| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. ман̣ижуул̣агасуд̇д̇аван̣н̣анаа
10. Maṇicūḷakasuttavaṇṇanā
362. д̣̇асамз д̇ам̣ барисам̣ зд̇ад̣̇авожаад̇и д̇асса гира звам̣ ахоси ‘‘гулабуд̇д̇аа баб̣б̣аж̇анд̇аа буд̇д̇ад̣̇ааран̃жзва ж̇аад̇аруубараж̇ад̇ан̃жа бахааязва баб̣б̣аж̇анд̇и, на жа саггаа яам̣ бахааяа баб̣б̣аж̇ид̇аа, д̇ам̣ д̇зхи г̇ахзд̇у’’нд̇и наяаг̇г̇аахз тад̇ваа ‘‘маа аяяо’’д̇иаад̣̇иважанам̣ авожа. згам̣сзнзд̇анд̇и зд̇ам̣ бан̃жагаамаг̇ун̣агаббанам̣ ассаман̣ад̇хаммо асагяабуд̇д̇ияад̇хаммод̇и згам̣сзна д̇хаарзяяааси.
362. Dasame taṃ parisaṃ etadavocāti tassa kira evaṃ ahosi ‘‘kulaputtā pabbajantā puttadārañceva jātarūparajatañca pahāyeva pabbajanti, na ca sakkā yaṃ pahāya pabbajitā, taṃ tehi gahetu’’nti nayaggāhe ṭhatvā ‘‘mā ayyo’’tiādivacanaṃ avoca. Ekaṃsenetanti etaṃ pañcakāmaguṇakappanaṃ assamaṇadhammo asakyaputtiyadhammoti ekaṃsena dhāreyyāsi.
д̇ин̣анд̇и сзнаасанажчад̣̇анад̇ин̣ам̣. бариязсид̇аб̣б̣анд̇и д̇ин̣ажчад̣̇анз ваа идтагажчад̣̇анз ваа г̇зхз балуж̇ж̇анд̇з язхи д̇ам̣ гаарид̇ам̣, д̇зсам̣ санд̇игам̣ г̇анд̇ваа ‘‘д̇умхзхи гаарид̇асзнаасанам̣ овассад̇и, на саггаа д̇ад̇т̇а васид̇у’’нд̇и аажигкид̇аб̣б̣ам̣. мануссаа саггонд̇аа гариссанд̇и, асаггонд̇аа ‘‘д̇умхз вад̣дхагим̣ г̇ахзд̇ваа гаараабзт̇а, маяам̣ д̇з сан̃н̃аабзссаамаа’’д̇и вагканд̇и. звам̣ вуд̇д̇з гаарзд̇ваа д̇зсам̣ аажигкид̇аб̣б̣ам̣. мануссаа вад̣дхагийнам̣ д̣̇аад̇аб̣б̣ам̣ д̣̇ассанд̇и. сажз ааваасасаамигаа над̇т̇и, ан̃н̃зсамби бхигкаажааравад̇д̇зна аарожзд̇ваа гаарзд̇ум̣ ваддад̇и. ид̣̇ам̣ санд̇хааяа ‘‘бариязсид̇аб̣б̣а’’нд̇и вуд̇д̇ам̣.
Tiṇanti senāsanacchadanatiṇaṃ. Pariyesitabbanti tiṇacchadane vā iṭṭhakacchadane vā gehe palujjante yehi taṃ kāritaṃ, tesaṃ santikaṃ gantvā ‘‘tumhehi kāritasenāsanaṃ ovassati, na sakkā tattha vasitu’’nti ācikkhitabbaṃ. Manussā sakkontā karissanti, asakkontā ‘‘tumhe vaḍḍhakiṃ gahetvā kārāpetha, mayaṃ te saññāpessāmā’’ti vakkhanti. Evaṃ vutte kāretvā tesaṃ ācikkhitabbaṃ. Manussā vaḍḍhakīnaṃ dātabbaṃ dassanti. Sace āvāsasāmikā natthi, aññesampi bhikkhācāravattena ārocetvā kāretuṃ vaṭṭati. Idaṃ sandhāya ‘‘pariyesitabba’’nti vuttaṃ.
д̣̇аарунд̇и сзнаасанз г̇обаанасиаад̣̇ийсу балуж̇ж̇амаанзсу д̇ад̣̇ад̇т̇ааяа д̣̇аарум̣. сагаданд̇и г̇ихивигад̇ам̣ гад̇ваа д̇аавагаалигасагадам̣. на гзвалан̃жа сагадамзва, ан̃н̃амби ваасипарасугуд̣̇д̣̇аалаад̣̇иубагаран̣ам̣ звам̣ бариязсид̇ум̣ ваддад̇и. бурисод̇и хад̇т̇агаммавасзна бурисо бариязсид̇аб̣б̣о. яам̣гин̃жи хи бурисам̣ ‘‘хад̇т̇агаммам̣ , аавусо, гад̇ваа д̣̇ассасий’’д̇и вад̇ваа ‘‘д̣̇ассаами, бханд̇з,’’д̇и вуд̇д̇з ‘‘ид̣̇ан̃жид̣̇ан̃жа гарохий’’д̇и яам̣ ижчад̇и, д̇ам̣ гаарзд̇ум̣ ваддад̇и. на д̇взваахам̣, г̇ааман̣и, гзнажи барияааязнаад̇и ж̇аад̇аруубараж̇ад̇ам̣ банаахам̣ гзнажиби гааран̣зна бариязсид̇аб̣б̣анд̇и на вад̣̇аами.
Dārunti senāsane gopānasiādīsu palujjamānesu tadatthāya dāruṃ. Sakaṭanti gihivikataṃ katvā tāvakālikasakaṭaṃ. Na kevalañca sakaṭameva, aññampi vāsipharasukuddālādiupakaraṇaṃ evaṃ pariyesituṃ vaṭṭati. Purisoti hatthakammavasena puriso pariyesitabbo. Yaṃkiñci hi purisaṃ ‘‘hatthakammaṃ , āvuso, katvā dassasī’’ti vatvā ‘‘dassāmi, bhante,’’ti vutte ‘‘idañcidañca karohī’’ti yaṃ icchati, taṃ kāretuṃ vaṭṭati. Na tvevāhaṃ, gāmaṇi, kenaci pariyāyenāti jātarūparajataṃ panāhaṃ kenacipi kāraṇena pariyesitabbanti na vadāmi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. ман̣ижуул̣агасуд̇д̇ам̣ • 10. Maṇicūḷakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. ман̣ижуул̣агасуд̇д̇аван̣н̣анаа • 10. Maṇicūḷakasuttavaṇṇanā
