| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ман̣ибхад̣̇д̣̇асуд̇д̇аван̣н̣анаа
4. Maṇibhaddasuttavaṇṇanā
238. сукам̣ бадилабхад̇ийд̇и д̣̇идтад̇хаммигаад̣̇ибхзд̣̇ам̣ сукам̣ ад̇хиг̇ажчад̇и. нижжамзва сзяяо сад̇имад̇о ааяад̇им̣ хид̇ажаран̣ад̇о. ман̣ибхад̣̇д̣̇о ‘‘сад̇имаабуг̇г̇ало сад̇огаарий самбад̇и взрам̣ наббасавад̇ий’’д̇и ад̇хиббааязна ‘‘взраа жа баримужжад̇ий’’д̇и ааха. бхаг̇аваа бана сад̇иманд̇ад̇аасид̣̇д̇хияаа взрабаримужжанам̣ на ажжанд̇игам̣, нааби зганд̇игам̣ бадибагкзна барад̇о жа аббахийнад̇д̇аад̇и д̇ам̣ нисзд̇хзнд̇о ‘‘взраа жа на баримужжад̇ий’’д̇и вад̇ваа, яам̣ ажжанд̇игам̣ зганд̇иган̃жа барасса васзна взрабаримужжанам̣, д̇ам̣ д̣̇ассзнд̇о ‘‘яассаа’’д̇и г̇аат̇амааха. гарун̣ааяаад̇и аббанааббад̇д̇ааяа гарун̣ааяа. гарун̣аабуб̣б̣абхааг̇зд̇и гарун̣аабхааванааяа васзна уббаад̣̇ид̇абатамаж̇жхаануубажаарз. сод̇и гарун̣аабхааванам̣ бхаавзнд̇о буг̇г̇ало. мзд̇д̇ам̣сод̇и мзд̇д̇ажид̇д̇ам̣ ам̣со зго гусалагодтаасо зд̇ассаад̇и мзд̇д̇ам̣со. д̇асса гзнажийд̇и д̇асса арахад̇о гарун̣ааяа мзд̇д̇аабхааванааяа жа саад̇исаяад̇д̇аа д̇ад̣̇абхаавзна гзнажи буг̇г̇алзна сад̣̇д̇хим̣ взраббасан̇г̇о наама над̇т̇и. иминаа кийн̣аасавзби мзд̇д̇аагарун̣аабхааванаарахид̇з гожи ад̇д̇ано жид̇д̇ад̣̇осзна взрам̣ гарзяяа, на бана д̇асмим̣ мзд̇д̇аагарун̣аажзд̇овимуд̇д̇исаманнааг̇ад̇з гожи взрам̣ гарзяяа. звам̣ махид̣̇д̇хигаа б̣рахмавихаарабхааванаад̇и д̣̇ассзд̇и.
238.Sukhaṃ paṭilabhatīti diṭṭhadhammikādibhedaṃ sukhaṃ adhigacchati. Niccameva seyyo satimato āyatiṃ hitacaraṇato. Maṇibhaddo ‘‘satimāpuggalo satokārī sampati veraṃ nappasavatī’’ti adhippāyena ‘‘verā ca parimuccatī’’ti āha. Bhagavā pana satimantatāsiddhiyā veraparimuccanaṃ na accantikaṃ, nāpi ekantikaṃ paṭipakkhena parato ca appahīnattāti taṃ nisedhento ‘‘verā ca na parimuccatī’’ti vatvā, yaṃ accantikaṃ ekantikañca parassa vasena veraparimuccanaṃ, taṃ dassento ‘‘yassā’’ti gāthamāha. Karuṇāyāti appanāppattāya karuṇāya. Karuṇāpubbabhāgeti karuṇābhāvanāya vasena uppāditapaṭhamajjhānūpacāre. Soti karuṇābhāvanaṃ bhāvento puggalo. Mettaṃsoti mettacittaṃ aṃso eko kusalakoṭṭhāso etassāti mettaṃso. Tassa kenacīti tassa arahato karuṇāya mettābhāvanāya ca sātisayattā tadabhāvena kenaci puggalena saddhiṃ verappasaṅgo nāma natthi. Iminā khīṇāsavepi mettākaruṇābhāvanārahite koci attano cittadosena veraṃ kareyya, na pana tasmiṃ mettākaruṇācetovimuttisamannāgate koci veraṃ kareyya. Evaṃ mahiddhikā brahmavihārabhāvanāti dasseti.
ман̣ибхад̣̇д̣̇асуд̇д̇аван̣н̣анаа нидтид̇аа.
Maṇibhaddasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ман̣ибхад̣̇д̣̇асуд̇д̇ам̣ • 4. Maṇibhaddasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ман̣ибхад̣̇д̣̇асуд̇д̇аван̣н̣анаа • 4. Maṇibhaddasuttavaṇṇanā
