| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. மணிசூளகஸுத்தவண்ணனா
10. Maṇicūḷakasuttavaṇṇanā
362. த³ஸமே தங் பரிஸங் ஏதத³வோசாதி தஸ்ஸ கிர ஏவங் அஹோஸி ‘‘குலபுத்தா பப்³ப³ஜந்தா புத்ததா³ரஞ்சேவ ஜாதரூபரஜதஞ்ச பஹாயேவ பப்³ப³ஜந்தி, ந ச ஸக்கா யங் பஹாய பப்³ப³ஜிதா, தங் தேஹி க³ஹேது’’ந்தி நயக்³கா³ஹே ட²த்வா ‘‘மா அய்யோ’’திஆதி³வசனங் அவோச. ஏகங்ஸேனேதந்தி ஏதங் பஞ்சகாமகு³ணகப்பனங் அஸ்ஸமணத⁴ம்மோ அஸக்யபுத்தியத⁴ம்மோதி ஏகங்ஸேன தா⁴ரெய்யாஸி.
362. Dasame taṃ parisaṃ etadavocāti tassa kira evaṃ ahosi ‘‘kulaputtā pabbajantā puttadārañceva jātarūparajatañca pahāyeva pabbajanti, na ca sakkā yaṃ pahāya pabbajitā, taṃ tehi gahetu’’nti nayaggāhe ṭhatvā ‘‘mā ayyo’’tiādivacanaṃ avoca. Ekaṃsenetanti etaṃ pañcakāmaguṇakappanaṃ assamaṇadhammo asakyaputtiyadhammoti ekaṃsena dhāreyyāsi.
திணந்தி ஸேனாஸனச்ச²த³னதிணங். பரியேஸிதப்³ப³ந்தி திணச்ச²த³னே வா இட்ட²கச்ச²த³னே வா கே³ஹே பலுஜ்ஜந்தே யேஹி தங் காரிதங், தேஸங் ஸந்திகங் க³ந்த்வா ‘‘தும்ஹேஹி காரிதஸேனாஸனங் ஓவஸ்ஸதி, ந ஸக்கா தத்த² வஸிது’’ந்தி ஆசிக்கி²தப்³ப³ங். மனுஸ்ஸா ஸக்கொந்தா கரிஸ்ஸந்தி, அஸக்கொந்தா ‘‘தும்ஹே வட்³ட⁴கிங் க³ஹெத்வா காராபேத², மயங் தே ஸஞ்ஞாபெஸ்ஸாமா’’தி வக்க²ந்தி. ஏவங் வுத்தே காரெத்வா தேஸங் ஆசிக்கி²தப்³ப³ங். மனுஸ்ஸா வட்³ட⁴கீனங் தா³தப்³ப³ங் த³ஸ்ஸந்தி. ஸசே ஆவாஸஸாமிகா நத்தி², அஞ்ஞேஸம்பி பி⁴க்கா²சாரவத்தேன ஆரோசெத்வா காரேதுங் வட்டதி. இத³ங் ஸந்தா⁴ய ‘‘பரியேஸிதப்³ப³’’ந்தி வுத்தங்.
Tiṇanti senāsanacchadanatiṇaṃ. Pariyesitabbanti tiṇacchadane vā iṭṭhakacchadane vā gehe palujjante yehi taṃ kāritaṃ, tesaṃ santikaṃ gantvā ‘‘tumhehi kāritasenāsanaṃ ovassati, na sakkā tattha vasitu’’nti ācikkhitabbaṃ. Manussā sakkontā karissanti, asakkontā ‘‘tumhe vaḍḍhakiṃ gahetvā kārāpetha, mayaṃ te saññāpessāmā’’ti vakkhanti. Evaṃ vutte kāretvā tesaṃ ācikkhitabbaṃ. Manussā vaḍḍhakīnaṃ dātabbaṃ dassanti. Sace āvāsasāmikā natthi, aññesampi bhikkhācāravattena ārocetvā kāretuṃ vaṭṭati. Idaṃ sandhāya ‘‘pariyesitabba’’nti vuttaṃ.
தா³ருந்தி ஸேனாஸனே கோ³பானஸிஆதீ³ஸு பலுஜ்ஜமானேஸு தத³த்தா²ய தா³ருங். ஸகடந்தி கி³ஹிவிகதங் கத்வா தாவகாலிகஸகடங். ந கேவலஞ்ச ஸகடமேவ, அஞ்ஞம்பி வாஸிப²ரஸுகுத்³தா³லாதி³உபகரணங் ஏவங் பரியேஸிதுங் வட்டதி. புரிஸோதி ஹத்த²கம்மவஸேன புரிஸோ பரியேஸிதப்³போ³. யங்கிஞ்சி ஹி புரிஸங் ‘‘ஹத்த²கம்மங் , ஆவுஸோ, கத்வா த³ஸ்ஸஸீ’’தி வத்வா ‘‘த³ஸ்ஸாமி, ப⁴ந்தே,’’தி வுத்தே ‘‘இத³ஞ்சித³ஞ்ச கரோஹீ’’தி யங் இச்ச²தி, தங் காரேதுங் வட்டதி. ந த்வேவாஹங், கா³மணி, கேனசி பரியாயேனாதி ஜாதரூபரஜதங் பனாஹங் கேனசிபி காரணேன பரியேஸிதப்³ப³ந்தி ந வதா³மி.
Dārunti senāsane gopānasiādīsu palujjamānesu tadatthāya dāruṃ. Sakaṭanti gihivikataṃ katvā tāvakālikasakaṭaṃ. Na kevalañca sakaṭameva, aññampi vāsipharasukuddālādiupakaraṇaṃ evaṃ pariyesituṃ vaṭṭati. Purisoti hatthakammavasena puriso pariyesitabbo. Yaṃkiñci hi purisaṃ ‘‘hatthakammaṃ , āvuso, katvā dassasī’’ti vatvā ‘‘dassāmi, bhante,’’ti vutte ‘‘idañcidañca karohī’’ti yaṃ icchati, taṃ kāretuṃ vaṭṭati. Na tvevāhaṃ, gāmaṇi, kenaci pariyāyenāti jātarūparajataṃ panāhaṃ kenacipi kāraṇena pariyesitabbanti na vadāmi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. மணிசூளகஸுத்தங் • 10. Maṇicūḷakasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. மணிசூளகஸுத்தவண்ணனா • 10. Maṇicūḷakasuttavaṇṇanā
