| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၄. မဏိဘဒ္ဒသုတ္တဝဏ္ဏနာ
4. Maṇibhaddasuttavaṇṇanā
၂၃၈. စတုတ္ထေ သုခမေဓတီတိ, သုခံ ပဋိလဘတိ။ သုဝေ သေယ္ယောတိ သုဝေ သုဝေ သေယ္ယော, နိစ္စမေဝ သေယ္ယောတိ အတ္ထော။ ဝေရာ န ပရိမုစ္စတီတိ အဟံ သတိမာတိ ဧတ္တကေန ဝေရတော န မုစ္စတိ။ ယသ္သာတိ ယသ္သ အရဟတော။ အဟိံသာယာတိ ကရုဏာယ စေဝ ကရုဏာပုဗ္ဗဘာဂေ စ။ မေတ္တံသောတိ သော မေတ္တဉ္စေဝ မေတ္တာပုဗ္ဗဘာဂဉ္စ ဘာဝေတိ။ အထ ဝာ အံသောတိ ကောဋ္ဌာသော ဝုစ္စတိ။ မေတ္တာ အံသော ဧတသ္သာတိ မေတ္တံသော။ ဣဒံ ဝုတ္တံ ဟောတိ – ယသ္သ အရဟတော သဗ္ဗကာလံ အဟိံသာယ ရတော မနော, ယသ္သ စ သဗ္ဗဘူတေသု မေတ္တာကောဋ္ဌာသော အတ္ထိ, တသ္သ ကေနစိ ပုဂ္ဂလေန သဒ္ဓိံ ဝေရံ နာမ နတ္ထိ ယက္ခာတိ။ စတုတ္ထံ။
238. Catutthe sukhamedhatīti, sukhaṃ paṭilabhati. Suve seyyoti suve suve seyyo, niccameva seyyoti attho. Verā na parimuccatīti ahaṃ satimāti ettakena verato na muccati. Yassāti yassa arahato. Ahiṃsāyāti karuṇāya ceva karuṇāpubbabhāge ca. Mettaṃsoti so mettañceva mettāpubbabhāgañca bhāveti. Atha vā aṃsoti koṭṭhāso vuccati. Mettā aṃso etassāti mettaṃso. Idaṃ vuttaṃ hoti – yassa arahato sabbakālaṃ ahiṃsāya rato mano, yassa ca sabbabhūtesu mettākoṭṭhāso atthi, tassa kenaci puggalena saddhiṃ veraṃ nāma natthi yakkhāti. Catutthaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. မဏိဘဒ္ဒသုတ္တံ • 4. Maṇibhaddasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. မဏိဘဒ္ဒသုတ္တဝဏ္ဏနာ • 4. Maṇibhaddasuttavaṇṇanā
