| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. మణిభద్దసుత్తవణ్ణనా
4. Maṇibhaddasuttavaṇṇanā
౨౩౮. చతుత్థే సుఖమేధతీతి, సుఖం పటిలభతి. సువే సేయ్యోతి సువే సువే సేయ్యో, నిచ్చమేవ సేయ్యోతి అత్థో. వేరా న పరిముచ్చతీతి అహం సతిమాతి ఏత్తకేన వేరతో న ముచ్చతి. యస్సాతి యస్స అరహతో. అహింసాయాతి కరుణాయ చేవ కరుణాపుబ్బభాగే చ. మేత్తంసోతి సో మేత్తఞ్చేవ మేత్తాపుబ్బభాగఞ్చ భావేతి. అథ వా అంసోతి కోట్ఠాసో వుచ్చతి. మేత్తా అంసో ఏతస్సాతి మేత్తంసో. ఇదం వుత్తం హోతి – యస్స అరహతో సబ్బకాలం అహింసాయ రతో మనో, యస్స చ సబ్బభూతేసు మేత్తాకోట్ఠాసో అత్థి, తస్స కేనచి పుగ్గలేన సద్ధిం వేరం నామ నత్థి యక్ఖాతి. చతుత్థం.
238. Catutthe sukhamedhatīti, sukhaṃ paṭilabhati. Suve seyyoti suve suve seyyo, niccameva seyyoti attho. Verā na parimuccatīti ahaṃ satimāti ettakena verato na muccati. Yassāti yassa arahato. Ahiṃsāyāti karuṇāya ceva karuṇāpubbabhāge ca. Mettaṃsoti so mettañceva mettāpubbabhāgañca bhāveti. Atha vā aṃsoti koṭṭhāso vuccati. Mettā aṃso etassāti mettaṃso. Idaṃ vuttaṃ hoti – yassa arahato sabbakālaṃ ahiṃsāya rato mano, yassa ca sabbabhūtesu mettākoṭṭhāso atthi, tassa kenaci puggalena saddhiṃ veraṃ nāma natthi yakkhāti. Catutthaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. మణిభద్దసుత్తం • 4. Maṇibhaddasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. మణిభద్దసుత్తవణ్ణనా • 4. Maṇibhaddasuttavaṇṇanā
