| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. মণিভদ্দসুত্তৰণ্ণনা
4. Maṇibhaddasuttavaṇṇanā
২৩৮. চতুত্থে সুখমেধতীতি, সুখং পটিলভতি। সুৰে সেয্যোতি সুৰে সুৰে সেয্যো, নিচ্চমেৰ সেয্যোতি অত্থো। ৰেরা ন পরিমুচ্চতীতি অহং সতিমাতি এত্তকেন ৰেরতো ন মুচ্চতি। যস্সাতি যস্স অরহতো। অহিংসাযাতি করুণায চেৰ করুণাপুব্বভাগে চ। মেত্তংসোতি সো মেত্তঞ্চেৰ মেত্তাপুব্বভাগঞ্চ ভাৰেতি। অথ ৰা অংসোতি কোট্ঠাসো ৰুচ্চতি। মেত্তা অংসো এতস্সাতি মেত্তংসো। ইদং ৰুত্তং হোতি – যস্স অরহতো সব্বকালং অহিংসায রতো মনো, যস্স চ সব্বভূতেসু মেত্তাকোট্ঠাসো অত্থি, তস্স কেনচি পুগ্গলেন সদ্ধিং ৰেরং নাম নত্থি যক্খাতি। চতুত্থং।
238. Catutthe sukhamedhatīti, sukhaṃ paṭilabhati. Suve seyyoti suve suve seyyo, niccameva seyyoti attho. Verā na parimuccatīti ahaṃ satimāti ettakena verato na muccati. Yassāti yassa arahato. Ahiṃsāyāti karuṇāya ceva karuṇāpubbabhāge ca. Mettaṃsoti so mettañceva mettāpubbabhāgañca bhāveti. Atha vā aṃsoti koṭṭhāso vuccati. Mettā aṃso etassāti mettaṃso. Idaṃ vuttaṃ hoti – yassa arahato sabbakālaṃ ahiṃsāya rato mano, yassa ca sabbabhūtesu mettākoṭṭhāso atthi, tassa kenaci puggalena saddhiṃ veraṃ nāma natthi yakkhāti. Catutthaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. মণিভদ্দসুত্তং • 4. Maṇibhaddasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. মণিভদ্দসুত্তৰণ্ণনা • 4. Maṇibhaddasuttavaṇṇanā
