| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. ман̣ибууж̇агад̇т̇зраабад̣̇аанаван̣н̣анаа
8. Maṇipūjakattheraapadānavaṇṇanā
орзна химаванд̇ассаад̇иаад̣̇игам̣ ааяасмад̇о ман̣ибууж̇агад̇т̇зрасса абад̣̇аанам̣. аяамби т̇зро буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз згасмим̣ гулз ниб̣б̣ад̇д̇о гхарааваасам̣ сан̣табзд̇ваа д̇ад̇т̇аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇аорабхааг̇з згиссаа над̣̇ияаа самийбз бан̣н̣асаалам̣ гаарзд̇ваа васанд̇о вивзгагаамад̇ааяа д̇ассаанугамбааяа жа д̇ад̇т̇а убаг̇ад̇ам̣ бад̣̇умуд̇д̇арам̣ бхаг̇аванд̇ам̣ д̣̇исваа басаннамаанасо ман̣ибаллан̇гам̣ бхаг̇авад̇о бууж̇зси. бхаг̇аваа д̇асса басаад̣̇авад̣дханад̇т̇ааяа д̇ад̇т̇а нисийд̣̇и. со бхияяосомад̇д̇ааяа басанно ниб̣б̣аанаад̇хиг̇амад̇т̇ааяа бад̇т̇анам̣ агааси. бхаг̇аваа анумод̣̇анам̣ вад̇ваа баггаами. со д̇зна бун̃н̃зна д̣̇звамануссзсу сам̣саранд̇о саб̣б̣ад̇т̇а бууж̇ид̇о сукам̣ анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ вибхавасамбаннз гулз ниб̣б̣ад̇д̇о гхарааваасам̣ васанд̇о згад̣̇ивасам̣ сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа нажирассзва арахаа ахоси.
Orenahimavantassātiādikaṃ āyasmato maṇipūjakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kule nibbatto gharāvāsaṃ saṇṭhapetvā tatthādīnavaṃ disvā gharāvāsaṃ pahāya tāpasapabbajjaṃ pabbajitvā himavantaorabhāge ekissā nadiyā samīpe paṇṇasālaṃ kāretvā vasanto vivekakāmatāya tassānukampāya ca tattha upagataṃ padumuttaraṃ bhagavantaṃ disvā pasannamānaso maṇipallaṅkaṃ bhagavato pūjesi. Bhagavā tassa pasādavaḍḍhanatthāya tattha nisīdi. So bhiyyosomattāya pasanno nibbānādhigamatthāya patthanaṃ akāsi. Bhagavā anumodanaṃ vatvā pakkāmi. So tena puññena devamanussesu saṃsaranto sabbattha pūjito sukhaṃ anubhavitvā imasmiṃ buddhuppāde sāvatthiyaṃ vibhavasampanne kule nibbatto gharāvāsaṃ vasanto ekadivasaṃ satthu dhammadesanaṃ sutvā paṭiladdhasaddho pabbajitvā nacirasseva arahā ahosi.
34. со згад̣̇ивасам̣ ад̇д̇анаа гад̇агусалам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о орзна химаванд̇ассаад̇иаад̣̇имааха. д̇ад̇т̇а орзнаад̇и химаванд̇асса абарам̣ бхааг̇ам̣ вихааяа орзна, бхуммад̇т̇з гаран̣аважанам̣, орасмим̣ д̣̇исаабхааг̇зд̇и ад̇т̇о. над̣̇игаа самбавад̇д̇ат̇аад̇и абаагаданаамад̇хзяяаа згаа над̣̇ий сам̣судту бавад̇д̇ааний вахааний санд̣̇амаанаа ахосийд̇и ад̇т̇о. д̇ассаа жаанубакзд̇д̇амхийд̇и д̇ассаа над̣̇ияаа анубакзд̇д̇амхи д̇ийрасамийбзд̇и ад̇т̇о. саяамбхуу васад̇з д̇ад̣̇аад̇и яад̣̇аа ахам̣ ман̣ибаллан̇гам̣ бууж̇зсим̣, д̇ад̣̇аа анаажарияаго худ̇ваа саяамзва б̣уд̣̇д̇хабхууд̇о бхаг̇аваа васад̇з вихарад̇ийд̇и ад̇т̇о.
34. So ekadivasaṃ attanā katakusalaṃ saritvā sañjātasomanasso pubbacaritāpadānaṃ pakāsento orena himavantassātiādimāha. Tattha orenāti himavantassa aparaṃ bhāgaṃ vihāya orena, bhummatthe karaṇavacanaṃ, orasmiṃ disābhāgeti attho. Nadikā sampavattathāti apākaṭanāmadheyyā ekā nadī saṃsuṭṭhu pavattānī vahānī sandamānā ahosīti attho. Tassā cānupakhettamhīti tassā nadiyā anupakhettamhi tīrasamīpeti attho. Sayambhū vasate tadāti yadā ahaṃ maṇipallaṅkaṃ pūjesiṃ, tadā anācariyako hutvā sayameva buddhabhūto bhagavā vasate viharatīti attho.
35. ман̣им̣ баг̇г̇аяха баллан̇ганд̇и ман̣инд̇и жид̇д̇ам̣ аараад̇хзд̇и соманассам̣ гарод̇ийд̇и ман̣и, ат̇а ваа маад̇и бамаан̣ам̣ гарод̇и аабхаран̣анд̇и ман̣и, ат̇а ваа маранд̇ааби рааж̇аяуварааж̇аад̣̇аяо д̇ам̣ на барижжаж̇анд̇и д̇ад̣̇ад̇т̇ааяа сан̇г̇аамам̣ гаронд̇ийд̇и ман̣и, д̇ам̣ ман̣им̣ ман̣имаяам̣ баллан̇гам̣ манорамам̣ саад̇ху жид̇д̇ам̣ судту вижид̇д̇ам̣ баг̇г̇аяха г̇ахзд̇ваа б̣уд̣̇д̇хасздтасса абхиробаяим̣ бууж̇зсинд̇и ад̇т̇о. сзсам̣ саб̣б̣ам̣ уд̇д̇аанад̇т̇амзваад̇и.
35.Maṇiṃ paggayha pallaṅkanti maṇinti cittaṃ ārādheti somanassaṃ karotīti maṇi, atha vā māti pamāṇaṃ karoti ābharaṇanti maṇi, atha vā marantāpi rājayuvarājādayo taṃ na pariccajanti tadatthāya saṅgāmaṃ karontīti maṇi, taṃ maṇiṃ maṇimayaṃ pallaṅkaṃ manoramaṃ sādhu cittaṃ suṭṭhu vicittaṃ paggayha gahetvā buddhaseṭṭhassa abhiropayiṃ pūjesinti attho. Sesaṃ sabbaṃ uttānatthamevāti.
ман̣ибууж̇агад̇т̇зраабад̣̇аанаван̣н̣анаа самад̇д̇аа.
Maṇipūjakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. ман̣ибууж̇агад̇т̇зраабад̣̇аанам̣ • 8. Maṇipūjakattheraapadānaṃ
