātipātāveramaṇiādidasakusalakammapathasamannāgatā sattā, te tīhākārehi jānitabbā. Yathāha ‘‘tīṇimāni, bhikkhave, paṇḍitassa paṇḍitalakkhaṇānī’’ti (a. ni. 3.3; ma. ni. 3.253) suttaṃ. Apica buddhapaccekabuddhaasītimahāsāvakā aññe ca tathāgatassa sāvakā sunettamahāgovindavidhurasarabhaṅgamahosadhasutasomanimirāja- ayogharakumāraakittipaṇḍitādayo ca paṇḍitāti veditabbā.

    д̇з бхаяз вияа рагкаа анд̇хагаарз вияа бад̣̇ийбо куббибаасаад̣̇ид̣̇угкаабхибхавз вияа аннабаанаад̣̇иббадилаабхо ад̇д̇ано важанагараанам̣ саб̣б̣абхаяубад̣̇д̣̇авуубасаг̇г̇авид̣̇д̇хам̣санасамад̇т̇аа хонд̇и. д̇ат̇аа хи д̇ат̇ааг̇ад̇ам̣ ааг̇амма асан̇кязяяаа абаримаан̣аа д̣̇звамануссаа аасавагкаяам̣ бад̇д̇аа, б̣рахмалогз бад̇идтид̇аа, д̣̇звалогз бад̇идтид̇аа, суг̇ад̇илогз уббаннаа, саарибуд̇д̇ад̇т̇зрз жид̇д̇ам̣ басаад̣̇зд̇ваа жад̇уухи жа бажжаязхи т̇зрам̣ убадтахид̇ваа асийд̇и гуласахассаани саг̇г̇з ниб̣б̣ад̇д̇аани. д̇ат̇аа махаамог̇г̇аллаанамахаагассабаббабхуд̇ийсу саб̣б̣амахаасаавагзсу, сунзд̇д̇асса сад̇т̇уно саавагаа аббзгажжз б̣рахмалогз уббаж̇ж̇им̣су, аббзгажжз бараниммид̇авасавад̇д̇ийнам̣ д̣̇зваанам̣ сахаб̣яад̇ам̣…бз… аббзгажжз г̇ахабад̇имахаасаалаанам̣ сахаб̣яад̇ам̣ убабаж̇ж̇им̣су. вуд̇д̇амби жзд̇ам̣ –

    Te bhaye viya rakkhā andhakāre viya padīpo khuppipāsādidukkhābhibhave viya annapānādippaṭilābho attano vacanakarānaṃ sabbabhayupaddavūpasaggaviddhaṃsanasamatthā honti. Tathā hi tathāgataṃ āgamma asaṅkhyeyyā aparimāṇā devamanussā āsavakkhayaṃ pattā, brahmaloke patiṭṭhitā, devaloke patiṭṭhitā, sugatiloke uppannā, sāriputtatthere cittaṃ pasādetvā catūhi ca paccayehi theraṃ upaṭṭhahitvā asīti kulasahassāni sagge nibbattāni. Tathā mahāmoggallānamahākassapappabhutīsu sabbamahāsāvakesu, sunettassa satthuno sāvakā appekacce brahmaloke uppajjiṃsu, appekacce paranimmitavasavattīnaṃ devānaṃ sahabyataṃ…pe… appekacce gahapatimahāsālānaṃ sahabyataṃ upapajjiṃsu. Vuttampi cetaṃ –

    ‘‘над̇т̇и, бхигкавз, бан̣д̣ид̇ад̇о бхаяам̣, над̇т̇и бан̣д̣ид̇ад̇о убад̣̇д̣̇аво, над̇т̇и бан̣д̣ид̇ад̇о убасаг̇г̇о’’д̇и (а. ни. 3.1).

    ‘‘Natthi, bhikkhave, paṇḍitato bhayaṃ, natthi paṇḍitato upaddavo, natthi paṇḍitato upasaggo’’ti (a. ni. 3.1).

    абижа д̇аг̇арамаалаад̣̇иг̇анд̇хасад̣̇исо бан̣д̣ид̇о, д̇аг̇арамаалаад̣̇иг̇анд̇хаб̣анд̇хабаливзтанабад̇д̇асад̣̇исо ход̇и д̇ад̣̇убасзвий, бхааванийяад̇ам̣ манун̃н̃ад̇ан̃жа аабаж̇ж̇ад̇и вин̃н̃уунам̣. вуд̇д̇амби жзд̇ам̣ –

    Apica tagaramālādigandhasadiso paṇḍito, tagaramālādigandhabandhapaliveṭhanapattasadiso hoti tadupasevī, bhāvanīyataṃ manuññatañca āpajjati viññūnaṃ. Vuttampi cetaṃ –

    ‘‘д̇аг̇аран̃жа балаасзна, яо наро убанаяхад̇и;

    ‘‘Tagarañca palāsena, yo naro upanayhati;

    бад̇д̇ааби сурабхий вааяанд̇и, звам̣ д̇хийруубасзванаа’’д̇и. (ид̇иву. 76; ж̇аа. 1.15.184; 2.22.1258);

    Pattāpi surabhī vāyanti, evaṃ dhīrūpasevanā’’ti. (itivu. 76; jā. 1.15.184; 2.22.1258);

    агид̇д̇ибан̣д̣ид̇о жааби саггзна д̣̇зваанаминд̣̇зна варз д̣̇ияяамаанз звамааха –

    Akittipaṇḍito cāpi sakkena devānamindena vare diyyamāne evamāha –

    ‘‘д̇хийрам̣ бассз сун̣з д̇хийрам̣, д̇хийрзна саха сам̣васз;

    ‘‘Dhīraṃ passe suṇe dhīraṃ, dhīrena saha saṃvase;

    д̇хийрзналлаабасаллаабам̣, д̇ам̣ гарз д̇ан̃жа рожаяз.

    Dhīrenallāpasallāpaṃ, taṃ kare tañca rocaye.

    ‘‘гинну д̇з агарам̣ д̇хийро, вад̣̇а гассаба гааран̣ам̣;

    ‘‘Kinnu te akaraṃ dhīro, vada kassapa kāraṇaṃ;

    гзна гассаба д̇хийрасса, д̣̇ассанам̣ абхиган̇каси.

    Kena kassapa dhīrassa, dassanaṃ abhikaṅkhasi.

    ‘‘наяам̣ наяад̇и мзд̇хаавий, ад̇хурааяам̣ на яун̃ж̇ад̇и;

    ‘‘Nayaṃ nayati medhāvī, adhurāyaṃ na yuñjati;

    сунаяо сзяяасо ход̇и, саммаа вуд̇д̇о на губбад̇и;

    Sunayo seyyaso hoti, sammā vutto na kuppati;

    винаяам̣ со баж̇аанаад̇и, саад̇ху д̇зна самааг̇амо’’д̇и. (ж̇аа. 1.13.94-96);

    Vinayaṃ so pajānāti, sādhu tena samāgamo’’ti. (jā. 1.13.94-96);

    звам̣ бхаг̇аваа саб̣б̣аагаарзна бан̣д̣ид̇асзванам̣ басам̣санд̇о ‘‘бан̣д̣ид̇аанам̣ сзванаа ман̇г̇ала’’нд̇и вад̇ваа ид̣̇аани д̇ааяа б̣аалаанам̣ асзванааяа бан̣д̣ид̇аанам̣ сзванааяа жа анубуб̣б̣зна бууж̇анзяяабхаавам̣ убаг̇ад̇аанам̣ бууж̇ам̣ басам̣санд̇о ‘‘бууж̇аа жа бууж̇анзяяаанам̣ ман̇г̇ала’’нд̇и ааха. д̇ад̇т̇а бууж̇анзяяаа наама саб̣б̣ад̣̇осавирахид̇ад̇д̇аа саб̣б̣аг̇ун̣асаманнааг̇ад̇ад̇д̇аа жа б̣уд̣̇д̇хаа бхаг̇аванд̇о, д̇ад̇о бажчаа бажжзгаб̣уд̣̇д̇хаа, арияасаавагаа жа. д̇зсан̃хи бууж̇аа аббагааби д̣̇ийгхарад̇д̇ам̣ хид̇ааяа сукааяа ход̇и, суманамаалаагаарамаллигаад̣̇аяо жзд̇т̇а нид̣̇ассанам̣.

    Evaṃ bhagavā sabbākārena paṇḍitasevanaṃ pasaṃsanto ‘‘paṇḍitānaṃ sevanā maṅgala’’nti vatvā idāni tāya bālānaṃ asevanāya paṇḍitānaṃ sevanāya ca anupubbena pūjaneyyabhāvaṃ upagatānaṃ pūjaṃ pasaṃsanto ‘‘pūjā ca pūjaneyyānaṃ maṅgala’’nti āha. Tattha pūjaneyyā nāma sabbadosavirahitattā sabbaguṇasamannāgatattā ca buddhā bhagavanto, tato pacchā paccekabuddhā, ariyasāvakā ca. Tesañhi pūjā appakāpi dīgharattaṃ hitāya sukhāya hoti, sumanamālākāramallikādayo cettha nidassanaṃ.

    д̇ад̇т̇згам̣ нид̣̇ассанамад̇д̇ам̣ бхан̣аама – бхаг̇аваа хи згад̣̇ивасам̣ буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ат̇а ко суманамаалаагааро ран̃н̃о мааг̇ад̇хасса сзнияасса б̣имб̣исаарасса бубпаани г̇ахзд̇ваа г̇ажчанд̇о ад̣̇д̣̇аса бхаг̇аванд̇ам̣ наг̇арад̣̇ваарамануббад̇д̇ам̣ баасаад̣̇игам̣ басаад̣̇анийяам̣ д̣̇вад̇д̇им̣самахаабурисалагкан̣аасийд̇аануб̣яан̃ж̇анаббадиман̣д̣ид̇ам̣ б̣уд̣̇д̇хасирияаа ж̇аланд̇ам̣, д̣̇исваанасса зд̇ад̣̇ахоси ‘‘рааж̇аа бубпаани г̇ахзд̇ваа сад̇ам̣ ваа сахассам̣ ваа д̣̇ад̣̇зяяа , д̇ан̃жа ид̇халогамад̇д̇амзва сукам̣ бхавзяяа, бхаг̇авад̇о бана бууж̇аа аббамзяяаасан̇кязяяапалаа д̣̇ийгхарад̇д̇ам̣ хид̇асукаавахаа ход̇и, ханд̣̇аахам̣ имзхи бубпзхи бхаг̇аванд̇ам̣ бууж̇змий’’д̇и басаннажид̇д̇о згам̣ бубпамудтим̣ г̇ахзд̇ваа бхаг̇авад̇о бадимукам̣ киби, бубпаани аагаасзна г̇анд̇ваа бхаг̇авад̇о убари маалаавид̇аанам̣ худ̇ваа адтам̣су. маалаагааро д̇амаанубхаавам̣ д̣̇исваа басаннад̇аражид̇д̇о буна згам̣ бубпамудтим̣ киби, д̇ааниби г̇анд̇ваа маалааган̃жуго худ̇ваа адтам̣су. звам̣ адта бубпамудтияо киби, д̇аани г̇анд̇ваа бубпагуудааг̇аарам̣ худ̇ваа адтам̣су.

    Tatthekaṃ nidassanamattaṃ bhaṇāma – bhagavā hi ekadivasaṃ pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Atha kho sumanamālākāro rañño māgadhassa seniyassa bimbisārassa pupphāni gahetvā gacchanto addasa bhagavantaṃ nagaradvāramanuppattaṃ pāsādikaṃ pasādanīyaṃ dvattiṃsamahāpurisalakkhaṇāsītānubyañjanappaṭimaṇḍitaṃ buddhasiriyā jalantaṃ, disvānassa etadahosi ‘‘rājā pupphāni gahetvā sataṃ vā sahassaṃ vā dadeyya , tañca idhalokamattameva sukhaṃ bhaveyya, bhagavato pana pūjā appameyyaasaṅkhyeyyaphalā dīgharattaṃ hitasukhāvahā hoti, handāhaṃ imehi pupphehi bhagavantaṃ pūjemī’’ti pasannacitto ekaṃ pupphamuṭṭhiṃ gahetvā bhagavato paṭimukhaṃ khipi, pupphāni ākāsena gantvā bhagavato upari mālāvitānaṃ hutvā aṭṭhaṃsu. Mālākāro tamānubhāvaṃ disvā pasannataracitto puna ekaṃ pupphamuṭṭhiṃ khipi, tānipi gantvā mālākañcuko hutvā aṭṭhaṃsu. Evaṃ aṭṭha pupphamuṭṭhiyo khipi, tāni gantvā pupphakūṭāgāraṃ hutvā aṭṭhaṃsu.

    бхаг̇аваа анд̇огуудааг̇аарз ахоси, махааж̇анагааяо саннибад̇и. бхаг̇аваа маалаагаарам̣ бассанд̇о сид̇ам̣ баад̇ваагааси. аананд̣̇ад̇т̇зро ‘‘на б̣уд̣̇д̇хаа ахзд̇уу абажжаяаа сид̇ам̣ баад̇угаронд̇ий’’д̇и сид̇агааран̣ам̣ бужчи. бхаг̇аваа ааха ‘‘зсо, аананд̣̇а, маалаагааро имиссаа бууж̇ааяа аанубхаавзна сад̇асахассагаббз д̣̇звзсу жа мануссзсу жа сам̣сарид̇ваа барияосаанз суманиссаро наама бажжзгаб̣уд̣̇д̇хо бхависсад̇ий’’д̇и. важанабарияосаанз д̇хаммад̣̇зсанад̇т̇ам̣ имам̣ г̇аат̇ам̣ абхааси –

    Bhagavā antokūṭāgāre ahosi, mahājanakāyo sannipati. Bhagavā mālākāraṃ passanto sitaṃ pātvākāsi. Ānandatthero ‘‘na buddhā ahetū apaccayā sitaṃ pātukarontī’’ti sitakāraṇaṃ pucchi. Bhagavā āha ‘‘eso, ānanda, mālākāro imissā pūjāya ānubhāvena satasahassakappe devesu ca manussesu ca saṃsaritvā pariyosāne sumanissaro nāma paccekabuddho bhavissatī’’ti. Vacanapariyosāne dhammadesanatthaṃ imaṃ gāthaṃ abhāsi –

    ‘‘д̇ан̃жа гаммам̣ гад̇ам̣ саад̇ху, яам̣ гад̇ваа наануд̇аббад̇и;

    ‘‘Tañca kammaṃ kataṃ sādhu, yaṃ katvā nānutappati;

    яасса бад̇ийд̇о сумано, вибаагам̣ бадисзвад̇ий’’д̇и. (д̇ха. ба. 68);

    Yassa patīto sumano, vipākaṃ paṭisevatī’’ti. (dha. pa. 68);

    г̇аат̇аавасаанз жад̇ураасийд̇ияаа баан̣асахассаанам̣ д̇хаммаабхисамаяо ахоси. звам̣ аббагааби д̇зсам̣ бууж̇аа д̣̇ийгхарад̇д̇ам̣ хид̇ааяа сукааяа ход̇ийд̇и взд̣̇ид̇аб̣б̣аа. саа жа аамисабууж̇аава, го бана ваад̣̇о бадибад̇д̇ибууж̇ааяа? яад̇о яз гулабуд̇д̇аа саран̣аг̇аманасигкаабад̣̇аббадиг̇г̇ахан̣зна убосат̇ан̇г̇асамаад̣̇аанзна жад̇убаарисуд̣̇д̇хисийлаад̣̇ийхи жа ад̇д̇ано г̇ун̣зхи бхаг̇аванд̇ам̣ бууж̇знд̇и, го д̇зсам̣ бууж̇аапалам̣ ван̣н̣аяиссад̇и? д̇з хи д̇ат̇ааг̇ад̇ам̣ барамааяа бууж̇ааяа бууж̇знд̇ийд̇и вуд̇д̇аа. яат̇ааха –

    Gāthāvasāne caturāsītiyā pāṇasahassānaṃ dhammābhisamayo ahosi. Evaṃ appakāpi tesaṃ pūjā dīgharattaṃ hitāya sukhāya hotīti veditabbā. Sā ca āmisapūjāva, ko pana vādo paṭipattipūjāya? Yato ye kulaputtā saraṇagamanasikkhāpadappaṭiggahaṇena uposathaṅgasamādānena catupārisuddhisīlādīhi ca attano guṇehi bhagavantaṃ pūjenti, ko tesaṃ pūjāphalaṃ vaṇṇayissati? Te hi tathāgataṃ paramāya pūjāya pūjentīti vuttā. Yathāha –

    ‘‘яо ко, аананд̣̇а, бхигку ваа бхигкуний ваа убаасаго ваа убаасигаа ваа д̇хаммаануд̇хаммаббадибанно вихарад̇и саамийжиббадибанно ануд̇хаммажаарий, со д̇ат̇ааг̇ад̇ам̣ саггарод̇и г̇арум̣ гарод̇и маанзд̇и бууж̇зд̇и абажияад̇и барамааяа бууж̇ааяаа’’д̇и (д̣̇ий. ни. 2.199).

    ‘‘Yo kho, ānanda, bhikkhu vā bhikkhunī vā upāsako vā upāsikā vā dhammānudhammappaṭipanno viharati sāmīcippaṭipanno anudhammacārī, so tathāgataṃ sakkaroti garuṃ karoti māneti pūjeti apaciyati paramāya pūjāyā’’ti (dī. ni. 2.199).

    зд̇знаанусаарзна бажжзгаб̣уд̣̇д̇хаарияасаавагаанамби бууж̇ааяа хид̇асукаавахад̇аа взд̣̇ид̇аб̣б̣аа.

    Etenānusārena paccekabuddhaariyasāvakānampi pūjāya hitasukhāvahatā veditabbā.

    абижа г̇ахадтаанам̣ ганидтасса ж̇здто бхаад̇ааби бхаг̇инийби бууж̇анзяяаа, буд̇д̇асса маад̇аабид̇аро, гулавад̇хуунам̣ саамигасассусасураад̇и звамзд̇т̇а бууж̇анзяяаа взд̣̇ид̇аб̣б̣аа. зд̇зсамби хи бууж̇аа гусалад̇хаммасан̇каад̇ад̇д̇аа ааяуаад̣̇ивуд̣дхихзд̇уд̇д̇аа жа ман̇г̇аламзва. вуд̇д̇ан̃хзд̇ам̣ –

    Apica gahaṭṭhānaṃ kaniṭṭhassa jeṭṭho bhātāpi bhaginīpi pūjaneyyā, puttassa mātāpitaro, kulavadhūnaṃ sāmikasassusasurāti evamettha pūjaneyyā veditabbā. Etesampi hi pūjā kusaladhammasaṅkhātattā āyuādivuḍḍhihetuttā ca maṅgalameva. Vuttañhetaṃ –

    ‘‘д̇з мад̇д̇зяяаа бхависсанд̇и бзд̇д̇зяяаа сааман̃н̃аа б̣рахман̃н̃аа гулз ж̇здтаабажааяино, ид̣̇ам̣ гусалам̣ д̇хаммам̣ самаад̣̇ааяа вад̇д̇иссанд̇и, д̇з д̇зсам̣ гусалаанам̣ д̇хаммаанам̣ самаад̣̇аанахзд̇у ааяунааби вад̣дхиссанд̇и, ван̣н̣знаби вад̣дхиссанд̇ий’’д̇иаад̣̇и (д̣̇ий. ни. 3.105).

    ‘‘Te matteyyā bhavissanti petteyyā sāmaññā brahmaññā kule jeṭṭhāpacāyino, idaṃ kusalaṃ dhammaṃ samādāya vattissanti, te tesaṃ kusalānaṃ dhammānaṃ samādānahetu āyunāpi vaḍḍhissanti, vaṇṇenapi vaḍḍhissantī’’tiādi (dī. ni. 3.105).

    ид̣̇аани яасмаа ‘‘яам̣ яад̇т̇а ман̇г̇алам̣. вавад̇т̇абзд̇ваа д̇ам̣ д̇асса, ман̇г̇алад̇д̇ам̣ вибхааваяз’’д̇и ид̇и маад̇игаа нигкид̇д̇аа, д̇асмаа ид̣̇ам̣ вужжад̇и – звамзд̇иссаа г̇аат̇ааяа б̣аалаанам̣ асзванаа, бан̣д̣ид̇аанам̣ сзванаа, бууж̇анзяяаанан̃жа бууж̇аад̇и д̇ийн̣и ман̇г̇алаани вуд̇д̇аани. д̇ад̇т̇а б̣аалаанам̣ асзванаа б̣ааласзванабажжаяабхаяаад̣̇ибарид̇д̇аан̣зна убхаяалогад̇т̇ахзд̇уд̇д̇аа, бан̣д̣ид̇аанам̣ сзванаа бууж̇анзяяаанам̣ бууж̇аа жа д̇аасам̣ палавибхууд̇иван̣н̣анааяам̣ вуд̇д̇анаязнзва ниб̣б̣аанасуг̇ад̇ихзд̇уд̇д̇аа ман̇г̇аланд̇и взд̣̇ид̇аб̣б̣аа. ид̇о барам̣ д̇у маад̇игам̣ ад̣̇ассзд̇ваа зва яам̣ яад̇т̇а ман̇г̇алам̣, д̇ам̣ вавад̇т̇абзд̇ваа д̇асса ман̇г̇алад̇д̇ам̣ вибхааваяиссаамаад̇и.

    Idāni yasmā ‘‘yaṃ yattha maṅgalaṃ. Vavatthapetvā taṃ tassa, maṅgalattaṃ vibhāvaye’’ti iti mātikā nikkhittā, tasmā idaṃ vuccati – evametissā gāthāya bālānaṃ asevanā, paṇḍitānaṃ sevanā, pūjaneyyānañca pūjāti tīṇi maṅgalāni vuttāni. Tattha bālānaṃ asevanā bālasevanapaccayabhayādiparittāṇena ubhayalokatthahetuttā, paṇḍitānaṃ sevanā pūjaneyyānaṃ pūjā ca tāsaṃ phalavibhūtivaṇṇanāyaṃ vuttanayeneva nibbānasugatihetuttā maṅgalanti veditabbā. Ito paraṃ tu mātikaṃ adassetvā eva yaṃ yattha maṅgalaṃ, taṃ vavatthapetvā tassa maṅgalattaṃ vibhāvayissāmāti.

    нидтид̇аа асзванаа жа б̣аалаананд̇и имиссаа г̇аат̇ааяа ад̇т̇аван̣н̣анаа.

    Niṭṭhitā asevanā ca bālānanti imissā gāthāya atthavaṇṇanā.

    бад̇ируубад̣̇зсаваасожаад̇иг̇аат̇ааван̣н̣анаа

    Patirūpadesavāsocātigāthāvaṇṇanā

    4. звам̣ бхаг̇аваа ‘‘б̣руухи ман̇г̇аламуд̇д̇ама’’нд̇и згам̣ аж̇жхзсид̇оби аббам̣ яаажид̇о б̣ахуд̣̇ааяаго ул̣аарабурисо вияа згааяа г̇аат̇ааяа д̇ийн̣и ман̇г̇алаани вад̇ваа д̇ад̇о уд̇д̇ариби д̣̇звад̇аанам̣ сод̇угаамад̇ааяа ман̇г̇алаанамад̇т̇ид̇ааяа язсам̣ язсам̣ яам̣ яам̣ анугулам̣, д̇з д̇з сад̇д̇з д̇ад̇т̇а д̇ад̇т̇а ман̇г̇алз нияож̇зд̇угаамад̇ааяа жа ‘‘бад̇ируубад̣̇зсаваасо жаа’’д̇иаад̣̇ийхи г̇аат̇аахи бунаби анзгаани ман̇г̇алаани вад̇д̇умаарад̣̇д̇хо. д̇ад̇т̇а батамаг̇аат̇ааяа д̇аава бад̇ируубод̇и анужчавиго. д̣̇зсод̇и г̇аамоби ниг̇амоби наг̇арамби ж̇анабад̣̇оби яо гожи сад̇д̇аанам̣ ниваасо огаасо. ваасод̇и д̇ад̇т̇а ниваасо. буб̣б̣зд̇и бураа ад̇ийд̇аасу ж̇аад̇ийсу. гад̇абун̃н̃ад̇аад̇и убажид̇агусалад̇аа. ад̇д̇аад̇и жид̇д̇ам̣ вужжад̇и сагало ваа ад̇д̇абхааво, саммаабан̣ид̇хийд̇и д̇асса ад̇д̇ано саммаа бан̣ид̇хаанам̣ нияун̃ж̇анам̣, табананд̇и вуд̇д̇ам̣ ход̇и. сзсам̣ вуд̇д̇анаяамзваад̇и. аяамзд̇т̇а бад̣̇аван̣н̣анаа.

    4. Evaṃ bhagavā ‘‘brūhi maṅgalamuttama’’nti ekaṃ ajjhesitopi appaṃ yācito bahudāyako uḷārapuriso viya ekāya gāthāya tīṇi maṅgalāni vatvā tato uttaripi devatānaṃ sotukāmatāya maṅgalānamatthitāya yesaṃ yesaṃ yaṃ yaṃ anukulaṃ, te te satte tattha tattha maṅgale niyojetukāmatāya ca ‘‘patirūpadesavāso cā’’tiādīhi gāthāhi punapi anekāni maṅgalāni vattumāraddho. Tattha paṭhamagāthāya tāva patirūpoti anucchaviko. Desoti gāmopi nigamopi nagarampi janapadopi yo koci sattānaṃ nivāso okāso. Vāsoti tattha nivāso. Pubbeti purā atītāsu jātīsu. Katapuññatāti upacitakusalatā. Attāti cittaṃ vuccati sakalo vā attabhāvo, sammāpaṇidhīti tassa attano sammā paṇidhānaṃ niyuñjanaṃ, ṭhapananti vuttaṃ hoti. Sesaṃ vuttanayamevāti. Ayamettha padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – бад̇ируубад̣̇зсаваасо наама яад̇т̇а жад̇ассо барисаа вижаранд̇и, д̣̇аанаад̣̇ийни бун̃н̃агирияавад̇т̇ууни вад̇д̇анд̇и, наван̇г̇ам̣ сад̇т̇у саасанам̣ д̣̇иб̣б̣ад̇и, д̇ад̇т̇а ниваасо сад̇д̇аанам̣ бун̃н̃агирияааяа бажжаяад̇д̇аа ман̇г̇аланд̇и вужжад̇и. сийхал̣ад̣̇ийбабавидтагзваддаад̣̇аяо жзд̇т̇а нид̣̇ассанам̣.

    Atthavaṇṇanā pana evaṃ veditabbā – patirūpadesavāso nāma yattha catasso parisā vicaranti, dānādīni puññakiriyavatthūni vattanti, navaṅgaṃ satthu sāsanaṃ dibbati, tattha nivāso sattānaṃ puññakiriyāya paccayattā maṅgalanti vuccati. Sīhaḷadīpapaviṭṭhakevaṭṭādayo cettha nidassanaṃ.

    абаро наяо – бад̇ируубад̣̇зсаваасо наама бхаг̇авад̇о б̣од̇химан̣д̣аббад̣̇зсо д̇хаммажаггавад̇д̇ид̇аббад̣̇зсо д̣̇ваад̣̇асаяож̇анааяа барисааяа маж̇жхз саб̣б̣ад̇ид̇т̇ияамад̇ам̣ бхинд̣̇ид̇ваа яамагабаадихаарияад̣̇ассид̇аган̣д̣амб̣а ругкамуулаббад̣̇зсо д̣̇зворохан̣аббад̣̇зсо, яо ваа банан̃н̃оби саавад̇т̇ирааж̇аг̇ахаад̣̇и б̣уд̣̇д̇хаад̇хиваасаббад̣̇зсо, д̇ад̇т̇а ниваасо сад̇д̇аанам̣ чаануд̇д̇арияаббадилаабхабажжаяад̇о ман̇г̇аланд̇и вужжад̇и.

    Aparo nayo – patirūpadesavāso nāma bhagavato bodhimaṇḍappadeso dhammacakkavattitappadeso dvādasayojanāya parisāya majjhe sabbatitthiyamataṃ bhinditvā yamakapāṭihāriyadassitakaṇḍamba rukkhamūlappadeso devorohaṇappadeso, yo vā panaññopi sāvatthirājagahādi buddhādhivāsappadeso, tattha nivāso sattānaṃ chaanuttariyappaṭilābhapaccayato maṅgalanti vuccati.

    абаро наяо (махаава. 259) – бурад̇т̇имааяа д̣̇исааяа г̇аж̇ан̇г̇алам̣ наама ниг̇амо, д̇асса барзна махаасаалаа, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. д̣̇агкин̣абурад̇т̇имааяа д̣̇исааяа саллавад̇ий наама над̣̇ий, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. бажчимааяа д̣̇исааяа т̇уун̣ам̣ наама б̣раахман̣аг̇аамо, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. уд̇д̇арааяа д̣̇исааяа усийрад̣̇д̇хаж̇о наама баб̣б̣ад̇о, д̇ад̇о барам̣ бажжанд̇имаа ж̇анабад̣̇аа, орад̇о маж̇жхз. аяам̣ маж̇жхимад̣̇зсо ааяаамзна д̇ийн̣и яож̇анасад̇аани, вид̇т̇аарзна ад̣дхад̇зяяаани, баригкзбзна нава яож̇анасад̇аани хонд̇и. зсо бад̇ируубад̣̇зсо наама.

    Aparo nayo (mahāva. 259) – puratthimāya disāya gajaṅgalaṃ nāma nigamo, tassa parena mahāsālā, tato paraṃ paccantimā janapadā, orato majjhe. Dakkhiṇapuratthimāya disāya sallavatī nāma nadī, tato paraṃ paccantimā janapadā, orato majjhe. Dakkhiṇāya disāya setakaṇṇikaṃ nāma nigamo, tato paraṃ paccantimā janapadā, orato majjhe. Pacchimāya disāya thūṇaṃ nāma brāhmaṇagāmo, tato paraṃ paccantimā janapadā, orato majjhe. Uttarāya disāya usīraddhajo nāma pabbato, tato paraṃ paccantimā janapadā, orato majjhe. Ayaṃ majjhimadeso āyāmena tīṇi yojanasatāni, vitthārena aḍḍhateyyāni, parikkhepena nava yojanasatāni honti. Eso patirūpadeso nāma.

    зд̇т̇а жад̇уннам̣ махаад̣̇ийбаанам̣ д̣̇висахассаанам̣ барид̇д̇ад̣̇ийбаанан̃жа иссарияаад̇хибажжагаарагаа жаггавад̇д̇ий уббаж̇ж̇анд̇и, згам̣ асан̇кязяяам̣ габбасад̇асахассан̃жа баарамияо буурзд̇ваа саарибуд̇д̇амог̇г̇аллаанаад̣̇аяо махаасаавагаа уббаж̇ж̇анд̇и, д̣̇вз асан̇кязяяаани габбасад̇асахассан̃жа баарамияо буурзд̇ваа бажжзгаб̣уд̣̇д̇хаа, жад̇д̇аари адта сол̣аса ваа асан̇кязяяаани габбасад̇асахассан̃жа баарамияо буурзд̇ваа саммаасамб̣уд̣̇д̇хаа уббаж̇ж̇анд̇и. д̇ад̇т̇а сад̇д̇аа жаггавад̇д̇иран̃н̃о оваад̣̇ам̣ г̇ахзд̇ваа бан̃жасу сийлзсу бад̇идтааяа саг̇г̇абарааяан̣аа хонд̇и. д̇ат̇аа бажжзгаб̣уд̣̇д̇хаанам̣ оваад̣̇з бад̇идтааяа, саммаасамб̣уд̣̇д̇хаанам̣ бана б̣уд̣̇д̇хасаавагаанам̣ оваад̣̇з бад̇идтааяа саг̇г̇абарааяан̣аа ниб̣б̣аанабарааяан̣аа жа хонд̇и. д̇асмаа д̇ад̇т̇а ваасо имаасам̣ самбад̇д̇ийнам̣ бажжаяад̇о ман̇г̇аланд̇и вужжад̇и.

    Ettha catunnaṃ mahādīpānaṃ dvisahassānaṃ parittadīpānañca issariyādhipaccakārakā cakkavattī uppajjanti, ekaṃ asaṅkhyeyyaṃ kappasatasahassañca pāramiyo pūretvā sāriputtamoggallānādayo mahāsāvakā uppajjanti, dve asaṅkhyeyyāni kappasatasahassañca pāramiyo pūretvā paccekabuddhā, cattāri aṭṭha soḷasa vā asaṅkhyeyyāni kappasatasahassañca pāramiyo pūretvā sammāsambuddhā uppajjanti. Tattha sattā cakkavattirañño ovādaṃ gahetvā pañcasu sīlesu patiṭṭhāya saggaparāyaṇā honti. Tathā paccekabuddhānaṃ ovāde patiṭṭhāya, sammāsambuddhānaṃ pana buddhasāvakānaṃ ovāde patiṭṭhāya saggaparāyaṇā nibbānaparāyaṇā ca honti. Tasmā tattha vāso imāsaṃ sampattīnaṃ paccayato maṅgalanti vuccati.

    буб̣б̣з гад̇абун̃н̃ад̇аа наама ад̇ийд̇аж̇аад̇ияам̣ б̣уд̣̇д̇хабажжзгаб̣уд̣̇д̇хакийн̣аасавз аараб̣бха убажид̇агусалад̇аа, сааби ман̇г̇алам̣. гасмаа? б̣уд̣̇д̇хабажжзгаб̣уд̣̇д̇хасаммукад̇о д̣̇ассзд̇ваа б̣уд̣̇д̇хаанам̣ б̣уд̣̇д̇хасаавагаанам̣ ваа саммукаа суд̇ааяа жад̇уббад̣̇игааяаби г̇аат̇ааяа барияосаанз арахад̇д̇ам̣ баабзд̇ийд̇и гад̇ваа. яо жа мануссо буб̣б̣з гад̇аад̇хигааро уссаннагусаламууло ход̇и, со д̇знзва гусаламуулзна вибассанам̣ уббаад̣̇зд̇ваа аасавагкаяам̣ баабун̣аад̇и яат̇аа рааж̇аа махаагаббино аг̇г̇амахзсий жа. д̇зна вуд̇д̇ам̣ ‘‘буб̣б̣з жа гад̇абун̃н̃ад̇аа ман̇г̇ала’’нд̇и.

    Pubbe katapuññatā nāma atītajātiyaṃ buddhapaccekabuddhakhīṇāsave ārabbha upacitakusalatā, sāpi maṅgalaṃ. Kasmā? Buddhapaccekabuddhasammukhato dassetvā buddhānaṃ buddhasāvakānaṃ vā sammukhā sutāya catuppadikāyapi gāthāya pariyosāne arahattaṃ pāpetīti katvā. Yo ca manusso pubbe katādhikāro ussannakusalamūlo hoti, so teneva kusalamūlena vipassanaṃ uppādetvā āsavakkhayaṃ pāpuṇāti yathā rājā mahākappino aggamahesī ca. Tena vuttaṃ ‘‘pubbe ca katapuññatā maṅgala’’nti.

    ад̇д̇асаммаабан̣ид̇хи наама ид̇хзгажжо ад̇д̇аанам̣ д̣̇уссийлам̣ сийлз бад̇идтаабзд̇и, ассад̣̇д̇хам̣ сад̣̇д̇хаасамбад̣̇ааяа бад̇идтаабзд̇и, мажчарим̣ жааг̇асамбад̣̇ааяа бад̇идтаабзд̇и. аяам̣ вужжад̇и ‘‘ад̇д̇асаммаабан̣ид̇хий’’д̇и , зсо жа ман̇г̇алам̣. гасмаа? д̣̇идтад̇хаммигасамбарааяигавзраббахаанавивид̇хаанисам̣саад̇хиг̇амахзд̇уд̇од̇и.

    Attasammāpaṇidhi nāma idhekacco attānaṃ dussīlaṃ sīle patiṭṭhāpeti, assaddhaṃ saddhāsampadāya patiṭṭhāpeti, macchariṃ cāgasampadāya patiṭṭhāpeti. Ayaṃ vuccati ‘‘attasammāpaṇidhī’’ti , eso ca maṅgalaṃ. Kasmā? Diṭṭhadhammikasamparāyikaverappahānavividhānisaṃsādhigamahetutoti.

    звам̣ имиссааби г̇аат̇ааяа бад̇ируубад̣̇зсаваасо жа, буб̣б̣з жа гад̇абун̃н̃ад̇аа, ад̇д̇асаммаабан̣ид̇хий жаад̇и д̇ийн̣иязва ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissāpi gāthāya patirūpadesavāso ca, pubbe ca katapuññatā, attasammāpaṇidhī cāti tīṇiyeva maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа бад̇ируубад̣̇зсаваасо жаад̇и имиссаа г̇аат̇ааяа ад̇т̇аван̣н̣анаа.

    Niṭṭhitā patirūpadesavāso cāti imissā gāthāya atthavaṇṇanā.

    б̣аахусажжан̃жаад̇иг̇аат̇ааван̣н̣анаа

    Bāhusaccañcātigāthāvaṇṇanā

    5. ид̣̇аани б̣аахусажжан̃жаад̇и зд̇т̇а б̣аахусажжанд̇и б̣ахуссуд̇абхааво. сиббанд̇и яам̣ гин̃жи хад̇т̇агосаллам̣. винаяод̇и гааяаваажаажид̇д̇авинаяанам̣. сусигкид̇од̇и судту сигкид̇о. субхаасид̇аад̇и судту бхаасид̇аа. яаад̇и анияад̇анид̣̇д̣̇зсо. ваажаад̇и г̇ираа б̣яаббат̇о. сзсам̣ вуд̇д̇анаяамзваад̇и. аяамзд̇т̇а бад̣̇аван̣н̣анаа.

    5. Idāni bāhusaccañcāti ettha bāhusaccanti bahussutabhāvo. Sippanti yaṃ kiñci hatthakosallaṃ. Vinayoti kāyavācācittavinayanaṃ. Susikkhitoti suṭṭhu sikkhito. Subhāsitāti suṭṭhu bhāsitā. Yāti aniyataniddeso. Vācāti girā byappatho. Sesaṃ vuttanayamevāti. Ayamettha padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – б̣аахусажжам̣ наама яам̣ д̇ам̣ ‘‘суд̇ад̇харо ход̇и суд̇асаннижаяо’’д̇и (ма. ни. 1.339; а. ни. 4.22) жа ‘‘ид̇хзгажжасса б̣ахугам̣ суд̇ам̣ ход̇и, суд̇д̇ам̣ г̇зяяам̣ взяяаагаран̣а’’нд̇и жа (а. ни. 4.6) звамаад̣̇инаа наязна сад̇т̇усаасанад̇харад̇д̇ам̣ ван̣н̣ид̇ам̣, д̇ам̣ агусалаббахаанагусалаад̇хиг̇амахзд̇уд̇о анубуб̣б̣зна барамад̇т̇асажжасажчигирияаахзд̇уд̇о жа ман̇г̇аланд̇и вужжад̇и. вуд̇д̇ан̃хзд̇ам̣ бхаг̇авад̇аа –

    Atthavaṇṇanā pana evaṃ veditabbā – bāhusaccaṃ nāma yaṃ taṃ ‘‘sutadharo hoti sutasannicayo’’ti (ma. ni. 1.339; a. ni. 4.22) ca ‘‘idhekaccassa bahukaṃ sutaṃ hoti, suttaṃ geyyaṃ veyyākaraṇa’’nti ca (a. ni. 4.6) evamādinā nayena satthusāsanadharattaṃ vaṇṇitaṃ, taṃ akusalappahānakusalādhigamahetuto anupubbena paramatthasaccasacchikiriyāhetuto ca maṅgalanti vuccati. Vuttañhetaṃ bhagavatā –

    ‘‘суд̇аваа жа ко, бхигкавз, арияасааваго агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хамад̇д̇аанам̣ барихарад̇ий’’д̇и (а. ни. 7.67).

    ‘‘Sutavā ca kho, bhikkhave, ariyasāvako akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhamattānaṃ pariharatī’’ti (a. ni. 7.67).

    абарамби вуд̇д̇ам̣ –

    Aparampi vuttaṃ –

    ‘‘д̇хад̇аанам̣ д̇хаммаанам̣ ад̇т̇амубабаригкад̇и, ад̇т̇ам̣ убабаригкад̇о д̇хаммаа ниж̇жхаанам̣ каманд̇и, д̇хамманиж̇жхаанагканд̇ияаа сад̇и чанд̣̇о ж̇ааяад̇и, чанд̣̇аж̇аад̇о уссахад̇и, уссаханд̇о д̇улаяад̇и , д̇улаяанд̇о бад̣̇ахад̇и бад̣̇аханд̇о гааязна жзва барамад̇т̇асажжам̣ сажчигарод̇и, бан̃н̃ааяа жа ад̇ивиж̇жха бассад̇ий’’д̇и (ма. ни. 2.432).

    ‘‘Dhatānaṃ dhammānaṃ atthamupaparikkhati, atthaṃ upaparikkhato dhammā nijjhānaṃ khamanti, dhammanijjhānakkhantiyā sati chando jāyati, chandajāto ussahati, ussahanto tulayati , tulayanto padahati padahanto kāyena ceva paramatthasaccaṃ sacchikaroti, paññāya ca ativijjha passatī’’ti (ma. ni. 2.432).

    абижа аг̇ааригаб̣аахусажжамби яам̣ анаваж̇ж̇ам̣, д̇ам̣ убхаяалогахид̇асукааваханад̇о ман̇г̇аланд̇и взд̣̇ид̇аб̣б̣ам̣.

    Apica agārikabāhusaccampi yaṃ anavajjaṃ, taṃ ubhayalokahitasukhāvahanato maṅgalanti veditabbaṃ.

    сиббам̣ наама аг̇ааригасиббан̃жа анаг̇ааригасиббан̃жа. д̇ад̇т̇а аг̇ааригасиббам̣ наама яам̣ баруубарод̇хавирахид̇ам̣ агусалавиваж̇ж̇ид̇ам̣ ман̣игаарасуван̣н̣агаарагаммаад̣̇игам̣, д̇ам̣ ид̇халогад̇т̇ааваханад̇о ман̇г̇алам̣. анаг̇ааригасиббам̣ наама жийваравижааран̣асиб̣б̣анаад̣̇исаман̣абаригкаараабхисан̇каран̣ам̣, яам̣ д̇ам̣ ‘‘ид̇ха, бхигкавз, бхигку яаани д̇аани саб̣рахмажаарийнам̣ ужжааважаани гим̣ гаран̣ийяаани, д̇ад̇т̇а д̣̇агко ход̇ий’’д̇иаад̣̇инаа (д̣̇ий. ни. 3.345; 360; а. ни. 10.17) наязна д̇ад̇т̇а д̇ад̇т̇а сам̣ван̣н̣ид̇ам̣, яам̣ ‘‘наат̇агаро д̇хаммо’’д̇и жа вуд̇д̇ам̣, д̇ам̣ ад̇д̇ано жа барзсан̃жа убхаяалогахид̇асукааваханад̇о ман̇г̇аланд̇и взд̣̇ид̇аб̣б̣ам̣.

    Sippaṃ nāma agārikasippañca anagārikasippañca. Tattha agārikasippaṃ nāma yaṃ parūparodhavirahitaṃ akusalavivajjitaṃ maṇikārasuvaṇṇakārakammādikaṃ, taṃ idhalokatthāvahanato maṅgalaṃ. Anagārikasippaṃ nāma cīvaravicāraṇasibbanādisamaṇaparikkhārābhisaṅkharaṇaṃ, yaṃ taṃ ‘‘idha, bhikkhave, bhikkhu yāni tāni sabrahmacārīnaṃ uccāvacāni kiṃ karaṇīyāni, tattha dakkho hotī’’tiādinā (dī. ni. 3.345; 360; a. ni. 10.17) nayena tattha tattha saṃvaṇṇitaṃ, yaṃ ‘‘nāthakaro dhammo’’ti ca vuttaṃ, taṃ attano ca paresañca ubhayalokahitasukhāvahanato maṅgalanti veditabbaṃ.

    винаяо наама аг̇ааригавинаяо жа анаг̇ааригавинаяо жа. д̇ад̇т̇а аг̇ааригавинаяо наама д̣̇асаагусалагаммабат̇авираман̣ам̣, со д̇ад̇т̇а сусигкид̇о асам̣гилзсаабаж̇ж̇анзна аажаараг̇ун̣ававад̇т̇аанзна жа убхаяалогахид̇асукааваханад̇о ман̇г̇алам̣. анаг̇ааригавинаяо наама сад̇д̇аабад̇д̇игканд̇хаанаабаж̇ж̇анам̣, соби вуд̇д̇анаязнзва сусигкид̇о, жад̇убаарисуд̣̇д̇хисийлам̣ ваа анаг̇ааригавинаяо, со яат̇аа д̇ад̇т̇а бад̇идтааяа арахад̇д̇ам̣ баабун̣аад̇и, звам̣ сигканзна сусигкид̇о логияалогуд̇д̇арасукаад̇хиг̇амахзд̇уд̇о ман̇г̇аланд̇и взд̣̇ид̇аб̣б̣о.

    Vinayo nāma agārikavinayo ca anagārikavinayo ca. Tattha agārikavinayo nāma dasaakusalakammapathaviramaṇaṃ, so tattha susikkhito asaṃkilesāpajjanena ācāraguṇavavatthānena ca ubhayalokahitasukhāvahanato maṅgalaṃ. Anagārikavinayo nāma sattāpattikkhandhaanāpajjanaṃ, sopi vuttanayeneva susikkhito, catupārisuddhisīlaṃ vā anagārikavinayo, so yathā tattha patiṭṭhāya arahattaṃ pāpuṇāti, evaṃ sikkhanena susikkhito lokiyalokuttarasukhādhigamahetuto maṅgalanti veditabbo.

    субхаасид̇аа ваажаа наама мусааваад̣̇аад̣̇ид̣̇осавирахид̇аа. яат̇ааха ‘‘жад̇уухи, бхигкавз, ан̇г̇зхи саманнааг̇ад̇о ваажаа субхаасид̇аа ход̇ий’’д̇и (су. ни. субхаасид̇асуд̇д̇ам̣). асампаббалаабаа ваажаа зва ваа субхаасид̇аа. яат̇ааха –

    Subhāsitā vācā nāma musāvādādidosavirahitā. Yathāha ‘‘catūhi, bhikkhave, aṅgehi samannāgato vācā subhāsitā hotī’’ti (su. ni. subhāsitasuttaṃ). Asamphappalāpā vācā eva vā subhāsitā. Yathāha –

    ‘‘субхаасид̇ам̣ уд̇д̇амамааху санд̇о,

    ‘‘Subhāsitaṃ uttamamāhu santo,

    д̇хаммам̣ бхан̣з наад̇хаммам̣ д̇ам̣ д̣̇уд̇ияам̣;

    Dhammaṃ bhaṇe nādhammaṃ taṃ dutiyaṃ;

    бияам̣ бхан̣з нааббияам̣ д̇ам̣ д̇ад̇ияам̣,

    Piyaṃ bhaṇe nāppiyaṃ taṃ tatiyaṃ,

    сажжам̣ бхан̣з наалигам̣ д̇ам̣ жад̇уд̇т̇а’’нд̇и. (су. ни. 452);

    Saccaṃ bhaṇe nālikaṃ taṃ catuttha’’nti. (su. ni. 452);

    аяамби убхаяалогахид̇асукааваханад̇о ман̇г̇аланд̇и взд̣̇ид̇аб̣б̣аа. яасмаа жа аяам̣ винаяабарияаабаннаа зва, д̇асмаа винаяаг̇г̇ахан̣зна зд̇ам̣ асан̇г̇ан̣хид̇ваа винаяо сан̇г̇ахзд̇аб̣б̣о. ат̇а ваа гим̣ иминаа бариссамзна барзсам̣ д̇хаммад̣̇зсанаад̣̇иваажаа ид̇ха субхаасид̇аа ваажаад̇и взд̣̇ид̇аб̣б̣аа. саа хи яат̇аа бад̇ируубад̣̇зсаваасо, звам̣ сад̇д̇аанам̣ убхаяалогахид̇асуканиб̣б̣аанаад̇хиг̇амабажжаяад̇о ман̇г̇аланд̇и вужжад̇и. ааха жа –

    Ayampi ubhayalokahitasukhāvahanato maṅgalanti veditabbā. Yasmā ca ayaṃ vinayapariyāpannā eva, tasmā vinayaggahaṇena etaṃ asaṅgaṇhitvā vinayo saṅgahetabbo. Atha vā kiṃ iminā parissamena paresaṃ dhammadesanādivācā idha subhāsitā vācāti veditabbā. Sā hi yathā patirūpadesavāso, evaṃ sattānaṃ ubhayalokahitasukhanibbānādhigamapaccayato maṅgalanti vuccati. Āha ca –

    ‘‘яам̣ б̣уд̣̇д̇хо бхаасад̇и ваажам̣, кзмам̣ ниб̣б̣аанабад̇д̇ияаа;

    ‘‘Yaṃ buddho bhāsati vācaṃ, khemaṃ nibbānapattiyā;

    д̣̇угкассанд̇агирияааяа, саа вз ваажаанамуд̇д̇амаа’’д̇и. (су. ни. 456);

    Dukkhassantakiriyāya, sā ve vācānamuttamā’’ti. (su. ni. 456);

    звам̣ имиссаа г̇аат̇ааяа б̣аахусажжам̣, сиббам̣, винаяо сусигкид̇о, субхаасид̇аа ваажаад̇и жад̇д̇аари ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya bāhusaccaṃ, sippaṃ, vinayo susikkhito, subhāsitā vācāti cattāri maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа б̣аахусажжан̃жаад̇и имиссаа г̇аат̇ааяа ад̇т̇аван̣н̣анаа.

    Niṭṭhitā bāhusaccañcāti imissā gāthāya atthavaṇṇanā.

    маад̇аабид̇уубадтаананд̇иг̇аат̇ааван̣н̣анаа

    Mātāpituupaṭṭhānantigāthāvaṇṇanā

    6. ид̣̇аани маад̇аабид̇уубадтаананд̇и зд̇т̇а маад̇у жа бид̇у жаад̇и маад̇аабид̇у. убадтаананд̇и убадтаханам̣. буд̇д̇аанан̃жа д̣̇аараанан̃жаад̇и буд̇д̇ад̣̇аарасса сан̇г̇ан̣ханам̣ сан̇г̇ахо. на аагулаа анаагулаа. гаммаани зва гамманд̇аа. сзсам̣ вуд̇д̇анаяамзваад̇и аяам̣ бад̣̇аван̣н̣анаа.

    6. Idāni mātāpituupaṭṭhānanti ettha mātu ca pitu cāti mātāpitu. Upaṭṭhānanti upaṭṭhahanaṃ. Puttānañca dārānañcāti puttadārassa saṅgaṇhanaṃ saṅgaho. Na ākulā anākulā. Kammāni eva kammantā. Sesaṃ vuttanayamevāti ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – маад̇аа наама ж̇анигаа вужжад̇и, д̇ат̇аа бид̇аа. убадтаанам̣ наама баад̣̇ад̇хованасамб̣ааханужчаад̣̇ананхаабанзхи жад̇убажжаяасамбад̣̇аанзна жа убагаарагаран̣ам̣. д̇ад̇т̇а яасмаа маад̇аабид̇аро б̣ахуубагаараа буд̇д̇аанам̣ ад̇т̇агаамаа анугамбагаа, яз буд̇д̇агз б̣ахи гийл̣ид̇ваа бам̣сумагкид̇асарийрагз ааг̇ад̇з д̣̇исваа бам̣сум̣ бун̃чид̇ваа мад̇т̇агам̣ убасин̇гхааяанд̇аа барижумб̣анд̇аа жа синзхам̣ уббаад̣̇знд̇и, вассасад̇амби маад̇аабид̇аро сийсзна барихаранд̇аа буд̇д̇аа д̇зсам̣ бад̇игаарам̣ гаад̇ум̣ асамад̇т̇аа. яасмаа жа д̇з аабаад̣̇агаа босагаа имасса логасса д̣̇ассзд̇ааро, б̣рахмасаммад̇аа буб̣б̣аажарияасаммад̇аа, д̇асмаа д̇зсам̣ убадтаанам̣ ид̇ха басам̣сам̣, бзжжа саг̇г̇асукан̃жа аавахад̇и. д̇зна ман̇г̇аланд̇и вужжад̇и. вуд̇д̇ан̃хзд̇ам̣ бхаг̇авад̇аа –

    Atthavaṇṇanā pana evaṃ veditabbā – mātā nāma janikā vuccati, tathā pitā. Upaṭṭhānaṃ nāma pādadhovanasambāhanucchādananhāpanehi catupaccayasampadānena ca upakārakaraṇaṃ. Tattha yasmā mātāpitaro bahūpakārā puttānaṃ atthakāmā anukampakā, ye puttake bahi kīḷitvā paṃsumakkhitasarīrake āgate disvā paṃsuṃ puñchitvā matthakaṃ upasiṅghāyantā paricumbantā ca sinehaṃ uppādenti, vassasatampi mātāpitaro sīsena pariharantā puttā tesaṃ patikāraṃ kātuṃ asamatthā. Yasmā ca te āpādakā posakā imassa lokassa dassetāro, brahmasammatā pubbācariyasammatā, tasmā tesaṃ upaṭṭhānaṃ idha pasaṃsaṃ, pecca saggasukhañca āvahati. Tena maṅgalanti vuccati. Vuttañhetaṃ bhagavatā –

    ‘‘б̣рахмаад̇и маад̇аабид̇аро, буб̣б̣аажарияаад̇и вужжарз;

    ‘‘Brahmāti mātāpitaro, pubbācariyāti vuccare;

    аахунзяяаа жа буд̇д̇аанам̣, баж̇ааяа анугамбагаа.

    Āhuneyyā ca puttānaṃ, pajāya anukampakā.

    ‘‘д̇асмаа хи нз намассзяяа, саггарзяяа жа бан̣д̣ид̇о;

    ‘‘Tasmā hi ne namasseyya, sakkareyya ca paṇḍito;

    аннзна ат̇а баанзна, вад̇т̇зна саяанзна жа;

    Annena atha pānena, vatthena sayanena ca;

    ужчаад̣̇анзна нхаабанзна, баад̣̇аанам̣ д̇хованзна жа.

    Ucchādanena nhāpanena, pādānaṃ dhovanena ca.

    ‘‘д̇ааяа нам̣ баарижарияааяа, маад̇аабид̇уусу бан̣д̣ид̇аа;

    ‘‘Tāya naṃ pāricariyāya, mātāpitūsu paṇḍitā;

    ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и. (ид̇иву. 106; ж̇аа. 2.20.181-183);

    Idheva naṃ pasaṃsanti, pecca sagge pamodatī’’ti. (itivu. 106; jā. 2.20.181-183);

    абаро наяо – убадтаанам̣ наама бхаран̣агижжагаран̣агулавам̣садтабанаад̣̇ибан̃жавид̇хам̣, д̇ам̣ баабанивааран̣аад̣̇ибан̃жавид̇хад̣̇идтад̇хаммигахид̇асукахзд̇уд̇о ман̇г̇аланд̇и взд̣̇ид̇аб̣б̣ам̣. вуд̇д̇ан̃хзд̇ам̣ бхаг̇авад̇аа –

    Aparo nayo – upaṭṭhānaṃ nāma bharaṇakiccakaraṇakulavaṃsaṭṭhapanādipañcavidhaṃ, taṃ pāpanivāraṇādipañcavidhadiṭṭhadhammikahitasukhahetuto maṅgalanti veditabbaṃ. Vuttañhetaṃ bhagavatā –

    ‘‘‘бан̃жахи ко, г̇ахабад̇ибуд̇д̇а, таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтаад̇аб̣б̣аа бхад̇о нз бхариссаами, гижжам̣ нзсам̣ гариссаами , гулавам̣сам̣ табзссаами, д̣̇ааяаж̇ж̇ам̣ бадибаж̇ж̇иссаами, ат̇а ваа бана бзд̇аанам̣ гаалагад̇аанам̣ д̣̇агкин̣ам̣ ануббад̣̇ассаамий’д̇и. имзхи ко, г̇ахабад̇ибуд̇д̇а, бан̃жахи таанзхи буд̇д̇зна бурад̇т̇имаа д̣̇исаа маад̇аабид̇аро бажжубадтид̇аа бан̃жахи таанзхи буд̇д̇ам̣ анугамбанд̇и, баабаа ниваарзнд̇и, галяаан̣з нивзсзнд̇и, сиббам̣ сигкаабзнд̇и, бад̇ируубзна д̣̇аарзна сам̣яож̇знд̇и, самаяз д̣̇ааяаж̇ж̇ам̣ нияяаад̣̇знд̇ий’’д̇и (д̣̇ий. ни. 3.267).

    ‘‘‘Pañcahi kho, gahapatiputta, ṭhānehi puttena puratthimā disā mātāpitaro paccupaṭṭhātabbā bhato ne bharissāmi, kiccaṃ nesaṃ karissāmi , kulavaṃsaṃ ṭhapessāmi, dāyajjaṃ paṭipajjissāmi, atha vā pana petānaṃ kālakatānaṃ dakkhiṇaṃ anuppadassāmī’ti. Imehi kho, gahapatiputta, pañcahi ṭhānehi puttena puratthimā disā mātāpitaro paccupaṭṭhitā pañcahi ṭhānehi puttaṃ anukampanti, pāpā nivārenti, kalyāṇe nivesenti, sippaṃ sikkhāpenti, patirūpena dārena saṃyojenti, samaye dāyajjaṃ niyyādentī’’ti (dī. ni. 3.267).

    абижа яо маад̇аабид̇аро д̇ийсу вад̇т̇уусу басаад̣̇уббаад̣̇анзна, сийласамаад̣̇аабанзна, баб̣б̣аж̇ж̇ааяа ваа убадтахад̇и, аяам̣ маад̇аабид̇уубадтаагаанам̣ аг̇г̇о. д̇асса д̇ам̣ маад̇аабид̇уубадтаанам̣ маад̇аабид̇уухи гад̇асса убагаарасса бажжубагаарабхууд̇ам̣ анзгзсам̣ д̣̇идтад̇хаммигаанам̣ самбарааяигаанан̃жа ад̇т̇аанам̣ бад̣̇адтаанад̇о ман̇г̇аланд̇и вужжад̇и.

    Apica yo mātāpitaro tīsu vatthūsu pasāduppādanena, sīlasamādāpanena, pabbajjāya vā upaṭṭhahati, ayaṃ mātāpituupaṭṭhākānaṃ aggo. Tassa taṃ mātāpituupaṭṭhānaṃ mātāpitūhi katassa upakārassa paccupakārabhūtaṃ anekesaṃ diṭṭhadhammikānaṃ samparāyikānañca atthānaṃ padaṭṭhānato maṅgalanti vuccati.

    буд̇д̇ад̣̇аарассаад̇и зд̇т̇а ад̇д̇ад̇о ж̇аад̇аа буд̇д̇ааби д̇хийд̇ароби буд̇д̇ааижжзва сан̇кяам̣ г̇ажчанд̇и. д̣̇аараад̇и вийсад̇ияаа бхарияаанам̣ яаа гаажи бхарияаа. буд̇д̇аа жа д̣̇аараа жа буд̇д̇ад̣̇аарам̣, д̇асса буд̇д̇ад̣̇аарасса. сан̇г̇аход̇и саммаананаад̣̇ийхи убагаарагаран̣ам̣. д̇ам̣ сусам̣вихид̇агамманд̇ад̇аад̣̇ид̣̇идтад̇хаммигахид̇асукахзд̇уд̇о ман̇г̇аланд̇и взд̣̇ид̇аб̣б̣ам̣. вуд̇д̇ан̃хзд̇ам̣ бхаг̇авад̇аа – ‘‘бажчимаа д̣̇исаа буд̇д̇ад̣̇аараа взд̣̇ид̇аб̣б̣аа’’д̇и зд̇т̇а уд̣̇д̣̇идтам̣ буд̇д̇ад̣̇аарам̣ бхарияаасад̣̇д̣̇зна сан̇г̇ан̣хид̇ваа ‘‘бан̃жахи ко, г̇ахабад̇ибуд̇д̇а, таанзхи саамигзна бажчимаа д̣̇исаа бхарияаа бажжубадтаад̇аб̣б̣аа саммаананааяа, анавамаананааяа, анад̇и жарияааяа, иссарияавоссаг̇г̇зна, алан̇гаараануббад̣̇аанзна. имзхи ко, г̇ахабад̇ибуд̇д̇а, бан̃жахи таанзхи саамигзна бажчимаа д̣̇исаа бхарияаа бажжубадтид̇аа бан̃жахи таанзхи саамигам̣ анугамбад̇и, сусам̣вихид̇агамманд̇аа жа ход̇и, сан̇г̇ахид̇абариж̇анаа жа, анад̇ижаариний жа, самбхад̇ан̃жа анурагкад̇и д̣̇агкаа жа ход̇и аналасаа саб̣б̣агижжзсуу’’д̇и (д̣̇ий. ни. 3.269).

    Puttadārassāti ettha attato jātā puttāpi dhītaropi puttāicceva saṅkhyaṃ gacchanti. Dārāti vīsatiyā bhariyānaṃ yā kāci bhariyā. Puttā ca dārā ca puttadāraṃ, tassa puttadārassa. Saṅgahoti sammānanādīhi upakārakaraṇaṃ. Taṃ susaṃvihitakammantatādidiṭṭhadhammikahitasukhahetuto maṅgalanti veditabbaṃ. Vuttañhetaṃ bhagavatā – ‘‘pacchimā disā puttadārā veditabbā’’ti ettha uddiṭṭhaṃ puttadāraṃ bhariyāsaddena saṅgaṇhitvā ‘‘pañcahi kho, gahapatiputta, ṭhānehi sāmikena pacchimā disā bhariyā paccupaṭṭhātabbā sammānanāya, anavamānanāya, anati cariyāya, issariyavossaggena, alaṅkārānuppadānena. Imehi kho, gahapatiputta, pañcahi ṭhānehi sāmikena pacchimā disā bhariyā paccupaṭṭhitā pañcahi ṭhānehi sāmikaṃ anukampati, susaṃvihitakammantā ca hoti, saṅgahitaparijanā ca, anaticārinī ca, sambhatañca anurakkhati dakkhā ca hoti analasā sabbakiccesū’’ti (dī. ni. 3.269).

    аяам̣ ваа абаро наяо – сан̇г̇аход̇и д̇хаммигаахи д̣̇аанабияаваажаад̇т̇ажарияаахи сан̇г̇ан̣ханам̣. сзяяат̇ид̣̇ам̣ – убосат̇ад̣̇ивасзсу бариб̣б̣аяад̣̇аанам̣, нагкад̇д̇ад̣̇ивасзсу нагкад̇д̇ад̣̇ассаабанам̣, ман̇г̇алад̣̇ивасзсу ман̇г̇алагаран̣ам̣, д̣̇идтад̇хаммигасамбарааяигзсу ад̇т̇зсу оваад̣̇аанусаасананд̇и. д̇ам̣ вуд̇д̇анаязнзва д̣̇идтад̇хаммигахид̇ахзд̇уд̇о самбарааяигахид̇ахзд̇уд̇о д̣̇звад̇аахиби намассанийяабхаавахзд̇уд̇о жа ман̇г̇аланд̇и взд̣̇ид̇аб̣б̣ам̣. яат̇ааха сагго д̣̇зваанаминд̣̇о –

    Ayaṃ vā aparo nayo – saṅgahoti dhammikāhi dānapiyavācātthacariyāhi saṅgaṇhanaṃ. Seyyathidaṃ – uposathadivasesu paribbayadānaṃ, nakkhattadivasesu nakkhattadassāpanaṃ, maṅgaladivasesu maṅgalakaraṇaṃ, diṭṭhadhammikasamparāyikesu atthesu ovādānusāsananti. Taṃ vuttanayeneva diṭṭhadhammikahitahetuto samparāyikahitahetuto devatāhipi namassanīyabhāvahetuto ca maṅgalanti veditabbaṃ. Yathāha sakko devānamindo –

    ‘‘яз г̇ахадтаа бун̃н̃агараа, сийлаванд̇о убаасагаа;

    ‘‘Ye gahaṭṭhā puññakarā, sīlavanto upāsakā;

    д̇хаммзна д̣̇аарам̣ босзнд̇и, д̇з намассаами маад̇алий’’д̇и. (сам̣.ни.1.1.264);

    Dhammena dāraṃ posenti, te namassāmi mātalī’’ti. (saṃ.ni.1.1.264);

    анаагулаа гамманд̇аа наама гаалан̃н̃уд̇ааяа бад̇ируубагаарид̇ааяа аналасад̇ааяа удтаанавийрияасамбад̣̇ааяа, аб̣яасанийяад̇ааяа жа гаалаад̇иггаманааббад̇ируубагаран̣асит̇илагаран̣аад̣̇иаагулабхаававирахид̇аа гасиг̇орагкаваан̣иж̇ж̇аад̣̇аяо гамманд̇аа. зд̇з ад̇д̇ано ваа буд̇д̇ад̣̇аарасса ваа д̣̇аасагаммагараанам̣ ваа б̣яад̇д̇ад̇ааяа звам̣ баяож̇ид̇аа д̣̇идтзва д̇хаммз д̇ханад̇хан̃н̃авуд̣̇д̇хибадилаабхахзд̇уд̇о ман̇г̇аланд̇и вужжанд̇и. вуд̇д̇ан̃хзд̇ам̣ бхаг̇авад̇аа –

    Anākulā kammantā nāma kālaññutāya patirūpakāritāya analasatāya uṭṭhānavīriyasampadāya, abyasanīyatāya ca kālātikkamanaappatirūpakaraṇasithilakaraṇādiākulabhāvavirahitā kasigorakkhavāṇijjādayo kammantā. Ete attano vā puttadārassa vā dāsakammakarānaṃ vā byattatāya evaṃ payojitā diṭṭheva dhamme dhanadhaññavuddhipaṭilābhahetuto maṅgalanti vuccanti. Vuttañhetaṃ bhagavatā –

    ‘‘бад̇ируубагаарий д̇хураваа, удтаад̇аа винд̣̇ад̇з д̇хана’’нд̇и жа (су. ни. 185; сам̣. ни. 1.246).

    ‘‘Patirūpakārī dhuravā, uṭṭhātā vindate dhana’’nti ca (su. ni. 185; saṃ. ni. 1.246).

    ‘‘на д̣̇иваа соббасийлзна, рад̇д̇имудтаанад̣̇зссинаа;

    ‘‘Na divā soppasīlena, rattimuṭṭhānadessinā;

    нижжам̣ мад̇д̇зна сон̣д̣зна, саггаа аавасид̇ум̣ гхарам̣.

    Niccaṃ mattena soṇḍena, sakkā āvasituṃ gharaṃ.

    ‘‘ад̇исийд̇ам̣ ад̇иун̣хам̣, ад̇исааяамид̣̇ам̣ аху;

    ‘‘Atisītaṃ atiuṇhaṃ, atisāyamidaṃ ahu;

    ид̇и виссадтагамманд̇з, ад̇т̇аа ажжзнд̇и маан̣авз.

    Iti vissaṭṭhakammante, atthā accenti māṇave.

    ‘‘яод̇ха сийд̇ан̃жа ун̣хан̃жа, д̇ин̣аа бхияяо на ман̃н̃ад̇и;

    ‘‘Yodha sītañca uṇhañca, tiṇā bhiyyo na maññati;

    гарам̣ бурисагижжаани, со сукам̣ на вихааяад̇ий’’д̇и. (д̣̇ий. ни. 3.253);

    Karaṃ purisakiccāni, so sukhaṃ na vihāyatī’’ti. (dī. ni. 3.253);

    ‘‘бхог̇з сам̣харамаанасса, бхамарассзва ирийяад̇о;

    ‘‘Bhoge saṃharamānassa, bhamarasseva irīyato;

    бхог̇аа саннижаяам̣ яанд̇и, ваммиговуубажийяад̇ий’’д̇и. жа звамаад̣̇и (д̣̇ий. ни. 3.265);

    Bhogā sannicayaṃ yanti, vammikovūpacīyatī’’ti. ca evamādi (dī. ni. 3.265);

    звам̣ имиссаа г̇аат̇ааяа маад̇уубадтаанам̣, бид̇уубадтаанам̣, буд̇д̇ад̣̇аарасса сан̇г̇ахо, анаагулаа жа гамманд̇аад̇и жад̇д̇аари ман̇г̇алаани вуд̇д̇аани, буд̇д̇ад̣̇аарасса сан̇г̇ахам̣ ваа д̣̇вид̇хаа гад̇ваа бан̃жа, маад̇аабид̇уубадтаанам̣ ваа згамзва гад̇ваа д̇ийн̣и. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya mātuupaṭṭhānaṃ, pituupaṭṭhānaṃ, puttadārassa saṅgaho, anākulā ca kammantāti cattāri maṅgalāni vuttāni, puttadārassa saṅgahaṃ vā dvidhā katvā pañca, mātāpituupaṭṭhānaṃ vā ekameva katvā tīṇi. Maṅgalattañca nesaṃ tattha tattha vibhāvitamevāti.

    нидтид̇аа маад̇аабид̇уубадтаананд̇и имиссаа г̇аат̇ааяа ад̇т̇аван̣н̣анаа.

    Niṭṭhitā mātāpituupaṭṭhānanti imissā gāthāya atthavaṇṇanā.

    д̣̇аанан̃жаад̇иг̇аат̇ааван̣н̣анаа

    Dānañcātigāthāvaṇṇanā

    7. ид̣̇аани д̣̇аанан̃жаад̇и зд̇т̇а д̣̇ийяад̇з иминаад̇и д̣̇аанам̣, ад̇д̇ано санд̇агам̣ барасса бадибаад̣̇ийяад̇ийд̇и вуд̇д̇ам̣ ход̇и. д̇хаммасса жарияаа, д̇хаммаа ваа анабзд̇аа жарияаа д̇хаммажарияаа. н̃ааяанд̇з ‘‘амхаагам̣ имз’’д̇и н̃аад̇агаа. на аваж̇ж̇аани анаваж̇ж̇аани, анинд̣̇ид̇аани аг̇арахид̇аанийд̇и вуд̇д̇ам̣ ход̇и. сзсам̣ вуд̇д̇анаяамзваад̇и аяам̣ бад̣̇аван̣н̣анаа.

    7. Idāni dānañcāti ettha dīyate imināti dānaṃ, attano santakaṃ parassa paṭipādīyatīti vuttaṃ hoti. Dhammassa cariyā, dhammā vā anapetā cariyā dhammacariyā. Ñāyante ‘‘amhākaṃ ime’’ti ñātakā. Na avajjāni anavajjāni, aninditāni agarahitānīti vuttaṃ hoti. Sesaṃ vuttanayamevāti ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – д̣̇аанам̣ наама барам̣ уд̣̇д̣̇исса суб̣уд̣̇д̇хибуб̣б̣игаа аннаад̣̇ид̣̇асад̣̇аанавад̇т̇убарижжааг̇ажзд̇анаа, д̇ам̣самбаяуд̇д̇о ваа алобхо. алобхзна хи д̇ам̣ вад̇т̇ум̣ барасса бадибаад̣̇зд̇и, д̇зна вуд̇д̇ам̣ ‘‘д̣̇ийяад̇з иминаад̇и д̣̇аана’’нд̇и. д̇ам̣ б̣ахуж̇анабияаманаабад̇аад̣̇ийнам̣ д̣̇идтад̇хаммигасамбарааяигаанам̣ палависзсаанам̣ ад̇хиг̇амахзд̇уд̇о ман̇г̇аланд̇и вужжад̇и. ‘‘д̣̇ааяаго, сийха д̣̇аанабад̇и, б̣ахуно ж̇анасса бияо ход̇и манаабо’’д̇и звамаад̣̇ийни (а. ни. 5.34) жзд̇т̇а суд̇д̇аани ануссарид̇аб̣б̣аани.

    Atthavaṇṇanā pana evaṃ veditabbā – dānaṃ nāma paraṃ uddissa subuddhipubbikā annādidasadānavatthupariccāgacetanā, taṃsampayutto vā alobho. Alobhena hi taṃ vatthuṃ parassa paṭipādeti, tena vuttaṃ ‘‘dīyate imināti dāna’’nti. Taṃ bahujanapiyamanāpatādīnaṃ diṭṭhadhammikasamparāyikānaṃ phalavisesānaṃ adhigamahetuto maṅgalanti vuccati. ‘‘Dāyako, sīha dānapati, bahuno janassa piyo hoti manāpo’’ti evamādīni (a. ni. 5.34) cettha suttāni anussaritabbāni.

    абаро наяо – д̣̇аанам̣ наама д̣̇увид̇хам̣ аамисад̣̇аанам̣, д̇хаммад̣̇аанан̃жа, д̇ад̇т̇а аамисад̣̇аанам̣ вуд̇д̇аббагаарамзва. ид̇халогабаралогад̣̇угкагкаяасукаавахасса бана саммаасамб̣уд̣̇д̇хаббавзд̣̇ид̇асса д̇хаммасса барзсам̣ хид̇агаамад̇ааяа д̣̇зсанаа д̇хаммад̣̇аанам̣ , имзсан̃жа д̣̇виннам̣ д̣̇аанаанам̣ зд̇ад̣̇зва аг̇г̇ам̣. яат̇ааха –

    Aparo nayo – dānaṃ nāma duvidhaṃ āmisadānaṃ, dhammadānañca, tattha āmisadānaṃ vuttappakārameva. Idhalokaparalokadukkhakkhayasukhāvahassa pana sammāsambuddhappaveditassa dhammassa paresaṃ hitakāmatāya desanā dhammadānaṃ, imesañca dvinnaṃ dānānaṃ etadeva aggaṃ. Yathāha –

    ‘‘саб̣б̣ад̣̇аанам̣ д̇хаммад̣̇аанам̣ ж̇инаад̇и,

    ‘‘Sabbadānaṃ dhammadānaṃ jināti,

    саб̣б̣арасам̣ д̇хаммарасо ж̇инаад̇и;

    Sabbarasaṃ dhammaraso jināti;

    саб̣б̣арад̇им̣ д̇хаммарад̇и ж̇инаад̇и,

    Sabbaratiṃ dhammarati jināti,

    д̇ан̣хагкаяо саб̣б̣ад̣̇угкам̣ ж̇инаад̇ий’’д̇и. (д̇ха. ба. 354);

    Taṇhakkhayo sabbadukkhaṃ jinātī’’ti. (dha. pa. 354);

    д̇ад̇т̇а аамисад̣̇аанасса ман̇г̇алад̇д̇ам̣ вуд̇д̇амзва. д̇хаммад̣̇аанам̣ бана яасмаа ад̇т̇абадисам̣взд̣̇ид̇аад̣̇ийнам̣ г̇ун̣аанам̣ бад̣̇адтаанам̣, д̇асмаа ман̇г̇аланд̇и вужжад̇и. вуд̇д̇ан̃хзд̇ам̣ бхаг̇авад̇аа –

    Tattha āmisadānassa maṅgalattaṃ vuttameva. Dhammadānaṃ pana yasmā atthapaṭisaṃveditādīnaṃ guṇānaṃ padaṭṭhānaṃ, tasmā maṅgalanti vuccati. Vuttañhetaṃ bhagavatā –

    ‘‘яат̇аа яат̇аа, бхигкавз, бхигку яат̇аасуд̇ам̣ яат̇аабарияад̇д̇ам̣ д̇хаммам̣ вид̇т̇аарзна барзсам̣ д̣̇зсзд̇и, д̇ат̇аа д̇ат̇аа со д̇асмим̣ д̇хаммз ад̇т̇абадисам̣взд̣̇ий жа ход̇и д̇хаммабадисам̣взд̣̇ий жаа’’д̇и звамаад̣̇и (а. ни. 5.26).

    ‘‘Yathā yathā, bhikkhave, bhikkhu yathāsutaṃ yathāpariyattaṃ dhammaṃ vitthārena paresaṃ deseti, tathā tathā so tasmiṃ dhamme atthapaṭisaṃvedī ca hoti dhammapaṭisaṃvedī cā’’ti evamādi (a. ni. 5.26).

    д̇хаммажарияаа наама д̣̇асагусалагаммабат̇ажарияаа. яат̇ааха – ‘‘д̇ивид̇хаа ко г̇ахабад̇аяо гааязна д̇хаммажарияаа самажарияаа ход̇ий’’д̇и звамаад̣̇и. саа банзсаа д̇хаммажарияаа саг̇г̇алогуубабад̇д̇ихзд̇уд̇о ман̇г̇аланд̇и взд̣̇ид̇аб̣б̣аа. вуд̇д̇ан̃хзд̇ам̣ бхаг̇авад̇аа – ‘‘д̇хаммажарияаасамажарияаахзд̇у ко г̇ахабад̇аяо звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ий’’д̇и (ма. ни. 1.439).

    Dhammacariyā nāma dasakusalakammapathacariyā. Yathāha – ‘‘tividhā kho gahapatayo kāyena dhammacariyā samacariyā hotī’’ti evamādi. Sā panesā dhammacariyā saggalokūpapattihetuto maṅgalanti veditabbā. Vuttañhetaṃ bhagavatā – ‘‘dhammacariyāsamacariyāhetu kho gahapatayo evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjantī’’ti (ma. ni. 1.439).

    н̃аад̇агаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа самб̣анд̇хаа. д̇зсам̣ бхог̇абаариж̇ун̃н̃зна ваа б̣яаад̇хибаариж̇ун̃н̃зна ваа абхихад̇аанам̣ ад̇д̇ано самийбам̣ ааг̇ад̇аанам̣ яат̇ааб̣алам̣ гхаасажчаад̣̇анад̇ханад̇хан̃н̃аад̣̇ийхи сан̇г̇ахо басам̣саад̣̇ийнам̣ д̣̇идтад̇хаммигаанам̣ суг̇ад̇иг̇аманаад̣̇ийнан̃жа самбарааяигаанам̣ висзсаад̇хиг̇амаанам̣ хзд̇уд̇о ман̇г̇аланд̇и вужжад̇и.

    Ñātakā nāma mātito vā pitito vā yāva sattamā pitāmahayugā sambandhā. Tesaṃ bhogapārijuññena vā byādhipārijuññena vā abhihatānaṃ attano samīpaṃ āgatānaṃ yathābalaṃ ghāsacchādanadhanadhaññādīhi saṅgaho pasaṃsādīnaṃ diṭṭhadhammikānaṃ sugatigamanādīnañca samparāyikānaṃ visesādhigamānaṃ hetuto maṅgalanti vuccati.

    анаваж̇ж̇аани гаммаани наама убосат̇ан̇г̇асамаад̣̇аанавзяяааважжагаран̣ааараамаванаробанасзд̇угаран̣аад̣̇ийни гааяаважийманосужарид̇агаммаани. д̇аани хи наанаббагаарахид̇асукаад̇хиг̇амахзд̇уд̇о ман̇г̇аланд̇и вужжанд̇и. ‘‘таанам̣ ко банзд̇ам̣, висаакз, виж̇ж̇ад̇и яам̣ ид̇хзгажжо ид̇т̇ий ваа бурисо ваа адтан̇г̇асаманнааг̇ад̇ам̣ убосат̇ам̣ убавасид̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇зяяаа’’д̇и звамаад̣̇ийни жзд̇т̇а суд̇д̇аани (а. ни. 8.43) ануссарид̇аб̣б̣аани.

    Anavajjāni kammāni nāma uposathaṅgasamādānaveyyāvaccakaraṇaārāmavanaropanasetukaraṇādīni kāyavacīmanosucaritakammāni. Tāni hi nānappakārahitasukhādhigamahetuto maṅgalanti vuccanti. ‘‘Ṭhānaṃ kho panetaṃ, visākhe, vijjati yaṃ idhekacco itthī vā puriso vā aṭṭhaṅgasamannāgataṃ uposathaṃ upavasitvā kāyassa bhedā paraṃ maraṇā cātumahārājikānaṃ devānaṃ sahabyataṃ upapajjeyyā’’ti evamādīni cettha suttāni (a. ni. 8.43) anussaritabbāni.

    звам̣ имиссаа г̇аат̇ааяа д̣̇аанан̃жа, д̇хаммажарияаа жа, н̃аад̇агаанан̃жа сан̇г̇ахо, анаваж̇ж̇аани гаммаанийд̇и жад̇д̇аари ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya dānañca, dhammacariyā ca, ñātakānañca saṅgaho, anavajjāni kammānīti cattāri maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа д̣̇аанан̃жаад̇и имиссаа г̇аат̇ааяа ад̇т̇аван̣н̣анаа.

    Niṭṭhitā dānañcāti imissā gāthāya atthavaṇṇanā.

    аарад̇ийд̇иг̇аат̇ааван̣н̣анаа

    Āratītigāthāvaṇṇanā

    8. ид̣̇аани аарад̇ий вирад̇ийд̇и зд̇т̇а аарад̇ийд̇и аараман̣ам̣, вирад̇ийд̇и вираман̣ам̣, вираманд̇и ваа зд̇ааяа сад̇д̇аад̇и вирад̇и. баабаад̇и агусалаа. мад̣̇анийяадтзна маж̇ж̇ам̣, маж̇ж̇асса баанам̣ маж̇ж̇абаанам̣, д̇ад̇о маж̇ж̇абаанаа. сам̣яаманам̣ сам̣яамо аббамаж̇ж̇анам̣ аббамаад̣̇о. д̇хаммзсууд̇и гусалзсу. сзсам̣ вуд̇д̇анаяамзваад̇и аяам̣ бад̣̇аван̣н̣анаа.

    8. Idāni āratī viratīti ettha āratīti āramaṇaṃ, viratīti viramaṇaṃ, viramanti vā etāya sattāti virati. Pāpāti akusalā. Madanīyaṭṭhena majjaṃ, majjassa pānaṃ majjapānaṃ, tato majjapānā. Saṃyamanaṃ saṃyamo appamajjanaṃ appamādo. Dhammesūti kusalesu. Sesaṃ vuttanayamevāti ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – аарад̇и наама баабз аад̣̇ийнавад̣̇ассаавино манасаа зва анабхирад̇и. вирад̇и наама гаммад̣̇вааравасзна гааяаваажаахи вираман̣ам̣, саа жзсаа вирад̇и наама самбад̇д̇авирад̇и, самаад̣̇аанавирад̇и, самужчзд̣̇авирад̇ийд̇и д̇ивид̇хаа ход̇и, д̇ад̇т̇а яаа гулабуд̇д̇асса ад̇д̇ано ж̇аад̇им̣ ваа гулам̣ ваа г̇од̇д̇ам̣ ваа бадижжа ‘‘на мз зд̇ам̣ бад̇ируубам̣, яваахам̣ имам̣ баан̣ам̣ ханзяяам̣, ад̣̇иннам̣ аад̣̇иязяяа’’нд̇иаад̣̇инаа наязна самбад̇д̇авад̇т̇уд̇о вирад̇и, аяам̣ самбад̇д̇авирад̇и наама. сигкаабад̣̇асамаад̣̇аанавасзна бавад̇д̇аа самаад̣̇аанавирад̇и наама, яассаа бавад̇д̇ид̇о бабхуд̇и гулабуд̇д̇о баан̣аад̇ибаад̇аад̣̇ийни на гарод̇и. арияамаг̇г̇асамбаяуд̇д̇аа самужчзд̣̇авирад̇и наама, яассаа бавад̇д̇ид̇о бабхуд̇и арияасаавагасса бан̃жа бхаяаани взраани вуубасанд̇аани хонд̇и. баабам̣ наама яам̣ д̇ам̣ ‘‘баан̣аад̇ибаад̇о ко, г̇ахабад̇ибуд̇д̇а, гаммагилзсо, ад̣̇иннаад̣̇аанам̣…бз… гаамзсумижчаажааро…бз… мусааваад̣̇о’’д̇и звам̣ вид̇т̇аарзд̇ваа –

    Atthavaṇṇanā pana evaṃ veditabbā – ārati nāma pāpe ādīnavadassāvino manasā eva anabhirati. Virati nāma kammadvāravasena kāyavācāhi viramaṇaṃ, sā cesā virati nāma sampattavirati, samādānavirati, samucchedaviratīti tividhā hoti, tattha yā kulaputtassa attano jātiṃ vā kulaṃ vā gottaṃ vā paṭicca ‘‘na me etaṃ patirūpaṃ, yvāhaṃ imaṃ pāṇaṃ haneyyaṃ, adinnaṃ ādiyeyya’’ntiādinā nayena sampattavatthuto virati, ayaṃ sampattavirati nāma. Sikkhāpadasamādānavasena pavattā samādānavirati nāma, yassā pavattito pabhuti kulaputto pāṇātipātādīni na karoti. Ariyamaggasampayuttā samucchedavirati nāma, yassā pavattito pabhuti ariyasāvakassa pañca bhayāni verāni vūpasantāni honti. Pāpaṃ nāma yaṃ taṃ ‘‘pāṇātipāto kho, gahapatiputta, kammakileso, adinnādānaṃ…pe… kāmesumicchācāro…pe… musāvādo’’ti evaṃ vitthāretvā –

    ‘‘баан̣аад̇ибаад̇о ад̣̇иннаад̣̇аанам̣, мусааваад̣̇о жа вужжад̇и;

    ‘‘Pāṇātipāto adinnādānaṃ, musāvādo ca vuccati;

    барад̣̇аараг̇аманан̃жзва, наббасам̣санд̇и бан̣д̣ид̇аа’’д̇и. (д̣̇ий. ни. 3.245) –

    Paradāragamanañceva, nappasaṃsanti paṇḍitā’’ti. (dī. ni. 3.245) –

    звам̣ г̇аат̇ааяа сан̇г̇ахид̇ам̣ гаммагилзсасан̇каад̇ам̣ жад̇уб̣б̣ид̇хам̣ агусалам̣, д̇ад̇о баабаа. саб̣б̣аабзсаа аарад̇и жа вирад̇и жа д̣̇идтад̇хаммигасамбарааяигабхаяавзраббахаанаад̣̇инаанаббагаарависзсаад̇хиг̇амахзд̇уд̇о ман̇г̇аланд̇и вужжад̇и. ‘‘баан̣аад̇ибаад̇аа бадивирад̇о ко, г̇ахабад̇ибуд̇д̇а, арияасааваго’’д̇иаад̣̇ийни жзд̇т̇а суд̇д̇аани ануссарид̇аб̣б̣аани.

    Evaṃ gāthāya saṅgahitaṃ kammakilesasaṅkhātaṃ catubbidhaṃ akusalaṃ, tato pāpā. Sabbāpesā ārati ca virati ca diṭṭhadhammikasamparāyikabhayaverappahānādinānappakāravisesādhigamahetuto maṅgalanti vuccati. ‘‘Pāṇātipātā paṭivirato kho, gahapatiputta, ariyasāvako’’tiādīni cettha suttāni anussaritabbāni.

    маж̇ж̇абаанаа сам̣яамо наама буб̣б̣з вуд̇д̇асураамзраяамаж̇ж̇аббамаад̣̇адтаанаа взраман̣ияаа звзд̇ам̣ ад̇хиважанам̣. яасмаа бана маж̇ж̇абааяий ад̇т̇ам̣ на ж̇аанаад̇и, д̇хаммам̣ на ж̇аанаад̇и, маад̇у анд̇арааяам̣ гарод̇и, бид̇у б̣уд̣̇д̇хабажжзгаб̣уд̣̇д̇хад̇ат̇ааг̇ад̇асаавагаанамби анд̇арааяам̣ гарод̇и, д̣̇идтзва д̇хаммз г̇арахам̣ самбарааяз д̣̇уг̇г̇ад̇им̣ абараабарияз уммаад̣̇ан̃жа баабун̣аад̇и. маж̇ж̇абаанаа бана сам̣яамо д̇зсам̣ д̣̇осаанам̣ вуубасамам̣ д̇аб̣б̣ибарийд̇аг̇ун̣асамбад̣̇ан̃жа баабун̣аад̇и. д̇асмаа аяам̣ маж̇ж̇абаанаа сам̣яамо ман̇г̇аланд̇и взд̣̇ид̇аб̣б̣о.

    Majjapānā saṃyamo nāma pubbe vuttasurāmerayamajjappamādaṭṭhānā veramaṇiyā evetaṃ adhivacanaṃ. Yasmā pana majjapāyī atthaṃ na jānāti, dhammaṃ na jānāti, mātu antarāyaṃ karoti, pitu buddhapaccekabuddhatathāgatasāvakānampi antarāyaṃ karoti, diṭṭheva dhamme garahaṃ samparāye duggatiṃ aparāpariye ummādañca pāpuṇāti. Majjapānā pana saṃyamo tesaṃ dosānaṃ vūpasamaṃ tabbiparītaguṇasampadañca pāpuṇāti. Tasmā ayaṃ majjapānā saṃyamo maṅgalanti veditabbo.

    гусалзсу д̇хаммзсу аббамаад̣̇о наама ‘‘гусалаанам̣ ваа д̇хаммаанам̣ бхааванааяа асаггажжагирияад̇аа, асаад̇ажжагирияад̇аа, анадтид̇агирияад̇аа, олийнавуд̇д̇ид̇аа, нигкид̇д̇ачанд̣̇ад̇аа, нигкид̇д̇ад̇хурад̇аа, анаасзванаа, абхааванаа, аб̣ахулийгаммам̣, анад̇хидтаанам̣, анануяог̇о, бамаад̣̇о. яо зваруубо бамаад̣̇о бамаж̇ж̇анаа бамаж̇ж̇ид̇ад̇д̇ам̣, аяам̣ вужжад̇и бамаад̣̇о’’д̇и (вибха. 846). зд̇т̇а вуд̇д̇асса бамаад̣̇асса бадибагкавасзна ад̇т̇ад̇о гусалзсу д̇хаммзсу сад̇ияаа авиббаваасо взд̣̇ид̇аб̣б̣о. со наанаббагаарагусалаад̇хиг̇амахзд̇уд̇о амад̇аад̇хиг̇амахзд̇уд̇о жа ман̇г̇аланд̇и вужжад̇и . д̇ад̇т̇а ‘‘аббамад̇д̇асса аад̇аабино’’д̇и жа (ма. ни. 2.18; а. ни. 5.26), ‘‘аббамаад̣̇о амад̇ам̣ бад̣̇а’’нд̇и жа, звамаад̣̇и (д̇ха. ба. 21) сад̇т̇у саасанам̣ ануссарид̇аб̣б̣ам̣.

    Kusalesu dhammesu appamādo nāma ‘‘kusalānaṃ vā dhammānaṃ bhāvanāya asakkaccakiriyatā, asātaccakiriyatā, anaṭṭhitakiriyatā, olīnavuttitā, nikkhittachandatā, nikkhittadhuratā, anāsevanā, abhāvanā, abahulīkammaṃ, anadhiṭṭhānaṃ, ananuyogo, pamādo. Yo evarūpo pamādo pamajjanā pamajjitattaṃ, ayaṃ vuccati pamādo’’ti (vibha. 846). Ettha vuttassa pamādassa paṭipakkhavasena atthato kusalesu dhammesu satiyā avippavāso veditabbo. So nānappakārakusalādhigamahetuto amatādhigamahetuto ca maṅgalanti vuccati . Tattha ‘‘appamattassa ātāpino’’ti ca (ma. ni. 2.18; a. ni. 5.26), ‘‘appamādo amataṃ pada’’nti ca, evamādi (dha. pa. 21) satthu sāsanaṃ anussaritabbaṃ.

    звам̣ имиссаа г̇аат̇ааяа баабаа вирад̇и, маж̇ж̇абаанаа сам̣яамо, гусалзсу д̇хаммзсу аббамаад̣̇од̇и д̇ийн̣и ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya pāpā virati, majjapānā saṃyamo, kusalesu dhammesu appamādoti tīṇi maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа аарад̇ийд̇и имиссаа г̇аат̇ааяа ад̇т̇аван̣н̣анаа.

    Niṭṭhitā āratīti imissā gāthāya atthavaṇṇanā.

    г̇ааравожаад̇иг̇аат̇ааван̣н̣анаа

    Gāravocātigāthāvaṇṇanā

    9. ид̣̇аани г̇аараво жаад̇и зд̇т̇а г̇ааравод̇и г̇арубхааво. ниваад̇од̇и нийжавуд̇д̇ид̇аа. санд̇удтийд̇и санд̇осо . гад̇асса ж̇аананад̇аа гад̇ан̃н̃уд̇аа. гаалзнаад̇и кан̣зна самаязна. д̇хаммасса саванам̣ д̇хаммассаванам̣. сзсам̣ вуд̇д̇анаяамзваад̇и аяам̣ бад̣̇аван̣н̣анаа.

    9. Idāni gāravo cāti ettha gāravoti garubhāvo. Nivātoti nīcavuttitā. Santuṭṭhīti santoso . Katassa jānanatā kataññutā. Kālenāti khaṇena samayena. Dhammassa savanaṃ dhammassavanaṃ. Sesaṃ vuttanayamevāti ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – г̇аараво наама г̇аругаараббаяог̇аарахзсу б̣уд̣̇д̇хабажжзгаб̣уд̣̇д̇хад̇ат̇ааг̇ад̇асаавагааажарияубаж̇жхааяамаад̇аабид̇уж̇здтагабхаад̇игабхаг̇инийаад̣̇ийсу яат̇аануруубам̣ г̇аругааро г̇аругаран̣ам̣ саг̇ааравад̇аа. са жааяам̣ г̇аараво яасмаа суг̇ад̇иг̇аманаад̣̇ийнам̣ хзд̇у. яат̇ааха –

    Atthavaṇṇanā pana evaṃ veditabbā – gāravo nāma garukārappayogārahesu buddhapaccekabuddhatathāgatasāvakaācariyupajjhāyamātāpitujeṭṭhakabhātikabhaginīādīsu yathānurūpaṃ garukāro garukaraṇaṃ sagāravatā. Sa cāyaṃ gāravo yasmā sugatigamanādīnaṃ hetu. Yathāha –

    ‘‘г̇аругаад̇аб̣б̣ам̣ г̇арум̣ гарод̇и, маанзд̇аб̣б̣ам̣ маанзд̇и, бууж̇зд̇аб̣б̣ам̣ бууж̇зд̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса…бз… убабаж̇ж̇ад̇и, сажз мануссад̇д̇ам̣ ааг̇ажчад̇и, яад̇т̇а яад̇т̇а бажжааж̇ааяад̇и, ужжаагулийно ход̇ий’’д̇и (ма. ни. 3.295).

    ‘‘Garukātabbaṃ garuṃ karoti, mānetabbaṃ māneti, pūjetabbaṃ pūjeti. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa…pe… upapajjati, sace manussattaṃ āgacchati, yattha yattha paccājāyati, uccākulīno hotī’’ti (ma. ni. 3.295).

    яат̇аа жааха – ‘‘сад̇д̇имз, бхигкавз, абарихаанияаа д̇хаммаа. гад̇амз сад̇д̇а? сад̇т̇уг̇ааравад̇аа’’д̇иаад̣̇и (а. ни. 7.33), д̇асмаа ман̇г̇аланд̇и вужжад̇и.

    Yathā cāha – ‘‘sattime, bhikkhave, aparihāniyā dhammā. Katame satta? Satthugāravatā’’tiādi (a. ni. 7.33), tasmā maṅgalanti vuccati.

    ниваад̇о наама нийжаманад̇аа ниваад̇авуд̇д̇ид̇аа, яааяа саманнааг̇ад̇о буг̇г̇ало нихад̇амаано нихад̇ад̣̇аббо баад̣̇абун̃чанагажол̣асад̣̇исо чиннависаан̣аусабхасамо уд̣̇д̇хадад̣̇аатасаббасамо жа худ̇ваа сан̣хо сакило сукасамбхаасо ход̇и, аяам̣ ниваад̇о. свааяам̣ яасаад̣̇иг̇ун̣аббадилаабхахзд̇уд̇о ман̇г̇аланд̇и вужжад̇и. ааха жа ‘‘ниваад̇авуд̇д̇и ад̇т̇ад̣̇д̇хо, д̇аад̣̇исо лабхад̇з яаса’’нд̇и звамаад̣̇и (д̣̇ий. ни. 3.273).

    Nivāto nāma nīcamanatā nivātavuttitā, yāya samannāgato puggalo nihatamāno nihatadappo pādapuñchanakacoḷasadiso chinnavisāṇausabhasamo uddhaṭadāṭhasappasamo ca hutvā saṇho sakhilo sukhasambhāso hoti, ayaṃ nivāto. Svāyaṃ yasādiguṇappaṭilābhahetuto maṅgalanti vuccati. Āha ca ‘‘nivātavutti atthaddho, tādiso labhate yasa’’nti evamādi (dī. ni. 3.273).

    санд̇удти наама ид̇арийд̇арабажжаяасанд̇осо, со д̣̇ваад̣̇асавид̇хо ход̇и. сзяяат̇ид̣̇ам̣ – жийварз яат̇аалаабхасанд̇осо, яат̇ааб̣аласанд̇осо, яат̇аасааруббасанд̇осод̇и д̇ивид̇хо. звам̣ бин̣д̣абаад̇аад̣̇ийсу.

    Santuṭṭhi nāma itarītarapaccayasantoso, so dvādasavidho hoti. Seyyathidaṃ – cīvare yathālābhasantoso, yathābalasantoso, yathāsāruppasantosoti tividho. Evaṃ piṇḍapātādīsu.

    д̇ассааяам̣ бабхзд̣̇аван̣н̣анаа – ид̇ха бхигку жийварам̣ лабхад̇и сунд̣̇арам̣ ваа асунд̣̇арам̣ ваа. со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса жийварз яат̇аалаабхасанд̇осо. ат̇а бана бхигку ааб̣аад̇хиго ход̇и, г̇арум̣ жийварам̣ баарубанд̇о он̣амад̇и ваа гиламад̇и ваа, со сабхааг̇зна бхигкунаа сад̣̇д̇хим̣ д̇ам̣ баривад̇д̇зд̇ваа лахугзна яаабзнд̇оби санд̇удтова ход̇и, аяамасса жийварз яат̇ааб̣аласанд̇осо. абаро бхигку бан̣ийд̇абажжаяалаабхий ход̇и, со баддажийвараад̣̇ийнам̣ ан̃н̃ад̇арам̣ махаг̇гхам̣ жийварам̣ лабхид̇ваа ‘‘ид̣̇ам̣ т̇зраанам̣ жирабаб̣б̣аж̇ид̇аанам̣ б̣ахуссуд̇аанан̃жа анурууба’’нд̇и д̇зсам̣ д̣̇ад̇ваа ад̇д̇анаа сан̇гаарагуудаа ваа ан̃н̃ад̇о ваа гуд̇ожи нанд̇агаани ужжинид̇ваа сан̇гхаадим̣ гарид̇ваа д̇хаарзнд̇оби санд̇удтова ход̇и, аяамасса жийварз яат̇аасааруббасанд̇осо.

    Tassāyaṃ pabhedavaṇṇanā – idha bhikkhu cīvaraṃ labhati sundaraṃ vā asundaraṃ vā. So teneva yāpeti, aññaṃ na pattheti, labhantopi na gaṇhāti, ayamassa cīvare yathālābhasantoso. Atha pana bhikkhu ābādhiko hoti, garuṃ cīvaraṃ pārupanto oṇamati vā kilamati vā, so sabhāgena bhikkhunā saddhiṃ taṃ parivattetvā lahukena yāpentopi santuṭṭhova hoti, ayamassa cīvare yathābalasantoso. Aparo bhikkhu paṇītapaccayalābhī hoti, so paṭṭacīvarādīnaṃ aññataraṃ mahagghaṃ cīvaraṃ labhitvā ‘‘idaṃ therānaṃ cirapabbajitānaṃ bahussutānañca anurūpa’’nti tesaṃ datvā attanā saṅkārakūṭā vā aññato vā kutoci nantakāni uccinitvā saṅghāṭiṃ karitvā dhārentopi santuṭṭhova hoti, ayamassa cīvare yathāsāruppasantoso.

    ид̇ха бана бхигку бин̣д̣абаад̇ам̣ лабхад̇и луукам̣ ваа бан̣ийд̇ам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса бин̣д̣абаад̇з яат̇аалаабхасанд̇осо. ат̇а бана бхигку ааб̣аад̇хиго ход̇и, луукам̣ бин̣д̣абаад̇ам̣ бхун̃ж̇ид̇ваа г̇аал̣хам̣ рог̇аад̇ан̇гам̣ баабун̣аад̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о саббимад̇хукийраад̣̇ийни бхун̃ж̇ид̇ваа саман̣ад̇хаммам̣ гаронд̇оби санд̇удтова ход̇и, аяамасса бин̣д̣абаад̇з яат̇ааб̣аласанд̇осо. абаро бхигку бан̣ийд̇ам̣ бин̣д̣абаад̇ам̣ лабхад̇и, со ‘‘аяам̣ бин̣д̣абаад̇о т̇зраанам̣ жирабаб̣б̣аж̇ид̇аанам̣ ан̃н̃зсан̃жа бан̣ийд̇абин̣д̣абаад̇ам̣ винаа аяаабзнд̇аанам̣ саб̣рахмажаарийнам̣ ануруубо’’д̇и д̇зсам̣ д̣̇ад̇ваа ад̇д̇анаа бин̣д̣ааяа жарид̇ваа миссагаахаарам̣ бхун̃ж̇анд̇оби санд̇удтова ход̇и, аяамасса бин̣д̣абаад̇з яат̇аасааруббасанд̇осо.

    Idha pana bhikkhu piṇḍapātaṃ labhati lūkhaṃ vā paṇītaṃ vā, so teneva yāpeti, aññaṃ na pattheti, labhantopi na gaṇhāti, ayamassa piṇḍapāte yathālābhasantoso. Atha pana bhikkhu ābādhiko hoti, lūkhaṃ piṇḍapātaṃ bhuñjitvā gāḷhaṃ rogātaṅkaṃ pāpuṇāti, so taṃ sabhāgassa bhikkhuno datvā tassa hatthato sappimadhukhīrādīni bhuñjitvā samaṇadhammaṃ karontopi santuṭṭhova hoti, ayamassa piṇḍapāte yathābalasantoso. Aparo bhikkhu paṇītaṃ piṇḍapātaṃ labhati, so ‘‘ayaṃ piṇḍapāto therānaṃ cirapabbajitānaṃ aññesañca paṇītapiṇḍapātaṃ vinā ayāpentānaṃ sabrahmacārīnaṃ anurūpo’’ti tesaṃ datvā attanā piṇḍāya caritvā missakāhāraṃ bhuñjantopi santuṭṭhova hoti, ayamassa piṇḍapāte yathāsāruppasantoso.

    ид̇ха бана бхигкуно сзнаасанам̣ баабун̣аад̇и. со д̇знзва санд̇уссад̇и, буна ан̃н̃ам̣ сунд̣̇арад̇арамби баабун̣анд̇ам̣ на г̇ан̣хаад̇и, аяамасса сзнаасанз яат̇аалаабхасанд̇осо. ат̇а бана бхигку ааб̣аад̇хиго ход̇и, ниваад̇асзнаасанз васанд̇о ад̇ивияа бид̇д̇арог̇аад̣̇ийхи аад̇урийяад̇и. со д̇ам̣ сабхааг̇асса бхигкуно д̣̇ад̇ваа д̇асса баабун̣анз саваад̇з сийд̇аласзнаасанз васид̇ваа саман̣ад̇хаммам̣ гаронд̇оби санд̇удтова ход̇и, аяамасса сзнаасанз яат̇ааб̣аласанд̇осо. абаро бхигку сунд̣̇арам̣ сзнаасанам̣ бад̇д̇амби на самбадижчад̇и ‘‘сунд̣̇арасзнаасанам̣ бамаад̣̇адтаанам̣, д̇ад̇ра нисиннасса т̇инамид̣̇д̇хам̣ оггамад̇и, нид̣̇д̣̇аабхибхууд̇асса жа буна бадиб̣уж̇жхад̇о гаамавид̇агго самуд̣̇аажарад̇ий’’д̇и. со д̇ам̣ бадигкибид̇ваа аж̇жхогаасаругкамуулабан̣н̣агудийсу яад̇т̇а гад̇т̇ажи нивасанд̇оби санд̇удтова ход̇и, аяамасса сзнаасанз яат̇аасааруббасанд̇осо.

    Idha pana bhikkhuno senāsanaṃ pāpuṇāti. So teneva santussati, puna aññaṃ sundaratarampi pāpuṇantaṃ na gaṇhāti, ayamassa senāsane yathālābhasantoso. Atha pana bhikkhu ābādhiko hoti, nivātasenāsane vasanto ativiya pittarogādīhi āturīyati. So taṃ sabhāgassa bhikkhuno datvā tassa pāpuṇane savāte sītalasenāsane vasitvā samaṇadhammaṃ karontopi santuṭṭhova hoti, ayamassa senāsane yathābalasantoso. Aparo bhikkhu sundaraṃ senāsanaṃ pattampi na sampaṭicchati ‘‘sundarasenāsanaṃ pamādaṭṭhānaṃ, tatra nisinnassa thinamiddhaṃ okkamati, niddābhibhūtassa ca puna paṭibujjhato kāmavitakko samudācaratī’’ti. So taṃ paṭikkhipitvā ajjhokāsarukkhamūlapaṇṇakuṭīsu yattha katthaci nivasantopi santuṭṭhova hoti, ayamassa senāsane yathāsāruppasantoso.

    ид̇ха бана бхигку бхзсаж̇ж̇ам̣ лабхад̇и харийд̇агам̣ ваа аамалагам̣ ваа. со д̇знзва яаабзд̇и, ан̃н̃зхи лад̣̇д̇хасаббимад̇хупаан̣ид̇аад̣̇имби на бад̇т̇зд̇и, лабханд̇оби на г̇ан̣хаад̇и, аяамасса г̇илаанабажжаяз яат̇аалаабхасанд̇осо. ат̇а бана бхигку ааб̣аад̇хиго ход̇и, д̇злзнад̇т̇иго паан̣ид̇ам̣ лабхад̇и, со д̇ам̣ сабхааг̇асса бхигкуно д̣̇ад̇ваа д̇асса хад̇т̇ад̇о д̇злзна бхзсаж̇ж̇ам̣ гад̇ваа саман̣ад̇хаммам̣ гаронд̇оби санд̇удтова ход̇и, аяамасса г̇илаанабажжаяз яат̇ааб̣аласанд̇осо. абаро бхигку згасмим̣ бхааж̇анз бууд̇имуд̇д̇ахарийд̇агам̣ табзд̇ваа згасмим̣ жад̇умад̇хурам̣ ‘‘г̇ан̣хат̇а, бханд̇з, яад̣̇ижчасий’’д̇и вужжамаано сажасса д̇зсам̣ д̣̇виннаман̃н̃ад̇арзнаби б̣яаад̇хи вуубасаммад̇и, ат̇а ‘‘бууд̇имуд̇д̇ахарийд̇агам̣ наама б̣уд̣̇д̇хаад̣̇ийхи ван̣н̣ид̇а’’нд̇и жа ‘‘бууд̇имуд̇д̇абхзсаж̇ж̇ам̣ ниссааяа баб̣б̣аж̇ж̇аа, д̇ад̇т̇а д̇з яааваж̇ийвам̣ уссаахо гаран̣ийяод̇и вуд̇д̇а’’нд̇и (махаава. 128) жа жинд̇знд̇о жад̇умад̇хурабхзсаж̇ж̇ам̣ бадигкибид̇ваа бууд̇имуд̇д̇ахарийд̇агзна бхзсаж̇ж̇ам̣ гаронд̇оби барамасанд̇удтова ход̇и. аяамасса г̇илаанабажжаяз яат̇аасааруббасанд̇осо.

    Idha pana bhikkhu bhesajjaṃ labhati harītakaṃ vā āmalakaṃ vā. So teneva yāpeti, aññehi laddhasappimadhuphāṇitādimpi na pattheti, labhantopi na gaṇhāti, ayamassa gilānapaccaye yathālābhasantoso. Atha pana bhikkhu ābādhiko hoti, telenatthiko phāṇitaṃ labhati, so taṃ sabhāgassa bhikkhuno datvā tassa hatthato telena bhesajjaṃ katvā samaṇadhammaṃ karontopi santuṭṭhova hoti, ayamassa gilānapaccaye yathābalasantoso. Aparo bhikkhu ekasmiṃ bhājane pūtimuttaharītakaṃ ṭhapetvā ekasmiṃ catumadhuraṃ ‘‘gaṇhatha, bhante, yadicchasī’’ti vuccamāno sacassa tesaṃ dvinnamaññatarenapi byādhi vūpasammati, atha ‘‘pūtimuttaharītakaṃ nāma buddhādīhi vaṇṇita’’nti ca ‘‘pūtimuttabhesajjaṃ nissāya pabbajjā, tattha te yāvajīvaṃ ussāho karaṇīyoti vutta’’nti (mahāva. 128) ca cintento catumadhurabhesajjaṃ paṭikkhipitvā pūtimuttaharītakena bhesajjaṃ karontopi paramasantuṭṭhova hoti. Ayamassa gilānapaccaye yathāsāruppasantoso.

    звам̣бабхзд̣̇о саб̣б̣обзсо санд̇осо санд̇удтийд̇и вужжад̇и. саа ад̇рижчад̇аамахижчад̇аабаабижчад̇аад̣̇ийнам̣ баабад̇хаммаанам̣ бахаанаад̇хиг̇амахзд̇уд̇о, суг̇ад̇ихзд̇уд̇о, арияамаг̇г̇асамбхаарабхаавад̇о, жаад̇уд̣̇д̣̇исаад̣̇ибхаавахзд̇уд̇о жа ман̇г̇аланд̇и взд̣̇ид̇аб̣б̣аа. ааха жа –

    Evaṃpabhedo sabbopeso santoso santuṭṭhīti vuccati. Sā atricchatāmahicchatāpāpicchatādīnaṃ pāpadhammānaṃ pahānādhigamahetuto, sugatihetuto, ariyamaggasambhārabhāvato, cātuddisādibhāvahetuto ca maṅgalanti veditabbā. Āha ca –

    ‘‘жаад̇уд̣̇д̣̇исо аббадигхо жа ход̇и,

    ‘‘Cātuddiso appaṭigho ca hoti,

    санд̇уссамаано ид̇арийд̇арзнаа’’д̇и. звамаад̣̇и (су. ни. 42);

    Santussamāno itarītarenā’’ti. evamādi (su. ni. 42);

    гад̇ан̃н̃уд̇аа наама аббасса ваа б̣ахусса ваа язна гзнажи гад̇асса убагаарасса бунаббунам̣ ануссаран̣абхаавзна ж̇аананад̇аа. абижа нзраяигаад̣̇ид̣̇угкабарид̇д̇аан̣ад̇о бун̃н̃аани зва баан̣ийнам̣ б̣ахуубагаараани, д̇ад̇о д̇зсамби убагаараануссаран̣ад̇аа гад̇ан̃н̃уд̇аад̇и взд̣̇ид̇аб̣б̣аа. саа саббурисзхи басам̣санийяаад̣̇инаанаббагаарависзсаад̇хиг̇амахзд̇уд̇о ман̇г̇аланд̇и вужжад̇и. ааха жа ‘‘д̣̇взмз, бхигкавз, буг̇г̇алаа д̣̇уллабхаа логасмим̣. гад̇амз д̣̇вз? яо жа буб̣б̣агаарий яо жа гад̇ан̃н̃уу гад̇авзд̣̇ий’’д̇и (а. ни. 2.120).

    Kataññutā nāma appassa vā bahussa vā yena kenaci katassa upakārassa punappunaṃ anussaraṇabhāvena jānanatā. Apica nerayikādidukkhaparittāṇato puññāni eva pāṇīnaṃ bahūpakārāni, tato tesampi upakārānussaraṇatā kataññutāti veditabbā. Sā sappurisehi pasaṃsanīyādinānappakāravisesādhigamahetuto maṅgalanti vuccati. Āha ca ‘‘dveme, bhikkhave, puggalā dullabhā lokasmiṃ. Katame dve? Yo ca pubbakārī yo ca kataññū katavedī’’ti (a. ni. 2.120).

    гаалзна д̇хаммассаванам̣ наама яасмим̣ гаалз уд̣̇д̇хажжасахаг̇ад̇ам̣ жид̇д̇ам̣ ход̇и, гаамавид̇аггаад̣̇ийнам̣ ваа ан̃н̃ад̇арзна абхибхууд̇ам̣, д̇асмим̣ гаалз д̇зсам̣ винод̣̇анад̇т̇ам̣ д̇хаммассаванам̣. абарз ааху ‘‘бан̃жамз бан̃жамз д̣̇ивасз д̇хаммассаванам̣ гаалзна д̇хаммассаванам̣ наама. яат̇ааха ааяасмаа ануруд̣̇д̇хо ‘бан̃жаахигам̣ ко бана маяам̣, бханд̇з, саб̣б̣арад̇д̇им̣ д̇хаммияаа гат̇ааяа саннисийд̣̇аамаа’’’д̇и (ма. ни. 1.327; махаава. 466).

    Kālena dhammassavanaṃ nāma yasmiṃ kāle uddhaccasahagataṃ cittaṃ hoti, kāmavitakkādīnaṃ vā aññatarena abhibhūtaṃ, tasmiṃ kāle tesaṃ vinodanatthaṃ dhammassavanaṃ. Apare āhu ‘‘pañcame pañcame divase dhammassavanaṃ kālena dhammassavanaṃ nāma. Yathāha āyasmā anuruddho ‘pañcāhikaṃ kho pana mayaṃ, bhante, sabbarattiṃ dhammiyā kathāya sannisīdāmā’’’ti (ma. ni. 1.327; mahāva. 466).

    абижа яасмим̣ гаалз галяаан̣амид̇д̇з убасан̇гамид̇ваа саггаа ход̇и ад̇д̇ано ган̇каавинод̣̇агам̣ д̇хаммам̣ сод̇ум̣, д̇асмим̣ гаалзби д̇хаммассаванам̣ гаалзна д̇хаммассавананд̇и взд̣̇ид̇аб̣б̣ам̣. яат̇ааха ‘‘д̇з гаалзна гаалам̣ убасан̇гамид̇ваа барибужчад̇и барибан̃хад̇ий’’д̇иаад̣̇и (д̣̇ий. ни. 3.358). д̇ад̣̇зд̇ам̣ гаалзна д̇хаммассаванам̣ нийваран̣аббахаанажад̇ураанисам̣сааасавагкаяаад̣̇инаанаббагаарависзсаад̇хиг̇амахзд̇уд̇о ман̇г̇аланд̇и взд̣̇ид̇аб̣б̣ам̣. вуд̇д̇ан̃хзд̇ам̣ –

    Apica yasmiṃ kāle kalyāṇamitte upasaṅkamitvā sakkā hoti attano kaṅkhāvinodakaṃ dhammaṃ sotuṃ, tasmiṃ kālepi dhammassavanaṃ kālena dhammassavananti veditabbaṃ. Yathāha ‘‘te kālena kālaṃ upasaṅkamitvā paripucchati paripañhatī’’tiādi (dī. ni. 3.358). Tadetaṃ kālena dhammassavanaṃ nīvaraṇappahānacaturānisaṃsaāsavakkhayādinānappakāravisesādhigamahetuto maṅgalanti veditabbaṃ. Vuttañhetaṃ –

    ‘‘яасмим̣ , бхигкавз, самаяз арияасааваго адтим̣ гад̇ваа манаси гад̇ваа саб̣б̣ам̣ жзд̇асаа саманнаахарид̇ваа охид̇асод̇о д̇хаммам̣ сун̣аад̇и, бан̃жасса нийваран̣аа д̇асмим̣ самаяз на хонд̇ий’’д̇и жа (сам̣. ни. 5.219).

    ‘‘Yasmiṃ , bhikkhave, samaye ariyasāvako aṭṭhiṃ katvā manasi katvā sabbaṃ cetasā samannāharitvā ohitasoto dhammaṃ suṇāti, pañcassa nīvaraṇā tasmiṃ samaye na hontī’’ti ca (saṃ. ni. 5.219).

    ‘‘сод̇аануг̇ад̇аанам̣, бхигкавз, д̇хаммаанам̣…бз… суббадивид̣̇д̇хаанам̣ жад̇д̇ааро аанисам̣саа баадиган̇каа’’д̇и жа (а. ни. 4.191).

    ‘‘Sotānugatānaṃ, bhikkhave, dhammānaṃ…pe… suppaṭividdhānaṃ cattāro ānisaṃsā pāṭikaṅkhā’’ti ca (a. ni. 4.191).

    ‘‘жад̇д̇ааромз, бхигкавз, д̇хаммаа гаалзна гаалам̣ саммаа бхаавияамаанаа саммаа анубаривад̇д̇ияамаанаа анубуб̣б̣зна аасаваанам̣ каяам̣ баабзнд̇и. гад̇амз жад̇д̇ааро? гаалзна д̇хаммассавана’’нд̇и жа звамаад̣̇и (а. ни. 4.147).

    ‘‘Cattārome, bhikkhave, dhammā kālena kālaṃ sammā bhāviyamānā sammā anuparivattiyamānā anupubbena āsavānaṃ khayaṃ pāpenti. Katame cattāro? Kālena dhammassavana’’nti ca evamādi (a. ni. 4.147).

    звам̣ имиссаа г̇аат̇ааяа г̇аараво, ниваад̇о, санд̇удти, гад̇ан̃н̃уд̇аа, гаалзна д̇хаммассавананд̇и бан̃жа ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya gāravo, nivāto, santuṭṭhi, kataññutā, kālena dhammassavananti pañca maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа г̇аараво жаад̇и имиссаа г̇аат̇ааяа ад̇т̇аван̣н̣анаа.

    Niṭṭhitā gāravo cāti imissā gāthāya atthavaṇṇanā.

    канд̇ийжаад̇иг̇аат̇ааван̣н̣анаа

    Khantīcātigāthāvaṇṇanā

    10. ид̣̇аани канд̇ий жаад̇и зд̇т̇а каманам̣ канд̇и. бад̣̇агкин̣аг̇г̇аахид̇ааяа сукам̣ важо асминд̇и суважо, суважасса гаммам̣ соважассам̣, соважассасса бхааво соважассад̇аа. гилзсаанам̣ самид̇ад̇д̇аа саман̣аа. д̣̇ассананд̇и бзгканам̣. д̇хаммасса саагажчаа д̇хаммасаагажчаа. сзсам̣ вуд̇д̇анаяамзваад̇и. аяам̣ бад̣̇аван̣н̣анаа.

    10. Idāni khantī cāti ettha khamanaṃ khanti. Padakkhiṇaggāhitāya sukhaṃ vaco asminti suvaco, suvacassa kammaṃ sovacassaṃ, sovacassassa bhāvo sovacassatā. Kilesānaṃ samitattā samaṇā. Dassananti pekkhanaṃ. Dhammassa sākacchā dhammasākacchā. Sesaṃ vuttanayamevāti. Ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – канд̇и наама ад̇хиваасанагканд̇и, д̇ааяа саманнааг̇ад̇о бхигку д̣̇асахи аггосавад̇т̇уухи аггосанд̇з вад̇хаб̣анд̇хаад̣̇ийхи ваа вихзсанд̇з буг̇г̇алз асун̣анд̇о вияа абассанд̇о вияа жа ниб̣б̣игааро ход̇и канд̇иваад̣̇ий вияа. яат̇ааха –

    Atthavaṇṇanā pana evaṃ veditabbā – khanti nāma adhivāsanakkhanti, tāya samannāgato bhikkhu dasahi akkosavatthūhi akkosante vadhabandhādīhi vā vihesante puggale asuṇanto viya apassanto viya ca nibbikāro hoti khantivādī viya. Yathāha –

    ‘‘аху ад̇ийд̇амад̣̇д̇хаанам̣, саман̣о канд̇ид̣̇ийбано;

    ‘‘Ahu atītamaddhānaṃ, samaṇo khantidīpano;

    д̇ам̣ канд̇ияааязва тид̇ам̣, гаасирааж̇аа ачзд̣̇аяий’’д̇и. (ж̇аа. 1.4.51);

    Taṃ khantiyāyeva ṭhitaṃ, kāsirājā achedayī’’ti. (jā. 1.4.51);

    бхад̣̇рагад̇о ваа манаси гарод̇и д̇ад̇о уд̇д̇ари абараад̇хаабхаавзна ааяасмаа бун̣н̣ад̇т̇зро вияа. яат̇ааха со –

    Bhadrakato vā manasi karoti tato uttari aparādhābhāvena āyasmā puṇṇatthero viya. Yathāha so –

    ‘‘сажз мам̣, бханд̇з, сунаабаранд̇агаа мануссаа аггосиссанд̇и барибхаасиссанд̇и, д̇ад̇т̇а мз звам̣ бхависсад̇и ‘бхад̣̇д̣̇агаа вад̇имз сунаабаранд̇агаа мануссаа, субхад̣̇д̣̇агаа вад̇имз сунаабаранд̇агаа мануссаа, яам̣ мз наяимз баан̣инаа бахаарам̣ д̣̇знд̇ий’’’д̇иаад̣̇и (ма. ни. 3.396; сам̣. ни. 4.88).

    ‘‘Sace maṃ, bhante, sunāparantakā manussā akkosissanti paribhāsissanti, tattha me evaṃ bhavissati ‘bhaddakā vatime sunāparantakā manussā, subhaddakā vatime sunāparantakā manussā, yaṃ me nayime pāṇinā pahāraṃ dentī’’’tiādi (ma. ni. 3.396; saṃ. ni. 4.88).

    яааяа жа саманнааг̇ад̇о исийнамби басам̣санийяо ход̇и. яат̇ааха сарабхан̇г̇о иси –

    Yāya ca samannāgato isīnampi pasaṃsanīyo hoti. Yathāha sarabhaṅgo isi –

    ‘‘год̇хам̣ вад̇хид̇ваа на гад̣̇аажи сожад̇и,

    ‘‘Kodhaṃ vadhitvā na kadāci socati,

    магкаббахаанам̣ исаяо ван̣н̣аяанд̇и;

    Makkhappahānaṃ isayo vaṇṇayanti;

    саб̣б̣зсам̣ вуд̇д̇ам̣ парусам̣ камзт̇а,

    Sabbesaṃ vuttaṃ pharusaṃ khametha,

    зд̇ам̣ канд̇им̣ уд̇д̇амамааху санд̇о’’д̇и. (ж̇аа. 2.17.64);

    Etaṃ khantiṃ uttamamāhu santo’’ti. (jā. 2.17.64);

    д̣̇звад̇аанамби басам̣санийяо ход̇и. яат̇ааха сагго д̣̇зваанаминд̣̇о –

    Devatānampi pasaṃsanīyo hoti. Yathāha sakko devānamindo –

    ‘‘яо хавз б̣алаваа санд̇о, д̣̇уб̣б̣аласса д̇ид̇игкад̇и;

    ‘‘Yo have balavā santo, dubbalassa titikkhati;

    д̇амааху барамам̣ канд̇им̣, нижжам̣ камад̇и д̣̇уб̣б̣ало’’д̇и. (сам̣. ни. 1.250-251);

    Tamāhu paramaṃ khantiṃ, niccaṃ khamati dubbalo’’ti. (saṃ. ni. 1.250-251);

    б̣уд̣̇д̇хаанамби басам̣санийяо ход̇и. яат̇ааха бхаг̇аваа –

    Buddhānampi pasaṃsanīyo hoti. Yathāha bhagavā –

    ‘‘аггосам̣ вад̇хаб̣анд̇хан̃жа, ад̣̇удто яо д̇ид̇игкад̇и;

    ‘‘Akkosaṃ vadhabandhañca, aduṭṭho yo titikkhati;

    канд̇ийб̣алам̣ б̣алаан̣ийгам̣, д̇амахам̣ б̣рууми б̣раахман̣а’’нд̇и. (д̇ха. ба. 399);

    Khantībalaṃ balāṇīkaṃ, tamahaṃ brūmi brāhmaṇa’’nti. (dha. pa. 399);

    саа банзсаа канд̇и зд̇зсан̃жа ид̇ха ван̣н̣ид̇аанам̣ ан̃н̃зсан̃жа г̇ун̣аанам̣ ад̇хиг̇амахзд̇уд̇о ман̇г̇аланд̇и взд̣̇ид̇аб̣б̣аа.

    Sā panesā khanti etesañca idha vaṇṇitānaṃ aññesañca guṇānaṃ adhigamahetuto maṅgalanti veditabbā.

    соважассад̇аа наама сахад̇хаммигам̣ вужжамаанз вигкзбам̣ ваа д̇ун̣хийбхаавам̣ ваа г̇ун̣ад̣̇осажинд̇анам̣ ваа анаабаж̇ж̇ид̇ваа ад̇ивияа аад̣̇аран̃жа г̇аараван̃жа нийжаманад̇ан̃жа бурагкад̇ваа саад̇хууд̇и важанагаран̣ад̇аа. саа саб̣рахмажаарийнам̣ санд̇игаа оваад̣̇аанусаасаниббадилаабхахзд̇уд̇о д̣̇осаббахаанаг̇ун̣аад̇хиг̇амахзд̇уд̇о жа ман̇г̇аланд̇и вужжад̇и.

    Sovacassatā nāma sahadhammikaṃ vuccamāne vikkhepaṃ vā tuṇhībhāvaṃ vā guṇadosacintanaṃ vā anāpajjitvā ativiya ādarañca gāravañca nīcamanatañca purakkhatvā sādhūti vacanakaraṇatā. Sā sabrahmacārīnaṃ santikā ovādānusāsanippaṭilābhahetuto dosappahānaguṇādhigamahetuto ca maṅgalanti vuccati.

    саман̣аанам̣ д̣̇ассанам̣ наама убасамид̇агилзсаанам̣ бхаавид̇агааяаважийжид̇д̇абан̃н̃аанам̣ уд̇д̇амад̣̇амат̇асамат̇асаманнааг̇ад̇аанам̣ баб̣б̣аж̇ид̇аанам̣ убасан̇гаманубадтаанаануссаран̣ассаванад̣̇ассанам̣, саб̣б̣амби омагад̣̇зсанааяа д̣̇ассананд̇и вуд̇д̇ам̣, д̇ам̣ ман̇г̇аланд̇и взд̣̇ид̇аб̣б̣ам̣. гасмаа? б̣ахуубагаарад̇д̇аа. ааха жа ‘‘д̣̇ассанамбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аамий’’д̇иаад̣̇и (ид̇иву. 104). яад̇о хид̇агаамзна гулабуд̇д̇зна сийлаванд̇з бхигкуу гхарад̣̇ваарам̣ самбад̇д̇з д̣̇исваа яад̣̇и д̣̇зяяад̇хаммо ад̇т̇и, яат̇ааб̣алам̣ д̣̇зяяад̇хаммзна бад̇имаанзд̇аб̣б̣аа. яад̣̇и над̇т̇и, бан̃жабад̇идтид̇ам̣ гад̇ваа ванд̣̇ид̇аб̣б̣аа. д̇асмимби асамбаж̇ж̇амаанз ан̃ж̇алим̣ баг̇г̇ахзд̇ваа намассид̇аб̣б̣аа, д̇асмимби асамбаж̇ж̇амаанз басаннажид̇д̇зна бияажагкуухи самбассид̇аб̣б̣аа. звам̣ д̣̇ассанамуулагзнаби хи бун̃н̃зна анзгаани ж̇аад̇исахассаани жагкумхи рог̇о ваа д̣̇аахо ваа уссад̣̇аа ваа бил̣агаа ваа на хонд̇и, виббасаннабан̃жаван̣н̣асассиригаани хонд̇и жагкууни рад̇анавимаанз уг̇гхаадид̇аман̣игаваадасад̣̇исаани, сад̇асахассагаббамад̇д̇ам̣ д̣̇звзсу жа мануссзсу жа самбад̇д̇ийнам̣ лаабхий ход̇и. анажчарияан̃жзд̇ам̣, яам̣ мануссабхууд̇о саббан̃н̃аж̇аад̇иго саммаа бавад̇д̇ид̇зна саман̣ад̣̇ассанамаязна бун̃н̃зна зваруубам̣ вибаагасамбад̇д̇им̣ анубхавзяяа, яад̇т̇а д̇иражчаанаг̇ад̇аанамби гзвалам̣ сад̣̇д̇хаамад̇д̇агзна гад̇асса саман̣ад̣̇ассанасса звам̣ вибаагасамбад̇д̇им̣ ван̣н̣аяанд̇и.

    Samaṇānaṃ dassanaṃ nāma upasamitakilesānaṃ bhāvitakāyavacīcittapaññānaṃ uttamadamathasamathasamannāgatānaṃ pabbajitānaṃ upasaṅkamanupaṭṭhānānussaraṇassavanadassanaṃ, sabbampi omakadesanāya dassananti vuttaṃ, taṃ maṅgalanti veditabbaṃ. Kasmā? Bahūpakārattā. Āha ca ‘‘dassanampahaṃ, bhikkhave, tesaṃ bhikkhūnaṃ bahūpakāraṃ vadāmī’’tiādi (itivu. 104). Yato hitakāmena kulaputtena sīlavante bhikkhū gharadvāraṃ sampatte disvā yadi deyyadhammo atthi, yathābalaṃ deyyadhammena patimānetabbā. Yadi natthi, pañcapatiṭṭhitaṃ katvā vanditabbā. Tasmimpi asampajjamāne añjaliṃ paggahetvā namassitabbā, tasmimpi asampajjamāne pasannacittena piyacakkhūhi sampassitabbā. Evaṃ dassanamūlakenapi hi puññena anekāni jātisahassāni cakkhumhi rogo vā dāho vā ussadā vā piḷakā vā na honti, vippasannapañcavaṇṇasassirikāni honti cakkhūni ratanavimāne ugghāṭitamaṇikavāṭasadisāni, satasahassakappamattaṃ devesu ca manussesu ca sampattīnaṃ lābhī hoti. Anacchariyañcetaṃ, yaṃ manussabhūto sappaññajātiko sammā pavattitena samaṇadassanamayena puññena evarūpaṃ vipākasampattiṃ anubhaveyya, yattha tiracchānagatānampi kevalaṃ saddhāmattakena katassa samaṇadassanassa evaṃ vipākasampattiṃ vaṇṇayanti.

    ‘‘улууго ман̣д̣алагкиго, взд̣̇ияагз жирад̣̇ийгхаваасиго;

    ‘‘Ulūko maṇḍalakkhiko, vediyake ciradīghavāsiko;

    сукид̇о вад̇а госияо аяам̣, гаалудтид̇ам̣ бассад̇и б̣уд̣̇д̇хаварам̣.

    Sukhito vata kosiyo ayaṃ, kāluṭṭhitaṃ passati buddhavaraṃ.

    ‘‘маяи жид̇д̇ам̣ басаад̣̇зд̇ваа, бхигкусан̇гхз ануд̇д̇арз;

    ‘‘Mayi cittaṃ pasādetvā, bhikkhusaṅghe anuttare;

    габбаанам̣ сад̇асахассаани, д̣̇уг̇г̇ад̇зсо на г̇ажчад̇и.

    Kappānaṃ satasahassāni, duggateso na gacchati.

    ‘‘са д̣̇звалогаа жавид̇ваа, гусалагаммзна жод̣̇ид̇о;

    ‘‘Sa devalokā cavitvā, kusalakammena codito;

    бхависсад̇и ананд̇ан̃аан̣о, соманассод̇и виссуд̇о’’д̇и. (ма. ни. адта. 1.144);

    Bhavissati anantañāṇo, somanassoti vissuto’’ti. (ma. ni. aṭṭha. 1.144);

    гаалзна д̇хаммасаагажчаа наама бад̣̇осз ваа бажжуусз ваа д̣̇вз суд̇д̇анд̇игаа бхигкуу ан̃н̃аман̃н̃ам̣ суд̇д̇анд̇ам̣ саагажчанд̇и, винаяад̇хараа винаяам̣, аабхид̇хаммигаа абхид̇хаммам̣, ж̇аад̇агабхаан̣агаа ж̇аад̇агам̣, адтагат̇игаа адтагат̇ам̣, лийнуд̣̇д̇хад̇авижигижчаабарзд̇ажид̇д̇ависод̇ханад̇т̇ам̣ ваа д̇амхи д̇амхи гаалз саагажчанд̇и, аяам̣ гаалзна д̇хаммасаагажчаа. саа ааг̇амаб̣яад̇д̇иаад̣̇ийнам̣ г̇ун̣аанам̣ хзд̇уд̇о ман̇г̇аланд̇и вужжад̇ийд̇и.

    Kālena dhammasākacchā nāma padose vā paccūse vā dve suttantikā bhikkhū aññamaññaṃ suttantaṃ sākacchanti, vinayadharā vinayaṃ, ābhidhammikā abhidhammaṃ, jātakabhāṇakā jātakaṃ, aṭṭhakathikā aṭṭhakathaṃ, līnuddhatavicikicchāparetacittavisodhanatthaṃ vā tamhi tamhi kāle sākacchanti, ayaṃ kālena dhammasākacchā. Sā āgamabyattiādīnaṃ guṇānaṃ hetuto maṅgalanti vuccatīti.

    звам̣ имиссаа г̇аат̇ааяа канд̇и, соважассад̇аа, саман̣ад̣̇ассанам̣, гаалзна д̇хаммасаагажчаад̇и жад̇д̇аари ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya khanti, sovacassatā, samaṇadassanaṃ, kālena dhammasākacchāti cattāri maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа канд̇ий жаад̇и имиссаа г̇аат̇ааяа ад̇т̇аван̣н̣анаа.

    Niṭṭhitā khantī cāti imissā gāthāya atthavaṇṇanā.

    д̇абожаад̇иг̇аат̇ааван̣н̣анаа

    Tapocātigāthāvaṇṇanā

    11. ид̣̇аани д̇або жаад̇и зд̇т̇а баабагз д̇хаммз д̇абад̇ийд̇и д̇або. б̣рахмам̣ жарияам̣, б̣рахмаанам̣ ваа жарияам̣ б̣рахмажарияам̣, сздтажарияанд̇и вуд̇д̇ам̣ ход̇и. арияасажжаанам̣ д̣̇ассанам̣ арияасажжаанад̣̇ассанам̣, арияасажжаани д̣̇ассананд̇иби згз, д̇ам̣ на сунд̣̇арам̣. нигканд̇ам̣ ваанад̇од̇и ниб̣б̣аанам̣, сажчигаран̣ам̣ сажчигирияаа, ниб̣б̣аанасса сажчигирияаа ниб̣б̣аанасажчигирияаа. сзсам̣ вуд̇д̇анаяамзваад̇и аяам̣ бад̣̇аван̣н̣анаа.

    11. Idāni tapo cāti ettha pāpake dhamme tapatīti tapo. Brahmaṃ cariyaṃ, brahmānaṃ vā cariyaṃ brahmacariyaṃ, seṭṭhacariyanti vuttaṃ hoti. Ariyasaccānaṃ dassanaṃ ariyasaccānadassanaṃ, ariyasaccāni dassanantipi eke, taṃ na sundaraṃ. Nikkhantaṃ vānatoti nibbānaṃ, sacchikaraṇaṃ sacchikiriyā, nibbānassa sacchikiriyā nibbānasacchikiriyā. Sesaṃ vuttanayamevāti ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – д̇або наама абхиж̇жхаад̣̇оманассаад̣̇ийнам̣ д̇абанад̇о инд̣̇рияасам̣варо , госаж̇ж̇асса ваа д̇абанад̇о вийрияам̣, д̇зхи саманнааг̇ад̇о буг̇г̇ало аад̇аабийд̇и вужжад̇и. свааяам̣ абхиж̇жхаад̣̇иббахаанажхаанаад̣̇иббадилаабхахзд̇уд̇о ман̇г̇аланд̇и взд̣̇ид̇аб̣б̣о.

    Atthavaṇṇanā pana evaṃ veditabbā – tapo nāma abhijjhādomanassādīnaṃ tapanato indriyasaṃvaro , kosajjassa vā tapanato vīriyaṃ, tehi samannāgato puggalo ātāpīti vuccati. Svāyaṃ abhijjhādippahānajhānādippaṭilābhahetuto maṅgalanti veditabbo.

    б̣рахмажарияам̣ наама мзт̇унавирад̇исаман̣ад̇хаммасаасанамаг̇г̇аанамад̇хиважанам̣. д̇ат̇аа хи ‘‘аб̣рахмажарияам̣ бахааяа б̣рахмажаарий ход̇ий’’д̇и звамаад̣̇ийсу (д̣̇ий. ни. 1.194; ма. ни. 1.292) мзт̇унавирад̇и б̣рахмажарияанд̇и вужжад̇и. ‘‘бхаг̇авад̇и но, аавусо, б̣рахмажарияам̣ вуссад̇ийд̇и? звамаавусо’’д̇и звамаад̣̇ийсу (ма. ни. 1.257) саман̣ад̇хаммо. ‘‘на д̇ааваахам̣, баабима, бариниб̣б̣ааяиссаами, яаава мз ид̣̇ам̣ б̣рахмажарияам̣ на ид̣̇д̇хан̃жзва бхависсад̇и пийд̇ан̃жа вид̇т̇ааригам̣ б̣аахуж̇ан̃н̃а’’нд̇и звамаад̣̇ийсу (д̣̇ий. ни. 2.168; сам̣. ни. 5.822; уд̣̇аа. 51) саасанам̣. ‘‘аяамзва ко, бхигку, арияо адтан̇г̇иго маг̇г̇о б̣рахмажарияам̣. сзяяат̇ид̣̇ам̣, саммаад̣̇идтий’’д̇и звамаад̣̇ийсу (сам̣. ни. 5.6) маг̇г̇о. ид̇ха бана арияасажжад̣̇ассанзна барад̇о маг̇г̇асса сан̇г̇ахид̇ад̇д̇аа авасзсам̣ саб̣б̣амби ваддад̇и. д̇ан̃жзд̇ам̣ убаруубари наанаббагаарависзсаад̇хиг̇амахзд̇уд̇о ман̇г̇аланд̇и взд̣̇ид̇аб̣б̣ам̣.

    Brahmacariyaṃ nāma methunaviratisamaṇadhammasāsanamaggānamadhivacanaṃ. Tathā hi ‘‘abrahmacariyaṃ pahāya brahmacārī hotī’’ti evamādīsu (dī. ni. 1.194; ma. ni. 1.292) methunavirati brahmacariyanti vuccati. ‘‘Bhagavati no, āvuso, brahmacariyaṃ vussatīti? Evamāvuso’’ti evamādīsu (ma. ni. 1.257) samaṇadhammo. ‘‘Na tāvāhaṃ, pāpima, parinibbāyissāmi, yāva me idaṃ brahmacariyaṃ na iddhañceva bhavissati phītañca vitthārikaṃ bāhujañña’’nti evamādīsu (dī. ni. 2.168; saṃ. ni. 5.822; udā. 51) sāsanaṃ. ‘‘Ayameva kho, bhikkhu, ariyo aṭṭhaṅgiko maggo brahmacariyaṃ. Seyyathidaṃ, sammādiṭṭhī’’ti evamādīsu (saṃ. ni. 5.6) maggo. Idha pana ariyasaccadassanena parato maggassa saṅgahitattā avasesaṃ sabbampi vaṭṭati. Tañcetaṃ uparūpari nānappakāravisesādhigamahetuto maṅgalanti veditabbaṃ.

    арияасажжаана д̣̇ассанам̣ наама гумаарабан̃хз вуд̇д̇аанам̣ жад̇уннам̣ арияасажжаанам̣ абхисамаяавасзна маг̇г̇ад̣̇ассанам̣, д̇ам̣ сам̣саарад̣̇угкавийд̇иггамахзд̇уд̇о ман̇г̇аланд̇и вужжад̇и.

    Ariyasaccāna dassanaṃ nāma kumārapañhe vuttānaṃ catunnaṃ ariyasaccānaṃ abhisamayavasena maggadassanaṃ, taṃ saṃsāradukkhavītikkamahetuto maṅgalanti vuccati.

    ниб̣б̣аанасажчигирияаа наама ид̇ха арахад̇д̇апалам̣ ниб̣б̣аананд̇и ад̇хиббзд̇ам̣. д̇амби хи бан̃жаг̇ад̇иваананзна ваанасан̃н̃ид̇ааяа д̇ан̣хааяа нигканд̇ад̇д̇аа ниб̣б̣аананд̇и вужжад̇и. д̇асса бад̇д̇и ваа бажжавзгкан̣аа ваа сажчигирияаад̇и вужжад̇и. ид̇арасса бана ниб̣б̣аанасса арияасажжаанам̣ д̣̇ассанзнзва сажчигирияаа сид̣̇д̇хаа, д̇знзд̇ам̣ ид̇ха наад̇хиббзд̇ам̣. звамзсаа ниб̣б̣аанасажчигирияаа д̣̇идтад̇хаммигасукавихаараад̣̇ихзд̇уд̇о ман̇г̇аланд̇и взд̣̇ид̇аб̣б̣аа.

    Nibbānasacchikiriyā nāma idha arahattaphalaṃ nibbānanti adhippetaṃ. Tampi hi pañcagativānanena vānasaññitāya taṇhāya nikkhantattā nibbānanti vuccati. Tassa patti vā paccavekkhaṇā vā sacchikiriyāti vuccati. Itarassa pana nibbānassa ariyasaccānaṃ dassaneneva sacchikiriyā siddhā, tenetaṃ idha nādhippetaṃ. Evamesā nibbānasacchikiriyā diṭṭhadhammikasukhavihārādihetuto maṅgalanti veditabbā.

    звам̣ имиссаа г̇аат̇ааяа д̇або б̣рахмажарияам̣, арияасажжаанам̣ д̣̇ассанам̣, ниб̣б̣аанасажчигирияаад̇и жад̇д̇аари ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya tapo brahmacariyaṃ, ariyasaccānaṃ dassanaṃ, nibbānasacchikiriyāti cattāri maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа д̇або жаад̇и имиссаа г̇аат̇ааяа ад̇т̇аван̣н̣анаа.

    Niṭṭhitā tapo cāti imissā gāthāya atthavaṇṇanā.

    пудтассалогад̇хаммзхийд̇иг̇аат̇ааван̣н̣анаа

    Phuṭṭhassalokadhammehītigāthāvaṇṇanā

    12. ид̣̇аани пудтасса логад̇хаммзхийд̇и зд̇т̇а пудтассаад̇и пусид̇асса чубид̇асса самбад̇д̇асса. логз д̇хаммаа логад̇хаммаа, яаава логаббавад̇д̇и, д̇аава анивад̇д̇агаа д̇хаммаад̇и вуд̇д̇ам̣ ход̇и. жид̇д̇анд̇и мано маанасам̣. яассаад̇и навасса ваа маж̇жхимасса ваа т̇зрасса ваа. на гамбад̇ийд̇и на жалад̇и на взд̇хад̇и. асоганд̇и ниссогам̣ аб̣б̣уул̣хасогасаллам̣. вираж̇анд̇и виг̇ад̇араж̇ам̣ вид̣̇д̇хам̣сид̇араж̇ам̣. кзманд̇и абхаяам̣ нирубад̣̇д̣̇авам̣. сзсам̣ вуд̇д̇анаяамзваад̇и аяам̣ бад̣̇аван̣н̣анаа.

    12. Idāni phuṭṭhassa lokadhammehīti ettha phuṭṭhassāti phusitassa chupitassa sampattassa. Loke dhammā lokadhammā, yāva lokappavatti, tāva anivattakā dhammāti vuttaṃ hoti. Cittanti mano mānasaṃ. Yassāti navassa vā majjhimassa vā therassa vā. Na kampatīti na calati na vedhati. Asokanti nissokaṃ abbūḷhasokasallaṃ. Virajanti vigatarajaṃ viddhaṃsitarajaṃ. Khemanti abhayaṃ nirupaddavaṃ. Sesaṃ vuttanayamevāti ayaṃ padavaṇṇanā.

    ад̇т̇аван̣н̣анаа бана звам̣ взд̣̇ид̇аб̣б̣аа – пудтасса логад̇хаммзхи жид̇д̇ам̣ яасса на гамбад̇и наама яасса лаабхаалаабхаад̣̇ийхи адтахи логад̇хаммзхи пудтасса аж̇жход̇т̇адасса жид̇д̇ам̣ на гамбад̇и на жалад̇и на взд̇хад̇и, д̇асса д̇ам̣ жид̇д̇ам̣ гзнажи агамбанийяалогуд̇д̇амабхаавааваханад̇о ман̇г̇аланд̇и взд̣̇ид̇аб̣б̣ам̣.

    Atthavaṇṇanā pana evaṃ veditabbā – phuṭṭhassa lokadhammehi cittaṃyassana kampati nāma yassa lābhālābhādīhi aṭṭhahi lokadhammehi phuṭṭhassa ajjhotthaṭassa cittaṃ na kampati na calati na vedhati, tassa taṃ cittaṃ kenaci akampanīyalokuttamabhāvāvahanato maṅgalanti veditabbaṃ.

    гасса жа зд̇зхи пудтасса жид̇д̇ам̣ на гамбад̇ийд̇и? арахад̇о кийн̣аасавасса, на ан̃н̃асса гассажи. вуд̇д̇ан̃хзд̇ам̣ –

    Kassa ca etehi phuṭṭhassa cittaṃ na kampatīti? Arahato khīṇāsavassa, na aññassa kassaci. Vuttañhetaṃ –

    ‘‘сзло яат̇аа згаг̇гхано, ваад̇зна на самийрад̇и;

    ‘‘Selo yathā ekagghano, vātena na samīrati;

    звам̣ руубаа расаа сад̣̇д̣̇аа, г̇анд̇хаа пассаа жа гзвалаа.

    Evaṃ rūpā rasā saddā, gandhā phassā ca kevalā.

    ‘‘идтаа д̇хаммаа анидтаа жа, на бавзд̇хзнд̇и д̇аад̣̇ино;

    ‘‘Iṭṭhā dhammā aniṭṭhā ca, na pavedhenti tādino;

    тид̇ам̣ жид̇д̇ам̣ виббамуд̇д̇ам̣, ваяан̃жассаанубассад̇ий’’д̇и. (махаава. 244);

    Ṭhitaṃ cittaṃ vippamuttaṃ, vayañcassānupassatī’’ti. (mahāva. 244);

    асогам̣ наама кийн̣аасавассзва жид̇д̇ам̣. д̇ан̃хи явааяам̣ ‘‘сого сожанаа сожид̇ад̇д̇ам̣ анд̇осого анд̇обарисого жзд̇асо бариниж̇жхааяид̇ад̇д̇а’’нд̇иаад̣̇инаа (вибха. 237) наязна вужжад̇и сого, д̇асса абхаавад̇о асогам̣. гзжи ниб̣б̣аанам̣ вад̣̇анд̇и, д̇ам̣ буримабад̣̇зна наанусанд̇хияад̇и. яат̇аа жа асогам̣, звам̣ вираж̇ам̣ кзманд̇иби кийн̣аасавассзва жид̇д̇ам̣. д̇ан̃хи рааг̇ад̣̇осамохараж̇аанам̣ виг̇ад̇ад̇д̇аа вираж̇ам̣, жад̇уухи жа яог̇зхи кзмад̇д̇аа кзмам̣, яад̇о зд̇ам̣ д̇зна д̇знаагаарзна д̇амхи д̇амхи бавад̇д̇игкан̣з г̇ахзд̇ваа нид̣̇д̣̇идтавасзна д̇ивид̇хамби аббавад̇д̇агканд̇хад̇аад̣̇илогуд̇д̇амабхаавааваханад̇о аахунзяяаад̣̇ибхаавааваханад̇о жа ман̇г̇аланд̇и взд̣̇ид̇аб̣б̣ам̣.

    Asokaṃ nāma khīṇāsavasseva cittaṃ. Tañhi yvāyaṃ ‘‘soko socanā socitattaṃ antosoko antoparisoko cetaso parinijjhāyitatta’’ntiādinā (vibha. 237) nayena vuccati soko, tassa abhāvato asokaṃ. Keci nibbānaṃ vadanti, taṃ purimapadena nānusandhiyati. Yathā ca asokaṃ, evaṃ virajaṃ khemantipi khīṇāsavasseva cittaṃ. Tañhi rāgadosamoharajānaṃ vigatattā virajaṃ, catūhi ca yogehi khemattā khemaṃ, yato etaṃ tena tenākārena tamhi tamhi pavattikkhaṇe gahetvā niddiṭṭhavasena tividhampi appavattakkhandhatādilokuttamabhāvāvahanato āhuneyyādibhāvāvahanato ca maṅgalanti veditabbaṃ.

    звам̣ имиссаа г̇аат̇ааяа адталогад̇хаммзхи агамбид̇ажид̇д̇ам̣, асогажид̇д̇ам̣, вираж̇ажид̇д̇ам̣, кзмажид̇д̇анд̇и жад̇д̇аари ман̇г̇алаани вуд̇д̇аани. ман̇г̇алад̇д̇ан̃жа нзсам̣ д̇ад̇т̇а д̇ад̇т̇а вибхаавид̇амзваад̇и.

    Evaṃ imissā gāthāya aṭṭhalokadhammehi akampitacittaṃ, asokacittaṃ, virajacittaṃ, khemacittanti cattāri maṅgalāni vuttāni. Maṅgalattañca nesaṃ tattha tattha vibhāvitamevāti.

    нидтид̇аа пудтасса логад̇хаммзхийд̇и имиссаа г̇аат̇ааяа ад̇т̇аван̣н̣анаа.

    Niṭṭhitā phuṭṭhassa lokadhammehīti imissā gāthāya atthavaṇṇanā.

    зд̇аад̣̇исаанийд̇иг̇аат̇ааван̣н̣анаа

    Etādisānītigāthāvaṇṇanā

    13. звам̣ бхаг̇аваа асзванаа жа б̣аалаананд̇иаад̣̇ийхи д̣̇асахи г̇аат̇аахи адтад̇им̣са махааман̇г̇алаани гат̇зд̇ваа ид̣̇аани зд̇аанзва ад̇д̇анаа вуд̇д̇аман̇г̇алаани т̇унанд̇о ‘‘зд̇аад̣̇исаани гад̇ваанаа’’д̇и авасаанаг̇аат̇амабхааси.

    13. Evaṃ bhagavā asevanā ca bālānantiādīhi dasahi gāthāhi aṭṭhatiṃsa mahāmaṅgalāni kathetvā idāni etāneva attanā vuttamaṅgalāni thunanto ‘‘etādisāni katvānā’’ti avasānagāthamabhāsi.

    д̇ассааяамад̇т̇аван̣н̣анаа – зд̇аад̣̇исаанийд̇и зд̇аани ийд̣̇исаани маяаа вуд̇д̇аббагаараани б̣аалаанам̣ асзванаад̣̇ийни. гад̇ваанаад̇и гад̇ваа. гад̇ваана гад̇ваа гарид̇ваад̇и хи ад̇т̇ад̇о анан̃н̃ам̣. саб̣б̣ад̇т̇амабарааж̇ид̇аад̇и саб̣б̣ад̇т̇а канд̇хагилзсаабхисан̇каарад̣̇звабуд̇д̇амаараббабхзд̣̇зсу жад̇уусу бажжад̇т̇игзсу згзнааби абарааж̇ид̇аа худ̇ваа, саяамзва д̇з жад̇д̇ааро маарз барааж̇зд̇ваад̇и вуд̇д̇ам̣ ход̇и. магааро жзд̇т̇а бад̣̇асанд̇хигарамад̇д̇од̇и вин̃н̃аад̇аб̣б̣о.

    Tassāyamatthavaṇṇanā – etādisānīti etāni īdisāni mayā vuttappakārāni bālānaṃ asevanādīni. Katvānāti katvā. Katvāna katvā karitvāti hi atthato anaññaṃ. Sabbatthamaparājitāti sabbattha khandhakilesābhisaṅkhāradevaputtamārappabhedesu catūsu paccatthikesu ekenāpi aparājitā hutvā, sayameva te cattāro māre parājetvāti vuttaṃ hoti. Makāro cettha padasandhikaramattoti viññātabbo.

    саб̣б̣ад̇т̇а сод̇т̇им̣ г̇ажчанд̇ийд̇и зд̇аад̣̇исаани ман̇г̇алаани гад̇ваа жад̇уухи маарзхи абарааж̇ид̇аа худ̇ваа саб̣б̣ад̇т̇а ид̇халогабаралогзсу таанажан̇гаманаад̣̇ийсу жа сод̇т̇им̣ г̇ажчанд̇и, б̣ааласзванаад̣̇ийхи яз уббаж̇ж̇зяяум̣ аасаваа вигхаад̇абарил̣аахаа, д̇зсам̣ абхааваа сод̇т̇им̣ г̇ажчанд̇и, анубад̣̇д̣̇уд̇аа анубасадтаа кзмино аббадибхаяаа г̇ажчанд̇ийд̇и вуд̇д̇ам̣ ход̇и. анунаасиго жзд̇т̇а г̇аат̇ааб̣анд̇хасукад̇т̇ам̣ вуд̇д̇од̇и взд̣̇ид̇аб̣б̣о.

    Sabbattha sotthiṃ gacchantīti etādisāni maṅgalāni katvā catūhi mārehi aparājitā hutvā sabbattha idhalokaparalokesu ṭhānacaṅkamanādīsu ca sotthiṃ gacchanti, bālasevanādīhi ye uppajjeyyuṃ āsavā vighātapariḷāhā, tesaṃ abhāvā sotthiṃ gacchanti, anupaddutā anupasaṭṭhā khemino appaṭibhayā gacchantīti vuttaṃ hoti. Anunāsiko cettha gāthābandhasukhatthaṃ vuttoti veditabbo.

    д̇ам̣ д̇зсам̣ ман̇г̇аламуд̇д̇аманд̇и иминаа г̇аат̇аабад̣̇зна бхаг̇аваа д̣̇зсанам̣ нидтаабзси. гат̇ам̣? звам̣, д̣̇звабуд̇д̇а, яз зд̇аад̣̇исаани гаронд̇и, д̇з яасмаа саб̣б̣ад̇т̇а сод̇т̇им̣ г̇ажчанд̇и, д̇асмаа д̇ам̣ б̣аалаанам̣ асзванаад̣̇иадтад̇им̣савид̇хамби д̇зсам̣ зд̇аад̣̇исагаарагаанам̣ ман̇г̇аламуд̇д̇амам̣ сздтам̣ баваранд̇и г̇ан̣хаахийд̇и.

    Taṃ tesaṃ maṅgalamuttamanti iminā gāthāpadena bhagavā desanaṃ niṭṭhāpesi. Kathaṃ? Evaṃ, devaputta, ye etādisāni karonti, te yasmā sabbattha sotthiṃ gacchanti, tasmā taṃ bālānaṃ asevanādiaṭṭhatiṃsavidhampi tesaṃ etādisakārakānaṃ maṅgalamuttamaṃ seṭṭhaṃ pavaranti gaṇhāhīti.

    зван̃жа бхаг̇авад̇аа нидтаабид̇ааяа д̣̇зсанааяа барияосаанз годисад̇асахассад̣̇звад̇ааяо арахад̇д̇ам̣ баабун̣им̣су, сод̇аабад̇д̇исагад̣̇ааг̇аамианааг̇аамипаласамбад̇д̇аанам̣ г̇ан̣анаа асан̇кязяяаа ахоси. ат̇а бхаг̇аваа д̣̇уд̇ияад̣̇ивасз аананд̣̇ад̇т̇зрам̣ ааманд̇зси – ‘‘имам̣ бана, аананд̣̇а, рад̇д̇им̣ ан̃н̃ад̇араа д̣̇звад̇аа мам̣ убасан̇гамид̇ваа ман̇г̇алабан̃хам̣ бужчи, ат̇ассаахам̣ адтад̇им̣са ман̇г̇алаани абхаасим̣, уг̇г̇ан̣хаахи, аананд̣̇а, имам̣ ман̇г̇алабарияааяам̣, уг̇г̇ахзд̇ваа бхигкуу ваажзхий’’д̇и. т̇зро уг̇г̇ахзд̇ваа бхигкуу ваажзси. д̇аяид̣̇ам̣ аажарияабарамбарааяа аабхад̇ам̣ яааваж̇ж̇ад̇анаа бавад̇д̇ад̇и, ‘‘звамид̣̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’’нд̇и взд̣̇ид̇аб̣б̣ам̣.

    Evañca bhagavatā niṭṭhāpitāya desanāya pariyosāne koṭisatasahassadevatāyo arahattaṃ pāpuṇiṃsu, sotāpattisakadāgāmianāgāmiphalasampattānaṃ gaṇanā asaṅkhyeyyā ahosi. Atha bhagavā dutiyadivase ānandattheraṃ āmantesi – ‘‘imaṃ pana, ānanda, rattiṃ aññatarā devatā maṃ upasaṅkamitvā maṅgalapañhaṃ pucchi, athassāhaṃ aṭṭhatiṃsa maṅgalāni abhāsiṃ, uggaṇhāhi, ānanda, imaṃ maṅgalapariyāyaṃ, uggahetvā bhikkhū vācehī’’ti. Thero uggahetvā bhikkhū vācesi. Tayidaṃ ācariyaparamparāya ābhataṃ yāvajjatanā pavattati, ‘‘evamidaṃ brahmacariyaṃ iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsita’’nti veditabbaṃ.

    ид̣̇аани зд̇зсвзва ман̇г̇алзсу н̃аан̣абарижаяабаадавад̇т̇ам̣ аяамаад̣̇ид̇о бабхуд̇и яож̇анаа – звамимз ид̇халогабаралогалогуд̇д̇арасукагаамаа сад̇д̇аа б̣аалаж̇анасзванам̣ бахааяа, бан̣д̣ид̇з ниссааяа, бууж̇анзяяз бууж̇зд̇ваа, бад̇ируубад̣̇зсаваасзна буб̣б̣з жа гад̇абун̃н̃ад̇ааяа гусалаббавад̇д̇ияам̣ жод̣̇ияамаанаа ад̇д̇аанам̣ саммаа бан̣ид̇хааяа, б̣аахусажжасиббавинаязхи алан̇гад̇ад̇д̇абхааваа, винаяаануруубам̣ субхаасид̇ам̣ бхаасамаанаа, яаава г̇ихибхаавам̣ на виж̇аханд̇и, д̇аава маад̇аабид̇уубадтаанзна бораан̣ам̣ ин̣амуулам̣ висод̇хаяамаанаа, буд̇д̇ад̣̇аарасан̇г̇ахзна навам̣ ин̣амуулам̣ баяож̇аяамаанаа, анаагулагамманд̇ад̇ааяа д̇ханад̇хан̃н̃аад̣̇исамид̣̇д̇хим̣ баабун̣анд̇аа, д̣̇аанзна бхог̇асаарам̣ д̇хаммажарияааяа ж̇ийвид̇асааран̃жа г̇ахзд̇ваа, н̃аад̇исан̇г̇ахзна сагаж̇анахид̇ам̣ анаваж̇ж̇агамманд̇ад̇ааяа бараж̇анахид̇ан̃жа гаронд̇аа, баабавирад̇ияаа баруубагхаад̇ам̣ маж̇ж̇абаанасам̣яамзна ад̇д̇уубагхаад̇ан̃жа виваж̇ж̇зд̇ваа, д̇хаммзсу аббамаад̣̇зна гусалабагкам̣ вад̣дхзд̇ваа, вад̣дхид̇агусалад̇ааяа г̇ихиб̣яан̃ж̇анам̣ охааяа баб̣б̣аж̇ид̇абхаавз тид̇ааби б̣уд̣̇д̇хаб̣уд̣̇д̇хасаавагуубаж̇жхааяаажарияаад̣̇ийсу г̇ааравзна ниваад̇зна жа вад̇д̇асамбад̣̇ам̣ аараад̇хзд̇ваа, санд̇удтияаа бажжаяаг̇зд̇хам̣ бахааяа, гад̇ан̃н̃уд̇ааяа саббурисабхуумияам̣ тад̇ваа, д̇хаммассаванзна жид̇д̇алийнад̇ам̣ бахааяа, канд̇ияаа саб̣б̣абариссаяз абхибхавид̇ваа, соважассад̇ааяа санаат̇ам̣ ад̇д̇аанам̣ гад̇ваа, саман̣ад̣̇ассанзна бадибад̇д̇ибаяог̇ам̣ бассанд̇аа, д̇хаммасаагажчааяа ган̇каадтааниязсу д̇хаммзсу ган̇кам̣ винод̣̇зд̇ваа, инд̣̇рияасам̣варад̇абзна сийлависуд̣̇д̇хим̣ саман̣ад̇хаммаб̣рахмажариязна жид̇д̇ависуд̣̇д̇хим̣ д̇ад̇о бараа жа жад̇ассо висуд̣̇д̇хияо самбаад̣̇знд̇аа , имааяа бадибад̣̇ааяа арияасажжад̣̇ассанабарияааяам̣ н̃аан̣ад̣̇ассанависуд̣̇д̇хим̣ бад̇ваа арахад̇д̇апаласан̇кяам̣ ниб̣б̣аанам̣ сажчигаронд̇и, яам̣ сажчигарид̇ваа синзрубаб̣б̣ад̇о вияа ваад̇авудтийхи адтахи логад̇хаммзхи авигамбамаанажид̇д̇аа асогаа вираж̇аа кзмино хонд̇и. яз жа кзмино хонд̇и, д̇з саб̣б̣ад̇т̇а згзнаби абарааж̇ид̇аа хонд̇и, саб̣б̣ад̇т̇а сод̇т̇им̣ г̇ажчанд̇и. д̇знааха бхаг̇аваа –

    Idāni etesveva maṅgalesu ñāṇaparicayapāṭavatthaṃ ayamādito pabhuti yojanā – evamime idhalokaparalokalokuttarasukhakāmā sattā bālajanasevanaṃ pahāya, paṇḍite nissāya, pūjaneyye pūjetvā, patirūpadesavāsena pubbe ca katapuññatāya kusalappavattiyaṃ codiyamānā attānaṃ sammā paṇidhāya, bāhusaccasippavinayehi alaṅkatattabhāvā, vinayānurūpaṃ subhāsitaṃ bhāsamānā, yāva gihibhāvaṃ na vijahanti, tāva mātāpitūpaṭṭhānena porāṇaṃ iṇamūlaṃ visodhayamānā, puttadārasaṅgahena navaṃ iṇamūlaṃ payojayamānā, anākulakammantatāya dhanadhaññādisamiddhiṃ pāpuṇantā, dānena bhogasāraṃ dhammacariyāya jīvitasārañca gahetvā, ñātisaṅgahena sakajanahitaṃ anavajjakammantatāya parajanahitañca karontā, pāpaviratiyā parūpaghātaṃ majjapānasaṃyamena attūpaghātañca vivajjetvā, dhammesu appamādena kusalapakkhaṃ vaḍḍhetvā, vaḍḍhitakusalatāya gihibyañjanaṃ ohāya pabbajitabhāve ṭhitāpi buddhabuddhasāvakūpajjhāyācariyādīsu gāravena nivātena ca vattasampadaṃ ārādhetvā, santuṭṭhiyā paccayagedhaṃ pahāya, kataññutāya sappurisabhūmiyaṃ ṭhatvā, dhammassavanena cittalīnataṃ pahāya, khantiyā sabbaparissaye abhibhavitvā, sovacassatāya sanāthaṃ attānaṃ katvā, samaṇadassanena paṭipattipayogaṃ passantā, dhammasākacchāya kaṅkhāṭṭhāniyesu dhammesu kaṅkhaṃ vinodetvā, indriyasaṃvaratapena sīlavisuddhiṃ samaṇadhammabrahmacariyena cittavisuddhiṃ tato parā ca catasso visuddhiyo sampādentā , imāya paṭipadāya ariyasaccadassanapariyāyaṃ ñāṇadassanavisuddhiṃ patvā arahattaphalasaṅkhyaṃ nibbānaṃ sacchikaronti, yaṃ sacchikaritvā sinerupabbato viya vātavuṭṭhīhi aṭṭhahi lokadhammehi avikampamānacittā asokā virajā khemino honti. Ye ca khemino honti, te sabbattha ekenapi aparājitā honti, sabbattha sotthiṃ gacchanti. Tenāha bhagavā –

    ‘‘зд̇аад̣̇исаани гад̇ваана, саб̣б̣ад̇т̇амабарааж̇ид̇аа;

    ‘‘Etādisāni katvāna, sabbatthamaparājitā;

    саб̣б̣ад̇т̇а сод̇т̇им̣ г̇ажчанд̇и, д̇ам̣ д̇зсам̣ ман̇г̇аламуд̇д̇ама’’нд̇и.

    Sabbattha sotthiṃ gacchanti, taṃ tesaṃ maṅgalamuttama’’nti.

    барамад̇т̇аж̇од̇игааяа куд̣̇д̣̇агабаата-адтагат̇ааяа

    Paramatthajotikāya khuddakapāṭha-aṭṭhakathāya

    ман̇г̇аласуд̇д̇аван̣н̣анаа нидтид̇аа.

    Maṅgalasuttavaṇṇanā niṭṭhitā.




    Next: 6. рад̇анасуд̇д̇аван̣н̣анаа • 6. Ratanasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 5. ман̇г̇аласуд̇д̇ам̣ • 5. Maṅgalasuttaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact