| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. மணிப⁴த்³த³ஸுத்தவண்ணனா
4. Maṇibhaddasuttavaṇṇanā
238. சதுத்தே² ஸுக²மேத⁴தீதி, ஸுக²ங் படிலப⁴தி. ஸுவே ஸெய்யோதி ஸுவே ஸுவே ஸெய்யோ, நிச்சமேவ ஸெய்யோதி அத்தோ². வேரா ந பரிமுச்சதீதி அஹங் ஸதிமாதி எத்தகேன வேரதோ ந முச்சதி. யஸ்ஸாதி யஸ்ஸ அரஹதோ. அஹிங்ஸாயாதி கருணாய சேவ கருணாபுப்³ப³பா⁴கே³ ச. மெத்தங்ஸோதி ஸோ மெத்தஞ்சேவ மெத்தாபுப்³ப³பா⁴க³ஞ்ச பா⁴வேதி. அத² வா அங்ஸோதி கொட்டா²ஸோ வுச்சதி. மெத்தா அங்ஸோ ஏதஸ்ஸாதி மெத்தங்ஸோ. இத³ங் வுத்தங் ஹோதி – யஸ்ஸ அரஹதோ ஸப்³ப³காலங் அஹிங்ஸாய ரதோ மனோ, யஸ்ஸ ச ஸப்³ப³பூ⁴தேஸு மெத்தாகொட்டா²ஸோ அத்தி², தஸ்ஸ கேனசி புக்³க³லேன ஸத்³தி⁴ங் வேரங் நாம நத்தி² யக்கா²தி. சதுத்த²ங்.
238. Catutthe sukhamedhatīti, sukhaṃ paṭilabhati. Suve seyyoti suve suve seyyo, niccameva seyyoti attho. Verā na parimuccatīti ahaṃ satimāti ettakena verato na muccati. Yassāti yassa arahato. Ahiṃsāyāti karuṇāya ceva karuṇāpubbabhāge ca. Mettaṃsoti so mettañceva mettāpubbabhāgañca bhāveti. Atha vā aṃsoti koṭṭhāso vuccati. Mettā aṃso etassāti mettaṃso. Idaṃ vuttaṃ hoti – yassa arahato sabbakālaṃ ahiṃsāya rato mano, yassa ca sabbabhūtesu mettākoṭṭhāso atthi, tassa kenaci puggalena saddhiṃ veraṃ nāma natthi yakkhāti. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. மணிப⁴த்³த³ஸுத்தங் • 4. Maṇibhaddasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. மணிப⁴த்³த³ஸுத்தவண்ணனா • 4. Maṇibhaddasuttavaṇṇanā
